اللهجة الكويتية .. نطقها و كلماتها =)

**حروف** · #1 14-07-2008, 06:38 PM

السلام عليكم و رحمة الله و بركاته

أنا لدي العديد من الصديقات السعوديات
و كثيراً منهن من يسألنني عن الكثير من الكلمات في اللهجة الكويتية
فأردتُ للفائدة تعليم اللهجة الكويتية .. كلماتها و كيفية نطقها .. و كيفية التحدث بها

اللهجة الكويتية لهجة سهلة
قد تبدو صعبة قليلا
لأن بعض الكلمات تتغير و بعضها لا تتغير

في اللهجة الكويتية يتم نطق الياء في بعض الكلمات
أي نقول

يينا = جينا
يريور = جرجور
جار = يار

ليست جميع الكلمات يتم نطقها بالياء
و لكن أغلبها .. و أيضاً

أنتيْ
سويتيْ
رحتيْ
كليتيْ
لعبتيْ

أين أن تلك الكلمات الي تنتهي بالياء لدينا
يتم نطق الياء فيها
الياء لا تكون ممدودة
انما تكون ساكنه كي يتم نطقها و ليس مدها

يتم تحويل بعض الكلمات إلى حرف الجيم
مثل :

شلونج = شلونك
شخبارج = شخبارك
شعلومج = شعلومك
شنو فيج = شفيك

بعضها يتم تحويلها الى حرف الجيم بدل الكاف

******************

هُنا سنضع بعض الكلمات في اللهجة الكويتية
و تفسيرها :

مليقة : على وزن سخيفة و بايخة تقريبا .. يعني ممكن تقولين يالمليقة ليش ما تسوين جذي .. يالمليقة بس عاد .. جذي يعني

جذي : كذا

مبلتعه : نفس يعني لسانها طويل

حده : هي كلمة تنقال مع الكلام مثلا وحدة تقولج الماي بارد تقولين حده .. تقولج هذي مليقة تقوليلها حدها .. يعني نفس عالاخر

شكو : نفس يعني لمن وحدة تتهمج بشي .. مثلا تقولج انتي سويتي حق فلانة جذي تقوليلها لا شكو و حق اشياء ثانية بعد تستخدم

جوتي : يعني تكرمون الحذاء

دلاغ : يعني الجوراب

كاني : يعني انا هني مثلا احد يناديج : فلانة .. فلانة وينج تقوليله كاني يعني انا هني
( هذي الكلمة ما كنت ادري ان محد يعرفها عبالي الكل يقولها بس وحدة قالتلي مو كويتية يعني شنو كاني و يومها عرفت )

أطقك : أضربك

ماي : هو يعني ماء بس احنا نقولها ماي

امبيه : نفس لمن منصدمة من شي تقولين : أمبييييييه شنو هذا ليش جذي

مابي : يعني ما أبغى .. أو لا أريد

هدّيني : اتركيني ( و تكون مع شد الراء )

واي : يعني هذي تستمعل حق وايد اشياء .. نفس مثلا وااي طاعوا يهبل .. او مثلا وحدة معصبة واي ليش انتي جذي
( طاعوا يعني طالعوا .. بس احنا مرات مع الكلام نحذف حرف اللام )

اللهجة الكويتية يعني يتم التحدث بدلع أغلب المرات
يعني أكثر شي حق الدلوعات
لأنها لهجة خفيفة و شوي دلوعية
فوايد بنات يدلعون لمن يتكلمون باللهجة الكويتية
بس ترى هي مو لهجة دلوعية

و حبيت بعد أنبه
أن مو كلنا نتكلم جذي
يعني عندنا البدو و الحضر
هذي لهجة الحضر
اما البدو فيتكلمون لهجة عادية يعني تقريبا نفس السعودية

و سلامتكم هذي هي اللهجة الكويتية
و اذا عندكم اي اضافت عليها حياكم
او اذا عندكم اي أسألة حياكم
و انا بجاوب عليكم ان شاء الله

حروف / دمووعة

المصدر: منتديات بنات دوت كوم

hggi[m hg;,djdm >> k'rih , ;glhjih =)

الموضوع الأصلي : اللهجة الكويتية .. نطقها و كلماتها =) || القسم : "الأرشيف" مغلق || المصدر : منتديات بنات دوت كوم || كاتبة الموضوع : حروف

**ملاك الكويت** · منذ /14-07-2008, 11:52 PM

مشكوره حروف ع الكلمات ديرتنا

عندي اضافه بعد اذنج

على بالي = كنت اظن

عوبه و ملسونه = لسانها طويل(معنىواحد)

هني= هنا

و اذا تذكرت راح اضيف هني

**قلم كويتية منطلق** · منذ /15-07-2008, 04:38 AM

سلام عليكم ممكن اتعرف

اضحك معاج كااااااااااااااااااااك بس فاصله

انزين حياتي ؟ اهوا مو كل الكويتين يقولون جذي

يعني اللهجة البدويه اهيا اللهجة الاساسه حتى شيوخنا يتحجون
بدوي

يعني اضرب لج مثال بدال يو = جو
بدال يينا = جينا
بدال انتااي = انتي

وغيره شكثر لي راس
وبدال طاعو = طالعوا

يعني اسمحيلي بس بسألج انتي جم عمرج!
لان يبيلج دروس عريقه للهجتنا فديييييييتج صراحه حبيتج

ومشكوره

لأنها لهجة خفيفة و شوي دلوعية

لا لا ياحلوه اهيا مو لهجة دلوعية
اهيا لهجة عريقه وتهببببببببببببل

و غير هذا يعني كل دول مجلس التعاون لهجاتهم دلوعية
يا ماما اللهجة مو تدلع وتزقرت اللهجة سلاح ورمز فاذخ

يعتلي منصة الكويت و غير جذي لهجتنا فخر لنا

مشكوره سوري طولت معاج بس ماني ناويه
اطلع من موضوعج لووووووووووووووووووووووووووووووووووووووووووووووووو ل

**TheQueen** · منذ /15-07-2008, 08:27 AM

مشكوره حبيبتي حروف ع الموضوع

لهجتنا حلـوـوـوـوه و تينن

صج ان فيه بنات يدلعون فيخلونها دلوعيه بس مو معناه ان تصير لهجتنا دلوعيه

صح كلامج قلومه مو كلهم يتكلمون جذي

ملاحظه : اذا كانت ك في اخر الكلام نقلبها ج

مثل : اشلونج / شخبارج

**حروف** · منذ /15-07-2008, 11:11 AM

أهلين
ماشاء اللع كل كويتيات المنتدى يايين

المهم عدلت الموضوع
و قتلهم عن لهجة البدو الي تختلف عن لهجة الحضر

قلم كويتية منطلق .. حبتج العافية فديتج

ملاك الكويت شكراً عالمرور و اضافة الكلمات
و لو عندكم كلمات زيادة حياكم ضيفوها بعد

ذا كوين
اي حطيت شلونج شخبارج
نحول الجيم
الظاهر مو قارية الموضوع عدل انتي

حياكم نورتوا

**الفراشة الحنونة** · منذ /23-07-2008, 01:55 PM

مشكووورهــــــ غاليتي على طرحكِ هذا الموضوع

**حروف** · منذ /26-07-2008, 12:49 PM

الفراشة الحنون

حياج
نورتي

**pro0omise** · منذ /27-07-2008, 05:26 AM

يسلموووووووووووووووووووووووووووووو خيتووووووووووووووووووووووووووو
عالمضوع الرائع

**M a H o O o Y a** · منذ /27-07-2008, 07:07 AM

شدلعويته !!
لا دلوعيه ولا هم يحزنون ..
الكويتين في منهم من يقول الـيــ ( مثلي ) ..
وفي منهم يقولون جــ ..
وفي بنات هالجيل ( انا ) مألفين لهم لغة بروحهم .. مو وايد اللي يفهمونها :p ..
ويسلمووووووووووووووو ( حروف ) عالموضوع ..
شووووووكرااااااااان يا عسل ..

**نـآنأإ..~** · منذ /27-07-2008, 07:25 AM

مشكووووووووووووووووورة

الذين يشاهدون محتوى الموضوع الآن : 1 ( الأعضاء 0 والزوار 1)