(( روحــــي فــــداك )) قصة حب كويتية..من تأليفي...

[هدباء]

ملاك و أهي تقعد على فراش مروة و تتقرب حذالها:_ الحلو سرحان في شنو.

مروة بعصبية:_ شقلت لج من اشوي.

ملاك:_ ها قلتي تحبيني و خجلتيني اموااااااااااه عطيني مومو وحشتيني يالدبة.

مروة:_ ملاكوه انجلعي برة لا بشي على راسج احين.

مشعل إلي توه كان طالع من غرفته سمع الأغنية و دخل غرفة مروة و وهو يغني:_ أخ يا قلبي يلي منشغل في هواهم دامهم ما يبونا ليش حنا نبهيم ليش نمشي وراهم و نتمنى رضاهم الله ياقلبي اغنى ليش نسأل عليهم....

ملاك:_ هااااااااااي مشعلوه صباح النور.

مشعل:_ هلااااا صباح الورد و الفل و الياسمين.

ملاك:_ أقوووووووول شمنه متونس اليوم حبيبي مشعل.

مشعل:_ هههههههههه من كشتج ههههههههه قومي سوي هشعر يمه منه لا تخرعين لج ياهل من الصبح.

مروة:_ زين ما سويت فيها من الصبح مخرعتني و جاية لي بعد على فراشي و تقول وحشتها.

مشعل:_ واااااااااااو شنو فلم هندي اهني من الصبح.

ملاك:_ هيء هيء صج انك بايخ.

مشعل:_ عليج يلا صبايا سي يو.

ملاك:_ يا ثقلك.

مشعل:_ مو شغلج اقول مرواي عمري باااي.

مروة:_ بايات حبيبي.

ملاك:_ مالت على هلويوه.

طلع مشعل و تمت مروة و ملاك على مناقرتهم ليما نزلو تحت عشان يفطرون.....

.................................................. ......................................

في بيت أبو طلال وين ما كانت ريم صاحية و مسترخية على سريرها و ينتابها أحساس غريب اليوم أنها رح تواجه شي كبير في حياتها بس شنو هشي صعب تعرفه و تتحقق منه تجاهلت هشعور الي اصبح ادنى رفيق لها من اول ما صحة لهلحظة و قامت تبدل اهدومها و تنزل تحت .....

.................................................. ............................................

في بيت أبو وليد أول ما كملو الفطور ناصر إلي طلب من أخوه يفاتحه بموضوع على جنب و لكن ما رفض تواجد الكل....

أبو وليد إلي كان بصالة و حذاله وليد قاعد و بدور كانت حذال نوف و رنيم إلي كانت بحظن يدتها أم وليد و ناصر كان حذاله محمد و الكل كأنه مستعد لسماع شي...

أبو وليد براحة نفسية و مب عارف بأن الي رح يسمعه رح يحرمه من هراحة إلي قاعد يحس فيها:_ خير يا ناصر قلت تبيني بموضوع.

ناصر وهو يزفر و ياخذ نفس عميق و يبتسم بويه أخوه:_ الخير بويهك أخوي بس في شي أنتو للحين ما لحظتوه.

الكل أستغرب من كلام ناصر شنهو هشي الي محد لاحظه.

أبو وليد:_ خير ناصر وضح بكلامك يا اخوي شلي تقصده.

ناصر وهو بقوة كلامه الجدي:_ وينه جاسم.

الكل سكت و استغربو لعدم وجود جاسم.

أم وليد:_ بداره راقد مب عوايده يصحى من الفجر ليش يمه ناصر رايده بشي.

ناصر ببتسامة يوجها لمرة أخوه العود:_ لا يا ام وليد بس الي رح اخبركم فيه واقع و ابي من الكل يرضى فيه لأنه قدر الله و المكتوب.

أم وليد إلي جاسها نبض قلبها و خافت على جاسم لا أرادياً و نطقت:_ يمه ناصر جاسم ولدي فيه شي.

أبو وليد إلي ألتزم السكوت و حس بكلام ناصر ان جاسم فيه شي...

ناصر:_ لالا جاسم ابخير و الحمدالله بس.

أبو وليد:_ بس شنو يا اخوي كمل تراك حيرتنا اشفيه جاسم.

ناصر وهو يفجر القنبلة و تتردد هلجملة بأذن كل من كان حاضر بصالة:_ جاسم سافر.

الكل انصدم ما عدى نوف إلي وخة راسها و أبرقة الدمعة في عيونها و أهي تسمع بخبر افراق اخوها عنهم و بالأخص عنها و عن قلبها الي مشتاق له حيل و ما انروى بشوفته ايام و الة يلقى البعد و الفراق و الجفا بشهور و اسنين و الله العالم ليمتى ما رح توجفه...

ابو وليد إلي أنفجع قلبه و عرف سبب سفر ولده أهو رفضه القاطع لزواج من ريم بنت عمه و تم يناظر ناصر بعيون حيرة و تسأل...

أم وليد:_ شنهو شلي تقوله يمه ناصر ولي عافيك ليش يا يمه جاي تسمعنا بهلكلام يمه شصاير جاسم ليش مسافر.

ناصر:_ أستهدي بالله يا ام وليد و تعودي من بليس و سمعي للأخير.

أم وليد إلي ضمة رنيم بحضنها و تمت الدمعة حايرة بعينها و أهي تحس ببعد ولدها الغالي عنها لمرة ثانية جاسم كان غلاته بين اهله غلاة كبيرة ماحد يقدر يوصفها ويقدرها غير بالأحترام....

ناصر وهو يناظر اخوه ابو وليد:_ يا اخوي عارف بلي في بالك بس هذا الي صار جاسم بيوم عرف بالوصية ما قبلها لا من اولها و لا من تاليها و رفض النقاش و رفض الواقع الي لازم يعيشه و هاجرنا و الله العالم متى بيرد.

أبو وليد:_ من متى تعرف بسفره يا ناصر.

ناصر إلي أرتبك من نبرة ابو وليد الحادة:_ ما كنت أعرف بشي لكن نوف اتصلت فيني و قالت انها لقته امس فاتح جنطة سفره توقعت انه بيسافر فخذيت زياد معاي و رحنا المطار و كان موعد طيرانه على 2 في اليل و لكن الطيارة تجدمة في الموعد و سافر على 10 في اليل....

ابو وليد:_ وليش ما منعتوه.

ناصر وهو يوخي راسه بعجز:_ سامحني يا اخوي جاسم فرض رايه علينا حتى زياد الي يعرفه زين ما قدر عليه و لا قدر يقنعه بأنه يشيل بلي في راسه.

ابو وليد:_ بس يا ناصر اعناده مب علينا ليش ما منعته مب انت عمه مب انت الي عارف بكل شي.

بدور و نوف و أم وليد إلي تمو يسمعون لكلام ابو وليد و ناصر و محمد معاهم و من صدمين شلي يعرفه ناصر بيصير اذا سافر جاسم و أي رفض هذا....

ناصر :_ عذرني اخوي ولي عافيك.

ابو وليد:_ بس يا ناصر ماكنت الكفو بالوقف الي ابيك تكون فيه السند لي.

وليد إلي رايد يتدخل ولكن لزم الصمت و ترك المجال لعمه و ابوه بالنقاش....

ناصر إلي كان واقف بعجز جدام اخوه العود:_ سامحني يا اخوي رجيتك لا تردني غلطة وحقك علي.

نوف إلي قامت و راحت حذال ابوها و مسكت ابوها من ذراعينه:_ يبه اذكر الله ناصر مايستاهل هذا الشي منك الغلط غلطة جاسم لاتحمل غلطة جاسم على ناصر.

ناصر إلي وقف بعصبية حادة ولكن تماسكها وهو يرفع عينه بعين اخوه:_ ياخوي تركه على راحته بيسافر و بيرد.

ابو وليد يقاطع ناصر بنبرة حادة اكثر و بهيبته و شمخوه وهو يوقف جدام الكل:_ لكنك عارف يا ناصر زين شلي رح يصير من بعد سفره.

ناصر يوخي راسه و يوقف بكل عجز بكل تأنيب لضميره بكل خجل من أخوه إلي ما قدر يكون جدامه الريال الكفو في المواقف الي تطلب منه القوة....

وليد وهو يقوم و يقرب حذال ابوه:_ أذكر الله يبه.

ابو وليد:_ يبه وليد لا تتدخل.

وليد إلي وخة راسه و الكل كان مصدوم من عصبية و قسوة ابو وليد إلي ماحد عرف عنها و لا شكو بيوم ان ابو وليد الريال المتدين الي خايف ربه الكبير المتفهم يكون بهلقسوة و العصبية...

ناصر إلي حس حاله خلاص يتمنى الموت و لا يتم بهلموقف....

ابو وليد:_ ربينا رياييل لنا الفخر فيهم ما درينا رح يخيبونا بالكبر و يوطون راسنا بالقاع.

ناصر أنهزة رجوليته و ما مسك حاله و رفع راسه لا أردياً وهو بعصبية و يرفع صوته إلي ما أنتبه له جدام أخوه العود:_ أنا ريال يا اخوي و لي الفخر أقولها لا تسخر فيني أن ما في أحد يدافع عني أنا أتكلم عن نفسي و لي سويته لا هو بعار و لا هو بعيب ولدك يا اخوي أهو الي راد هذا الشي و لا تحط غلطته علي مب انا الي اتهرب من الواقع و قدر الله.

أبو وليد و الكل إلي انصدمو من عصبية ناصر...

أبو وليد بهيبته الرجولية ولكبر سنه هز قلب ناصر:_ و ترفع صوتك علي يا ناصر.

ناصر إلي تم بشموخه و ما قدر يتماسك عصبيته:_ لأني مب غلطان و لاني بريال إلي اخيب هلي و اوطي راسهم بالقاع.

ابو وليد:_ خيبت تربايتي فيك يا ناصر ما هقيت يطلع منك كل هذا.

ناصر بعصبية:_ ترجيت السموحة منك و أنت رديتني ذليل و اقول لك احين و جدام كل من موجود ما عد لي دخلة بيتك دامك ذليتني و حطيتني بالقاع في امان الله يا اخوي.

ترك ناصر البيت و طلع بعصبيته و ترك الكل بعد كلمته ساكت و مصدوم ابو وليد إلي تمت كلمة ناصر ترن بأذنه.. ترجيت السموحة منك و رديتني ذليل

ترجيت السموحة منك و رديتني ذليل... ترجيت السموحة منك و رديتني ذليل....

أبو وليد إلي من بعد طلعة أخوه وقف بشموخ و قام أتجه مكتبه دخل و سكر الباب وراه بعصبيته...

الكل تم ساكتين بس وليد إلي فهم الكل بسالفة الوصية و كل شي و أم وليد إلي انصدمة أشلون زوجها أبو وليد إلي ما خبا عنها شي يخيب عنها هلوصية الي بداخلها قرار زواج اغلى عيالها....

أما بدور زوجة وليد إلي تمت مصدومة حالها من حال نوف و محمد و مب مصدقة إلي تسمعه.. من يصدق جاسم و ريم وصية اليد و اليدة قبل وفاتهم يكونون زوجين مب بس عيال عم....

.................................................. .......................................

ناصر من صوب ثاني كان بسيارته تايه بالشوارع بوقت الظهر و الشمس بقوتها مب عارف وين يروح و لا شنهو يفكر كل إلي كان يتردد بأذنه كلمت أخوه له.. ربينا رياييل لنا الفخر فيهم ما درينا رح يخيبونا بالكبر و يوطون راسنا بالقاع....

كل ما يتذكر نبرة أخوه الحادة و كلامه معاه و عجزه عن الرد أعيونه تزيد بذرف الدموع إلي صارة مثل السيلان على خد ناصر وهو مب حاس على حاله كان يشهق من كثر البجي و لوم نفسه على كل لحظة عاشها بهدنيا و يقنع نفسه انه عالة على اخوانه مالهم حق يتكفلون بيهم انا عالة امي و ابوي اتركوني وراحو عند امر ربهم ليش ما اخذوني معاهم ليش...أنهار ناصر بالبجي و تم تايه بين الشوارع و يردد على حاله انت عالة يا ناصر عالة و مالك ارض تعيش بيها و لا ناس يحبونك مالك أحد يا ناصر مالك احد...

.................................................. ..........................................

الأجواء تمت هادئة في بيت أبو وليد لساعة 10 الصبح بهذا الوقت نوف نزلة من غرفتها و أهي متجهة الة مكتب ابوها...

طقة الباب نوف و ادخلة لقة ابوها قاعد على كرسي مكتبه و يقرى بجريدة انصدمة من موقف ابوها و لا كأنه هامنه بشي جاسم مسافر و ناصر طلع بزعله من البيت و حرم دخلته البيت مرة ثانية و هذا تصرف ابوها شهلقسوة يا ابوي الي ما شفتها بعمري عليك...

نوف بصوتها تقطعة اندماج أبو وليد بقرأة الخبر الي بالجريدة:_ هلا يبه.

[النرجس77]

مشكورة حبيتي استناااك

[هدباء]

أبو وليد إلي بوجهه العابس نزل الجريدة و ناظر بنته:_ هلا بيج يبه.

نوف بيوم لقة عبوس ويه ابوها عرفت للحين العصبية تثور فيه ولكنه هدأ جزئياً:_ الخير بويهك يبه.

أبو وليد إلي حس على جيت بنته و عرف شرايدة:_ عارف يبه ما هقيتي مني يطلع كل هذا.

نوف إلي وخة راسها :_ يبه ما جيتك عشان جذي بس ليش تركت ناصر يطلع بزعله و أنت عارف وساويسه اذا عصب و افكاره الجنونية و الغير عقلانية الى وين توصله.

ابو وليد:_ بس يبه نوف ناصر غلط ولازم يتحمل غلطته كان عرف حق المعرفة شنو رح يصير لو ترك جاسم يتهور في تصرفاته مهما كان انا موصيه انه يتحمل تصرفات جاسم و لا يتركه يفلت من يدنا و يحطنا جدام الأمر الواقع ليش ما طاعني و ان اخوه العود الي اعرف بمصلحته و مصلحة جاسم.

نوف إلي حسة بصدق كلام ابوها:_ بس مهما كان كلامك صح لكن ليش عصبة عليه جذي.

ابو وليد:_ الشي الي سمعته ثار عصبيتي يبه.

نوف و اهي تقوم عن ابوها:_ عند اذنك.

ابو وليد:_ اذنج معاج يبه.

أطلعت نوف و أهي خايبة أمل كانت ودها يراضيها ابوها و يتصل في ناصر و يراضيه و لا تبدي رحلة القطاعة بينهم كل لي رددته في قلبها و بهمس على لسانها الله العالم شرح يصير بطريج الله يستر ....

.................................................. ..................................

في بيت أبو طلال ريم إلي تونسة بزيارة هناء لها على الساعة 9:00 الصبح و كان خاطرها تشوف هناء و تقعد تسولف معاها...

ريم و أيه كانت على سريرها و قاعدة على الابتب تبعها:_ اقول هنوي.

هناء:_ قبل لا تقولين ابي اسمع منج شي.

ريم:_ شنهو.

هناء:_ شخبار سالفة زواجج من جاسم.

ريم و أهي تزفر:_و هذا الشي الي بقوله حاسة في شي صاير و انا مب عارفته في احساس اليوم منتابني من صحيت ان في شي رح اجواهه اليوم بش شنهو مب عارفة اما سالفة زواجي من جاسم شكلها بتطول و مثل ما قلت لج جاسم رفض.

هناء:_ و الله ودي اشوف هلجاسم.

ريم ببتسامة:_ شلج فيه.

هناء:_ هو اشوووووووووووف من احين تغارين ما تبين احد يشوفه علي هذا الكلام يا ريمان.

ريم إلي أنحرجة و حمرة:_ هنوووووووووي بسج كلام و شغار ليش اغار من يكون اهو.

هناء:_ علينا يقولون زوجج المستقبلي.

ريم:_ هنوي سكري السالفة.

هناء:_ لالالا شسكرها خاطري اشوفج تستحين.

ريم:_ دامج ما بتسكرين السالفة انا بفتح سالفة ناصر.

هناء و اهي متخبلة:_ أواااااااااااااااااااه اموووووووت اذا تكلمو عنه قولي لي عنه اشياء و الله احبه.

ريم:_ طاع هذي الي بتفضحنا قلنا بنحرجها طلعت ما عندها حيا.

هناء:_ هههههههههههه شسوي محد غيره مخبلني و لاف عقلي اواااااااه منه خطيييييييير.

ريم:_ الله يعينج.

هناء:_ زين سولفي لي عنه.

ريم بنحاسة لهناء:_ شقول.

هناء:_ لا تقعدين تتفلسفين لي اظنج تعرفين زين شنو تقولين.

ريم:_ اممممممم ما عرف عنه شي اهو طالع اذا رد بخليج تسولفين معاه اشرايج.

هناء ترمي مخدة على سرير ريم على ويها:_ يالخايسة ما عندج سنع شنو اقعد مع ريال غريب و اسولف وياه.

ريم:_ هههههههههههههه شسوي لج زين انتي ما ودج تكونين قربه.

هناء إلي حمرة:_ ودي أكون وياه العمر كله.

ريم:_ هههههههههههههههه سكتي لا تفضحينا بلاج انتي اليوم خبالج مشتغل عندج من الصبح.

هناء:_ طالع هذي جاية عندها و كل اشوي تزفني اقول احترمي لا احين اوريج شغل الله صدق لين قالو قليلة ادب.

ريم و اهي تفج عينها:_ شنهو شنهو شقلتي.

هناء:_ هاها لالا قلت قلت اييه قلت انج مربية و بنت اصل و فصل.

ريم:_ عبالج ما سمعت لكن هيني اوريج تغلطين على ريمان حبيبت عمها بفتن عند عمي.

هناء:_ ههههههههههههههههه ياربي بتقولين له عني ويييييييه احبج ريمان بس لا تخبلينه اخاف على قلبه فديته.

ريم:_ شوفي عاد مصختيها اشوف كل اشوي و قالت حبيبي و فديته ما تستحين انتي.

هناء:_ نوووووووووووووووو.

ريم:_ الحمدالله و الشكر.

.................................................. ............................................

في بيت أبو مشعل على الساعة 10:00 كانت مروة زاهبة و ينتظرها مشعل بياخذها السوق....

مروة طلعت من البيت بسرعة على صوت الهرن الي عفس فيه الدينا مشعل عليها....

مروة و اهي تركب السيارة و تتحرطم:_ يامال اليهد أن شاء الله بلاك عافسنا جذي.

مشعل:_ قولي بلاج انتي ساعة و انتي تلبسين.

مروة:_ زين مش لا تعطلنا احين ترى هذرتك هذي الي تعلطنا.

مشعل وهو يلبس النظارة و يعدل الكاب:_ ما بتجي ملاكوه.

مروة:_ ليش اهي خبرتك.

مشعل:_ قالت انتظروني.

مروة:_ ما قالت لي بتجي.

مشعل:_ شعرفني عنها على العموم كاهي وصلت.

ملاك و أهي تدخل:_ شتعقرون فيه.

مروة:_ فيج يا نظر عيني.

ملاك:_ زين انج اعترفتي.

مشعل:_ شنهو يعني بتبدونها نجرة ترى اردكم البيت.

ملاك:_ ويه تكلم الشيخ اقول مش لا تهذر علينا.

مشعل:_ صج مالي حشيمة بينكم.

مروة:_ ملاكوه مو ناقصينج.

ملاك:_ خير يا اخواني مو كأن الجو مولع.

مشعل:_ يعلن حريقة في ويهج هههههههههاي.

ملاك:_ يا ثقلك...

.................................................. ............................................

في جو باريس الحلووووو وين ما كانو راشد و جاسم بكافيه خبال بتصميمه الروعة و إلي يحمل الرونق الفرنسي بالتصميم...

راشد و جاسم كانو قاعدين على أحدى الطاولات المفتوحين بالمطعم و الفطور كان شكله مشهي بس جاسم مب من طبعه ياكل وااايد.

راشد وهو يناظر جاسم و يتأمل بعيونه ويحسه في باله أشياء الله العالم فيها...

راشد:_ أقول جاسم وين شرد بالك.

جاسم ببتسامة يلتفت إلى راشد:_ ماكو شي بس الدنيا و أنت أعرف بها.

راشد:_ إلة ما قلت لي شسالفة ردتك لباريس مرة ثانية.

جاسم بتنهيدة قوية وضحت شي كان يدور في بال راشد و نطق راشد قبل جاسم:_ لا تقول مصيبة.

جاسم ببتسامة وهو يمرر يده إلي تتخلل خصلات شعره الطويل الناعم و تعانقها من جذورها:_ بسألك أنت من وين لك بهلعقل مداك عرفت شلي بقوله.

راشد:_ ههههه خبرة الزمن و أنت أدرى بها بس من تنهيدتك القوية بينت لي شي كان يدور في بالي و أحين وضح.

جاسم يقدم ويهه و يتكأ بيدينه ويناظر راشد:_ و شنهو هشي الي في بالك.

راشد:_ أنت أدرى به.

جاسم:_ أممم شقول لك يعني رديت البلاد بعد وحشتي له و لهلها و الغوالي الي فيها منهم الي كبر و منهم الى صار ريال و منهم الي تفتحو على الدنيا اكثر.

راشد كان يستمع الى جاسم بانشداد الى كلامه و بدى راشد نفسه يتذكر بلاده الكويت و يشم روايح أزقتها و البيوت إلي ماليتها و ترابها إلي ربو عليه الغوالي...

جاسم وهو يكمل:_ و عانقت محبتهم لي و عشت بين اظلال حبهم و عطفهم صرت ارقد مع انفاسهم و اصحى على اصواتهم و عيونهم الي تناشدني بالمحبة و المعزة الكبيرة إلي يدفنونها لي لكن الزمن يا راشد ما يريد الفرح للواحد و تقدر تقول لعبة الزمن بدت علي و أنجبرت بالزواج من بنت عمي الي كان زواجي بها وصية من يدي و يدتي الله يرحمهم انا رفضت و ما رضيت بالقدر يفرض علي حكمه و ما كان لي الة حل واحد الهجرة و الابتعاد عن حكم القدر علي تركت الكل بليل ظلمة ولحد يعرف بروحتي عنهم بس تصدق يا راشد كثر غلاتي عندهم بيوم وصلت باريس و وصلت الشقة نوف اختي.. و تنهد وهو يذكر ويها المشرق ببتسامتها الحلوة الي كل صبح يجابلها ويجابل لقفتها في محمد و تددلها له و تحرطمها بالبيت دوووم على عمها ناصر اذا نرفزها بأسلوبه الغشمرجي و أبتسم و أبرقة الدمعة في عينه....

راشد ببتسامة:_ حلو تذكر أعز الناس على قلبك و أنت بعيد عنهم بس صعب تعيش بعدهم بقلبك و أحاسيسك.

جاسم وهو يتجاهل دموعه و يبني ملامح الأبتسامة على ويهه الروعة بملامحه:_ صدقت و الله و هذي كل سالفتي ولاني داري متى برد البلاد و برد لهلي و حشاشت يوفي.

راشد يربت على جتف جاسم و يبتسم له:_ الدنيا للحين بخير جاسم و دام رب العالمين بطريجك ما رح يخيب ظنك في رجاك منه.

جاسم ببتسامة:_ و النعم بالله.

.................................................. ......................................

شنو تتوقعون رح يصير بين ناصر و أبو وليد؟

و هل الأحساس إلي كان ينتاب ريم أهو أن قلبها عارف بأنها رح تسمع بخبر سفر جاسم؟

و شنو ردة فعلها بيوم تعرف؟

و مروة شسالفتها مع ولد خالتها فواز؟

و شنو سبب البرود إلي بدى ينسي أم مشعل سالفة مروة و الله أهم ذاكرين ولكن ياخذون الأمور على نار هادية؟

و جاسم شنو رح يصير بحياته بعد هذي السفرة؟

كل هذا رح تقدرون تعرفونه بالأجزاء القادمة...

.................................................. ................

يلا عاد الله الله بالردود أبي ردود سنعين

و يلا أن شاء الله قرائة ممتعة و وقت حلوووووو مع الجزء

و في أنتظار تفاعلكم وياييي على أحر من الجمرررررررر

تحياتي

.. ريماني الفوارس ..

[L!ttLe pr!ncess]

كوووووووووووووووووووووووووووووول والله في قمه الرووووووعه
نقل موفق
دمتي لنا اختي
لتل برنسس

[هدباء]

هلا و الله

يسلمو على التفاعل السريع بس حبيت أوضح إلى العضوة

L!ttLe pr!ncess بأنة القصة مب منقولة القصة من تأليفي الشخصي

يعني أنا الكاتبة ريماني الفوارس صاحبة هذي القصة

و يسلموووووووووو على تواجدج الحلووووووو

بين صفحات قصتي و نورتي و الله

و في أنتظار تفاعلكم

على أحر من الجمر

تحياتي
.. ريماني الفوارس ..

[حبر الليل]

مشكوووووووورة ياعســــــــــــــــــــــــــــــــل على القصة

وفي انتظار الباقي

وماشاء الله.......تراكِ ابدعتي

والله يزيدك

وانتظر على احر من الجمرررررررررررررررررررررررر

[..ساحرة القمر..]

روووووووووووووووووعة التكملة مرررة بس بيليييز

لاتطولي ..

[هدباء]

هلااااااااااااا يسلمو حبر الليل على تواجدج الحلوووووووو

نورتي صفحاتي و الله و لا تحرمينا من تواجدج الروووووووووعة

.. ساحرة القمر .. من عيونييييييييي أنزل لكم الجزء الثامن بس شنو قلنا

أبي صبركم علي و طولت بالكم و يسلمو على تفاعلج معاي

و انتي الاروع يا حلوووووو

يلا أتريا تفاعلكم الحلووووووو دوووووووووم

بس لا تقولون عني طمااااااعة في الردود خخخخخخخخخ

في أنتظاركم دوم

تحياتي
.. ريموووووووووه الفوارس ..

[حبر وردي]

مشكوووووووووووره هدبااء
على البارت الحللللللللللو مره
في انتظارك هدوب
سلام

[هدباء]

يسلمووووووووو حبر وردي

و أنتي الأحلى و الله يخليك و لا تحرمينا من تواصلج الحلو

بس تريوني بالجزء الثامن بس أكمله أنزله أول بول

تحياتي
.. ريموووووووه الفوارس ..