(( روحــــي فــــداك )) قصة حب كويتية..من تأليفي...

[هدباء]

ريم من دون انتباه للي بتقوله:_ على هناء وصيته اخبرها اذا انا في الطريج بييها.

ناصر ابتسم ولف وييه ينتبه لسواقته و اسم هناء الي انذكر كان الشي الوحيد إلي يخليه يرتاح وينسى الهموم اشوي و المشاكل الي مقبل عليها...

ريم من جنب ثاني:_ ألو.

هناء بوناسة:_ هلا ريمان.

ريم:_ اقول هنوي كاني بالطريج يايتج.

هناء:_ صج و الله.

ريم ببتسامة:_ ايه يعني تزهبي اوكي.

هناء:_ من عيوني اليوم بوكلج احلى كاتو من يدي.

ريم و اهي تضحك على خفافة دم هناء:_ بس مب كله أخاف امتن و أصير دبة مثلج.

هناء:_ لا و الله صبري على هلكلام مب أحين اوريج سنع الله.

ريم:_ ههههههه بنشوف يلا باي.

هناء:_ باي.

.................................................. ...................................

في بيت ابو مشعل وين ما كنت مروة قاعدة لحالها و تناظر من بلكونة غرفتها السمى و الهوى و بالها في طلال فجأة يقطع على بالها التفكير و التحليق في عالم الخيال دقة باب غرفتها...

مروة و أهي تمشي بين زوايا غرفتها الواسعة و شعرها إلي واصل لكتفينها متدلي على جنب واحد:_ منو.

ام مشعل إلي كانت تدق الباب:_ يمه مروة فجي الباب.

مروة و اهي مستغربة لجية امها بغرفتها مب من عوايدها تجيني بهلوقت...

مروة فجة الباب:_ يحاج يمه تفضلي.

أم مشعل ببتسامة:_ زاد فضلج يمه.

دخلت أم مشعل و استريحت على كرسي طويل بزاوية دار مروة الفخمة و وصلت مروة بعد ما سكرة الباب و قعدة لوين ما امها قاعدة...

مروة ببتسامة:_ خير يمه اشوفج اليوم منورة داري بوجودج.

ام شمعل:_ أيييه يمه طلبتج بشي و ما اباج ترديني.

مروة:_ سمي يمه و مالج إلة طيبت الخاطر.

أم مشعل:_ عسا الله يوفجج يمه بس الي جيتج اليوم بناشدج فيه يمه ما بهو شي غريب عليج بسماع ذكره و المفروض اسمع منج الكلام بنفس الوقت على قرار انج مفكرة بالموضوع قبل.

مروة إلي ضاقة بعينها الدنيا و عرفت موضوع فايز ولد خالتها شلي تسويه وقلبها مع طلال مستحيل اخذ هذا فايز إلي عمري ما حبيته.

.................................................. .....................................

في هذا الوقت ناصر و ريم وصلو عند بيت هناء...

هناء كانت بفوق بدارها تترقب وصلو ريم من دريشة غرفتها بيوم شافت سيارة ناصر تخبلت و طار قلبها من الوناسة و نزلت بسرعة وحطت على راسها غطى عشان تطلع لريم...

ريم بسيارة:_ يلا عمي توصي على شي.

ناصر:_ هههه افا بلاج نسيتي بلي وصيتج به.

ريم:_ أييييييه من عيوني يوصل.

ناصر:_ دام بيوصل يلا في أمان الله.

ريم و أهي تفج باب السيارة:_ في حفظه ورعايته.

نزلت ريم و تم ناصر واقف يترقب فجة باب بيت هناء لعله هلقلب يشوف ذرات بسيطة من جمالها...

ريم توصل لعند الباب و بالصدفة تطلع لها هناء بانت بنص جسمها و الأهم ويها ناظرها ناصر من بعيد و هناء تمت تناظر ناصر و اثناء هلحضات تدلت خصلات من تحت الشال الي على راس هناء من شعرها و بسرعة بعدت رايسها و استقبلت ريم...

ريم:_ يمه منج سلمي بس فجت الباب تناظر الحبيب.

هناء:_ هههههه لازم احين تفضحيني حياج.

ريم:_ اقول هناء تحبينه.

هناء الي حمرة:_ يوزي اقول.

ريم:_ شيوز الريال موصني اوصل لج سالمه.

هناء الي تخبلت:_ حلفيييييييييي جذابة و ربي جذابة.

ريم:_ طالع هذي ام الخبال دشينا بيتج الجو بارد بعدين طلعي خبالج.

هناء:_ ههههههه اسفه حياج..

ريم إلي كانت ورة هناء تمشي بالصدفة تفج الباب هناء بويها فهد طالع ولابس و بكشخته(( فهد شخصية يديدة يمتلك من الوسامة إلي تخليه يخبل عيونه الزرق بلون غاااااامج حلوين و بريقهم الروعة طوله الي يخبل الواحد و نظراته تربك اين يكن و عمره 25 سنة موظف في اكبر الشركات بتخصص مهندس لبرمجة الحاسوب))....

ريم أول ما طاح نظرها على فهد وخة راسها بخجل من هريال و تفجأة من يكون كانت تعرف هناء لها اخو اسمه فهد بس عمرها ما تلاقت وياه وشافته...

هناء بمرح:_ اشوف قمييير بيطلع اليوم.

(( دوم هناء تلقب اخوها فهد بالقمر من زود حلاه لكن ما وصل حلاة عيال بن فارس))

فهد:_ ليش تبين اجابلج مب حرمة عشان اهوى قعدة البيت.

هناء:_ أواااااه دوم ضدي بالحجي.

فهد إلي التفت لوجود ريم:_ مسامحة اشوف عندج ضيوف وللحين موقفتهم بالبرد ما تخجلين انتين محد غيرج بيفضحنا.

هناء:_ لا و الله اقول رح مب محتاجة منك تسنيع تراني مسنعة.

فهد بغشمرة وهو يلبس نظارته:_ بس اشوف راسج عوي ما ادري شمنه.

هناء:_ طالعة على اخوي اقول انت الي معطلنا باي امشي ريم زين عن هدب.

فهد إلي كان يتوعد فيها مسرع ما لمح طرف عين ريم جمد و تم واقف شلي شافه شهلحلا من هذي من وين طلعت لي ما شاء الله حلووووووووووووة صج يبان عليها بنت اصايل....

هناء:_ اقول فيهد سكر الباب وراك.

فهد ينحاسته:_ مو شغلج.

ويطلع يسكر الباب و طول الطريج و ملامح ريم إلي مرة عليه مثل هبت الرياح شالغة باله شهلبنت معقولة في جمال بالهكون كله مثل هلجمال مستحيل اول مرة بعمري اشوف هلجمال.

.................................................. ..............................

بين أجواء الرميثية إلي الجو البارد عام بأرجاء و مناطق الكويت كل ابوها و ملطف الجو بالبرودة إلي يمكن شديدة ولكن حلووو فصل الشتاء موووو.. في بيت أم فيصل إلي يتميز بالفخامة الراقية و الذوق الحلوووووو...

نواف إلي كان جالس بصالة إلى حاله و هذا طبعه الأنطوائي واااااايد ويحب السكوت و يعشق شي أسمه الهدوء ( غريب مو بس بتتعودون على شخصيته) نواف شاب مثل كل الشباب لكنه متهور أشوي في قراراته و دوم ما يوقع في تسرع قراراته و يندم لكن يحب هذا الشي عشان يستفيد من تجرباته بالحيات...

مشى نواف بالصالة الفخمة إلي مملية من الأثاث إلي يخليها تمتلك الرونق الرووووعة بالحيل و يحليها بالإضاءة الروعة أتجه أحذال الكرسي الطوييل إلي بزواياه قطع من القماش المخملي بلون ذهبي روعة و مفروش بشكل فننن و مرة اجنان قعد وسكوته يحاوطه بس يا ترى شلي يفكر فيه نواف اذا يعشق السكوت و طبعه غريب بس متهور شي يمكن ما يخطر على بالكم(( الحب )) هذا بنسبة إلى نواف هذي المشاعر و أحاسيس إذا تخللت قلب الواحد يمكن تخليه مستعد للأستمرار في الحيات بشكل تااااااام و هذا الشي الي لو أنذكر على باله بصاحبه يريح العقل من كل الهموم و الزحام إلي يمر فيها بهذي الدنيا نواف ما يحب و لا يفكر يحب بس أتفكير و العقل خوااااااااان ويمكن يبعدك إلى أبعد الحدود من التوقعات و التخيلات.. نواف وهو يكلم نفسه:_ لالا شهلخرابيط شنهو حب و سوالف ما لها معنى بالحياة بلاك يا نواف بلاه عقلك تخبل على أخر عمره لا يا ابوك اثقل يا ريال...نواف تمت ساكت وهو يتأمل فخامة بيتهم و الهدوووء إلي يعمه و فجأة يرن تلفونه...

نواف وهو يرفع التلفون:_ ألو.

( المتصل كان فراس ولد خاله) فراس:_ السلام عليكم.

نواف وهو يهلي بفراس:_ هلاااااا بالقاطع شلونك شلون الأهل عساكم كلكم بخير.

فراس:_ هههههه أنا قاطع و الله أنت إلي متبيخل بسيارتك ما تمر الجهراء أعنبو ما صارة و بعدين و الأهل كلهم ابخير ها اشوفك تسأل عن الأهل ترى اذا حاط عينك أنجلع لا أوريك.

نواف وهو يعرف مزح ولد خاله:_ هههههههههه لالا الله يهادك الله لا يبلينا بسوالف الحريم شلي فيهم.

فراس:_ أيييييييه خلك مثل ارفيجك شلك بلبلاوي و الله اذا فكرة تتزوج اجهز نفسك( فراس وهو يعلق على دلاعة البنات) أبي اسافر ودني بيت ابوي ايه بلاك ما ترد علي ايه كل حاقرني ايه شوف اختك ايه ما تجابلني.

نواف:_ هههههههههههه الله ياخذ بليسك صج ان الحريم جذي بس حرام تعقر فيهم مب كل الحريم جذي.

فراس:_ هههههههه الله يهداك شنو مب كل الحريم جان على اختي ريمان ايه و الله ما تساوي و لا حرمة من حريم الديرة بس لولو هذي الي بذبحها من لقافتها.

نواف:_ ههههه الله يخليهم لك إلة اقول شلى داق.

فراس:_ شسوي وحشتني حبيبي هههههههههههه لا تصدق حالك بس شسوي زهقت قلت ادق على نوافوه نشوفه شخباره بعد اخاف تزوجة و يابو لك بيبي و حنا ما ندري.

نواف:_ ههههههههههههههههههه بعاااااااد بيبي مرة وحدة في وين صارة لالا يا ابوك و لي عافيك اعفينا من هشي خله لصحابه.

فراس:_ صح لسانك و انت راعيها زين أقول مرية المزرعة.

نواف:_ قول مريت بيتك الثاني أكيييييد المزرعة روحي دوم أهناك.

فراس:_ أنا ما أدري شعاجبك بالمزرعة فروس و فلة و مسبح و مزرعة شكبرها.

نواف:_ بس أفضل مكان لي شرايك تجي تبات معاي اليلة أهناك.

فراس:_ شنو أنت كل ليلة ترقد بالمزرعة.

نواف:_ أممممم تقريباً.

فراس:_ دام جذي على اليلة ببات معاك.

نواف:_ حياك الله.

فراس:_ تسلم إلة أقول قم فج الباب جمدتني عند باب بيتكم.

نواف بستغراب:_ أوااااااااااااااااااه انت عندنا بالرميثية.

فراس:_ لا بالجهراء قم جمدتني يا اخي الحق علي لا اصير قطعة جليد.

نواف:_ ههههههههه سم بس دقايق يلا باي.

فراس:_ باي.

سكر نواف بوناسة ليش فراس عندهم بالرميثية و راح طلع له...

فراس إلي واقف برع وهو متجمد من البرد..

نواف وهو يصافح فراس:_ هلااااااااااا فراسوه هلا بيك ولد الخال جذي تجمد حالك و لا تتكلم.

فراس:_ كنت بطريج توني واصل.

نواف:_ حياك حياك الله تفضل.

فراس:_ تسلم.

فصيل إلي كان توه نازل من السيارة ويلحق نواف و فراس لديوانية من الباب الخارجي...

فيصل و هو يدخل الديوانية وهو بالحيل يرتجف من البرد:_ هلااااااااا فراس اشوفك عندنا أهني بالرميثية.

فراس:_ شنهو مب عاجبكم أيي عندكم أرد الجهرءا ترى.

نواف:_ لا وين ترد الله يهديك حياك.

فيصل:_ أقلط يا ولد الخال حياك إلة شلون الأهل و شلون خالتي.

فراس وهو يقعد و يظبط شماغه و يعدل قامة دشداشته عند الرقبة:_ تمام و الحمدالله ابخير.

فيصل:_ الحمدالله.

.................................................. .........................................

في بيت أبو فهد( بيت هناء رفيجة ريم ).. ريم كانت مع هناء بدارها و طاقينها سوالف و مزح....

ريم:_ هنوي اليوم عمي خبرني أنه خبر جاسم بسالفة الزواج و.

هناء تناظر ريم:_ و شنو كملي بلاج سكتي ريمان.

ريم:_ ما ادري شقول عمي صدمني يقول جاسم من دون ما يعرف و لا يسمع و لا يشوف أي شي رفض هذا الزواج رفض قاطع.

هناء:_ أواااااااااااه ليش يبان عليه متسرع و غير متفاهم على الأمور.

ريم:_ لالا بس عمي خبرني أن أهو ما يفكر بالزواج الحين فعشان جذي رفض و الشي الي زاد رفضه أن بيكون زواجه الخطوة الكبيرة في حياته بقرار من غيره و يختارون له من تكون شريكة حياته و هذا المستحيل عنده.

هناء:_ كنتي مثله بلأول رافضة الشي مو.

ريم بحماس:_ كنت بس تصدقين قاعدة أحس يوم بعد يوم أني ابي اجوف هلجاسم إلي دوم يتكلمون لي عنه خصوصاً بعد ما صار أنه مكتوب لي كزوج و شريك حيات مب بس ولد عم.

هناء:_ الله يوفجكم و تشوفينه إلة على طاري الجامعة ما بتسجلين.

ريم بحزن:_ أبوي فاتحني بهلموضوع و قال لي زواجج بجاسم ولد عمج معناته ما تدخلين جامعة البنت اذا تزوجة مالها غير بيت ريلها.

[هدباء]

هناء:_ أمممممم تصدقين ريمان ساعات من بعد اذنج احس عمي ابو طلال وايد متعصب بالتفكير العقلي حرام تضيعين مستقبلج جذي.

ريم:_ الي كاتبه ربج بيصير بعدين بسنا نكد و حزن إلة اقول وين كاتوج إلي بتوكليني أياه كل ابوه.

هناء:_ أفا علييييج من عيوني أحين أروح أزهبه.

ريم:_ تعالي اقووول في احد ببيتكم.

هناء:_ أمممممم أمي عند خالتي بهيجة و أبوي برع و فهيد طالع مثل ما شفتي ما كو احد غير الخدامة.

ريم:_ تعالي زين هذا من صجج فهد اخوج.

هناء:_ ههههه ايه هذا اهو ليش.

ريم:_ ما تخيلته أبد جذي عوووووود.

هناء:_ ويه فديته قميييييير صار ريال مثل ما احنا صرنا حرييييم.

ريم:_ شنهو شنهو انا حرمة لا عيني انتي حرمة حلال بس انا لا تقولين لي حرمة ايه مو منج يا بنت ابوج من الي لاف هلعقل.

هناء:_ شسوي ما صرفت حبي له إلة بهلقب و بيوم دخل ما عاد يطلع لزق أوااااااااه منه.

ريم:_ هههههههههه صرفيته ها اقول امشي زين بنزل معاج.

هناء:_ يلا.

ريم ألبسة العباة و غطت راسها بالشال الناعم و نزلو تحت متجهين للمطبخ بياكلون لهم شي عن اليوع...

.................................................. ......................................

في بيت أبو مشعل بين لحظات الصمت و السكوت و الحيرة مروة كانت أجبال أمها و تناظرها بيأس وحيرة...

أم مشعل:_ يمه مروة مثل ما قلت لج أنتي من صغرج محيرة لولد خالتج فايز بس هم حبيت أسمع قرارج.

مروة بتردد و خوف من ردة فعل أمها لو عرفت جوابها:_ بس يمه أنا ما فكرة للحين.

أم مشعل:_ شنو ما فكرتي يمه أنتي عارفة بهذ الشي من صغرج المفروض حاطته ببالج و مقررة له من زمان.

مروة و أهي توقف بتمرد لأمها و تفرض رأيها:_ يمه عذريني على إلي بتسمعينه مني بس فايز عمري ما تصورته غير ولد خالتي و أخوي الجبير و بس و إذا رايدة قراري أنا مب موافقة.

أم مشعل و العصبية تثور فيها بهدوء:_ ليش يمه بلاه ولد خالتج ما تريدينه.

مروة و أهي تعاود الجلوس و تمسك يدين أمها بسترجأ:_ يمه تكفين هلموضوع فكرة فيه وايد و هذا قراري يمه فايز مب أنا إلي أستاهله الله يكتب له التوفيج في حياته بس صدقيني يا يمه فايز ما رح أقدر أعيش معاه لوكنه زوجي و شريك حياتي فهميني يا يمه.

أم مشعل:_ بس يمه ولد خالتج ما يحوشه عيب و ريال.

مروة تقاطع امها:_ السموحة يمه بس أنا ما رفضة فايز على شي يعيبه بالعكس فايز كل بنت تتمناه بس أنا يا يمه مب من نصيبه فهميني يمه و لا تغصبيني على شي ما أبيه.

أم مشعل بعصبية و إلى أول مرة ترفع صوتها بعصبية جدام عيالها:_ كلامج يا مروة هذا مارح يفيدج غير فايز ولد خالتج ما تاخذين فاهمتني.

قامت أم مشعل بعصبية تثور بداخلها و طلعة و أتركت مروة إلي ضاقت بعينها الدنيا و قعدة على الأرض و ضمت حالها و أهي تبجي.. وينك طلال ناشدتك اسمعني مالي غيرك يبوني أبتعد عنك اكثر كافي السكوت و البعد هذا شلي تبون تسوونه فيني طلال و رب السما شاهد علي حبي لك اكبر شي بهدنيا ورح اضحي عشانه لو ادفع الثمن غالي يا طلال لو ادفع الثمن غالي يا طلال...

أم مشعل ما كانت تفرض رأيها على بنتها عشان تاخذ فايز ليش أنه ريال وسيم ويملك من الثورة و الغنى لا الحمدالله الله رازقهم بس أم مشعل إلي كانت تحب ولد أختها فايز و تعتبره بمثابة ولدها و ما كانت تتمنى تشوفه مع وحدة غير مروة بنتها المدللة ما كانت تبي بنتها المدللة تحرمها من شوفتها مع ولد اختها إلي عزته مع بعض كزوجين أما أبو مشعل إلي مخلفها الراي و كان يبدي راي البنت فوق كل شي و أم مشعل معاكسة لقرار أبو مشعل لأول مرة بالحياة يتعاكسون و يختلفون في الرأي....

يا ترى مروة هل رح تتزوج فايز ولد خالتها و يتحقق حلم أم مشعل؟

أم رح تبقى تضحي بحبها لطلال و ترفض كل من يتقدم لها و أهي تعيش على أمل مجهول و لا أهي عارفة قيمتها بقلب طلال؟

.................................................. .......................................

ألحظات اقتربت لتصدم كل من على هذه الدنيا بقرارات الأخرين و تضعهم أمام الأمر الواقع وليس الخيالي.. جاسم أستعد على أتم أستعداد و زهب حاله على الساعة وحدة في اليل و جاسم على أكبر أستعداد زهب حاله و حمل جنطته و إلي في باله خطاه تم يناظر غرفته و يتنهد ترك كل شي و مشى طلع من داره و نزل كل اجنطه و دخل البيت مرة ثانية صعد فوق دخل على محمد داره تم يناظره و يتأمله باس اخوه على جبينه و بقلب متعذب الله يحفظك في أمان الله طلع من محمد و راح لنوف إلي من شافها برقادها مرتاحة أبرقة عينه بالدموع بفارقج يالغالية بعد ما ولهتي على فراقي في الدراسة بس عساني أعود لكم بسلامة و ما أطول.. طلع من عند غرفة نوف و تارك وراه أشياء كبيرة رح تحصل بغيابه و طلع و صعد سيارته تم يناظر البيت و الفريج و الجو البارد زخة دموعه بكل حسرة على القدر إلي رح يتهرب منه إلى الحظة هذي و التردد في نفسية جاسم لكن تفكيره الجنوني و رفضه القاطع كان أكبر من تردده و شغل السيارة ومشى...

.................................................. ...............................................

ناصر إلي مستعد حالياً وهو بالمطار ينتظر وصول جاسم و كان معاه زياد...

زياد:_ هذا مينون جاسم بلي يسويه معقولة ضميره ما أنبه.

ناصر:_ أشلون ما أنبه بس جاسم إذا قرر و حط شي في باله ما يهمه شي و إذا أفكاره الجنوني طغت على تفكيره خلاص ينسى كل شي.

زياد:_ عارف بس الله يهديه.

ناصر:_ الزين عرفت متى حجزه لطيارة.

زياد:_ الله يجيب العواقب سليمة يارب.

ناصر:_ تهقى شردة فعل جاسم لما يعرف أحنا دارين بسفرته إلي يخطط لها.

زياد:_ الله العالم بس ليش اذا ما يبي يتزوج في حل ثاني بس الهروب معقولة يا جاسم الهروب.

ناصر:_ ترى يا زياد جاسم اذا تهور يتحول لأنسان ثاني كلنا ما نتوقع منه أي تصرف من إلي يبذله.

زياد وهو يناظر من بعيد:_ ناصر وصل قم يلا.

ناصر وهو ياخذ نفس عميق:_ يالله توكلنا على الله.

زياد:_ ههههههههه شنو بتذبح واحد.

ناصر:_ هههههههههههههه و الله ما ادري مش يلا.

طلعو ناصر و زياد من الكوفي الخارجي إلي بالمطار و راحو يمشون متجهين ورى جاسم لوين ما يروح تمو وراه و يترقبون الحظة إلي لازم يتدخلون فيها...

ما طول الوقت عليهم باليل و وصل جاسم و وقف بيطلع جوزا السفر و التذكرة...

ناصر من وراه:_ جاسم معقولة.

جاسم أرتجف ولف ويهه و أنصدم تم يناظر زياد صوب و ناصر عمه صوب....

زياد:_ جاسم لولا غلاك ما لقيتنا أهني.

جاسم و الصمت حاويه و عاقد لسانه.

ناصر:_ معقولة تبي تتهرب من الواقع جذي.

جاسم:_ عذروني بس أبي شي منكم تتركوني لحالي.

ناصر:_ نتركك مينون تبي تدوس النار بريلك و نتركك أذكر الله يا جاسم و أستهدي بالرحمن إلي تسويه غلط و أنت عارف زين شنو رح يصير لو تسافر.

زياد:_ معقولة تسافر يا جاسم بعد هلغيبة ما ظنينا ترد لنا ترجع تهجرنا.

جاسم يوخي راسه و كله يأس لكن أفكاره الجنونية عاوته و عاودت الأصرار له...

جاسم يرفع راسه ويناظر بزياد و ناصر:_ عمي.. زياد سامحوني و عذروني أطلبكم لا تردوني قدرو موقفي سفري يعني راحتي النفسية.

ناصر:_ و تبني وراك صدمة كبيرة للكل ما حد يتوقعها.

جاسم:_ أسفه بس تركوني الحين ولي يعافيكم.

زياد وهو يحط يده على جتفين جاسم:_ ما رح اقول لك شي بتسافر سافر وين ما بتروح بس اخر شي اقوله زواجك من ريم مثل الموت لو تكون في وين رح يتم يعني رح يتم و الأيام بينا و بتشوف بنفسك يا جاسم.

ناصر:_ معقولة يا زياد نتركه يروح جدامنا ويصدم الكل.

زياد ألتفت إلى ناصر عمه:_ تركه عمي أهو أعرف بمصلحته و بيوم يحس أنه غلط بيرجع لديرته و هله إلي عافهم وهم ما عافوه ويترجون القرب منه.

جاسم كل كلمة يسمعها من زياد ينهز أكثر و زياد عارف بهلكلام قاعد يجرح جاسم بس يبي يحسسه لو بشي من الي قاعد يسويه...

ناصر يضم جاسم:_ ما ودي افارجك يا جاسم بس ليش تسوي فينا جذي.

جاسم وهو يحاول التماسك لا يبجي:_ راد لكم أن طال الزمان لو قصر غيابي ما رح يطول.

زياد يضم جاسم بقوة بعد ما تنحى عنه ناصر:_ جسوووووووم تحمل بحالك أمنتك على حالك دير بالك و لي عافيك لا تقطعنا بلأتصالات بس أهم شي راحتك النفسية.

جاسم:_ لا تشيلون هم أنتو تحملو بحالكم.

ناصر و زياد تمو يناظرون جاسم و قلبهم يلومه على لي يسويه بس شنو بيدهم غير انهم يشوفون افراق الغالي و يكتمون حسرتهم بقلبهم عشان راحت جاسم بس و هم عارفين طال الزمن أو قصر رح يرد بس الشي الصعب شرح يصير لو يعرفون الأهل و بذات أبو وليد ياااااااااه رح تنقلب الدينا كلها....

جاسم إلي كان يمشي بكل خطوة كان بدخله تضارب قلبه يقول له ابتعد عن العذاب يا جاسم و سافر ابتعد عن قدرك و عقله يقول رد يا جاسم لديرتك و اهلك رد لا تصدم الكل شموقفك ليما يعرفون الكل بالشي رد يا جاسم رد...

جاسم وقف و مع وقفته ناصر و زياد إلي يترقبونه تمو يناظرونه بترقبون من تحركاته شي حسو فيه شي....

جاسم يلتفت لناصر و زياد و تم يناظرهم.. تردد و قراره غير مستقر و مقتنع...

ناصر ترك زياد وتجه لجسام و لحقه زياد...

ناصر يوصل لجاسم:_ بلاك جاسم.

جاسم يناظر بعيون عمه و دمعته تبرق بعيونه...

ناصر:_ بلاك جاسم شلي فيك.

زياد يوصل و يوقف من ورا عمه:_ جاسم شفيك.

جاسم يحس الكون بيتزلزل قلبه ما يطاوعه يترك هلبلد هلأهل هل أرض إلي هواها أسنين و أفتقدها أسنين و بيوم رد لها يعاود ويهجرها لمتى يا جاسم يتظل تهجر أهلك و بلادك ليمتى.. أنهارة أدموعه على خده ناصر و زياد عرفو بلي في جاسم..زياد تقرب حذال جاسم ورفع راسه وناظر بعيونه:_ جاسم عارف بلي في قلبك الهجر صعب و البعد بس هذا قرارك.

جاسم إلي حاول يتجاهل هشعور من بيوم ما قرر السفر للحين لكن كان صعب يتجاهل هشعور يتجاهل شعور الغربة إلي مقبل عليها و لمتى رح يتم غريب بهدنيا ليمتى...

ناصر:_ جاسم أنت هذا قرارك مثل ما قال زياد و اذا رايده تيسر و الله بعينه يحفظك ويصونك و إلي قلبه مع الله رب العالمين ما يخيبه.

جاسم بصوت مخنوق:_ عمي اشلون بتخبر ابوي بسفري.

ناصر يبتسم بويه جاسم:_ لا تشيل هم.

زياد:_ جاسم سافر و الله معاك ولا تفكر وااايد بلي رح يصير انا و ناصر موجودين.

جاسم يحاول يفتش على الابتسامة الي يمكن تريح قلب ناصر و زياد لكن وين يلقاها بهلحظات تنهد و ناظرهم وهو يردد كلماته:_ في أمان الله.

ناصر+زياد:_ في حفظه و رعايته.

زياد:_ جاسم.

يتوقف جاسم بعد ما التف عنهم و مشى بخطوات بسيطة:_ لبيه.

زياد:_ دير بالك على حالك و لا تنسى ذكر الله.

جاسم:_ من عيوني يالغالي.

ألتف عنهم و مشى متجه لقسم الأجراءات كملهم و مشى بكل خطوة يحس بالفراق و البعد الي قاعد يروح له بريله لكن مجبور....

مشى بطريجه إلي كتبه له القدر مثل ما كتب له القدر أن يده ويدته يوصون قبل موته بزواجه من بنت عمه و ركب الطيارة أول ما دخل حس ببرودة الطيارة إلي كانت مملية ناس بس أكثر شي كانو أجانب و قليل منهم يكونون عرب أشرت المظيفة لجاسم على مقعده الخاص و أتجه أحذاله بكل هدوء ليما وصل للمقعد إلي كان حذال الدريشة قعد و أسترخى جسمه و ظبط وضعيته و تم جالس يناظر كل من يمر عليه و كل من يدخلون من مسافرين ألتف بعد ثواني لدريشة إلى حذاله و تم يناظر الدنيا من الدريشة إلي كانت صغيرة تم يناظر مباني بلاده و الأنارة إلي كانت مضوية الدينا من كثر المباني و العمارات الفخمة....

جاسم و باله يروح للبعيد أاااااااااااه عسا الله يحفظ كل من على أرضج يا هلبلاد ياربي ردني لج بقرب وقت ألتف عن الدريشة و أسترخى راسه على الكرسي و تم بوضعية مرتاحة جسمياً أما نفسياًً فكان تعباااان حيييييييل.....

.................................................. .....................................

ناصر وزياد من صوب...

ناصر بضيق:_ بترد بيتكم.

زياد:_ ما اظن اخاف بيسألوني وين كنت ما اقدر اواجهم بالحقيقية.

ناصر:_ الله يحفظه بس تدري بنروح المزرعة احسن.

[هدباء]

زياد:_ ايه و الله يلا مشينا.

ناصر:_ يلا.

زياد يوقف ويناظر ناصر عمه:_ عمي فجها لا تضيق خلقك اهو الي يبي هذا لحاله ابكيفه.

ناصر:_ ليش جذي يصير ليش.

زياد:_ هذا المقدر و المكتوب بس اقول اذا ما ضحكت اخليك ترد البيت و تواجه الكل.

ناصر:_ لالا و لي عافيك.

زياد:_ هههههه خايف اشوف اقول اشلون الحب.

ناصر:_ اسكت يا معود شفتها اليوم.

زياد:_ لا قول و الله أحلف.

ناصر:_ و ربي اقول لك حلووووووة و زايد حلاها.

زياد وهو يمشي مع ناصر طالعين من المطار:_ ألف مبروووووك أقول متى الزواج عيل.

ناصر:_ بل بل بل وايد انت مستعيل كل شي بالهداوى.

زياد:_ ههههههههههه شنسوي بغينا عرس جاسم فرج لنا بس طلع خاين ابو الهجر دوم هاجرنا يموت على غربة.

ناصر وهو يناظر بنت تطوف من جدامهم انجليزية و بيييضة بالحيل و شقرة..

ناصر بطناز:_ زيود في شمس باليل.

زياد يناظر الأنجليزية وينفجر من الضحك على تعليق ناصر:_ هههههههههههههه الله ياخذ بليسك عيب عليك تطالع بالناس.

ناصر:_ طالعها اشلون تتمشى تقول ترقص.

زياد:_ لالا شكلك ينيت ياخي مش لا تفضحنا.

ناصر:_ اقول خلني اروح اتعرف عليها.

زياد:_ طالع هذا مصدق عمره اقول مش لا تفضحنا جدام خلق الله.

ناصر:_ شف خلني اتعرف عليها لا ما برقد اليلة.

زياد:_ هههههههههه يووووز بلاك.

ناصر بغشمرة:_ ويه هذا الناقص اتعرف على اشكالها وع مالت ما اكو احلى من ملاك هلقلب.

زياد:_ واااااااااااااو أشوفها صارت ملاك.

ناصر:_ مو شغلك اذلف احسن لك يلا جدامي شغل سيارتك.

زياد:_ طاع هذا يزقر فيني بعد اقول احترم ترى انا اكبر منك بشهر.

ناصر:_ الله و الشهر تلاقيهم غلطانين في النمرةهههههههههههههه.

زياد:_ ههههههههههههههههههه مش الله يهديك بس اخاف فيوزاتك ضاربة اليلة.

ناصر وهو يفج الباب:_ كل من جسوم النحييييس بيحوشني.

زياد وهو يفج باب السيارة:_ مي تو.

أركبو الثنين على سوالفهم إلي تمت طول الطريج إلى المزرعة...

و اليل مخيم على أجواء الكويت و البرد قوييييي بالحيل...

.................................................. ..................................................

في بيت أبو مشعل مروة مع ملاك كانو تحت بالطابق الأرضي طاقينها سوالف و أشوي يتناجرون مثل ما تعرفون نحاسة الخوات و البيت كله هدووووء مشعل كان برع البيت للحين مب من عوايده يتأخر بس طالع مع رفجانه و تأخر و زياد مع ناصر و رح يرقد في المزرعة....

ملاك تناظر مروة:_ اقول بلاج انتي يالدبة اشوي و تبجين علي كل حاقرتني و بس.

مروة:_ شقول امج ذابحتني تبي تزوجني ولد اختها غصب يه الزواج مب لعبة و انا مب عجيبنة تسويني مثل ما تبي و تشكلني انا انسانة و لي قلب و مشاعر.

ملاك_ بل بل كلتني بس زين دومج ساكتة عن هلموضوع شلي جابه على بالج الحين.

مروة:_ ليش ما دريتي.

ملاك:_ شنهو؟؟؟

مروة:_ معقوووووولة ما وصلج الخبر و أنتي أكبر رادار بالبيت.

ملاك:_ للأسف بطلت هشغلة أستقلت.

مروة:_ هههههههههه الله يلعن بليسج و الله مب مزاجي اضحك بس امج( يعاود الحزن لمروة) فاتحتني بالموضوع اليوم و تقول خالتج تبي الرد خلاص.

ملاك:_ شنهو شنهو شنهو كل هذا يصير و انا وين عنه.

مروة:_ طاع هذي انا في وين و انتي في وين و بعدين مو توج تقولين أستقلتين.

ملاك:_ ههههههههه شسوي ابو اطبيع ما يوز عن طبعه زين قولي لي شصار.

مروة:_ قلت لها برفضي.

ملاك:_ أوااااااااااااه طلعتي قد كلمة الرياييل عفية عليج مراوي بس شنو قالت امي يا حضي.

مروة و أهي توقف و تعلق على كلام أمها:_ كلامج يا مروة هذا مارح يفيدج غير فايز ولد خالتج ما تاخذين فاهمتني.. الله و الكلام عاد.

ملاك:_ ههههههههههه بس يبان صار فلم هندي اكشن ليتني حضرته.

مروة و أهي تقعد و ترمي على ملاك تكية من التكيات إلي مرصوصين على الكرسي الفخم بتنسيق:_ أنجبي يالخايسة أحين أنا في شنو و أنتي في شنو.

ملاك:_ زين ليش ما تاخذين فويز ولد خالتي يقولون وسييييييم حيييييييل.

مروة:_ شوفي ملاكوه يا تروحين عني لا تحصلين شي اليوم شنو اخذه مينونة أنتي.

ملاك:_ ايه اخذيه شنو الي يعارضج يا قمر زمانج.

مروة:_ في اشياء واااااايد تعراض.

مشعل إلي توه وصال و يطب عليهم:_ عددي يا بعد عمر اخوج هلشياء الوااااااااااايد ( وهو يمد الكلام بنعومة مروة)..

ملاك:_ ههههههههههههه يلا جكج مشعلوه وينج منه.

مروة:_ أوااااااااااه توك واصل البيت غريبة متأخر.

مشعل:_ شسوي ياسر أخرني.

(( ياسر شيخصية جديدة بالقصة يكون رفيج مشعل من الدراسة و رفجة حلوة ياسر شاب حبو و ولد عايلة كبيرة و حلوووو بمرحه و مزحه لكنه اشووووي خجووول امممم و شقول عنه بتتعرفون عليه بنفسكم من خلال الأحداث و بتحكمون عليه))....

ملاك:_ وين زيود ما القى له حس بالبيت مب من عوايده.

مشعل:_ على ما اظن بيرقد بالمزرعة هذا اخر علمي.

مروة:_ أموت و اعرف شلي يعجبهم بالمزرعة.

مشعل:_ خيالج يقولون في لج خيال اهناك.

ملاك:_ ههههههههههه و انا اقول المزرعة ليش كل ما نروحها ظلمة.

مشعل:_ ما قلت لج طلعت السالفة من خيال مرووه الدبة.

مروة:_ هي هي اشوفكم مصختوها صج أنكم خبلين عن اذنكم تصبحون على خير.

مشعل و ملاك يناظرون بعض و يضحكون...

مروة و أهي تقوم:_ الحمدالله و الشكر.

صعدة مروة دراها و ما طولو ملاك و مشعل و صعدو من رواها...

.................................................. .................................................. .....

في هذا الوقت وصلو ناصر و زياد المزرعة و توهم نازلين من السيارة بعد ما ركنها زياد داخل المزرعة ناصر وهو يلتفت لسيارة فراس و نواف و فيصل:_ اقول زيود يبان الشباب اهني.

زياد:_ أيييه.

ناصر:_ تعال شهلورطة.

زياد وهو يقفل السيارة و يمشي بتجاه ناصر عمه و يلف الشماغ على جنب و شكله كاااااان اجنان و رحيته من العطر الرجالي تفوح و تخبل:_ شنو ورطة لا تقول شي باجر بأذن الله خبر ابو وليد عمي بالدوام.

ناصر:_ أااااه الله يعيني يلا عيل مشينا.

مشو ناصر و زياد و دخلو الفلة و إلة بنواف و فراس طاقينها وناسة سوالف و مزح..

ناصر:_ سلااااااام.

فراس بوناسة:_ هلااااااااا عمي توه ما نور المكان.

زياد:_ هلا شباب اشوف اهني سهرة وينا عنها يا ناصر.

ناصر:_ قايل لك خاينين ما تصدقني.

زياد:_ أقول نواف اشوف سيارة فيصل اهني وينه.

نواف:_ هلا زيود تلقاه عند الفروس.

ناصر:_ شباب شرايكم نسهر برع الهوى حلووووو.

فراس:_ خوش فكرة و نولع لنا النار.

زياد:_ واااااااااو يعني الجو عجيب يلا عيل شناطرين.

الشباب:_ يلا...

أنقسمو الشباب نصفين زياد و ناصر أتجهو المطبخ ياخذون لهم بعض الأكل لأنهم يوعانين و ياخذون على حساب الشباب و نواف و فراس اطلعو عشان يزهبون المكان إلي كان أجبال المسبح و على بعد منه ساحة الفروس لتدريب و من بعده الأسطبلات إلي مليانة من أنواع الفروس العربية و الأصيلة و العريقة

.................................................. .........................................

جاسم بهذا الوقت كان الجو عنده مستقر حالياً بنسبة لوضعية الطيارة و قلبه إلي كان مليان اهموم و حزن و بعاد عن البلاد إلي ربى فيها اسنين عمره كلها و كان ينتظر ردته لها ما اظن ان القدر يكتب عليه يفارجها مرة ثانية و مب عارف هلمرة لمتى رح يهاجرها و يهاجر ناسها و أهلها إلي ساكنين بهلقلب مدى العمر لو شنهو صار....

.................................................. ....................................

شرح يصير لو أبو وليد و الكل عرفو بخبر سفر جاسم؟

ريم بالأخص شرح تكون ردة فعلها من هذا الشي لو عرفته؟

و جاسم لمتى بيتم مسافر ؟

و هل مروة بتاخذ فايز ولد خالتها؟

الأمور تتعقد و القدر يفرض نفسه لكن الأحداث القادمة أهي رح توضح لنا كل شي ....

أتمنى عجبكم الجزء و في أنتظار ردودكم دووووووم و على أحر من الجمر

يلا لا تبخلون علي بتفاعلكم مثل ما عودتوني

تحياتي

.. ريماني الفوارس ..

[هدباء]

سلامـــــــــــــــــ

:020: وين تفاعلكم معقولة أختفيتوووووو:020:

:007: لا تزعلوني و الله أبي مروركم الحلووووووووو عشان اكمل في:007:

تنزيل الأجزاء بلييييييييييييز ويييييييييييينكم

أنتظر تفاعلكم الحلووو على أحر من الجمر

تحياتي
.. ريماني الفوارس ..

[amaralzaman]

وااااااااااااااااااااااااااااااااااااااااااااااااا اااااااااااااااااااااااااااااو شو هل حمال والله القصة جنان سلمت أيديك غاليتي على هل نقل الرائع يلا بدنا التكملة بسرعة بليز

[مصرقعة ضايعة]

مشكورة حبيبتي هدوب ع البارت الحلو
يالله لا لا تتاخرين علينا ننتظر

[هدباء]

يسلمو على تفاعلكم الحلووووووووو

بس حيبت أخبر العضوة amaralzaman بأن القصة مب منقولة

هذي القصة من تأليفي....

و يسلمو على مروركم الحلو و الله يعطيكم العافية أن شاء الله


تحياتي
.. ريماني الفوارس ..

[حبر وردي]

مشكوره هدباء على البارت الحلو
أنا في انتظارك
see you

[هدباء]

يسلمو حبر وردي على وجودج الحلووووو و تفاعلج مع قصتي

و أن شاء الله ما أتأخر عليكم بالجزء السابع

و الله يعطيكم العافية أن شاء الله

تحياتي
.. ريماني الفوارس ..

[همسه ضلام]

مشكوررره بجد انتي مبدعه ننتظرك على احر من الجمر