+"+"+"قصيد الشيخ زايــــــــــد رحمه الله"+"+"+"

**عامريه وكلي فخر** · #1 06-02-2008, 02:15 PM

السلامـ عليكمـ...

اليكم بعض القصائد وهي من كلمات الوالد الشيخ زايد رحمه الله..

هلا بنور الفجر
هلا بنور الفجر زاح الظلامي هلا بـه ألف ترحيبـه وحيـه..
هلا به عد مـزن في غمامي وما هبـت نسيـم المطلعيـه ..
أقـدم له تحيـات وسلامـي جـواب يوم بـادر بالتحيـه ..
فهيم ويفهم الـ معنى كلامي لبيب العـود لفتاتـه ذكيـه ..
مهاه إيتـم إنسي وانسجامي بدونه حالتـي حالـه شقيـه ..
وحبي لـه تسبب في غرامي أنا راضي ونفسي له هديـه ..
تملكنـي وملكنـي بالزمامي و انا سلمت له بنفس رضيه ..
فـلا والله لـي مثلي يلامي و فعل الخيـر مايجزى بسيه ..
رعـاك الله يا ظبـي العدامي أميـر والغوانـي لـك رعيه ..
جديـر بكل حبي واحتـرامي و يكفيني متى ترضى عليـه..

نسنس شرتا الفجر
نسنس شرتــا الفجـر ويا ذعـذاعه عبيـر ..
فـل وعنبـــر عبـر عطر كـل الحضيـر ..
يا نــور و يـا قمـر يـا شمس مستنيـر ..
ودك خـذنـي جبــر قلبـي عنـدك أسير ..
لــك يـا دل منحــدر يثـل ضافي مثيـر ..
مالـي دونــك صبـر مـن عنده بستجير ..

يا حي فضل الله
مرحبا يا حي فضل الله حي من تزهي به اوطاني ..
الغضي لي له قدر والله إحتـرام و يـاه وشانـي ..
لي ينير الحوش والفله والحشـا منهـوب يفلاني ..
لي بقلبـي باني حلـه ما يخلفـه واحـد ثانـي ..
يا شبيه الموز في حله تايـه والعــود رويانـي..
والهدب لمسويـن ظله فوق طرف العين له زاني..
والنهـد ثوبيه قد شله مثـل شوبينـن برمانـي ..
والمعنق زاهي ابدلـه والخـدود بـروق فمزاني ..

صوتك الموسيق
صوتك الموسيق بالهاتـف لفاني او صويت الراعبي في الموسميه..
ياثليل العيـن لي صوتـك سباني ياعويـد المـوز في بكس غنيه ..
يا خفيف الـروح يا سيد الغواني بيـن كـل الخـود فايز بالمزيه ..
االسجايـا وخاطـر لك مرحبانـي والحلا في الطبع والنفس الزطيه..
طيفك الشفـاف في نومي ظواني ما يفارقنـي صبـاح ولا مسيه ..
كامل الاوصاف في فكري وذهاني انتظر شوفك كمـا عيد الضحيه..
وان سالت اليوم يا مانع اش ياني اني المشتاق ال حلـو السجيه ..
بي فـارق الخـل لي حبه كواني قبـل لا اشوفه في حلـه وزيه ..
لي سكن في اليوف ومشيد مباني وحاطهـا باسوار في قلبي عليه..
ذاك يللي بي وسجلتـه وعانـي للحبيـب امسلـم وادي التحيه ..

العيد عيدك
العيد عيدك يا مها الخود والافنا ما جاني العيـد..
يا ما كثر اللي هوب مقصود هشل ولا تهزف له الليد..
قلبي امعبا منـك بنضود أو لا له مجال إيضيف ويزيد ..
إلا انت لي ساكن او موجود لك منزل في باطن اسعيد ..
يالسولعي يا تـرف لخدود يا سيد الخفرات والغيد ..
مهما بعدتني عنك لحدود واتوعرت من دونك البيد ..
شوقي إلشوفك غير محدود لو إنت نائي عني بعيد ..
ياني خيالك والملا رقود إيزورني وانا به اسعيد ..
ونشيت ابغي الهاتف ايرود كود أو عساه إلرقمك ايصيد..
ناديت وترييـت مردود وياني الجواب اللي له آريد ..

دنيــا
دنيـا محـلا وطـرها فيهـا زهـت الانـوار ..
كثـر الخيـر وشجرها و تـوفـرت الاثمـار ..
يا هـا السعد وغمرها مــن والـي الاقـدار ..
عـم البـر وبحـرها و فاضت بهـا الانهـار ..
تتوافــد القطــرها عالـم مــن الـزوار ..
تتفسـح في شجـرها وورودهــا والازهـار..
فيهـا المهـا مكثرها وريومهـا والامهــار ..
يا سعـد اللي نظـرها وتحـف بها الاسـرار ..
نحمـد لـذي صورها وو هـب لهـا الاخيار ..
و عظمهـا فـي قدرها بيــاه واعتبــــار ..

إبسم
إبسـم تبسـم حياتــك يا قايـد الخفـرات والعيـن ..
عطاك ربـي لـك غناتك واصبحـت سيد في المزايين..
هنيت يا سيـدي بصفاتك وانا غني بك " م " الملايين..
كل يوم بي تكبـر غلاتك والقـاك دوم بعينـي تـزين ..
من بالحسن سيدي شراتك مثلـك فـلا قـد شافت العين..
الشمس تخجل من بهاتك والبـدر لـك يا نـواره يدين ..
مثل العسل منطق شفاتك ذرب .. ومـوزون بمـوازين ..
والطيب من أصلك وذاتك اواضـح ولا يحتـاج تبييـن ..

عويد البان
يـا عويـد البـان يا خلـي يا فريـد الحسـن باخـوانـه ..
روف بـي يـا كامـل الدلي لا تعـذب نفـس ولـهانــه ..
غيركـم يا زين انـا من لي منتقنـك "م " الغـزر دانـه..
معـك عفت الخـود بالكلي ماليـه فـي غيركـم خانـه ..
انت شمسي و انت لي ظلي و انـت لي تسحـرني اعيانه..
عيـن خشف الريـم لمفلي و الخـدود ورود بـاغصانـه ..
والخشـم كالسيـف منسلي والشفايـا حمــر رويانــه ..
أتلــع والجيــد متعلـي والشعـر طايـح على امتانـه ..
يا بديـع الحسـن لا تخلي فـي هـواك الروح شفقانـه ..
شوفنـي "م" الحب معتلي عاكـف "ع" لشعر واوزانـه..

ان هويتونا هويناكم
ان هويتـونـا هوينـاكم وبنتصبـر لـي جفيتونا ..
ما عرفنـا اليـاس وياكم ويـن بتسيـرون تلقـونا..
مستحيـل ان كان ننساكم لـو تقصدتـوا تهجرونا ..
نهجـر الدنيــا بليـاكم دونكـم ع مري فلا ايكونا ..
نرخص الغالـي العينـاكم وكـل صعب الكم ايهونا ..
في الصحا والنوم ننصاكم لا تسدوا الـدرب من دونا..
وفي الحشا والقلب سكناكم امشيدات اقصور وحصونا..
نـور يـا مـن محيـاكم مثل نور الصبح في الكونا ..
انفـردتوا في سجايـاكم نادريـن الحسن واللـونا ..
لـو حسبنـاهـا مزاياكم يوصـل التعـداد مليـونا ..
شاف شرع الحب دعواكم والهوى له شرع مضمونا..
عادل لـو كـان يـدراكم يالغضي لـي دوم مزبونا ..
وان طلبتونـا عطينـاكم وبا انزيـد الكـم اوزونا ..
وان طلبتونـا عطينـاكم وبا انزيـد الكـم اوزونا ..
لو اخذتوا الـزود يفداكم حبنـا متـوازن اركـونا ..

يالسمرا
يالسمــرا يالجميلــه إبيــه زاد الغــرام ..
أوعيــت عليه الحيله يــوم إنشـرن الريـام..
من شامــوا في مليله وآجـاسي الأسقــــام ..
وحبي اتزايــد شعليله ومالـذ إليه المنــام ..
العيــن إللي ثليلــه امفــارقهــا حــرام ..
عفــت الفرقــا الطويله يومهــا شرات أعــوام..
مع اعيـوني هميلــه يــذرف اوييــري زام ..
ذاكــر غــر يديله يضفي علـى لجـــدام ..
بانــي واسـدل سبيله فاحــم شروى الظــلام..
عنـي غبـى دليـلــه حتـى ابرويــا الحـلام ..
ولا ريت مــن يعني لــه ينقــل مني ســلام ..
ويخص لـي نبغـي لـه توضيـح مـن لعـلام ..
واللي مفــارج خليله معــذور مــا ينـلام ..

فمان الله يا زايد .. كثر ما هالخبر مشؤوم ..
فمان الله يا الوالد.. كثر خيرك في هالأعوام..
كثر حزني و أنا أشوفك.. تروح و موكبك مزحوم..
كثر ما نظرت محمد.. تودعك بشجن و أسقام..
كثر حزني و أنا أشوفك.. تروح و موكبك مزحوم..
كثر ما نظرت محمد.. بها غبنه وما تنلام..
كثر ما صورتك بكت.. عيون الناس يا المرحوم..
أبدعي لك.. فمان الله و براحه.. عساك اتنام.. فمان الله..

اختـــــكمـ..
عامريه وكلي فخر
الله يرحمه ويغمد روحه الجنـــه

المصدر: منتديات بنات دوت كوم

+"+"+"rwd] hgado .hdJJJJJJJJJJ] vpli hggi"+"+"+"

الموضوع الأصلي : +"+"+"قصيد الشيخ زايــــــــــد رحمه الله"+"+"+" || القسم : المخالفات || المصدر : منتديات بنات دوت كوم || كاتبة الموضوع : عامريه وكلي فخر