● ● ● ● / مقتبسات ,

[@ المها @]

..... صار ياكِلْهَا بشر ! .....

قصتي قِصَه مُفيـده وقِلتْ : أكتبْهَا بسطور
ويا عسى مِن كانْ يقرى مِنَّهَا .. ياخِذ عِبَر

مغفره وذنوب , والساعه بلا تُوبَـه تدور
السنه صَارتْ سَريعه حِيلْ , وأحْسِبْهَا شهر

عِذتْ أنا مِنْ شَرْ خَناسٍ يوسْوسْ بالصدور
وما بكيت إلا لوجــه اللــه في ليلة قدر

تِختصر مَعنى حياتِكْ كيف تبني لِكْ قصور!
أحْتِــــرم رايك ..
وهذي تُعتبَــر
..... ( وجهَــة نظر ) !

زين طيِّب .. دام تِدري إنَّ لِكْ رَبٌ غفور
ليه ما صَلِّيتْ لَجله وما رفعت إيدك شكر!؟

حَدِّث العاقِلْ بمَا يُعقَل ..وفي قلبٍ جَسُور
وإنْ خطيت بحق غيرك روح قدِّم له عذر

رافِقْ الشخص المِثالي اللَّي لو تخطي / يثور
وإن سِمَعت إسْمَعْ مِنْ اللِّي تِلقى في صَمته " دُرر "

وقبل تِسأل عَنْ حياتي وكِيف وجهي شَع نور
خلْ كلامي لِكْ وصيَّه وخلْ بعد عِندكْ خبر

ما نالْ في الدنيا أحَدْ يا سَائلي غير (الصبور)
والدليل إنِّي صِبرتْ .. وكانت أيامــي تمر

لا تقول: الحَلْ إنِّكْ تِلقَى لِكْ,عاشِقْ غَيور
إنْ حَبِّتِكْ عِينه ترى ..
ما حَبِّتِكْ
........ عِين الدهر !!

مِثلِكْ أوَّلْ كان حَالي وضِيقتي ونفس الشعور
كِنت أقول : شمعنى قلبي في مشاريعَه خسر

ما دريت إنَّ الغِيابْ أحيَان أفضَلْ .. مِنْ حضور
لِين شِفت " الشمس " تشرق بعد ما يغيب ( القمر )

وما دريت إنَّ التواضُع كنز / ومَكرُوه الغرور
لِين شِفت إنَّ الغِنى .. في الآخِرَه مِثل الفقر !!

كِنتْ غـافِلْ في حياتي وكِنتْ أجْهَلْهَا الأمور
لِينْ ربِّي له هدَاني .. وصِرتْ أدَوِّر لِي أجر

لا تقول: أعيش يُومي دامي في عمر الزهور
منت ضامِنْ عُمركْ الباقي .. وقَطَّافْ الزهَر

قبل لا تبدي الخطِيئه وتبْنِي لِذنوبك جسور
خافْ مِنْ ربِّكْ وفكِّـر في وعَد يُوم الحشر

مَهْمَا كِنت إنسَان " راقي " وتعشِق أنواع البخور
التراب اللَّي يضمك بعد مُوتك
........ والقبر !!

ياما قالوا الناس : خايف
وقلت : ما فيني قصور
بَسْ شِفتْ إنَّ الشَّجَاعَه مَعنى ثاني للخطر

إيهـ خافْ وكُونْ سَالِم دام هالدنيا بحور !
والبحر مَهْمَا وفالِكْ طبعَـه ( غدار ) البحر

وللشجر إن شفت هامه هذا مِنْ طيب الجذور
يعني أعمالك جذورك هذي هـي بالمختصر

القضيه: ما هِـي شخصٍ خالِفَـه شِرطي المرور
البشر في الدنيا هذي . . . صَار , ياكِلْهَا بشر !

أحمد الصانع !

[@ المها @]

إجلس بـ قلبي حبيبي ، ماعليك .
وأي شخص يضايقك فيه ؟ إطرده !

أفقدك لو غبت لحظه وأحتريك ،
وغيرك يغيب ( العمر ) ما أفقده .

ما لِمَح قلبي السعاده ... إلا فيك ،
موت حزني " إنت " سبّة مولده !

إنثر الأشعار كلها بين إيديك ،
وفي لسانك خل تذوب المُفرده .

أوعدك تلقاني جنبك و { أحتويك } !
يوم غيرك كان حلمه ... أوعده ،

إيه أغار وما أبي غيري يجيك .!
حتى [ ظلّك ] لو أطوله .. ببعده !

قلبي مثل المملكه وإنت ( المليك ) ،
يعني قلبك واجب إنّي أسعده ..

ما أبيك تروح عنّي ، بس أبيك :
تقرا أوّل بيت وإفهَم ... مقصده .!







* من روآئع : أحمد الصآنع

[sweetbutterfly]

يا احلى من كل هالبشر يا احلى من احلى ملاك
ترتوي الروح بحنانج وتنتعش روحي بهواج
عمري الباجي حلالج وعمري وقلبي فداج
عمري الباجي حلالج وعمري وقلبي فداج


* للعضوهـ آلمتـآلقهـ { خليجية بحرينية }

[عَ ـــبرآت]

ودي افضفض
وأفض الهم من قلبي ..
وأكسر هوى روح تروح معك لارحت !
ودي أصد لاشفت طيفك صد وأقفى !
ودي أبعد مثل ما انت تبعد وأنت قربي !
ودي لاجبت طاري المحبه أقول "كنت "
يمكن أصير اقرب بعيد فارقك بالحسنى !
أيه "ودي"ولكن ماهان حبي ولاهنت!
مازال قلبي شايلن صادق الود معنى !
0

منقووولة من :‘я š н

[أسِيفْ]

وش تغيّر .. من عرفتك و أنت غير
مآ قدرت ألقى شبيهك في البشر
تقطع آمآلي و ترجع تستخير
ثمّ ترجع لي بالآدهى و الآمَرْ
مآ تحس ولأ تحرّك لك ضمير
و أنت شآيفني بعينيك آحتضر !!
الهوى مآهو مرَض لكن خطير
و الجفآ بعد الوصآل أكبر خطر






* جنون العاطفة

[saronah]

‘،

كثيرون هم الذين نلتقي بهم فيذهبون ..
وقليلون هم الذين يحتكيرون الجلوس على ناصية القلب

" احتراماً وحباً "
ثقي بأنك من القليلين •'.'•

[ليـا آ ن*]

ڪـآنت ذڪرى..
.......................عـآشتْ
..................................بقيتْ
..........................................ظلتْ
بينْ جدرآنِ قلبي تنتظرُ فجوةَ لـِ إلخروجْ
لتحڪي لهمْ..
....................عنْ شوقٍ ڪـآنَ يُرـآودنيِ!
................................................عنْ أملٍ يحبسُ أنفـآسـﮧ دآخلي~
ولڪنْ..حتي وإنْ علموـآ
أوڪـآنوآ مُصدقيْ..!
أوڪـآنوآ مُصدقيْ..!
أوڪـآنوآ مُصدقيْ..!

- لسندس ( كآتلين ) ~

[حنـون]

ودي اموت اليوم واع ـيش ؛
بآكر واشوف منهو بع ـد موتي فقدني !
ومنهو ح ـملني لين ذيك المقابر !!
واشكر آنا كل من كرمني ودفني ..
وبشوف يرثيني انا كم شاع ـر ~
ومنهو تركني وماكتب شي ع ـني =(
شخ ـصٍ يمثل دمعـته ماهو قادر ,,
وشخصٍ تطيح ادموع ـه كل ما ذكرني ..
ومنهو من اهلي بالع ـزآء كاآن ح ـاضر !
ومنهو دع ـى لي في صلاته ورح ـمني ~ّ
ومنهو يرتب غ ـرفتي والدفآتر
وان شآف صوره لي صآح وح ـضني (F)
يالله ما توفى كل المشآع ـر .,
يالله ع ـسى ما ينصدم يوم ضني !

[. أُرْجُوَآنْ .]

.
.




النص / حالة تجرد / فلسفه حرة
محاولة للتوحد والخصوصية


علاقتي فيه : حب ومن طرف واحد
نزعاتها تفتقد نزعه ثنائيه


كريم .. واكراما ً لجيته في بالي
ذبحت له منهج ومطلع وقافيه


وعزمت .. ما لا كتبته من قناعاتي
وما تيسر من احرفنا الهجائية


يا ضيفي المتعب من الضوء والشهرة
الليلة انسى معايير النجومية


خذ راحتك واترك احساسي ورى ظهرك
شاعرك مستاء و افكاره جنونية


يؤمن باشياء : ما يقدر يفسرها
ويكفر باشياء : جبرية وحتمية


الكون في نظرته من شرقه لغربه
كل شي في داخله مسلوب حرية


الروح مسجونة فجسم البني ادم
والآدمي منسجن في كوره ارضية


وبالرغم من كبر حجم الكوكب المائي
الارض مسجونة بقبة سماوية


لذا يكون الخضوع احيان بالفطرة
تحت أسس واضحة لاحكام كونية


والدين في نظرته مـن وحيه لفقهه
أسمى رتب الاحتياجات الغريزية


تاكيد لا منطقي الفكر بالمنطق
وتجسيد الاعجاز في فكرة بديهية


اعطاء الانسان معنى انسان فعليا
احساسه بقيمة العيش بشمولية


لذا يكون الرقي في أعظم احواله
تعــلق الذات بالذات الإلهية


والحكم في نظرته من عدله لظلمه
تصحيح الاخطاء في صوره ضبابية


تصريح بأن الحياة المقبله اجمل
وتوضيح معنى الفخامة والرفاهية


وفساد الارض وخضوع الحق للباطل
الحاصل من الصراعات السياسية


لذا تكون الدول في العالم الثالث
هيئة لتنفيع مجموعة حرامية


والشعب في نظرته من بعضه لكله
الركض خلف التفاهات الكمالية


تكريس الاذهان في ما لا ينميها
برنامج , مسابقة , جلسة رياضية


اهم شي العقول تكون مشغولة
باشياء لايمكن تسمى مصيرية


لذا تكون الشعوب اجساد تتكاثر
وتمارس الدجـه بصورة جماعية


والمجتمع مسرحية والبطل فيها
افضل ممثل لتمثيل المثالية


والانتماءات للاحزاب والمذهب
ماهي بمحصورة بموطن وجنسية


تشـل جسم البلد وتشتت الوحدة
تزرع تفرق وتجني حرب اهلية


والناس فـالناس مدري ويش مشغلها ؟
حسبي على نزعة النفس الانانية


تخلي الادمي مشغول في ربعه
عين فبني عمه وعين فبني خيه


عنده حساسية من الناجح الاقرب
والقرب لا زاد تزداد الحساسية


ولو انه مراقب اوضاعه ومصلحها
كان العلاقات بالغالب حميمية


والرجل لابد يصنع نفسه بنفسه
ويجابه المستحيلات بعصامية


تحفظ قياسية الارقام وتسجل
من اجل تحطيم الارقام القياسية


وتعامل الشخص مع غيره يبين لك
مقدار مافيه من ازمات نفسية


والرحمة اصدق مشاعرنا واروعها
لله در التواضع والمحنية


وممارسة قوة السلطة على ضعيف
ردة فعل ناتجة عن ضعف شخصية


على التناقض تعيش العالم وتحيا
بـعقول وحدة وبافكار انتقائية


ولاهو ضروري طبايعهم تفرقهم
الاختلافات احيانا ضرورية


مايجذب الموجب الا روعة السالب
والضد بالضد قمة بـالرومنسيه


خذني مَثَل حي رغم اعجابي بنفسي
وتقديري لكل طبع وخصلة فيـه


عمري ماحبيت وحدة طبعها طبعي
انـا حياوي ولا احب الحياويه


اسرفت واعذرني ليا اسرفت يا ضيفي
الليلة زيارتك ماهي بـعادية


ليا متى والشعر مايشبه الشاعر
وعلاقته فيه محدودة ورسمية


لكن خلاصة حديث المدرك الهايم
في وادي افكاره الغر الفجائية


لو كل ماساد بين الناس مقنعنا
ماعاش الابداع فارض الاتباعية


مع وافر الكره والتحقير والضيقه
سحقاً لكل السخافات الوراثيه

للمبدع ؛ محمد جآرالله السهلي



.
.


شكرًا ل المسآحة ! ()

[الجوري وبس]

ظهيرة اثمة
.
.
.

وشتاء لايخون
يارب المتعبين والبرد

JIJiiiJI
( ! حفيد الغيْم