(( روحــــي فــــداك )) قصة حب كويتية..من تأليفي...

[حبر الليل]

ويييييييييييييييييييييييييينك

[حبر وردي]

هووووب طال إنتظاري
---------------------
--------------------
-----------------

[هدباء]

هلاااااا و الله فيكم السمووووحة منكن على التأخير

بس الحمدالله كملت الجزء و جيتكم أول بأول أنزله لكم

أتمنى و رجاي من كل قلبي يعجبكم

و يلا ما رح أتأخر عليكم وااايد أتركم مع الجزء و الأحداث

تــــــــــــــــــــــــــــابـــــــــــــــــــ ــــــــع

[هدباء]

..".. الجزء الثامن.."..

ألم يجتاح ناصر من كثر الحالة إلي أصبح فيها من صبح هليوم و أهو ما توقع يكون بهلحال بسبب أنه رح يخبر أخوه أبو وليد بسفر جاسم تم بالسيارة يدور بشوارع الكويت و تايه لاهو عارف وين يرسي و لا وين يستقر تم تايه بالشوارع و باله إلي كل ما يتذكر كلمة أبو وليد تغرق أعيونه بدموع إلي يسجبها من حرارة قلب..تنهد بقوة و لتفت لتلفون عشان يلاقي أشارة من التلفون أكو أحد يتصل فيه ترك التلفون و ما رد عليه حالته ما كانت تسمح له يرد على أحد الدنيا بهذي ألحظة ذاقت بعيون ناصر و حس حاله منهار و تعبان يبي من يضمه و يحسسه بالأمان بالدفى براحة البال يبي من يزيح عنه هلهموم إلي من صغره عاشها وهو متحمل ثقلها على قلبه..رجع التلفون يرن و يعكر صفو مزاج ناصر اكثر ماهو معكر و مزعووج مسح ادموعه و زفر بقوة و رفع التلفون...

ناصر بصوت مخنوق:_ الو.

زياد إلي كان على الخط الثاني:_ هلا عمي شلونك وينك صحيت بالمزرعة ما لقيتك قلت يمكن نزلت تحت عند اسطبل الفروس دورت عليك بالمزرعة كلها ما لقيتك ابي نتفق على وقت نروح لعمي ابو وليد نخبره بسفر جاسم.

ناصر بصوت منخفض:_ ما يحتاج نتفق أنا طلعت من المزرعة مباشرة لبيت ابو وليد و خبرتهم كلهم.

زياد:_ صج و الله شصار بيوم عرف عمي و الكل بسفر جاسم.

ناصر:_ زياد ما اقعدر اكلمك الحين اتصل فيك غير وقت و اخبرك بكل شي.

زياد:_ لحضة عمي بلاه صوتك اشفيك شصاير.

ناصر:_ سلامتك ماكو شي صاير مثل ما قلت لك الحين ما اقدر اكلمك اتصل فيك بوقت ثاني.

زياد:_ أن شاء الله تحمل بحالك.

ناصر:_ من عيوني و انت أكثر.

زياد:_ حاضرييين.

ناصر:_ في أمان الله.

زياد:_ في حفظه و رعايته.

سكر ناصر و زياد من صوب إلي أنشغل باله بلاه عمي أكيد صاير شي ما أصدق خبر عمي ابو وليد و ما صار شي سفرة جاسم هذي متأكد بتخلق أكبر زوبعة بس ان شاء الله تجي العواقب سليمة يارب!..

.................................................. ........................................

ناصر إلي تنرفز من اتهف الأشياء قاعد يمر فيها بالوقت الحالي و أنزعج من دوارته بهشوارع من دون هدف تم يمشي و لا عارف مرساه ليمى أخذه القدر إلى الطريق إلي يقسم بين طريج المزرعة و الطريق العام لفة وحدة من دون تفكير اخذ جهة المزرعة و راح لطريجه للمزرعة ما طول بالطريج لأنه عاش حالة عصبية بسيطة إلي تركته يسرع بسيارة أكثر من 100 و بدة يكثر من السرعة لحين.......".......أصطدم بأحدى السيارات الناقلات للبضائع لمحلات تجارية بحيث سيارة ناصر إلي كان حجمها باين صغرها حذال نقالة البضاءع و دخلت نص يارة ناصر تحت الناقلة و تكسرت و كل شي بدء يعلن الحريق في منطقة الأحتكاك بين سيارة ناصر و ناقلة البضائع...السيارة إلي كانت ورة سيارة ناصر كان سايقها فهد أخو هناء رفيجة ريم بيوم لقى الحادث وقف بسرعته و راح لمكان الحادث يبي ينقذ من كان بسيارة ناصر لكن لقى حالت ناصر اشبه بالميت راسه إلي صطدم بالزجاج الامامي لسيارة و الجروح تعلن نزيف الدم بثوران و رجليه إلي ما يبانون و جسمه إلي كان بين ظغط أجزاء السيارة بسرعة كبيرة رفع تلفونه فهد و دق على رقم الاسعاف قسم الطوارء و من جهة ثانية صاحب ناقلة البضائع نزل و دق على قسم الطوارء عند مركز الأطفاء للحرائق... لوين ما وصل الأسعاف و رجال الأطفاء كان الرياييل متجمعين بشكل يلفت الأنتباه...

وين ما كان الحادث على الطريج العام إلى المزرعة مر محمد ولد أبو وليد على طريج المزرعة متجه للمزرعة كان متوقع يلاقي عمه بالمزرعة ويمكن يهديه ويهدي الأمور لفته منظر الحادث لكن الحظ ما تركه يشوف السيارة إلي أصطدمة بالناقلة و مر من دون ما يروح يشوف شصاير...

فهد من صوب ثاني تم مع ناصر إلي ما كان يعرفه ليمى اسعفوه بالأسعاف و لحقهم فهد بسيارته إلى المستشفى التخصصي إلي فهد خذة ناصر له على أحساب تكلفته أهو....ناصر إلي كانت حالته أصعب الحالات فبيوم قدرو يخرجونه من السيارة رجليه إلي كانوا تحت وصل لهم حريق بعض أجزاء السيارة و تشوهو بشكل فضيييع المنظر غير الجروح إلي بدو يعالجونها كعلاج مؤقت في الأسعاف ليمى يوصلون المستشفى...

بعد ربع ساعة بظبط قدرو الاسعاف يوصلون بسرعة القصوى إلى المستشفى و أخذو ناصر باسرع ما يمكن إلى غرفة العمليات و الحروق و الجروح و كل إلي صابه ملابسه كانت غرقانة بالدم إلي نزف منه لكنهم لقو بجيبه بالبنطلون الجينز بالكويه تبعه فطلعت به النرس إلي فهد إلي كان واقف بكل توتره بأحدى الممرات إلي نهايتها باب غرفة العمليات إلي أدخلو منها ناصر قبل أشوي كان واقف بتوتره وهو على أعصابه بثوران و يدعي ربه أن ما كو إلة الخير بس إلي حز في قلبه و ترك الدمعة تتغلغل بعينه حالت ناصر بيوم شافه بالسيارة و بيوم أخرجوه من السيارة كانت حالته مأساوية و إلي يناظره يقول هذا انسان فقد الحيات و ترك كل من يعزهم على هدنيا و الأرض إلي تحمل رياح الكون كله....

(( النرس إلي كانت خليجية ))

النرس:_ لو سمحت أخوي.

فهد وهو يلتفت لها وشعره الطويل الناعم متهادل على جبينه:_ هلا خير بشري شحالته الحين.

النرس ببتسامة هادئة و تجذب البرود لكل من يناظرها:_ تطمن حالياً ما أقدر اعطيك أي معلومة عن حالت المريض لأنه بغرفة العمليات ورح يسوون الازم إلى حالته و أوعدك بنبذل أقصى جهدنا و الباقي على رب العالمين بس لقينا هلوبكيه بهدومه.

فهد يمد يده وياخذه من النرس:_ أهااا مشكورة ما تقصرين بس تكفين أي شي في تطور في حالته أو أي شي تخبريني.

النرس:_ أن شاء الله لا تحاتي كل شي رح يصير نخبرك أول بأول.

ابتسم فهد بوسط حالته القلقة و المتوترة و البرود إلي كان يطغي عليه بعد ما تركته النرس فتح البوكيه و لقى بطاقته الشخصية تبع ناصر كان مكتوب أسمه و انصدم بأن لقب عايلته بن فارس معقولة يكون من نفس عايلة رفيجة هناء ريم..تم يفتش على رقم يمكن يلاقي رقم عشان يدق على أهله ويخبرهم..

بعد دقائق بسيطة مرة أوصله فهد تلفون ناصر إلي كان بهدومه و لقى بعض الأرقام لكنه دق على أخر رقم إلي جاه أتصال منه كان رقم زياد...

وين ما كان زياد مع مروة و ملاك بصالة الارضية الواسعة تبع بيت أبو مشعل..

زياد:_ هيء هيء وايد نكتيني أقووووول ملاكوه فجيها و سكري موضوعج.

مروة:_ وااااااااااااااااي يستحي زيووووووووود تعال تعال محد غير جسوم ولد عمي معلمك المستحى هذا أحين انت ريال طول و عرض تخجل بيوم قلنا لك امتى بتتزوج لالا صراحة طحت من عيني.

زياد:_ و عسا عينج البط يا ربي... ويقطع كلامه تلفونه إلي رن...

ملاك:_ طالع هذا بزنز مان ما يقعد ثانية و إلة تلفونه رن أخاف أنت أولمرت و حنا ما ندري.

مروة:_ هههههههههه حلوة هذي لالا خليها هتلر هههههههه.

ملاك:_ يا الدبة هتلر مات منتحر مع حبيبته هلخايس ما عنده حبيبة.

زياد:_ لا و الله عاطيكم ويه وااايد اليوم انجلعو أقول.

و قام عنهم زياد و فتح التلفون وهو يطلع برع بالحديقة تبع بيتهم.

زياد:_ الو.

فهد من صوب ثاني:_ السلام عليكم.

زياد إلي تفجأ من إلي داق و من رقم عمه لأنة هذا مب صوت عمه..

زياد:_ و عليكم السلام منو معاي لو سمحت.

فهد:_ لو سمحت أخوي تعرف واحد يقرب لك أسمه ناصر بن فارس.

زياد بستعجاب:_ أيه هذا عمي ليش من أنت.

فهد:_ أهااا دامك ولد اخوه سهلت علي المسألة بس بصراحة و للأسف أني رح أقول لك عمك ناصر صابه حادث و حالياً أهو بالمستشفى التخصصي و أخذوه على غرفة العمليات.

زياد إلي جاه الخبر مثل الصاقعة أو الصدمة أو كف قاعد يوعيه من إلي أهو عايشه و شهق بصوته:_ عمي سوة حااااااااااااادث.

فهد:_ يا خوي هدي بالك و لا تحاتي أنا أقول تعال المستشفى الحين و بتعرف كل شي بس تكفى لا تخبر أحد من الأهل إلة بعد ما يستقر الوضع.

زياد وهو مب عارف شيسوي يصدق هلكلام او يجذبه لكنه رجع للواقع و إلى الكلام إلي لازم و مجبر أنه يقتنع فيه بأنة ناصر صابه حادث...

زياد:_ بأي مستشفى خذيتوه.

فهد:_ المستشفى التخصصي.

زياد:_ أوكي ثواني و أكون موجود.

فهد:_ أوكي.

زياد:_ في أمان الله.

فهد:_ في حفظه و رعايته.

سكر زياد و التوتر و الارتباك يتخلل جسمه تاه مب عارف شيسوي و بسرعة ركب سيارته و أتجه للمستشفى....

فهد من صوب أسترخى على أحدى الكراسي و تم ساند راسه ويناظر بالمكان و باله كل ما يتذكر ناصر يحز في قلبه أكثر....

.................................................. .........................................

محمد إلي وصل المزرعة و لقى ماكو أحد بالمزرعة تفاجأ عيل وين راح عمي ناصر غير المزرعة مارح يروح معقولة راح البيت(( بيت ابو طلال )) ما أعتقد.. زفر بقوة وهو يردد هلكلام على لسانه:_ شمقعدني أهني خلني أروح بيت عمي و اشوف السالفة شصاير..ما عطل محمد و ركب سيارته و طلع من المزرعة متجه إلى بيت عمه أبو طلال....

وين ما كانت ريم إلي كانت حذال دريشة غرفتها الواسعة إلي تطل على الشارع العام تناظر الدنيا بعز الظهر و أهي بالها إلي منزعجة منه لكثر تفكيره بسالفة زواجها من جاسم وقفت على رجلها و أهي تقول:_ بلاج يا ريم جاسم مب رايدج ليش تفكرين فيه حتى لو تزوجج رح يكون مجبور فيج تركيه و لا تفكرين فيه فكري بحياتج و مستقبلج و تركي موضوع الزواج من جاسم أخر شي تفكرين فيه...قطع على كلامها الاتصال إلي وصلها على تلفونها و راحت له وين ما أهو موجود و رفعته...

ريم بصوتها الناعم و كان خصلات من شعرها متهادلين على جبينها:_ ألو.

مروة إلي كانت على الخط الثاني:_ هلا ريمااااااان.

ريم بوناسة يا كثر وحشتها لبنات عمها:_ هلاااااااااا مرااااااااوي شلونج يالقاطعة جذي لا حس لا خبر لا نشوفكم وينكم شمسوين شخباركم.

مروة:_ زين زين دبحتيني صج لين قالو تربايت عايلة بن فارس.

ملاك إلي كانت حذالها تدزها:_ و النعم لا تغلطين لا بكف على ويهج.

مروة تبعد السماعة و تكلم ملاك:_ جب لا اسنعج قومي زين زهبي الغدى مع الوالدة خلج من سوالف البنات يا العيوووووووز.

ملاك:_ عيووووووووز في عينك يا الخايسة.

ريم إلي بدت تضحك على هواش ملاك و مروة...

مروة:_ وخري عني.

ملاك:_ يالخايسة عطلتي البنت على الخط صج لين قالو ما عندج سنع بالمولية.

مروة:_ مو شغلج دلفي( ترجع مروة إلى ريم).. هلا ريم سوري هذي ملاكوه تعرفين لقافتها.

ملاك إلي كانت تتوعد في مروة على هلكلام و مروة عاطتها الاذون الصمخة و لاهية مع ريم تسولف.

ريم:_ هههههه لالا عادي كل واحد و الله وحشتونا من زمان ما نشوفكم.

مروة:_ شنسوي الله رازقنا براياييل اقول لج يرفعون الراس من الزين.

ريم:_ ههههههههههه قصدج زياد و مشعل ههههه الله يخليهم أن شاء الله ما عليه أكيد كل واحد عنده أشغاله.

مروة:_ أي اشغال الله يهداج غير التحجج بالمشاوير و طلعاتهم مع الشباب إلة بوقت لمن نطلب منهم شي.

ريم:_ يلا ما عليه بيجي الوقت إلي نشوفكم فيه.

مروة:_ أي وااايد تعرفين تلقطينها و اهي طايرة من وين متعلمة هنحاسة و التليقف الاسلكي.

ريم:_ هههههههههههههههههههههههه الله ياخذ بليسج بس لا تقولين بتجونا البيت.

مروة:_ صج لين قالو حمارة ليش تفسدين الكلام و الخبر علي إلي بقوله.

ريم:_ لا لا تقولين بتجوووووووووون قولي و الله.

مروة:_ طالع و أنا أقول ريم بنت عمي عاجل طلعتي ياهل.

ريم:_ ههههههههههههههه سوري.

مروة:_ هههههههههههه لالا عادي كل واحد بس قلت أنا و ملاكوه بنجيكم اليوم نزوركم على الساعة 4:00 العصر من بعد أذنكم طبعاً.

ريم:_ لالا شنو من بعد اذنكم البيت بيتكم و حياك باي وقت في أنتظااااركم.

مروة:_ تسلمين لي و الله يابنت العم عيل دام جكين الموعد نخليج الحين و مسامحة على الازعاج.

ريم:_ لالا لا أزعاج و لا شي و لا تحرمينا من سمعا صوتج أنتي و ملاك و الله وحشتونا.

مروة:_ من عيوني جذي عاد طماعة توني من اشوي اقول لج بنزوركم قالت لا تحرمينا من صوتج اخاف بعدين تلوع جبدج من كثر ما نلزق فيكم.

[هدباء]

ريم:_ هههههههههههههههههه لالا عاد انتي و ملاك وين الواحد تلوع جبده فديتكم غالين بالقلب و الروح الله يخليكم.

مروة:_ ما تطلعين بنت بن فارس اذا ما تعرفين تدزين من هلكلام السنع.

ريم:_ ههههههههه ليش مو عاجبتج.

مروة:_ لالا اعذو بالله مو قصدي جذي بس يلا نشوفكم على خير أن شاء الله يلا في أمان الله.

ريم ببتسامة:_ على خير ان شاء الله سلمي لي على ملاك و في حفظه و رعايته.

مروة:_ الله يلسمج من الشر يالغالية.

ريم:_ يسلموووو.

مروة:_ العفوووو باااااااااي.

ريم:_ بااااااايااااااات.

سكرة ريم من التلفون و اهي تضحك على روح مروة بنت عمها المرحة و ملاك إلي تخبل يا كثر وحشتها لهم و أرفعت شعرها بالكلبسة و طلعت من غرفتها اول ما أنزلت أسمعت صوت الجرس يطق و اتجهت إلي الباب....

ريم إلي نست تلبس لها شي على راسها راحت فجت الباب محمد إلي كان واقف بأناقته إلي تجذب كل من يناظره..محمد ناظر ريم شافها مكشوفة الراس وخة راسه و تحمحم..ريم إلي ألتفتت لحالها و تخبت و رة الباب..

ريم:_ هلا و الله بمحمد.

محمد وهو موخي راسه:_ هلا بيج جيف الحال يا بنت العم.

ريم:_ الحمدالله أبخير و نسأل عنكم.

محمد:_ دوم ياربي سألت عنكم العوافي أن شاء الله.

ريم:_ أمر تبي أنادي لك فراس.

محمد إلي اعتبر أنه يسأل عن عمه عند فراس احسن ما يبي يحرج ريم معاه وااايد:_ أذا ما فيها كلافة عليج.

ريم:_ لالا لا كلافة و لا شي انت على العين و الراس بس تفضل بالميلس من الباب الخارجي على ما اناديه لك.

محمد:_ أن شاء الله.

راحت ريم لفراس تخبره بجية محمد ببيتهم...

فراس إلي لبس له بنطلون جينز و قميص من أهدومه الكشخة و نزل و بيده الكاب.. و أتجه للميلس من الباب الداخلي إلي في بيت ابو طلال...

فراس أول ما دخل:_ هلااااااااا و الله يا مرحبا بك نور البيت و الله جيف حالك.

محمد وهو يتصافح مع فراس:_ الحمدالله ماشي الحال انت جيف حالك و جيف الصحة وين هطلة يالخوي.

فراس:_ هههههههه ما ابي اسوي لك حركات بس شنسوي هذي الدنيا و أنت أدرى بحالها.

محمد:_ إلة اقول وينه أبو الشباب عمك.

فراس:_ ههههههههه حلوة هذي ابو الشباب بس أمبارح راقد بالمزرعة و للحين ما رد.

محمد:_ أدري و أهو من الصبح فطر عندنا بس من بعدها طلع من البيت الحين ادق عليه ما يرد رحت له المزرعة مالقيته.

فراس:_ عيل وين فيه.

محمد:_ علمي علمك.

فراس:_ دق عليه الحين و اذا هم ما رد نتصرف.

محمد:_ أن شاء الله.

فهد إلي كان واقف بتوتره و ساند راسه على الجدار إلي وراه و شعره المتهادل على جبينه.. لفته صوت قدوم أحد للممر رفع راسه و لتفت لقى ريال أي شاب بكامل وسامته العربية و عيونه السود الوساع و شعره الناعم و لابس البنطلون الجينز و القميص الأسود المقلم بالطول بخطوط دقيقة و الجوتي الأنيق بمشيته

زياد اول ما وصل لقى الممر خالي و ماحد موجود غير الشاب إلي باين عليه ملامح القلق و الخوف و الأرتباك و الانتظار...

زياد:_ السلام عليكم.

فهد ببتسامته الباردة:_ و عليكم السلام هلا و الله اخوي أنت إلي تقرب لناصر بن فارس.

زياد:_ أيه نعم أنت إلي دقيت.

فهد:_ أيه بصراحة عمك صابه حادث على الطريج و انا إلي طلبت الأسعاف وكل شي و نقلته للمستشفى التخصصي مثل ما أنت شايف.

زياد بتوتر بدأ يتخلله:_ زين الحين وينه وين أخذوه.

فهد:_ هدي حالك و أذكر الله أخذوه غرفة العمليات و للحين ما طلع الدكتور يطمنا بس أنت أستهدي بالله و أستريح.

زياد:_ شلي صار بالحادث شصار بالسيارة من أي جهة تعور أهو.

فهد إلي رجعة به الذاكرة بيوم لقى ناصر بحالته المأساوية بالسيارة و شكله الشنيع و الفضيع إلي يوجع القلب هدء و وخة راسه و بدى يوضح لزياد بلي صار.

بعد ما كمل فهد زياد إلي وخة راسه و انهار معقولة عمه الغالي يصير فيه جذي ياربي ليش شصاير أهو لا رضا يتكلم شصار معاه بيوم خبر عمي أبو وليد و لا شي انقطعة أفكاره على تلفون ناصر إلي ردن وهو بيد فهد..

فهد:_ باين ياييه اتصال.

زياد:_ عطني التلفون بالله.

فهد:_ تفضل.

أخذه زياد و لقى المتصل محمد و رفعه..

زياد:_ ألو.

محمد إلي استغرب:_ هلا زياد.

زياد ببرود قاتل:_ هلا بيك.

محمد:_ وينه عمي ليش أنت راد مو أهو.

زياد:_ قبل لا أقول لك إلي أبي أقوله ممكن سؤال محمد.

محمد بستغراب:_ تفضل زياد.

زياد:_ عمي اليوم الصبح ببيتكم صح.

محمد:_ أيه.

زياد:_ و اكيد خبركم بسفر جاسم.

محمد:_ انت تدري؟؟؟

زياد:_ أيه بس مب هذا المهم شلي صار بين عمي ناصر و عمي أبو وليد.

محمد بتنهيدة لسبب وجود فراس معاه.

زياد:_ اشفيك محمد حذالك أحد ما تبيه يسمع.

محمد بصوت واطي:_ زياد انا كنت ادور عن عمي رحت له المزرعة ما لقيته و الحين جيت بيت عمي ابو طلال اسال عنه و يمي فراس.

زياد:_ ما عليه قول محمد الكل رح يعرف بلي صار اهو مب جريمة او شي حرام.

محمد:_ بصراحة بعد ما ناصر عمي خبر الوالد بسفرة جاسم ( فراس إلي انصدم سفرة جاسم شصاير ) بيني و بينك يا زياد الوالد عصب على ناصر ليش ما تحمل ردة فعل جاسم و ليش تركه يسافر و المشكلة السالفة وصلت بأن عمي ينهان جدامنا كلنا لكن عمي ما قبلها على روحه الأهانة و طلع من البيت وهو عاطي أبوي اخر كلمة بيتك مارح أدخله و الحالة الي طلع فيها عمي ناصر ما تسر و لا تبشر بخير.

زياد بصدمة:_ الله كل هذا صار معقولة الله يستر يارب.

محمد:_ زين زياد وينكم فيه الحين عمي معاك.

زياد بكدر:_ إلي بقوله لك اكبر من كل شي بهدنيا بس هذا القدر و المكتوب أبيك تقوي قلبك يا محمد و اترك الله معاك بطريجك دووم و بقلبك و ذكره على لسانك.

محمد برتباك بدأ يشعر فيه من كلام زياد:_ و النعم بالله شصاير زياد.

زياد بحزن يطغي على جسمه و قلبه:_ باين عمي أنهار و من كثرة انهياره ثار بعصبيته كلعادة وهو يسوق .. و أصطدم بنقالة بضائع و الحالياص أخذوه المستشفى و انا معاه اخذوه غرفة العمليات و للحين ما طلع الدكتور او نرس عشان تطمنا على حالته.

أنصب الخبر على محمد مثل الشي إلي يلسع قلبه أو يحرقه ويبي يهرب منه و يفر لكن هذا شي مجبور فيه أنه يقتنع به و يتقبله بحياته...

صرخ محمد بصوته:_ لااااااااااااااااااااااا تكفى زياد قول الي قلته جذب تكفى لااااااااااا عمي ما يصير فيه جذي لالا عمي كاهو بالمزرعة لالا مستحييل.

فراس تم يناظر حالت محمد الغريبة شصاير...

زياد:_ أستهدي بالله يا محمد و هذا إلي كتبه علينا رب العالمين اذكر الله يا محمد و تعود من بليس هدي حالك ما عهدت بيك جذي.

محمد وهو منهد حيله:_ تكفى قول لي عمي بخير تكفى قول الي قلته جذب تكفـــــــــــــــــــــــــى..و أنهار بلبجي محمد...

زياد بنبرة حادة و عصبية أشوي:_ محمد أذكر الله بلاك و أسمعني هذا المكتوب و لازم نقتنع فيه لو تقبله مر و مثل النار على قلبنا و أسمعني زين أبيك تخبر وليد و مشعل و ألحقهم للمستشفى أنا لحالي و لا معاي أحد من الأهل.

محمد بصوت واطي لعصبيت زياد عليه:_ أن شاء الله تامر على شي ثاني.

زياد:_ سلامتك في أمان الله.

محمد:_ في حفظه و رعايته.

سكر محمد وهو موطي راسه جبال فراس و قام على رجليه مثل إلي جسمه منهز من التعب او شي صابه و خلاه غير الضعف ما يملك و الأستسلام لحكمة رب العالمين و قدره...

فراس:_ بلاك محمد شصاير عسا ما شر.

محمد ما رد على فراس و تم واقف جباله...

فراس وهو يهز كتفين محمد:_ محمد تكفى خبرني شصاير.

محمد وهو منهد حيله و أدموعه تنهار أكثر و أكثر:_ عمي صابه حادث.

شهق فراس و حط يده على ثمه و قعد على الكرسي إلي حذاله من دون أستيعاب لكلام محمد:_ شنهوووو عمي صابه حادث.

محمد:_ هذا إلي صار و لازم نقبل فيه يلا فراس خلنا نروح المستشفى و نخبر مشعل و وليد اخوي يلحقونا ترى زياد بالمستشفى لحاله ما معاه أحد من الأهل.

فراس وهو يتامسك حاله:_ أن شاء الله يلا توكلنا على الله.

محمد وهو يطلع من الميلس من الباب الخارجي و راه فراس:_ و النعم بالله.

.................................................. .................................

في بيت أبو وليد وين ما كان وليد توه واصل بيتهم ودخل لقى بويهه نوف إلي كانت بصالة و تقرى بأحد الجرايد إلي منتشرين على الطاولة الزجاجية إلي قبالها.. وليد بغشمرته:_ و أنا أقوووول الشمس اليوم منورة أثاري شمس بن فارس مسترخي عندنا أهني.

نوف ببتسامة وسط حزنها على سفرة اخوها و طلعت عمها من البيت بعصبيته...

وليد:_ أقوووول بلاها الشمس امبوووزة جذي.

نوف:_ و لا شي بس يا وليد الدنيا مصايبها تهد الحيل و ما يقدر يتحملها قلب أنسان يعيش على هدنيا.

وليد وهو يبي يزيح الحزن عن نوف:_ يلا نويييف فجيها الله موجود و الله ناسية هذا الشي.

نوف:_ حشى و الله أموت و لا أنسى رب العالمين أصلاً من لي غيره إلي يهدي بالي.

وليد:_ حسبالي بعد زين أقوووول أشلون قلبج.

نوف و أهي مستغربة شقصده وليد:_ شقصدك.

وليد:_ أفااا أقصد مشعل.

نوف بدهشة:_ من هذا مشعل.

وليد:_ عن الف و الدوران تراني عارف بكل شي نظراتج و فرحتج بجمعات العايلة باين لها معنى.

نوف و أهي منحرجة و ما قدرة ترد على وليد خجلن منه و بذات أهو أخوها العود..

وليد ببتسامة يناظر نوف:_ يا حليلاتج نويف صرتي تحبين و تستحين اقوووول ترى ما في شي احلى من الحب.

نوف و أهي ترفع عينها له:_ بعااااااد وليد أنت يطلع منك هذا الكلام.

وليد:_ أقول لا تحشرين فيني ترى مب ناقصني وينها عمري كله.

نوف:_ الله يعين بدور عليك و على سوالفك عبالك ما تشتكي منك يا كثر شكاويها عنك.

وليد:_ الله كل هذا من قلبي يطلع لالا ما اصدقج أنتي خرابت أبيوت أقوم أشوف نصفي الأخر أبرك لي.

نوف:_ بل بل ياك الموت يا تارك الصلات الله يعين بدور عليك.

وليد:_ اقول انجلعي ويا مشعلوه مالج هزطي دووووومه زطي.

نوف:_ ها شنو قلت.

وليد:_ لالا سلامتج يا الغالية ههههههههه زين أنج ما تسمعين.

نوف:_ أصبر أن ما سنعتك.

وليد:_ لالا بااااااااااي.

وشرد منها وهو يصعد على الدري متجه لغرفتهم أهو و بدور...

وصل وليد لدراهم و فج الباب و أول ما دخل ناظر أجواء الغرفة لقى بدور راقدة و رنيم هم راقدة قال في قلبه( طالع احين حزتج ترقدين لي).. من بعدها سكر الباب بهدووء و راح أتجاه الكرسي الهزاز إلي بغرفتهم و أسترخى عليه وهو يسحب الشماغ و العقال من على راسه وهو يحس بالتعب...

بدور إلي صحت و أهي تحس بوجود حس أحد معاها بالدار صاحي ألتفتت لسرير رنيم لقتها راقدة ألتفتت لوراها قلت وليد مسترخي على الكرسي و مسكر عينه تفاجأت لتواجد وليد بهلحزة معقولة ما راح الدوام مب بعيدة يسوي أكثر الله يعيني عليه...

[هدباء]

أنطقت بصوتها الواطي:_ وليد أنت أهني من أمتى.

وليد إلي كان عباله أنه يحلم بسماع صوت بدور و كأنه بحلم مب بعلم نطق وهو مسكر عينه:_ أكيد ما يطيع هلقلب يفارقج و الله من يحس ببعادج ون وتوجع قلبي.

بدور و أهي بتنفرط من الضحك على وليد لاااا شكله الريال ين و قعد..

بدور:_ ولييييد أنا أهني.

وليد إلي فج عينه و لقى بدور صاحية:_ ها بدور توج صاحية.

بدور:_ لالا عزل الله ينيت من أشوي أناديك ما تسمعني و الله كنت راقد.

وليد:_ ها عمري لالا مب راقد أصلاً توني واصل البيت.

بدور:_ بعدين تعال شجيبك البيت بهلوقت مب جنه وقت دوام الحين و أنت من عوايدك ما ترد إلة الساعة 3:00 الظهر اليوم من الساعة 1:00 .

وليد ببتسامة وهو يناظر بعيون بدور و يغمز لها بعينه:_ الشوق عمري.

بدور إلي حمرت و وخت راسها و أهي تقول بقلبها مع دقه( لالا وليد اليوم ناوي علي بشي ياربي من وين المفر منه)..

وليد:_ حبيبتي لا تقولين مستحية ويييييييييه اقول رفعي راسج ترى اذوووووووب أنا.

بدور:_ يوووووه وليد بسك عاد بعدين لا تعودها و تطلع من الدوام.

وليد:_ طالع و أنا أقول بتتونس لشوفتي أثاريها القردة تتمنى فراقي.

بدور:_ و تغلط بعد.

وليد:_ حلالي حرمتي بمزاجي أغلط وقت ما أبي و أدلعج وقت ما أبي بعدين تعودي على تواجدي بالبيت بهلوقت دووووووم.

بدور إلي رجف قلبها و أهي بداخل قلبها( لا تقولها بتاخذ أجازة)..

وليد و وهو كأنه حاس بتفكير بدور:_ ترى أجازتي بدت من اليوم من هلحظة.

بدور تشهق من غير أستيعاب لكلام وليد:_ شنهوووووووو.

وليد:_ ها عمري تبين ماي اشوي اشوي انا مو قايلج لا تشهقين جذي تراج تسلبين روحي بهشهقة.

بدور:_ لا بس متافجأت ليش الأجازة عسى ما شر مريض و الله شنو.

وليد:_ يا بعد جبدي تحاتيني بس بطمنج لا مريض و لا شي بس قاعد بداريج و بداري إلي في بطنج.

بدور:_ ولاخير وياك وليد مو معقولة تاخذ 8 أشهر عشاني تراني توني بالشهر الأول و الحمال لا هو متعبني و لا شي بعدين أنا اليوم سويت الغدى مع عمتي هذا دليل على أني مو تعبانة.

وليد بشهقة:_ شقلتي عيدي كلامج أقول.

بدور و أهي تشككت بكلامها:_ ها ما قلت شي غير أني سويت الغدى مع عمتي.

وليد:_ و بعد تقولينها أنا شقايلج.

بدور بدلع و أهي ترفع خصلات من شعرها الناعم:_ يلا حبيبي عادي.

وليد:_ تعرفين تعدلين سالفتج أشوف صبري و الله أن ما خذيت لج أجازة عدلة ما أوريج.

بدور:_ لالا عمري خلاص توبة ما أنزل أطبخ.

وليد:_ عن التهرب أجازة يعني باخذها باخذها نزلتي أو لا.

بدور:_ ياربيييي.

وليد:_ قلتيها ماحد غيرج بيجنني عقلي ما تقولين لي أنتي من شنو مخلقوة.

بدور بدلع:_ أنخلقت منك و فيك.

وليد:_ حلفي ما أصدقج ترى حلفي.

بدور:_ أقول عن التميصخ ويلا بقوم أبدل أهدومي.

وليد بستغراب لمعرفته بأنة بدور ما ترقد غير بالجلابية:_ ليش مو لابسة جلابية.

بدور برتباك و أهي أومخية راسها:_ لا.

وليد:_ عيل شلابسة.

بدور:_ و أنت شنو يخصك.

وليد:_ أقول يوزي و قولي شنو لابسة.

بدور:_ مو قايلة و عن أذنك.

وليد و هو عينه معلقة عليها يناظرها و أهي بتقوم يحسها حيل مرتبكة أكيد مسوية لها شي من حركاتها أعرفها تحرمني من كل شي لكن لحالها ما تخلي شي و إلة تلبسه هيني أوريج شغلي معاج يا بدور بس أخاذ الأجازة و أوريج.

بدور إلي قامت و أصقعت عين وليد بلمنظر إلي شافها فيه.. كانت بدور لرشاقتها و ضعفها لابسة لها بجامة بلون أحمر من قماش الحرير الروووعة بلمعته الناااعمة و كان قصير لفوق الركبة و عاري عند الظهر و الصدر و ذراعينها إلي مكشوفين..

وليد وهو يتحمحم و ينزل عينه:_ بدور.

أنصقعت بدور و وقفت مكانها ترتجف:_ لبيه.

وليد وهو يضحك و يحس بأحراج بدور ياربي أموت فيها لين أستحت:_ وين ويهج.

بدور:_ ها لالا وليد بروح أبدل مثل ما قلت لك أيه.

وليد:_ أيا مسودت الويه لحالج تسوين الشغل الزين و لي غير الجلابية ماكو.

بدور:_ ها شتقول( طبعاً سمعت كل لكمة بس تستعبط عليه).

وليد وهو يقوم من على الكرسي و بيوم سمعت بدور بصوت الكرسي يتحرك ماتت تمنت شي ينقذها من هلموقف و أهي تقول في قلبها( تكفـــــــــى وليد بعد ولي سلم عمرك بعد)..

وليد وهو قرب حذالها و يروح لها أجبالها و يقابل ويها بويهه:_ رفعي راسج أشوف.

بدور إلي بدت تتحرك و تتبعد عن وليد إلي تقرب منها بطريقة وااايد خجلتها :_ عن أذنك.

بدور إلي مشت خطوة و ما حست بأحد يمسكها فرحت أنه عقل أشوي لكن هيهات أحساسها يصدق ما حست إلة و أهي تخطو بالخطو الثانية بيد تمسكها من يدها و تحسست لدفى اليد و أرفعت عينها بويهه لا أرادياً...

وليد:_ ما ينفع معاج غير العين الحمرة ليش ما طيعين و ترفعين راسج من أول.

بدور:_ وليييييييد تكفى عرمي أنت أتركني أروح أبدل و أرد لك.

وليد:_ ما يحلى القعدة إلة بهلبس

بدور:_ وليد عاد زودتها.

وليد:_ ها أشوف ما تستحين من إلي لابسته.

بدور:_ مب شغلك فيني أنت أصلاً لازم تخجل على روحك و ما تقرب مني.

وليد:_ بعااااااد أنتي اليوم مصخنة عمري أيه أيه مقيولة من الحمل لكن هيني بوريج التصخن على أصول.

بدور:_ زين تركني هد يدي ما أحب أحد يلمسني.

وليد:_ لا و الله و مسوية لي ما تبين أحد يلمسج إلة اليوم أوريج شغل الله..

و نزل أشوي عن مستواها لقصرها و أهي تناظره:_ شبتسوي خلني أروح أبدل لا تدخل نوف أو عمتي.

وليد:_ أيه بيوم لبستيها ماق لتي جذي لكني معاج صبري أنتي بس صبري.

و نزل لها أكثر و مسكها من ريلها و اليد الثانيا أسند ظهرها و أرتفع فيها و هو يحملها..

بدور إلي شهقت:_ مينووووووووون نزلني تكفى نزلني.

وليد:_ أٌول قصري حسج لا تصحى رنوم و تعكر الجو.

بدور:_ قولي شتبي بس نزلني.

وليد وهو يفكر:_ أمممم أيه ( طبعاً أختار لها أصعب شي تسويه له) أبي بوسة.

بدور:_ ها و أنا أقول بيعدلها زيدها عمري أطلب شي ثاني.

وليد:_ أطلب شي ثاني ما تمشي عندي يلا ها شنو أنزلج مقابل.

بدور و أهي تحط يدها على ثمه:_ بس بس لا تقولها صج لين قالو الرياييل مب هينين.

وليد وهو يضحك:_ دامهم مب هيني ليش متزوجتني.

بدور:_ أظنك تعرف ليش.

وليد:_ صج و الله ليش.

بدور:_ أشرايك أقول ليش بدل من إلي قلت تبيه.

وليد:_ صبري صبري على هتهرب الحين يمكن أصرفها لج بس بوقت أنتي تعرفينه لا.

بدور:_ أحم أحم أسمع يقولون.

وليد يقاطعها:_ هاتيها مباشرة بسرعة ما أبي يقولون.

بدور:_ نزلني أول.

وليد:_ أكيد تقولين.

بدور:_ أكييييييد.

وليد وهو ينزلها لكنه متقرب من يدها عشان أن شردت يمسكها:_ يلا اشوف سوي شغلج.

بدور و أهي موخية راسها:_ زين خلني اقولها بعد ما ابدل.

وليد:_ ها تبين اسوي الي سويته من شوي مرة ثانية.

بدور:_ لالا أنت راعيها ما تسويها زين وخي راسك.

وليد:_ طالع و تتشيرط.

بدور:_ ترى ما اقول.

وليد:_ زين أمري إلى الله.

وطى راسه وهو ينوي بشي شييين عليها تراه ما يبي يطوفها بالمرة من حظه صادها...

بدور و أهي تناظر وليد لكن نظرها مركز و بالها على إلي بتقوله و بتروح( تهقون بس بتقول شي)...

بدور و أهي تتقرب من ويه وليد .. وليد إلي تحسس لقربها أشفيها ما كان منه إلة يرفع راسه و فجأة تييه بوسة منها و أيه قتولها:_ أحبك.

و أشردت لكن ما قدر يلحقها من الصدمة صج أنها راعيت حركات...

دخلت بدور غرفة التبديل و أهي تسكر الباب و قلبها يخفق بقوة ياربي شسويت لالا طحتي من عيني بدور جذي تسوينها مو أتفاقنا عاد...

بعد ثواني مرت على الجو الهادء أطلعت بدور من غرفة التبديل و أتجهت لحذال المنظرة و أقعدة تسحي شعرها...

وليد إلي كان على السرير تم يناظر بدور وهو في باله يقول بتيننيني يعني ياربي ما هقيتها تسوينها....

بدور بعد ما خلصت من تسحي شعرها قامت و أتجهت أحذال سرير رنيم لكن وقفها بصوت وليد إلي رجفت منه:_ بدور.

بدور و أهي تجاهل خجلها و تلتفت لوليد:_ عيونها.

وليد بنظراته لبدور إلي دوم تخجل من عيونه من أول ما أتزوجو و للحين:_ تركي رنيم راقدة تعالي أبيج.

بدور:_ خير وليد.

وليد:_ الخير بويهج يالغالية بس رايدج بكلمة.

بدور و أهي تمشي بجلبيتها إلي تتميز بجملها الباهر متجهة لوليد:_ خير أن شاء الله.

أول ما وصلت بدور و أقعدت على السرير أحذال وليد قطع عليهم تلفون وليد علن قدوم أتصال...

وليد وهو يفتش على التلفون:_ وينه هذا بعد.

بدور لقته على الكرسي راحت و أخذته و رجعت لوليد و أهي تمد يدها:_ تفضل.

وليد:_ يسلمو..

أخذ التلفون و قبل لا يرفعه ويرد لقى بدور بتتبعد عنه مسكها من يدها ناظرته و أهي تلتفت له و شعرها يتهادل على جنبينها:_ لبيه.

وليد:_ خلج حذال.

قعد بدور و يدها مشتبكة بيد وليد..

وليد وهو يرد على التلفون:_ ألو.

محمد:_ هلا وليد.

وليد:_ هلا و الله شلونك حمووووود.

محمد بصوته الواطي:_ أبخير.

وليد إلي تحسس لنبرة محمد الغير طبيعية:_ بلاك محمد أشفيه صوتك.

محمد:_ ما فيه شي بس وليد تكفى أسمعني.

وليد:_ خير محمد.

محمد:_ الخير بويهك بس.

وليد:_ بس شنو تكلم محمد.

محمد:_ عمي.

وليد:_ عمي؟؟؟ أشفيه عسا ما شر تكلم يا محمد تراك أربكتني شصاير أشفيه عمي.

محمد:_ بعد طلعته من البيت اليوم الصبح سوة حادث.

وليد بشهقة و حط يده على ثمه...

محمد:_ وليد أرجوك أستهدي بالله و أسمعني.

وليد:_..........

محمد:_ ما عليه وليد أدري أنها صدمة عودة لك و للكل لما يعرف بس أنت الحين لا تخبر أحد بس ألحقني للمستشفى التخصصي لأنة زياد معاه و لحاله خلنا نروح نخاويه.

وليد بصوت واطي:_ أن شاء الله.

محمد:_ يلا ننتظرك في أمان الله.

وليد:_ في حفظه و رعايته.

سكر وليد وهو للحين مو مصدق الصدمة إلي سمعها...

بدور و أهي تناظر بوليد و بدة الأرتباك يتخللها من منظر وليد:_ خير حبيبي أشفيك شنو فيه محمد.

وليد وهو يهز راسه يبعد كل التفكير عن كلام محمد وهو يهم بالوقوف..

بدور:_ وليد تكفى شصاير.

[هدباء]

وليد يلتفت لبدور:_ ما كو شي غير الخير أن شاء الله هذا محمد متصل فيني يقول واحد من ربعه مسوي حادث وهو الحين بياخذه المستشفى بروح معاه.

بدور بكدر:_ لا حول الله و لا قوة إلة بالله.

وليد:_ بدور قومي زهبي لي دشداشة و شمغاي داخل أخذ لي شور على السريع.

بدور:_ من عيوني.

وليد:_ تسلم لي عيونج.

أبتسمت بدور و راحت تزهب لوليد أهدومه و وليد من صوب دخل ياخذ شور و الخبر يتقلب في باله و بدى يتخلله الحزن على عمه لحظة بعد لحظة....

.................................................. ......................

أول من الواصلين للمستشفى محمد و فراس.. و مشعل و وليد للحين ما وصلو...

محمد أول ما وصل أتجه لزياد إلي حالته ما كانت تسر من سكوته الغير طبيعي و ملامح ويهه الحزينة....

محمد:_ السلام عليكم.

زياد يرفع راسه:_ هلا محمد.

محمد:_ هلا بيك زياد ها للحين ما طلع الدكتور.

زياد:_ للحين.

محمد:_ أنت كنت معاه.

زياد:_ لا و الله إلي أخذه المستشفى ريال أهو إلي شاف الحادث و نقله الله يعطيه العافية ما قصر.

محمد:_ زين من خبرك.

زياد:_ الريال لأنه أستلم تلفون عمي ناصر و كان يبي يخبر أهله فدق على أخر رقم أستلمه عمي ناصر كنت أنا.

محمد:_ أهاااا.

فراس إلي توه واصل:_ ها زياد بشر أشلونه عمي.

زياد:_ العلم عند الله للحين ما طلعو لا نرس و لا دكتور يطمنونا.

محمد:_ مالنا إلة طولت البال...

.................................................. .......................................

في بيت أبو وليد وين ما كانت بدور بعد طلعت وليد نزلت تحت و قعدة مع نوف...

نوف و أهي تستقبل بدور من على الدري:_ يا هلا و الله يا هلا بأم خالد توه ما نور المكان.

بدور و أهي تضحك:_ هاتيها من الأخر شعندج.

نوف:_ ههههههه يا حليلاتج دومج تعرفيني من البداية.

بدور و أهي تقعد:_ لازم أعرفج مو نوف بنت عمي.

نوف ببتسامة حلوة:_ تصدقين بدور اليوم أنا داعية لج من الزين.

بدور:_ أي دعاء الله يهداج.

نوف و أهي تضحك:_ هههههههههه بعد جبدي وليد مسويها شغالة على الزين.

بدور:_ لا و الله فكينا و لي سلمج قالت مسويها شغالة على الزين.

نوف:_ صج أنكم ما تعرفون الأصول يبه ترى أخوي وليدوه فديته ماكو منه حمدي ربج وليد ريلج.

بدور:_ صج أنتو ما تفهمون تزوجي بس و بتعرفين شنو أقصد.

نوف بخبالها:_ ويه شسيوون يعني حلالهم.

بدور:_ أيييييييه مو منج من إلي مخبلج.

سكتت نوف و أهي تلف السالفة:_ أيه بدور شخبار الحمال معاج.

بدور:_ أااااااه منج أقول ما يلفون و يغيرون السالفة تسنعي عبالج ما أعرف عن سوالفج أنتي و مشعل ولد عمي.

نوف:_ ها.

بدور:_ أيه عن التخبي مو علي هلحكلات أقول.

نوف:_ أيه مقيولة مرت وليدوه.

بدور:_ و لي الفخر.

نوف:_ أمبختج.

بدور:_ صلي على النبي عن الحسد.

نوف:_ هههههههه وينه وليد من أشوي طلع و جنه مستعيل.

بدور:_ يقول واحد من ربع محمد مسوي حادث و محمد دق عليه يبي يروح معاه المستشفى.

نوف:_ اللهم أجعله خير أن شاء الله.

بدور:_ الله يسمع منج.

.................................................. .........................................

على الساعة 4 العصر عوايل بن فارس كلهم وصلهم خبر ناصر و الوصية إلي كانت سبب إلي صار بناصر.. و كل الرياييل راحو المستشفى و الحريم إلي ما تركوهم الرياييل يروحون لحالت ناصر الخطيرة و الغير مستعدة لأستقبال زوار لأنة ناصر للحين بغرفة العمليات ما ظهر....

ريم إلي من سمعت الخبر و وصلها خبر سفر جاسم و سببه الوصية بالبداية أنصدمت و تحولت إلى كتلت جليد بااارد بتصرفاتها بسكوتها المثير لثوران الأعصاب لكنها ما قدرت تكفي على هذا الحال سكرة على حالها الباب و بدت تبجي يمكن تريح قلبها من الحال إلي أهي فيه كانت تبجي على عمها..لكن بس تذكر خبر سفرة جاسم تحس بالحقد إلي تحتويه لهلأنسان شعقله شتفكيره أهو مخلوق من شنو ليش يسوي جذي ليش هذا أنسان أنانية يحب ذاته و نفسه و بس عمره ما فكر بغيره و لا حس ببطعم طيبة القلب على إلي حواليه هذا أنسان جاحد و ناكر لكل شي يحصل عليه ناكر لتربية هله له ناكر لمعزته بقلوب أهله و أخته نوف إلي كانت تتلوى بنار شوقها بيام سفره وهو يدرس لكن طيبة قلبها كانت تجبرها تدعي له بالتوفيق و يرد لهم سالم..أعتصرت أعيونها بحرارت الدمع و أهي تقول بصوتها الحزين:_ أنت السبب في كل شي يا جاسم أنت.. أنت إلي تركت يدي و يدتي أغلى ما عندي يحكمون علي بزواج منك و أمي و أبوي يمنعوني من الدراسة لجلك و بالنهاية شسويت غير هرجتنا و شردت من واقعك و دمرت عمي إلي ما عمره عرف طعم الحقد لحظة حتى لعدوينه أنت السبب أنت أكرهك أكرهك لحد الموت....

في المستشفى وين ما كان الكل متواجد لكن أبو وليد إلي من سمع الخبر أنصدم لكنه تم صامد و للحين على رايه و موقفه و لا قبل على حاله يروح المستشفى لكن قلبه كان عكس إلي يظهره فهو من داخل ناره تشتعل و قلبه يتلوى من المحاتات على حال ناصر....

وليد إلي كان ساند راسه وحذاله زياد و مشعل...

وليد:_ أااااااه معقولة كل هذا يصيبك يا عمي و الله ما تستاهل كل هذا.

مشعل إلي حالته كانت من البجي و الأنهيار و عدم تحمله على الصبر كان أموخي راسه وهو يتنفس بصعوبة الهم و الحالة إلي يمر فيها...

و بين دقات قلوب كل من كانو محاوطين المكان بنتظارهم ببكائهم بحزنهم ظهر الدكتور من غرفة العمليات وهو يلاقي كثرة المنتظرين معقولة كلهم يقربون للي سوة حادث...

أول من أستقبله أبو طلال.. و أبو مشعل هدأ الشباب و تركم يتراجعون و يسمحون لأبو طلال يتطمن على حال ناصر و يعطون الدكتور الجو هادء لتوضيح حالت ناصر إلي قاعد يمر فيها...

أبو طلال:_ لو سمحت دكتور بغيت أسألك عن حالت المريض إلي عندكم.

الدكتور:_ تقصد ناصر بن فارس.

أبو طلال:_ أيه.

الدكتور بعجز عن وصف حالته وهو يناظر كل من العيون إلي تراقبه و كأنها تنتظره منه شي يا رح يفرحهم يا رح يغيم عليهم بالحزن بسحايه...

أبو طلال:_ بلاك دكتور عسا ما شر.

الدكتور:_ تقرب للمريض.

أبو طلال:_ أنا أخوه.

الدكتور:_ تشرفنا و الله بس بصراحة حالته متقلبة و غير مستقرة و ما أمتلك الجواب إلي يمكني أني أطمنكم على حالته ولكن للأسف إلي تعرض له ناصر شي صعب الأنسان ينجو منه ( الكل شد الأهتمام لكلام الدكتور أكثر) لكن يظل رب العالمين موجود برحمته بالعباد...

أبو طلال وهو يقاطع الدكتور من دون تعمد و يوخي راسه:_ و النعم بالله.

الدكتور بكلام منطقي و بهدوء أكثر يحتوي كلامه:_ الحمدالله بأن قدرنا نسيطر على حالته و عملنا إلي علينا و بالحقيقة أهو صابه نزيف داخلي برأس و بعض من عظام ريوله تأثرت بحيث صابها كثير من الكسور و الرظوظ ولكن هذا علاجه سهل و ما يحتاج نحاتيه بس للأسف ريوله اليسرا تعرضت لنسبة متوسطة من الحروق إلي شوهت ريله لأنة على حد علمنا صاب السيارة حريق و فقط إلي تبين لنا اريوله اليسرا وصلها الحريق و لكن مو واايد و الحمدالله.

كمل الدكتور كلامه و الكل من صدم من إلي تعرض له ناصر بسبب هلحادث إلي توضح لهم بأن الحادث كان جااايد بالحيل...

أبو طلال:_ رحمتك يارب رحمتك .. زين دكتور شحالته الحين.

الدكتور:_ حالته تحت المراقبة و العناية المكثفة إلي أطلقتها عليه طبعاً الحين رح يظهر من غرفة العمليات ورح ننقله لجناح العناية المركزة و نطلب منكم الهدووء و طولت بالكم بس يتحسن وضعه رح نخبركم.

أبو طلال:_ زين يا دكتور ما نقدر نشوفه.

الدكتور:_ حالياً السموحة منكم ما نقدر نعطيكم الصراح تدخلون عليه لكن مع تحسن حالته أن شاء الله رح تقدرون تشوفونه و تطمنون عليه.

أبو طلال:_ مشكور..

الدكتور:_ الدكتور سامي.

أبو طلال:_ تشرفنا و الله.

الدكتور ببتسامة يحاول يطمأن أبو طلال:_ عن أذنكم...

مشى الدكتور و أبتعد عن كل من كان واقف ....

و أبو طلال تم ساكت و موخي راسه ما كان منه شي غير أنه يذكر الله بهمس وهو يدعي لناصر برحمة رب العالمين....

.................................................. ....................................

شرح تكون حالت ناصر الصحية؟

و هل مشاعر ريم أتجاه جاسم بالكره بداية حبها له أو كرها له؟

جاسم هل رح يعرف بحادث عمه ناصر؟

و هل رح يتم الخلاف إلي أنبنى بين ناصر و أبو وليد؟

أتمنى أني كفيت و وفيت

لكن عندي لكم خبر أصغير و أتمنى ما تزعلون علي

بصراحة الجزء التاسع ما رح أبتدي فيه الحين لأني أمر بظروف صعبة بالحيل

و أرجو تقدرون ظروفي و أن شاء الله بس الوقت و ظروفي تسمح لي

أكتب لكم الجزء التاسع

و أتمنى من كل قلبي يعجبكم هذا الجزء و أبي رأيكم بصراحة

و أن شاء الله ما طلبت واايد

و في أنتظار تفاعلكم الحلو مع قصتي

تحياتي

.. ريمووووه الفوارس..

[حبر وردي]

وااااااااااو
متحمسه وااااايد للجزء التااااسع
ألف شكر لج
هدوب يا الغلا

[هدباء]

يسلمووووووو .. حبر وردي .. على تواصلج الحلوووو و الدائم

و الله يعطيج العافية بس مو هذا العهد فيكم وينكم

و الله من خاطر أبي أشوف ردودكم على الجزء الثامن

أبي أعرف عجبكم أو لا حلو أو لا

يلا أترياكم يالغاليات

على أحر من الجمــــــر

.. ريمووووه الفوارس ..

[amaralzaman]

جزء ولا أروع حرام عليك نويصر ما بيستاهل والله أني معجبة بشخصيته على العموم ننتظرك على أحر من الجمر