(( روحــــي فــــداك )) قصة حب كويتية..من تأليفي...

[رغوووووووودي]

يلا ترى كل يوم أدخل أشوف نزلتي ولا لا

[قوية بكلمتي]

والله ثم والله أني كرهت حاجة إسمها الصبر ترانا والله طفشنا ...........سألك سؤال وهو:
إنتي ناويه تكملينها ولالا؟؟
و
إذا كنتي بتكملينها بسرعة ولا لا؟؟
رجااااااااااااااااااءً جاوبي
بإنتظار الجواب

[قوية بكلمتي]

والله ثم والله أني كرهت حاجة إسمها الصبر ترانا والله طفشنا ...........سألك سؤال وهو:
إنتي ناويه تكملينها ولالا؟؟
و
إذا كنتي بتكملينها بسرعة ولا لا؟؟
رجااااااااااااااااااءً جاوبي
بإنتظار الجواب

[м є є s s ш]

هــــــــــــــــــــــــــدباء وينــكـ..؟؟

ليــشــ تخلينا نتابعــ القصهــ وفيــ الآخـــير

ماتكملينــها..؟؟

[هدباء]

معكم كل الحق تعاتبوني على التـــــــــــــــــــــــــــــــــــــــــــــــ ــــــــــــــــــــــــــاخير

بس قبل العتاب و الــــــــــــــــــــوم

أتركم مع الجزء

يتــــــــــــــــــــــــــــــــــــــــــــــــ ـــــــــــــبع

[هدباء]

..".. الجزء الخامس عشر .."..

(( الفصل الأول ))

طال انتظاري و الوله يحرق الجوف

و الصبر ما يطفي من البعد ناري

أكتم شعور الشوق و أصارع الخوف

و في داخلي من الهم نهر جاري

أضحك و لحن الحزن بالصدر معزوف

و دمعي حبسته لا يبين أنهياري

همت بالوقوف و اهي تمسك الجدار إلي وراها أول ماوقفت حست بالدنيا تدور فيها و أشهقت بصوت عالي منها صدر :_أااااااااااااااااااااااااااااااااااااااااااااااااااااااااااااااااااااااااااااااااه .....

أرتمت علىالأرض مغمى عليها و مع صدى صوتها فتح بابه جاسم كان يعلن أنتهائه من الصلاة و ترددصوتها بمسمعه ؟!؟!؟!؟!؟!؟!؟!؟!؟!؟!؟!؟

تسارعت دقات قلبه .. بدى العرق يسري على جبينه و الخوف يجتاح كل ثغرات جسمه الصوت تردد من غرفة ريم .. بعد ما أدرك نفسه من الصدمة و الخوف ركض بسرعته للباب .. .. ..

جاسم :_ ريم ريم .. ريم ريم .. ريم تكفين ردي علي ريم فيج شي ريم علشاني فجي الباب ريــــــــــــــــــــــــــــــــــــــــــــــــ ــــــــــــــــــــــــــــــــــم .. .. ..

و لا يسمع سوى الصمت الخارق يتردد من غرفتها بعد الصرخة إلي تتردد بأذنه مثل الشي الي يصم الأذن لقوته و يبعث الخوف بخفقان دقات قلبه .. .. ..

جاسم و الخوف تملكه من كل زواياه سحب معاه دمعاته إلي بدت تتناثر على خدينه و بصوته المبحوح :_ ريــــــم ريـــــــــــم ولي يسلم والدينج ردي تكفيـــــن .. .. ..

بين هدوء يجعل لخفقان القلوب صدى يتردد كانت مرتمية بجسمها على الأرض اشبه بالميت و فاقدة الوعي تماماً .. .. ..

جاسم إلي نفذ صبره من محاولاته معاها هم بالوقوف و بلمح البصر ركض لبرة الجناح و نزل على اول مصعد لمكتب الأستقبال .. وصل وهو يركض بتعب و خوف ..

(( الحوار مترجم ))

جاسم :_ لو سمحتي بغيت اطلب اذا عندكم نسخ لمفاتيح الجناح .

الموظفة :_ اي موجود بس لحظة .

جاسم بخوف و ارتباك يجتاحه :_ بسرعة لو سمحتي .

تحركت الموظفة لداخل و جاسم بعينه يناظرها ولو وده ركض بدالها لنسخ و سحبهم ولكن ماله إلا الصبر انتظر دقيقتين بالكثير وصلت الموظفة بالنسخ و سحبهم من دون شكرها و ركض بسرعته .. ناظرته الموظفة مستغربة لتصرفه .. ..

بعد دقيقتين وصل بسرعته جاسم للجناح و بدى كل شوي يجرب مفتاح كانوا كلهم شبه بعض و هذا إلي صعب عليه .. و الأخير إلي بقى بسهولة أنلف و حس جاسم قلبه بلهفة مب قادر يكتمها فتح الباب بسرعة ودخل وعينه على سريرها ما لقى احد ناظر عند الحمام ما لقى احد انتبه للأنارة مغلقة .. مشى بهدوئه جاسم و دموعه عاودت تنهدل على خدينه :_ ريم ريم وغلاتج ردي تكفين لا تذبحيني تكفين.

فتح الأنارة و توجه للبلكونة ولكن توقف بعد خطوتين وعينه تناظر إلي جدامه

بنت اشبه بالملاك بشعرها الطويل الاسود الناعم .. بياض ويها .. جمال ويها الرهيب النادر بين البشر .. تحتوي جسم صغير .. مرتمية على الأرض و هلالة التعب تحاوط عيونها .. شهق بركضته لها :_ ريــــــــــــــــــــــــــــــــــــــــــــــــ م ..

وصل لعندها و رفع راسها على ذراعه حاول يصحيها تركها ثواني و ركض للمطبخ و وصل لها مرة ثانية بكاس ماي بلل ويها ولكنها كانت مثل الميت .. سحب عطرها الي كان على الديرس و حطاه لعند خشمها .. بهالحظات و كأن ثغرات الأمل تهطل مثل المطر على جاسم .. تحركت ريم بنزعاج من الريحة القوية القريبة من خشمها

جاسم :_ ريم ريم .. فتحي عينج لي ريم تكفين قولي لي انتي ابخير ريم تكفين .

ريم تحاول تفتح عينها من شرنقة الظلام إلي تعيشها بصعوبة .. جاسم اخذ بيده ماي بارد و مسحه على ويها و مرره لعند عينها .. بهالحظة فتحتها بسهولة اشوي و التقت عينها بعين جاسم و تمت تناظره .. جاسم تعلقة عينه على ريم ما كان قادر يفارج عينه عنها و لكثر خوفه عليها بجى و تهادلت دمعاته ولكن هالمرة تهادلوا على خدين ريم .. تحسست لدفاهم و حرارتهم .. و توجعت اكثر يكفيها تعبها وشلون رح تتحمل دموعه وشلون .. .. ..

كانت ريم راسها بوسط حضن جاسم وهو لامها له وجسمها الباجي على الأرض

جاسم :_ أنتي أبخير .

ريم تهز راسها له بأنها ابخير

جاسم :_ شلي صابج ليش طحتي ؟!

ريم تناظره و بصوتها المتعب و المبحوح من البجي :_ ما قدرة اقوم حوالي اكثر من يوومين ما كليت و لا شربت و لا حتى رقدة و البجى ما طاع يفارجني تعبت و فقدة الوعي بوقت ما نويت اقوم اصلي الفجر .. .. ..

جاسم :_ زين خليني اقومج عشان نروح المستشفى .

ريم :_ لالا ماله داعي الحين برتاح و بكون أحسن .

جاسم :_ ريم بلا عناد جوفي حالتج جوفي شكلج اشذنبه جسمج تعاقبينه جذي .

ريم المعت عينها بالدموع :_ بس انا صدقني ابخير بس ابي ارتاح .

جاسم مد يدينه لجسمها الباجي و تحرك ليحملها

ريم :_ اشفيك شبتسوي فيني .

جاسم :_ ما طعتي تروحين مستفشى بمشيها بس مالج قومة لحالج على السرير تركيني احملج .

ريم :_ جـ .....

جاسم يقاطعها :_ لا جاسم و لا غيره .

أسرها بكلمته و حملها بيدينه اغمضت عينها ما قدرة تستوعب قربها منه هالكثر .. ابتسم عليها جاسم ياااااااااااااااااه لازم تستحي و لا بتيوز .. .. وصل فيها لسرير و نزلها بهداوة ليمن استرخت وسحب الحاف .. ريم :_ لالا تركه عنك .

جاسم يناظرها بحدة .. ابعدة عينها ريم و تركته على راحته .. لحفها وتم احذالها يالس .. ريم تناظره :_ اشفيك ؟

جاسم يناظرها بدقة :_ مُعجب .. تقبلين أعجابي فيج .

ريم و اهي توطي عينها بخجل من كلماته الصريحة :_ جاسم باين انك ما رقدة قوم ريح لك .

جاسم :_ هههههههههههه افااا انا الي راقد و مخلص الرقادكله قولي هالحجي لج.

ريم تنحرج :_ زين ممكن ارقد .

جاسم :_ لا تفكرين اني بطيع اتركج لحالج من يدري شيصير فيج ما رح اطلع الا لمن اتطمن عليج .

ريم :_ زين تطمن انا ابخير .

جاسم :_ لا والله اقول بلا هذرج ورقدي ما رح اطلع .

ريم تحقره و تسكر عينها عنه .. تم يناظرها و اهي تحسب رح تلعب عليه لمن تمثل بانها سكرة عينها ولكن تعبها لعب عليها و اغرقة بالأحلام و اهو تم حذالها يداريها و عينه ما شبعت من كثر ما ناظرتها و ناظرت كل تراسيم حلا ويها

يثيرنى صوتك الهادي يغيرني اهيم وارحل واسافر فى مساحاته

يجتاح قلبى ويسرىفى شراييني وينسي خفوقى على صوتك معاناته
تدرى حبيبى ترى صوتك يدفيني زعلانراضي يدفى بكل حالاته
سولف وضيع معك اجمل عناويني فيه غيرك عسل حرفهعلى شفاته
يهدمني اصوت كل مره ويبنيني عيش عمري قبل تشرفنهاياته
فى الحب كلى معك سلمتكيدينى وانا الهوى دارسه وافهمبلهجاته
فداك روحى وعلى كيفك تودينى ماقول دربك حبيبى وينوجهاته
خذنى من الليل باحضانك ودارينى بتظاهر الخوف من ليلى وعتماته

تعلقت العيون ببعضها .. لحضات مرت بينهم الصمت كان سيد الموقف و حوار العيون كان متملك المكان و قربهم لبعض .. ابعد عينه طلال وهو متذمر على كل ما فكر فيه بمروة .. سحب الباقة و ارتفع ليوقف مروة انحرجة و ارتفعت بالمثل و اهي موطية راسها ..

طلال :_ أسف ما كنت منتبه .

مروة و قلبها بدى دقه يتسارع اسحبة الباقة من يد طلال :_ يتهنى الي سارق فكرك .

مشت عنه و اتركته جامد بمكانه .. تسارعت لتدخل الغرفة الي اول ما ادخلت بدت تسلم ياااااه اشكثرهم الله يزيدهم و يخليهم ان شاء الله .. .. ..

بهالحظات وصلوا عايلة أم فيصل لجناح بدور و ألتقوا بطلال .. .. ..

فيصل يلهي أرتباكه :_ هلا طلال اشلونك ولد الخال عساك طيب اشلون الأهل .

طلال وهو لحين بحالته من شوفة مروة :_ هلا هلا فيك فيصل الحمدالله كلنا أبخير ما نشكي باس نسأل عنكم ..

توجه لأبو فيصل يلسم عليه و من بعده عمته أم فيصل ...

طلال وهو يبوس راس عمته :_ زارتنا البركة والله شلونج عمتي عساج على القوة .

أم فيصل :_ با بعد قلبي كبرت وصرت ريال ربي يحميك و يحفظك انا ابخير يا يمه الاهم شخباركم انتوا .

طلال :_ كلنا ابخير ما نبي الا سلامتكم و شوفتكم بينا .

ام فيصل :_ تسلم يا ولدي .

نواف :_ عيييااااااار ناسينا .

طلال :_ اوب اوب والله السموحة اشلونك شخبارك .

هلا نواف بطلال و من بعدها ادخلوا جميع و فيصل يعد الثواني و الدقايق و شهد يا كثر رجفت قلبها الي بدى يدق بسرعة .. .. ..

ابو فيصل وهو يدخل و حذاله ام فيصل :_ السلام عليكم و الرحمة .

قلبين اهتزوا بآن واحد .. واحد من لهفة الشوق الي فيه و الثاني من ارتباكه إلي اجتاح كل ثغرات قلبه .. وهم قلبين محمد و ملاك .. .. ..

ابو وليد :_ يا مرحبا هلا والله بيك يا ابو فيصل نورت والله نورت الجهراء علينا .

أم فيصل ترد على أخوها :_ النور نورك يا اخوي اشلونك عساك ابخير .

[هدباء]

أبو وليد :_ يا هلا بالغالية أنا ابخير دامج ابخير اشحالج .

و بدى الترحيب عندهم و من بعدها دخلوا نواف و فيصل و ملاك قلبها يرتجف ارفعة عينها بلحظة ما ادخلوا ناظرتهم اثنينهم ولكنها ميزت فيصل عن نواف لأنه كان بلباسه الأصيل دشداشته و اشماغه و اعقاله كان له هيبة عند قلب ملاك و حست تبي تهرب من عيونه لا تفتش عليها ..

محمد وهو يحتاس بمكانه :_ عمييي نويصرووووه شنو يعني مطولين ما بيدشون .

ناصر :_ ههههههههههههههه اصبر زين عاد ذبحتنا لا تفضح حالك الحين .

و بهالحظات يدخلون كل من مريم و حذالها شهد و لقطها محمد بعينه من بعيد مثل الصقر الي لمن يلقط فريسته من عالي سما ربه

محمد :_ وييييييييييييييييييييييييه مالي قلب مالي حال يودي نويصر يودي لا اطيح عليك .

ناصر :_ بسم الله اشحاشك انت اوقف حالك حال الرياييل اعنبوااا مب مبنت ذي هاي قنبلة ذرية نازلة عليك .

محمد :_ و اكثر و اكثر .

ناصر :_ ههههههههههههههههههههههههه خوش نكتة أنت .

بدى الترحيب عند الحريم على على أم فيصل و بناتها .. ليمن استراحوا بوسط الأهل ارفعة عينها شهد لأختها و أهي ترتجف :_ وينه ؟!؟!؟

مريم ارفعة عينها تدور احذال الرياييل عن محمد اول ما لقته كان عينه على شهد ابتسمت يا عيني على الحب القلوب عند بعضها .. اقتربت لاختها و اهمست لها :_ وينه بعد احذال عمي ناصر و عينه مب طايعة تفارجج ذبحتي الريال الله ياخذ ابليسج ان شاء الله قولي آمين .

شهد :_ شنهوووووو يناظرني يا ربي اشلون الحين ارفع عيني اجوف الناس و العالم و خلق الله والله بيشكون و بيفضحنا اليوم .

مريم :_ يا عيني على الحب يا بلاش .

فيصل وهو واقف احذال اعيال خواله ماهب من طبعه يناظر بالحريم لكن ملاك كانت أسرته و رابكته وده بس يفتش عليها و يجوفها يجوف ويها كان هذا الي يتمناه .. ..

تمت عينه تتسرق لحظات و تناظر لحذال الحريم ليمن لقط مرة عمه أم مشعل فعرف اكيد بناتها احذالها ناظر الي صوبها كانت بالذات و الخصوص ملاك ولكنها لافة بويها لعند اختها مروة تحاجيها فما لمحها بوضوح ولكن لمح بياض ويها الحلووو احتاس قلبه بمكانه الله يستر اذا هذا بياضها وشلون ملامحها .. وطى نظره و ابعده عن الحريم و التهى بسوالفه مع عيال خواله .. .. ..

نوف كانت احذال ولد اخوها الي ما طاعت تفارجه من اوصلت للمستشفى كانت احذاله و ناظرته بهالحضات لقته يفتح عينه .. نوف :_ يا قلبي على خلووود باين انه صحى بعد روحي كلها يا حبيب عمتوووووووه .

بدور :_ هووو اشوي اشوي على ولدي .

نوف بخبالها :_ شنهووو روحي روحي زين خليني انا و ولد اخوي ننياز مب جذي حبيبي خلوود .

مدت يدها لداخل سريره الصغير و احملته لعندها تمت تلاعبه اشوي و من بعدها بدى يتنقل ما بين الاهل شي الحريم و شي عند الرياييل و كل من يناظره يصلي على النبي لحلاته و يقولون بانه ماخذ ويه جاسم عمه بالكامل .. .. ..

أمانـة .. لا تعلقنـي معـاك وتنسحـب بسـكـات "

" أمانة .. كـل مـا يطـري عليـك البعـد علمنّـي

وأمانة .. لا تعيشنيعلـى رجـوى زمـان ٍفـات "

" إذا هان الذي بينـي وبينـك .. حّـن .. وأرحمنـي
وأمانة .. لا توقفني علـى بـاب الأمـل لحظـات "
" ترى كـل شـي يهـون ..إلا تـروح ولا تكلمنّـي
وتراهـا كلمـة وحـده بـلا عـذر وبـلا إثبـات "
" وإذا خفت الزعـل منهـا .. تراهـا مـا تزعلنّـي
أنا أزعل يوم تنساني وأناأتبع حلمـي اللـي مـات "
" وأنا أذكر ما دهى قلبي .. ( مابغى مـن يذكرنـي )
بدايـة قصتـي كلمـة .. وآخـر قصتـي أبيـات "
" عذاب ٍكل ما طالت سنينهشفـت المـوت طاولنّـي
أنا اللي ما وفـى حظـي سـوا بالهـم واللوعـات "
" أمنّـي قلبـي الطيـب .. وأشـوف الحـظ خاينّـي "

على أراضي باريس .. جاسم ترك ريم لحالها بعد ما أرقدة و تحرك للمطبخ و سوى لها فطور من يدينه كان باين عليه شهي لشكله المنسق و الأنيق احمله بالصينية الخاصة للفطور و تحرك فيه لعند ريم .. دخل عرفتها لقاها تتحرك بوسط افراشها ابتسم من قلبه لها و تحرك احذالها و تركه الفطور على الديرس و تحرك لعند ريم

جاسم :_ ريم .. ريم بلا بسج ارقاد ردقتي واااايد .

ريم كانت ناسية اهي في وين من كثر ما غرفة بالرقاد و حسبالها امها الي تصحيها التفت و اهي مسكرة عينها امسكت يدين جاسم تحسبهم يدين امها و باستهم :_ زين يمه قايمة الحين بس برقد اشوي بعد .

ناظرها جاسم باستغراب و لكنه ضحك من قلبه عليها شكلها مب عارفة شتسوي يا حليلاتج يا ريم ..

جاسم :_ ريووووووم انا جاسم مب امج .

فتحت عينها ريم بصدمة على كلمة جاسم لها :_ شنوووو .

تمت تناظره وهو يبتسم لها بخبث .. عصبت عليه و احقرته .. ضحك على عنادها و ابتعد اشوي عنها و ياب لها صينية الفطور و حطها عليها و اهي منسدحة .. ..

ريم تلتفت لينون جاسم :_ اشوي اشوي اتركني اقوم مب تحطها جذي علي .

حقرها جاسم ( وحدة بوحدة ) و تحركت ريم لتقعد بالوضعة المناسبة و حط لها الصينية .. تمت تناظر الصينية و الأطباق الي تحويها و كل شي فيها

ريم ترفع نظرها لجاسم :_ من مسويه ؟

جاسم ببتسامة تخجل من يناظره و عينه بدقة نظرها تعانق نظر عيون ريم :_ أنا .

ريم حواها التعجب بوقت ما انتبهت لنظرة جاسم و ابتسامته و ابعدت نظرها حست قلبها بدى يدق بخفقان سريع :_ أنت ؟!؟!؟!؟

جاسم :_ ليش مب ساد عينج .

ريم :_ لا مو قصدي جذي بس ما توقعت تعرف تطبخ .

جاسم :_ لا بالعكس مب معناتها أني ريال ما أعرف أطبخ بعدين الطبخ ماهب من سوالف الحريم و بس يمكن اكلي احسن من أكلج ( قالها بغرور ) .

ريم تنسى حالها تحسب جاسم وحدة من رفيجاتها أو هناء الأقرب لها :_ ولييييييييه كلش عاد مصدق عمرك الحين .

ناظرها جاسم بأستغراب لطريقة كلامها أنتبهت و أدركة نفسها :_ أوب سوري مب قصدي .

ضحك جاسم من قلبه جدام ريم و بصوته العام .. ريم تتنرفز :_ اشفيك تضحك .

جاسم :_ سلامتج بس اقول انتي بوعيج ولا بعدج تعبانة .

ريم تخجل من كلام جاسم باين تصرفات هبالتها و اخبالها كلها اطلعت جدامه الحين يا ربي صج اني خبلة .. .. ..

ريم تكابر و تناظره بجدية :_ ولو السؤال ما يخصك تعرف جوابه ولكن أنا بوعيي .

جاسم يبتسم من داخله :_ اهااا زين والله .

ريم تبعد الصينية :_ زيحها ما أبيها خلها لك أكيد أنت ما كليت شي .

جاسم يمد يده و يرد الصينية لحضنها و يناظرها بحدة :_ كلمة ثانية ما أبي و مالج شغل فيني كليت أو ما كليت الأهم أنتي .

سكت حس نفسه بدى يعترف بمشاعره لها بجرئة و الكلام قاعد يفضحه ابعد نظره و سكت لحضات و اهي ابتسمت من داخلها على عبارته لها الأهم أنتي .. .. ..

جاسم يناظرها :_ أشفيج أتبسمين .

ريم تناحسه :_ أنت أبوعيك ولا لحين الرقاد براسك .

و أضحكة على تعابير ويه جاسم لها تنرفز منها و سحب المخدة الصغيرة و رماها عليها بطريقة لعانة اضحكت ريم و امسكت بالمخدة .. .. ..

تركها و طلع من الغرفة وهو يحس لأول مرة يحس بمتعةالنحاسة بحياته مع شخص ريم إلي بالمثل لاول مرة تكتشف روح جاسم المرحة بالعناد و الغشمرة حست بالأعجاب يجذبها حذاله ولكنها أبعدت هلافكار و ناظرت الفطور المشهي و بدت تاكل لها كان اليوع اليوم عنوان لها بذيج الحظات و لا قدرة تسيطر عليه .. .. ..

عرفت بحياتي لوعت الوقت والحرمان
وعرفت العذاب وتعبت أميز ألوانه

وجلست أذكر الماضي على قول كان وكان

غرام حفظته ياعسى صاحبي صانه
تراك بحياتي نابض القلب والشريان
ودونك حياتي ياهوى البال خسرانه

مشت بنعومتها و بوسط يدينها روعة الورد المتدلي برومانسية على الورق الأخضر إلي يشع منه راحة البال و يسرق الأنظار له و يتملكها .. أوصلت لطابق المعين و دقة على نوف لتتأكد

نوف كانت بوسطة لمة الأهل المح تلفونها يرن اسحبته و ابتعدت لحمام الغرفة الخاص و افتحته ...

نوف :_ الو .

هناء :_ هلا حبيبتي اشلونج .

نوف :_ هنووووووي فديتج انتي شخبارج وينج يالقردة كل هاي قطاعة و قلنا ارفيجتج سافرة يعني ما نجوفج بالمولية .

هناء : ههههههههه زين زين كليتيني و من قال ما تجوفيني فزي من مكانج و قومي طلعي لي انا وصلت لطابق بدور بس بصراحة مب عارفة أي غرفة .

نوف :_ صج انتي بالمشتسفى يا ويله عمي .

هناء تتذكر و تتخسبك :_ شنهووو عمج اهني ؟

نوف بلعانة :_ أي يا عيني و ينتظرج على احر من الجمر .

هناء:_ و عساج الويع قولي أمين .

نوف :_ فيج أمين .

هناء :_ مالت عليج زين قومي سوي لي طريج والله فشلة اشد رياييلكم رازين فيسهم كلهم .

نوف :_ لا عمري اهم بغرفة الاستقبال حنا داخل بغرفة بدور الي ترقد فيها بس الغرفتين مفتوحين على بعضهم .

[هدباء]

هناء :_ ياربي زين قومي لا تخسريني افلوس على تلفوني .


نوف :_ جوف الزطية صبري لي يايتج الحين .


هناء :_ هههههههه اوكي انتظرج .


نوف :_ اوكي عمري .


سكروا عن بعض و تحركت نوف لتطلع لهناء الي محتاسة بمكانها من عرفت ناصر اهني .. بطلعتها من الغرفة مرت على عمها مسكها من يدها :_ نويفوه على وين .


نوف كان ودها تسويها لعانة فأهمست بأذنه عمها :_ هناء ياية بدلها على غرفة بدور .


ناصر يفز قلبه لا شعورياً :_ قولي والله بذمتج نويفوووه والله لأعطيج إلي تتمنينه .


نوف :_ صج .


ناصر :_ صجين مب صج واحد .


نوف :_ زين اشرايك تطلع معاي الحين .


ناصر :_ يا ويل قلبي لالا ما اتحمل مسيجين قلبي تذبحينه وايد عليه .


نوف تطق عمها بغشمرة :_ يلا عاد طول و عرض ما تستحي يلا جدامي و مشكور عن كرمك علينا ما نبي غير تشكرنا .


ناصر :_ يا عيني عليج انتي الي تعجبيني .


مشت نوف من وراها ناصر .. اطلعت لهناء الي كانت تنتظرها على الكراسي و موطية راسها تناظر الأرض و قلبها تتسارع دقاته اشلون بتقدر تدخل و عيون بنفس المكان تراقبها مثل عين الصقر بوسط عالي السمى ....


طلع ناصر و ناظر هناء من بعيد وقف بمكانه ويحس انها أسرت تحركه و تعلقت عينه عليها كانت بهدوئها و نعومتها موطية راسها و يالسة لحالها و هدوئها يحاوطهي و عفتها و لبساها للحجاب الي كان يسترها تركها ملاك بعيون ناصر يحاوطها الحلا من كل زاوية .. نوف انتبهت لهناء و مشت بتروح لها لكن انتبهت لعمها مب معاها التفت له لقت عينه معلقة على هناء ...


نوف تهمس لناصر :_ عمييي اشبلاك شحاشك تجمدت جذي تعال زين .


ناصر :_ لا روحي انتي ما ابي احرجها مب حلوة بحقي .


نوف :_ لا عمي لا تهون والله ودي اليوم اجوف اكشنات رومانسية .


ناصر :_ حلوة ذي و ما لقيتيني الا انا روحي لخوج وليدوه و الله اقول لج روحي لحمودوه كاهو مثل الصقر عينه على شهد .


نوف :_ لا حبيبي لا تلف الموضوع انا ابيك انت اعرفك رومنسي .


ناصر بجدية هالمرة و ما انتبه لصوته الي ارفعه :_ نوف اشفيج مب حلوة بحقي .


ارفعت نظرها هناء تناظر لمصدر الصوت الي سمعته انصدمة و ارتجفت لمن ناظرة ناصر الي كان يتكلم و حذاله نوف ...


بهلحظة انتبه ناصر لعيون تناظره ببرائة .. ناظرها لمن ارفعة ويها بانت له كل روعتها حس عينه مب بأمره ما يقدر يردها و يزيح نظره .. نوف الي تخبلت على النظرات الي كانت بينهم حوار و تمت تتبسم ..


نوف :_ زين بس عمي كليتها بعينك .


ناصر يوطي عينه :_ مالج شغل الله ياخذ بليسج جوفي حرجتي البنت خليني ادخل احسن و لا تبطين عليها دخليها مب حلوة تخلينها برة تنتظر سيادتج تيين لها.


نوف :_ زين عرفنا الأوامر يا شيخ ناصر .


مشت عنه وهو ترحك لداخل و قلبه يحمل من الشوق و الوله أنهار ما يقدر يسد منبعها أو يوقف جريانها بداخل قلبه ...

كل المعاني تنكتب بكلمتين

كل المآسي تنجمع بدمعتين

بس شوقي لك مثل الهوى


ما تجمعه قبضة يدين


وصلت نوف لهناء اهي تناظرها بخبث ..


نوف :_ يا حليلاتكم كناري بالعيون بس يعني .


هناء و اعصابها تثور على لعانة نوف :_ نويفوه ادري كل الي صار من تحت راسج لكن اشلي ادق عليج تطلعين لي لو داقة على لولوه احسن لي .


نوف :_ هههههههههههه شسوي خاطري اجوف اكشن بس عمي طلع مب راعيها عاند ايي يسلم عليج يقول مب حلوة بحقه يحرجج .


هناء و اهي تتخبل :_ واااااااااااااي هاي الي يعرف للأصول و يراعي مشاعري .


نوف تناظرها :_ الله و كبر من اشوي بتكفخني و الحين اتدلع لنا امشي زين عاد صج ما تنعطين ويه .


هناء :_ مالت عليج زين نطريني لا تخليني ادخل لحالي .


نوف :_ انتي ويه احد ايي لج امشي زين .


هناء بدلع :_ يلا نويف زعلتي الحين مني افااا اذا بتمين جذي ترى اعرف اشلون اراضيج .


نوف :_ ما تقدرين امشي زين .


هناء :_ حيالله حبيبة مشعل .


نوف من سمعت الاسم اهتز قلبها :_ جب يالحمارة لا تييبين طاريه و تخسبكيني.


هناء :_ ليش مب اهني مب معا شباب العايلة الكريمة فديتهم .


نوف تتذكر عين مشعل اشلون راقبتها اول ما وصلوا :_ هنووي بذبحج لا تذكريني عينه لمن اسرقتني من بين الكل و استفردت بي تناظرني .


هناء :_ حلفيييي بذمتج .


نوف تطق هناء بغشمرة :_ مالت عليج .


هناء :_ اااااااااي يعووور خلج ناعمة اشوي .


نوف :_ تستاهلين عشان تتأدبين يلا امشي حالج حال الأوادم .


هناء تبلحس بلسانها على نوف و نوف ترد الحركة عليها بالمثل ...

بوسط أجواء المستشفى وين ما كانت شروق بمكتبها الخاص ادخلة عليها النرس المخصصة توصل لها فايلات مرضاها الي تعالجهم و تداريهم ....


النرس :_ مساء الخير دكتورة شروق .


شروق الي كانت موطية راسها و وليد بعينه الي تعلقت على عينها تنرسم بمخيلتها و مب قادرة تنساها او تنسى نبرة صوته او حتى حبها له الي بدى ينبض بعد ما حاولت ألاف المحاولات تهديه و تغلقه و تتناساه مع الأيام .. ارفعة راسها لنرس بتعب يحوي ويها و لمعان الهموم بعيونها ...


شروق :_ مساء النور حياج زهبتي الملفات .


النرس :_ أي هذولة كلهم بس هذا ملف يديد دكتورة نور اخذة اجازتها السنوية و حولو هذا ملفها عليج .


شروق تسحب الملف و تفتحه و تناظر اسم المريضة .. بدور عبد العزيز بن فارس !؟!؟!؟!؟!؟!؟!؟!؟!؟


اهتز قلبها و حست بشي وجعها بوسط صدرها مثل شي يجرحها و ينزف دمها ولكن ما تملك الي يتركها تمسك مجرى الدم الي ينزف و توقفه ادمعت عينها و اهي تناظر الاسم على السطور ...


النرس :_ عسا ما شر اشفيج دكتورة شروق اذا ما تقدرين تضيفين الملف عندج بنحوله على دكتورة أمل .


شروق تنتبه لنرس :_ لا بالعكس هذا شغلي و لا تحاتين ما فيني الا كل الخير .


النرس :_ اوكي تأمريني بشي .


شروق :_ سلامتج .


النرس :_ يسلمج ربي .


اطلعت النرس .. و بقت شروق بمكتبها و تحس الدنيا ضاقة بعيونها و ادموعها انحبسة بعينها لكنها زادت بعد الي جافته انفجرة عينها بالدموع وطت راسها و بدت تبجي و تون بصوت واطي من قلب تعذب وهو يعطي الحب انسان ما قدر يعطيه الحب الي قدمه له قلبها ..........


ودي أسـألك!

لا هـو صعـب
ولا هــومحـال
ليــه صـار الحب كلـه من بداياته عذاب ؟
ليـه حنـا بـ المشاعـرانتلاعــب ما نهــاب؟
ليـه في لحظــه نخــون ؟
ليـه ننسـى ما نقــوله؟؟
" حبنــا بـ لحظــه يضيــع "
ليـه صار الحـب سلعــه رخصهــا برخصالتــراب

مر اليوم دقيقة بعد دقيقة .. ثانية بعد ثانية .. ساعة بعد ساعة .. ليمن أنتهى بفرحة أعمرت بقلوب الكل و بلقاء روى شوق القلوب الولهانة و أسعد كل عين بشوفة غاليها .. و بقى وليد لساعة 10 حوالي في اليل بالمستشفى مع بدور


بدور :_ حبيبي يلا رد البيت و رقد رنيم معاك والله قلبي ما وده يتبعد عنها لكن شسوي .


وليد :_ اسم الله على قلبج عمري بس لا تحاتين انا الحين قايم ارد البيت الاهم راحتج و لا تحركين سمعتي .


بدور :_ ان شاء الله كل شي و لا أوامرك .


وليد يسحب خشم بدور بغشمرة :_ فديتهم إلي يطاوعون .


اضحكت بدور و اقترب اكثر منها وليد و باسها على جبينها :_ تصبحين على خير حلام حلوة وسعيدة تحملي بروحج و بقمرنا .


بدور :_ من عيوني و انت تحمل بحالك اكثر و نوم العوافي يارب اتهنى برقادك .


وليد :_ اكي .... سكت و تدارك نفسه كان رح يروح الي بباله يخطط له .


بدور :_ اشفيك ما كملت كلامك ؟


وليد :_ و لا شي كنت اقول لج اكيد دامج على بالي رح اتهنى برقادي .


بدور :_ تسلم عمري .


وليد :_ يلا في أمان الله .


بدور :_ بحفظ الرحمن .


تحرك وليد بهدوء لا يصحى خالد و يتعب بدور و مشى لبرى غرفتها و سكر الباب من وراه لمن طلع .. مشى بهدوئه وهو يظبط اشماغه و تحرك لمكتب النرسات لعند الاستقبال اول ما وصل لقى نرس لاهية ببعض الأرواق الي بيدينها بأسلوبه الدبلوماسي اثار لوجوده حركة لتنتبه .. ارفعة عينها النرس تناظر وليد و انصقعت لحلاه اشلون كان يفرض روعته جدام عيونها لكنها وطت عينها و ابتسم وليد على حركته الي ذكرته بأيام سوالفه بالعانة وهو يتحدى عمه بالحلا وشلون يعيق نظر البنات و يجذبهم له ....


النرس :_ يا هلا تأمرني بشي أخوي .


وليد :_ أي اذا ما عليج أمر انا زوج بدور بن فارس الي راقدة عندكم حالة ولادة بعملية .


النرس ناظرت بالملفات :_ أي موجود عندنا شتآمرنا فيه .


وليد :_ أنا زوجها تسمحون لي أخذ أذن الرقاد معاها .


النرس :_ اكيد بس هذي اليلة بترقد معاها و بس او على طول تواجدها عندنا بالمستشفى .


وليد بحركة لعانة :_ والله على حسب الوضع بس حالياً عطيني بس لليلة هذي .


النرس :_ ما طلبت ثواني اوقع لك و تقدر تدخل لعندها .


وليد :_ اوكي اخذي راحتج .

[هدباء]

تحركت النرس لتثبت له أذن الرقاد بالمستشفى و بقى ينتظرها بعد ثواني اوصلت النرس لوليد ..

النرس :_ لو سمحت بغيت توقع أهني .

وليد :_ اوكي .

سحب القلم و وقع على الأذن من بعدها شكر النرس و تحرك لعند بدور لكنه تذكر لازم يتصل بنوف يخبرها انه ما رح يرد لتاخذ رنيم معاها .. رد للممر الثاني و سحب تلفونه ليدق على نوف ...

نوف كانت سهرانة مع رنيم بصالة و لاهين بالتلفزيون و الفوشار الي مسوته نوف .. رن تلفون نوف و اسحبته رنيم لتعطيه عمتها ..

ارفعته نوف :_ الوو .

وليد بوناسة داقة بباله :_ هلا بعمري نويف .

نوف بأستغراب :_ هذا انت وينك لحينك ما رديت البيت رنوم مب طايعة ترقد قبل لا ترد .

وليد :_ زين كليتيني اشفيج .

نوف :_ شسوي لك بطيت وايد .

وليد :_ زين سمعي ما رح ايي برقد عند بدور .

نوف :_ شنو شنو شنو قول والله .

وليد :_ اشفيج قلت شي غلط .

نوف :_ لا سلامتك أي قولها ما تطيع تفارق حرمتك صج لين قالها حمود كناري انتوا.

وليد :_ شكوا انتي شكوا المهم خلي رنيم ترقد معاج .

نوف :_ يا ربي دوم يتحرط علي زين تآمر شي شيخ وليد .

وليد بغشمر :_ افكورس بوسة قبل النوم .

نوف :_ لااااااااا والله لو يمي والله ما خليتك اقول بلا جلالة حيا علينا الله يعين بدور عليك اليلة .

وليد :_ هههههههههههه قولي يا بختها زين اخليج تحملي برنيم و تصبيحن على خير و لا تسهرين بنتي معاج .

نوف :_ مالت عليك .

وليد :_ وعليج في أمان الله .

نوف :_ بحفظه ورعايته .

سكر وليد من عند نوف و تحرك للممر يرد ليدخل عند بدور ...

بدور كانت بهالوقت سلمت عينها لرقاد و سكرتها و اهي تعيش بنفاسها و نبضها مع ولدها الي قطعة من روحها او روحها كلها .. دخل وليد يطل براسه لقاها ارقدت دخل بهدوء وهو يقول بباله .. وقتها ترقدين يا بدور ما مداج ... مشى ليمن وصل لها تقرب من خدها و باسها تحسست له بدور و افتحت عينها تفاجأة بتواجده ...

بدور بصوت واطي :_ وليد ؟؟؟ أنت اهني ما رحت .

وليد يبتسم و يمسك يدها :_ أي ما رحت قلت بمشي بس قلبي مو طايع .

بدور :_ و رنيم .

وليد وهو يقلب يد بدور بوسط يده :_ لا تحاتينها مع عمتها نوف اتصلت على نوف و خبرتها ما برد .

بدور :_ وشلون اسمحوا لك ترقد .

وليد :_ ما يبالها شي طلبت أذن و عطوني كانوا يقولون تبي على طول رقادها قلت والله على حسب بعدين اقرر .

بدور :_ يا سلام .

وليد :_ شنو يعني ما تبيني مو على كيفج .

بدور بحيا :_ افااا اشلون ما ابيك اذا ما شالتك عيوني روحي كلها تشيلك .

وليد :_ لا وايد علي عيل اخذ مدت ارقادج كلها احسن .

بدور :_ هههههه حلالك حبيبي .

قلي من اللي يحمل الهم عني؟؟

لاغبت لحظة عن عيوني واقفيت
ليه الصدود وليه كلالتجني؟؟
اشهد انك في عذابي تماديت!!
ان كان قصدك بالغلا تمتحني
انتالوحيد بداخل القلب ( لك بيت )

على هواء العاشقين .. على نسيم هطول اليل .. ترقصت تلك النبضات بوسط القلوب فرحاً قد تملكت بأجساد العشاق و أرقصتهم طرباً و شوقاً للهفة الحب الذي أشعلتهم كناراً لا تخمد .. التقت الراحة لأول مرة مع جاسم و ريم بدرب واحد بعد لحظات يومين ساعات مرت مثل سنتين عليهم ذوبت اقلوبهم من الهم و انزلت كل دمعة تخنق عبرتهم بوسط صدرهم ولكن ما بعد الصبر الا الفرج و ما بعد الحزن الا الفرح ولكن هل هذا الفرح سيكون أبدي بينهم فهم من سيقولون لنا .....

هطل اليل على باريس بعكس الصباح الي بدأ يعلن شروقه بأراضي الكويت بعد ما قضوا الأهل يوم بلقائهم بمناسبة ولادة بدور ..

أوقفت ريم بوسط أناقتها الفضيعة قبال المنظرة لتلبس بعض من أكسسواراتها و تلف شيلتها بطريقتها الناعمة و كانت تناظر اشلون تناسق اهدومها اذا بينه انسجام بالالوان او لا فكانت لابسة جينز و من فوقه بدي بلون أسود و فوقه جاكيت جنز بنفس لون البنطلون و كان كله على بعضه طالع بشكل أنيق على حجمها الصغير الناعم .. اكملت من اكسسواراتها و اخذت شعرها تلمه لترفعه و تربطه بالكلبسة .. بوسط هالحظات دخل جاسم لغرفتها من دون ما تحس على تواجده ناظر اناقتها و حس نفسه انهبل عليها من قلب شناوية علي هذي .. تحرك لحذالها ليمن وصل لها و ما تركها حتى تلم شعرها و لمها بذراعينه إلي حاوطوا جسمها .. ارتجفت لا أرادياً و تحسست لقربه الدافي حست ويها رح ينقلب للون الأحمر من دون حتى بلشر .. جاسم يهمس لها بأذنها :_ زهبتي ؟

ريم و تحس بأنفاسه و دقات قلبه و جسده كلهم يحوونها بقرب احرجها من اعماق قلبهاو ما كانت تقدر تنطق بحرف واحد هزت راسها له

ناظرها جاسم و انتبه بأنها لبست اكسسواراتها و صبعتها خالية من الدبلة .. تمت يد على جسمها محاوطتها و يد ثانية مدها وسحب الدبلة من على الديرس و سحب يدها ليدخل الدبلة فيها .. ارتبكت ريم اشلون نستها شبيقول الحين ....

جاسم :_ اشلون زاهبة و اهم شي ما حملتيه معاج .

ريم انعقد اللسانها بشنو تبرر او ترد .. بهالحظة حب يزيد احراجها زود

جاسم وهو يقرب لخدها و يبوسها و من بعدها تركها ليختفي من بين انظارها و كأنه مثل الحلم الي من كثر حلاه يكون بلمح البصر و يختفي .. لأول مرة تحس قلبها يعيد تجدد ثورانه اتجاه جاسم لأول مرة تحس بدى يرجع لها الأحساس نفسه إلي لمن جافته فيها لأول مرة حست نفسها مينونة فيه ولو ودها ما يفارق عينها .. بلهفة تحرق القلب و اعروقه اكملت كشختها و اخذت تنشر ريحة عطرها الخاص على حالها و احملت جنطتها السبورت إلي كانت روعة و البست جاكيتها الي طويل لفوق كربتها تقريباً و أطلعت لصالة و كأن أحلامها تخيب و أمالها من جديد أنصدمت لعدم تواجد جاسم بصالة وين راح و غرفته مفتوح الباب و مافي احد بداخلها ...

وقفت بمكانها و دقات قلبها بدأت ترجع بالعد التنازلي .. طل عليها جاسم مثل المطر إلي يهطل بصدفة و يبلل الأرض من باب الجناح :_ شنو زهبتي ؟؟

ريم و أهي تنتبه له و تناظر ابتسامته حست زاد ثوران شوقها له و ريح قلبها بأنه رد لبين انظارها ...

ابتسمت من قلب و بان حلاها :_ انت شجوف ؟

جاسم وقف وهو رافع حاجب لها خبلها على حلاته لمن رفع حاجب ولكنها اكتمت اينونها فيه إلي بهالحظات بدى يتدفق مثل الأعصار إلي ما تقدر تمسكه يهزها كلها و ما تقدر غير أنها تسلم نفسها له ...

جاسم :_ انا والله اجوف قمر واقف هاي الي اجوفه .

ريم واهي ودها تكون منه قريبة و يزيدها قاعد أيننها بحلاه و حلا لسانه

ريم ترفع له حاجب :_ شنو مطولين اهني .

جاسم :_ الي يريحج تبين تبطين اهني اوكي تبين نمشي اوكي .

ريم لطبيعتها تحب الريال اهو الي يمسك السيطرة ما تحب كون المرأة تكون من تمسك السيطرة و الرأي :_ لا .. الراي رايك و الشور شورك الي تقوله انا اسويه .

جاسم وهو يكتشف تواضعها لأول مرة و يندهش و بنفس الوقت ابتسم لها :_ عيل يلا مشينا .

ابتسمت ريم و تحركت لصوبه وين ما كان ينتظرها حذال باب الجناح

أول ما أقتربت منه بحركة تعمد فيها جاسم مد يده لها لتمسك يده وقفت تناظره و قلبها يزيد دقه و كأنه حاس فيها بأنها ولو ودها تضمه مو بس تمسك يدينه ولو ودها تصرخ له بكل شعور داخلها و قاعد يسري فيها .. بحركة جريئة اصدمت جاسم مدت يدها ولامست يده حس ببرودت يدها الصغيرة البيضة و استبده شعور يلمها بقوته ليحسسها بالدفى الي يحوي يدينه .. حست بحلات دفى يده و ايدها بوسط يدينه ابتسمت على اينونها فيه و مشوا مع بعض ليمن أنزلوا من الجناح و اطلعواً كلياً من الفندق و لمن يات لحظة يترك يدينها ليدخلون السيارة حست ودها لو ما تبتعد عنه ولو ثواني كلمح البصر ولكن رضت بالواقع و اتركت يدينه و تحركت لصوب باب السيارة لتدخل و جاسم كان بالمثل وصل لسيارة و فتحها ليدخل اهو و ريم

اول ما تحرك جاسم بالسيارة كان شعور غريب ينتابه و كأنه يحس ريم بدت تقترب منه أكثر و أكثر و تعطيه الفرصة يكون منها قريب .. أما ريم كانت هايمة بعطره إلي منتشر بالسيارة و نظرها لشوارع باريس و ما كانت تخفي اشوقها حتى وهو حذالها

مد يده جاسم لأحد السيديات إلي بالسيارة و اخذ واحد و شغله كانت موسيقى هادئة هذا إلي كان يحب يسمعه جاسم بكل وقت يفضله على الاغاني بوااايد

مضى وقت جمع قلبين .. جسدين .. روحين .. دقات قلبين .. انفاسهم .. بمكان واحد بعيد عن عيون الناس و قريب لرحمة ربهم .. مر الوقت و السكوت سيد الموقف .. كان غريب السكوت إلي حواهم ولكن كأنهم تاركين الحوار لقلوبهم لأنفاسهم .. بعد نص ساعة بالكثير وصلوا ليعند بحر وااسع و منظره يأسر العيون كان هادئة أمواجه و الجو بااارد بالحيل و كان البحر على ناحية ما تييها الناس وايد و هذا إلي ترك روعة خلق الرحمن تظهر بروعتها .. في هاليل غلي يحمل أجمل لحظات بأساريره .. .. ..

وقف جاسم و نزل و ريم بالمثل مدت يدها لتسحب جنطتها و تطلع من السيارة ولكن سبقها جاسم و وصل لعند بابها و فتحه .. ارفعة عينها له و اهي تناظره

جاسم :_ ماله داعي تحملينها يكفي أنج تنزلين لحالج .

ريم و كانت لحينها تناظره تحركت بهدوء و انزلت من السيارة و سكر الباب جاسم الي ما تركها تسكره و مشوا ليعند جريب البحر تعدوا الكراسي المركونة لناس لتقعد و اقتربوا من الصخر الكبار مد يده جاسم لريم ..

وقفت تناظره بهدوء :_ ماله داعي اقدر انزل لحالي .

جاسم :_ مو هذا قصدي بس الحجر وايد كبار و يمكن يعيقون مشيج .

انجبرت تمسك يده و مشوا ليمن انزلوا لعند البحر حيث الماي يقرب منهم قرب وايد

اقعدوا على مساحة اشوي بعيدة عن رمل البحر الي مملي ماي و حجر

أسرهم صوت أمواج البحر أشلون تتلاطم و حواهم السكوت من يديد

لكن جاسم إلي عينه كانت تناظر ريم ما سرق فكرها البحر بمنظهر الروعة

جاسم وهو يقرب من ريم لعند اذنها من دون ما تحس على قربه او تنتبه و همس لها :_ خذني بحنانك و طف البرد بعظامي .. يمكن أنام اليل و أشكي لك .. و أحط راسي على صدرك شوق و هيامي .. و أترك خفوق تعذب فيك يشكي لك...

ادمعت عيون ريم لنبرة جاسم غلي تخللت لقلبها قبل أذنها و كانت تحوي الحب إلي يغمر القلب بأحلى لحظاته .. التفت بعيونها له .. جاسم كان يناظرها بكل شوق و اهي كانت تخبي شوق اعظم من شوقه و كأنهم يصارعون مشاعرهم ولكن لا قوة بالكون و لا قسوة صخر او قوة بحر او كبر سمى قدر يبعد بينهم بهالحظة .. أرتمت ريم براسها على صدره و كان ودها ما تزيح راسها و إلا كل جروحها تداوت .. انهارت بنوبة بجي من قلبها و خلت جاسم بالمثل ينفجر معها بالبجي ولكن كان جاسم يداري دموعه بسكات لجل ما يبي يزيد ونين ريم بالبجي

حاوطها بدراعينه ولمها لصدره اكثر .. كانت بحجكها الصغير ترتعش لبرودة البحر و لكن ما قدر هالبر يجمد مشاعرها او ينشف دموعها بلحظة

[هدباء]

ريم و راسها على صدر جاسم :_ أنا لك .. أنا لك انت و بس انا مو لغيرك .. أنا لقلبك لروحك لعيونك لنفاسك لدقات قلبك .. ما أبي يكون و لا رح يكون في يوم أبتعد عنك أنا من هالحظة و ربي يشهد علي وهو بعالي سماه سلمت روحي و كلي لك انا أبيك جاسم أنا أبيك ما أبي غيرك ..

ترددت هالكلمات بقلب جاسم بصدمة و ريم إلي واصلت بكاها على صدره بعد ما نطقت بحروفها إلي فجرة أكبر الأحاسيس بقلب جاسم .. معقولة ريم تبيني ريم ما تبي غيري وشلون .. وشلون ياربي وشلون .. .. ..

جاسم بصوته المبحوح من دموعه إلي سالت تشارك ريم و يشارك حزنه و ألمه :_ قسم بالله قسم بالله يا بنت العم لو خيروني بين موتي و بين قربج .. من دون تفكير اختار قربج .. انا لج من هالحظة و حلالج بكون الدوى لجروحج بكون الفرحة لقلبج بكون الراحة لتعبج ولكن رجيتج لا تعذبيني بعد كل العذاب إلي لقيته أدري أني خطيت بحقج و أدري أني ظلمتج و أدري بكل خطاي .

أرفعة راسها ريم من على صدره و أقربت يدها لثمه :_ لا تكمل جاسم لا تكمل كل إلي صار مكتوب و مقدر و ماله داعي أسامحك عليه .. .. ..

جاسم و عيونه بعيون ريم :_ ممكن طلب .

جاسم و اهي تمسح دموعها بيدها :_ أنت تأمر مو تطلب .

جاسم :_ تقبليني من هالحظة بحياتج .

أبتسمت ريم و تحس هذا وايد على قلبها :_ أنت ماله داعي تطلب تكون بحياتي لأنك أنت حياتي كلها .

ضمها جاسم لصدره بقوة عناق تشفي قلوبهم من كل عبرة حزينة فيهم و تداوي كل جرح بقلوبهم و تزيد نبضات قلوبهم من بعض

ليتني حبر بيدينك أقلب أفكاري حروف
أكتب إلي قدر كتمته و ما أبي غيرك يراه
ليتني ظل بنهارك ليتني بليلك طيوف
أسهر اليل بخيالك و أسمعك لا قلت آه

على أراضي الكويت .. و بوسط أجواء المستشفى مشت شروق تجر ألمها مجبورة تعاين مرضاها و الحين لازم تمر على غرفة مريضتها اليديدة بدور زوجة وليد وشلون بتقدر تتحمل الموقف الصعب عليها ولكنها سمت بالرحمن و واصلت دربها لغرفة بدور إلي كانت بنهاية الممر

بدور كانت صاحية و كان حذالها وليد إلي صحى قبلها ..

بدور :_ صليت الفجر .

وليد يبتسم :_ لا توصين حريص .

بدور :_ شنو لحينه راقد .

انتبه وليد لخالد إلي كان بسريره الخاص و ابتسم :_ ياحلاته و ماخذ راحته بالرقاد .

بدور :_ عليه بالعافية .

وليد و عينه بعيون بدور :_ مدري اشكر من .. اشكرج او اشكر ربي على هنعمة إلي عطاني أياها ..

بدور :_ أحمد ربك حبيبي أهو إلي عطاك مو أنا و لكن أنا إلي أفتخر و أحمد ربي أني قدرت أحقق لك حلمك حلم عمرك يكون لك ولد يحمل أسمك .

وليد يقرب يد ريم لثمه و يبوسها :_ و يكون منج أنتي يالغالية .

طقات باب تترك السكوت يخرق المكان قبل أوانه الحقيقي

وليد بقت يد بدور مشبوكة بيده و لكنه رفع راسه لناحية الباب .. :_ تفضل .

شروق إلي سمعت صوت و لكنها ما ميزته أدخلت بهدوء و لكن كان هذا الهدوء عكس أعصار بقلب وليد لمن لقى إلي تظهر جدام عينه أهي شروق .

بدور إلي كانت روح و قلب وليد فكانت تعرف بقصة شروق و أنصدمت لتواجدها أهني و الأكثر بأن شروق و كبرت و صارت دكتورة و حملت جمال الأنوثة الحلوو

شروق إلي تعرف بزواج وليد ولكنها ما ألتقت و لا مرة ببدور تسمرت بمكانها لمن ناظرت كل هالحلا و البرئة بعيون بدور إلي كان التعب على محياها لحالتها الصحية

ناظرت يديهم المشبوكتين بعناق حلوو انجرح قلبها من الصميم لصميم و حاولت تتماسك نفسها لحظة بعد لحظة

شروق :_ السلام عليكم .

بدور حست بشعور وليد و ردت السلام عنه و عنها :_ و عليكم السلام .

شروق اقتربت من بدور و تحركة لناحية المغذي الي موصل و حذاله جهاز يظهر حالة بدور بأخر تطوراتها :_ وشلونج اليوم أن شاء الله أحسن من أمس .

بدور بطيبتها :_ الحمدالله على كل حال .

شروق :_ الحمدالله .. مبروك ما ياج يتربى بعزج .

بدور ببتسامة هادئة :_ يبارج في عياتج يارب .

شروق التفتت لعيون بدور إلي كان الموقف صعب عليها و لكنها حاولت تتماسك نفسها اكثر .. شروق :_ بصراحة انا مب الدكتورة إلي اجرت العملية لج ولكن اعطوني ملفج من عندها علشان أهي مطرة تبتعد عن المستشفى لفترة معينة فرح أكون أنا الدكتورة المسؤولة عن حالتج من اليوم ليمن تقومين بسلامة بأذن الله .. و الاهم حالتج الحين مثل ما خبرناج قبل ما تحتاج لأي تعب أو حركة زايدة ليمن تكملين يومين كاملين علشان تكون العملية اشوي بدت تلتأم و من بعدها تقدرين تبدأين بحركة بسيطة اشوي اشوي ليمن يلتأم جرح العملية و تتعافين بس الأهم ابي راحتج الحين و لا أي تعب .

بدور :_ من عيوني .

شروق :_ سلامت عيونج و يخليج ربي لولدج .

بدور :_ وياج ياربي .

شروق :_ أستاذن أنا الحين ما تامريني بشي .

وليد وهو يتكلم و يترك العيون تناظره :_ لو سمحتي دكتورة شروق .

شروق يهتز قلبها لصوت وليد الموجه لها :_ هلا .

وليد :_ كم من الفترة رح تاخذ بدور عندكم بالمستشفى .

شروق :_ على حسب قوتها و صحتها فهذا يعتمد على جرح العملية و لكن المعتاد بالكثير خمسة أيام و تكون قادرة ترد البيت و لكن بعناية قسوة لحركتها .

وليد :_ مشكورة تعبناج معانا .

شروق :_ العفو .. في أمان الله .

بدور :_ بحفظه .

ما عاش والله من يفكر يزعلك
ما جابته للحين يا عمري أمه
بلطف من عاملك لازم يعاملك
ومع كل كلام يحسبه كلمه بكلمه

مفروض يحمد ربه إلي يقابلك

سمه غرور اللي تسميه سمه
أن قلت كامل الله اللي مكملك
الزين يا أنت أخوه يا ولد عمه
كلن يبي قربك ولحدن بطايلك
الورد ما كل من يشوفه يشمه
غصبن عليه اللي يعرفك يدللك
وان كان ما دللك ما عنده ذمه

مشت نوف و بيدها عباتها تحركت للمنظرة الكبيرة إلي بجنب من الدرج تلف شيلتها

نزل محمد من على الدرج وهو يناظرها :_ يا زين محلاه دلني على عالم وصوفك .

نوف :_ هههههههه والله أنك مروق من صباح ربي .

محمد :_ و أكثر شبي بعد يا خلودي من قدي .

قطع على كلامهم تلفون نوف إلي يرن سحبته من جنطتها و طارت لمن لقته رقم جاسم من فرنسا .. نوف و اهي ترفع اتلفون :_ الحق حمود هذي جسوم .

شبك عليها محمد و حط اذنه عند اذنها الي فيها التلفون ليسمع اخوه

نوف :_ يا حيالله القمر كله و ابوه و عمه .

جاسم إلي كانت ريم حذاله و يدينهم متشابكين ناظر بريم و ابتسم :_ الله يحييج و يبقيج وشلونج و شلون الاهل عساهم بخير ان شاء الله .

نوف و اهي تتحسس لنبرة جاسم المتغيرة نبرته باين انه مرتاح و متهني و جاسها قلبها في أنة بالموضوع .. نوف :_ كلنا بخير ما نبي غير شوفتك وشلونك انت وشلون ريم .

جاسم :_ نسلم عليكم وودنا بجيتنا لكم .

قرصته ريم علشان يعدل كلمته .. جاسم :_ اااي قصدي ناقصتنا شوفتكم .

نوف و اهي فهامتها :_ ههههههه ريم حذالك .

جاسم :_ قصدج بنت عمج الوسة الي مزوجيني فيها اكيد مب حذالي طاقتها رقاد طول اليوم و تحرقرني لكني صابر والله بيي يوم بتعود فيها اذبحها .

ريم الي كانت تناظره و اشره لها انه يجذب على نوف يبي يجوف ردة فعلها

نوف :_ قول اييك ابو رماح بيوم آمين .

جاسم بلعانة :_ وياج أن شاء الله .

نوف :_ اسم الله على عمري فال الله و لا فالك .

جاسم :_ ههههههه زين وشلون وليد وشلون خلودي طالع على منوا .

نوف :_ ما تصدق يا جسوم اذا قلت لك ماخذ ويهك بالكامل كل من يجوفه يقول أنه أنت الثاني .

جاسم :_ احلفي بذمتج .

نوف :_ و قسم بالله طالع عليك .

جاسم :_ لا تحمسيني اطقها اول طيارة للكويت و أيي أجوفه .

نوف :_ لا حبيبي عافك الخاطر ما نبيك في غيرنا يبونك .

ضحكت ريم بأن نوف كاشفة جاسم على رغم خشه عليها الحقيقة .. ناظرها جاسم بلعانة عشان تسكت امسكت ضحكتها و تمت معاه

جاسم :_ من يبيني يا حظي قلت لج عطوني ابقرة مو حرمة .

ريم تناظره بقهر .. نوف :_ احترم نفسك والله لا تسطرك ريم يشهد الله ان لولا قلبها الصابر جان ورتك الشغل السنع .

جاسم :_ ليش وينها .

نوف :_ عن نذالتك ادري انها حذالك .

جاسم :_ من معلمج .

نوف :_ انت .

جاسم :_ انا ؟؟ وشلون ؟؟

نوف :_ ما يحتاج تقول او اسمع حسها يكفي صوتك الي متغير و امبين انك مرتاح .

جاسم إلي انحرج من كلام اخته الصريحة معاه و ابتسمت ريم و ابعد نظرها عنه

جاسم :_ يا عيني على حبيبية قلبي الي تفهمني دوم زين حبينا نتطمن نخليكم الحين .

محمد ياخذ اتلفون من عند نوف :_ يالواطي و لا تسأل عني و لا تفتكر وينه شخبار اخوي الغالي .

جاسم بوله لأخوله :_ هلااااااااااااااااااااااااااااااااا بو جسوم .

محمد :_ أي أي اصبغني لكن بس ترد اردها لك .

جاسم :_ ههههههههههه فديتك هوا فرنسا منسيني الكل .

محمد بلعانة :_ هوا باريس لو هوا الي .

جاسم :_ و لي يسلم عمرك لا تتدخل بالأعماق .

محمد :_ هههههههههههههههههه تعجبني ابو حمود .

جاسم :_ اكيييييد .

محمد :_ اقول جسوووم وليد ونفذ دوره وياب خلودي و الحين يا دورك نبي احلى حمود .

حمرت ريم من كلمة محمد و ضحك جاسم بمجرد ما ناظر خجل ريم :_ اشفيك انت علينا توها الناس .

محمد :_ جوف ما ابي تكمل السنة و الا حمودي بيديني لا انا الي اسنعك .

جاسم :_ ما طلبت ابشر بأذنه الله .

احترقت بمكانها ريم من كلمة جاسم إلي أحرجتها

محمد :_ المهم اذلف احسن عطلتنا ترانا رايحين لشبيهك بالمستشفى.

جاسم :_ والله .

محمد :_ أي والله .

جاسم :_ بس صوره لي و دز لي صورته تكفى بيحترق قلبي لشوفته .

محمد :_ ما طلبت بس يلا ما اوصيك سلم على ريم و تحمل فيها و بحالك و ردوا لناس المين والله لكم وحشة ما بعدها وحشة .

جاسم :_ أي أي فهمت عليك تبيني انقلع يا جليل الحيا .

محمد :_ أي والله زين يات منك مو مني .

جاسم :_ والله انك مرجوج و لا اشك فيوم بهشي .

محمد :_ ماخذ هالرج منك .

جاسم :_ تحلم .

محمد :_ قصدك العكس .

جاسم :_ هههههههههههههه المهم انا الي ما ابي اخسر فلوس عليك في امان الله .

محمد :_ زطي من يوم يومك .

جاسم :_ و افتخر .

محمد :_ هههههههههههههه حبيبي الزطي أنا يلا نشوفك على خير طمنا بين فترة و فترة عليك .

جاسم :_ من عيوني هذي قبل هذي يلا في أمان الله و سلم على الأهل .

محمد :_ يوصل بأذنه في حفظ الله و رعايته .

…………………………………………………………………………