(( روحــــي فــــداك )) قصة حب كويتية..من تأليفي...

[نور الزهور]

مو عضوة من هونـــ
و اللهـ أعلمـــ
ممكنــ تكون زائـــرة
...

[عصفورة الأقصى]

السلام عليكم ورحمة الله وبركاته ..

الغالية هدباء ..
نترياج الغالية ..
ونتريا البارت اليديد على أحر من الجمر ..
لا طولين علينا ..
ولا تستعجلين بعد ..
وإن شاء الله بيكون وااايد حلو مثل البقية ..
تسلمين غناتي ..

عساج ع القوة ..

[Ariel]

متى الجزء قلت قريـــــــــبـــــــــا ؟

[هدباء]

حبيباتي ما ودي بالتأخير عليكم ولكن في مشكلة بنسبة للقصة

لقيتها مسروقة بمنتديات غير منتدى بنات دوت كوم

فرح أتأخر عليكم اشوي لأحل هالمشكلة

و ملاحظة : أي عضوة منكم للأمانة تلقى القصة منقولة بطريقة السرقة يعني منقولة من دون
أن يوضع كلمة منقول أتمنى تخبروني على الخاص برسالة ... ... ...

[فتاة الأحلام]

يسلموووو ع القصة

[Ariel]

لكن ده مش بيمنعك بان تكملـــــــــــــي

[فٍكْرَةْ مَجنُونهْ]

[وآآآآآآو...

القصه وآيد حلوهـ...

آتريّا تكملة القصه على آحر من الجمر...

وآلله متحمسه لآجل آعرف آلباقي...

لـــحـــظــــة// ،:

من وجهة نظري آنه مافيها شي لو آنقلت قصتكـ لمنتديات ثانيه!!

لكن يمكن اللي صادفكـ آدعاء بنسب القصه للعضو آللي قامـ ونقل القصه!!

عـ العمومـ...

ماآدري آيش آقول!!

لآني والله بجد آنبهرت بآسلوبكـ المشوق...

وخيالكـ الخصب...

وياليت تكملي لنآ آلقصه بآقرب وقت...

وكآن الله بعونكـ...

[هدباء]

سلاااااااااااااااااام ...
أشلــــــــــونكم .. أن شاء الله أبخير ...
حبيبتي " فٍكْرَةْ مَجنُونهْ " معاج حق أنا مثلج أقول مافيها مانع لو قصتي أنتقلت لمنتديات ثانية
بالعكس رح تكون قصتي لها معجبات أكثر و رح ينتشر إبداعي
ولكن الطريقة إلي أنتقلت قصتي فيها لمنتديات ثانية بطريقة السرقة يعني عضوة بمنتدى ثانية أخذت قصتي و أدعت بأنها أهي صاحبة القصة فهذا بالتأكيد ما يرضيني أما إذا أنتقلت و كُتب أسمي بأني صاحبة القصة و بأن القصة منقولة فلن أعارض أبداً فمن يحب ينقل القصة لمنتدى هوا يُشارك به لن أمانع ولكن يُرجى كتب كلمة منقول و أسمي " هدباء " ليتوضح بأني صاحبة القصة ....
و أشكر تواجدج كمتابعة و مُعجبة لقصتي و لا حرمنا الله من تواجدج

و الحين أقول لكم أتركوا الصفحات الباجي للجزء

تـــــــــــــــــــــــــــــــابــــــــــــــــ ـــــــــــــــــــــــــــع

[هدباء]

..".. الجزء الرابع عشر .."..
(( الفصل الثاني ))

من يقول الذوق منك ما سرق أجمل صفاته

من يقول الورد منك ماسرق لونه و عبيره

يا بخت طفلن يبوسك ما حسدت إلا شفاته

و الحقيقة ما حسدته كل ما في الأمر غيره

شخص مثلي وش يسوي غير يكتب أمنياته

يرسمك في كل صفحة و يحرق الصفحة الأخيره

ويتمنى بس يلقى شخص مثلك في حياته

في زمن ما صرت ألقى شخص فاهم استشيره

تشبه اليل يمكن في هدوءه في سكاته

بس فيك من النهار الصدق و أشياء كثيرة

تشبه الطيب آسف قصدي أنت الطيب ذاته

ليت مثلك بس واحد بنشره في كل ديره ...
مشى وليد بلهفة لولده ليمن وصل للغرفة و من وراه ناصر فتح الباب و طل عليه لقى ياهل اصغير راقد داخل سرير من الزجاج و الجو دافي و هادء اشبه بهدوء الملائكة تخبل عليه و زاد شوقه لولده و دخل من وراه ناصر عمه وصل لسرير و تم يناظره و عينه تدقق بكل زواياه
كان ماخذ تراسيم ويه عمه جاسم بالكااامل إلي يجوفه يقول هذا ولد جاسم مب ولد وليد بس شعره كان فيه من لون الشقارة بلون البني الفاتح مثل شعره امه و خدينه الحمر و ثمه الصغيييير الي مثل امه نااااعم
ادمعة عينه وليد وهو يناظر ولده و تقرب منه و اهمس له :_ يا بعد روحي يا بعد قلبي و كل ناسي ييت و طليت بهدنيا لتفرح قلبي بشوفتك و قرت عيوني للقياك يا ولدي يا بعد عمري كله و يا شقى اسنيني فديتك انا طالع مثل القمر يا قلبي عليك
ناصر إلي كان من ورة وليد :_ يا قلبي من وين ياييبين هالكتكوت ايخبل والله انه جاسم 2 يشبهه وااااااااايد تقول ولده مب ولد اخوه .
وليد :_ جفت عاد حنا نييب و غيرنا يفتخر والله هالجسوم حظه يضرب الصخر .
ناصر :_ فدييييييته جوفه اشلون يحرك راسه اصغييييييير .
وليد :_ شنوي تبي تحمله .
ناصر :_ لالا اخاف يصيبه شي .
وليد :_ لا تخاف حملت رنوم يوم كانت بعمره فديتها اصغيرة لكن عادي .
ناصر :_ عيل سم بالرحمان و شيله بالهداوة .
اقترب منه وليد و مثل الطريقة الي علمته بدور فيها يحمل رنيم اول ما يابتها بدى يطبقها حط يده الأولة تحت راسه و الثانية تحت جسمه الباجي لانه اصغير و ينحمل باليدين و رفع و لمن قربه لعنده رمى براسه على صدر ابوه وهو راقد ...
وليد :_ يا بعد روحي و جنه يعرف انا ابوه .
ناصر :_ يا قلبي على هالكتكوت قربه بس ابوسه قربه .
قربه اشوي وليد من ناصر و انحنى له ناصر و باسه على خده و بدى يحاجيه عند اذنه :_ خلودي حبيبي حبيب عموووه تسمعني ايا المنحوس راقد و لا عاطينا ويه .
وليد :_ يا قلبي امه متولهة على ما تجوفه .
ناصر :_ عيل لا تستفرد فيه و اخذه لها .
وليد رفعه لعند ثمه و باس جبينه الناعم و رده لسريره .. و من بعدها ترك ناصر معاه و تحرك لمكتب الاستقبال ليكمل شهادة الميلاد لولده ...
.................................................. .........................................
في بيت أبو وليد وين ما كانت الفرحة عامرة و مب مخلي اي قلب يلقى النوم بهالوقت المتأخر ابو وليد صعد لفوق يريح و قلبه كان يحسب بالفخر و الشوق لهلولد و اخيراً صار له ولي عهد من احفاده
اما ام وليد فصعدة فوق بالمثل و تنتظر ليأذن تصلي الفير و تريح لها قبل لا يمشون المستشفى لعند بدور
و الي بقوا صاحين نوف و محمد كانوا بصالة بطابق الأول و قاعدين يطرشون مسجات للأهل يخبرونهم بولادة بدور
محمد :_ اقول نوييييييييف طرشي لجسوم .
نوف :_ من صجك اهم بشهر العسل و معاريس توهم نعكر عليهم الجو لالا خلها لمن يردون يعرفون و تكون مفاجأة حلوة .
محمد :_ ههههههههههه من صجج شهر عسل تلقينهم افلام توم و جيري عندهم.
نوف و اهي تفكر :_ امممممممم ايوة تدري اشلون بطرش لريم علشان تخبر جاسم .
محمد :_ وليش مب لجاسم مباشرة .
نوف :_ يا عبقري زمانك جاسم و ريم كل ما يتحاجون و يتجنبون انهم يتقربون لبعض فإذا خبرت ريم غصب عنها بتخبر جاسم فبيصير مجال تتقرب منه و يتقرب منها .
محمد :_ يا كبرهاااااااااااااا صج لين قالوا لك الحريم دااااهية من وين يبيتها انتي يالوسة .
نوف :_ لا تغلط بعدين لازم تفتخر بعقلي الجبييييييير .
محمد :_ مالت عليج ويا عقلج الصغيييييييييير .
نوف تناحسه :_ كبيييييييييييير و غصب عنك .
محمد :_ اكبير اصغير المهم طرشي لها الحين و فكينا من لعانتج ويا هالويه .
نوف :_ زين عطني تلفونك تلفوني خلصة افلوسه .
محمد :_ لا رحنا فيها فلسنا اييبون اعيال و حنا الي نفلس.
نوف تسحب اتلفون من محمد :_ ييبه يا بخلك صج انك بخيييييييل .
………………………………………………………………………………………………………….
بأراضي باريس وين ما كانت ريم على سريرها و عيونها وخدينها مبللين من ادموعها و الهدوء يحاوط المكان .. التفت لترقد وقفها نغمة وصلول مسج على تلفونها ارجعت لوضعيتها قبل و اقتربت من تلفونها و سحبته من على الديرس و رفعته .. اولما انفتحت لها الرسالة تهاليل الفرح نورت محياها و بلمح البصر اتصلت بنوف .. بس دقايق لبعد المسافات ارفعة نوف تلفونها ...
نوف :_ ريموووووووووووووووووووووووووووووووه يالدبة .
ريم بوناسة على رباشة بنت عمها :_ فديييييييييييييييييييييييييت قلبج انويف من صجج بدور يابت خالد .
نوف :_ اي والله المسيجينة طاحت علينا و وليد اختبصت حالته و خذينها المستشفى .
ريم :_ وا على قلبي شخبارها الحين شخبار البيبي .
نوف :_ كلنا ابخير و ما نبي الة سماع اخباركم بالخير الا شخباركم انتوا و اشلونه جسوووم اكيد تاركج لحالج اعرفه انا راعي سوالف ذا .
ريم تتنهد مسرع ما لقت الفرح مع نوف ردت لحالتها و اسكتت
نوف :_ ويه اسم الله عليج خطيت انا بالحجي شي بلاج سكتي جذي .
ريم :_ و لا شي بس الحمدالله على كل حال حنا نسأل عنكم .
نوف :_ ريم عمري انا اكثر وحدة اجريبة من جاسم ومنج و اعرفكم انتوا الثنين و اعرف الي انتوا فيه مجبورين ولكن هذي كتبتة الله و مالنا عرضة عليها .
ريم :_ صدقيني يا نوف صدقيني ما اقدر اعيش وياه ما اقدر انا نفسي ضايعة فشلون تعيشوني مع انسان تبوني اضيعه معاي والله حرام ما انكر و لا اقول انا مب غلطانة كل الغلط انا اعصب و استحقره اتجاهله و اعتبره غريب اخليه يكره الساعة الي يكلمني فيها بس ليش كل هذا يطلع مني ما ادري ساعات ابي انتقم و ساعات ابي من يلمني لصدره و يحسسني بالحنان بالأمان ضايعة يا نوف ضايعة و ما ألقى إلي يدلني .

تـــــــــــــــــــــــــــــــــــــــــــابــــ ـــــــــــــــــــــــــــــــــــع

[هدباء]

نوف تقطع قلبها على بنت عمها :_ يا بعد قلبي لا تعورين قلبي عليج بس سمعيني زين .. حبيبتي ريم الانسان لمن ينجبر على شي يصير مثل التايه ساعات يبي ينتقم و ساعات يبي الحنان لانه يتعب من الانتقام و ساعات يبي يقول الي في قلبه و ساعات يبي يجرح الغير و لا يعيرهم اي اهتمام بس ياريم لو ما اعرفج و لا اعرف طيبة قلبج ما حاجيتج الحين حاولي طلبتج حاولي تقربين من جاسم اكثر اهو بحاجتج و انتي اكيد بالمثل محتاجته انسي اشوي و حاولي تردين ريم الي كلنا نعرفها ريم الطيبة الحنونة الي تبدي الغير على نفسها الي تعطي بلا مقابل الي ما تنسى لا حبيب و لا غريب حاولي اذا مو علشان زواجكم علشان انسان انتي بتعيشين معاه طول عمرج و هالقرب دوم يبنكم ما فكرتي اشلون بتواصلين هالحيات .


ريم و قلبها ينفتح مرة ثانية للحيات من كلمات نوف لها بكل جرئة قالتها :_ قصدج علشان انسان قلبي يحبه .


نوف تنصدم :_ شنهوووووووو تحبين جاسم ؟ و من متى ؟


ريم :_ من اول مرة لقيته يا عند عمي بالمستشفى لمن سوة الحادث أسرني و حسيته أقريب مني برغم أول مرة أجوفه اي حبيته و مالي غنى عنه و الحين انا مرته و قريبة منه بس تعبت احس نفسي قاسية عليه ليش ما ادري .


نوف :_ ما اقدر اقول شي بعد ما قلتي انتي تحبينه فالحب الي بقلبج اهو وحده رح يكون دوى كل الجروح الي فيكم اثنينكم علشان هالحب حاولي تكسرين كل الحواجز و توصلين له فجاسم بحاجتج صدقيني .


ريم :_ بس ما اعرف معاملة جاسم لي بهطيب معاي عشان اهو راضي بالقدر الي انكتب علينا او اهو يبادلني بمثل احساس الحب الي اعطيه منه كل يوم اكثر عن يوم .


نوف تبتسم لعلمها بان جاسم يحب ريم :_ الله وحده العالم بقلوب الكل بس الي عليج سويه و حاولي علشان جاسم و علشان قلبج حرام تخبين مشاعره و تدفنينهم ماله ذنب .


ريم :_الله يقدرني على إلي تطلبينه .


.................................................. .................................................. .....


بهالحظات وصل جاسم للجناح و فتح الباب ودخل توجه للمطبخ إلي على يمينه و بيدينه أغراض شاريهم طلع من بعيد على نسرين قبل لا يحسسها بوجوده لقاها مشغولة تزهب كم أكلة بسيطة ابتسم و سلم عليها ...

جاسم :_ السلام عليكم .


نسرين تلتفت له و تخبلت لمن عينا وقعة عليه :_ اهلين فيك استاز جاسم .


جاسم يبتسم بلطف لها :_ وفيج .. المهم مشكورة باين انج تعبتي حالج بس هاي كم شغلة اذا تسوين منها غدى لنا .


نسرين بأستغراب :_ لنا ؟ في أحد غيرك ؟


بهسؤال من نسرين فهم جاسم بأن ريم لحينها ما طلعت من غرفتها


جاسم وهو يبتسم :_ أكيد معاي زوجتي .


تنصدم نسرين :_ مجوز ؟


جاسم :_ أي ليش أشفيج أخترعتي .


نسرين :_ لاء بس وينا ما شفتا من أجيت على هُنا لهلأ .


جاسم :_ ريم راقدة الحين أصحيها بس سوي إلي قلت لج عليه .


نسرين و اهي لحينها مب مستوعبة الأمر :_ تامر على شي تاني ؟


جاسم وهو يدير ظهره ويطلع من المطبخ :_ سلامتج .

تركها مع صدمتها هالوسيم متزوج ياعيني و انا بفكر أنو أعزب بس أخخخ على ما أشوفها لمرتوا معئول أتكون حلوي متلوو إيه شو علينا بيسطفلوا لبعضاتون ....

تحرك لصالة ليمن وصل للكنبة الطويلة و رمى بعمره و سند راسه على الكرسي و تم مسكر عينه يريح له أشوي .. ريم بهالحظات حست على تواجد جاسم فكلمت نوف لتنهي المكالمة معاها

ريم :_ زين فديتج عمري نويف اخليج باين جاسم وصل الجناح .


نوف :_ وااااااااااااااااااي انتوا بنجاح كامل لكم يا بختج يا ريوووووووم و لا تعلمني الوسة .


ريم :_ هههههههههههه والله ما يا على بالي تعرفيني مب من سوالف التفاخر و غيره دوم حامدة ربي على كل حال.


نوف :_ فديييييييييييييييتج يا مرت اخوي القنوعة .


ريم :_ لا صج عن لزقتج هذي يلا ذلفي اخليج .


نوف :_ وين وين صج لين قالوا من لقى حبابه نسى أصحابه .


ريم :_ هههههههههههههههههه يقطع عمرج يالدبة بلا هذرج و ما وصيج وصلي سلامي للأهل و بخصوص بدور و بوسي لي خلووودي .


نوف عرفة تضربها على الوتر الحساس :_ بشررررررط .


ريم :_ شنو هشرط ؟


نوف :_ أبوس لج خلودي تبوسين لي اخوي الي وحشني فديته .


ريم تشهق :_ لااااااااااااااااااااااااااااا والله .


نوف :_ أي والله .


ريم :_ تدلين باب يهنم .


نوف :_ يمكن .


ريم :_ بس عيل روحي منه لا بارج الله في عدوينج مب جنج زودتيها .


نوف :_ ههههههههههههه ليش اشفيها ريلج مب حرام .


ريم تعصب :_ نويييييييييييييف .


نوف :_ زين زين خلاص ما نبي شي سلمي عليه بس و خبريه و يلا ما اوصيكم تحملوا بحالكم .


ريم :_ من عيوني يلا في أمان الله .


نوف :_ بحفظه ورعايته .


سكرة ريم من عند نوف و قامت و أهي تحس الحيوية تعمر فيها بهالحظات تحركت و غيرت أهدومها و رفعة شعرها بكلبسة زهرية و ناعمة و ذقلتها كانت على جنب متدلية من عينها و لبسة سلسال ناااعم و كحلة عينها و اخذت من عطرها شوي و أطلعت لقت جاسم بالصالة مسترخي فتحركت بهدوء ليمن وصلت له تحسس تواجده جاسم لريحة عطرها المنبعثة بقوة بالمكان ولكنه ترك الحرية لها يبي يعرف شتسوي لمن تلقاه راقد و ترك المجال لها .. تحركت لحذاله و أقعدة بجنبه و كانت عينها تناظر تراسيم ويه جاسم كانت روعة لنعومتها و برائتها و حلاها إلي يجبر العين تدقق بتراسيم ويهه و تلف الأنتباه بطريقة جذابة .. وطت عينها و ناظرت يده الأنيقة الطويلة تقربت منها بتردد و ألمستها ليمن أحتظنتها بين يديها الصغار الدافين .. جاسم كان بحال أستغراب من الي تسويه و لكنه أستمتع و أخذ راحته وهو مرخي يده وسط يدينها و يتسحح لنعومتها تمت ماسكة يده و أقتربت أكثر منه و همست بأذنه و أهي تناظره :_ أسفة جاسم أسفة .. لو بيدي دوى لنفسي كان داويتك قبل لا أداويها سامحني المجبور ما بيده حيلة على إلي ينكتب عليه و يقدر احس ساعات أبي أنتقم من إلي سويته لي و جرحتني و دمرت حياتي و ساعات أبي حظن يلمني و لا أعرف على وين أرمي بحالي لألقى الحنان و الأمان ساعات أبي أعلمك الجرح إلي سويته مب سهل و ساعات أبي أرتاح و بلا عناد و بلا أنتقام ضعت يا جاسم ضعت و مالقيت من يدلني أبيك بس تفهمني و تسامحني ...

جاسم إلي كان منهدش من كلام ريم وهو يسمعها ولكنه حاول ما يبين أنه صاحي و تم مسكر عينه بسترخاء رفعة يده و باستها انصدم جاسم من حركتها و احس لازم يصحى تحرك اشوي يعطيها علامة انتبهت و ابتعدت اشوي و اتركت يده

فتح عينه و تمثل بالأستغراب من تواجدها أهني احذاله :_ ريم ؟؟


ريم :_ أي ريم كلها أحذالك .


تحسس نبرة الحنان و الحب منها و تعبقت عينه بعينها وهو يناظر لمعان غريب بعيونها و حلا يأسره أبتسمت له و أحرجته بعيونها وطى راسه انتبه ليدها إلي مسكها كانت أمبين عليها لون الأحمرار .. مسكها بلمح البصر و رفع عينه لها

جاسم :_ شخبار يدج الحين أحسن أو لحين تعورج ؟


ريم :_ لا تحاتيها أنا جذي لمن أنطق وايد أتأثر بس تأكد أنها أبخير الأهم أنت أكيد يوعان تبي أسوي لك شي تاكله .

جاسم للحينه مب مستوعب تصرفاتها معاه ولكنها قدرة تسرق أحساسه و الكلمات كلها من لسانه بحنانها و حيرته و ضيعته بمتاهاتها أبشنو يرد عليها

تمت تناظره :_ همممم ما قلت لي شنو تبي تاكل شنو خاطر على بالك .


جاسم يسمك يدينها و يأسرها بطريقة ما قدرة تسحب يدينها :_ ريم أنا مب يوعان بس أنا مشتاق .. أي لا تناظرني جذي مشتاق لج أنتي مشتاق أنج تحسسيني بوجودي بنسبة لج مشتاق أرتاح معاج مشتاق لج تكفين فهميني .


أبتسمت ريم بخجل من كلماته لها و جابلته عينها بعينه بجرئة أعجبتها جاسم فيها


بهالحظات كانت نسرين رح تطلع تسأل جاسم عن شغلة لمحت تواجد ريم و أنصدمت من حلاها و الي صدمها منظرهم الرُمنسي تمنت لهم بالهنى و أتركت لهم المجال و ردت المطبخ ..

ريم بحماس :_ عندي لك خبر .


جاسم :_ صج و أنا عندي لج أخبار بس أنتي أول يلا أشعندج .


ريم :_ ليش مب أنت أول .


جاسم بصوته إلي يحرجها دوم :_ ما يصير لأنة أخباري تسأل عن أخبارج .


أضحكت و تم يناظرها :_ عساها دوم هضحكة .


ريم بتمثيل :_ أنت شكوا تناظرني جذي .


جاسم :_ هاه قلبتي علي يعني توج شحليلاتج و إلي يسلم عمرج خلج ريم إلي من اشوي لا أشقق أهدومي .


ريم :_ ههههههههههههههههههههه لهدرجة .


جاسم :_ و أكثر بعدين أنتي من وين صرتي داهية تلفين السالفة و تنسيني شنو موضوعنا يلا تحجي ما رح أهدج اليوم .


ريم تناظره :_ زين توقع شرح أقول لك .


جاسم :_ أممممم مافي توقع لأنج أنتي شي عجيب غريب ما أتوقع تصرفاتج و كلامج إلي تسوينه .


ريم تضحك لهدرجة ورته الويل و تحجت :_ زين أسمع يقولون أنك صرت عم من يد ويديد .


جاسم يناظرها :_ شنو يعني هذا ما فهمت لج وضحي اكثر .


ريم :_ يلا عاد اعرفك تفهم اكثر مني يعني بدور يابت خلودي .


جاسم :_ حلفييييييييييييييييييييييييييييييييييييييييييييييي ييييييييي.


ريم :_ اشوي اشوي على حالك اي وربي اولدت من اشوي نوف مخبرتني بمسج .


جاسم :_ و ما عرفتي اخبارها .


ريم :_ امبلى دقيت على نوف و تطمنت على الأهل و على بدور تقول لك يا فرحة وليد مب واستعه الدنيا .


جاسم :_ يا بعد قلبي ودي اجوفه هالكتكوت .


ريم :_ اي والله بس الله يخليه لهله و يحفظه من الشر أن شاء الله .


جاسم :_ الله يسمع منج .


ريم :_ أوكي أخليك بقوم المطبخ أشوي .


وقف معاها جاسم انتبهت له و حطت يدها على صدره :_ لا من صجك بتيي اقعد احسن لك المطبخ شغل حريم يلا بلا دلاعتك خلك اهني .


جاسم لحينه مب مستوعب تغيرها المفاجأ معاه تركها على راحتها و تم بالصالة مشت ريم للمطبخ و أول ما دخلت لقت نسرين عاطيتها ظهرها .. نسرين كان منظرها مب منظر شغالة كان لباسها ما يبين بواقع شغلها و كانت رافعة شعرها و اهي ناعمة و تملك حلاها الخاص .. من دون وعي ثارت اعصابها ريم لمن لقت هلأنسانة أهني و أول ما فكرة فيه أكيد هذي وحدة من رفيجاته بالدراسة و عباله رح أرضى بهالوضع مستحيل أطلعت بعصبيتها لجاسم وصلت لصالة و أهي تناظره

انتبه لها جاسم و ابتسم :_ عساه خير تامرني بشي .


ريم :_ اكيد أمر بأنك تحترم حالك و مب معناتها تسامحت وياك رغم انك دمرت حياتي و جرحتني تيي تسوي هذا لا عبالك بقبل فيه .


جاسم إلي كان مب مستوعب و لا حرف من ريم و لا قادر يتدارك ثوران عصبيتها

جاسم :_ ريم ذكري الله و فهميني عن شنو تحجين .

تـــــــــــــــــــــــــــــــابــــــــــــــــ ـــــــــــــــع