اشهر الاطباق المصرية

**سلوى يحيى** · #1 05-08-2006, 04:13 PM

السلام عليكم ورحمة الله وبركاته
اخواتى الجميلات فى منتدى بنات انا اختكم سلوى من مصر والموضوع ده ان شاء الله هيكون فيه كل اسبوع بعون الله اكلة مختلفة من المطبخ المصرى ويارب تنال اعجابكم
انتظرونى ان شاء الله مع اول طبق مصرى هو(المسقعة)........

المصدر: منتديات بنات دوت كوم

haiv hgh'fhr hglwvdm

الموضوع الأصلي : اشهر الاطباق المصرية || القسم : صندوق ذكرياتـــنــا .. || المصدر : منتديات بنات دوت كوم || كاتبة الموضوع : سلوى يحيى

**راعية بنات دوت كوم** · منذ /05-08-2006, 06:03 PM

مشكووووووووووووووووووورة أخت سلوى
بس ياريت يكون مدعم بالصور
الخطوات بيكون صعب سشوي بس ياريت النتيجه النهائيه وجزاكي الله خير

**shimaa900** · منذ /06-08-2006, 01:44 AM

انا مصرية ايضا وساشجعك

**("غنج نجد")** · منذ /06-08-2006, 04:06 AM

امووووووووووت اناااااااااا في الاكل المصري زي الكشري والفطير المشلتت امممممممم وناااااااااااسه

**سلوى يحيى** · منذ /07-08-2006, 04:43 PM

جزاكم الله خيرا اخواتى راعية بنات دوت كوم وشيماء وياريت خليكى جنبى لاحسن نتفضح واختى عنج نجد واهلا بيكم
دلوقتى بقه ركزوا معايا بس معلش المرة دى مفيش صور وهاحاول المرة الجاية ان شاء الله
معاكم ورقة وقلم....

ها جبتم....

كويس كده

اكتبوا بقه:
المقادير: 1\2 كيلو باذنجان رومى اللى هو اسود وكبير
1\2كيلو طماطم
1\2كيلولحم مفروم
بصل وتوابل
الطريقة:
نقطع الباذنجان شرائح تكون سميكة شوية عشان فى النضج لا يتهرى ونحمره فى الزيت
قبل كده نكون عاملين اللحم المفروم مشوحينه على النار مع البصل المبشور والملح والفلفل ونكون عاملين الصلصة نعصر الطماطم وبعدين نحمر ثوم فى او بصل عشان تكون اخف فى الزيت ونحط عليه عصير الطماطم ونظبط الملح والفلفل والبهارات ونسيبها تغلى لغاية ما يكون سمكها معقول ونطفى عليها. نرجع بقه للباذنجان قولنا نحمره فى الزيت وده يكون آخر حاجة ونكون محضرين صينية حجمها مناسب ونحط باذنجان فى الاول وبعدين اللحم المفروم وبعدين باقى الباذنجان وبعدين الصلصة مع مراعاة ان الباذنجان يكون مغطى الصينية كويس وبعد كده نحطها فى الفرن يكون سخن ونسيبها حوالى 1\4 ساعة لغاية وشها ما يحمر وبعد كدة نطلعها ونكلها بس حاسبوا عشان سخنة.
ملحوظة:
مش لازم نعمل الطماطم كلها ولكن حسب ما نحس انه كفاية للصينية كمان ممكن نعمل حسابنا فى باذنجان اكتر عشان يكون كافى للتغطية تحت وفوق . وبالهنا والشفا:) :)

**سلوى يحيى** · منذ /12-08-2006, 05:32 PM

ها يا بنات ........الاكل عجبكم؟؟؟
عايزة اعرف رايكم ايه عشان اعرف اذا كنت هاكمل ولا لأ؟؟؟
منتظرة ردكم................

**بنت الخور** · منذ /14-08-2006, 06:02 PM

مرسي اختي على ده الوصفة الجميلة

**سلوى يحيى** · منذ /15-08-2006, 07:57 PM

تسلمى اختى بنت الخور بس يعنى ايه بنت الخور؟؟؟ عايزة اعرف

المهم يا بنات الوصفة الثانية او الاكلة الثانية سهلة جدا ويمكن تكونوا عارفينها هى..........

البيض بالبسطرمة...

بصوا بقه....

نجيب البسطرمة ونقطعها قطع صغيرة او متوسطة وده طبعا بعد ما ننظفها
وبعدين نشوحها فى شوية زيت وبعد كده نحط البيض عليها ونقلبهم على بعض لغاية البيض ما يستوى مع البسطرمة.

وبالهنا والشفا

**prettey angel** · منذ /17-08-2006, 01:36 AM

ياااااااااااااااا بجد بجد انا بمووووووووت في حاجه اسمها مسقعه
والف شكر ياسلوي علي الوصفات الجميله والمبسطه دي ويارب دايما تجيبي وصفات كويسه كده
عشان انا باامانه مش بعرف اعمل اي حاجه وماما كل ماتدخلني المطبخ نزعق مع بعض وبزعل اوي
ونفسي اتعلم ومش عارفه اعمل ايه اهئ اهئ اهئ
خليكي جيبي وصفات سهله كده
اوك سلام

**silence shadow** · منذ /17-08-2006, 04:42 AM

امممممممممم
مشكورة اختي

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)