ليتني بنت عمك بالزواج أغصبونا ..؟؟

**lifes dream** · #1 14-04-2010, 11:15 AM

ليتني بنت عمك وبالزواج اغصبونا
ويحددون الملكة وبعدها يكلمونا ..

لاجبرتنا ظروف
ولا مدري اشوف ’

كل شي مخطط ومرسوم ,
وامي حولي تحوم ..

يابنيتي هذا فستانك جربيه !
والزواج هذا الخميس ولاتناقشين فيه

والله مادروا اني من الفرحه بطير
واني احلم به قبل مايصير

واني ببقى معه طول الحياه ’,
وبعطيه عيوني لجل رضاه

والله لأعيشه ملك وسلطان
وارفع راسه بكل مكان ..

وبحاول قد ما اقدر اسعده
وابعد عن الشي اللي ينكده ..

وان ما اكل زين اغصبه
وان مانام العب بشعره هالحركه تنومه ~

وهو يدري اني من نظره افهمه
وقبل يتكلم اكمل كلمته ’,

ويبتدي يوم الخميس وتبتدي معه الحكايه
واغراضي جاهزه من الفستان للعبايه

ومستعده لرحلتي وفيني فرحه وخوف !
ياترى مشتاق لشوفتي وفيني شغوف ؟

واسمع صوت امه ادخل يايمه العروس داخل
زادت ربكتي ودمعي من الشوق سايل

وتحتضن يديني يدينه ’,
والحيا بيني وبينه
ماقدرت اطالع عيونه ..
فديته وفديت حتى جفونه..

ابتسم وقال وش بك؟ قلت مدري
قال الحيا مطول .؟ قلت توه بدري !
قال احبك قلت مدري

قال كن الحيا طول .؟
قلت زاد اكثر من اول ~

قلت ممكن تقرب شوي قال قربت
قلت كمان شوي قال هذاني قريب

قلت ابي تنسيني دنيتي منك
قال ابشري باللي ينسيك حليب امك !!

قلت تسمح ارتمي بحضنك !!
واذووب بين كلك وكلك ..؟

قال تدرين .؟ اول مافكرت فيه ضمك ..

آآآهـ عساني ما انحرم منك

وباسني وضمني وليته ماضمني ’,
نسيت كل العالم وراي ولاشي همني

وفجأه يدق الباب يلا ترى زفتكم يعلنون
وتدخل اخته تقول امسك ايديها وبشويش تمشون

قلت يوووووووووه قلبي زاد نبضه !
مسك ايديني وقال فديته وفديت حبـه
وبدت مراسم الزفه
والشرعه حولي ملتفه

وطلعنا على اغنية عسى ربي يخليك لعيوني ~
اهداها لي مره وقال اسمعيها يانور عيوني ~~

وفي الزفه صرنا نغنيها سوا
وهـ بس يازين دروب الهوى

قالت ندى شوفي شكله ميت عليها ..
قالت هدى وهي باين تموت عليه شوفيها

وقتها غارت سهى !
لانها كانت تبيه لها

واحنا نمشي في الممر
قال ممكن طلب قلت تامر أمر

ابي تعطيني قدام هالعيون !
واقهر فيها العواذل وكل مجنون
قلت اركد حبيبي وش هالجنون
قال حاضر ياغلا هالعيون ..

وهمس لي وقال احبك قلت ادري
قال والله الحيا راح قلت اوووه من بدري !

وفجأه صحيت من النوم
لقيته حلم وردي جاني في يوم ..

والحقيقه لاني بنت عمه
ولا حتى اقرب لجده !

وهذا حلمي الاخيــر
صدمني بواقع مرير ’,

</I></I>

المصدر: منتديات بنات دوت كوم

gdjkd fkj ul; fhg.,h[ Hywf,kh >>??

الموضوع الأصلي : ليتني بنت عمك بالزواج أغصبونا ..؟؟ || القسم : مواضيع منقوله || المصدر : منتديات بنات دوت كوم || كاتبة الموضوع : lifes dream

**F A B U L O U S** · منذ /14-04-2010, 11:31 AM

يااااااااااااااه

والله عيشتيني معاك بهالحلم

ماشاء الله ماشاءالله

والله وصف جميل

وكتابة اكثر من رائعة

وصف حقا خيالي

وتعبير بليغ عن اللهفة والشوق

دمتي الى الامام غاليتي

لكي مني تقييم موده..

**ĸȯĸά ●•∫** · منذ /14-04-2010, 02:39 PM

ماشاء الله ابدعتي

اعجبتني ڪَلمآتڪَ مرررررره

عشت معڪَ هذه اللحظات

ربي يحقق لڪَ اللي ببالڪَ

**مناير القمر** · منذ /15-04-2010, 04:01 PM

مااشاااء الله ابداااع الصراااحهـ

والكلمات رووعهـ والخيـــــال اروعـ

تسلم هالصواابعـ،

مشكوورهـ علي الموضوع ولكيـ تقيميـ

من
مناير القمر

**سويره** · منذ /15-04-2010, 04:39 PM

وااااااو وااااااو

روعـــه شوي بحقــهــآآ

وربي شدتني القصيده حييل

تسمحين لي احتفظ فيـهآآآ ؟؟

روعه وتستاهلين التقييم
وستمري وحنا معاااج ..

**قطوفهـا دانيـۃ** · منذ /16-04-2010, 08:52 AM

موضــوعْ مَنقــولْ ..!

الذين يشاهدون محتوى الموضوع الآن : 1 ( الأعضاء 0 والزوار 1)