رد ذياب لمها
ذياب:اسم اختج نورة
مها : همم ابا دليل ثااني ..~
ذياب : همم فون اختج وين .؟
مها :عندي
ذياب : ايبي الفون ودقي ع هال رقم ********
مها :اوكي
وراحت مها وياابت الفون ودقت وطلع لها الأسم : فطومهـ ..~
وعقب رد عليها واحد
فارس : هلاا والله مرحبآآ هلا والله بالملااين ..شخباارج ؟!
مها : انته منو ؟!
فارس :حياتي شوفيج ؟ انا فرووس شو نسيتيني ؟!
مها سكرت فويها وتمت اتصييح ع حاال اختها ..~
وردت للمسن
مها : ذياب صح كلامك !!
ذياب : اسمي مب ذيآب اسمي خالد
مها : بس انا ماقلت لك اسمي ليش قلت لي اسمك ؟
خالد : بس ..~
مها :اها اوكي خالد مشكوور ع كل شي تعبتك ويااي وانا هاي بأدبها
خاالد :لا افا عليج ^^ نحن فالخدمه بس ميم حاسبي من اختج تراها بتظييع !!
مها : خالد شو بيدي اسوي ؟! شليت فونها ولاب وشو تباني اسوي ؟!
خالد : انا بقولج شو تسوي ..؟
مها :شو ؟
خاالد :انتو الأثنين نفس المدرسة صح ؟!
مها :لا انا حكومي وهي خاصة
خالد :همم اوكي ليش ماتروحين عندها خااصة
مها : المشكلة هي منهج امريكي وانا مييح فالأنجليزي
خالد : خلاص انا بعلمج :p
مها :اول شي علم عمرك عقب تعال علمني
خالد :لا والله صج ارمس انا بعد منهج امريكي
مها :اونهـ !
خالد :والله
مها :زين زين
خالد :اوكي اكييد فـ مدرستهم شي منهج عربي
مها : همم بشوف
خالد :احسن شي اتكونين ويا اختج فنفس المدرسة وجي بتكون تحت عيونج 24 ساعه
مها : برمس امي وبشووف
خالد :اوكي ^^
مها :انا احين بطلع بااي
خالد :بااي
مها حطت اوف لاين وتمت اتفكر
مها : امي حليلها ع قدحالها من وين بتييب فلووس عشاان ادخلني خاصة زين منها مدخلة نورة وروظة وفطامي خالي سهيل مدخلنها ! يااربي شسوي ! اختي بتظييع !! ياارب ساعدني ..~!
[ تمت مها اتفكر عقب راحت تحت سوت لها نسكفي بعدين ردت فوق يلست ع لااب .. ترا هي مسويه بلوك حق خالد بس بلووك بدون دليت وهو كان حاط صورته هي تمت اتشوف الصورة عقب لاحظت ان هو كل دقيقة يغير البي ام
اول بي ام 1 : خاان ويحسبني اخوون !!
ثاني بي أم 2 : لييش جيي !!! يعني خلاص كل شي انتهى !!
ثالث بي ام 3 : وفييت وماتوقعت الخيانه !=(
رابع بي ام 4 :والله تعببت !! ياارحمه الموووت زووريني !!!
خامس بي ام : قلبي يعورني يانااس .. متى امووت ورتااح ؟!
هني مها خوزت البلوك وحطت اون لاين وقالت ..
مها : خاالد شوهال كلاام ؟!
خالد : اي كلام ؟!
مها : متى اموت ومادري شو مب زيين :@ !
خالد : هي مييم متى بمووت وبفتك مييم انا واايد تعذبت !!
مها : شو الساالفه ؟!
خالد :شو تبيني اقولج ؟!
مها : قول كل الي فخااطرك ..~
خالد :شوفي انا تعرفت ع وحدة اسمها لطييفة حلوة وطيبة وجي حبيتها من الخااطر عقب اكتشفت انها ترمس اخو ربيعي سكت و رمستها ..
خالد : لطووف انا قصرت وياج ؟!
لطيفة وهي تصيح : لا
خالد :لييش اتخونيني عييل ؟!
لطييفة : خلوود حبيبي هااي غلطه وصدقني ماراح اعييدها الولد قص علي بكم كلمه انا آآسفه والله اني احبببك [ وتمت تصييح ]
خالد : حبيبي خلاص مسحي دمووعج
لطييفة : خلوود بليييييز سامحني بليييز
خالد : حبيبي ساامحتج
لطييفة :صدق ؟!
خالد :هي
لطييفة :احبك !
خالد :اموت فيج
....
مها :انزين وبعدين ؟!
خالد : سامحتها بس كنت بعدني شايل فخاطري .. المهم تميت وياها شهر ونص عقب اكتشفت انها ترمس وااحد كان معاي فالناادي ! سكت مارمستها رحت وكلمت ربيعي الي شفتييه معاي فأب تاون خليفة قلت له قال
خليفة : شوف خالد مثل مااهي تخوونك خونها !
خالد :مايهون علي !
خليفة :عيل ليش هي يهون عليها ؟!
خالد :ماادري
خليفة :يا تخونها او ودرها !
خالد :لاا مرووم اودرها ماروم اعييش من دوونها !
خلييفه :عيل خونها وخله تذووق بنص الي انته ذقته !
خالد :بشوف كيف
..
مها : وخنتها ؟!
خالد :هييي رمست بنت من سكولنا بس ماكنت اعطيها ويه واايد وامس قلت لها ماباج ودرتها
مها :انزين وبعدين ؟!
خالد :اليوم اكتشفت انها طاالعه ويا وااحد فسياارة !! من ساعه 11 الصبح ليين 10 ونص الفليل وهو الي رداها البييت ويوم قلت لها ليش ماتردين قالت سوري ماما شلت الفون !
مها :اويييه !!!
خالد :وتوة يوم رمستها قالت خالد افهمم انا ماباك مااحبك ! ودرني !
مها : حراام !!
خالد : واحين ماعرف شسوي ؟!
مها : همم تبا رااي ؟!
خالد :هيي ..~
مها : شوف كل شي قسمه ونصيب يمكن انته نصييبك مب معاها خلاص خلها قولها الله يسهل لج دربج والله يهدييج ومع سلامه وسو لها بلوك ودليت وامسح رقمها ولاترد عليها موول ولادق لها وكل ماتذكرها حااول تشغل عمرك بشي يسلييك او شي نسييك لطييفة جيب تنساها =)
خالد : اوكي مييم مشكوورة ^^
مها :العفوو ^^
هني حط خالد البي ام ماله
[ خلااص عاافج الخااطر =) ]
مها قالت له : يلا خالد روح ناام
خالد :اوكي مشكوورة مييم بس عندي طلب صغيير ..؟
مها :شو ؟
خالد :شسمج ؟!
مها : لاا مبقولك
خالد : خلاص برااحتج مابغصبج ^^
مها :يلا بااي
خالد :بااي
طلع خاالد
راح خاالد ونسدح ع الفرااش ..
خالد : خلاص يالطييفة بنسااج وبنسى حبج ! كرهتج ! هييه كرهتج الدنيا مابتووقف من دوونج .. الله يسهل لي دربي =) وتم يفكر فميم
ساعه 11 ونص الظهر
ام خالد : خاالد ,, خلود يلا قووم ! خاااااااالد !
خالد : مييم خليني اناام شوي !
ام خالد : ويدي !! ولدي بلاه ؟!! خلوود ققوووم !
خالد نقز : ها اميه شو تبين ؟!
ام خالد : يلاا قوم اتسبح عشان تروح المسيد تصلي
خالد : انزين
قام خالد راح يتسبح وتلبس ,, لبس كندوورة اقطرية سودة وتعصم بشاال وادخن وتعطر ولبس نظاارة شمسية وطلع من الغرفة
خالد :يالله انا بروح
ام خالد : االله وياك
خالد :تامريني بشيي ؟!
ام خالد :هي سلم ع ميم ^.~
خالد فتح عيونه : من وين تعرفينها ؟!
ام خالد :سمعتك وانته ناايم اتقول ميم وميم منو هااي الي مخبلة فيك ؟!
خالد : هههه لا هي جي ر بيعتي
ام خالد :صدقتك اونه ربيعتي !
خالد :اوييه ! امييه شفيج ؟
ام خالد : طلعت اتحب ها خالد !
خالد :اوييه امييه شكلج خرفتي !! انا بروح يلا مع سلامه
وطلع خالد وراح المسيد وصلى
[ خلوني اعرفكم ع خالد .. خالد ولد عمرة 16 صف اول ثنوي ماشالله عليه مايترك ولا صلاهـ حلييو شعرة طوييل لين رقبتة وشهرة مدرج وناااعم وشعرة اسود خشمة طويل حنطاوي عيونه عسلية طويل شوي معظل لأنه يروح ناادي حديد ]
طلع من المسيد رد البيت شاف امه
امه : ها صليت ؟
خالد :هي الحمدالله
امه : ذاكرت ؟
خالد : لا بذاكر بعدين
امه :بعد الغدى روح وذاكر
خالد : انشالله
امه : انزين قولي منو ميم ؟!
خالد :همم بقولج هاي وحدة حلوة اي حلوة قممر ماشالله عليها
امه :خلاص يوم بتكبر بخطبها لك
خالد :جاان زين :p المهم ابوها مادري كيف بعدها ماقالت لي عنه المهم بغى يبيع اختها الصغييرة
امه : ويدي ! شوها ابو
خالد : وانا رحت وشليت اختها من ابوها ودييتها لأميم
امه :زين سوييت ,, حليلها الميم . انزين شو اسمها ؟
خالد :مادري ماطاعت اتخبرني !!
امه :شكلها بنت عااقلة ومحترمه
خالد : واايد ماشالله عليها خلوقة وجي
امه : من وين عرفتها ؟
خالد :ساالفه طوييلة !
امه : خلاص بعديين قولي
خالد :اوكي انا بطلع وساعه 2 برد
امه :اوكي
خالد طلع راح ومر ع خليفة
خالد : اشرف روح فستفآل
اشرف :اوكي
وراحو فستفال نزل خالد ولحقة خليفة ..~
خليفة :شو تبا تسوي ؟!
خالد :ابا اشترلي كاب وقميص حق البر
خليفة : انا اشتريت
خالد : مالت ولا تقولي !
خليفة :ههه رحت ويا اخوي العود
خالد : انزين قوم اندش هال محل [ مابقول اسمه عشان ماسوي دعااية للمحل :p ]
المهم دخل خالد واشترى له كاب وقميص وطلع وهو كاان يتمشى شاف عقد واايد حلو بغى يشترييه بس ااتذكر ان ماعنده حد يعطيه
خليفة :شو فيك اتشوف العقد ؟!
خالد :اتذكر قبل كنت كل ماشوف شي حلو اشترييه لـ لطييفة احين ماعندي حد اشترله
خليفة : ويا هال لطييفة انساها !!
خالد : هي ماعادت تهمني بس اقولك
خليفة : انزين اشتر لي ^^
خالد : هع هع من زينك هييه بشتري حق الميم !!
خليفة : هيه تعال شحالها ؟!
خالد : مالك خص !
خليفة :انزين هي بوية كيف تباها تلبس جي !
خالد : هيه صح !!!,, همم ماعليك بتلبسة
خليفة :كييف ؟!
خالد: مابقولك
خليفة : حماار !
خالد : جب
ودخل خالد واشترى العقد وطلع وركب السيارة ونزل خليفة بيتهم وعقب رد بيتهم
ام خالد : شو اشتريت ؟!
خالد :اشتريت كاب وقميص حق البر
ام خالد :ليش متى بتروح البر ؟!
خالد :بروح ويا الربع فالويكند الياي
ام خالد:بس مابتبات !
خالد :لييش؟!
ام خالد :بس !
خالد :بلييز !
ام خالد :ماافي !
خالد :افف انزين شوفي حلو ولا؟
ام خالد :هي حلو ! وهال كيس شو في داخله
خالد : همم بقولج بس لاتعصبين !
ام خالد : قول
خالد :اشتريت هدية لـ الميم
ام خالد :ليكون بتشوفها ؟!
خالد :لا شوفي بقولج اوكي
ام خالد :قوول
خالد : هي بوية ! وانا راح اخليها تصير بنوتة ! ف بعد ماتصير بنووتة بعطيها !
ام خالد : تعال انا ابا اعرف انته كيف عرفتها ؟!
خالد قال لأمه السالفه !
ام خالد : صدق ماتستحي ع ويهك تروح واتغاازل بناات الناس ,, انته شو ترظاها ع خواتك ؟!
خالد :لا اكييد !
ام خالد : انننف علييك !
خالد :افاا امييه زين مني اقولج كل شي وانا تبت خلاص مابسوي جي بعد والله
ام خالد :والميم ؟!
خالد :لا هااي غيير
ام خالد :شو غيير هاي بنت نفس كل البنات ؟!!
خالد :لا هااي بوية :p
ام خالد : خالد لاتينني !
خالد :ماما بس ارمس هاي !ومابينا شي بس ربع فرند !
ام خالد : افف كيفك سو الي تبااه !
خالد : زعلتي ؟!
ام خالد :لا
خالد : امييه انا بخليها تصير بنت وبغيرها امي انتي ماتعرفين الميم كيف والله حليلها تكسر خااطري !
ام خالد : انزين روح بدل عشان تتغدى
خالد :اوكي
وراح خالد فوق وبدل وبطل العقد وصورة وعقب صور عمرة ^^
بعدين دش المسن ونزل الصور
دش المسن شاف مها مب داشة قام وبدل ملابسة ونزل
دخل غرفة الطعام :
خالد :سلام عليكم
اسما : خلوود ابا كيمرتك ..~
خالد : ليش وين كيمرج ؟!
اسما : العدسة خربانه
خالد : همم انزين عطيني كيمرتج بروح اعدلها وشلي كيمرتي بس ماتمسحين وللا صوورة !!
اسما : اوكي
خالد : هي ابويه
بو خالد :آمر ؟
خالد :بروح فالويكند ويا الربع البر
بو خالد :اوكي
ام خالد :بس بترد ما بترقد !
خالد :ابووي شوفها !
بو خالد :خلييه ينام هناك !
ام خالد : انا ماستغنى عن ولدي !
خالد : اميي بس يومين !
ام خالد :ولا نص يوم
خالد :ابوي شوها !
بو خالد :خلاص نحن مانعصي كلام الوالدة
خالد :اففف
اسما : كاااك مابتنام
خالد : ماشي كيمرة !
اسما :لا آآسفه والله آآسفه !!
خالد :مااشي
اسما :خلوود لاتذلني !
خالد :مااشي لاتحاولين !
اسما :خلوود بلا مذلة
خالد :قلت ماشي يعني ماشي
اسما :ابووي شوف خالد
بو خالد : خالد عطها
خالد :بعطيها بس استعبط عليها
اسما :ويا هال ويه
خالد : والله البيت ملل جاسم اتزوج وطلع بيت بروحه عليا تزوجت واحين هي فبيت ريلها ! بس انا وهاي الدبة فالبيت مب حلو جي !
اسما : ماما ايبي لنا نونو
خالد : هي والله صج عشاان يوم ادخل الجاامعه يكون عمرة 4 او 3 شي جي اعدله وجي اودييه وياي وعشان البناات ايون عندي :p
ام خالد :مااعليه بخبر عليك الميم
خالد :كح كح كح احمم الحمد الله انا شبعت
وقام وراح غرفتة شاف مها داشه
خالد : هلا والله
مها :اهلين
خالد: شحالج ؟
مها :تمام يو ؟
خالد :تمام ,
مها :دومز
خالد :وين رحتي اليوم ؟
مها :بيت يدووتي وتوني رادة
خالد :اها
مها :وانته ؟
خالد : رحت فستفال اشتريت لي كاب وقميص
مها :اها
خالد : واشتريت شي ابي ارااويج يااهـ
مها :اوكي
وخالد راواها صورة العقد
مها : كششخه ماشالله عليك ذوييق
خالد :ثانكيوو
مها : حق منو هذا ؟
خالد : حق الحب ؟!
مها :لطيفة ؟!
خالد :خسي !! مالت عليها
مها :عيل ؟! مسرع ماحبيت ..~
خالد :لاماحبيت بعدني بس يوم بحب بعطييه حبيبتي
مها :اها ^^
خالد :براويج شكلي ^^
مها :اوكي
وطرش لها صورته
مها اتخبلت
مها اتقول فخاطرها : يااويلي انا ماشالله علييه يخبببل ,,
مها : ماشالله علييك غااوي
خالد : ثاانكس ^^ همم شو سويتي ويا اختج ؟!
مها : ماسويت شي ماعرف كيف ابدى وياها ؟!
خالد : شوفي روحي زقريها ورمسيها بتفااهم وقوليلها ليش جي تسوين وجي ورمسيها ونصحيها
مها: همم اوكي برب بروح ارمسها
خالد :تيت عقب تعالي خبريني شو سويتي
مها :اوكي
راحت مها وزرقت اختها
فالغغرفة :
مها : نورة انا عرفت كل شي ..~
نورة :عرفت يشو ؟!
مها : عن فاارس
نورة بطلت حلجها وعيونها وتمت اتصييح
مها : ليش اتصيحين ؟!
نورة تمت ساكته واتصييح
مها : يعني تعرفين الي سويتي غلط صح .؟
نورة :بس انا احب فارس
مها : همم والولد الي رقمج فستاار بكس بعد تحبينه !؟
نورة :اي ولد ؟!
مها راوتها صورة خالد
نورة بطلت عيونها : كيف عرفتي كل هذا ؟!
مها : نورة لاتتحسبيني غبية او هبلة ..~ ؟ تراني اعرف كل شي !
نورة :كييف ؟1
مها : مب لازم تعرفين واعرف انج رحتي ويا فاارس السينما
نورة : شو ؟! منو قالج جذب !
مها : وعطيتيه بوسه !
نورة بطلت عيوونها : انتي تعرفين فاارس ؟!
مها :لأاا
نورة : عيل كيف عرفتي ؟!
مها:بعد ربج المهم ليش اتسوين كل هذاا ؟!
نورة : بس كيفي انتي بعد جي تسوين ؟!
مها :انا !!
نورة :شوفي لو انتي بووية لو كنتي بنوتة بتسوين مثل ماانا اسوي
مها: انا مب بوية انا جي سبورتية
نورة :شو الفرق بين البووية والسبورتية !؟
مها :في فرق انا بس البس سبورت وجي بس انا مب بوية
نورة : صدقتج ومريم مب حبيبتج ؟!
مها : هيه !
نورة :عيل خلاص انتي تحبين بناات انا احب اولاد !
مها : جبب ! [ وقامت وصفعت نورة ]
ونورة قامت ودزت مها
نورة :ماالج خص فيني !!
مها قاامت وظربت نوورة ظظرب داستها عبطنهاا وكفختها وشو سوت فيها !!
شهد سمعت صريخ راحت فوق وتمت ادق باب مها
شهد : مها ماما فتحي البااب
مها : خليني أأدب هاي عقب بفتح
تمت مها تظربها
نورة خلااص راحت فيها تمت اتصييح واتصييح
مها وقفت تمت تتنفس بصعووبة بطلت درجها طلعت البخاخ مالها خذته عقب ردته ورااحت ووقفت نورة لأنه نورة كانت طايحة ع الأرظ وتصييح وتصاارخ
مها :قوومي !
نورة :بس مها خلاص بس والله اني انظربت ظرب لو اخوي مابيظربني جي
مها : قومي اقولج !!
نورة وهي ميتة صيااح : خلااص انا آسفه مابي تلفون ومابي لاب بس خليني لاتظربيني بس انا شبعت ظرب
مها حظنت نوورة وتمت اتصيح وياها
مها : ليش جي سويتي نحن عطيناج الثقة وانتيجي تسوين ؟!
نورة :انا آسفه والله مابعيدها يوم اسمع بنات المدرسة كيف يرمسون وجي قلت ليش ماجرب ؟1
مها: مب لازم كل شي اتجربينة
نورة :انا آآسفه بليز لاتخبرين ماما ولا خالي
مها : خلاص مابخبر حد بس لو سمعت شي عنج مابرحمج يانورة !
نورة :انشالله مابتسمعين عني شي
مها :انشالله يلا قومي غسلي ويهج
ققامت نورة وغسلت ويها
ومها ردت للمسن
مها : بااك
خالد :ولكم ها شو صار ؟!
مها : ظربتها ظررربب !
خالد :لا ميم مب جي ؟!
مها : لا قالت مابتسوي جي
خالد :اكيد اي بنت جي بتقول .. هي جي بتعااند ومابتتغير
مها :لا بتتغير من طريقة كلامها حسيت انها بتتغير
خالد :انتي بنت ماتعرفين شي ,, ميم حاسبي من اختج !
مها : شسوي ؟!
خالد :لاتعطينها الفوون مول
مها :هي قالت ماابيه
خالد :همم خليه عندج واي شي يصير او شكيتي فشي خبريني أول بأول
مها :بس انا مابرمسك بعد
خالد :شو قصدج ؟!
مها : بسويلك بلوك ودليت
خالد :لييش ؟!
مها :انا احين انصح اختي وجي اي انا واسوي الي تسويه
خالد :بس نحن مابينا شي بس فرند وبالعكس انتي بتفيديني وانا بفيدج
مها :لو عرفو ربيعاتي شو بيقولون عني ؟
خالد : لاتقولين حق حد موول
مها : همم انا بسويلك بلوك واذا بغيت شي بخوز البلوك
خالد :انزين لو انا بغيت شي شسوي ؟!
مها : همم خلاص مابسوي
خالد :ثانكيو ^^
مها :ولكم,, انا بطلع
خالد :لا تمي توة الناس
مها :بروح اذاكر
خالد : اذن العصر ؟
مها :هييه
خالد :اوكي انا بروح اصلي عقب بذااكر
مها :اوكي
خالد :اونتي بعد بتروحين تصلين !!
مها : اوكي
خالد : صليتي الظهر ؟!
مها :لا
خالد :ماشالله عليج ! وجي ماصليتي ؟!
مها : همم كنت نايمة ..!
خالد : امج ماوعتج
مها هني قفطت سكتت [ ترا مها ماتصلي ]
خالد : همم انتي ماتصلين صح ؟!
مها : همم هي >< !
خالد : ومن متى ماتصلين ؟!!
مها : انا مااصلي موول !
خالد :لاوالله :@
مها :شوفيك ؟
خالد :شوفي من يوم وسااير بتصلين كل صلواتج
مها :اوكي بس الفير منو بيقومني ؟!
خالد : همم انا بدق لج وبوعييج المهم بتصليين كل صلوااتج !!
مها :اوكي انته تصلي؟
خالد :اكييد ولا مرة تركت صلاه !
مها : ماشالله عليك من متى وانته جي ؟!
خالد : من يوم كان عمري 11 سنه وانا اصلي كل الصلوات
مها : ماشالله عليك ^^
خالد :انزين يلا قومي توظي وعقب صلي
مها :اوكي باي
خالد :مع السلامه
مها : مع السلامه ><!
وطلعت مها وحتى خالد طلع
مها اتقول فخاطرها : امييه لا قففطه ! بس ماشالله عليه يصلي ومايترك ولا صلاه ..~ ^^
قامت مها وتوظت وصلت وعقب تمت اتذااكر وجان اتشوف رساله من مريم
مريم :
مهووي تولهت علييج متى بي يوم الأحد =(
مها شافت الرساله جان اترد عليها
مها :
مي تو تولهت علييج
مريم ردت عليها :
شوتسوين ؟!
مها :
اذااكر
مريوم :
اوكي سوري خربت عليج
مها :
لاعادي ^^
وعقب مها تمت اتذااكر واتحل واجباتها وعقب نزلت تحت شافت نورة ترمس من تلفون البيت
مها : ترمسين منو ؟!
نورة :عذاري ربيعتي
مها :اها ,, سلمي سلمي
نورة :عذاري مهوي تسلم عليج \\ مهوي عذاري تقولج الله يسلمج
مها : انزين سكرري
نورة :ليش؟
مها : اباج تلعبين وياي
نورة :شو اللعب ؟!
مها :سكري وبقولج
نورة :اقولج عذاري انا بسكر ,, اوكي يلا بااي
وسكرت نورة
و مها يودت ايد نورة وراحت فووق غرفة خالهم سهييل
دخلو شافوه محد شلو كندورة سودة وشال وبزم وطلعوو دخلوو غرفتهم
مها لبست الكندورة ولبست البزم واتعصمت بالشال وجحلت عينها وقالت لنورة تلبس عباية وشيلة وتتعدل من الخااطر
تمو يتعدلون وجي
مها يودت نورة قالت لها
مها : هع اونج احين ربيعتي
نورة :ههه وانتي ربيعي اسمج ميوود
مها :لاااا اسمي خالد
نورة : خالد ماله خص فسمج !
مها :احب هال اسم
نورة :اوكي
وقفو مها يابت كيمرتها نزلو تحت شافو خدامتهم
مها : ستي تعالي
ستي : ها مها شو يبي ؟!
مها : صورينا
ستي : مايعرف
مها :يعلمج , شوفي ها يصور وها يسو ي زوم وجي [[ وتمت اتعلمها ]
مها :عرفتي ؟
ستي :هي
مها :يلا صوري من ورة
[ مها خلت ستي تصورهم من ورة يعني ويهم ماينباان
وعقب خلتها تصور ايدينهم وجي وعقب نورة شلت الكيمرة تمت تصور مها ونورة صورت مها جي من عييوونها ويا العصاامه والصورة الثانية وهي تظحك والكندوورة والصور طررر !
ومها تمت اتصور نورة وهم يتصورون فالصاله شافو خالهم سهيل يدش الصاله
سهيل :ماشالله منو سمح لكم اتشلون اغراظي ؟!!
مها : همم انا
سهيل :لاوالله
مها :والله والله بذمتك مب حلوة :$
سهيل :ههه قمر
مها :طلعني وياك ودني القهوة وجي مابيعرفون اني بنت
سهيل :لاوالله
مها : ههههه هي
سهيل : يلا انثبري مكاانج وردي ملابسي
مها: هه اوكي
راحت مها وعقت الكندورة حطتها فالغسيل وباقي الأشياء ردتهم مكانهم
قامت مها ونزلت الصور ع اللاب بس وبعد ماينبان شي وكانت الصورة واايد حلوة والصورة الثانية الي شفايفها ينبانون عدلت الصورة خلت بس شفايفها والكندوورة ينباانون وكانو الصورة حلوة ^^
دشت المسن حطت اول شي صورة عيونها شافت مريوم وتمت اتقص الصور عشان ويها ماينبان وتحطهم فالمسن ,, صورة عيوونها قصتها وعدلتها خلت عيونها والعصامه داشة
مريوم : فدييتج اتخبلين
مها : احم احم ثانكيو
مريوم : حطي صورة ثانية
مها :اوكي
مها حطت صورة شفايها
مريوم :طرشييها تخببل الصورة !
مها : هه اوكي [ وطرشت لـ مريوم ]
مريوم :بخليها خلفية فوني
مها :بس مب اطرشينها حق حد !
مريوم :اكيد مابطرش حق حد
وجان خالد يرمسها وهو حاط اوف لاين
خالد : قممممممممر !!!
مها : وي انته من متى دااش ؟!!
خالد : من زماان !
مها : وليش حاط اوف لاين
خالد :بس جي
مها خوزت الصورة وحطت صورة ايدها وايد اختها وهم ميودين بعظ
خالد : الصور طرر ,, وليش مقلدتني ؟!!
مها :هههههه
خالد : ويا هال ويه !
مها :ه ههه بس جي
خالد :ملابس اخوج ؟!
مها :لا خالي انا ماعندي اخوان
خالد :اها انتي اكبر وحدة ؟
مها :هي شوف نحن 4 بنات انا واختي نورة وعقب روظة وبعدين فطامي
خالد :اها انزين مها قوليلي شو سالفه ابوج ؟!
مها : همم شو تباني اقولك ؟!
خالد :قولي الي فخاطرج
مها : الساالفه طوييييلة
خالد :اتصل فيج ؟
مها :لا ..~
خالد :اوكي قوليلي ع المسن
مها : ماعرف من وين ابدا السالفه طويلة
خالد : همم انا بدق لج وبتقوليلي
مها :لا لادق !!
خالد : اذن العشا !! انا بروح المسيد بصلي وانتي بعد روحي صلي ويوم بطلع من المسيد بتصلبج وبتقوليلي يلا باي
وطلع
مها : اوييه !! ها خبلة يتصل !!
مها قامت وراحت تصلي وهي تصلي دخلت امها
ويوم خلصت مها شافت امها وراها
شهد ابتسمت : سوي الي تبيينه بس صلاتج لاتتركيينها !
مها : انشالله
طلعت شهد ومها شلت فونها وسماعه فونها ونزلت تحت فالحووي صوب الحديقة يلست ع المريحانه وجان فونها يرن وكان خالد
مها : الو
خالد :الو
مها تمت سااكته
خالد :شحالج ؟
مها ساكته
خالد :تستحين ؟!
مها بعد ساكته
خالد :ههههه يلا رمسي
تمت مها ساكته خمس دقايق بعدين رمست
خالد :اسكر ؟
مها : كيفك
خالد : مابغيتي ترمسين
مها :ههه
خالد : عساها دوم هال ظحكه
مها :ثانكس
خالد :انزين يلا قوليلي
مها : همم شو تباني اقول ؟1
خالد : همم من اول شي لين آآخر شي
مها :اوكي شوف انا من راس الخييمه اوكي كنت عايشة هناك بس ابوي ماكان يهتم فينا وجي المهم كنا نستحمل ف يوم من الأيام انا كنت مرييظة كانت حرارتي 41 وماكان عنا دريول وابوي يطلع من صباح الله خير ومايرد الآ نص الليل قول ساعه 3 او 4 يسهر ويا ربع وي البيت سكراان ! فـ أمي طلعت فشارع قالت بتوقف تكسي وجان اتشوف عمي عمران
خالد :هو اخو ابوج ؟!
مها : لاا هذا انا ازقرة عممي لأني احترمة هذا يصير لنا جيرانا بيته لاصق فبيتنا وامه ربيعه ماما فـ شافها قالت بوصلج امي قالت اوكي لانها كانت واايد خايفة علي صح مايجوز تركب ويااه بس خالد امي كانت اتصييح من الخووف انا كانت حرراارتي 41 يعني عادي امووت وانا روحي فياا ربو ومااكنت اروم اتنفس ! فامي يت تركب ورا شاافت وااايد اغرااظ فماعندها غير تركب جدام حذاله ركبتني وعقب هي ركبت وهي قاعده تركب ربيع ابوي شافها وقال حق ابوي ان حرمتك طالعه ويا واحد ربيع ابوي ماشافني وانا اركب بس شاف ماما ف ابوي راح البيت وتم هناك يتريا امي عشان يظربها هو اصلا دوم يظربها وهو سكران انزين ف هو كان يايب صييخ وحاطنه ع الناار عشان يوم اتي امي يحرقها نحن رحنا المستشفى و جي يعطوني ادوية وتميت هنااك لين مانزلو حرارتي وصارت حرارتي 39 قالو حق امي وديها البيت و باجر ايبيها امي قالت اوكي انزين ف ردينا البيت وابووي كان سكراان حدة انا اول شي نزلت دخلت دااخل ابوي ماشافني لأنه كان فالمطبخ يحر الصيخ دخلت غرفتي ونمت وامي عقب دخلت وابوي شافها وتم يظربها وعقب حرقها !!
وتمت مهاا تصييييييييييييح
خالد :بس ميم
مها : خاالد امي كاانت واايد تتعذب !!
خالد :خلااص لاتصيحين مسحي دمووعج
مها : انا السبب ,, انا الي خليتها تحترق
خالد : انا آسف لأاني خليتج تذكرين المااظي
مها :عادي انا اصلا دوم اتذكر
خالد : انزين مسحي دموعج
مها :بكمل
خالد :لا خلاص كفاية
مها :لا ابي اطلع كل الي فخااطري
خالد :اوكي بس بدوون صياح !
مها :اوكي ,, ف حرقها وجي وامي كانت حاامل وهي ماتعرف فدااس ع بطنها واغمى عليها وانا يوم شفت هذا كله طلعت ورحت بيت عمي عمران وكنت اصيح واقوله امي مااتت على طول يه بيتنه وزقر حرمته شلوا أمي و ودوها السيارة وراحو المستشفى وانا كنت فالبيت مع خواتي انا كاان عمري 11 تميت ويا خوااتي وجي واختي فطامي كانت صغيرة بعدها انزين عقب نمت وانا اصييح قمت عصراخ ابووي وهو سكران ! انا ولا مرة شفته وهو صااحي كله سكراان ,, انزين تم يقول وين امكم ومادري شو ويسبها واناكنت قافله ع عمرنا الباب وهو يدق البااب عقب راح وانا بطلت الباب يبت لنا اكل دخلت الغرفة وقفلت الباب اكلت خواتي وانا كليت بعدين يت عمو مرت عمي عمران شلتنا ودتنا المستشفى عند امنا ,, قلت لأمي شوفيج قالت خلاص مابروم ايب عياال بعد !! وكانت تصييح وانا حظنتها قلت خلاص بعد ما امي قامت بالسلامه امي رفعت ع ابوي قظية [ قظية خلع ] المهم امي عقد حالها ماعندها وايد فلوس وابووي عنده ف امي مارامت توفر لها محاامي وابوي ياب ميت الف محامي المهم ابوي فاز بالقظية ابوي قال لأمي روحي عيشي عند هلج فدبي وشلي عيالج بس مابطلقج امي وافقت و نحن رحنا وعشنا فبيت يدوتي وامي اشتغلت وكملت دراستها كانت تكمل ثنوية عاامه نجحت وعقب راحت ودرست فالجامعه ولين احين تردس باقيليها سنتين وبتتخرج وبتصير مدييرة بنك انزين ف وهي تشتغل جمعت فلوسها وجي وبنت هال بيت الي نحن ساكنين فيه ونحن هاي اول سنه نسكن فيه وخالي سهيل فديته قال بيسكن ويانه لأنه ماعنه ريال وهاي حياتي ..~!
خالد : حليلج يااليت كل خذا فيني ولا فيج
مها :لاتقول جي
فجأه يت نورة وكانت تزقر مها
نورة : مهاا مهووي تعالي عشاا
مها :اوكي احين بي
خالد : خلاص مها روحي كلي
مها : كيف عرفت اسمي ؟!!
خالد :توة سمعت اختج تزقرج
مها :الله يغربلها !
خالد : لا حراام
مها : اوكي انا بسكر
خالد : اوكي وديري بالج ع عمرج ويووم بتخلصيين دقيلي بعدني ماخلصت
مها :ليش في شي ؟!
خالد :هي
مها :شو ؟
خالد :يوم بتخلصين بقولج ..
مها :اوكي
قامت مها تعشت عقب ردت للحديقة ودقت لـ خالد ..
مها :الو
خالد :هلا واللهـ ~~
مها : كمل
خالد :اوكي انتي احين همم ليش بوية ؟!
مها : همم لانه انا الكبيرة من بين خواتي ونحن ماعنا اخو فـ انا بكون بمثابت اخوهم العوود عشان مايسون مثل مانورة سوت
خالد : انزين ليش ماتصيرين بنت واتشوفين خواتج ؟!
مها :ماعرف
خالد : يعني انتي بتمين بوية لين متى ؟!
مها : مادري
خالد : مها مب زين تعرفين ان الله بيلعنج !
مها :همم
خالد : مها انتي الله خلقج بنت مب ولد !
مها :اعرف
خالد :عيل ليش تتشبهين بالأولاد ؟!!
مها : خالد بس خلااص !
خالد :مب بس خلاص !
مها تمت اتصييح : شو تباا مني !!خلني فحاالي
خالد : مابخليج !
مها :حراام عليك كفاية الي فية
خالد :خلاص مهووي مسحي دمووعج اليوم وايد صحتي
مها : خلني فحاالي
خالد :بخليج بس بشرط !
مها :شو
خالد : تتغيرين !
مها :انزين انا جي مرتااحه !
خالد :جذاابة !
مها اتقول فخاطرها : هذا كيف يعرف !!
خالد : مها انا احين بسكر بروح ايلس ويا الأأهل وعقب برمسج
مها :انا بناام
خالد :خلاص اوكي برمسج بااجر
مها : اوكي
خالد : انا آسف اذا ظايقتج
مها :لا عادي
خالد : مع سلامه
مها :باي
خالد :احمم قولي مع السلامه
مها : ههه مع سلامه
خالد :شفتي مطوع مغازلجي :p
مها :قبل بس احين لا!
خالد :ههه صح يلا مع سلامه
مها :مع سلامه
وسكروو
مها راحت فوق وحظنت المخده وتم تفكر فخالد وعقب ناامت وقامت الصبح وتلبست وراحت المدرسة ويوم ردت
مها دشت غرفتها وشافت فونها لقت رساله من خالد بس في حد قارنها خاافت !!
ورساله كانت ..
صبآآح الخير مهووي ^__^ ادري انج فالمدرسة انا غايب :p حليلي مرييظ =( يوم بترديين دقيلي اوكي ^.~ ببآآي
مها خاافت : اوييه منو قرة المسج !!
[ ≈ ڪُل مَ هو مخآلفَ لِ قوآنين بنآت . ڪوم ، ينقلَ لِ هناِ ! ]
منذ /01-02-2009, 01:21 PM
| مبدعة الردود 
