(( روحــــي فــــداك )) قصة حب كويتية..من تأليفي...

[ريـــــ العود ـــــانـة ..!]

بصرررررررررررررررراحة روعة ياقلبي

[هدباء]

طولت .. أكيد و واااااااايد ولكن ييتكم بالجزء :013:

ما رح أزيد عليكم بالحجي و المقدمة فمقدمتي الجزء بس معلومة بسيطة

الجزء بنسبة لو تنقلونه على برنامج الوورد يصل حوالي 25 صفحة

فإذا قلتوا قصير والله أذبحكم << صدقتوا ؟؟ تراني اتغشمر معاكم

خخخخخخخخخخخخخخخخخخخخخخخخخخخخ

يلا فديتكم وقت ممتع مع الجزء تفضلوا

او تدرون خل الجزء له صفحة لحاله

تـــــــــــــــــــــــــــــابــــــــــــــــــ ــــــــــــــع

[هدباء]

..".. الجزء الرابع عشر .."..
(( الفصل الأول ))



لو الشعر يبكي على فراق إنسان .. كان الشعر لو يستمع لي بكاني

ولو الشجر يندم على موت الاغصان .. تندم علي اوراق خضر الأماني

ولو النهر يروي ضمى كل عطشان .. كان مياه الكون تظمي كياني

مشى جاسم بوسط الصالة العووودة و من بعدها تحرك للبلكونة و فتحها وطلع على الجو الي كان يثلج .. رفع راسه و نظره لسمى و يستقبل الريش الناعم الي كل ما يلامس ويه جاسم يذوب على خدينه و جبينه و شي على عينه لانه سكر عينه ليتحسس لروعة الجو بهالحظة ولكن ثواني و يفتح عينه مملية بدموع دافية و همس لربه بهالوقت :_ يارب ارحمني بس حالي مع ريم صعب ما اقدر اتحمله حنن قلبها علي و اتركها تتفهمني و لا تصعب الحال و انت عالم به ياربي رحمتك يارب رحمتك ....

وطى راسه لتلفونه الي ببنطلونه و سحبه كان يرن لقاه خط دولي فرفعه :_ الو .
زياد :_ جسوووووووووووووم وصلتوا باريس .
جاسم :_ هلااااااااااااا زيوووووووووود اشلونك شخبارك .
زياد مستغرب من ترحيب جاسم :_ انا تمام انتوا شخباركم .
جاسم :_ الحمدالله تونا واصلين من اشوي .
زياد :_ اشلونها ريم .
جاسم :_ تمام وصلنا و من التعب كاهي ارقدة .
زياد :_ من اولها تركتك لحالك الله يعينك و نوم العوافي ان شاء الله .
جاسم :_ يعافيك ربي .. زيوود تراك وحشتني وااايد .
زياد :_ لاااااا لهني و بس اشفيك جسوم كأنك على ايام دراستك قبل في ببيرطانيا توني جايفك امبارح مداك اوحشك .
جاسم :_ شسوي احبك .
زياد :_ قصدك تخش الي فيك جسوم انا اكثر واحد اعرف لك لو ناسي .
جاسم :_ لا وين انسى بعدين يلا يا مُحللي الشخصي اشفيني .
زياد :_ جسوم هذي ما فيها مزح حاس ان نفسيتك مب اوكي .
جاسم :_ يا عيني صبت الهدف يا قناص .
زياد :_ جاسم بلا مزحك قاعد تجامل حالك و تسلي روحك تبي تنسى لا حبيبي حياتك ما تنسى لانة ريم رح تبقى وياك على طول .
جاسم يرد لحالته الزفتة :_ زياد ريم قاعدة تعاقبني و تعذبني علشان انا جرحتها في يوم و دمرت مستقبلها ما تبي تفهم اني ابي اسعدها تحسبني ابي اسجنها معاي و رح اقسى عليها و تعاملني مثل الغريب انا ما فيني اتحمل ما فيني ما تعطيني الفرصة اتكلم ولو تحجيت جرحتني بكلامها بحالها شسوي تعبت والله تعبت قولي شسوي .
زياد :_ لا تعور قلبي عليك جاسم بس اذكر الله و خلك قوي خلك جاسم الي اعرفك و تحمل باجر ربك يفرجها عليك ربك وحده العالم بالحال .
جاسم :_ و النعم بالله .
زياد :_ و تذكر انك للحين ما علمتها بالمفاجأة الي مزهبها لها ما تدري يمكن هشي يغيرها معاك .
جاسم :_ لا زياد ما ابيها تتغير معاي علشان مصالح ما نبي نبني حياتنا على مصالح من اولها الحب الي وراه مصالح ما يدوم ابي تغير معاملتها معاي علشاني علشان حياتنا علشانا احنا الثنين مب علشان الي اسويه لها .
زياد :_ كلامك زين العقل بس انت ما تدري يمكن هشي يحسسها انك تبي تسعدها و يحن قلبها عليك .
جاسم :_ ان شاء الله .
زياد :_ انت كلمتها .
جاسم :_ من اشوي بس قلبت الشي علي و قامت تطلع كل الي بقلبها علي و ادخلت تبجي دارها .
زياد باستغراب :_ لحظة لحظة دارها شنو يعني انتوا ما ترقدون بدار وحدة .
جاسم يتنهد :_ لا و اعتقد هذا يريحها اهي .
زياد :_ جاسم من صجك معاريس و بشهر العسل ترقدون بغرف منفصلة .
جاسم :_ شسوي يعني اسحبها بالغصب بتقعد تقول انت تبي تسجني و تبي تعذبني معاك و انا ما ابيك اتركها على الله الي فيني مكفيني .
زياد :_ جاسم اعرف مهما صار انا موجود لو تضايقة اتصل تكلم لا تكتم الشي في قلبك انتوا مسافرين شهرين تعرف شنو يعني و يمكن تطولون فلا تخلي اتصل و لا تخش اخبارك عني .
جاسم :_ و منوا لي غيرك و لا يهمك .
زياد :_ الة اقول اشلون جو باريس عندكم .
جاسم :_ روووووووووووعة تمنيتك وياي .
زياد :_ ياليت بس بعد المدام مالنا مجال .
جاسم يسكت و يتكلم زياد :_ سوري كنت اتغشمر .
جاسم :_ لالا مب مشكلة .
زياد :_ امتى رح تخبرها بالمفاجأة .
جاسم :_ باجر بأذن الله بس خايف تردها و تقول أني أبي اعوض عن الي سويته فما رح تقبلها .
زياد :_ انت مينون شي مثل الي بتسويه لها في احد يرفضه لا يروح بالك بعيد وااايد و اترك الامور على الله انت سويت الي عليك و الباجي تقدمه لها و الي يبقى على رب العالمين .
جاسم :_ ان شاء الله كل الخير .
.................................................. .............................
وقف وليد وهو على أعصابه ينتظر بدور بالحمام طولت و قلبه بدى يدق بسرعة عليها اكيد فيها شي اشهور اثقل من دخلتها بالتعب زايدة بس اهي توها بالشهر السابع مب معقولة تتعب جذي

وليد نفض صبره بعد ثواني و بدى يدق الباب على بدور :_ بدور بدور عمري ردي علي تكفين طمنيني بس .
و بدور ما كانت حتى ينسمع لها نفس .. وليد و يده و جسمه بدى يرجف كله :_ بدور فيج شي قولي تحجي بدور لا تخليني افج الباب و اكسره بدووووووووور تكفيييييييييين بدووووووووووور .
بهالوقت يات رنيم تركض لأبوها و تسحب دشداشته من طرفها :_ بابا بابا لا تصرخ جذي ماما الحين بتفتح لك الباب .
وليد من الخوف ما كان منتبه لرنيم و تم ينادي بدور بصوت عالي رنيم يأست و ابوها ما ينتبه لها اطلعت تركض ليدتها و انزلت ابسرعها ولكن التقت بنوف عمتها ... نوف تمسكها و تحملها :_ وين يا عمري ويا حبيبت عمتج بتهربين مني .
رنيم بدت تبجي .. نوف :_ رنووم حياتي اشفيج تبجين ليش يا عمري الدموع هذي من طاقج من مزعلج و انا اوريه .
رنيم :_ عمتي بابا ينادي ماما و اهي بالحمام و ما ترد عليه انا خايفة ماما يمكن مريضة .
نوف تندهش من الي تسمعه نزلت رنيم و راحت تمشي ابسرعة .. ام وليد توقفها :_ يمه نوف على وين تعالي ابيج زين بالمطبخ .
نوف :_ يمه بدور بالحمام ما ترد على وليد قاعد يدق عليها الباب و ما تفجه .
ام وليد :_ لا تقولينها يا يمه عساه خير لاحقتج .
رنيم :_ يدتي لا تخلوني انا خايفة .
ويدخل محمد بهالوقت .. ام وليد :_ يمه محمد خل رنيم عندك بدور باين انها تعبانة .
محمد :_ شنهو اشفيها .
ام وليد :_ يا يمه خلني اروح اجوف اشفيها خل رنيم معاك .
صعدوا كل من نوف و ام وليد لفوق و محمد سحب رنيم له و راح معاها لصالة
رنيم تمسك بيد عمها :_ عموااا انا خايفة .
محمد يمسح على راسها :_ لا يا حبيبت عموو لا تخافين ماما رح تييب لج اخو اشحلاته رح تيب لج خالد ما تبين تجوفينه و تحملينه ما تبين تبوسينه رح تييب لج اخو هصغر اينن لا تخافين الحين الماما تكون احسن . و لمها لصدره و ادموعها على خدها من الخوف كانت تجسد معاني الخوف بقلب بريأ ما عرف من هدنيا غير الفرح .. أوصلت نوف قبل أمها و راحت لوليد مسكته من يده :_ وليد اشصاير اشفيها بدور .
وليد :_ ما ادري ما ادري ادخلت من نص ساعة الحمام و تاخرت مب من عوايدها خايف فيها شي .
نوف :_ زين ترد عليك اهي .
وليد :_ و هذي المصيبة مب رادة علي .
وصلت ام وليد :_ يمه يا بعد قلبي اشفيها بدور عساه خير .
وليد :_ ما اظن يا يمه ما اظن بدور ما ترد علي من نص ساعة .
بدور كانت مرتمية على الأرض و يدها على بطنها الي كبر بشكل بارز و تسمع وليد و نوف و ام وليد و تحس انها بعيدة عنهم مب قادرة همست بصوت خافت كان على قدر استطاعتها بحالتها :_ وليد وليد لا تخليني وليد لا تخليني ابروحي وليد انا خايفة . انقطع صوتها من بعدها و ارتمى راسها على الأرض
نوف :_ وليد بدور ما ترد عليك اكسر الباب .
وليد :_ و هذا الحل .
تحرك وليد بقوته و بدى يهز الباب بقوة ليمن انفتح بقوة و انكشف الي كان مخبى بدور مرتمية على الارض صرخ وليد بصوت اسمعه محمد وهو تحت :_ بدوووووووووووووووووووووووووووووووووووووووووور .

نوف أشهقت وام وليد حست بالخوف يتخللها بدور بهالمنظر ادخلت الخوف بكل من ناظرها ركض لها وليد و رفع راسها و بدى يصحيها :_ بدور ردي علي بدور تكفين بدور حبيبتي انا يمج بدور لا تسكتين ادري فيج تعانديني بدور تكفييييييين ردي علي انقطع صوته بالبجي ...
ام وليد :_ يا يمه وليد لا تبجي و تقطع قلبي قوم شيلها البجى ما ينفع قوم يا يمه خذها للمستشفى ..
وليد يلتفت لنوف :_ نوف نزلي لمحمد يزهب السيارة و يمه يبي عبات بدور و شيلتها .
التف وليد لبدور و حملها و ارتمى راسها على صدره حملها لسرير و صلت ام وليد بعبات بدور و شيلتها و بدت تلبسها و وليد سحب اشماغه و اعقاله و لبسهم على السريع و تحرك لبدور يحملها
ام وليد:_ يمه اتركني اكون وياكم .
وليد :_ ان شاء الله مب مطولين قعدي اهني مع رنيم منوا لها و ان شاء الله اول باول اطمنج .
ام وليد :_ زين عيل بالهدوا احملها يا يمه و حاسب لها على الدري .
وليد :_ لا توصين حريص .
تحرك وليد لبدور و حملها كانت اثقيلة اشوي من الحمل و نزل فيها رنيم و اهي بحظن عمها لمن ناظرت ابوها يحمل امها راحت تركض لابوها تبجي :_ بابا وين بتودي ماما لا تاخذها من البيت لا تخليها بعيدة عني .
ام وليد الي اسحبتت رنيم و لمتها لصدرها :_ تعالي يا حبيبة يدتج الماما لحين بتكون ابخير بس البابا بياخذها للمستشفى و بيردون تعالي عندي يا يمه .
وليد :_ محمد بسرعة على السيارة .
اسبقوا وليد محمد و نوف و من وراهم وليد و اطلعوا و بقوا في البيت ام وليد معاها رنيم .. ركب وليد ورى معاه بدور و ساعدته نوف اشوي و من جدام محمد يمشي و نوف معاه .. بطول الدرب كان وليد مب عارف حال لنفسه قلبه على بدور و ما ترك يدها .. وليد :_ بدور تكفين خلج معانا تكفين ردي علي بدور ارحميني بلياج ما اقدر ما اقدر اجوف هدنيا.
نوف :_ وليد اذكر الله ان شاء الله كل الخير الحين بس نوصل نعرف كل شي .

تــــــــــــــــــــــــــــــــابـــــــــــــــ ـــــــــــــع

[هدباء]

وليد :_ يارب يارب رحمتك .. محمد تكفى اسرع اشوي ما فيني صبر .
محمد :_ و لا يهمك بس هدي انت الحين بالكثير ربع ساعة و واصلين .
.................................................. .................................................. ....

بأراضي باريس وين ما كان جاسم و ريم موجودين على هذي الأراضي و بالتحديد بباريس بفندقهم الي انزلوا فيه باخر طابق بجناحهم كان جاسم بعد ما كلم زياد حس بالراحة اشوي شكى الي بقلبه للي يفهمه و قلبه على قلبه .. ترك تلفونه على الطاولة و البوكيه و تحرك لجناطه الي بصالة سحبهم للغرفة الثانية و دخل فيهم فتح جنطته العودة و سحب منها اهدوم نومه و دخل الحمام يبدل .. و على السريع بدل و طلع لغرفته و رمى بعمره على السرير من التعب و نسى الباب كان مفتوح بشكل واضح و اول ما حط راسه على المخدة غرق بسابع نومة من التعب الي كان حاويه فكرياً و جسدياً

بغرفة ريم كان الجو حلو و دافي و الأنارة هادئة و كل شي راقي و أثاث و تنسيق روعة كانت بوسط هالمكان الرهيب اسبه بالملاك راقدة بنعومتها و حلاها بوسط الفراش و ادموعها جفت على خدينها .. تحركت اشوي ليمن فتحت عينها على هدنيا و ناظرت حالها اهي في وين حست نفسها مب على الكنبة شلي يابها على السرير و لكن ما عطت الأمر اهتمام حتى أنها تناست تواجد جاسم معاها بنفس الجناح .. ابعدت الحاف عنها و قامت لقت نفسها بهدومها لسفر تحركت و لقت جناطها بغرفتها بهالحظة تذكرت جاسم ولكنها عصبت معقولة اهو الي وصلني لسرير و ياب اغراضي شكوا يتدخل اهو التفت لورى لقت المدفئة شغالة و بعد مسوي كل شي هذا ما يفهم يعني ما ابيه ما احبه ما افكر فيه و لا ابي مساعدته وقفت لعند كلمتها و حست انها زودتها اهو زوجها و من حقه يراعيها تناست هشي لطيبة قلبها و قامت بدلت اهدومها و لا انتبهت لتواجد جاسم لازم ما تلبس اهدومها الخاصة فلبست لها شورت فوق الركبة بلون زهري فاتح و تشيرت بلون الزهري بالمثل و كانت واسعة عند الصدر و يدينها اقصار لدرجة كبيرة تحركت للمنظرة و ربطت شعرها على فوق و تركت الباجي مفتوح و لبست سلسلتها الي كانت اغلى ما عندها هدية من هناء بيوم عيد ميلادها السنة الي طافت بهالحظة تذكرت هدية جاسم و بان اليوم عيد ميلادها تمنت لو تعيش هاليوم مع هناء ولكن هشي مستحيل هناء بعيدة عنها بمثل هالوقت و هظروف .. اطلعت من غرفتها و لقت المكان هادء مشت بهدوء و بقصرها و شكلها الناعم و اهدومها الي مفصلة جسمها الرشيق و امبينة حجمها الصغير وصلت للمطبخ تمت تتنقل فيه تفتش بزواياه تدور لها شي تاكله ما قلت شي انتبهت لثلاجة تحركت لها وفتحتها لقتها مملية اكل و اشياء هذا من امتى زهب كل هذا والله انه مينون .. سحبت لها علبة عصير كوكتيل و اخذته و فتحتها و حطت لها بكوب صغير منه وردته و حملت الكوب معاها و مشت لصالة و فتحت اتلفزيون و بدت تقلب بهالقنوات لانة باين على اتلفزيون مليان قنوات ومبرمج على اكثر من قناة .. لمن ثبتت على قنات مدت يدها تاخذ الكوب الي تركته على الطاولة الزجاجية المحت باب غرفة جاسم مفتوح و تذكرته اهو وين راح معقولة اختفى من الجناح بهالوقت ليل تركت الكوب و تحركت لغرفته الباب كان مفتوح ما يحتاج تفتحه فطلت براسها لقته راقد بوسط افراشه مثل الياهل الي حاويه التعب .. اجواء الغرفة سحبتها لتستعلم و تستكشف كل شي فيها وادخلت بهدوء مشت بخطواتها تحركت لمنظرته لقت بوكيهه و تلفونه و كل اغراضه على المنظرة و ساعته السودة حملتها وشمت فيها ريحته ولاول مرة تستكشف ريحة عطره الي يخبل ينت عليه ولكن تركتها و التفت لتناظر غرفته تمت تناظر كل التنسيق الروعة و الأثاث و لحظات تلمح جاسم يتحرك وتركض بلمح البصر تختفي تحت سريره .. جاسم تحسس لتواجد احد و اهو برقاده بسرعة يتحسس لتواجد احد فتح عينه من التعب زاح الفراش عنه و قام تحرك لبرة الغرفة و ريم تراقب تحركاته و اطلعت من تحت السرير بهدوء بدون ما يحس اهو تم يناظر كوب كوتيل و التلفاز شغال بس غرفتها مسكرة توجه للمطبخ بهالحظة اركضت بهدوء و افتحت باب غرفتها و تمثلت بانها تسكر الباب و توها طالعة انتبه لها و التف تم يناظرها يناظر الي لابسته انصدم معقولة و اهي من الخوف ما عارته اي اهتمام و لا انتبهت للي لابسته و اقعدة على الكرسي اجبال التلفزيون و حملت الكوب

جاسم تم يناظرها باستغراب جنية هذي منوا عيل الي حسيته بغرفتي من اشوي و اهي توها فاجة باب غرفتها يالله هذي الي بتينني ..ياته فكر يفاتحها بموضوع المفاجأة الحين لتزهب نفسها على باجر الصبح امبجر فتحرك لوين ما كانت قاعدة و يلس اقبالها

ريم ما انتبهت له بالمولية مندمجة بالتلفزيون

جاسم :_ ريم .
ريم بعالم ثاني وهو يحسب بترد عليه
جاسم :_ ريم .. ريم انتي معاي .
ريم و لا تدري عنه و لا تسمعه
تحرك حذالها وقعد صوبها :_ ريم .
فزت من مكانها يوم حست احد قريب منها و تفاجأة شنو يابه لهني مب كان بالمطبخ سبحان الله يني و انا ما ادري
جاسم :_ اشفيج تفزعتي جذي .
ريم تناظره :_ ما تفزعت خير اشتبي .
جاسم :_ ممكن اكلمج اشوي .
ريم :_ مو مشكلة بس تباعد اشوي .
جاسم تنرفز من امرها والله وده يخنقها الحين فضربها على الوتر الحساس :_ قبل كل شوي منوا كان بداري .
ريم ترتبك :_ شنو و انا اشدراني ليكون معاك و انا ما ادري .
جاسم :_ اوكي ما علينا حبيت افاتحج بموضوع .
ريم :_ تفضل .
جاسم عصب من تعاملها الزفت معاه فمسكها من يدها
ريم :_ اتركني .
جاسم :_ مب هادج مب على كيفج .
ريم :_ انت اشفيك ليش تعاملني جذي .
جاسم :_ انتي الي اشفيج ليمتى ما رح تفهمين انج ما تعامليني بمثل الغريب اوكي انا معاج جرحتج و دمرت مستقبلج بس قلبج ما يعرف يسامح ربج ارحم بعباده فشلون انتي عبد من عباده ما تكونين رحيمة ريم انتبهي لحالج بسج كل ما حولت اقرب منج تفهميني و تعرفيني انا شنو تعديني عدوج كل يوم اكثر من يوم ريم حنا ببداية الطريج وصعب نواصل اذا حتى التفاهم بينا معدوم على الاقل ما تبين تحبيني اوكي بس عامليني باحترام بمثل اخوج لو تبين بس مب جذي و لا كأني ولد عمج ريم حسي شوي انا بشر لي قلب لي احساس مب حجر ( وقف اشوي من عصبيته الي تركته ينفذ صبره مع ريم ) عبالج مب مجبور مثلج انا هم مجبور و هزواج ما ابيه بس هذا ربي كاتبه وربي ما يكتب شي الة له حكمة فيه و الله اذا احب عبد ابتلاه فلي يصير لنا لازم نتحمله و نواجهه نكون قد امتحان ربنا لنا ليش تبين تكونين ياهل و حركات يهال انتي اجبيرة و عاجل ماله داعي كل الي تسوينه .

سكت جاسم و تم ياخذ نفس بقوة من كثر ما حس نفسه تعب

ريم تمت موطية راسها و خايفة من عصبيته .. تقرب جاسم منها و مسكها من ذراعينها :_ ريم ما ابي شي غير الاحترام لا تعامليني بمثل زوجج بس احترام بينا تكفين .
ريم انزلت ادموعها :_ ليت الموت خذاني و لا صابني كل هذا ليت الموت خذاني ياليت .
جاسم حس انه تعب و تعب ريم معاه من دون شعور لم ريم لصدره و ريم ما انتبهت بانها على صدر جاسم كانت تبي بس من يلمها ويحسسها بالأمان استرخا على ورا و لمها لصدره .. تمت تبجي وبللت قميصه من دموعها وبعد ثواني الاثنين اغرقوا بالرقاد و ريم على صدر جاسم و جاسم لامها بذراعينه لقربه .. كانوا ثُنائي منسجم و سبحان الله و كأنهم اشبه بالحلقة المتلاحمة و لا يفصل بينهم أي شيء بهدنيا ارسموا بقربهم لوحة لونت احلى معاني القرب و الهدوء الملائكي برقادهم يحاوطهم مثل الفراشات الصغيرة الي تحوم فوقهم

.................................................. ................................

بجو الكويت كان متوتر ويحمل لحظات صعبة تمر على وليد ..

وليد وهو بسيارة :_ محمد تكفى سرع اشوي .

محمد ياخذ الفة على اليسار على سريع :_ كاني وصلت نوف انزلي لوليد و انا نازل اطلب سرير ايون ياخذونها فيه .

نزلت نوف و افتحت الباب الي احذال وليد و محمد دخل طلب بسرعة سرير متحرك لحالة طارئة ثواني و هم يوصلون ...

ساعدهم وليد ليمن نقلوها لسرير و كلهم مشوا وراه بس محمد رد لسيارة ليبركنها و يرد

وليد الي كان ماسك يد بدور :_ عمري انا حذالج لا تخافين لا تخافين .

وصلوا لغرفة العمليات و امنعوا وليد من الدخول و و تم واقف عند الباب بعد ما تسكر و قلبه ما كان له حال يتفسر .. تحركت له نوف و مسكته من يده

نوف :_ حبيبي وليد لا تتعب حالك تعال معاي استريح .

وليد :_ نوف اشلون القى الراحة و بدور بهالحال .

نوف :_ اوووش لا تقول جذي الغالية ما فيها الة كل الخير انت بس تعال معاي و ارتاح .

تحركوا للكراسي الي احذال غرفة العمليات و اقعدوا .. بعد خمس دقايق وصل محمد :_ خير وينها بدور اشصار .

قامت له نوف و اسحبته بعيد عن وليد :_ محمد لا توتر وليد وايييد تعبان على بدور انت بس هدي بدور ما فيها الة كل الخير بس اخذوها لغرفة العمليات و الحين باذن الله ما يبطي الدكتور و يطلع لنا و يطمنا .

محمد :_ اوكي .. ان شاء الله كل الخير بس .

.................................................. .................................................

بالشركة وين ما كان ناصر بمكتب ابو وليد :_ يا ابو وليد انت مصر تخبر جاسم بالحقيقة .

ابو وليد :_ هذا الحل يا ناصر جاسم اعرفه بيحط ريم بعيونه و بيشيلها على راسه بس ابي يعرف ريم شنو ابي يعرف ريم انحرمت من شنو ابيه يعطيها كل شي و لا يبخل عليها بجزء ولو كان صغير .

ناصر :_ الي تجوفه يا اخوي و هم جاسم زوجها و لازم يعرف بكل شي بس ماهب لازم ريم تعرف بكل شي .

ابو وليد :_ اكيد انا ما ارتحت الة لمن قرت لي عين ابشوفتها مع ريال يصونها و ريال انا ابوه و عارفه و ما يحتاج اخاف من ناحيته فما ابي اقلب حياتها بعد ما كملتها بهزواج .

ناصر :_ بس يا اخوي انت عارف ريم شنو تعتبر هزواج .

ابو وليد :_ هشي الحين باجر رح تجوف هزواج احلى ما في دنياها انجبرت عليه.

ناصر :_ الله يسمع منك بس امتى حاب تخبر جاسم .

ابو وليد :_ توها الناس انا اقول ليمن تعتدل احوالهم و بعدين افكر بالموضوع .

ناصر :_ و انا اقول جذي ... يقطع عليهم أتصال محمد لعمه ناصر ...

ناصر بغشمرة :_ هلا هلا بعمري هلا بحبيبتي .

ابو وليد يستغرب من كلام ناصر .. و لحظات يناظر ويه ناصر ينقلب شي ثاني

ناصر :_ زين انتوا بأي مستشفى ؟

محمد :_ بالمستشفى الخاص ابسرعة عمي انا مب قادر وليد من صوب حالته و نوف مب امهدية من البجي .

ناصر :_ ثواني ثواني و اكون عندكم في أمان الله .

محمد :_ بحفظه ورعايته .

سكر ناصر و تلقاه ابو وليد :_ خير يا ناصر أشفيه محمد ؟

ناصر :_ للأسف متصل يخبرني بدور طاحت بالبيت و اخذوها للمستشفى .

ابو وليد يحز بقلبه :_ لا تقولها لا تقولها ريحة الغالي بالمستشفى يلا خلنا نمشي .

ناصر :_ لا ياخوي خلك مرتاح انا اطمنك اول باول .

ابو وليد يتقدم ناصر :_ ماكو نقاش ناصر هذي بدور بنت الغالي مالي قلب يرتاح و اهي مب ابخير الحقني .

مشى ناصر وراه و نزلوا على اول مصعد بالشركة و انزلوا بسيارة ابو وليد و الي مشاها ناصر

.................................................. ............................................

وليد كانت حالته النفسية تعبانة زود و بعد خمس دقايق بالقليل اطلعت لهم النرس

وليد وهو يوقفها :_ لو سمحتي نرس ممكن تطمنيني على المريضة الي عندكم بدور بنت عبدالعزيز بن فارس .

النرس :_ أشتقرب لك .

وليد :_ أنا زوجها تكفين طمنيني .

النرس :_ للأسف اخوي مرتك متعرضة لحالة نزيف ولكن للحين ما تحددت من أي درجة لأنة الدكتورة للحين ما فحصت عليها كلياً أن شاء الله كل الخير .

تـــــــــــــــــــــــــــــــــــــــــــــــاب ــــــــــــــــــــــــــــــــــــــــع

[هدباء]

واصلت النرس كلامها و وليد كأنه بعالم ثاني و يسمع كلام النرس كثرثرات غير مفهومة دارت به الدنيا مستحيل بدور تسقط مستحيل كنت حاطها بيديني هذول معتني فيها اكثر من حالي ليش جذي ليش صرخ من دون وعي :_ لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااا.

و وصل الصوت لناصر و ابو وليد الي بالممر و تسارعوا بخطواتهم و ركضت له نوف و لمن وصلت له رمى بنفسه على الأرض و من وراها يا محمد ...

نوف :_ وليد حبيبي تكفى لا تسوي في حالك جذي تكفى .

محمد :_ وليد خلك قوي ان شاء الله بدور مافيها الا كل الخير .

وليد وهو ما يهتم لكلامهم و تحولت تصرفاته كلها من دون وعي بدى يتحجى و يهز راسه بطريقة غير طبيعية :_ لا لا لا لا لا انتوا جذابين انتوا جذابين اصلا بدور مافيها شي مافيها شي ( و امتزج كلامه بالبجي ) لاااااا بدور لااااااا لا تروحين لا تخليني لحالي بدور تبين روحي فدالج و لا تروحين تكفين .

نوف الي اشهقت وليد شلي اسمعه من النرس ليقول جذي لقت النرس عند مكتب الاستقبال اتركتهم و قامت التقت بابوها و عمها و لا عارتهم اهتمام و ناصر و ابو وليد لمن لقو وليد على الارض و محمد حذاله تفاجأو من الوضع و تحسسوا بأن بدور فيها شي جايد تسارعوا لمحمد و وليد

نوف من صوب وصلت للمكتب :_ لو سمحتي نرس بدور اشفيها .

النرس :_ اختها انتي .

نوف :_ لا انا بنت عمها تكفين خبريني .

النرس :_ للأسف نخبر القريبين منها مثل زوجها و امها و ابوها .

نوف :_ لو سمحتي تكفين هذي بنت عمي و مرت اخوي تكفين .

النرس حست برجى نوف لها بهطلب :_ بصراحة مرت اخوج تعرضة لنزيف .

بدور تشهق و تمسك ثمها ... تركت مكتب النرسات و تحركت بخطوات مب بوعيها مستحيل بدور تسقط او تنزل الولد حلمت طول عمرها تييب ولد لوليد لتشوف الفرحة بعيونه حلمت طول عمرها تحقق حلم وليد الوحيد الي يتمناه طول العمر مستحيل ينهدم هالحلم مستحيل

وصلت نوف لهم و تلقاها ناصر مسكها من كتفينها :_ نوف تحجي اشفيها بدور حالتكم ما تسر الخاطر لا تحيرونا .

نوف و اهي تبجي و ترمي بحالها على صدر عمها :_ عمي بدور صابها نزيف بدور يمكن تنزل الولد .

ناصر بصدمة :_ لا تقولينها لا تقولينها يا نوف لا تعيدينها .

نوف :_ هذا صج يا عمي هذا الصج و طاحت بجى على صدر عمها .. ابو وليد الي حس بقلبه يتقطع لمن سمع شلي في بدور و حس نفسه يقدر يداري هالأمانة و يحميها من كل شي و يحطها بعيونه ولكن من القدر ما يقدر يحميها اذا كان قاسي عليها ماكنت بيده حيلة و لا وده يصيب بدور الي صابها ولكن هذا المقدر و المكتوب و لا عرضة على حكمة رب العالمين

محمد الي كان على كتفه وليد .. و هدوء وليد كان معور قلب وليد اكيد الصدمة رح تتعب نفسيته يارب اجلعها خير يارب

.................................................. ........................................

بأراضي البعد و الغربة وين ما كانت الأجواء هادئة عندهم و اليل بظلامه يحاوطهم مثل الشي الي يحميهم .. كانت ريم على صدر جاسم راقدة وهو ماحوطها بيدينه تقلبت ريم و اهي تحسب نفسها على السرير و بحركتها تحركة و حركت يدها على ثم جاسم حست بهوا اقريب يدها و افتحت عينها لقت نفسها بمكان غريب رفعت راسها ولقت وضعيتها و يدها الي على ثم جاسم شهقت انأسرت من يدين جاسم ولكن حركتهم بهدووء و بلحظة تحرك يد جاسم عن خصرها تحرك جاسم ولمها زود لقربه لها الحين تورطة اشفيه هذا عباله انا امخدته لاعب فيني انا الغبية الي ضعفت جدامه و سلمت نفسي له غبية و رح ابقى غبية و اكبر مينونة بالعالم .. حاولت مرة ثانية تحكر يدينه حس عليها جاسم و فتح عينه لقاها تحرك يدينه سكر عينه و ترك لها الجو بيتركها شتسوي .. حركتهم بهدوووء وهو يتحسس لبرد يدينها الصغااار و ناعمين لحجمهم الحلووووو و ارفعة راسها من على صدره بهالحظة حس جاسم كل الأمان انتزع من روحه كانت أحلى ملاك تقترب لصدره و تحسسه بالأمان و تمحي الخوف من قلبه للأبد .. و بحركتها انزلت التيشيرت تبعها بطريقة اكشفت اكثر من صدرها ولكن ما انتبهت لهالشي و تحركت لتقوم لمن وقفت مسكها و اخترعت بسرعة :_ بسم الله الرحمن الرحيم .

جاسم :_ على وين .

ريم و اهي تناظره برائة اليهال إلي لايقة عليها :_ لغرفتي .

جاسم :_ يا حلاة الجرئة و انتي تقولينها علميني بالله عليج من هالجرئة اشوي.

ريم تناظره بأستغراب اشفيه اثر الرقاد قام يخربط :_ جاسم باين انك تعبان ارقد و ارتاح انا رايحة غرفتي .

جاسم يوقف لها :_ و تقولها بعد مرة ثانية بالله عليج تعلميني اشلون هالجرئة تمتلكينها .

ريم :_ جاسم اشفيك انت .

جاسم ينتبه لوضعية التيشيرت إلي عليها و يبعد نظره :_ فيني كل الخير من اليلة ما عاد لج غرفة و لي غرفة حنا يا ريم متزوجين يلا جدامي لغرفتي .

ريم :_ شنهو اشقاعد تقول انت ينيت لا من صجك ينيت .

جاسم :_ ريم قلت لج ما عاد لج غرفة لحالج لا تكسرين كلمتي .

ريم :_ بس انت عارف بان هشي ما ابيه و اعارضه .

جاسم :_ يا كبرها سويتي فيها معارضة بس هالعبة مب علي انا .. و بلمح البصر يتقرب منها و يحملها و اهي تطقه على صدره :_ نزلني جاسم نزلني انت مينون نزلني ما ابيك ما تفهم نزلني ..

ما كان عاير كلامها و تحرك فيها لغرفته و دخل معاها

ريم :_ جاسم نزلني .

جاسم وهو يناظرها بنظراة تحرج الواحد و بنظرة أستمتاع بالعناد :_ صبري علي اشوي للحين ما وصلنا المكان المطلوب .

ريم :_ جاسم تكفى جاسم نزلني اشلك فيني اشتبي مني .

وصل فيها جاسم لسرير و رماها عليه بقوة عصبيته و صرخ بويها وهو قريب منها و اهي مرتمية على السرير و قابلها بوييه و يدينه محاوطينها على اليسار و اليمين :_ أبي أفهمج و أعلمج اشلون تعامليني ابيج تفهمين انا زوجج مب اخوج سمعتي .

ريم ابخوف من جاسم :_ التفاهم عمره ما كان جذي وخر عني لا تقرب مني .

جاسم :_ عدلي كلامج فاهمتني انا مب يهال جدامج و لاني بشورج يا بنت العم .

تحرك بعيد عنها و تحرك للباب و قفله .. ريم انقهرت اشفيه هذا يبي يحبسني معاه يعني مستحيل ما رح اسمح له .. اخذ المفتاح معاه و تحرك لغرفة التبديل

ريم تمت قاعدة بمكانها و اهي تنتظره .. بس لحظات و طلع لها و كان لابس له برمودة اقصيرة اما فوق ما كان لابس شي .. حست بالخجل يأسر عيونها لتبعد النظر عنه و حست بالخجل يتخلل اعروقها من شكله ما عارها أي اهتمام و تحرك للمنظرة و ظبط شعره الطويل الناعم و تحرك متجه لسريره .. اهي تحركت و نزلت من على السرير و وقفة بتمشي مسكها بحيث لمن التفت له تلامسة خصلات شعرها كتفه العاري :_ نعم اشتبي .

جاسم يكلمها بواقعية :_ ريم ليمتى بتمين جذي كلميني و انتي عارفة حنا طول العمر رح نعيش هالقرب ليمتى رح تتمين جذي .

ريم تناظره و اهي تحس احساس حبها له يتصارع بداخلها اهي تحبه من اول ما جافته بالمستشفى عند عمها ولكن الي سواه لها مب اشوية و كبريائها يجبرها تعصي قلبها و تسوي الي يقوله عقلها

وطت عينها و اسكتت .. استغرب جاسم من سكوتها التف لها و مسكها من كتفينها :_ ريم رفعي عينج و كلميني ليمتى .

ريم هلت ادموعها قرب يده جاسم ليمسحهم ابعدت ويها و ناظرته :_ انا نفسي ما اعرف ليمتى بتبقة حالتي جذي معاك بس انا تعبانة .

جاسم :_ اشمنه هالتعب .

ريم :_ جاسم اسمح لي هالمرة.. اتركني ارقد بغرفتي صدقني تعبانة مافيني اتكلم او اقول اي شي .

جاسم يتبعد عنها :_ تبين ترقدين اوكي مب مشكلة بس مب بدارج لا .. اهني و بعدين ( تقرب منها وظبط التيشيرت تبعها أهي انصدمة من حركته ) لبسي لج شي عدل .

و التف عنها و تحرك للخزانة و سحب له مخدة و لحاف و تحرك للكنبة الطويلة و فرشهم و استرخى عليهم ..((أهي اعلنة إشارة المرور الحمرة على خدينها من حركة جاسم لها لكن تمت واقفة تناظره و التعب يحوي عيونها )) .. ليمن لقت ملاك النوم بدى يتخلل لملامح ويه جاسم و سرقه ليبحر برقاد يتمتع براحته .. تحركت صوبه و دموعها على خدينها اقتربت منه و حركت يدها لناحية خده ليمن لامسته :_ اعذرني اعذرني في يوم اذا قسيت عليك بس صدقني انا مب لاقية التفسير لحالتي و تصرفاتي اشلون تبيني القا تفسير لعلاقتنا هذي اعذرني جاسم اعذرني ...

جاسم ما كان حاس عليها و لا سامعها .. اقتربت يدها من يده و بتردد رفعتها وباسة أصبوعه إلي محاوطتها الدبلة .. نزلتها و تحركة لعند سريره و رمت ابعمرها شمت ريحت مخدته من عطره الخاص اغمرت روحها بوسط هالريحة و ارقدة معاه بنفس المكان

.................................................. .............................................

بالمستشفى وسط حالة الخوف على بدور كل منا بحالته و بخوفه .. وليد الي حالته ما تسر الناظر له ما كان يتكلم او يناظر شي نظره معلق بالأرض و هدوئه كاتم .. مرت ساعة على دخول بدور لغرفة العمليات ولحين ما طلع احد يطمنهم

و اخيراً حسوا بوجود وليد إلي كان اشبه بالميت بوسطهم وقف على رجلينه وهو بروحته وييته على نفس الممر بقلق .. تحرك له ناصر و استوقفه

ناصر:_ وليد كل شي مقدر بيد الله و ربك عالم بالحال بدور ماتبي غير دُعاك لها وقربك منها بهالوقت لا تخلي الضعف يتداخلك خلك ريال مثل ما اعرفك و اذكر الله.

وليد كان يسمع كلام عمه بهدوء و لا ينطق باي حرف

ناصر:_ وليد لا تسكت سوي أي شي تحجى صرخ ابجي بس لا تسكت وتتعبنا معاك .

رفع نظره وليد و ابرقة ادموعه الدافية و تنحى عن عمه و تحرك لباب غرفة العمليات و كأن قلبه حاس بدور بحاجته الحين ...

فجأة اطلعت الدكتورة و تلقاها وليد بالأول و الكل انشد اهتمامه لدكتورة بس تركوا المجال لوليد الأحق انه يتطمن اول واحد فيهم على بدور وحالتها

الدكتورة :_ تقرب لبدور عبدالعزيز بن فارس .

وليد :_ أي زوجها تكفين دكتورة طمنيني عليها .

الدكتورة :_ بصراحة مرتك حالتها اكيد بسبب ركوبها على مصاعد وايد وباين تحملها قليل و نزيفها كان خفيف بس بالوقت حالي قاعد يزيد و احنا خفنا على وضع الجنين فأدخلناها غرفة الولادة القيصرية لنولدها لانها ما تقدر تعطي أي طاقة لولادة طبيعية و حالة الجنين اذا تم ببطنها رح يتعرض للجفاف فولادته احسن .

وليد :_ بس اهي لحينها بالشهر 8 !

الدكتورة :_ لا تخاف .. وايد يولدون بالشهر السابع مب الثامن ولكن ولدك رح ينوضع بحضانة ليمن يكمل التاسع .. ادعي لها اهي بحاجتك الحين لانها بغرفة الولادة .

وليد :_ رح اطول ؟

الدكتورة :_ العملية ما تطول وايد بس الله يقومها لكم بالسلامة عن أذنك .

تحركة الدكتورة بعد ما زاحت هم قليل من كثير من قلب وليد بس الي صدمه بدور الحين تولد رح تييب له حلمه و اهي ابخير .. الحمدالله لك يارب على كل حال الحمدالله لك يارب .

تحركة له نوف بعد ما تنحة عنه الدكتورة :_ وليد بشر اشفيها بدور شخبارها .

وليد و نظره للفراغ :_ نزيفها تحول لنزيف حاد فخافوا على وضع الينين الحين اهي بغرفة العمليات رح يولدونها .

الكل وقف على ريله و ابو وليد الي نطق :_ رح تولد بالشهر الثامن .

وليد :_ أي يبه هذا طبيعي اذا رح تتحسن حالة الينين و الأم .

ابو وليد :_ يارب يارب قومها بسلامة .

نوف تلم اخوها :_ الحمدالله الحمدالله .. مب مصدقة يا وليد بدور الحين بتييب لنا خالد .

ابرقة انوار الفرح بقلبه وليد بسماع اسم ولده و حس بداخله كل الأمل ينولد ليتفائل بالخير لم اخته لصدره و كأن الحيات و نبضها ترد له

وهدئة القلوب كلها و بقوا بحالة انتظارهم لولادة بدور

.................................................. ..................................

تـــــــــــــــــــــــــــــــــــــــــابــــــ ــــــــــــــــــــــــــــــــــــــع

[هدباء]

بأراضي الرميثية وين ما كان بيت أم فيصل يعمر بوسطه الحب و القرب العائلي إلي يتوج بالحب و الحنان و علاقة الأخوة إلي تغمر قلب الأنسان

أنزلت مريم و أقعدة أحذال فيصل أخوها بصالة إلي كان ملتهي بلاب توب تبعه

مريم :_ يلا فص فص بلا عوار راسك بهلاب تب سولف معاي زهقاااااانة .

فيصل :_ و انا شكوا دوري لج احد غيري كاهوا نواف و شهود .

مريم :_ ياربي على هالبيت كل قرد بقرد .

فيصل ينتبه لدخول مشعل على المسنجر تبعه فتح المحادثة و كلمه ...

نكنيم مشعل كان (( ولكل بداية نهاية )) / و نكنيم فيصل (( كم رائع الغد في قلوبنا )) .........

(( كم رائع الغد في قلوبنا )) :_ حيالله ولد الخال إلي مضيعينه .

ملاك ترتبك شكوا تدخل على مسنجر اخوها والله ورطة الحين باين عليه واحد من عيال ولد عمتي فقامت تمشي السالفة معاه (( ولكل بداية نهاية )) :_ هلا والله فيك انا إلي مضيعك قصدك وينك أنت ما نلتقي فيك إلى بالمناسبات العائلية .

(( كم رائع الغد في قلوبنا )) :_ هههههههه ليش ما دريت تزوجت .

ملاك تفتح عينها شنهوووووو واحد من عيال عمتي تزوج من امتى

(( ولكل بداية نهاية )) :_ من صجك ؟؟

فيصل وهو مستغرب اشلون مشعل ما كشفه وهو يعرف مشعل ما يصدقه على حركاته هذي بدى يشك بسالفة (( كم رائع الغد في قلوبنا )) :_ هههههههههههههههه اول مرة اجوفك تصدق لمن اسوي حركاتي عليك .

ملاك و اهي تتورط زود ياربي شسوي الحين (( ولكل بداية نهاية )) :_ شسوي هالمرة غلبتني .

(( كم رائع الغد في قلوبنا )) :_ ها اجوف منسيتك كل شي حبيبة القلب .

ملاك تنصدم شنهوووو مشعل يحب و من هاي ياربي شهالورطة الي انا ورطة حالي فيها باين ما رح اطلع سالمة لازم اعترف و اعرف اي واحد هذا من عيال عمتي ام فيصل ...

(( ولكل بداية نهاية )) :_ مسامحة ما كنت اقصد اني اسوي هالحركات بس كنت داخلة على مسنجر اخوي بجيك شي فأنت كلمتني منوا معاي .

فيصل ينصدم معقولة من اشوي كان يكلم بنت خاله و لا يدري و معقولة فش بسر مشعل ياربي شسويت انا

(( كم رائع الغد في قلوبنا )) :_ لالا ما كوا مشكلة انا إلي أسف في أمان الله .

ملاك كانت ودها تعرف منوا هذا فبجرئة سألته (( ولكل بداية نهاية )):_ أنت واحد من عيال عمتي ام فيصل ؟

فيصل ينبهر لجرئتها و صراحتها جدامه (( كم رائع الغد في قلوبنا )) :_ اي انا فيصل .

ملاك تنصدم بليييييييييييه هذا فيصل العود ياربي (( ولكل بداية نهاية )) :_ اممم اسفة على الي صار و اتمنى مشعل ما يعرف الشي الي سويته ما كنت اقصده بس اتمنى هشي ما يعرف فيه احد .

فيصل من دون تفكير عقلاني و لا اعتبر لحجيها شي (( كم رائع الغد في قلوبنا )) :_ أنتي ملاك بنت خالي أبو مشعل ؟؟؟

ملاك تنصدم اشعرفه هذا (( ولكل بداية نهاية )) :_ اي اشعرفك .

(( كم رائع الغد في قلوبنا )) :_ مجرد توقع و طلع صح على العموم في أمان الله.

(( ولكل بداية نهاية )) :_ بحفظه ورعايته .

انهى المحادثة فيصل و سكر المسنجر و لحينه يتذكر كلامه معاها و الي صار معقولة اشلون كلمتها و لا حسيت ان هذي مب طريقة مشعل بالحجي معاي ياربي صج اني غبي و رح اتم غبي

مريم إلي تعبت و اهي تناديه :_ فييييييييييييييييصل اشفيك وين شردت ساعة و انا اناشدك .

فيصل :_ ها اي اي معاج خير اشتبين .

مريم :_ عطني لاب تبك ابي استخدمه اشوي .. فيصل يحس عقله مب متوازن بهالحظات رمى لاب تبه على مريم و تحرك وطلع من البيت استغربت مريم من حركته فيصل عمره ما كان يشرد جذي و يتكلم بهطريقة اشصاير له

ملاك سكرة مسنجر اخوها فوراً و اتركت لاب تبها الخاص على سريرها و اطلعت من دارها لتنزل تحت تجوف امها بالمطبخ شنو محتاجة لتساعدها

اول ما نزلت ملاك المطبخ ناظرتها مروة اختها و استغربت لملامح الخوف و الارتباك على ويه ملاك لأول مرة

مروة :_ ملاك اشفيه ويهج من مفزعج جذي .

ملاك :_ و ربي سخيفة منوا يعني بيفزعني محد و شنو فيه ويهي طبيعي .

مروة تستغرب من نرفزة ملاك بطريقة حجيها :_ زين ما قلت شي انا و كشرتي في ويهي و كليتيني .

ام مشعل :_ يا يمه مب وقت تتناقرون يمه ملاك تعالي سوي السلطة ما باجي شي و ابوج يوصل و اخوانج .

ملاك :_ من عيوني يمه .

تحركة لطاولة إلي عليها مروة و اقعدة و اخذت الخضروات و زاحتهم على جنب و يابت لوحة التقطيع و السجين و بدت تزهب السلطة

هدوئها كان غريب لتواجد مروة معاها بنفس المكان .. تمت مروة تناظرها باستغراب و الغريب اكثر ملاك ما انتبهت لنظرات مروة و ملاك المعروفة بسرعةملاحظتها اذا عيون تراقبها

ملاك و اهي تقطع الخيار بلمح البصر من دون ما تنتبه جرحت يدها بالسجين

ملاك :_ ياربي شسويت .

مروة :_ اشفيج ملاك ثواني بس لا تخلين الدم ينزف وايد مسكيها لصبعتج .

ام مشعل تلتف لبنتها :_ يمه شنو هذا اشلون صار .

ملاك :_ ما ادري يمه ما انتبهت .

ام مشعل :_ كم مرة قايلة لج هالسجين تحذري منها .

ملاك :_ سوري يمه .

ام مشعل :_ ياربي زين جذي الحين جرحتي يدج يمه مروة وينج تاخرتي ييبي معاج المطهر و الشاش لاختج .

تداركة عصبيتها ملاك ليمن لفة لها امها صبعتها و تركة السلطة على مروة و اطلعت من المطبخ بطريقة غريبة

ام مشعل :_ يمه مروة اختج فيها شي .

مروة :_ علمي علمج من دخلت ما ادري اشفيها .

ام مشعل :_ يارب يكون خير .

اصعدة ملاك لغرفتها و قفلة الباب عليها .. اشفيني ليش صار لي كل هذا الحين كل هذا اربكني لمن حاجيت ولد خالي الشي طبيعي بعدين ليش انا للحين هشي ببالي ياربي شصاير لي انا

.................................................. ............................

مضى اليوم بانتظار الكل لولادة بدور و حالة الارتباك الي تخلل كل من فيصل و ملاك و لا كانوا يعرفون سببه .. بأراضي باريس وين ما كان مر اليل بهدوء عليهم ليمن أشرق الصبح بنوره و برودة جو باريس تتخلل لزوايا جناح جاسم و ريم .. تحرك جاسم و فتح عينه و انتبه لنومته بأنه على الكنبة رفع عينه لقى ريم راقدة على سريره تحرك من على الكنبة و سحب ساعته إلي على الطاولة الزجاجية إلي على جنب الكرسي .. لقاها تقريباً 8 الصبح أوب أوب متأخرين وااايد اليوم و لازم يزهبون اليوم امبجر لا يطوفهم مشوار المفاجأة إلي مزهبها جاسم لريم تحرك بسرعة لها و لمن وصل احذالها ناداها :_ ريم .. ريم الساعة 8 الصبح بسج عيارة يلا قومي .

ريم كانت اشبه بالياهل الغارق بوسط ملاك النوم و لا تسمع على جاسم ...

حركها من يدها :_ ريم .. اصحي ريم يلا بسج أرقاد هالكثر .

تحكرت ريم على صوت جاسم و افتحت عينها لقته بطوله الفراغ واقف يناظرها .. ناظرته و ابتسمت مثل الياهل الي توه صاحي من الرقاد الحلوووو :_ صحيت ؟

جاسم يناظرها باستغراب لاول مرة تلكمه بهذا الرضا عليه و باين من قلبها سبحان الله يا مغير الاحوال .. بادلها بنفس الابتسامة و كلمها :_ و قبلج بعد يلا بسج عيارة قومي تأخرنا على صلاة الفير .

ريم بعيارة تسكر عينها :_ ليش كم الساعة ؟

جاسم :_ يقولون 8 الصبح .

ريم تفتح عينها :_ من صجك و ليش ما صحيتني .

تحركت عنه بسرعة و ادخلت الحمام لتتيدد .. و اتركت جاسم بحالة ذهول من تصرفاتها معاه .. حسب انها رضت عليه و حسب انه عرف اشلون يراضيها ابتسم و قام بيتحرك بهالوقت اطلعت ريم من الحمام و وقفت له تناظره ...

جاسم :_ اشفيج تناظريني جذي .

ريم :_ للحين حاط ببالك تحبسني معاك اهني .

جاسم ببتسامة غرور عليها :_ على حسب الوضع .

ريم بسياستها :_ أي وضع .

جاسم :_ اذا عاملتيني حالج حال الناس بفك اسرج من اهني .

ريم :_ الله يا كبرها صرت اسيرة بعد .

جاسم :_ و اذا ما تدرين أسيرتي انا و بس .

ريم :_ تدري ان طبعك تملكي وايد .

جاسم :_ و يا بختي على هذا الطبع .

ريم :_ مينون .

جاسم :_ عنيدة .

اضحك ريم لأول مرة جدام جاسم وهو تم يناظر ضحكتها اشلون تريح القلب و ويها لمن يبتسم يزيح كل الهموم

جاسم :_ اشفيج تضحكين .

ريم :_ سلامتك ياي على بالي اضحك .

جاسم :_ يا ختمت الله و خير .

ريم راحت حذاله :_ فج لي الباب ابي اروح غرفتي .

جاسم :_ مب على كيفج .

ريم تمسك يده :_ قلت لك فج لي الباب .

جاسم يناظر يدها :_ تركيني .

ريم تنحرج و تبعد يدها :_ زين فج الباب .

تحكر جاسم للباب و فتحه و قبل لا تمشي وقفها بكلامه :_ الباب جدامج مفتوح و يوسعج و يوسع غيرج ...

و وطى راسه بيتحرك لداخل غرفته .. ناظرته ريم و بعيونها ادموعها اشلون قاعدة تكسر بخاطره و اهي تحبه بجنون ما يتصوره العقل تركته و مشت لغرفتها

جاسم يكلمها من بعيد :_ لو سمحتي صلي و زهبي نفسج عندنا مشوار .

هزت راسها بعالمة الرضى و ادخلت غرفتها و سكرت الباب

.................................................. .........................

بأراضي الكويت كانت الساعة 8 اليل عندهم .. و للحين الكل بالمستشفى

تحرك وليد لعمه ناصر و خذاه على جنب :_ عمي باين بدور رح تطول انا اقول امشوا للبيت و بس تولد رح اخبركم اول باول .

ناصر :_ بخبرهم يمشون بس انا ما فيني لازم اتطمن على بدور بنفسي .

وليد :_ الي يريحك .

ناصر يتحرك لمحمد :_ محمد خذ نوف معاك و الوالد و امشوا للبيت و بس يصير شي نخبركم انا و وليد .

محمد :_ أي والله حدي تعبان من الوقفة ...

تحركوا كل من محمد و ابو وليد و نوف و إلي بقوا ناصر و وليد بالمستشفى

ناصر :_ ما نقدر نسأل اي نسر اهني تجوف لنا وضعية بدور .

وليد :_ حاولت بس كلهم يقولون مرتك بس تولد رح يخبرونك اول باول .

ناصر :_ عيل ما لنا إلا الصبر .

استرخى وليد براسه على اليدار إلى وراه و لحظات و يعلن تلفون ناصر اتصال

رفع اتلفون ناصر :_ الو .

جاسم :_ سلااااااااااااااااام .

تـــــــــــــــــــــــــــــــــــــــــابــــــ ـــــــــــــــــــــــــــــــــــع

[هدباء]

ناصر باستغراب :_ جسووووووووووووووووووووم .

و ينتبه وليد لعمه ..

جاسم :_ اي جسوم بكله يكلمك اشلونكم شخباركم شمسوين اشلونك انت و اشلون الاهل .

ناصر ما كان يبي يحسس جاسم بشي :_ حنا الحمدالله كلنا ابخير و نسأل عنكم دووووم ها بشر اشلونكم شخباركم انتوا اشلون ريم ؟

جاسم :_ زين زين كليتني حنا ابخير و ما نبي الة بس شوفتكم ابخير .

ناصر :_ تسلم والله .

و بهالوقت تطلع ريم من غرفتها جدام جاسم إلي كان زاهب و ينتظرها بصالة تم يناظرها اشلابسة و اشلون اناقتها و الكحلة الي راسمتها على عينها بشكل ساحر و الكلوز الي امبين حجم ثمها الصغير بشكل روعة و اناقت اهدومها

وهو يكلم عمه قالها له :_ واااااااااااااااااااااااااااااااااااااااااااااااو .

ناصر :_ اشفيك جسوم على شنو وااااااااااااااااااااااااااااااااااااااااااااااااو .

جاسم :_ ها لالا بس كنت اطالع الجو اشلون بارد .

ناصر :_ جسوم علي هالحركات انا حاس انك تكلمني بمكان مب على الجو برة.

جاسم يلفها مرة ثانية :_ لالا قصدي من الدريشة اشلون الثلج روعة .

ناصر :_ ههههههههههه فهمتها قصدك الثلج ريم .

جاسم يتخسبك :_ العن ابو الفهم ذا اشلون عرفت .

ناصر :_ افهمها و اهي طايرة زين دامها معاك عطني اياها .

جاسم :_ لا ما رح اخليك تكلمها .

ناصر :_ ليش اشصاير .

جاسم :_ لانة من ليلة عرسنا الى الحين طايحة استحقار فيني حريمتها اخليها تكلمك .

ناصر :_ بليييييييييييييييييييه جني اجوف الحين انت وياه توم و جيري .

جاسم :_ تتغشمر علي لكن اصبر لي .

ناصر :_ ههههههههه والله مب قصدي بس تكفى هالمرة طوفها علشان عمك و خاطره اتركني اكلمها .

جاسم :_ لا .

ناصر :_ يلا بلا اعنادك الحين .

و ريم كانت تسمع كل الحجي و اهي واقفة تناظره بعيونها باستحقار

جاسم :_ قول لها بالاول تعدل نظراتها لي بس لو انت الحين حذالي جان كفختها .

ريم تنقهر من كلامه و تحقره زود و تستمتع باستحقاره

ناصر :_ زين سويه اسبيكر بقول لها .

جاسم يحول تلفونه اسبيكر ويتكلم ناصر :_ ريم عمري خفي اشوي على عمرسنا مسيجين ما يستاهل .

ريم تحركة لجاسم :_ عطني اتلفون .

جاسم :_ مالج حق تلمسين شي من اغراضي .

ريم بغرور سحبت اتلفون :_ امبلى لي حق لاني زوجتك .

و تسكت مرة وحدة اشلون طلعت منها جذي زوجتك مرة وحدة و جدام عمها الحين يسمعهم .. و ناصر كان طايحها ضحك عليهم

جاسم تم نظره معلق على ريم و اهي ترفع اتلفون لأذنها و تهرب من عيون جاسم تلتف عنه :_ هلا عمي .

ناصر :_ وااااااااااااااااااااااااااااااااااااااااااااااو واااااااااااااااااااااااااااااااااااااااااااو خوش شي الي سمعته الحين ليتني مسافر معاكم كنت احلى مشجع لكم .

ريم :_ عميييييييي تكفى لا تتغشمر الحين مب وقت غشمرتك .

ناصر :_ ههههههههههههه اوكي اوكي اشلونج شمسوية وحشتيني يالقردة .

ريم :_ انا ابخير و ما اشكي باس اشلونكم انتو اشلون امي و الكل .

ناصر :_ لا تحاتين كلنا ابخير الاهم صحتكم انتوا .

ريم :_ انا عن نفسي ابخير بس غيري ما ادري عنه .

و ينقهر جاسم على كلمتها و يحاجيها بصوت عالي :_ عدلي كلامج اقول احسن لج .

ناصر :_ ولييييييييييييييييييييه شكل جسوم داقها نجرة اليوم معاج .

ريم :_ على طول جذي ماعليك منه .

جاسم :_ عطيني اتلفون .

ريم تترك عمها :_ مالك شغل .

جاسم يسحبه بقوة عور فيها يد ريم :_ بلا هرجج الحين .

ريم :_ ااااااااااااااي يدي ما تعرف تاخذ الشي بهداوة اشوي .

جاسم ينسى عمه ويناظر يدها الي حمرت من مسكته لها تقرب بيمسك يدها

ريم بعصبية :_ اتركني مالك شغل .

تباعدت عنه و التفت لتلفون و كلم عمه :_ سوري عمي بس كنت مع ريم .

ناصر :_ اي كنت معور لها يدها اعنبوكم انتوا ما بتردون و الة كل واحد مسكر الثاني شنو انتوا معاريس و الله يهال امخلينكم مع بعض تتطاققون .

جاسم :_ شسوي اذبحتني والله اذبحتني .

ناصر :_ يلا ربك كريم .

جاسم :_ الله يعين و انت قلتها الله كريم يلا الحين اخليك نكلمك مرة ثانية و سلم على الاهل كلهم .

ناصر :_ يوصل ان شاء الله و انت تحمل في ريم الله الله فيها .

جاسم :_ الله يقدرني على الي تطلبه يلا في أمان الله .

ناصر :_ بحفظه و رحمته .

سكر ناصر وهو رايح فيها ضحك و وليد يناظره :_ اشفيك ليش تضحك هذا جاسم شخبارهم .

ناصر :_ هههههههههههه اقول لك هذا اخوك مب طبيعي امسوي لنا بباريس اهو ومرتهتوم و جيري .

وليد :_ لا تقولها احلف بذمتك .

ناصر :_ هذا الي سمعته والله ما بيردون الة كل واحد مكسر الثاني .

وليد :_ لا لا تقولها بس شكل ريم وايد مب هينة عنيدة و جاسم ما يقبل احد يكون اعند منه .

ناصر :_ و هذا اهو طاح الفاس بالراس الله يردهم سلامين بس .

وليد :_ اعنبوك و لا تتحجى عن ناس رايحين شهر عسل كانك تتكلم عن ناس رايحين الحرب و لا الجيش .

ناصر :_ اظاهر جذي .

.................................................. ............................

جاسم بعد ما سكر التلفون تحرك لريم إلي راحت بالبلكونة العودة إلي بابها بصالة .. اول ما طلع على الجو هبت رياح بنسمات باردة خاف عليها من البرد فصخ جاكيته و تحرك لها من ورى و حطاه عليها :_ برد عليج من الصبح .

ريم تلتف له :_ مالك شغل فيني .

جاسم يعصب و يمسك اعصابه :_ زين شخبار يدج تعورت وايد .

ريم :_ و انت من دخلك في يدي انت بس تسوي الي تسويه و بعدين تيي تعتذر هذي مشها على غيري مب علي .

جاسم :_ ريم ذكري الله ما ابي نعصب مرة ثانية بسج ريم بسج ما مليتي من تصرفات اليهال هذي .

ريم تناظره :_ انت الي تبيني اتصرف معاك جذي قلت لك من الاول ما ابيك ليش اصريت و تزوجتني .

جاسم تم يناظرها و بعصبيته سحب يدها و مشى فيها لداخل الصالة و تحرك ليطلعون من الجناح ..

ريم :_ هد يدي لا تسحبني جذي .

جاسم يلتفت لها لمن اوصلوا عند الباب للجناح قبل لا يفتحونه و يطلعون :_ انتي تبيني اتصرف معاج جذي ريم بسج صيري عاجل لا تمين على هذي التصرفات تراني مليت و ربي مليت .

مشى و فتح الباب و ترك كل شي لها مفتوح و طلع بعصبيته وقفة تبجي اهي و اهو تم يمشي و يتنفس بسرعة بالنهاية وقف حس نفسه مب قادر ياخذ نفسه وقف يريح التف وراه ما لقاها تعوذ من ابليس شكل اليوم ما رح يمر على خير

ريح له اشوي و التف لورى و تحرك يرد للجناح تبعهم اول ما وصل ما لقى احد دخل الجناح يدور عليها :_ ريم .. ريم وينج ردي علي ريم تكفين .

التفت لها بصالة الثانية تحرك لها لقاها مغطية ويها بيدينها و رامية بعمرها على الكنبة الطويلة و تبجي

تحرك حذالها ليمن وصل لها نزل لمستواها و توكل على ركبتينه و قرب يده ليدينها الي مغطين ويها و سحبهم بهدوء :_ ريم سمعيني طلبتج تكفين .

ريم تسحب يدينها :_ اتركني ما ابيك اتركني ما ابيك .

جاسم :_ مو مهم تبيني او لا .. الاهم راحتج لا تبجين علشاني بس سمعيني هدي نفسج و ذكري الله .

ريم تباعد يدينها عن ويها و تبان اعيونها الي كانت بدموعها تعور القلب :_ تبيني اهدى اتركني ابجي اتركني لحالي ما ابي اطلع معاك روح انت اطلع انت ما ابيك.

جاسم يصرخ بعصبيته :_ ريم بسج لازم تسمعيني لا تعندين بسج ريم بسج.

تمت تناظره ريم بخوف من عصبيته الي مثل شرارات النار الي تتطاير بكل زاوية بعد ثواني اختفت من بين ناظره و ادخلت لغرفتها و اقفلة الباب تحرك من على الارض و قعد على الكنبة و حط يدينه على راسه وهو مب قادر يتحمل كل اعناد ريم معاه حسب انه راضها ولكن باين انها صعبة صعبة .. بعد ثواني تحرك و طلع من الجناح و نزل لطابق الاول الي بالفندق اول ما نزل طلبوه مكتب الاتسقبال و تحرك لهم ...

الحوار طبعاً باللغة الانجليزية و لكن رح يترجم اهني بالعربي

جاسم :_ السلام عليكم .

الموظفة إلي بقسم الاستقبال :_ هلا فيك لو سمحت انت طلبت خادمة لك بالجناح و اهي وصلت .

جاسم :_ اوكي وينها .

الموظفة :_ بقسم الاستراحة و اسمها نسرين .

جاسم :_ عربية .

الموظفة :_ اي نعم ابنانية .

جاسم :_ اوكي مشكورين انا اتفاهم معاها الحين .

تحرك جاسم لشغالة تبعهم و لمن لقاها استغرب بنت توها بشبابها تعيش شغالة ببلاد الغربة الله يعين الناس على احوالهم تحرك لها ...

جاسم :_ السلام عليكم .

نسرين و اهي تناظر جمال جاسم العربي و تنبهر منه :_ اهلين مين معي .

جاسم :_ انتي رح تكونيني بجناحي يعني رح تشتغلين عندي .

نسرين تنهبل معقولة رح اكون خادمة عند هذا الشاب الوسيم :_ اهلين فيك اتشرفنا استاز .

جاسم :_ جاسم اسمي جاسم .

نسرين ببتسامتها المرحة :_ استاز جاسم .

جاسم :_ اوكي تدلين طبعاً جناحنا لمن اعطيج رقمه و اي طابق لو اوصلج انا بنفسي .

نسرين :_ لا يا استاز جاسم ما بتعب حالك هيك انا بروح لحالي بس خبرني رقم الجناح و اي طابق .

جاسم :_ اوكي الطابق الخامس الجناح رقم 2 .

نسرين :_ اوكي ان شاء الله بكون عند حسن ظنك يا استاز جاسم .

تحركت نسرين و اهي تحسب بان جاسم شاب اعزب و مب متزوج و لكن باين عليه محترم و ولد عايلة و اصل

جاسم بعد ما تفاهم وياها طلع من الفندق و تحرك بالتكسي لعند احدى مناطق باريس الي اقريبة من البحر .. وصل للبحر إلي وسعه ما هوا بوسع قلب جاسم من الهموم .. كان عايش بحياة ينحسد عليها هدوء و راحة بلمح البصر أظهرت أوراق منخطة بوصية من يده ويدته و قلبت حياته .. ورته الطيبة كره و الحب شي مر و الفرح حزن و المطر ادموع .. تحرك ليعند البحر و قعد على الحجر الي قربه من البحر بشكل وايد .. تم يناظر الجو و يناظر البحر هلت أدموعه الدافية من القهر الي بقلبه .. تم موطي راسه وهو يصارع أدموعه بونات تذوب الصخر ليمن رفع راسه بشموخ الجبال هو يصرخ من دون أحساس للي يمه و حذاله من الناس :_ أحبهااااااا والله أحبهاااااااا بس اشلون اعلمها اني احبهااااااا اشلوووووووون .

التفتوا الناس الي حذال البحر لتصرف جاسم و بعد لحظات ما عاروه أي اهتمام

و وطى راسه يبجي وهو يحس بدقات قلبه تتصارع معاه لأول مرة يعترف بحبه لريم بلسانه و ينطقها من قلبه .. حس الحياة تنبض فيه من يديد و الأمل يتداخله رغم الألم إلي بداخله ويجره ليستمر بقوة و بشموخ اكثر من ما كان عليه .. مسح أدموعه و تحرك على أريوله و اخذ تكسي و توجه لمكان المفاجأة إلي مزهبها لريم .. و طول الطريج عينه على السمى و عيونه تنزف ادموع حسرة كان لو وده ريم معاه وهو قلبه يعمر بالفرح ليوصلها معاه لمكان المفاجأة و يسعدها لمن يوريها أياها لكن كل هذا انهدم بلحظة تعصيب حس بالقهر ياكل قلبه ولكنه ذكر الله و هدى من نفسه اشوي اشوي

ليمن وصل للمكان و نزل تحرك بخطواته الهادئة ليمن دخل و قعد يناظر فخامت المكان و التطور إلي فيه توجه لمكتب الاستعلامات و صورة ريم لمن صحت و ابتسمت له بنعومة اليهال و برائتهم تتراقص مثل الملاك حول ناظره و بباله

.. الحوار مترجم إلى العربي ..

جاسم :_ السلام عليكم .

الموظف :_ مرحبا و عليكم السلام تفضل تطلب أي خدمة .

تــــــــــــــــــــــــــــــــــــــــابـــــــ ــــــــــــــــــــــــــــــــع

[هدباء]

جاسم :_ أي لو سمحت انا سجلت مقعد لطالبة بجامعتكم اهني لدراسة باسم ريم بن فارس ممكن اكمل اوراق التسجيل عندكم .

الموظف :_ أي تخصص كان مطلوب .

جاسم :_ طب .

الموظف :_ أي بس لو سمحت ثواني نطلعهم لك .

وقف جاسم ينتظر ليمن ياه الموظف :_ هذي اوراق التسجيل و القبول وصلنا من كم يوم قبلناها بالجامعة و الباقي توقع على هذي الأوراق .

جاسم :_ لو سمحت اقدر اكون البديل لها بالتوقيع .

الموظف :_ اذا ولي امرها بالتأكيد بس قبل نبي نعرف صلة القرابة و نبي بطاقتك الشخصية .

جاسم :_ انا زوجها و هذي بطاقتي .

الموظف بعد ما تأكد :_ تفضل تقدر تكمل التسجيل و توقع على هذي الأوراق و بعد شهر رح تبدي الدراسة عندنا .

جاسم بعد ما خلص من الأوراق :_ الحين خلاص باجي تيي مع الدوام ؟

الموظف :_ بالتأكيد و بالتوفيق ان شاء الله .

جاسم :_ مشكور .

الموظف :_ العفو .

طلع جاسم و رفع ساعته يناظرها الحين صارت قريب 2 الظهر وهو طالع من 8 الصبح تأخر وايد على ريم و سالفة الشغالة نساها بعد فاخذ اقرب تكسي ليرد للفندق باسرع وقت

.................................................. ......................

بأراضي الكويت .. بالمستشفى بالتحديد .. وين ما كان وليد و ناصر فيه وقف وليد بلمح البصر وهو يحس نغزات بقلبه .. وقف معاه عمه وهو يمسك يده

ناصر:_ وليد عسا ما شر اشفيك .

وليد :_ ما ادري بس ما فيني اصبر اكثر خايف بدور فيها شي .

ويقطع عليهم طلوع الدكتورة من غرفة العمليات .. مشى لها وليد و يده على قلبه من الخوف :_ ها دكتورة طمنيني .

الدكتورة :_ زوجها ؟

وليد :_ أي نعم .

الدكتورة بأبتسامة :_ ألف مبروك ياك ولد أسم الله عليه حلو وايد ربي يخليه لكم.

وليد وهو يحس الأرض مب واسعته و ناصر اعيون المعت بدموع الفرح .. تدارك نفسه وليد و رد يكلم الدكتورة :_ بس لو سمحتي شخبار بدور .

الدكتورة :_ بدور بقوتها ان شاء الله ابخير العملية رح تتعبها اشوي و بالبداية ما نبي أي تحكر تبذله فالحركة خطرة وايد عليها ولكن الحمدالله الحين رح ننقلها للجناح الخاص .

ناصر :_ وصحة الولد اهو مثل ما نعرف بالشهر الثامن .

الدكتورة :_ إلي تبين بدور اليوم دخلت الشهر التاسع فالولد بكل قواه وايد يولدون ببداية التاسع و يكون الينين بصحته الكاملة تستاهلون سلامته و سلامة بدور .

وليد و اهو مب قادر يتكلم :_ الله يسلمج من الشر .

تحكرت الدكتورة و بلمح البصر احضنوا على بعض

وليد بفرح :_ بدور ابخيريا عمي بدور ابخير .

و دموعه وليد تنهار على خدينه من الفرح

ناصر :_ الف الف مبروووووووووك يا ابو خالد و اخيراً يانا ولي العهد .

وليد :_ تسلم يا بعد قلبي تسلم .

بهالحظات أنفتح باب غرفة العمليات و طلعوا فيه سرير عليه بدور و أهي تحت تأثير التعب و مسكرة عينها بقلبه و روحه ركض لها وليد ليمن وصل لسرير و مسك يدها و رفعها باسها و مشى معاها على طول الطريج للجناح الخاص لها .. كانت تحس بيد وليد و بتواجده احذالها ولكن من التعب كانت حتى عينها صعب تفتحها و تحركها كان صعب عليها فبقت يدها بيد وليد و مسكرة عينها

ناصر معاها بمثل الدرب و لكن لمن وصلوا للمصعد اختلف عنهم بالدرب لأنه نزل على مصعد ثاني ليطلع من المستشفى ويخبر الأهل لانة الشبكة للأتصال داخل المستشفى ضعيفة

نزل بفرحته إلي تعمر بخفوقه ناصر و ما يا على باله غير نوف الي يفرحها بهاليل اكيد لحينها ما رقدة

ببيت ابو وليد برغم وقت متأخر لأول مرى يكون الكل صاحي و بغرفهم مب قادرين يرقدون و خوفهم على بدور و انتظارهم لقومتها بسلامة ملازمهم

انزلت نوف مع محمد بعد ما نوف رقدة رنيم اول ما انزلوا لقوا امهم و ابوهم صاحين غريبة الساعة تقريباً 2 قريب الفير اشلون لحينهم صاحين

نزلوا و تحركوا لصالة لوين ما امهم و ابوهم قاعدين

محمد تحرك لحذال ابوه و نوف لحذال امها .. وصلت نوف لمها و مسكت يدها :_ يمه شكوا السهر ذا لا تعبين حالج بدور بس تقوم بسلامة عمي او وليد بيخبرونا.

ام وليد :_ الراحة مالها ارض عندي و انا قلبي على بنيتي بدور يا يمه باجر لمن تتزوجين و تحملين و تجربين تعب الولادة قلبج ما بيهدى على وحدة من هلج لمن تسمعينها بهالحال .

محمد :_ ما عليه يا يمه مقدرين الموقف و كلنا مالنا عين ترقد بس على الاقل قومي فوق ريحي لج اشوي .

ام وليد :_ ماله داعي هالحجي يا يمه مارح اصعد الة لمن يتصل فيني اولدي و يخبرني عن حال بنتي .

محمد :_ الي تجوفينه يا يمه .

وسط الهدوء الخارق و كل منه بحالته رن تلفون نوف الي اخترعت بمكانها من صوته مرة وحدة لقت عمها المتصل و ارفعته بسرعة و الكل منشد لها

نوف :_ هلا عمي بشر عسا خير .

ناصر :_ كل خير كل خير بس قبل كل شي ابي يبابتج الي تهز المكان .

نوف و اهي تفهمها :_ عمي لا تقول لا تقول .

محمد يروح احذال نوف :_ شنو ولدت اشيابت .

نوف :_ اصبر زين خلني اعرف شي من عمك .

ناصر :_ ههههههههه لا ياكل سماعة اتلفون المهم ما ابي يباب بس ابشارة و بعدها كل البشاير خلودي نور الدنيا علينا توها والدة بدور و سلامتها عال العال و خلودي بعد و ابشارة اهو مكمل الثمان ببداية التاسع يعني ما رح يتعرض للحضانة و الي بعدها اهو بخير و امه ابخير و الحين ناقلينها على الجناح لخاص و بشري الأهل .

نوف :_ وااااااااااااااااااااااااااااااااااااااااااااااااا ااااااااااااااااااااااااااااااااااي عمي بسك بسك ذبحتني من البشاير عسا يارب هالفرح دوم يلا اخبر الاهل الحين في أمان الله .

ناصر :_ هههههههه اشوي اشوي لا تبجين اعرف سوالفج نويف و بحفظه ورعايته .

نوف :_ عميييييييييي لا تتغشمر علي .

ناصر :_ ههههههه افاا عليج و لا يهمج يلا في أمان الله .

نوف :_ بحفظه ورعايته .

سكة نوف و تلقوها الكل و بفرحتها اوقفت :_ خلودي خلودي نور الدنيا بطلوعه علينا بدور اولدت و يابت لنا خالد و اهي و خالد قاموا بالف سلامة و الحين رح ينقلونها على الجناح الخاص و خلودي طلع العيار مكمل الثمان و في التاسع و لا يخبرنا .

ابو وليد الي حس قلبه من الفرح مب قادر يدق :_ الحمدالله الحمدالله لك يارب الحمدالله .

ام وليد :_ يابعد قلبي يا بدور تستاهلين هسلامة دوم يا يمه الحمدالله لك يارب و نشكرك طول العمر الحمدالله انك قومت لي بنيتي بسلامة وياني ولد اولدي الي تقر عيني بشوفته .

محمد :_ واااااااااااااااااااااااااااااااي تركوني اعبر عن مشاعري يا خلودي اخيراً كفمي يور فايف نوييييييييييف .

نوف :_ ههههههههههههههههههههه اااااااااي لا تعور يدي بيدك ذي تبع الرياييل.

محمد :_ هههههههههههههههههههههه .

.................................................. ............................................

بالمستشفى وصلوا للجناح الخاص و كملوا أجرائاتها و ضبطوا كل شي و تركوها مع زوجها

تقرب وليد حذالها و قعد على السرير على طرفه ومسك يدها و تقرب باس جبينها و دمعته انزلت على خدينه :_ يا بعد قلبي يا بدور رديتي لنا بسلامة مب امصدق يا روحي كلها مب امصدق .

بدور سمعت كلام وليد و افتحت عينها على ادموعها و ابتسمت لوليد :_ صج يا بعد قلبي صج يانا خالد و اخيراً قدرت يا عمري احقق لك حلمك الي كنت تسمعني اياه من اول يوم عرفتك فيه و كنت لك انت و بس انت و بس يا قلبي .

وليد يقرب يده لخدينها و يسمح ادموعها :_ اذا انا قلبج لا تعوريني و تعذبيني بدموعج لا تبجين يالغالية الاهم سلامتج و قربج مني و الحمدالله الحمدالله على كل حال الي قومج لنا بسلامة .

بدور تمسك يد وليد :_ يا بعد قلبي ادموعي ما انزلت الة لشوفتك اجبالي عسا ربي لا يحرمني منك .. اقول حبيبي وينه ولدنا .

وليد :_ تدرين شوفتج نستني الدنيا كلها خلاص الحين اييبه لج لهني بس انتي الاهم و لا حركة العملية خطرة عليج لو تحركتي الحين ابي راحتج بس يا بعد روحي .

بدور :_ و لا يهمك بس ابي تقر عيني بشوفة ولدي .

و بهالوقت يدخل علهم ناصر :_ احم احم .

بدور تبتسم و تناظر عمها .. وليد يلتفت له :_ حياك حياك .

ناصر :_ وينها بدورتي .

بدور تناظره ببتسامة تفتح القلب لراحة :_ اهنييييي .

تقرب لها ناصر و لمها و باسها على جبينها :_ يا بعد قلبي يا بدور الف الف مبورك و الحمدالله على سلامتج .

بدور و اهي تبجي :_ الله يبارج بحياتك عمي و يسلمك من الشر .

وليد :_ اوب اوب بدينا اشقلنا مافي دموع .

ناصر :_ ماعليك منها اتدلع عليك اشوي ام خالد .

وليد :_ هههههه حلالها العمر كله تتدلع بس الة اقول لازم اروح اسوي شهادة ميلاد خالد ابقى عند بدور .

بدور :_ لا ما ابيه فارجوا انتوا ابي ارتاح روحوا اثنينكم و ما تردون الة بولدي معاكم .

وليد :_ شنووو تطردينا بعد .

ناصر :_ اقولك حرمتك تتدلع دام جذي انا قلبي متوله على هالكتكوت خويلد ما رح ابقى معاها .

وليد :_ لا ماعليك منها ابقى معاها يمكن تحتاج شي .

بدور :_ لالا ما يحتاج وليد بس ابي ارتاح لي اشوي تعرف باجر من الصبح الاهل اهني .

ناصر :_ اوب اوب ما خبرت بيت ام فيصل .

وليد :_ الة صج خبرت الاهل .

ناصر :_ اقولك ينت نويف و حمود و كلهم صاحين لحين ما ارقدوا بس رنيم رقدتها نوف .

بدور :_ اي صج شخبارها عمري رنيم وقلبي عليها .

وليد :_ تطمني رنوم اابخير الاهم راحتج الحين و من الصبح يايبها لج باذن الله .

ناصر :_ زين يلا مشينا .

وليد :_ اي يلا توكلنا على الله .

ناصر :_ يالله .

و اطلعوا من عند بدور الي اتركوها ترتاح بعد التعب الي صارعته و الام العملية متعبتها بدرجة كبيرة ولكنها صابرة و متحملة .. ناصر و وليد بدربهم

ناصر :_ متحمس لشوفته .

وليد :_ شي ما اقدر اوصفه بلساني ودي المه لصدري و احمله بيديني هذول و ابوسه و تقر اعيوني بشوفته هذا حلم عمري حلم عمري يا ناصر و تحقق حققته لي الي قلب و روحي كلها .

ناصر :_ ههههههه الله يحفظه و يخليه لك و تجوفه معرس .

وليد :_ اهو معرس بعيوني من زمان هالقمر .

و على سوالفهم اوصلوا لقسم الياهل المولودين و التقوا بالنسر ...

وليد :_ لو سمحتي بغيت أسألج عن المولود إلي أسم أمه بدور عبدالعزيز بن فارس ....

النرس :_ أي أي امبلى بغرفة رقم 3 بس قبل وين ابوه .

وليد بفرخ و بفرحة ينطقها :_ انا خير امري .

النرس :_ ما يامر عليك عدوا بس نبيك تكمل أجرائات شهادة الميلاد .

تـــــــــــــــــــــــــــــــــــــابــــــــــ ــــــــــــــــــــــــــع

[هدباء]

وليد :_ أن شاء الله بس وين .

النرس :_ تفضل معاي .

وليد :_ زين لو سمحتي تعطيني مجال اطل على ولدي و اييكم .

النرس :_ الي يريحك بس المكتب على يمينك .

وليد :_ ان شاء الله عن اذنج .

النرس اذنك معاك و تحركت عنهم و مشوا اثنينهم وليد و ناصر بفرحتهم للغرفة ..

.................................................. ..................................

أفراح تهطل .. صاراعات بالحيات .. مشاعر ارتباك غريبة

فرحة الأبو لمن يناظر ولده الاول فرحة لا توصف

الحب الحقيقي يكون شبه الشي الغريب يتداخل وسطنا و لا نلقى له التفسير

الكره و الصراعات تولد بعدها الحب

فهل هذا رح يُطبق على أبطال قصتنا

فأبقوا معاي دوماً لنواصل مسيرتنا مع من أحببناهم وعشنى معهم أجمل و اقسى أيامهم

أتمنى كفيت و وفيت بهذا الجزء و ما كوا اقصور بأذن الله

و بأنتظار ردودكم دوماً

[حبر وردي]

والله مو جديد عليك مبدعه دووم ....
وتسلمين حبيبتي ما قصرتي .....
في إنتظار القادم ...