احبك في قصيدة شوق كتبها بالهوى شاعر

**أنين طفلة** · منذ /25-08-2011, 12:40 AM

هلا
يو وين سلمان ليكون صارلة شيء
ترى حمستينا لا اطولي
نبي البارت الجاي طويل :)

**F A B U L O U S** · منذ /25-08-2011, 04:50 PM

بعد دقآئق قليلة وفي جوّ التَوتُر , رنة جوال !

الجوري تطالع ريم : هذا سلمان !
ريم: ردّي !

الجوري زين : آآلو ! سلمَآن؟

............: السلام عليكُم اختي
الجوري ! : وعليكُم السلام , من يتكلم؟
............: انتُم قرآيبه ؟
الجوري : إيه؟
...........:أتمنى تجُون مستشفى الـ(...)
الجوري: مستشفى ! , وتتوتر ريم والعنود من اللي سمعوه!
الجوري: سلمان فيه شي؟
.........: عُمرك طويل يا اختي !
الجوري: .... !

الجوري تسكّر , وتطالع ريم بنظره كلها خُوف وهي مصدُومة !

ريم: جوري ! اش قال ؟ من هذا؟
الجوري: سلمان ! ,و تدمع عيُونهآ !
ريم: جوري شالسالفة
العنود: شنو فيه؟
الجوري تطيح جمب السرير! وهي تبكي بحرقَّة !
ريم تجري عليها : جوريّ!
ريم:جوري كلميني جوري !
جوري: ماتْ ! مات ياريم مات !
ريم: !!!! تنصدم ْ
وتركض تنادي .. سلطان ! , سلطان!
سلطان : هلا ! بعدين ينتبه انها مو متغطية , وينزل راسه
العنود تتكلم وهي تناظر بعيد : آآآ ريم تبيك فوق !
سلطان: طيب.....
...
سلطآن : هلا ريم ؟ شالسالفة؟
ريم : بقولك بالطريق !
جوري تقوم تجلس : انا بروح معكم !
ريم : وين تروحين ؟
جوري : ريم تكفين ابي ااروح اشوفه ! اخر مرة تكفين !
ريم : ياقلبيي , وتضمها , بس ياحبيبتي ماراح تحملين !
جوري: طلبتك تكفين !

سلطان يركب السيارةة وماهو مصدق الخبر
يرُوحُون المستشفى..

الشرطي : انت سلطان ألـ(...)
سلطان : ايه انا !
الشرطي تفضل معاي عشان تشوفون الجثة

من تسمع جوري جثة وتجحش بكى !

,*

جوري: سلطان عفية بروح ! ابي اشوفه !

سلطان مايدري ماهو قادر يمنعها

يروحون لثلاجة , ويطلع الكديبر
جوري: خلاص لاا مابي وتركض لريم!

الشرطي: الجثة ماقدرنا نتعرف عليها كانت مرة متشوهة بسبب الحرُوق !
بس لقينا هالجوال , وهالبووك بالسياره ومنه عرفنا ,

الا شوي يدق جوال سلطان
سلطان: عن اذنك

........ : هلا سلطاانووه وينك ياخي من ساعة ادق!
سلطان من يسمع الصوت وقلببه يوقف !

,,,,

توقعاتكُم !

برب

**أنين طفلة** · منذ /26-08-2011, 05:19 AM

الي يكلم سلطان اكيد سلمان
اوهو ما مات يمكن سيارتة مبيوقة
او فيها جوالة >>ما بقأ شيء كملي

توقعات لا أكثر
ننتضرك لا طولي

**F A B U L O U S** · منذ /26-08-2011, 09:19 PM

أووه أنين خربّتي علي الرواية

مو مشكلة بعد نمكمل

جوال سلطان يدقّ
...

سلطان
: عن اذنك !

الشرطي
: تفظل

,*
سلطان
: آلو؟

........:
هلا سلطان , وينك ياخوي ساعة ادق عليك؟
سلطان تعتلي وجهه نظارت الدهشة , ويلتفت على رحاب الي تدخل من الباب !

سلطان
: سـ سـ سلماان؟
سلمان: اييه سلمان منو بعد !

تجي رحاب
رحاب
: سلطان! عظّم الله اجرك!

سلطان منصدم ويطالعها واهو ساكت
يمسك يدها ماهو قادر يوقف
!

رحاب
: سلطان اشفيك , اقعد اقعد !

سلطان
: يطالعها ,

سلطان
: يمسك الجوال : و و و ينك فـ فـيه؟
سلمان : انا رحت لبيت عمي بو خالد ومالقيت احد, وينكُم انتم؟!

سلطان
: تعال مستشفى الـ(...)

سلمان
: زين كاني جاي بالطريق...
,*

رحاب
: سلطان! ادري ان الصدمة قوية عليك, شد حيلك
سلطان: سلمان مامات!

رحاب
: سلطان تعوّذ من ابليس! هذا قضاء وقدر من رب العالمين
سلطان: اقولك مامات!

رحاب
: اسم الله عليك !

سلطان
: صدقيني حتى انا ماني مصدق توني كنت اكلمه وهو يقول الحين جاي!

رحاب
:لا حول ولا قوة الا بالله , انا بروح اجيبلك ماي!

وتقوم رحاب
وسلطان متسمّر بمكانه
, ماهو داري هل هذا من أثر الصدمه عليه , ولافعلاً سلمان جاي بالطريق, ويقطع تفكيره صراخ الجوري.... سلمآآآآآآن!

ريم
: جوري حبيبتي استهدي بالله الله يرحمه ويغففر له!

جوري
: لاه (تأشر صوب الباب) سلماان سلماان!

وتلتفت ريم وماتصدق عيونها
العنود
: بسم الله الرحمن الرحيم , بنات تشوفون ولا انا انهبل مخي!

سلمان
( يجيهم) : السلام , اشفيكم وش جابكم هني؟ جوري فيها شي؟
جوري تفلت يد ريم وتقرب منه : سلمان! هذا انت صج ! وتلتفت ع ريمّ
جوري: ريم!

سلمان
: جوري اشفيكِ؟ ايه هذا انا اول مرة تشوفيني! يابنات فهموني شصاير!

سلطان يجي وهو ماهو مصدق عيونه بخطوات بطيئة
: سـ سـ سلمان!

سلمان
: سلطانوه شالسالفة ياجماعة فهمووني؟
سلطان: انت حي؟؟ اجل منو هذاك اللي داخل!

سلمان
: وين داخل
ريم: بالثلاجة
سلمان: اي ثلاجة عن شنو تتكلمون انتم؟
ريم: سلمان وي جوالك وسيارتك؟
سلمان: انا رحت اعبي بانزين ونزلت البقالة تركت جوالي والسيارة مفتوحة و...انتم ليش تسالون؟؟
ريم: وشنو؟؟ انباقت؟
سلمان: اييه بالضبط جيت ومالقيتها! شفيكُم
جوري ترتمي بالكرسي وتبكي بقوة !

سلمان ينزل قدامها
: جوريّ! حبيبتي اشفيك؟
سلطان: دقو علينا من جوالك وقالوا السيارة صار لها حادث ولقو بالجثة جوالك وبووكك!

سلمان
: حسبتوني..!

الجوري هي تبكي
: ميت!

سلمان
: لا اله الا الله !

ريم
: الحمد لله انك بخير
رحاب تيجي والكوب يطيح من يدها : سـ سـ سلمان! (تطالع سلطان)

سلطان
: قتلك!
*,

وعُقُب كم يُوم من هالسالفة ارتاحت نفسية الكل
, والكل صاروا احسن

...................
الجوري بغرفتها تكلم سلمان
الجوري
: هههههههههههه من صجك؟ لا تمزح!

تدخل عليها رحاب
: هالوو!

جوري
: دقيقة سلمان! , أهليييين رحووبه! وتسلم عليها
رحاب: شلونك حبيبتي شخبارك؟
جوري: الحمد لله انا مرة بخير! , انتي كيفك وكيف اخوانك وعمي؟
رحاب: الحمد لله عال العال

شوي تدخل ريم وهي شايلة فادي
!

جوري ترمي الجوال بالسرير
: فدُوووو حبيبي !

ريم
: سنفوورة!

رحاب
: ريوووووم!

ويسلمُون على بعض
ريم
: اخبارك ي بنت وربي واحشتني مووت!

رحاب
: وانتي اكثر اخبارك واخبار فوازّ!! وربي واحشيني مووت!

ريم
: بخيير بس تعرفين مع الشغل والحوسة مرة ما اشوفو!

رحاب
: الله يعينه يارب, (تطالع جوري باستغراب) : جوري انتي ماكنتي تكلمين سلمان!

جوري
: وييييييي نسييته!

جوري تاخد الجوال
: الوو!

سلمان
: لاو الله تذكرتيني؟
ريم ورحاب يضحكون: هههههههههههههههه

,*
عقب سواليف وضحك وهبال
,

رحاب
: والله قعدتكم حلوة بس بروح الحين وراي مصايب والله!

ريم
: ويييه عاد الله يعينك مع هالشغل!

رحاب
: اييه والله! , عاد لاتقطعون تذكروني شوي!

جوري
: اكيييد ياقلبي!

تاخذ اشياءها رحاب وهي طالع يدق الباب
!

جوري تفتح
: هلا سلطان!

من تقول سلطان ورحاب توقف
جوري
: اش بغيت!

سلطان
: ريوووم وينها يالله عشان اوصلكم بالطريق!

جوري
: لااه ! مالعبت مع فدوووو!!

سلطان
: خلاااص بس! المرة الجايه تلعبين لين تطفشين !

ريم
: هههههههههه طيب طيب , يالله رحاب نوصلك بطريقنا! , سلطان عادي صح؟
سلطان يسمع اسمها وقلبه يرف : اييه اكيد يالله نفس الطريق اصلن , روحو اركبو انا بجيب جوالي نسيته بالمجلس والحقكم !

ريم
: ان شاء الله
ريم ورحاب ومعهم فادي يركبون
رحاب: في داعي الحين تحطيني بهالموقف
ريم: اييه لاتتهربين منه!

رحاب
: انتي عارفه انكم بتنزلون قبلي!

ريم
: ادري , لازم يكلمك رحاب لازم!

رحاب
: واذا ماقال شي؟
ريم: مالك دخل انتي بس , سكتي كاهو جااي!

سلطان يركب
: السلام علليكم , ها خلاص!

ريم
: وعليكم السلام ايه خلاص
سلطان: رحاب بتنزل معاك ولا بيت عمي؟
ريم: لا بيت عمي
سلطان: اووكي حلو!

رحاب تطالع ريم
, وريم تغمز لها!
,* المهم تنزل ريم : يلا حبيبتي انتبهي لنفسك وتسلم عليها
تركب رحاب قدام ,

سلطان
: يلا ريمو وسلمي على فوااز قوليله يخلينا نشوفه شوي!

ريم
: ههههههههه ان شاء الله ان شاء الله
سلطان : بسم الله , ويتحرك
يسود الصمت ,

سلطان يوقف على جنب
,

رحاب
: شالسالفة
سلطان يكح بقوة ,

رحاب
: سلطان اشفيكك؟؟ اسم الله عليك!

سلطان
: يضحك وعيونه دمعت من الكحه!

سلطان
: خفتي علي؟
رحاب تبتسم : يوووه شحركات المراهقين هذي
سلطان : اوكي خلينا جادين , انا احبك! وراح اتقدملك!

رحاب تتفاجئ
: !!!!!!!

سلطان
: ها شقلتي!

رحاب
: بشنوو؟
سلطان: شفيك انتي ماتسمعين؟ اقولك بتقدم لك تقولين بشنو؟
رحاب: مـ مآدري!

سلطان
: لا تدرين , شوفي انا مابي اظلمك معاي لاني اخاف عمي يوافق وانتي ماتبيني!

الحين شوفي انا بعطيك فرصة تفكرين
!

رحاب
: ............

سلطان
: فكري زين , ورديي علي !
.................................................. .....................

بمكان آخر
,

سلمان يدق على الجوري
الجوري
: آآلوو!

سلمان
: هلا ياقلبي , كيفك؟
جوري: الحمد لله طيبة
سلمان: الحمد لله ,

الجوري
: وانت اخبارك؟
سلمان: بخير الحمد لله! راحو ريم ورحاب؟
الجوري: ايه من ساعة وصلهم سلطان
سلمان: أمممممآ
الجوري: ايييه! هههههههههه تخيل سلطان ورحاب نفس السيارة
سلمان: لا بصراحة اهنييه! و اسمعي
سلمان: اليوم كلمت امي ! وقالت دق على عمك
جوري: بشنو؟
سلمان: شلون يعني بشنو؟ بزواجنا!

جوري
: =$

سلمان
: ههههههههههههههههههههههههههااي
جوري: على شنو تضحك
سلمان: لا بس اموت واشوفك وانتي مستحيه
جوري: ماالت!

سلمان
: هع , المهم دقيت عليه وان شاء الله بكرة نجي ونخلص , هففففف مليت!

جوري
: لو ملييت عادي نهون يعني مو مشكلة !

سلمان
: اقول حطي لسانك بحلقك احسن لا انط الحين اكفخك!

جوري
: ههههههههههههههههههههه
سلمان : خيييييير؟
جوري: لا بس امووت و اشووفك معصب
سلمان: ايوااا وحده بوحده يعني!

جوري
: ييييييب
سلمان: صدق انك بزر وانا جالس اضيع وقتي مع بزر اقوول اقلب وجهك الحين بس مالت عليك!

جوري
: تضحك بقوة وتسكر

,*
ببيت ريم وفواز
الساعة
1 ونص صباحاً , وريم تنتظر فواز يرجع...

وتغفى
, وفجأة تسمع صوت المفتاح
فواز: انتي صاحية؟؟؟؟
ريم: اييه
فواز: وش مصحيك هالحزة؟
ريم : لا بس الجيران ما رجعوا! , سلامات وش مصحيني

فواز
: ههههههه ياعمري منتظرتني !

ريم
: هىآآآآآآآآآآآآآآوم! , المهم الاكل هناك بالطاولة انا بروح اناااااام!

فواز
: لا تتعشين
ريم: ويييين؟؟
فواز: بالمكتب بالمكتب
ريم: هممممم عدل , تصبح ع خير
فواز: احححم!

ريم
: لا تقعد تتنح نح لي ماعندي لك شي ! عشان تاني مررة لاتجي متأخر
فواز: هههههههههههه (نذلة)

ريم
: نذلة ويهك يا كلب ! وتروح تنام

*,

البقية بعد الردود

**أنين طفلة** · منذ /26-08-2011, 11:25 PM

مشكورة سيدة معلقة
آسفة يس استنتاجاتي
طلعة صح
يلا ننتضر التكملة
ويسعدني لأني أول وحدة رديت

**F A B U L O U S** · منذ /10-09-2011, 09:19 PM

البآرت الأخير, الفصل الثالث...

عُقُب فترة, تتجمع اللعيلة ببيت ابو خلف

بالمجلس...
سلمان: اقول سلطان...
سلطان: هلا اخوي
سلمان: منت ناوي شسمه ذا تكمل نص ديينك تراك صرت شيبه!
سلطان:هههههههههههههههه اما شييبه! لا لا تخاف ان شاء الله قريب اصبر بس...
سلمآن:الله يبقيني اشوف هاليوم
سلطان: هههههههههههههه لهالدرجة فاقد الأمل
....
الا شوي ويدخل من الباب......فهد!
سلمان: اقوول فوا.. ويقطع كلامه يوم يشوف فهد...يطالع سلطان: منووو هذاا؟
والكل يضحك, ويسلم عليه بحرارة !!
سلماان: فهيدان يالكلب متى جييت؟
وفهد يضحك: إسال فواااز
فواز: شرايك المفاجأة!
..............................................
عند البنآت...

جوري: اقول شرايكٌم نجيب شوي من الحلآ مررة ماشبعت منه!
العنود: سلامات! من متى كان الحلا شبع؟
جوري: طلعي منها بس!
ريم:ههههههههههههههه طيب انا اجيبلك, رآرآ يلآ نروح!
رحاب: أوكيــك
................................................
وينزلون
ريم تسمع صوت جوالها من داخل: يووه! سبقيني اوكي
رحاب: ماشي...
.................................................
سلطان: انا عطشت صراحة
وليد: روح اشرب!
سلطان: هزُلت وربي
ويضحكو الشباب
يروح المطبخ لان اللي تحت مايجونه البنات
يدخل يدور قلاس وما يلاحظ رحاب اللي تنخش ورا الثلاجة
رحاب: ياربييييي!
يجي يم الثلاجة يلاحظ شي!
سلطان: شنو هذا؟
يشوف, ويلقاهآ!
من الحيآ تغطي وجههآ بيدينهآ
سلطآن يضحك ضحكة من قلبه
سلطآن: الحمد لله والشكرْ, ويشربْ ! وماخد راحته
رحآب: سلطااااااااان!
سلطان: اييه خلاص معليش ويضحك ضحك ثانية اقوى ويطلع
طبعاً رحاب وجهها صار طماطم ! =$
وطلعت فوق وهي حاطة يدهآ ع خدهآ
ريم: هههههههههههههه اسم الله! اشفييك؟
رحآب: يوووه ريمووو بعديين!
ريم: !!!!!!!!!!!! اوكي !!!!!!!!!!!!!!
المهم سولفو البناات لين تعبوا
جوال الجوري يدق تبعد عن البنات وترد : هلا سلمان
سلمان: هلا والله, ها وينك؟ ابي اشوفك!
جوري: شنوو تشوف!
سلمان:اقول لا تستهبلين ابي اشوووفك!!
جوري: لاا طبعاً مستحييل
سلمان: يآوخيتي لا تسوين لي سالفة, رازين وجوهنا ببعض 6 سنين لا تسوين مستحية انتي وخشتكي !
جوري: هفففف ياخي اسلوب شوي!
سلمان: انزين يالله انتظرك بالحديقة 3 دقايق جيتي كان بها ماجيتي قسمن أطلقكِ!
جوري: لا باللهي؟ اتحدآأآأآأآأآأآأآأآأآك!
سلمان: باقي دقيقة!
جوري تقفل وركض تطلع الحديقة توقف عند الباب وتحط شيلتها <كححح كححح
تطلع وما تلاقيه : وجعععع سلمانوه!
يجي يتسحّب من ورآهآ: بخخخخخ!
جوري: آآآآآآآآآآآآآآآآآآآآآآآآآآآآآآآآآآآآآآآآآآآآآ
سلمان: مواهاهاهاهاهاهاهاهاها ! <<معليش اهبل شوية
جوري: وجععععوووه !
سلمان: حراااام
جوري: لاتسويلي الجرو الحزين الحين
سلمان: هههههههههههههههههه ياليت تشوفين وجهكِ قسم بالله فلللله
جوري: انقلع غبي!
سلمان: عليكِ
جوري: أوووه!
سلمان: لااااه من صجك انتي؟ اقول لا يكثر زين
جوري: كف ترا؟
سلمان: اسف طال عمرك
جوري: ايه زين, يلا تامر شي
سلمان: وييين؟ ماسولفنا
جوري: سوالفك نفس وجهك لا تزوجنا نسوولف ناوي تلعب شكلك انت
جوري وهي رايحة : ناس تخاف ماتختشيش
سلمان !!!!!!!!
.................................................. ......
بعد ماخلصت الحفلة وكلن يبي يروح خلاص
يجي فواز
يدق ع ريم
ريم تشوف رقمه : همممم
ريم : آلو؟
فواز: حبيبي!
ريم: كيفك؟
فوواز: تمام وانتي؟
ريم: تمام
فواز: ها خلصتي؟
ريم: دقيقتين
فواز: حلو
ويسكرو
*,
ريم: يلا حبيباتي بتوحشوني فديتكم
رحاب: ريموووو بدري؟
ريم: معليش بس فدو مع امي واكيد تعبها تعرفون شقاوته
رحاب: ههههههه فديته بوسيلي هوه والمرة الججاية جيبيه
ريم: اوكي ان شاء الله يلا حبيباتي
جوري: يلا وانا معاك
العنود : يلا عبد الله توه داق بطلع معكم
رحاب: عاد لاتنسونا صير افتكرونا ودقّو
العنود: معقووولة ننساك؟
جوري: والله انتي عاد زهايمر ماتدرين وين الله حاطك!
العنود: اتلهِ انتي بس!
جوري: اووخص!
رحاب: يلا بس تهاوشو برا بيتنا!
.................................................. .....................
يردون البيت ,

ريم سرحانة بالشباك:
ريم: فوازّ!
فواز: عيوني
ريم: تسلم عيونك, اممم تتوقع بيصير عندي احفاد
فواز ! : اش هالسؤال!
ريم: مادري, اتخيل انو كدا عندي احفاد واجلس احكيلهم قصص
فواز: ههههههههههههههههههههههههه صاحية انتي؟ وش شربتي
ريم: فواااز!
فواز: طيب انا اسف امزح معاك, بس شنو جاب هالسؤال ع بالك
ريم: مادري, احس اني مابعيش واشوفهم!
ع طول فواز يوقف
يلتفت عليها
فواز: ريم؟ شفيك؟ شهالكلام الغريب
ريم: مادري! اخاف..! وتنزل راسها
فواز يرفع راسها: ريم؟ الاعمار بايد الله ! ان شاء الله بتشوفين عيالهم بعد, كل شي له حل ان شاء الله بيصير كل شي تمام حبيبتي !
ريم: فواز ترى لو تبي تتزوج انا راضية!
فواز: لاااه! تبين تزعليني منك انتي اليوم؟
ريم: لاااه حبيبي بس ابيك تشوف عيالك و...يقاطعها
فواز: ششش...مابي اسمع هالكلام مرة ثانية, عندي فادي مكفيني, وبعدين من قالك ابي عيال؟ انا مرتاح ومبسوط معاكِ, ليش تبين تزعليني؟
ريم: واهلك؟
فواز: رييم؟ هذي حياتي مو حياتهم؟
ريم:....مادري
فواز: لاتفكري كثير ولا تشغلي بالك بهالسوالف, انا ابيك انتي وبس , وحتى لو ماكان فادي, انا مبسوط معاك!
ريم: =$
فواز: وين هالابتسامة من اول
ريم: ههههههه
.................................................. .................................................. .........
ريم تشولف ويا رحاب
رحاب: اقولج دخل علي ومادريت شسويي , ومالقيت الا ورا الثلاجة مدري شلون شافني!
ريم:ههههههههههههههههههههههههههه
رحاب:تضحكين؟ وربي احرااااااااااااااااااج!
ريم: فديييتك ههههههههههه
رحاب: ملعوون كرهته!
ريم: همممم
رحاب: شو همممم؟
ريم: بنت! تحبيه؟
رحاب: هـ هاأ؟ شنو؟ من؟
ريم: تحبييه صح اعترفيي؟
رحاب: شنو هالكلام ريموو!
ريم: رارا؟
رحاب: والله مادري
ريم: الا انا دارية ترا من زمان انتي مبين
رحاب: واايي؟ مبين ؟ يعني لاحظظو علي؟
ريم: ياغبية ؟ لا بس انا لاحظت
رحاب: وووهَ! خرعتيني
ريم: بس انتي ماتبين تعطينه فرصة
رحاب: مدري اخاف!
ريم: من شنو؟
رحاب: مادري تدرين اهو اخو...
ريم: راكان؟
رحاب: اييه
ريم بنبرة فيها شوية حزن: ايه ادري بتقولين كدا
رحاب: ريمو! انا اسفة حبيبتي! والله ما قصدت اجيب طاريه
ريم: عادي حبيبتي شنو تتاسفين له؟ انا تعديت هالمرحلة
رحاب: بس اهو وينه ماله شوف؟
ريم:يقولوون راح يدرس برا هرب من فواز
رحاب: ياحيااتي ع الخوف!
ريم: اييه فديته حبيبي!
رحاب: كحح كحح نحنو هونا
ريم : هههههههههههههههههههههههههه
.................................................. ....................................
العنود: ترا لازم تثقلين شوي! شنو سالفتك انتي كللش معه ع التيليفون!
جوري: شسوي يدق ماقدر اطنششش لو مارديت سوالي سالفةَ!
العنود: لا حبيبتي ترا لا بكرة راح ودور غيرك لاتلومني
جوري: ويييييه؟ تحسبين؟
العنود: اييه كلهم كدا نفس الشي يجي يلعب وكمل ويروح
جوري: لاالالا مستحييل سسلمان يكون يلعب
العنود: حبيبتي الشيطان شاطر
جوري: طيب!
جوري: وااي يدق
العنود: هاتي. آآلو؟؟؟
سلمان: ؟؟؟
العنود: انا نودي
سلمان: هلا والله؟ وين جوري؟
العنود: الجوري تعبانة نايمة
سلمان:سلامات , شفييها؟
العنود: الظاهر انها هالايام طول الليل تسهر مادري شفيها < وهي تطالع جوري بلؤم
سلمان: ااهاا! طيب بدق عليها بعدين
..
جوري: واي ياقو قلبك؟
العنود: اعجبك!
جوري: بس اشتاقله!
العنود: لاتكرهييني؟ بتصبرين غصب خله يملك اول ياختي صار مصخرةَّ!
جوري: طيب
,*

بآقي اخر فصل تشجيع شوي طيب

**أنين طفلة** · منذ /11-09-2011, 03:09 PM

يسلموا ننتضر الفصل الآخير :)

**ڷـِـِۑڷێ ..||«** · منذ /30-09-2011, 11:36 AM

السيدة ملعقة ..

ماشاء الله بارتات حلو و و و ة زيك

لآتعليق .

أنتظر البارت الي بعــــــــــــــــــدوو

**F A B U L O U S** · منذ /05-11-2011, 11:43 PM

نأسف ع التأخيير يا حلوآت

وآخر بآرت في الرد الجآي لعيونكم
كل عام وانتُ بخيييرْ

**F A B U L O U S** · منذ /06-11-2011, 10:15 PM

الجزئية الأخيرة~

تدخلْ ريم الغرفة وعيونهآ غرقانة دموعْ
وترتمي على السرير وتبكي بحرقةةة !
<
ف المسآء يجي فوآز, يلاقيها قاعدة تطالع التلفزيون ,
فواز: مساء الخيير ياحلوهـ !
ريم:....
فوآز: ريوومتي وينهآ؟
ريم: هه, اهليين فوآز, متى جيت ماسمعت صوت الباب
فواز: همممم!
ريم: همممم شنو؟
فوآز: اللي ماخد عقلك يتهنى فيه!
ريم: ههههههآ, محد غيركْ
فواز: ياقلبي انتي !

*,

بالليلْ
ريم جالسه ع السرير تفكر..
يمكن بس يقولي كدا عشان ما ازعل وماا افكر
يمكن هو يبي عيال بس مايبي يزعلني !
بس كيف اقنعه..
يدخل فوآز..

فوآز: ريومتي !
ريم: هلا, يَ عيونهآَ
يجلس جمبهآ
فوآز: بس ليه زعلانة عيونهآ؟؟
ريم تصتنع ابتسامة: لـآ حبيبي, بس تعبآنة شويه!
فوآز: سلامتك يا عمري انتي!
ريم: تسلملي ياااارب!
تلتفت ريم ع الشبآك..
فواز: ريم..!
ريم: هلا حبيبي!
فواز: شفيك ريومه؟
ريم: والله مافيني شي انته بس مكبر الموضوع, شوية تعب
فواز: موضوع العيال؟
ريم:...
فواز: ريم
تطالعه..
فواز: كم مرة قلتلك اني مابي غيرك!, حبيبتي والله انتي وفادي مالين علي دنيتي
خلاص مابي غيركم !,
ريم: بس يا حياتي... ماتبي يكون لفادي اخوان
فواز: اهو اشتكالك!, بعدين بكره اعمامه يتزوجون ويجيبون له اخوان, ما بيجيه شيّ
بكرهـ يكبر ويقولك..
ريم: :(
فواز: ياربييي!, ريم خلاص لاتزعليني علييك ! ليه كل هالحزن! الموضوع بسيط
ريم: مادري! احس انك تقول كدا بس عشان تخفف عليّ
فواز: رييم !!! اش هالكلام, تعالي بس, يضمها وتجلس تبكي
بسس خلاص تكفين!‘* يمسح دموعها, ريم وربي مابيي غيررك ! والله اني مبسوط
اتصبح بهالوجه, واتمسى فيه, كفاية اني كل يوم اشوفك قدام عيني, واحسسك حوالي!
تكفيين لاتزعليني منك, مو انتي تدرين قد شنو احبك !
ريم: ادري
فواز: لا ماتدرين, و تدرين ماكان قلتي هالكلام, والحين يالله ورين ريومتي الحلوهـ !
ريم تضحكك
فواز يضمها بقوة : ياقلبييي انتيي!, اييه كذا تكفين مابي دمووع!! ومثل ماقلتلك, ترا وربي انتي
دنيتي كلهآ, وضحكتك هذي تمليي عليي هالدنيا كلهاا!, تكفين ! لا عاد تفكرين كذا, طيب حبيبي؟
ريم: طيب!
فواز: يلا تعالي انيمك,
ريم: ههههههههههههههه, طيب
ويجلس يغنيلهآ: يالله تنآم ريمآآآ ! يالله يجيهآ النووم! يالله تحب الصلاة يالله تحب الصوم
ويالله تنام يالله تنام لادبحلكك طيير الحمام, رح ياحمام لاتصدق بدحك على ريمآ تتنآم,
ريم: هههههههههههه,
فواز: لا تضحكين, نامي يالله !
ريم: حاضر,

*,

في مكان آآخر..
سلمآن يتصل على رحآب
طآط, طآط..طآط طآط......
سلمان, شفيهى ماترد؟, مو من عوايدهآ؟؟
,’
جوري: نودي حراام خل اردد!
العنود: قلنىآ لأأ! بلا مصخرررة! تزوجو وفكونأ عقب سولفي لين تمرضين!
جوري: بس بيزعل؟
العنود: اجل المرة الجآية علميه لا عاد يدقق ! تدرين وش بيصير لو درت امك! قسم لا تحللقلك شوشتك ذي!
جوري: ههههههههههههههههه

*,

رحآب: يبهّ!
ابو خلف: عيونْ أبوك!
رحآب: تسلم عيوونك ياا احلى ابو!, يبه أبي اروح السوق ودي بشوية اغراض!
ابو خلف: انزين يبه, روحي, مع مين بتروحين؟
رحاب: تسلم يبه, بعلم خلف !
ابو خلف: انزين يبه !
تحب رآسه وتروح

بالسيآرة|~

رحآب: خلووفي !
خلف: خلووفي !
رحاب: ههههههههه,
خلف: يآ حول الله يارب!
رحاب: روقنا طيب!
خلف: هااه شتبين!
رحاب: شرايك فيني؟
خلف: من ايت ناحية!
رحاب: من كل النواحي
خلف: بس لا تزعلين!
رحاب: لا بس قول
خلف: يعني,, اممم شكلك كويّس مو حلوهـ بس تمشين الحال يعني!
رحاب: خلففف!
خلف: هههههههههه, بس سؤال مدري اش يبي!
رحاب: جااااوب بسسسس
خلف: مابك عيب, حليوهـ و اخلاق ونسب ححححح
رحاب: كحححح
خلف: ههههههههه, بس ليه تسألين
رحاب: حب استطلاع بس
خلف: الحمد لله والشكر
رحاب: سوق وانته ساكت بسس| هههههههههه

*,

سلمان + سلطان + خالد + وليد, جالسين بكافيه يسولفون
خالد: سلووم!
سلمان: ايوهـ
خالد: متى تتزوج وتفكنا ياخي!
وليد: يب , تراك زودتها والله ! ماعاد نبيك ماتحس؟
سلمان: هيه هيه انت واياهـ! شدخخخخلكم!, جالس ع قلبكم؟ طيرو بسس
خالد: لا ياااخوك, بس نبيك تكمل نص دينك يعني وتسذا!
سلمان: اييه هيّن انت وتسذا اللي ما تشبهك ذي!
ويضحكون
سلطان: خخخخخخخخخخخخ, انزين اسمعوا انا بروح اشوف وين جوالي شكلي نسيته بالسيآرة !
*,

رحآب شآيلة يجي ميية كيس, وتكلم الهنوف ع الجوال
رحآب: هههههههههههههههههه, من صجك انتي؟, ايوهـ, وبعدين شصآر؟
ههههههههههههههههههههههههه

سلطآن وهو رايح عع سيارته يشوفهآ,
سلطآن: رحآآب!
رحآب : سـ سلطان!O_o
سلطان: شهالصدف الحلوه!
رحاب: دقيقة نافي ارجعلك بعدين !
,
رحاب: هلا سلطان تمام كيف؟
سلطان: بخيير تمام ! , ما اشوف معك احد, بروحك؟
رحآب: ا ا اييه! لآآ معاي البنات بس راحوا يجيبواا اغراض وبيلحقوني
سلطان يحس انها تكذب: اهااا, اوكييه, هاتي عنّك < ويشيل عنها
رحآب: لااه عادي ترا, طيب مشكوور
سلطان: لا ولو !
رحاب: مع مين جيت!
سلطان: سلمان والتوأم المختلف
رحاب: ههههههههههههآآآآي حلوهـ< تحس انها فلتها شوي
سلطان يالبى الضحكة ياناس : دوم الضحكه هههههههههه
رحاب: =$ ههههههه
سلطان: اوصلك؟
رحاب: هاه!, لـ لاا, باخذ ليموزين
سلطان: والبنات!
رحاب: اي بنات؟
سلطان: اللي قلتي انهم معاك ويضحك
رحاب: هاه , ىآآآآآممممممم! شسمه!

سلطان: هههه لاتخافين ترا ما اعض!
رحاب: ههههههههههههه
رحاب: لا بس اخاف احد يشوف ويفهم غلط ^_^
سلطان: طب دقيقة, يفتح باب السيارة ويحط الاكياس
رحاب" سلطان خليني اروح بليز!
سلطان: صبري بسس
ياخذ الجوال ويدق على خلف
رحاب: ؟؟!؟!؟!؟!
سلطان يأشرلها اصبري
سلطان: الووو, خلييف! , اخبارك؟
الحمد لله تمام انا!, وش مسوي مع الكرفف !
ههههههههههههههه, اقوول ترا شفت رحاب وقالت بتاخذ ليموزين
وانا اقولها اوصلك ماتبي, شرايك!
هههههههههههههه, طيب يالخبل , يلا باي
رحاب: =$$
سلطان: ؛) يلـآ أركبي
رحاب: وربي انك عجيب 1
سلطان: ههههههههههههههههههههههه
*,

تَتوآلى الـأحدآثْ, وتتغير كثير من الأمور , لن أكمل, سأترك بطلة الروآية تكملْ...
ريم..
*,

كبرنآ, لم نعد كالسآبق, ربمآ تغير الكثير منننآ , تغيرت أحوآلنآ, بقي بعضنآ كمآ هو, وابتعد عننآ البعض الآخر !
ولكن, أروآحنآ مازالتْ كمَآ هيَّ !, تنبضُ بالحبّ لبعضنآ, ضحكآتنآ, دموعنَآ, أحزاننآ, أفراحنآ, أتراحنا احاديثنآ الطويلة, سعآدتنآ ححينَ نرى بعضنآ,
كلُ شيءٍ محفورٌ بذاكرتِي, كلَ يومٍ اظل أفكر فيهم, وأبتسم حين يمرّون أمآم عينَآيْ..
فَ جوريتي الصغيرة, صآرتْ الـآن أماً لأربعة أطفال, كالملـآئكة تماماً, مثلهآ !
وسلمآن ذلك العآشق, مآزال يحبهآ كمآ كانآ, وربمآ أكثر!,
اراقب نظارته لها حينْ تمرُّ امامه, يكاد يأكلها بعينيه, لديهما ذلك الحبّ الذي يعجزان عن اخفاءهـ !
*,
رحآبْ, توأمُ روحِي, لم تستطع أن تبتعد عني, فأنتقلت بالقربْ من منزلي, هيّ وذلك الزوج المحبْ َ!
لم أرى مثل هذا الثنائي من قبل, متفهمآن, لهمآ ذلك الحبّ الهادئ, ترا الدفئ في عينيهمآ حين تلتقيآنْ !
لم تتغير هيّ !, جميلة كمآهيّ, ذلك الوجه الذي يروّح عني كلمآ شرعتُ بضيقْ!
*,
العنُود, تلك المجنونة!, كمآهيّ, رفضت الزوآج, وسآفرت لتدرسّ في إحدى الجآمعآت بالخارج, ومازلت تكتب لي, تقول في آخر رسائلها : جننوني عيال المهآبيل! ولعنتن تلعن التدريس واليوم اللي قلت فيه بدرسسْ! جعل ينقصص لسآني ذا اللي جايبلي البلـآآوي!!
,مصدرٌ للضحك ! , كمآهيّ !
*,
تزوج التوأمآن , وسآفرا ليعيشآ خارجاً, لم يستطيعا الابتعاد عن بعضهما,
*,
وانتْ, لم تبتعدْ كثيراً, رغم انك ذهبت بعيداً !, مازلت في قلبي, اسمعك مع كل نبضة, واراك في كل غمضة عينْ! مازلت في قلبي, تشعرني بالآمان حين احتاجه, وتذمني اليك حين اكون وحيدهـ, لم أعد أرى غيرك ! , ولم اعد اكتب لغيرك, قالوا لي كثييراً, لقد صرت هادئة وحزينة بعد فراقه, لكنني اصمت, لأسمع صوتك دآخلي!
مآزلت اراك كلّ يوم, اضمّك اليّ , واقول لك ان تكون حريصاً على نفسك, نعم, اراك في عينيه, وفي وابتسامته, الذكرى الوحيدهـ التي تركتهآ لتطمأنني, لأظل حية لسبب مآ, "فآدي" !, فلذة كبدي, طفليْ الذي لم انجبه ! هديتي من الله !
كلمآ ضعفت امام حال الدنيآ, اصلي, وادعو لك بالرحمًة, ادعوا الله ان يصبرني لفرآقك, فيأتي ابنك, ليربت على كتفي, ويضع يده على صدري, ثم يقولي لي : أمي! انه هنا!
فتنهمر دموعي, واضمه, فيتملصمن بين يديّ, ويقف امامي غاضباً, أميي ! ماذا بك؟, هل انت خائفة؟ اقسم انني لن اترك شيئاً يؤذيك!, انني رجل امي! الست كذلك, لقد كبر ابنك الصغير, وذهب الى المدرسة, انه ذكيّ جداً, بقدرك تماماّ, يأتي كل يوم, ليريني لوحة, يرسمك عليهآ, يقول لي, اخبريني عن ابي !, فأحكي له, ونضحك! حتى ينام بين يديّ!
عزيزي!, انني حقاً اشتاقك! اشتاقك اكثر من كل شيء!, وافتقد وجودك كثيراً, لكنني أكتب اليك, رسائلاً, اعلم انها لن تصل ابداً!, لكنني فقط أكتب, لاشيء استطيع فعله غير ذلك!

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

احبك في قصيدة شوق كتبها بالهوى شاعر

الـقـصـص و الـروايـات