حبًُـًڪًِ بقِلًبـِيً شًِـِآِمِخًٍ مِآِبعِډً مِآِتًِ

**!..الـ ج ـود..!** · منذ /17-09-2009, 09:53 AM

ههههههههههههههه

لا حلفت مايكمل قصتي الا انتي

..

نوورتي

برب اكمل..

**!..الـ ج ـود..!** · منذ /17-09-2009, 10:22 AM

دلع تفآجئت وانصدمت..وتكلم نفسها..

هذا ايمن الي كنا انا وهو اخوان هذا ايمن الي لابكيت بكى معي ولا ضحكت ضحك معي
هذا ايمن الي لاضاقت بي الدنيا يشيل همومي مااصدق هذا ايمن؟؟

وهي تكلم نفسها

--

ايمن:دلع عندي لك خيارين ياتتزوجيني ياافضحك عند اهلك ابوك يمكن تجيه جلطه لاسمح الله وامك يمكن تجيها سكته قلبيه لاسمح الله

اختاري وحده من الثنتين ولك مهله لتفكير

دلع..تبكي:ايمن ليه تسوي فيني كذا انا وش ضريتك فيه؟؟

ايمن:انتي هدمتي حلمي الي كنت احلمه من زماان انا كنت احبك بس رفضك لي واختيارك لواحد غريب هزني كثير

دلع:حط نفسك مكاني ايمن انت تحب وحده من قلب وانا افرق بينكم ماراح ترضى اكيد

ايمن:ان حبيت هالوحده راح تكونين انتي

دلع:ايمن الله يخليك حس فيني انا ماابي الا محمد

ايمن:وعاادي تنفضحين قدام اهلك..؟؟

دلع:مااتوقع ان الي سويته غلط

ايمن:آوكي دلع فكري براحتك يالفضيحه يالستر

دلع:الله يساامحك..~

--

وتقووم وهي تبكي تروح للبيت

تدخل البيت

--

ام دلع:دلع وش فيك؟

--

ماترد عليها وتروح غرفتها

تلحقها امها وتدق الباب

--

ام دلع:دلع حبيبتي افتحي الباب افتحي

دلع:ماما ابي اناااااام بكره اذا صحيت فتحت

ام دلع:وش فيك تبكين؟؟

دلع:ماابكي بس افصخ العدسات..~

ام دلع:على راحتك تصبحين على خير

--

دلع تمسك الجوال .. اتصل على محمد ولالا؟ اقول له ينسى الي بيننا ولالا

بس انا احبه اتصلت عليه..

وهي خايفه

اول ماتصلت محمد يرد

--

محمد:دلللللللللع ويييييينك اشتقت لك حرام عليك طلعت من المستشفى ولا تسألين عني ثلاث ايام مااشوفك

دلع:هلا

محمد:دلع انا احبك دلع

--
تبكي دلع

--

دلع:متى اقدر اشوفك ؟؟

محمد:دلوع حبيبتي وش فييييك تبكيييين؟؟

دلع:متى اشوفك؟

محمد:تبين الحين؟؟

دلع:لآ

محمد:على راحتك متى تبين؟؟

دلع:بكره

محمد:العصر ولا الليل؟؟

دلع:الليل

محمد:الله يصبرني والله احبك واموت فيك وانتي تركتيني

دلع:الساعه 8 الليل نلتقي>>وتسكر الخط

--

محمد..

وش فيها هذي صوتها متغير واسلوبها متغير لايكون مو دلع واتوهق؟

اوف نسيت وين نلتقي..برسل لها رساله..

الرساله:

دلع حبي نسيت وين نلتقي .. والله لايسامح من كدر خاطرك وزعلك

دلع ترد عليه

الرد:

في المطعم.....كالعاده..

رد محمد:

اوكي..

--

ويجي بكره ويلتقون دلع ومحمد..

--

دلع..:هلا

محمد:هلا فيك اخبارك؟

دلع:الحمد لله

محمد:دلع والله العظيم احس اني بموت اشوفك متضايقه ولا اقدر اسوي لك شي

دلع:بسم الله عليك

محمد:هالحين تخافين علي وانا لي اربع ايام عيوني ماجاها النوم اتصل ماتردين انتظر عالاقل رساله ولا جا شي ليه تسوين فيني كذا؟؟

دلع:ظروف

محمد:معقوله هالظروف الي مرت ماقدرتي عالاقل رساله تطمنيني فيها عنك؟

دلع:خلآص شوفنني قدامك وتطمنت علي

محمد:ايه حتى الحمد لله عالسلامه ماقلتيها لي ومن متى انتظر هاليوم الي اطلع منه من المستشفى عشان تطلعيني
بس طلعت بروحي

دلع:خلآص محمد مو وقته الحين

محمد:دلع صاير لك شي ..

دلع:اسمعني محمد

محمد:آمريني

دلع:لآزم نفترق وكل واحد يشوف طريقه

محمد..انصدم:ماراح اخليك..

دلع:مو على كيفك راح تتركني يعني تتركني

محمد:ليه يوم تعلقت فيك تجين تقولين لي هالكلام ترا لعلمك قلبي مو لعبة بآدينك انتي ماخذتني تسليه؟

دلع:محمد انت مو فاهم اي شي..

محمد:طيب احكي لي يمكن اقدر اساعدك ويمكن اقدر ظروفك واتركك

دلع:....>>تحكي له سالفة ايمن كلهاا

محمد..متضايق:حسبي الله ونعم الوكيل

دلع..تبكي:والله ماستاهل كل هذا

محمد:دلع يانا ياايمن وانا احبك وماراح اتركك لو اموت

دلع:وانا بعد احبك وابيك انت

محمد:الله يوفقك دلع انا مابي لك الا كل خير..

دلع:يعني خلآص رااح نفترق؟؟

محمد:ماودي بالفراق ولا ودي لك بالمشاكل والله والله راح اظل احبك لين اموت ولاتنسين

دلع:وانا بعد احبك ..

محمد..يمسح دمعة دلع:الله يوفقك

--

ويروح محمد

--

دلع تجلس بروحها وتبكي..وتروح بيتها..~

--

بعد مرور اسبوع

يتصل ايمن على جوال دلع..~

دلع:نعم؟

ايمن:هلآ والله

دلع:وش تبي ايمن؟؟

ايمن:اشوفك في المطعم نفسه الي التقينا فيه الاسبوع الي فات..

دلع:متى ؟؟

ايمن:العصر الساعه 4 وان ماجيتي صدقيني شريط التسجيل راح يوصل ايد الوالد

دلع:اوكي

ايمن:باي

--

تسكر الخط بوجهه

**!..الـ ج ـود..!** · منذ /18-09-2009, 01:03 AM

ويتقآبلون ايمن ودلع..

ايمن:حلو ناس ماتجي الا بالعين الحمرا

دلع:ايمن وش تبي؟؟

ايمن:وش قلتي الفضيحه ولا الستر؟؟

دلع:استح على وجهك وحسن الفاظك وش الفضيحه

ايمن:اجل وش تسمينها؟؟

دلع:الحمد لله انا انسانه مستوره ومااحتااج احد يسترني

ايمن:قد الكلام الي تقولينه؟؟

دلع:قدها وقدود>>تقولها بدلع

ايمن:اووكي اعطي ابوك الشريط؟

دلع:في امك خير اعطه

ايمن:متآكده..؟

دلع:ايه متآكده

ايمن:تبعين اهلك عشان واحد

دلع:انا ماببيع احد بس هم اذا بغو فرقاي عشان حبيبي ...

ايمن..يقاطعها..ويستهزئ:حبيبي..؟ اقول دلع اعقلي والله اني اعرف الشباب لو صار مع محمد هالموقف راح يختار اهله تدرين ليه؟؟؟

دلع..ماردت عليه عطته نظره ووخرت عينها..؟

ايمن..:لان عقله براسه ويعرف مصلحته

دلع:وش تقصد؟

ايمن:انا مابي اقنعك على زواجي ولا ابيه بالغصب بس ابيك تفهمين انك تضحين عشان واحد مايستااهل

دلع:وش تقصد بمايستاهل لو مايستاهل ماكان حبيته ولا كان فضلته عليك

ايمن:والله يادلع اني بغيت مصلحتك

دلع:انا ادرى بمصلحتي وياليت يايمن تبتعد عني خلآص محمد وانا احبه..~

ايمن:يعني متآكده اعطي ابوك الشريط افرضي من جد انجلط من الصدمه ان بنته تقابل عيال..؟؟

دلع..تحس انها اقتنعت:لاتقول كذا ايمن لاسمح الله

ايمن:لاسمح الله بس هالشي بيصير

دلع:ايمن الله يخليك لاتعطيه من جد خفت عليه راح تقتله انت

ايمن:الحين خفتي عليه ومن شوي عادي اعطه اعطه بعدين انتي بتقتلينه

دلع:خلآص ايمن

ايمن:هاا ياحلوه تتزوجيني؟؟

دلع..شوي وتبكي:بس تكفى لاتعطي ابوي الشريط..

ايمن:يعني بتتزوجيني؟

دلع:ايه

ايمن:ومحمد؟؟

دلع:بقطع علاقتي معه

ايمن..فرحاااااان:حلوووو

دلع..تطالع فيه بطرف عينها..

ايمن:والله يادلع احبك والله احبك..

دلع:خلآص انا بروح..

ايمن:اصبري..

دلع:شوو؟؟

ايمن:متى امي تكلم امك..؟

دلع..تنزل دمعتها:متى ماتبون

ايمن:اووكي..<<يرسل لها بوسه من بعيد>>آموووووووواااح

دلع..بنفسها الله ياخذك انت وبراطمك..:باي..

ايمن:الله معاك..

--

دلع وهي مع الطريق تكلم نفسها..

--ايمن هذا لازم ينتهي من الحياه وينظف المجتمع من دونه

ماكآننا قرايب وعايله وحده وش فيه ذا يبي يخرب بيتي

خلآص انا راح اترك محمد الله يصبرني >>تبكي..~

--

ايمن يروح عند امه وهو مبسوط وطاير من الفرحه

ايمن:يممممه يمممممه وييييييييينك

ام ايمن:بسم الله الرحمن الرحيم اللهم سكنهم في مساكنهم وش فييييييك تصاارخ؟

ايمن:يمه عندي لك بشررررررى خطيييييييييييره

ام ايمن:بشر ياولدي عسىا ايامك كلها بشاير

ايمن:بتزوج يايمه

ام ايمن:صدق والله ومبروووك مبرووك منهي خلني اكلم امها..

ايمن:لو اقول لك يمكن ماتصدقين..

ام ايمن:لآ بصدق مين؟؟

ايمن:حزري فزري

ام ايمن:ممممم اسرار بنت عمك فيصل؟

ايمن:لايع

ام ايمن:طيب اختها خلود؟

ايمن:لآ

ام ايمن:نوره بنت عمتك حصه؟؟

ايمن:وش فيك يمه تقولين مافي بهالدنيا كلها الا عمامي لآ مو نوره

ام ايمن:طيب قوول منهي

ايمن..نزل راسه سو نفسه مستحي:كح كح

ام ايمن:بتقووووول ولا امشي

ايمن:لآلآ بقول

ام ايمن:يلآ منهي..

ايمن:دلع..

ام ايمن..تستغرب وتجلس:دللللللع..!!!!!

ايمن:ايه يمه دلع مو مصدقه..؟؟

ام ايمن:وشلووووووون رجعت توافق مو تقول صغيره وبدري عالزواج ومدري وش

ايمن:ولدك خبره يمه خليتها توافق غصب..

ام ايمن:اسمع ياولدي بناخذ البنت برضاها بغصبها لا

ايمن:امززززح هي مواافقه موافقه

ام ايمن:متآكد؟؟

ايمن:والله العظيم

ام ايمن:بس ماراح ناخذها..!

ايمن..انصدم:يوووووه وهو على كيفك

ام ايمن:ياقليل الادب ماناقص الا تعطيني كف

ايمن:ماقصدي بس ماراح اخذ الا الي ببالي والحمد لله دلع وافقت..

ام ايمن:ماراح ننزل كرامتنا على نااس عاديه واقل من عاديه شافو انفسهم علينا

ايمن:وش فيك يمه الله يهديك احنا اهل

ام ايمن:كنا اهل دلع ماراح ناخذها يعني ماراح ناخذها وشوف لك غيرها

ايمن:يعني تقولينها وبكل بساطه..؟؟

ام ايمن:ايه دلع لا

ايمن:اوووكي يمه لاتستغربين من الجااي

--

ويطلع غرفته

وتناديه

ام ايمن:تعاااااااااال

ولا عطاها وجه وسكر على نفسه

--

دلع ترسل رساله لمحمد::

الرساله:

محمد انا عشت معك اجمل لحظات حياتي وللاسف لازم لنا الفرراق

الله يوفقك وياالله تحب وحده غيري تحبك وتهتم فيك اكثر مني

وانا خلآص راح اتزووج ايمن..

--

محمد كان عند التلفزون فجآه يقطعه رنة الجوال

رسالة دلع..قراها وخلص ونزلت دمعته

كلم نفسه:انا دمعتي ثقيله وبفرقاك يادلع نزلت الله يصبرني عليك ومدري وش ابي بدنيتي دونك

--

**!..الـ ج ـود..!** · منذ /18-09-2009, 09:26 AM

يتصل ايمن على دلع..

دلع:الوو..

ايمن:هلآ حبيبتي

دلع..بنفسها..والله عاش الدور:اهلين

ايمن:اخبارك؟

دلع:الحمد لله

ايمن:وش فيه صوتك متغير؟؟

دلع:توني قايمه من النوم..~

ايمن:سوري قومتك؟

دلع:لآ اصلا قايمه قايمه

ايمن:حلوو افطرتي؟؟

دلع:لامافيني ..

ايمن:عفيه قلبو افطري عشاني

دلع..بعد تكلم نفسها..والله لو اصكك اطيح ضروسك كلها مسوي رومانسي:لآمعليش

ايمن:عشاااني..

دلع..بزلت لسان:وانت منو اصلا ..

ايمن:شنووو؟

دلع..بكل دلاخه:اووه نسيت اننا حبايب

ايمن:اهاا صرتي تلخبطين بيننا والله طيب انا مين؟؟

دلع:بلآ هبل بالله..

ايمن:لآخاايف انك ملخبطه

دلع:هي عااد لاتتجاوز حدودك

ايمن:طيب طيب المفروض انا اعصب

دلع:والله بالطقاق..>>وتسكر الخط

--

دلع:المفروض اني مارديت عليه بالاساس..~

ويرجع يتصل عليها ايمن..~

وماترد قام ارسل لها رساله..

الرساله:وش فيك عااد عصبتي واحنا تونا

ردت:تعرف من اول اني عصبيه ليه تنرفزني وانت اصلا شايفني رايقه؟؟

رد:اوكي اوكي حبيبتي اخليك تروقين لا روقتي عطيني نغمه ولا كولمي

ردت:لآتخاف انا بتصل يعني بتعلمني انك طفران

رد:اوووه راح تفكيرك بعيد بس انا طفران^_^

ردت:وفره لخوياتك وحبيباتك

رد:المفروض ازعل بس ماراح ازعل لان عقلي اكبر من عقلك يابيبي

ردت:يووه وربي انك بزر فكني انام بس..

رد:بتنامين من غير ماعطيك بوسه؟؟

ردت:مو محتاجتها

رد:وش رايك اوفرها لخوياتي

ردت:يكون احسن

رد:اقوول ترا خلص الرصيد واحنا دردشه بالرسايل بتصل عليك وردي

ردت:مع اني قلت نعسانه بس يلآ اتصل..

--

اتصل ايمن..

--

ايمن:هلآ بهالزين

دلع:هلآ فيك

ايمن:هلآ بهالصوت..~

دلع:هلآفييييك

ايمن:اجل الحلو يبي ينام من غير بوسات؟؟

دلع:مستغنييين

ايمن:دلووع

دلع:شوو؟؟

ايمن:تحبيني؟

دلع:للحين لآ بس بديت تدخل مزاجي

ايمن:طيب والي يحبك وش يسوي؟

دلع:يصف طاابوو

ايمن:قوووويه والله وانا ان شاء الله كم رقمي..؟؟

دلع:يااخي روقنا بس والله فيني نوووم

ايمن:طيب ياحلووه اخليك تنامين متى تصحين؟؟

دلع:يمكن مااصحى

ايمن:يومي قبل يومك

دلغ:امين

ايمن:طيب اذا صحيتي عطيني نغمه..~

دلع:اوكي

ايمن:يلآ آآموووااااح تصبحي على خير

دلع:وانت بخير باي

ايمن:بايات

--

بعد ماقفلت نآآآآمت بس بعد مابللت الوساده دموع..~

صحت ولله الحمد..لقت رساله من محمد:

الرساله:

دلع والله مو قادر اناام الليل ولا النهار انا من دونك ولاشي

انا جسم ميت خذيتي قلبي ورحتي دلع تكفين شوفي لي حل والله احبك والله احبك

الله العالم بحالي والله اني كل شوي افكر بالانتحار دلع تكفين ارجعي لي دلع اقسم بالله احبك

--

دلع خصلت الرساله ونزلت دمعتها..وقالت في نفسها:

انا بعد احبك..~وميته من دونك..~

--

ايمن في اليوم الثاني ينزل لاهله

مايتكلم يكلمونه وماتكلم..~

--

ام ايمن:خله ياابو ايمن انا اعرف وش فيه..

ابو ايمن:وش فيه؟؟

ام ايمن:يتدلع علينا..

ابو ايمن:وليه؟؟

ام ايمن:بغى عروس ورفضتها

ايمن:يمه خلآص ماراح تزوجيني اياها سكرو الموضوع..~

ابو ايمن:افا لا ماعاش من زعل ولدي عشان بنت آمر بس انت آشر وانا اجيبها لك

ايمن:لآ يبه اذا هالشي يزعل امي تخسى العروس

ام ايمن:ايه كفوو ياولدي

ابو ايمن:امك راضيه بس منهي ؟

ام ايمن:يبي دلع ودلع بعظمة لسانها قالت له ماابييييك

ابو ايمن:لآياولدي ليه ماتختار وحده غيرها وش لك بهالبنات والله تضرك..

ايمن:انا حطيتها ببالي

ابو ايمن:بس لو تفكر انها قالت بدري عالزواج ورفضتك وانت الف وحده تتمناك شي كبير وفضيحه

ايمن..حس انه اقتنع وقام بسرعه لغرفته..

--

وجلس يكلم نفسه /

هذي بنت اصل بس بالاسم بس ياما تحت السواهي دواهي هذي راعية شباب وراحت هالمجمع واكيد صار لها كذا موقف الله يسرتنا وليه انا اربط عمري بوحده قليلة اصل لا يارجال فكك من هالنوع والله هالبنت راح تضرك على قولة ابوي,,
خلني افك عمري من الحين احسن ماانشب بعدين..~

بس متى اقول لها انتي ماتنفعين لي مممم اخلق لي معها مشكله عشان نتهاوش ونفترق؟

ولالا احط شريط التسجيل بآيد ابوها بس راح اضر العايله كلها .. والسوات الحين

يه بقولها في وجهها انتي ماتنفعين لي وانتهينا

--

يمسك جواله .. اتصل عليها ولا اقابلها؟؟

لالا اتصل عليها احسن..~

واتصل..

ايمن:الووو دلع

دلع..بكسل:هلا

ايمن:اسمعيني يابنت

دلع:من الاخير وش تبي؟؟

ايمن:انتي بنت ماتنفعين لي والله يستر عليك..~

دلع:هاا؟؟

ايمن:زي ماسمعتي >>وسكر الخط

--

دلع تكلم نفسها هذي الساعه المبااركه والله هالحين اقدر ارجع لحموودي..

بس احس اني تضايقت مع اني من زماان كان ودي بفرقاه بس ليه تضايقت؟؟

يمكن لان كلماته قويه وجرحتني .. يمكن ليه لا..~

طيب الحين وش اقول لمحمد اقول ان ايمن ماعاد يحبني خلآص يلا نرجع لبعض

لا هذا بيقول على طول انتي لعابه والحل؟؟

لآ بنتظر لين تجيني منه رساله .. بس افرضي ماجاتك رساله..يالله ياكرييم

**!..الـ ج ـود..!** · منذ /19-09-2009, 10:30 AM

بعد مرور اسبوع ودلع كارهه عيشتها وهي وحيده..وماطلعت من هالبيت
جلست بينها وبين نفسها وقررت تروح المجمع..لبست وتكشخت
ورآحت المجمع..

--
ولقت سعوود..

--

سعود:هلالالالالالالالا والله وغلآ

دلع:اهلين وسهلين..

سعود:مو مصدق دلع؟؟

دلع:ايه دلع..

سعود:وينك وين ايامك؟؟

دلع:موجوده بس الدنيا اشغلتني

سعود:افا وهالدنيا تشغلك عناا

دلع:عاد هذي ظروف والله يصبرنا

سعود:ايه واخبارك علومك

دلع:الحمد لله شلونك انت؟؟

سعود:بخير

دلع:دووم

سعود:تدوم انفااسك والله وحشتينا..

دلع:وانتو اكثر يلآ يلآ قوم نتمشى اشتقت للمجمع

سعود:قبل لانتمشى فيه واحد غث ابونا كل يوم يسأل عنك

دلع:واحد ومنهو؟؟

سعود:تعاالي معايه..

--
ويروحون..

وداها عند محمد

--

سعود:حمود شوف مين جاا

--

ويلف حمود وهو بوجه دلع

--

محمد:دلع..!!

دلع:مرحباا..

محمد:مبروك على خطوبتك لايمن..

دلع:الله يبارك فيك بس بدري..!

محمد:معليش بس مامدااني

دلع:اصلا تفارقنا انا وايمن

محمد:افا وليه..؟

دلع:مشكله صارت وتفارقنا

محمد:ماتستاهلين والله

دلع:الله يعين

محمد:وطبعاً انتي جاايه عشان ارجع لك صح..ليه شايفه الشباب لعبه عندك؟؟

دلع..وقفت وانصدمت من هالكلام الي طلع منه وماتكلمت

محمد:قلت شي غلط؟؟

دلع:الله يساامحك..~>>وترووح..

--

سعود يلحقها

ويمسك بأيدها

سعود:تعالي
دلع:شوو؟
سعود:ادري ان كلآم محمد ماله داعي بس
دلع:بس شوو..!
سعود:بس يمكن مقهور من غيابك
دلع:اووكي..
سعود:تعالي ناكل لنا لقمة
دلع:كل بروحك انا بروح..
سعود:دلع الموضوع مايستااهل ترا
دلع:صح بس انا جاني صداع ودي ارتااح..
سعود:يعني بتروحين..؟
دلع:ايه
سعود:واكيد ماراح ترجعين؟
دلع:وش رايك؟ بعد البهذله الي جاتني منه تبيني ارجع؟
سعود:مجمع ابوه وانا مدري انتي الداخله وهو الطالع دلع
دلع:قوله هالحكي
سعود:خلآص خليني اكلمه وتتصالحون
دلع:خلآص سعود انسى الموضوع
سعود:لاتروحين تكفين
دلع:بحاول ازورك
سعود:ايه كفوو
دلع:يلآ باي
سعود:الله ويااك..

--

يروح سعود لمحمد..

--

سعود:من جد مالك دااااعي
محمد:وانا وش قلت غير الجد
سعود:الحين ماصدقنا البنت ترجع تقوم تطردها
محمد:انا طردها انا قلت الحقيقه بس
سعود:اي حقيقه البنت جت تسلم عليك
محمد:اقول فكنا بس
سعود:والله ماعندك دم..
محمد:كللله لاني قلت هالكلمتين لايكون انت بعد حبيتها؟
سعود:استح على وجهك بس يمدحون الاسلوب ترا
محمد:ماناقص الا انت تعلمني كيف اتكلم؟؟
سعود:ماراح ارد عليك لانك بزر وبعطيك على قد عقلك
محمد:طيب دامك عارف اني بزر ليه اصلا تجي تتكلم معي
سعود:الكلآم معاك ضايع..>>ويرووح

--
دلع بغرفتها..!

تكلم نفسها:ليه انا يصير معي كذا ليه..
محمد:الي ماتوقعت يكرهني صار يكرهني كثر ماحبني
يالله تعجل بموتي يالله ماعاد اتحمل اكثر من كذا والله اني وحيده ومالي احد..

--

محمد ببيته..
مع امه..

امه:هلآ ياولدي
محمد:هلا يمه
امه:تعشيت؟
محمد:ايه الحمد لله
امه:اقول تصدق وش كنت افكر فيه قبل لاتدخل؟
محمد:وش؟؟
امه:في دلع اخبارها والله مشتاقه لها
محمد:الحمد لله
امه:ليه ماتجي تزورنا خلها تزورنا
محمد:ان شاء الله
امه:هي مقصره معك
محمد:يايمه الي يسمعك يقول اننا متزوجين

--
ويدخل تركي على كلمة محمد..

--
تركي:منهم الي متزوجين؟
محمد:وش دخلك سلم بالاول..
تركي:سلآم عليكم
امهم:وعليكم السلام..
تركي:يلآ منهي..
امهم:هذي الله يسلمك.....
محمد..يقاطعها":ماله داعي يمه
تركي:يؤؤ
امهم:اخوك مو غريب
محمد:حتى ولو بس مابي احد يدري الحين..
امهم:على رآحتك..
--
ويقوم محمد..

ويروح لغرفته

لقى جنبه ورقه وقلم وكتب

I miss you 'D

كلم نفسه:
والله يادلع اني اشتقت لك وان الكلام الي قلته مو من قلبي آآه بس كيف اصلح غلطتي
احبك والله احبك..~

---

دلع بغرفتها :

ليه تسوي فيني كذا ليييه

**!..الـ ج ـود..!** · منذ /20-09-2009, 06:00 AM

كل عآم وانتم يآحلى بنات دوت كوم بخير ‘
هذا هو العيد جاا وانا اكتب روايتي ان شاء الله تنال اعجابكم..

[]

**درر منثوره** · منذ /21-09-2009, 08:39 AM

مشكــووورهـ حياتي وما قصرتي ولاا عاد مناكـ يالغلا،،،

وعن جد ابااااااااارت رووووووعهـ،،،،

تسلم ايدكـ يالغلا ،،،

تقبلي مروري،،،،

**درر منثوره** · منذ /21-09-2009, 08:46 AM

يالله يالغاليهـ لا تطولين علينا تراج حمستيني والله ،،،

تكفين لا تطولين استعجلي شوي،،،،

**!..الـ ج ـود..!** · منذ /21-09-2009, 11:31 AM

تسلمين حبيبتي وكلك ذووق...!

وان شاء الله عن قريب اكملها..

**!..الـ ج ـود..!** · منذ /21-09-2009, 11:58 AM

الساعه 11:30.. صبآحآً
لقيت الموضوع وتحمست لتكملته..
بس قبل كل شي الساعه 11:50..
مع كوب العصير البرتقال البارد..[]
..<مالقيت رمز كوب عصير قلت خلوني احط فنجان ..~ْ
وسندوش توست بالجبنه محمص والجبنه الحااره ,.:cat63:
>رجعت اجوع..:cat31:

خلونا نكمل..!:cat36:

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

حبًُـًڪًِ بقِلًبـِيً شًِـِآِمِخًٍ مِآِبعِډً مِآِتًِ

الـقـصـص و الـروايـات