خيانه وأنتهت .. (( قصة من تأليفي وتصويري ))

**فتفوتة سكر** · #1 04-05-2007, 08:33 PM

السلام عليكم ورحمة الله وبركاته ..

صباحكم بردقان مقشّر .. ومساكُم بطاطس مبشّر << تم اقتباس الجمله من عمو مدمن شاهي هع

كيف الحال جميعا ..

<< مررررررررره ماهي لم المقدمات هع

الموووهيم ..

ندخل دوووغري بالموضوع

اليوم بقول لكم قصه عن خيـــــانه ..

البطله .. مس فتوش هع
البطله 2 البسه ..
المجرم السفاح العدو البس
الممثلين الثانويين .. 2 من الورعان

---

في يوم من الأيام ينقال انه جمعه 17/4 .. وقبل غروب الشمس الجميلة

جالسه اذاكر رياضيات .. << ينقال انها تبي تنجح والله اعلم

وبعدين الا اطالع من باب الحوش ..

الاقي البس (( القطو الميااااووو .. )) مسدوحه بحوشنا .. هي وورعانها ..

وانا ماغير اناقز من الفرحه .. اروح اجيب لهم حليب وموية .. والباقي من الغداء

وبس اتلهو مع الأكل

.. الا اجيب الجوال .. << الدمعه ماغيرو ..

واصور منا ومنا ..

وشوي الا يجي بس جحش .. باين عليه عفش من مشيته .. حسيت انه رجال ..

وينسدح قريب من البسه ..

الي ع اليمين البسه .. والي ع اليسار البس

تصدقون هالبس مايستحي على وجهه .. يوم ان مرته تبي تولد .. وهو مادري وين قاط وجهه عند بساس الجيران .. والحين لما عرف انهم اولاد .. جا يناقز من الفرحه .. مالت عليه الدب ..

هع

وبعدين انا مارضيت بالوضع ..

واروح احكي للبسه كل شي

ووريتها الدليل بالصوت والصورة

وهي الي تبكي من حينها .. وانا وش اعمل لها الحين ..

وماغير اتهاوش مع البس واقول له انقلع من حوشنا ..

وهو الي طلع ع السور .. ويطالعني بنص عين ويقول .. لو فيك خير تطرديني من هنا

.. هع

انا حزنت عليه وقلت يلا عشان بس يشوف ورعانه وهم يلعبون

وبعدين جلس يقط للبسه حكي من فوق السور .. وماغير البسه تفتح حلقها وتبكي ..

قلت مايبيلها مس فتوش .. غير تقطينه الحين بكف على وجهه << ايه صح ..

واطرده من الحوش نهااائي

وهي الي تبكي على حالها .. الحين هي في عداد المطلقات هع

وانا ماغير اهدي فيها.. واقول لها .. ترى الرجال ماعليهم امان هع

هديت شوي .. قلت لها عشان العيون الحلوة هذه صورة .. وهي الي تعيي.. وانا احاول فيها .. لين بالعافيه رضت .. هع

والورعان يلعبون وانا انادي عليهم عشان اصورهم .. والا معطيني اشكل << يعني طنااااش .. هع

وماغير اكلم امهم تعلمهم الإحترام من صغرهم .. مصخره والله .. هع

بعد نقاش طويل عريض

تكرم واحد من الورعان وعطاني خشته عشان اصورة

والثاني مععي الا مايبي يتصور .. يقول يخاف على سمتعه

قلت له يقطعك ياشيخ عطني وجهك لا بمخمس الحين اعدل لك ملامحك .. << يقطع ابو الشراسه هع

وهو الي ماد لي بوزة عشر طعش متر .. قلت له مالت عليك وع الي يصورك يالشاكوش ..

وبالأخير ..

رحت لمهم وقلت لها .. تراني بنزل الصور بالنت .. وهي الي تترجاني ماتبي الفضيحه وانا اقول لها معصي .. بنزلهم بنزلهم ...

وقلت لها تراهم اولاد موب بنات .. وبعدين من بيطالع بوراعينك وهمن صغار ياربي لك الحمد

وقلت لها غصب مو برضاك .. وهي الي تبي تهجم علي تبي تخربشني

عقدت معاها اتفاق .. حليب السعودية قليل الدسم اسبوع كامل وهي الي عجبها العرض وتقول لا اسبوعين .. قلت لها اجل بنزلها بدون اتفاق .. وهي الي تصارخ مس فتوووش تعالي يابت الحلال .. وعقدنا الإتفاق ..

وقلت لها يلا صورة اخير

مالت عليها بموت انا لو ماصورتها .. هع

النهايه ..

مع تحيات .. المخرجه

مس فتووووش
ملحوظة ::
عفوا لاحد يبلشني ترا الموضوع للتسلية مو اكثر

المصدر: منتديات بنات دوت كوم

odhki ,Hkjij >> (( rwm lk jHgdtd ,jw,dvd ))

الموضوع الأصلي : خيانه وأنتهت .. (( قصة من تأليفي وتصويري )) || القسم : "الأرشيف" مغلق || المصدر : منتديات بنات دوت كوم || كاتبة الموضوع : فتفوتة سكر

**m0on girl** · منذ /04-05-2007, 09:56 PM

هههههه
ياحليلك مس فتفوتة..شكرا عالتصوير والقصهـ..!..
.
.
.
m0on girl

**Demise** · منذ /04-05-2007, 10:04 PM

ههههههههههـ

الله يقـطع شيطـانكـ

**("غنج نجد")** · منذ /04-05-2007, 10:20 PM

خخخخخخخخخخخخخخخخخخخخخخخخخخخ

يؤ يافتفوته لو تدري اختي...تنهبل تموت على القطاوه تتسدح عندهم...

تسلمي ياغلاي قصه خطيره بغيت انام <<<تسمع بلقصص قبل النوم هع

**نونو القمر** · منذ /04-05-2007, 10:28 PM

هههههههههههههههههه

مشكوووور فتفووته عالقصه الخطييير .. وعالابطال الاروع .. ^^

**شموع لا تنطفئ** · منذ /05-05-2007, 06:43 AM

هههههههههه

يسلمو اختي

الله يحفظك

**دفء الشتاء** · منذ /05-05-2007, 12:46 PM

هههههههههههههه
الله يقطع بليسك
خخ وانا كمان مو بس اختي.. واخوي معاها ..يموتوا في البسس
تعرفي البطل الا دخل مزاجي هو البس هععع

تسلمي يالمخرجة مس فتوش ^_^

**لمووووونه** · منذ /05-05-2007, 02:30 PM

ههههههههههههههههههههههههه كركركركركركركركر
الله يرج عدوك رجا مبرحا
والله فطست من الضحك على قصتك

بس بيني وبينك
نزلت دمعتي لما روميو تركها اوه عفوا اقصد ابوهم البس

تسلمين ياحلوه عالقصه الرومانسيه هههخخععغ

**عروب ksa** · منذ /05-05-2007, 04:19 PM

و عليـكمـ السـلامـ و رحمـة اللـهـ و بركاتـهـ . .
فتوو ياحبـي لكـ بس . .
بـجد أسلوبـكـ عجيـب . . ^^

،‘

مت ضحـكـ على الصور و صيـاغة القصـهـ . . !
و لا أحلى شي لمـا صارتـ في عداد المطلقـاتـ '^^ . .

،‘

الامتـحانـات تطلع الإبداع المكبوتـ . .
خصوصـا ً لو امتحان رياضيـاات . .

،‘

يـعطيـكـ العافيـهـ . .
و لو حصل و تطورت الأحداث
لا تسيـن تنقلين لنـا كل شي بالتفاصيل . . =]

**فتفوتة سكر** · منذ /05-05-2007, 04:29 PM

السلام عليكم ورحمة الله وبركاته ..

يسلموو بنات ع مرورك

هع

والله مره مافيني حيل ارد على كل وحده

<< مسكينه ينقال عليها اختبار نحو بكره

الذين يشاهدون محتوى الموضوع الآن : 1 ( الأعضاء 0 والزوار 1)