{..كوني مكتملة الآنوثه!!

[Miss~RoOoz]

:

ترى الموضوع منقول .........من عالم حواء النسائي....وهو موقع قطري...للعضوه ..توليب...
أدعوا معي لها بالشفاء........

مولود جديد...الجنس أنثى...تكبر هذي الأنثى وتعيش طول حياتها تحت مسمى أنثى...وتموت وهي أنثى...

خلقت وعاشت وماتت وهي ماتحمل من الأنوثة الا مسماها وبس
وذآه اللي صايرفعلا...نشوف بنات ( أفضل أسميهم مخلوقات)...عالة ع الانوثة...لما أشوفهم نفسي أتحول لذكر ولا يجمعني فيهم نفس المسمى
الأنثى انسانة أرقى...كانت ومازالت...الملهم الأول والرابح لغزل الشعراء
وبموضوعي اليوم...راح أحاول بقدر استطاعتي...اني أكتبلكم عن ملامح الأنثى (مكتملة الأنوثة)...من كل الجوانب...(باختصار)...

قبل لاأبدأ بالموضوع...أبغى كل وحدة منكم تقول أنا راح أتغير ومن اليوم...مو عشان فلانة...ولاعشان أقهر علانة...ولاعشان أنخطب...
ولاعشان الناس يشوفوني...
ألين متى راح تعيشي عشان خاطرالناس...؟؟؟أحد كلف نفسه عشانك؟؟؟
قولي راح أتغير...عشان أنا انسانة...لي ذاتي...لي كياني المستقل عن كل الناس...عشان أحترم وأسعد الروح اللي قدر لها انها تعيش داخل ذأه الجسد...معقولة أموت وأنا ماحققت شي لذاتي؟؟؟ماأسعدت نفسي بيوم؟؟؟ماعشت لنفسي؟؟؟
لوحطيتي ببالك أقهر واغيظ فلانة وفلانة...حتى ربنا ماراح يوصلك لمرادك...تأكدي من كذا...وكل وحدة ونيتها...

والموضوع راح يكون ع عدة أجزاء...

:

المصدر: منتديات بنات دوت كوم

---

V>>;,kd l;jlgm hgNk,ei!!

الموضوع الأصلي : {..كوني مكتملة الآنوثه!! || القسم : "الأرشيف" مغلق || المصدر : منتديات بنات دوت كوم || كاتبة الموضوع : Miss~RoOoz

[Miss~RoOoz]

:


وهذي ملامح الأنثى الحقيقية...

المعاملات

*ملتزمة بدينها
*حسنة الأخلاق
*مؤدبة مع الصغير والكبير
*تحترم الكبير والصغير لأنها تحترم نفسها أولا وأخيرا
*توقف احترام وتقدير للي أكبر منها بالسن
*تبعد بأكبرقدر عن المشاكل>>> موتعتبرها فرد عضلات وقوة شخصية
*لها قيم ومباديء صحيحة ماشية عليها بحياتها.>>> مومع كل مين هب ودب
*ماشية بحدودالشرع والعرف
*ابتسامتها دايما مشرقة ع وجهها
*كلها حيوية ونشاط لما تشوفيها تحسي انها فعلا شابة
*لما تكون بمكان تملأه حياة وتترك بصمتها فيه>>>مووجودها زي عدمها مافرقت
*لها أهداف وطموح ...انسانة منتجة
*متعلمة...مثقفة...( موثقافة مطربين وستارأكاديمي)...ولاثقافة مقتصرة ع الجمال والميك أب...
*اذا جلستي معاها تفيدك وتستفيد مو بس تضيعلك وقتك بالحش والنميمة
*ناصحة...صادقة...متزنة...رزينة ...بعيدة كل البعد عن التكبر والغرور...>>> صايرموضة هذي الأيام طبعا كالعادة ع ولا شي.
*تعرف قيمة نفسها وأهلها...حريصة ع سمعتها...
*ماترفع صوتها ع أحد.

وغيرهاكثير...ماتخفى عليكم وأنتم أعرف فيها باذن الله...

:

[Miss~RoOoz]

:


وهذي ملامح الأنثى الحقيقية...

المعاملات

*ملتزمة بدينها
*حسنة الأخلاق
*مؤدبة مع الصغير والكبير
*تحترم الكبير والصغير لأنها تحترم نفسها أولا وأخيرا
*توقف احترام وتقدير للي أكبر منها بالسن
*تبعد بأكبرقدر عن المشاكل>>> موتعتبرها فرد عضلات وقوة شخصية
*لها قيم ومباديء صحيحة ماشية عليها بحياتها.>>> مومع كل مين هب ودب
*ماشية بحدودالشرع والعرف
*ابتسامتها دايما مشرقة ع وجهها
*كلها حيوية ونشاط لما تشوفيها تحسي انها فعلا شابة
*لما تكون بمكان تملأه حياة وتترك بصمتها فيه>>>مووجودها زي عدمها مافرقت
*لها أهداف وطموح ...انسانة منتجة
*متعلمة...مثقفة...( موثقافة مطربين وستارأكاديمي)...ولاثقافة مقتصرة ع الجمال والميك أب...
*اذا جلستي معاها تفيدك وتستفيد مو بس تضيعلك وقتك بالحش والنميمة
*ناصحة...صادقة...متزنة...رزينة ...بعيدة كل البعد عن التكبر والغرور...>>> صايرموضة هذي الأيام طبعا كالعادة ع ولا شي.
*تعرف قيمة نفسها وأهلها...حريصة ع سمعتها...
*ماترفع صوتها ع أحد.

وغيرهاكثير...ماتخفى عليكم وأنتم أعرف فيها باذن الله...

:

[Miss~RoOoz]

:


التصرفات

*جلستها صحية
*هادئة
*خجولة.>>> هذي الصفة تميزت فيها الأنثى...فلو ماكانت فيها حطي عليها X ...
*صوتها منخفض مو متذبذب.>>> موتخرجي من عندها تروحي ع طول لعيادة الأذن والأنف والحنجرة.
*مشيتها راكزة واثقة وقورة هادية زي النسمة بدون تغنج ولاتمايل.>>> بنات تشوفيهم تحلفي بالله انهم مشاركين بماراتون أو سباق الهجن.
*ضحكتها ناعمة ساحرة أقرب للابتسامة من القهقهة.>>> صارت نادرة...الوحدة تضحك تستني اللي بمعدتها يخرج بوجهك.
*تحركاتهاا ناعمة وقليلة.>>> مو تزعجك بخشخشتها وتجيبلك الحول بكثرة تحركها...في بنات أشك انهم جالسين ع جمرة.
*ماتتدخل في اللي يعنيها واللي مايعنيها.
*ماتتفلسف ع الفاضي والمليان.
*حكيها واضح مفهوم يخرج من فمها بانسياب.
*ماتسمعي منها ولالفظة صبيانية أبدا ولاعربجية.
*الكلمات النابية ماتنطقها أبدا.>>> وجع وياحمارة ويازفت....الخ.البنت اللي أسمعها تقول كذا ع طول أحكم عليها بالهمجية...
*الكلمات اللي تخدش الحياء لوتموتي ماتسمعيها من فمها
*الدق والتطبيل وشغل الدقاقات ذآه مافي أمل تسويه.>>> شايفتها كثير.الله لايبلانا قلة يعني.
*اذا اتكلمت بالتيليفون أو ع السيلولير صوتها منخفض مع وضوح.>>> موتزعق اللي حولها كلهم عرفواكل أخبارها.
*تراعي قواعد الاتيكيت والذوق العام.
*مستمعة جيدة...ومحاوره ممتعة.
*حكيهاذوق ومريح .>>> موتقولك هييييييييه انتي...أو ياانتي...كأنها داخلة عليكي من الشارع...ولاتتكلم عن غيرها بلفظ هاااااذي...خيرفين نحنا...استغفرالله في بنات أخاف منهم أشك انهم خريجات سجون.
*تبعد عن الهمز واللمز والمناجاة والضحك من غيرسبب لأنوووووو....؟؟؟
*طبيعية غير متصنعة.
*كل تعاملاتها تحت بند ( لوسمحتي – حاضر – ممكن؟)...وكل الألفاظ اللي تدل ع أدبها.
*نشيطة,مستبشرة,ماتسمعي منها:مافيّا,تعبانة,طفشانة,زهقانة.وكل الألفاظ اللي تحسسك انها بعمر الـ 80 سنة.

وعشان تكوني أنثى حاولي تتخلصي من اللزمات السيئة اذا كانت موجودة...فيه بنات أول ماتقوليلهم خبرية...يروحوا لاارادي يقولوا ( كذابة)!!!
أو ( قولي والله)!!!أو ( احلفي)!!!>>> تخليكي تقرري قرارجاد ماعاد تقوليلها ولاشي.
أو بعضهم تقوليلها شي ...تلاقيها فجأة شهقت ( شوي انتي بنفسك تدخلي بفمها)...وضربت بيدها ع صدرها(تحسي ان صدرك انتي آلمك)...>>>يعني سوت أكشن.



:

[Miss~RoOoz]

:



ومن التصرفات اللي كثير بنات يسووها وآخذينها عادة..وهي تشوههم...وتخرب أنوثتهم:

*أكل اللبان ( العلك) بكل وقت...شكلها بجدموحلو...والأفضع انها تحكي مع أحد واللبانة بفمها...
*قضم الأظافر...بجدبشعة واللي تعاني منها...في محلول بالصيدليات خاص فيها مروطعمه وريحته مقرفين...تحطيهم ع أظافرك خلال فترة بسيطة راح تتخلصي منها.
*حك الاذن...واذا عندك التهاب حاولي تعالجيه عشان تتخلصي من ذأه الموقف المحرج.
*حفرالكوسة(الأنف)...>>> نو كومّنت.
*لمس الشعرباستمرار
*في بنات عندهم بثور بوجههم...تلاقيهم طول الجلسة وهم يلمسوها وشغاليييييييين.>>> تتسلى
*وهذي الحركة كمان مقززة وملفتة.وهي تقشيرالشفايف,سواء بالأسنان أو اليد.
*بقولكم ع حركة بس لاتضحكوا...لكنها والله صايرة كثيييييير وشايفتها...وهي:
الوحدة أول ماتقوم...لاارادي تلاقيها سحبت الاندرويرتبعا( الكلوت)...>>> لاتلوموهاضايقهاالأخت.
*فرقعة الأصابع.
*أوقات تجلس وحدة وحاطة رجل ع رجل وطول الوقت تهز رجلها وتمرجحها
*أو تجلسي جنب وحدة تلاقيها تهز وتهز وتهز...افففففففف مزعجة توترك وترفعلك ضغطك غير منظرها طبعا.>>> كأنو زلزال.
*أوتجيكي وحدة طول الجلسة كل شوي مخرجة شي من الشنطة .عشرين ألف مرة تطلع المرايا( ماعندها ثقة) أو الغلوس.
*أوطول ماهي جالسة والسيلولير بيدها ومشغولة فيه
*العصبية,دمارالأنوثة. وتقلل الهيبة والوقار.
*كثرة التلفت وتركيز النظر ع الأشخاص ...ماوراهذي الحركة الا الخفة...
*تجيكي الوحدة بنص الجلسة...تطلع التيشووتنفرأنفها...>>> تنظيفات بلدية.
*وهذي الحركة تقتلني وبجد بشعة؛الوحدة بعد ماتمسح فمها أوانفها؛تفتح التيشو وتجلس تشوف اش فيه !!>>> تدور ع شي مضيعته.
*اذا كنتي بجلسة اياكي من الحكي الكثيرالمتواصل وماتدي مجال لغيرك بالمشاركة؛أومقاطعة غيرك.
*أوتسمعي وحدة قالت شي,تروحي مكذبتها.!
* اذا كنتي من الناس اللي طول الجلسة تردد: أنا روحت وأنا اشتريت وأنا جبت وأنا وأنا وأنا..حاولي تتخلصي منها؛لانه اسلوب منفر؛والناس راح تقول عليكي حديثة نعمة؛أول مرة تشوف خير!!

وغيرها كثيييييييييييير

فالأفضل تنتبهي انتي لنفسك

وتعدلي أي شي من تصرفاتك

قبل لاينتقدوكي الناس ويحكوا من وراكي
ويابخت من بكاني ولاضحك الناس عليّا



:

[*~mero~*]

مشكورررررررررررررررره على الموضوع الرائع هذا
جزاكى الله كل خير

[mia]

//:الســـ::ــلامـ عـليـكــم://
مــوضوعــكـ راائعـ مفيــد × مضـحـكـ
بس ماحد بيقدر يعمل كله .. الا يطلع شيء سيئ
المهمـ
تسلــمـ أنــامــلكـ
لأ تحرمينــا منـ جديدكـ
دمتــي //

[Miss~RoOoz]

:


الستايل



اتميزي بستايلك
من ابتكارك
واللي لايق ع بشرتك وتقاسيم جسمك
أبدالاتحاولي تكوني نسخة مستنسخة من أحد
لأنه فيها انقيادية وضعف شخصية!!
أيّا بنت يعجبك ستايلها

فكري!!
ربي أنعم عليها بعقل زي ماأنعم عليكي!!
يعني انتي منك أقل منها بشي!!
كلنا بنات آدم وحواء وعبيد الله,الفرق..انها عرفت اش اللي يناسبها...واللي ناسبها امبوسيبل يناسبك...

وعشان تكوني بأحلى ستايل:اتبعي هذي الخطوات:
جري ع المرايا
أوقفي قدامها..اتأملي جسمك...اش الحلو فيه وابرزيه...واش اللي لازم تخفيه...
اش الخامات اللي تبين فخامتها عليكي والخامات اللي لازم تبعدي عنها!!

اوقفي تحت اضاءة مناسبة؛وخوذي مجموعة قطع من ملابسك بألوان مختلفة,وحطيهم ع أكتافك...وشوفي اش اللي تعطي انعكاس حلو ع بشرتك...
واش الألوان اللي تعكس بعيونك وتديهم لون حلو...والألوان اللي تعكس بخدودك وتطلع شكلهم جذابين...

خلصتي من هذي الخطوتين

هاتي ورقة وقلم واكتبي الألوان والخامات اللي ناسبتك واللي ماناسبتك؛اش اللي أظهر جمالك!!واش اللي شوه مظهرك.
أكتبي الأجزاء الحلوة بجسمك والتقاسيم الجذابة؛والأجزاء اللي لازمها تغطيها.


وتأكدي ان لكل فترة من عمرك لبس وستايل وحركات
ولوعدت أيّا مرحلة من عمرك ماراح تقدري ترجعيها عشان تستمتع وتلبسي الستايل المناسب لها
استغلي الفرص؛فلا العمر باقي بنفس المرحلة؛ولاالموضة باقية؛ولاجسمك نفسه راح يبقى ع نفس القياسات!!
مثلا لبس مرحلة المراهقة مستحيل تقدري تلبسيه بمرحلة الشباب!!
واللبس طبعا زيه زي التسريحات والقصات والصبغات والعطور والميك أب والاكسسوار وحتى العناية بالبشرة.

خلاص كتبتي وانتهيتي!!
انتقلي لمرحلة التنفيذ...وهذي المرحلة تحتاج مصارحة مع النفس...لاتجامليها أبدا...
افتحي دولابك...وشوفي الستايل المكرر عندك...والألوان المكررة...ومنهم راح تعرفي غلطتك...وراح تنصدمي لأول مرة انك ملتزمة ستايل وألوان معينة ع طول...وانك ماخرجتي خارج نطاقهم...
تعالي ع نفسك حتى لوحبيتي قطعة وماتناسبك ارميها ولاتفكري فيها!!
يلا أفرزي دولابك؛خرجي كل اللي فيه؛وخللي الورقة قدامك

أي قطعة عندك مطابقة للمناسب لكي من كل النواحي ( اللون والخامة ومناسبتها لجسمك) خليها ع جنب والباقي كلللللللله حطيه بشنطة وع هيئة الاغاثة الاسلامية وباي باي .نفس الشي بالنسبة للاكسسوار وتبعاتهم
شوفي عطوراتك فيهم شي أكبرمن عمرك ويزيدك سنوات استغني عنهم حااااااااالا!!!!
ولاتنسي الورقة خليهارفيقة دربك بكل خرجة للسوق وع اساسها اختاري!!وهذي غلطة يسووهاكثير من البنات
وهي انهم اللي يعجبهم بالسوق يشتروه لمجرد انه عجبهم بلا مايفكروا اذا كان يناسبهم أو انهم راح يلبسوه أو مجرد تخزين بالدولاب وبس!!!
وتلاقيهم دولابهم مليان محشي حشي بس لوعندها زيارة أوخرجة تدور وتصدع وهي مالقيت شي تلبسه وتكتشف ان دولابها كان محشي ع الفاضي!!
لازم تقاومي اغراءات السوق ياماشوفنا أشياء تعجبنا بالعرض بس مو شرط كل اللي يعجبك تشتريه وموشرط كل شي يعجبك بالسوق تلبسيه!!
اختصارها اشتري الشي اللي تكوني عارفة انك فعلا راح تلبسيه ويناسبك
نقطة ثانية قاومي اغراءات الموضة,خوذي منها اللي يناسبك فقط...

تجنبي انك تنزلي السوق كل فترة في بنات كل مايطفشوا راحوا ع السوق وتلاقيها طول السنة وهي تلم وتشتري وياااكثر الخرابيط عندها وتصرف فلوسها ع غير فايدة
لكن المفروض انك تجمعيلك مبلغ محترم وتنزلي بس بالمواسم السنوية المهمة راح يكون معاكي مبلغ وقدره وتقدري تغيري ستايلك كله بشكل رااائع ومتكامل وبكذا تكوني طول السنة متألقة وبطلة ولوك حلوين

والمبلغ اللي تصرفيه طول السنة بالقطارة تقدري تجمعيه وتشتري فيه شي عليه القيمة
لأنك لوصرتي كل شوي تشتري مرة بخمسين ومرة بمية ومرة بعشرة وكل ماجاء بيدك مبلغ روحتي اشتريتي فيه
بتصيرعندك مجموعة تفشل تمشي حالها ولاشي منهم يمت للكشخة بصلة

غيركذا تأكدي ان دولابك فيه كل القطع يعني منوع شي بديات وشي تي شيرتات وتنانير بكل الأطوال وجينزات وبنتاكورات
بس رجاء لاتقابلوا فيها رجال سواء محارم أو لأه ماعداااااااااا الزوج
وتذكري ان نصف الأناقة الكوي اتعودي ماتلبسي ولاقطعة الا وهي مكوية حتى الاندروير

واياكي تلبسي قطعة وترجعيها بالدولاب ع طول ع الغسيل...حتى لوكانت لمدة خمس دقايق...انتي ماتشمي ريحتها...بس حتتخزن الريحة بالدولاب وتخرب عليكي باقي القطع؛ويوم تلبسيها راح تكون النتيجة ريحة قاتلة

يتبـــــــ ع



:

[Miss~RoOoz]

:


يتبع لكن غداً^^

:

[pro0omise]

ههههههههههههههههههههههههههههههههه
موضوووعك رااااااااااائع