(( روحــــي فــــداك )) قصة حب كويتية..من تأليفي...

[الفراشة الهائمة]

جزء اكثر اكثر من رووووووووووووووووعة
و خصوصا زواج جاسم و ريم رووووووووووعة
يلا لا تحمسينا وايد على الفصل الثاني بسرررررررعة بليييييييز
ننتظرج على احر من الجمررررررررررررر
*
*
*
*
*
*
*
حيات يديدة أرتسمت بعيون كل من جاسم و ريم و فرحة أدخلت بقلوب كل الأهل لأرتباط مصير هلثنين بمصير واحد
وشلون رح تكون حيات جاسم و ريم ؟
اممممم ما ادري
طيبة ريم الكبيرة هل رح تكون لها دور بحياتها مع جاسم ؟
اكيييييييييييييييييييييييد
و شنو اهي المفجأة الي مزهبها جاسم لريم ؟ و هل رح تعجبها ؟
امممم ما ادري .... اعتقد ايه

تحياتي
الفراشة الهائمة

[حبر وردي]

أبدعتي حبيبتي ...
السموحه كان عندي اختبارات ...
يلااا ترى أناااا متحمسه وايييييد ...
أنا في إنتظار أخبار العروسين ....
يلا لا تنطرينا زود ...

[حبر وردي]

أبدعتي حبيبتي ...
السموحه كان عندي اختبارات ...
يلااا ترى أناااا متحمسه وايييييد ...
أنا في إنتظار أخبار العروسين ....
يلا لا تنطرينا زود ...

[مصرقعة ضايعة]

الصراحة ابـــــــــــــــدااااااااااااااااااع .. الجـــــزء روعـــــــــــــــة .. والأروع أنتي كاتبتهــــــا ..

طبعا ننتظر جزء جديد مليئه بالاحـــــــــداث العجييييبة ..

ومسامحة ع تأخير في الرد ..

[بنت الصحابة]

يـــــــــــــــــــــــــــلا
ننتظر القصة حلـــــــــوة

[أوووب صاحيه]

هدوووووب ياقلبووووو......
بصراحه كل يوم أفتح المنتدى عالشان القصه بس سبحان الله هالأيام مافتحته....
واليوم فتحته مع أني عندي إمتحان بكره....
شوفي ياويلك أن صارت درجاتي بكره مي حلوه كله من هالبارت(امزح ياقلبو)


وتستاهلين بوسه على هالجزء الرووووووووعه ويالله كل جزء إبداااااعه أحلى
منك يالغلا.......


وإن شاء الله أخلص إمتحاناتي الإربعاء وألقى البارت منزلته....

ودعوااااتك يالغلا......

[هدباء]

المشاركة الأصلية كتبت بواسطة أوووب صاحيه هدوووووب ياقلبووووو...... بصراحه كل يوم أفتح المنتدى عالشان القصه بس سبحان الله هالأيام مافتحته.... واليوم فتحته مع أني عندي إمتحان بكره.... شوفي ياويلك أن صارت درجاتي بكره مي حلوه كله من هالبارت(امزح ياقلبو) وتستاهلين بوسه على هالجزء الرووووووووعه ويالله كل جزء إبداااااعه أحلى منك يالغلا....... وإن شاء الله أخلص إمتحاناتي الإربعاء وألقى البارت منزلته.... ودعوااااتك يالغلا......

 

 

نورتــــــــــــــــــي حبيبتي .. و أنا أقول غريبة تأخرتي معقولة ما قريتي الجزء

و لكن معذورة دامج بأمتحاناتج حبيبتي ربي يوفقج أن شاء الله

و أنتي الروعة بتواجدج الحلووووووو

(( خبر للمتابعات ))

الجزء بعد أيام معدودة يكون بين أيديكم بأذن الله

و باين التهديد معاكم نفع ان اذا ما في ردود ما في جزء <<< مصدقة عمرها خخخخخخ

اتغشمر معاكم لا تاخذوها جد .. و على العموم روووووعة تفاعلكم

تسلمووووون لي يا احلى متابعات

أنتظرووووووني

[نتوفه]

روووعــــــه .....ابــداااع(FFF)
انـا كل يووم افتح .. وللاسف مااشووف الجزء =(

بليييز بسرعه

[هدباء]

أووووووووص الساعة باجي ثلث ساعة و تصير 1 في اليل

اكيد بتقولون كاتبتنا ينت تنزل الجزء الحين بس اكتمل الحين

يتبـــــــــــــع

[هدباء]

من دون مقدمات بدخل بالعرض

..".. الجزء الثالث عشر .."..

(( الفصل الثاني ))

الطريق طويل .. و كُل طريق لهوا نهاية .. فهل نهايته السعادة الأبدية أم الحزن الأبدي

عيني اللي دمعها جفني يضمـه
عن بكاها ماعرفت اللي حرمها

زودت في قلبي المهموم همـه
شلت الأعصاب من سقم ٍ سقمها

لوتهل الدمع كله مـن مجمـه
والله ان لاسامح اللي قد ظلمها

بس عينيتكتمه غصب وتلمـه
لأن نفسي ما تنازل عن شيمها

والخطا يا مذنبه مانـيبيمـه
رافعٍ راسي على قمـة هرمهـا

مشوا الكل وهم يزفون أحلى عروسين بهالكون إلي اليوم كل من سمى و من قمر و من نجوم أحتفلوا فيهم فسيارات عايلة بن فارس كانوا محاوطين سيارة جاسم الي كان سايقها ناصر و من جدام معاه جاسم و من ورة نوف و ريم و زخ المطرة بهاليلة البااااردة كان ينزل بهدنيا يعلن أحتفاله لهالعروسين ويزفهم لحياتهم اليديدة

وصلوا كلهم لبيت المعرس طبعاً ابو وليد و كل منهم بمظلاته عن المطر الي نزل فجأة عليهم بهاليل كان الوقت متأخر وتقريباً 2 الفجر

نزلت ريم بفستانها الفخم خافت عليه وايد لكن عمها ظلل لها عن المطر وجاسم الي حمل الفستان و اهي عبالها نوف

و اسبقهم محمد قبل الكل الي وصل وزهب الاستقبال الخاص على طلب جاسم لريم

ادخلت ريم بفستانها و الباقة محاوطة يدها و حلاها منور

و جاسم الي كان حذالها و بدت تتأقلم على تواجده الدائم حذالها

و لمن أوصلوا الأهل و أدخلوا أستغربوا من أنارة البيت كلها مطفية

و فاجأهم محمد لمن فتحها و الكل اندهش و اكثرهم ريم البيت كله بالونات و ورد من الجوري و الياسمين الي تحبه كل شي فيه معلق بالونات بالون الابيض و الأحمر حتى الأرض مملية ناظرت الدري الي قبالها اول ما تدخل مفروش بسجاد احمر و الورد بشكل روعة متبعثر و بكل زاوية شمووع منورة المكان

كلهم صفقوا على هالمفاجأة وريم ألمعت عينها بهالحظة وسط صوت التشجيع لحركة جاسم لريم

أحتارت لأول مرة و اهي تبي تعرف هلأنسان من شنو مخلوق و شلون يفكر و شلون يتصرف حيرها أسلوبه حيراها كل شي فيه

قلب هاليلة بدال الحزن على عرسها المجبورة فيه بهالحظة قلب هاليلة لها كليلة تعيش بوسطها الأحلام و الأمنيات وسط القلوب لكل حبيب و حبيبة

و أرتفع صوت الأغاني إلي لهني معاهم و أدخلوا الحريم و بدوا يودعونهم قبل سفرهم لأنة طيارتهم بعد ساعتين تقريباً اربع رح تمشي

لولوه الي رمت بنفسها على اختها :_ ريوووووووووووم عمري لا تطولين .

ريم الي بدت تبجي :_ فديييييييييييييتج لولووووووووه حياتي وين اطول و انتي اهني حشاني كلها ايام و اتعدي وارد .

لولوه :_ واذا رديتي بتكونين اهني مب في بيتنا يا بعد قلبي اشلون اعيش بلياج.

ريم :_ فديتج لولوه عن ادلع هذا اعرفج زين .

لولوه :_ ههههههههههه يلا حبيبتي تروحين وتردين بسلامة ان شاء الله وتتهنين بهسفرة .

ريم :_ الله يسلمج ويهنيج عمري .

من بعدها ياتها شيخة :_ فديييييييييييييت عمري الدلوووعة .

ريم :_ و انا فدييييييييييييت الطباخة شيخوووه جوفي عاد انا ما اتحمل اكل برة ابيج كل يوم تطرشين لي برسل من الكويت زييين .

شيخة :_ ههههههههههه يا ثقلج تتمصخرين يعني .

ريم :_ بتوحشيييييييييييييييينييييييييييي يا بعد قلبي .

شيخة :_ مي توووووووو يالغالية تروحين و تردين بسلامة .

ريم :_ الله يسلمج عمري من الشر .

و بدوا كل من بنات عمامها و عمتها أيون يودعونها و عند الرياييل بالمثل كانوا محاطوين جاسم الشباب كلهم

محمد :_ جسومييييييييييييييييييي يا احلى معرس تروح و ترد بسلامة بس لا تطول ترى قلبي ما يطيع على فراقك ترى اتهور و اجيك .

جاسم :_ بعااااااااااد لهناك بتلحقني .

محمد :_ ههههههههههههه يا ثقلك اتغشمر يعني لازم تصير ملييغ جذي .

و لموا بعض ليدوعون بعض ...

ناصر :_ اقول فسحوا الطريج لعمكم .

جاسم :_ هههههههههههه هلا والله بالغالي .

ناصر :_ اي شلون عيل عبالك رخيص تعال المك يانذل سويتها و غلبتني و تزوجت .

جاسم وهو يلمه :_ حلالي .

ناصر :_ و لا كلمة لا اتهور الحين فيك .

و ليمن انتهت هاليلة على توديعهم للعروسين و الأهل كلهم مشوا من بعدها

نوف الي بقت مع ريم قرروا بعد ما مشوا الكل يصعدون ريم باين التعب على محياها .. بهالحظة طلع جاسم من الديوانية و وقفهم

جاسم :_ لحظة على وين .

ريم الي فزع قلبها من سمعت صوته .. و نوف التفت له :_ ريم شكلها تعبت قلنا نصعد فوق .

جاسم :_ خلي عنج حنا انصعد اثنينا وانتي روحي دارج .

نوف :_ اوكي حطها بعيونك تراها غالية ( و تغمز لجاسم بعينها ) يلا تصبحون على خير .

جاسم :_ لا تأخرين على اربع نبيج اوكي تيين معانا المطار .

نوف :_ من عيوني .. سي يو .

جاسم يغمز لها بعينه :_ يو تو .

أختلى البيت وبقت ريم عند الدري و حذالها جاسم

جاسم :_ هونتي تركبين لفوق .

ريم ترفع عينها له و تأسره بنظرتها :_ لا بس ابي طريج .

ناظر جاسم ولقى حاله ساد الطريج التف لها و ابتسم :_ ما تبيني اساعدج بالفستان .

ريم :_ ماله داعي بصعد لحالي و اهني مب مكان وصخ عشان اخاف عليه .

ابتسم جاسم على تكبرها عليه لكن هيني يا ريم لعبيها على غيري .. تقرب و مسك يدها حاولت تسحبها ولكنه دار ظهره و مشى فيها و اهي طول الطريج تبي تحسب يدها لكن ماكوا مفر .. ليمن اوصلوا لباب غرفتهم ...

جاسم :_ ممكن انتي الي تفتحين الباب .

ريم تناظره باستغراب :_ ليش .

جاسم بغروره :_ انا ابي جذي ليش مب عاجبج .

ريم ما عطته ويه و فتحت الباب و لقت شي من فوق متدلي رفعة راسها لتندهش السقف للغرفة كله مملي من البالونات و متدلين منهم اخيوطهم ارفعت فستانها وادخلت و اهي عينها بالسقف ناظرت البالونات منظمين على شكل اسمها .. وطت راسها و انبهرت من حلاة الغرفة برونقها الملائكي اشلون امنسقة والون العنابي رووووووووعة كان على كل شي و كل الاثاث اكسسوارات للحجرة و اشياء من زجاج و كل شي كان بتنسيق مبهر ويسحر الواحد يتركه يبحر بعالم ثاني

لفت راسها لوراها وين ما كان جاسم يناظرها :_ عجبتج .

ريم بجرئة :_ وايد حلوة لا توصف .

جاسم :_ عليج بالعافية فيها .

ناظرته ريم باغرور شاح ويهه عنها بتكبر زود عنها و اغلق الأنارة و صارة الغرفة ظلام

ريم الي استغربت من تصرفاته اشفيه هذا :_ ليش سويت جذي .

جاسم :_ الحين تعرفين .

تقرب و مسك يدها لمن حست جذي حاولت تسحب يدها تقرب لها وهمس :_ لا تحاولين ما رح تقدرين .

عصبت من قلب و خذاها يمشي فيها ليمن وصل عند باب البلكونة وفتحها و كان المطر يزخ ولكن كانت البلكونة مظللة

التف لها :_ ممكن تسكرين عينج .

ريم بغرور :_ وانت اشلك دخل .

جاسم :_ لمن اقول لج تسوين شي سويه من دون نقاش فاهمتني .

ريم :_ افرض رئيك على غيري مب علي .

جاسم الي استمتع بعناده مع ريم :_ احين بتسكرينها والله انا الي اسكرها بيدي.

ريم بقلبها ياربي اسكر انا ولا انت تقرب مني .. سكرة عينها و ابتسم جاسم .. تركها وراح لطاولة الي بالبلكونة و اشعل الشموع

و التف لها :_ تقدرين تفتحين عينج الحين .

فتحت عينها لقت كاتوا رووووعة و بوسطه مكتوب عقبال العمر كله و تاريخ عيد ميلادها .. ارفعت عينها له :_ كم اتاريخ اليوم .

جاسم :_ اظنه مكتوب على الكاتوا .

ريم تمت تناظره و احتارت بأمره التفت له بكل جرئة :_ انت مينون .

جاسم ضحك عليها من قلب حبت تقهره :_ بس بايخ بنفس الوقت .

ناظرها جاسم و صج الحين زودتها لحقها ومسك يدها

ريم :_ هد يدي .

جاسم :_ انتي تعرفين شنو قلتي .

ريم :_ ليش جايفني مينونة مثلك اكيد اعرف شنو اقول .

جاسم :_ متأكدة انج حسبتي لكلمتج الف حساب قبل لا تقطينها .

ريم باصرار و عيونها تلمع :_ اكيدين .

جاسم :_ ليتج تعرفين هالكلمة شنو رح تدفعج .

ريم :_ تدفعني الي تدفعه مب مهم عندي لو سمحت اتركني .

جاسم يترك يدها وهو يبتسم على عنادها هيني يا بنت العم الايام بينا

ادخلت ريم لداخل و توجهت لسرير ناظرته واحتار فكرة انا اليلة رح ارقد مع هذا المغرور بسرير واحد مستحيل .. بس هذا ما يمنعها انها تريح عليه اشوي اقعدت بفستانها و التعب هاد حيلها و كل جزء بجسمها تحس نفسها رح تموت من التعب .. سكرة عينها ثواني ولمن فتحتها لقت جاسم فاتح باب البلكونة وداخل للغرفة و بيده الكاتوا توجه لثلاجة الصغيرة بغرفة اتبديل و حاطاها فيها

و بدل اهدومه و طلع للغرفة

تــــــــــــــــــــــــــــــــابـــــــــــــــ ــــــــــــــــع