(( روحــــي فــــداك )) قصة حب كويتية..من تأليفي...

[هدباء]

..".. الجزء الخامس عشر .."..

( الفصل الثاني )

من يوم فرقانا الى يومنا(اليوم)

مافات يوم الا وهي مشغلتني

إليا غفيتاشوفها في حلا (النوم)
واليا صحيت بكل الافكار جتني
عشقتها من قلب ميس (ومحروم)
وتركتها يوم انهاعاندتني
نار تشب بداخل القلب(بسموم)
حاولت اطفي ضوها واحرقتني
دنيا ثقيلة كلها هموم(بهموم)
كني حملتجبالها فوق متني

ببيت أبو مشعل << كان بيت أم فيصل مستقرين عندهم لثلاثة أيام و من بعدها يردون لرميثية .. أول من صحوا أبو مشعل و أبو فيصل على أذان الفجر و صحوا معاهم مشعل و زياد و فيصل و نواف و اطلعوا كلهم من الصبح للمسجد لصلاة الفجر .. على الساعة 7 الصبح كانت أم مشعل معاها أم فيصل بصالة تحت يتقهوون

و السوالف ماخذتهم بشراع و ميداف

عند البنات كلهم صحوا لصلاة الفجر من بعدها رجعوا يرقدون .. صحت أولهم بعد هالرقاد إلي غمرهم بالأحلام ملاك أرفعت راسها و أهي تناظر الساعة بتلفونها صج أمبجرة ولكن يلا دام بنات عمتها عندهم قررت تقوم و تسوي الفطور بنفسها لهم .. تحركت من على السرير إلي كانت أهي و مريم راقدين مع بعض و ادخلت تبدل اهدومها و اطلعت تسحي شعرها و تركته سايح على كتوفها و نشرت عطرها الخاص لها و اطلعت بتشيرت يدينها جبنيس بلون زهري حلوو و هادء و بنطلون جينز بلون كحلي غامج .. نزلت الصالة و حست بوجود احد بصالة طلت براسها ولقت عمتها و امها تحركت لعندهم تصبح عليهم

ملاك و أهي تبوس راس عمتها :_ صباح النور عمتي .

أم فيصل و أهي تناظر حلا ملاك من هالصبح :_ صباحج ورد يا يمه .

تحركت ملاك لأمها و باست راسها و صبحت عليها بالمثل

تحركت من بعدها ملاك بتمشي و لكن استوقفتها عمتها

أم فيصل :_ على وين يمه ملاك حياج تعالي قعدي معانا .

ملاك :_ لا عمتي السموحة بروح المطبخ اسوي لنا فطور ملكات الجمال قريب و يصحون .

أم فيصل :_ هههههههههه فديتج يمه يعطيج العافية ياربي .

ملاك :_ يعافيج ربي أن شاء الله عن اذنكم .

أم مشعل :_ أذنج وياج يا يمه .

تحركت ملاك للمطبخ و أدخلت و توجهت بشغلها لتزهيب الفطور

بصالة عند أم مشعل و أم فيصل من بعد ما طلعت ملاك

أم فيصل و أهي تحسها فرصة مناسبة لمتى ما رح تحقق إلي تبيه لمتى ما رح تجوف ضنى عيالها ناظرت بأم مشعل و أبتسمت لها :_ أقول يا أم مشعل طلبتج و لا ترديني يالغالية .

أم مشعل :_ ما عاش من يردج يا وخيتي مالج إلا طيبة الخاطر أنتي تآمرين موب تطلبين .

أم فيصل بوسعة صدر :_ تسلمي حبيبتي بصراحة كبروا العيال و صاروا كل منهم حريم و رياييل و ودي يا أم مشعل بشوفة عيالهم و ييتج اليوم طالبتج و عسا يارب ما تخيبني بطلبي ودي يا أم مشعل تكون ملاك بنتي لولدي فيصل من بعد أذنج و أذن أبو مشعل .

أم مشعل و أسارير الفرح تتهلل بمحياها و تنفتح ابواب طيبة قلبها :_ هذي الساعة المباركة إلي تيونا فيها و كل الشرف و ابوه و عمه ان يكون فيصل ولدنا لبنتنا ملاك فيصل ريال و ما عليه اقصور و بأذن الله ماله إلا طيبة الخاطر بس أنتي عارفة راي البنت بالأول والله لو تيين علي أنا و أبو مشعل حنا عطيناكم البنت من هذي الحظة.

أم فيصل :_ تسلمين لي يا وخيتي و هذا ظني فيج عسا ربي يقدم إلي فيه الخير الحين بس نبي نعرف راي البنت بالأول من بعدها نيي بكل شي رسمي بأذن الله.

أم مشعل :_ و نعم الشور بأذنه أجوف لج راي البنت و ما نبطي عليكم بالرد .

أم فيصل :_ أن شاء الله .

عند الرياييل بديوانية << كانت الديوانية فيها مشعل و زياد و فيصل و نواف متجمعين و كل منهم طاقينها وناسة

فيصل :_ أقول مشعل مطبخكم الحين فيه أحد .

مشعل :_ ما أظن و إذا فيه أمي و بس لأنة خواتي كلهم راقدين الحين .

من ياب طاري خواته مشعل اهتز قلبه فيصل و ارتبك

مشعل وهو يلاحظ هدوء فيصل بهلحظات :_ علامك فيصل في شي .

فيصل :_ لا لا كل الخير بأذنه بس بغيت اروح مطبخكم اشرب لي ماي .

مشعل :_ ما طلبت لا تتعب حالك أييب لك أنا .

فيصل :_ لا شدعوا كلنا أخوان اشفيها و هذا بيت خالي ماهب بيت غريب أنا اقوم خلك أنت قاعد .

تحرك فيصل و طلع من الديوانية لباب المطبخ إلي صاير من برة أول ما فتح الباب وقف بمكانه جامد وهو يناظر بنت معطيته ظهرها و تتحرك بنعومة بالمطبخ و شعرها إلي لينص ظهرها يتحرك بحلا روعة حس نفسه لأول مرة مو قادر يملك حركة جسمه و عينه .. بعد لحظات تدارك نفسه و تحرك بيطلع ولكن يده ادعمت كاس كان على الرف إلي جريب من الباب و طاح بقوة اربكت فيصل إلي نزل له ألتفت ملاك بخوف بقلبها ناظرت إلي وراها قاعد يصير لقت واحد مو مبين ويهه ولكنه يحمل قطع الزجاج بيدينه حست الشي يألم القطع تجرح بقوة اركضت و اسحبت لها فوطة صغيرة و اقتربت منه و ما كانت تدري من يكون هذا :_ عنك الزجاج وايد يجرح أنا بشيله بالفوطة و انت اغـ ...... ( أنشل لسانها لمن ناظرت عيونه إلي أرتفعت لها تناظرها مو معقول مو معقول فيصل إلي جدامها حست نفسها مب قادرة تتماسك و يدينها ترتجف ) .. فيصل إلي أنصدم بقوة و لأول مرة يكون بحياته عاجز عن الكلام أو حتى الحركة أو يصرف نفسه من هالموقف حس بدقات قلبه تتزايد سحب الفوطة من يدها إلي أرتمت على الأرض و بدى يلم الزجاج ما كانت تملك شي يخليها تكلمه أو تقول له أنا بشيل الزجاج عنك أوقفت على ريولها بتبتعد ولكنها اسمعت همس منه وهو يتألم ألتفت لقت يده أنجرحت و الدم ينزف منها أركضت لكبت صغير و افتحته و اسحبت منه مطهر و شاش و بعض الشغلات و يابت له ماي دافي يعقم الجرح و معاها قطعتين ثلج توقف النزيف رفع عيونه ناظرها و اهي كان كل همها تمحي منظر يده إلي تعور القلب و لا شعورياً تهادلت دمعاتها ما كان قلبها يتحمل منظر جروح بهشكل مدت يدها له بكاس ماي دافي :_ حط يدك لتعقم الدم لك .

ما كان يملك غير يكون أسير لكلامها و يطيعها دخل يده إلي أحرقته و مسك نفسه من بعدها مدت يدها و أهي تحمل له قطعة ثلج :_ مسد فيها يدك علشان يوقف النزيف .

و اهي التفت ترش معقم بالشاش و من بعدها رجعت له لقت الدم وقف اشوي اشوي مدت يدها بشاش و اهي تناظر يده :_ لفه زين على يدك بس لا تشد عليه جرحك رح يألمك زود .

سوى كل تعليماتها من بعدها وقف وهو مب عارف شيسوي بهالموقف إلي ما ينحسد عليه .. فيصل و عيونه يحاول يبعدها عنها :_ أسف تعبتج معاي .

ملاك و أهي راسها بالأرض و تلم الزجاج انمسك لسانها شترد عليه صوته يهزها و يهز كيانها سحبت الكلام من نفسها سحب :_ لا عـادي .

حس نفسه فيصل ماله بعد مكان يقعد اكثر و سحب نفسه من المطبخ و طلع بطريجه لديوانية التفت ليده شبيسوي الحين شيبرر لعيال خاله سبب جرحه اليديد وشلون صار و من شنو و بالأخص مشعل أطر يتحرك لبرة بيت خاله و ركب سيارته قعد ثواني وهو يتذكر كل شي مر من ثواني و كأنه حلم أو شي مثل السراب أو الماي البارد إلي أنكب عليه و بلل قلبه و أنعشه و رحل من بعد لقاء

سند راسه وهو مسكر عينه و يطلب الراحة طلب بهالوقت و يطلب بس دقات قلبه تهدى و انفاسه

ملاك إلي كانت ترتجف بعد إلي صار لمت الزجاج و نظفته زين و رتبت كل شي و واصلت بالفطور إلي كان مزهبته كله ما بقى إلا شغلات بسيطة و قلبها كان يدق دق الطبول و صوته كان يرن بأذنها مثل الشي إلي يزيد هز قلبها

ما تعرف ليش بأن قلبها ينغزها من تجوف فيصل و تحس أن القدر كاتب لها شي و بتكون قريبة منه راودها هذا الأحساس أكثر من مرة و مثل كل مرة تتجاهله و تعتبره مجرد أحساس عبر على بالها مثل كل الأحاسيس لقلب البنت العاطفي

ليتنا مثل الهدب والرمش يا عمري نكون

لو تفارقنا ثواني نبتـدي لحظـه عنـاق

ليتنا مثـل الطفولـه بالبرائـه مانخـون

ماندل الاطريق الصدق مانعـرف نفـاق

ليتنا مثل الامومه قلبـي وقلبـك حنـون

لانت ترضى في فراقي ولا أنا بعدك يطاق

ليت حبك لي جنوني مثل ماحبك جنـون

وليت شوقك لي مثل مانا على حر اشتياق

بعيد عن ديار الوطن و قريب ديار العشاق لوين ما تحمل على أرضها أطهر قلبين ينبض بخافقهم الحب الأبدي .. الحب الطاهر .. الحب إلي يرسم خطوطه على كف القدر و يلونها بروعة أحاسيسه

جاسم يمشي و يده بيد ريم مشتبكين بعناق يدفيهم بهذا البرد و كانوا يمشون بشوارع باريس و مناطقها و جاسم كان يوري ريم كل شي روعة بباريس و كان الوقت ما ينمل منه رغم اليل إلي كان هاطل عليهم ولكن بنايات باريس الحلوة و أنارتها في اليل كان روعة و خلهم يحسون بالمتعة تحركوا من بعدها لمطعم اجريب البحر و طاولاته على الهوى الطلق اختاروا الطاولة إلي جريب البحر و أقعدوا عليها .. مديت يدينها ريم على الطاولة و أهي ترجف تحس بالبرد يتخلل بعظامها .. أبتسم جاسم وهو يلمحها بين نظرة و نظرة وهو يكلم الكرسون إلي ياينهم و يطلب أوردر العشى منه

جاسم بحركة تعمدية منه :_ ثواني ريم رايح و راد خلج أهني .

أبتسمت له ريم و تحرك من على الطاولة و مشى من وراها حسسها أنه أبتعد لفت بنظرها لمنظر البحر تناظره و اهي تحس ببرودة الهوى اشلون قاسية

[هدباء]

ولكنها حلوة و ممتعة بهاليل .. فجأة حست بذراعين أحد يلمها و يدفيها بجاكيت أسود لفت راسها لقته جاسم ..


ريم :_ جاسم مو قلت رايح ثواني و ترد .


جاسم :_ من قال هالكلام كنت بيي اغطيج فقلت اصرفها اشلون قلت لج رايح و راد ثواني .


ريم :_ هههههه تسلم .


جاسم :_ بعدين كلمة جاسم ما عاد أبي أسمعها .


ريم :_ عيل شنو اقول .


تحرك جاسم وهو يرد لكرسيه إلي جبال ريم و يقعد و يمسك يدينها :_ أممم أي شي إلا جاسم تحسسيني أني بعيد عنج و تعامليني بالرسميات تراني الرسميات احبها بشغلي و بس .


ابتسمت ريم و عينها بعناد و نظرة خبيثة على جاسم كانت من كل قلبها ودها تهز كيانه فأنطقتها :_ أنت تآمر حبيبي مو بس تطلب .


جاسم و يحس الدنيا مو واسعته من فرحته :_ أاااااااااااااه حرام عليج لا تعذبيني.


ريم :_ ههههههههههههه مو تقول لا تناديني بجاسم فناديتك ( مد يده على ثمها ) كفاية حرام عليج تذبحيني انتي .


اضحكت ريم و سحب يدينها يبوسهم .. ريم بخجل :_ جاسم موب جدام الناس .


جاسم :_ أي ناس الي تقولين عنهم انا بعيوني انتي الناس كلهم بعدين مالي دخل فيهم و انتي حلالي و بكيفي .


هزت راسها و اهي تبتسم على اينون جاسم إلي تتمتع فيه بكل لحظة معاه اشلون الانسان الي جرحها بيوم إلي حست انه قسى عليها إلي كرهته كره الموت تحس بهالوقت و الحظة و الساعة لو يبتعد ثانية تتمنى الموت و لا تبقى على وجه الأرض سبحانك يارب مغير الأحوال بيوم و ليلة


قضوا عشاهم على سوالف و ضحك و بعض من حركات جاسم الحلوة و العنيدة لريم ليمن حسوا بتعبت يرهقهم و رجعوا يتمشون للفندق كان الهوى يداعبهم ببرودته الحلوة و بعد ثواني ناظروا الثلج إلي بدى يسقط على ريش ناعم مد يده جاسم ليد ريم و سحب يدها


ريم تناظره :_ ليش ماد يدي جذي .


جاسم :_ جوفي شنو رح يطيح الحين فيها .


ثواني و تنزل ريشة من الثلج الناعم بوسط يدين ريم و مسرع ما تتحول لقطرات ماي بااردة .


ريم :_ واااااااااي بااااااااارد بس حلووووووو ياليت بديرتنا يكون عندنا جذي .


جاسم :_ الله يخلف على دول الخليج .


ريم :_ هههههههههههههه أي والله .


تموا يمشون و الثلج يبللهم بنعومته و برودته ليمن أوصلوا لنص دربهم ألتفت ريم لجاسم :_ وين سيارتنا .


جاسم :_ امممممم تقريباً تركناها عند البحر مركونة بس ما يهم هشي نوصل الفندق و اعطي السواق مكانها يروح اييبها .


ريم :_ والله انك مينون لاف فيني بباريس بدون سيارة .


جاسم :_ ويا حلات المشوار بدون سيارة اصلا بالسيارة ما نحس بمتعت مناظر باريس و روعتها بهليل و حلات بردها القااارص .


ريم :_ أي والله .


واصلوا دربهم للفندق ولمن أوصلوا قبل الفندق كان ريال واقف حذال مطعم يبيع ورد بلون احمر ناعم و حلو من ورد فرنسا الروعة .


جاسم وهو يحسب المفتاح من جيبه :_ ريم اخذي المفتاح و تجدمي للفندق انا باخذ شغلة وراد .


ريم بدلع :_ وتخليني لحالي .


جاسم :_ ريووووم بلا دلعج و تخليني اهون عن مشواري الي بروحه كله دقيقتين وراد .


ريم :_ هههههههههههههههههههههه يكون احسن لو تهون .


جاسم يناظرها بحدة :_ ريووووووم .


ريم :_ خلاص درينا بس لا طول انتظرك .


جاسم :_ من عيوني تحملي من هالبرد لمي حالج بالجاكيت .


ريم تغمز له :_ لا تحاتي .


جاسم :_ بتمشين لو اذبحج بلا حركاتج .


ريم بستهبال :_ شسويت انا قاعد تتبلى علي .


جاسم :_ انتي ادرى .


ريم :_ هههههههههههههههههههه هاي عيني حرقتني و غمزت يعني لا تفكر غامزة لك وايد تفهم غلط انت .


جاسم :_ بعدين نتفاهم و نجوف من فاهم غلط و من ينكر .


ريم :_ ههههههههههههههههههههههههههه انتظرك .


جاسم :_ اوكي .


مشت ريم لحالها للفندق إلي كان جريب بالحيل من المطعم إلي وقفوا أحذاله .. لمن اختفت ريم من بين أنظار جاسم تحرك لريال و أخذ وردة وحدة بدون شريطة و لا شي شكلها كان حاب تكون طبيعية بورقها ولونها الأحمر الساحر إلي يجذب أنظار كل العيون من حوله

وصلت ريم بعد عشر دقايق الجناح و افتحته و ادخلت ارتمت على الكنبة الطويلة إلي بصالة الثانية و بقت تنتظر وصول جاسم و لكن النوم سرقها من هالأنتظار و استفرد فيها و تركها مايلة براسها و شعرها متدلي على عيونها بطريقة حلوة و كان سايح لنعومته و خدينها بلون الحمر من شدة البرووودة

جاسم إلي تأخر لانه لقى احدى سواقين الفندق و عطاه مفتاح السيارة و خبره بمكان السيارة ليروح يجيبها من بعدها صعد للجناح دخل كان الباب تاركته مفتوح ريم لجاسم علشان يدخل

مشى وهو يتحسس لوجودها و لكن ما كان غير الصمت الخارق يعم بالجناح وصل لصالة الأولة ما لقى فيها أحد و المطبخ إلي بالتنسيق الاجنبي المفتوح على الصالة مافيه احد تحرك لصالة الثانية و لقاها مثل الياهل الصغير غرقانة بالنوم ابتسم يا حلاتها اتعبت و ارقدت ترك الوردة على الطاولة الزجاجية و تحرك لناحيتها و قعد على ركبتينه و قرب راسه منها و مد يده لخدها يداعبه :_ ريوووم.


ريم ما كانت تحس على تواجده بالمولية و لا حتى ريحة عطره إلي انتشرت بالمكان


ابتسم جاسم وهو يناظرها باس جبينها وهو يدعي ربه يدوم هالحال عليهم سم بالرحمن و مد يدينه لها و حملها رمت براسها لا أرادياً على صدره ابتسم على نعومتها و خفتها لحجمها الصغير و تحرك فيها لغرفتها أول ما ارخاها على السرير لمت على حالها تدور على الدفى لمها بالحاف و تدفت فيه بقوة باس يدينها الصغار ورفع خصلات شعرها المتهادلين على عينها و شغل لها الأنارة الهادئة و تركها ثواني و رد معاه الوردة و حطها حذال يدها على طرف السرير و عطرها من عطره و تحتها كان كارت بلون أحمر مملي كلام بخطه الشخصي


دعى لها أحلام حلوة و تحرك لبرة غرفتها طلع لصالة و استرخى على الكرسي و سكر عيونه يتنهد ما كان متوقع رح يشرق يومه هذا و ينتهي على هالحلم إلي موب مصدقه أنه علم ريم بين أحضانه و تحتاجه و تطلب حبه و طيبه و دفاه ليغمرها فيهم تطلبه اهو بدون شي و لا علشان شي


سكر عينه و دموع الفرح تمتزج مع دموع الألم لمن ناظر باب غرفتها و وهو يقول بقلبه متى بكون وياج بغرفة وحدة ما يبعد بينا حتى الهوى و انفاسنا

الي بقالي في غيابك سكوتك

والي فقدته في غيابك حنانك
عذرك معك لو خبروني بموتك
وحقي عليك أن كان عذرك زمانك
ماكان موعد وأعذرك لو يفوتك
أنا انتظر العمر كله عشانك
غبت ورضيت وبعدها
غاب صـوتــك..
وابطيت أكذب من يقولون خانك
بالله كيف تحس في طعم قوتك
لامن ذكرت إنسان خنته وصانك
وماكان قلبهواحد من بيوتك
ومن تحت سقفه كم شعرت بأمانك
وراك خليته لعتمة سكوتك
وأنا مغير أعشمه في حنانك
في غيبتك ياكم تمنيت موتك
اقل شي ارتاح واعرف وين مكانك

وصلوا كل من محمد و نوف المستشفى و اصعدوا لجناح بدور و ادخلوا اول من طل براسه كان محمد ..


محمد :_ احم احم .


وليد إلي كان ماسك يد بدور :_ لا حووووووووول وش بلاك أنت ما تخلينا نتهنى .


محمد يدير راسه لوراه وين ما نوف واقفة :_ جفتي اخوج الخاين يبي يصرفنا لكن مب علي انا .


ضحكة نوف و اهي تدخل مع محمد للغرفة و بدور تضحك على حركة وليد

نوف و اهي تغيض وليد :_ السلام عليكم .


بدور :_ هلا والله و عليكم السلام .


نوف :_ اشلونج حبيبتي ان شاء الله احسن اليوم .


بدور :_ الحمدالله كل لحظة تمر اكون احسن فيها عن الحظة الي طافت .


نوف و اهي تحط باقة الورد :_ الحمدالله .. وشلونه حبيبنا خلوود .


بدور :_ جوفت عيونج راقد .


محمد وهو ينغز لوليد و يناظره بنص عين :_ ليش انتوا مخلينه يرقد و على عمري زاعجينه .


نوف :_ ههههههههههههههههههههههههه .


وليد :_ حمودوه للحين ما توعدت فيك والله لا اذبحك بأرضك .


محمد يعدل غترته و يعلق على الكلام السعودي :_ ليه وش انا مسوي لك عشان تذبحني بأرضي ما تخاف ربك أنت .


نوف :_ يا ويلي على التحريف .


محمد بعده على اللهجة السعودية :_ اعجبك اجل كيف .


وليد :_ اقول بلا هرجك مسوي فيها سعودي مرة وحدة .


محمد :_ وش نسوي ثقافات عالمية .


بدور :_ ههههههههههههههه يا حليلاتها ثقافاتك العالمية .


محمد بغمز لبدور :_ اعجبج.


وليد :_ ايا الخسيس تغمز لحرمتي .


محمد مسوي حاله خايف :_ والله والله و قسم بالله قصدي شريف مو جذي بدووور.


نوف :_ هههههههههههههههه عز الله حمود شارب له شي اليوم من الصبح .

[هدباء]

بدور :_ أي والله امبييييييين .


قاطعهم صياح خالد الناعم بصوته .. قامت له نوف تحمله عن بدور إلي الحركة صعبة عليها بوضعها الصحي و كل من وليد و محمد هدؤ من مناقرتهم الحلوة و المعتادة لمن يتلاقون


محمد بعد لحظات :_ ما قلنا لكـــــــــــــــم .


بدور :_ شنو ؟


محمد يغمز لنوف :_ ها شنو نعلم .


نوف :_ اكيـــــــــــد .


محمد :_ اليوم عاد من الصبح متصل جاسم من باريس .


وليد :_ والله شلونهم شخبارهم .


محمد مسوي فيها حزين :_ ااااااااااااه لا تسأل اهم اخبارهم جسدياً الحمدالله بس نفسياً انتوا تعرفون كل منهم يتمنى الموت و لا يخطي خطوة بريوله لهزواج .


بدور بكدر :_ الله ييسر عليهم الحال و يحنن قلبوهم على بعض .


نوف تخرب على محمد السبرايس :_ و دعوتج مستجابة لأنهم .


محمد يقاطعها :_ نوفووووه يالملسونة لا تكملين انا إلي بقول .


نوف :_ انا مب انت .


و تموا على مناقرتهم الثنين .. ضحك وليد على حالهم و شاركته بدور


وليد :_ اقول يهال انتوا .


محمد :_ قول لأم لسان ذي كل تسبق غيرها و تتليقف .


بدور :_ المهم الخلاصة جاسم و ريم صاروا احلى ثنائي صح .


نوف :_ هذا اهوووووووووووووو .


محمد يقرص نوف :_ انجبي احسن لج .


نوف :_ ويييييييي وييييييييي قلت عنه .


سوة فيها معصب محمد و حقر نوف


وليد :_ يعني الحمدالله صارت اوضاعهم اوكي .


محمد :_ هذا إلي حسيناه كان صوته مرتاح و عال العال و لا ازيدك من الشعر بين كان امبين ان ريم حذاله .


بدور بوناسة :_ الله يهنيهم و يردهم سالمين لنا والله وحشونا .


نوف :_ أي والله وحشني جسووووووووووووم والله ما طيع على فراقه العنييييد.


وليد :_ اقول قصري حسج لا تسمعج ريم و تغاااااااااار .


الكل :_ ههههههههههههههههههههههههههههههههههه .


ناصر من الباب :_ خير ان شاء الله و لا تعزمووووووووووون يا مال الضعفة .


وليد :_ هلا والله بالعم حياك .


محمد يرجع على تعليقه للهجة السعودية :_ اقلط يا العم اقلط .


ناصر وهو يوصل لعندهم :_ اشعنده مستر متفلسف قالب سعودي ليكون يايك هوى الشرقية .


محمد :_ والله كذا عاجبني السعودي تلقاه حجي يخبل مرة .


يشترك وياه ناصر :_ بذمتك يخبل علمني عليه بالله .


وليد :_ لا حوووووووووول ناقص اهو عشان تشاركه بخباله .


ناصر :_ شنسوي يقولون حشرن مع الناس عيد مو جذي نوووف .


نوف :_ افا عليك عمي جذي ونص .


ناصر :_ وشلونها ام خالد .


بدور ببتسامة تشرح القلب :_ تسأل عن حوالك انت شخبارك عساك على القوة بخير .


ناصر :_ الحمدالله يسرج الحال بأذن الله .


بدور :_ الحمدالله .


محمد :_ يا قلبي على ابو الرسميات .


ناصر :_ شنسوي يقولون انا عمكم لازم نسوي فيها حركات و رسميات .


وليد :_ هههههههههه اقول عمي الفال لك ما نجوف بنت الحلال و تييب لك الولد.


ناصر بغشمرة يرفع يدينه يدعي :_ ياااااااااااارب والله اني بكل صلاة ادعي بالزوجة الصالحة .


محمد يطعنه بخصره و يهمس له :_ الزوجة الصالحة لو الي خبري خبرك .


ناصر :_ اسكت عاد بتفضحنا جدام خلق الله انت .


محمد :_ ههههههههههههههههههه تعجبني يالخجووول .


ناصر :_ عبالك ما استحي مثلك .


محمد :_ مو جني انسبيت و بوريك يزاك .


ناصر :_ لا انمدحت و انت مب داري اثقل تراني مب بأرض العانة .


محمد :_ بس خلها بوقت ثاني عيل .


ناصر :_ يعني ما بتعدي .


محمد يغمز له :_ ما اظن .


نوف :_ عن التبسبس .


ناصر :_ سنعي اخوج مب انا .


محمد :_ اذا ذبحته لا تلوموني .


ناصر :_ حلالك بس مو قبل ما يجي جاسم و اجوفه وحشني بالحيييل المقروود.


نوف :_ ابشرك اتصل اليوم الصبح .


ناصر :_والله وش اخباره و اخبار ريم .


نوف :_ الحمدالله يسلمون عليك بس ابشرك .


ناصر وهو يناظر عيون نوف و حس بتقول له شي من قلب بشارة خير:_ قولي ترى احس في البشارة خير .


نوف :_كل الخير بأذنه بان جاسم و ريم صاروا ثنائي حلووووو .


ناصر :_ قولي والله .


نوف :_ والله .


ناصر :_ والله ونستيني من قلب الله يسهل عليهم و يحنن قلبوهم على بعض دووووم .


نوف :_ الله يسمع منك .


وليد وهو يوقف :_ انا قايم اروح اييب شي لي و لبدور ناكله توصون بشي .


ناصر :_ اقول وليد بايي معاك باخذ لي نص كفيه والله من صحيت لحين ما كليت شي .


وليد :_ يلا مشينا .


ناصر :_ مشينا .


اطلعوا كل من وليد و ناصر و بنص دربهم لاحظ ناصر جمود ملامح وليد و هدوئه الغريب :_ وليد اشفيك احسك مو على بعضك .


وليد :_ لمن نوصل الكفتيرية اخبرك .


سكت من بعدها ناصر ليمن وصلول للكفترية وصى وليد على الاكل و تحركوا لطاولة على جنب بالكفتيرية إلي كانت هادئة على هصبح


ناصر وهو يمسك يد وليد إلي مرتخية على الطاولة :_ يلا وليد تكلم قلبي حاس ان فيك شي .


وليد :_ تخيل من الدكتورة إلي تتابع حالة بدور ليمن تطلع من المستشفى .


ناصر يناظر وليد وهو يفهمها :_ لا تقول شروق ؟!؟!؟!؟


وليد :_ للأسف أهي و اليوم الصبح يات تجيك على حالتها .


ناصر :_ يالله شهالحظ .


وليد :_ جفت عاد مدري ليش بعد هسنين تطلع لي و فوق هذا تكون الدكتورة إلي تشرف على حالة بدور .


ناصر :_ هذا المكتوب يا وليد و لازم نرضى فيه بس اسمعني زين لا تخلي القدر يكون وياك بصراع وهو الي يربح تجاهلها و اعتبرها انسانة عادية مثل كل إلي حولك اذا حسيت انها تبي قربك حاول تبعد نفسك عنها و تقرب حالك اكثر من بدور .


وليد وهو يتنهد :_ ااااااااااااااه الله ما ينسى احد بأذنه .


ناصر :_ و النعم بالله باين الاكل زهب خلنا نروح ناخذه .


وليد وهو يوقف بسكات و يتحركون للأكل و ياخذونه و يمشون للمصعد

وقتنا يمر ولحظاتنا تعبر و نعيشها يمكن نحس فيها ويمكن تمر بلمح البصر و تحمل مشاعر معاها فيها ويمكن تمرما نحس فيها لسرعتها

قضوا هاليوم بصباحه الكل بروتينه اليومي المعتاد ولكن نشوة الفرح إلي تغلغلت بكل بيت من العايلة تداعبهم بروح حلوووة

على الظهر لمن قرب أجتمعوا الكل من عايلة أم فيصل و أبو مشعل ببيت أبو مشعل على الغدى و طبعاً الحريم بصالة و الرياييل بالديوانية كان تزهيبهم و جمعتهم ناشرة الجو الحلووو ببيت أبو مشعل

تحركت مروة تحمل الصحون و من وراها ملاك بالكاسات و الحريم الكل بالصالة التقوا بطريجهم بمريم إلي متحركة للمطبخ

ملاك :_ وين مريوم .


مريم :_ بس باخذ لي سكين ورادة .


مروة بغشمرة :_ ليكون بتذبحين فيها احد .


مريم بمزح :_ يمكن كل شي جايز .


ضحكن البنات و تحركوا كل منهم لمقصدهم

عند الرياييل وين ما كانوا كلهم متجمعين يتغدون و السوالف ماخذتهم بمشراع و ميداف و لقاهم ببعض مجمع شملهم إلي شتته البعد و الغربة و هم بوسط البلاد

أبو فيصل إلي كان مخطط مع أم فيصل على خطبة فيصل لملاك ولكن هشي كان من دون علم فيصل لأن كل مرة يأجل ليمن يأسوا منه فقرروا هالمرة يحطونه جدام الأمر الواقع و يطرون ما ياخذون شوره برغم عارفين هذي حياته مب حياتهم

كانت عيونه على ولده وهو يناظر شبابه وشلون ووده لو يوقف حذاله و يزفه لبنت الحلال إلي تسعده سم بالرحمن و بدى بالأكل وهو نيته بعد الغدى يفاتح أبو مشعل بالموضوع

مر الوقت عليهم بالمح البصر و من بعد الغدى زهبوا الضيافة و وصلت لعند ديوانية الرياييل .. فيصل إلي كان لاهي بسوالف مع مشعل و زياد و نواف داخل معاهم بجو


كلهم توقفوا يوم أنهم حسوا في موضوع شدهم كلهم ليسمعونه و أولهم فيصل

أبو فيصل :_ أقول يا أخوي أبو مشعل .


أبو مشعل :_ سم .


أبو فيصل :_ سم الله عدوينك أن شاء الله بس لي طلب ما تردني فيه بأذنه .


أبو مشعل :_ ما عاش إلي يردك يا أبو فيصل كل الحشيمة لك آمرني .


أبو فيصل و هو يناظر عيون ولده أشلون تراقبه بكل خوف و تردد و أنتظار


أبو فيصل :_ طلبتك بأذنه و حنا يايينكم نطلب يد بنتكم الغالية لولدنا فيصل ..


أنفجرة الكلمة بقلب فيصل مثل البراكين وش إلي يسمعه وش إلي قاعد يشوفه و أي بنت هذي ياربي شهالمصيبة اشلون ابوي يتكلم من دون ما ياخذ شوري ولكن هذي نتيجة تهربي من هالموضوع لكن اخ يا يبه لو صبرت اشوي والله يا خوفي تعطوني اختها و اضيع انا بدروبي من بعدها ..


زياد :_ فييييييييييصل ناوي بالعرس من ورانا .


فيصل يظبط السالفة و اخوه نواف يناظره :_ والله هذي سنة الحياة شنسوي .


مشعل :_ الله يتمم لك على خير بأذنه .


فيصل بغصة :_ وياك أن شاء الله .


أبو مشعل :_ هذي الساعة المباركة يوم أن ولدنا فيصل يبي بنتنا .


أبو فيصل :_ على العموم حنا رتبنا كل شي و الحريم بالأكيد تكلمو الحين بس أنا قلت نطلب منك عشان الأصل و أنت تعرفه .


أبو مشعل :_ و النعم والله هذا الأصل إلي أعرفك فيه يا أبو فيصل .


أبو فيصل :_ باذنه نبي كل التزهيبات و الملجة و العرس يكون بعد ما تقوم بسلامة لنا مرت وليد .


أبو مشعل :_ و نعم الشور يا اخوي عشان الفرحة تكون فرحتين .


أبو فيصل :_ أي والله .


فيصل وهو يناظر أشلون يقررون و يشورون وهو راعي الدعوة قاعد يناظرهم


نواف يهمس لأخوه :_ فيصلووه من وراي اخيراً وافقت على الزواج.


فيصل :_ سكرها نوافوه الموضوع كله لي صدمة سووها امي و ابوي حطوني جدام الأمر الواقع .


نواف إلي ما أستغرب هتصرف من امه و ابوه :_ لأنك دومك تتجاهل ليمتى يعني بينتظرونك.

[هدباء]

فيصل بعصبية بدت تتغلغل بداخله بسكات :_ بس موب يسوون جذي الله يسامحهم.

بأجواء الحريم وين ما كانوا البنات كلهم يناظرون ملاك إلي ترددت الكلمة بأذنها من لسان عمتها أم فيصل (( طالبين ملاك لولدنا فيصل )) حست الدينا كلها هزتها بهالحظة معقولة رح تكون له الأنسانة القريبة بعمره و تكون له الزوجة و الحبيبة

مريم و أهي تدز ملاك :_ من قدج ياااالدبة و نصيبج وياج .


شهد :_ اييييييييي متى نصيبي عاد انا .


مروة :_ هههههههه فديت خبال شهووود .


شهد بوناسة :_ فديتج مرااوي شكل نصيبي و نصيبج باذنه بليلة وحدة .


مروة :_ قولي آمييييين .


شهد :_ أميييييييييين .


ضحكة مريم على خبالهن و اهي تهمس لملاك :_ خلي الحيا عنج ترى فيصل قوي و يبي له وحدة قوية .


انحرجت زود و دق قلبها بقوة على كلام مريم

بقوا سوالف و جمعة لقريب أذان المغرب و أمر خطبة فيصل مونسة الكل بس إلا فيصل بقلبه نار تشتعل وده يعرف من إلي بتكون من نصيبه و كل خوفه تكون أختها مو أهي إلي بباله مو إلي قدرت تسرق عيونه و تخليه يناظرها بجاذبية تهبل

لمن أذن الكل أستعد لصلى الرياييل تحركوا للمسجد و البنات اصعدوا فوق ليصلون و الحريم بقوا تحت يصلون

أول من خلصت من الصلى ملاك و تحركت لبرى حوشهم الواسع و قعدة تتمشى فيه و قلبها حامل أكبر وناسة أخيراً لقت من هز كيانها ورح يكون من نصيبها

تحركت لتقعد على الكرسي ولكنها أجمدة بمكانها للعيون إلي تراقبها من بعيد و عرفتها هذي عيونه عيون إلي حبتها من أول نظرة

أقترب فيصل و قلبه وده تهدى ناره ليمن وصل لها


ملاك ابعدت نظرها و تمت واقفة و قلبها تزيد دقاته كل ما يقترب منها


فيصل :_ هلا .


ملاك بصوت واطي :_ اهلين .


فيصل :_ لحالج ؟


ملاك :_ تقدر تقول جذي .


فيصل :_ أنا أسف على إلي صار اليوم و بنفس الوقت حاب أشكرج .


ملاك :_ ماله داعي لا تأسف و لا شكران بس أهم شي شخبارها يدك .


فيصل وهو ينغمر بحنيتها و طيب قلبها :_ تسأل عنج .


ولع ويها نار ملاك من كلمته وهو تدارك نفسه و عدل كلامه :_ قصدي الحمدالله ابخير من عند الله .


ملاك :_ الحمدالله عن اذنك مطرة أمشي .


تحركت و اختفت عن عيونه ما عطته حتى فرصة يحاول يعرف منها شي و تهدى ناره و خوفه من انه يكون لاختها موب لها و هذا معناه موته

.................................................. ........................................

على عصافير الصباح إلي تغرد بجو باريس صحت ريم من الرقاد بهدوء و فتحت عينها من شرنقة الظلام إلي كانت تعيشها برقادها المريح لأول ليلة من يات على باريس و من أول يوم عاشته مع جاسم و بحايتها اليديدة حياتها أهي و جاسم

بترفع يدينها ولكن انتبهت لوردة بلون أحمر منظرها خبااااال من قلب و حذالها كارت اصغير شمت الوردة إلي أحملت عطر جاسم و اعرفت انها منه باست ورقها و افتحت الكارت إلي بخط جاسم الشخصي

ودي ابعد عن تفاصيل الزمان ،

واسكن جروحك ولو فيها نكد ..
دامني بأحضانك الدنيا أمان ،
قلبك المرسى وعيونك لي بلد ..
قلبي الي ماعرف طعم الحنان ،
يسالك باسم رحمان احد ..
لو تباعدنا حبيبي بالمكان ،
نبقى روحين يجمعهم جسد ..

أبتسمت ريم و باست الكارت بهبالها إلي زوده جاسم اليوم من هالصبح و ارفعت نفسها بخفة و تحركت للحمام اغسلت ويها و تيددت طلعت و صلت و بدلت اهدومها و ارفعة شعرها الطويل بربطة ناعمة و البست الدبلة و سلسال ناعم يعانق رقبتها الناعمة و اطلعت من الغرفة لكن إلي عور قلبها لمن تفاجأة برقاد جاسم بصالة على الصوفة الطويلة ياربي اشلون راقد اهني كل مني انه ياربي تحركت حذاله و اقتربت منه جذبها ويهه و ملامحه قعدة تناظرهم و تتأمل و كأن القلب يحس فيها فتح عيونه جاسم لها و داعبها ببتسامة ولكنها كانت سرحانة فيه ما انتبهت له ..


جاسم :_ صحيتي ؟


ريم انتبهت لنبرته و ناظرته :_ سوري اذا صحيتك .


جاسم :_ لا عادي ولو ما صحيتيني كنت من نفسي رح اصحى .


ريم :_ صباح النور .


جاسم وهو يعدل قعدته و يكون قريب منها أكثر :_ صباح الورد .


ريم و عيونها تحمل عدم رضى عن الي بتقوله :_ ليش راقد اهني .


جاسم ياخذ يدها و يحطها بيده :_ شسوي قعدة اهني اريح و رحت فيها رقاد .


ريم :_ لا عاد تعودها مرة ثانية .


جاسم بتعمد يحطها بالأمر الواقع :_ راحت علي رقاد و المصيبة ان مالي من يصحيني و يخليني ارقد على سرير يريح اظهري .


ريم إلي فهمت قصده و حطت يدها لا أرادياً على بوزه :_ ما أبي أسمع هالكلام ثاني منك .


جاسم يقرب منها :_ ما طلبتي أنتي تآمرين يالغالية .


ابتعدت ريم بهدوء لتنسحب للمطبخ ولكن مسكة جاسم لها اسرع :_ على وين ؟


ريم :_ بروح المطبخ اكيد انت يوعان مثلي .


جاسم :_ انسي المطبخ ابيج تروحين تزهبين حالج 10 دقايق و اجوفج زاهبة انا انتظرج .


ريم :_ ليش .


جاسم :_ بنطلع و من دون نقاش يلا بسرعة .


ريم و اهي تضحك على عناد جاسم :_ تامر أمر .


مشت و اهي تأسر عيونه ليمن اختفت من بين انظاره و من بعدها تحرك لغرفته ياخذ له شور سريع و يزهب حاله

.................................................. .................

على ديار الوطن و الأهل وين ما كانت نوف توها رادة من المستشفى مع محمد


أدخلت بيتهم و من وراها محمد

التقت بأمها و أبوها بصالة قاعدين بعد صلاة العشى

نوف و اهي تحب راس ابوها :_ مساء الخير .


ابو وليد :_ مساء النور .. ها شخبار ام خالد و شخباره هالكتكوت خالد .


نوف و اهي تبوس خد امها :_ يسألون عنك الحمدالله ما يشكون باس و حالة بدور بتطور ملحووظ الله يحفظها قوتها مخلتها تتحسن اكثر و اكثر .


ام وليد بفرحة من قلب :_ عسا ربي يسرج يا يمه مثل ما سريتي قلبي .


محمد إلي توه داخل :_ يا حيالله من مسنترين عندنا أهني .


ضحك ابو وليد على غشمرة ولده :_ و انت ليمتى ما رح تثقل و تصير ريال والله ان موب ناقصك الا بنت الحلال .


ارتبك محمد و ضحكة نوف ولكنها مسكت ضحكتها أول ما لقت عيون محمد عليها بتهديد و تحذير


محمد :_ اشفيك يا ابو وليد توها الناس على العرس و البلاوي .


ابو وليد :_ الله يهديك .

رن بهالوقت تلفون نوف لقته رقم مروة و ارفعته و اهي تنسحب من الصالة وتصعد لغرفتها


نوف :_ ألووو .


مروة :_عمري نوييييييف .


نوف :_ هههههههههههه فديتج مراوي اشلونج .


مروة :_ ابخيييييير بس عندي لج البشارة والله شكلة العايلة تستقبل هالأيام اخبار الفرح واحد ورة الثاني .


نوف :_ عليج الله تعجلين بهالبشارة .


مروة :_ بعد قومة بدور لنا بسلامة بأذنه ملاك رح تنخطب .


نوف إلي تخبلت :_ أحلفييييييييييييي بذمتج .


مروة :_ والله و تخيلي منو عريس الغفلة .


نوف :_ من ؟؟؟؟؟؟؟؟؟؟؟؟؟


مروة :_ ولد عمتي فيصل .


نوف :_ واااااااااااااااااااااااااااااااااااااو هذا القوي ابو طول و عيون خبال يابختها ملاك صبرت و نالت الف الف مبروك .


مروة :_ يبارج في حياتج عمريييي .


نوف بنغزة لمروة :_ و الخطيب مستقر مع اهله عندكم مسنترين صح ؟


مروة :_ ههههههههههههه هذا اهو .


نوف :_ يا ويل قلبي ها شنو اخبر البيت .


مروة :_ اكييييييد اذا ما فرحوا العايلة كلها منو بيفرح ان شاء الله .


نوف :_ قلتيييييها .


مروة :_ اقوووووول .


نوف :_ قووووووووووووولي .


مروة :_ شلونها ريووووووووم مع خووووووج يعني اشلونهم عرسانا .


نوف :_ ابخييييييييير و يسلمون عليج .


مروة إلي بعلم بكل رغبات ريم لأنها بعمر ريم و كانت ارفيجتها المقربة من العايلة


مروة :_ اقصد شخبار ريم مع الزواج إلي رافضته .


نوف :_ ما تتوقعين يا مراوي شنو بخبرج .


مروة :_ خير ان شاء الله .


نوف :_ ريم و جاسم احلى ثناااااااائي .


مروة إلي فهمتها :_ لا تقولينها يااااااااااارب يوفق لهم دووووووووم .


نوف :_ ربي يسمع منج .


مروة :_ والله طيرتي عقلي من الوناسة .


نوف :_ و انتي اكثر وينها الدبة مستحية منا عشان اخطبوها .


مروة تنغز لنوف :_ لا بس تحت مع اخوي مشعل .


فز قلب نوف لطاري مشعل و حبت تتدارك الموضوع لا تنفضح ولكنها موب دارية ان مشاعرها اهي و مشعل مفضوحة جدام العايلة كلها


نوف :_ بس عيل سلمي لي عليها و اخليج الحين مروي بقوم اجوف لي شي اكله تونا رادين من عند بدور و بجوف هرنووم اذا رقدة او لا .


مروة :_ الله يسلمج حبيبتي و اخذي راحتج .


نوف :_ تسلمين والله .. في أمان الله .


مروة :_ بحفظه .

.................................................. ..............................
..............................................
.................................................. ..............................

[هدباء]

أتمنى لكم وقت ممتع مع الجزء أولاً
و أنا أسفة على التقصير إلي بذل مني بهذي المرة على الجزء
أحس أني ما عطيته حقه الكامل
و السموحة ظروفي هالأيام كانت تجبرني على التقصير
و السموحة على التأخير إلي بذل مني
أتمنى بس تعذروني و أن شاء الله يكون الجزء القادم
أحسن من هذا الجزء بواااااايد
موفقيييين بأذنه و ربي يحفظكم

حُبي لكم : هدباء ...

[м є є s s ш]

مشكووورهـ هدوووووووووووب عالبارت...والحين بقراااهـ

ياعمري تسلميــــــــــــــــــــــــــــــن..^^

[м є є s s ш]

عااارفهـ انهـ مالك دقايق منزلهـ البارت ...وتقولين وش هالمقروووصهـ على طول ردت
لكن اول ماشفتكـ رادهـ
نقزت للموضوع...متحمســــــــــــــــــــــهـ حدي...^^

[هدباء]

تسلمييييييين و العفو ما سويت غير الواجب
بالعكس عمري أخذي راااااااحتج
و أتمنى لج وقت ممتع مع الجزء
ويلا اتركه لكم و بين يدينكم

[м є є s s ш]

عن جد استمتعت بقراية البارت....
كلمة جنآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آن قليله بحقه...
يااارب تكون افراح العايله على طووول...مانبغى نشوف الحزن


تسلمين يالغــــــــــــــــــــــــــــــــــــــــــــــ ـــــلا...^^

[نتوفه]

البااارت رووووععه
وياارييت اياامهم كلها فرح P=
وبلييييز هدبااء لاطولين علينا بالباارت الثااني مثل هااي