و تبقى الحيآة مآ دآم هنآلك أمل ~ (( رواية رووعه ))

**s o r a - s o u l** · #1 17-01-2009, 06:42 PM

السلام عليكم
..
عندي لكم رواية من تأليفي
طبعا هذه الروايه أنا ألفتها من زمآآن
و حبيت أضعها هنآ
..
أولا الشخصيآت
..
أبو فهد : الاب :: يحب يلعب مع أبناءه حنون و طيب و ما يحب يعصب
أم فهد : الام : حنونه و تحب زوجها أبو فهد و تسمع كلامه
فهد : العمر:22 : ولد حنوون مع اخوانه طيب و يعتمد عليه و ما تزوج
راشد : العمر

هادي متعلق بأصدقاءه واايد و كل يوم و الثاني مسافر
عبدالعزيز : العمر 17: يمووت على صديقه حمود مو متعلق بأخوانه و ما يحب يسولف وايد
و عبيط
حمد : العمر16: ولد صاايع و بسرعه يعصب و لا أحد يفهم له و غامض
عبدالرحمن:العمر

يمووت على أخته و يعرف أسرارها و هو يعرف أسرارها عبيط و يضحك
و يحب يستهبل و حنون
ريم :العمر

الاخت الوحيده بين أخوانها دلوعة فهد و عبدالرحمن و تحب
تتقرب من أخوانها

ملاحظه :: أصوات الاخوه الست حلوه طالعين عالام
...

أبو خالد : أخ أبو فهد
أم خالد : نفس أي أم ..
خالد : العمر20 : ولد ملتزم و هادي
سعاد : العمر 15 : بنوته هاديه و حبوبه و ذكيه
سمر:العمر

صديقة ريم هم مثل التؤام يحبون بعض

..

حمود :العمر17: صديق عبدالعزيز المقرب لدرجة مو طبيعيه و أكثر الاوقات حمود ينام عند عبدالعزيز

..

بشاير :العمر

صديقة ريم واايد هبله و تونس مرحه
رغد : العمر 13: صديقة ريم تحب تستعبط

..

طبعا هذه كانت الشخصيآت
ستظهر شخصيآت جديده في القصه
..

المصدر: منتديات بنات دوت كوم

, jfrn hgpdNm lN ]Nl ikNg; Hlg Z (( v,hdm v,,ui ))

الموضوع الأصلي : و تبقى الحيآة مآ دآم هنآلك أمل ~ (( رواية رووعه )) || القسم : الـقـصـص و الـروايـات || المصدر : منتديات بنات دوت كوم || كاتبة الموضوع : s o r a - s o u l

**s o r a - s o u l** · منذ /17-01-2009, 07:16 PM

الجزء الاول
..
في بيت ابو فهد
الساعه : 7:30 الصبح
عطلة الربيع ..
استيقظت ريم و طالعت الساعه
ريم : أفف الوقت متأخر أبي أنام
و فجأه طووخ طآآخ طييخ دوووم << خخخ البااب
دخل عليها حمنِّي << دلع عبدالرحمن تعودوا عليه
ريم : وجع ان شاءالله ما تقول شنو يايبك غرفتي من صباح الله
عبدالرحمن : هلا هلا بأختي ريومه الحلوه هلا شلونج حبيبتي ان شاء الله
نمتي وزين شنو حلمتي ؟
ريم : أعوذ بالله انت شارب شي ؟؟
عبدالرحمن : خخ يلا يلا امشي زين بلا كلام فاضي راح نروح مع فهود كوفي راح
نتفطر هناك
ريم: يا حلاته فهد أمووت عليه بعد عمري والله
عبدالرحمن : يلا بسرعه لا تتغزلين فيه وايد لبسي ملابسج
ريم: انزين انزين كليتني اطلع براا عشان أبدل ..لحظه انت قلت حق أمي
عبدالرحمن : اي .. يلا لا تتأخرين
ريم : اوكي .. ^^
..
جهزت ريم و طلعت للصاله شافت فهد لابس بنطلون جينز و قميص لونه أزرق و مكتوب عليه بالاسود كلاام الله أعلم شنو .. خخ .. و لابس كاب طالع مرره جنآآن
و حمنِّي لابس بنطلون جينز و حزام و قميص أسود و شعره سبايكي
رووعه
..
ريم : يا كشخه أخواني حددهم كشخه
فهد: يلا امشي يا حلو لا نتأخر
ريم: لا تخليني أصدق روحي احم احم
فهد : امشي يلاا لا تأخرينا ..
..
و ركبوا السياره و راحوا للكوفي
عبدالرحمن : الله والله حلو و البنات هني عجيبين
ريم : يا قليل الادب انت ما تستحي على وجهك .. فهود علمه أصول الادب
فهد : أقول اسكتوا فضحتونا يلا نقعد على هذي الطاوله
و قعدوا و سوالف و ضحك وغشمره وونااسه
..
رجعوا البيت تقريبا الساعه 10:30
أول ما دخلوا البيت حمد كان راح يطلع
فهد : حمد وين رايح ؟؟
حمد :...... مالك شغل يالملقوف
فهد : هي هي احترم نفسك مع الي أكبر منك
حمد : أفف عطلتنا يا اخب خلاص أبي أطلع
فهد : روح الحين و شغلك بعدين مع أبوي
حمد : وليين أفف :character0004:
و طلع ..
...
كل الاخوه اجتمعوا بالصاله يسولفون طبعا عبدالعزيز و راشد
ساكتين و قاعدين يطرشون مسجات لأصداقئهم <<فاضيين خخ

ريم : خخخ عبدالرحمن يا حياتي ..
عبدالرحمن : وااو هذا يوم سعدك يا حمنِّي ريوم تحبك
فهد : عاد لا تصدق وايد
ريم : اي والله الناس يخجلون و يوطون راسهم مو يصرخون
راشد : خلاااص سكتوا أبي أتكلم بالتلفون
ريم : ولا تزعل .. حمنِّييييييييي فهووووووووود خلااااااااااص سكتوا
رشووووووووووووودي يبي يتكلم بالتلفووووووووووون
راشد : عمى بعيونج ان شاءالله قولي آمين أنا قلت لج سكتي ما قلت
لج صرخي
ريم : يا مامااا راشد يخوف
و طلع راشد و من بعده عبدالعزيز
و أبو فهد كان للتو راجع من شغله
أبو فهد : يا شباب استعدوا اليوم بنروح بيت الجد راح نجتمع
هناك احنا و أبو خالد و عماد
( عماد يصير أخ أبو خالد و أبو فهد مو متزوج و عمره 33 )
ريم: ياااااي وناااسه
الام : ريم حبيبتي تعالي ساعديني راح نعمل كيكه
ريم : اوكي
فهد : الله يعيننا اليوم كلنا راح نتسمم
عبدالرحمن : اي والله راح تموتنا ريم
ناظرتهم ريم بنظره الله و أعلم شنو هي تخوووف
فهد + عبدالرحمن : .............

ريم ضحكت و نزلت تحت تساعد امها
..
تآآبع بعد الردود أدري الجزء قصير
بس صدقوني هذا لجزء لأن الاول فعشان جذي خليته
قصير ان شاء الله في الاجزاء القادمه رآح أخليه أطول

**s o r a - s o u l** · منذ /17-01-2009, 07:48 PM

وين الردود ><

**Vanilla Eyes** · منذ /17-01-2009, 08:25 PM

قصـه حلـوهـ غنـاتـيَ ~

وأنـا من الصبح قـاعدة أشوف الشخصيـآت ، عبدالرحـمـن أخو ريم ولآ . .
أقول ليش كل شـوي يتغزلونَ ببعض وأنتبهـت أن عبـدالرحمن يموت ع أختـه . .
هعع ،

قصـة حلوة حبيبتـي ~
ياريت لو كـان عمر ريم 17 أو 16 ~

تابعي بالكتابة =)

**- مــريــمْ ،** · منذ /17-01-2009, 08:38 PM

مشكورة حيبتي الطَموحَة ع الرواية الروعه

ابـــداع × ابـــداع

و ننتظر البارت ال2 ...

**s o r a - s o u l** · منذ /17-01-2009, 09:06 PM

تآآبع

..
2:00
A.M

عبدالعزيز + حمود في مطعم يتغدون
حمود : عزوز ملل
عبدالعزيز : يا حبيبي نفس شعوري
حمود : شرايك نروح حديقة الشعب
( حديقة الشعب هي مدينه ترفيهيه في الكويت )
عبدالعزيز : ما أقدر اليوم راح نجتمع في بيت الجد ..

حمود : أففف اوكي
عبدالعزيز : حمودووو شرايك تجي معانا والله ونااسه هناك ملل
أنا بروحي ولا أحد معاي

حمود : لا ياأخي فشله شنو أنا مو من العائله الكريمه

عبدالعزيز ناظره بنظره بريئه خخ

عبدالعزيز : بلييز
حمود : أفف انت و عيونك انزين اوكي
عبد العزيز : وااااااااااااااااااااااو ونآآسه
و راح صعد فوق الطاوله و قعد يرقص و الكل يناظره خخ :0038:
أما حمود راح الحمام عشان ما يتفشل خخ
..
في بيت أبو خالد
سمر تتكلم بالتلفون مع ريم .
سمر: يااي والله ونااسه راح نتقابل و أخيرا
ريم : يالبطه انتي أمس شايفتني في بيتكم
سمر: خخ أدري

رآشد ينادي ريم : ريموووووووووووووو
ريم تكلم سمر : سمر يلا بااي راشد يناديني
سمر : اوكي بااي
ريم : مع السلامع
سمر : الله يسلمج
..
ريم : هلا آمر
راشد : شماغي عليه شوكلاته روحي غسليه
ريم : شايفني خدامة أبوك أغسلك ملابسك
راشد ناظرها بنظره تخوف و كان معروف عن راشد ان نظراته تخوف

ريم .:. اوكي اوكي بس لا تناظرني

راشد : اوكي يلا بسرعه روحي غسليها
ريم : اوكي
و راحت ريم تغسل شماغ راشد و هي تتحلطم و
تتكلم مع نفسها
ريم تكلم نفسها : أفف يا ريت كل أخواني مثل فهود و حمنِّي ..!!
و خلصت
..
الساعه : 4:25
بيت أبو فهد يركيون السياره
و لكن عبدالعزيز مو موجود
أبو فهد يتصل على عبدالعزيز
المكالمه ::
طوووط طوووط طووط
..:ألو
أبو فهد : ها يا وليدي وينك راح نمشي
عبدالعزير : يبه ترى حمودو راح يجي معانا عادي ؟؟
أبو فهج : حياه الله هالولد غالي علينا
عبدالعزيز : مشكور يبه و الحين احنا جايين
و ركبوا كلهم
كانوا في سيارتين
( أم فهد و أبو فهد و ريم و حمنِّي و حمد في سياره .. و فهد و راشد و عبدالعزيز
و حمود في سياره ثانيه )
و وصلوا بيت الجد ..
..
الساعه 5:10
الكل وصل ..
طبعا ريم أول ما شافت سمر راحت و حظنتهاااا ( لمتها )

و أول ما شافهم عبدالرحمن على هذي الحال قال : الله يعطيهم العقل يا رب

..
حمود كان مره خجلان عشان هو مو من العائله و رايح بيت الجد
حس نفسه ملقووف

سعاد و سمر و ريم كانوا قاعدين مع بعض يسولفون
و الرجال مع بعض
و أم فهد و أم خالد مع بعض
كان الجو مرره حلو

و حمود كان مرتااح بوجودهم
حمود : عزوز و الله جمعتكم ما تنمل
عزوز : مو قلت لك ونااسه

..
الساعه : 10:00 P.M
أبو فهد : احنا نستأذن ..
و كل أبناء أبو فهد وقفوا عشان يسلمون
ريم : يبه لاا لالا بليز نقعد شوي الوقت مبكر
ابو فهد : لا يا بنيتي خلاص بس
أبو خالد : يا أبو فهد ترجع معانا
أبو خالد يفكر بالموضوع و ريم تعمل له حركاات بمعنى وافق بلييز خخ

و بالاخير وافق أبو فهد
و لما جو بيركبون السياره
أبو فهد : عبدالعزيز تعال معانا و عبدالرحمن و حمد هناك
عبدالعزيز : ليش ؟؟

أبو فهد : أمك تبي تروح السوبر ماركت شوي و انت ساعدها و بالمره
تروح تاخذ شوية دفاتر للفصل الثاني ..
عبدالعزيز : اوكي

و ركبوا السياره .. و فهد و الجميع رجعوا البيت و حمود رجع بيته
و ام فهد و أبو فهد و عبدالعزيز راحوا السوبر ماركت

في بيت الجد استأذن أبو خالد و أبناءه و ريم عشان يطلعون
و راحوا البيت و ريم قعدت في بيت عمها و هذا طبعا
كانت فكره مرت عمها ..
..
الساعه 11:55
ريم : سمر يلا راح أتصل على فهد ياخذني
سمر: لا بليز نامي عندنا
ريم : نوو ما أقدر
سمر : أفف

..
و فجأة رن تلفون ريم المتصل كان عبدالرحمن
ريم : هلا والله بأغلى أخو بالدنيا
عبدالرحمن كان صوته مبحوح عالاخر و كانه يبكي : ريم ..ريم
ريم : عبدالرحمن .. عبدالرحمن شفيك شنو صار تكلم ..
عبدالرحمن انفجر و بدأ يبكي و يبكي كالطفل الصغير : ريييم أنا و راشد تحت بليز
يلا طلعي عشان نروح البيت ... و ... بعدين تعرفين
ريم: يا ربي انزين اوكي يلا طالعه
لبست عباءتها بسررعه و طلعت كانت مرره خايفه أول مره
تسمع أخوها يبكي بقوه
..
و ركبت السياره و عبدالرحمن واضع يده على وجهه يخبي الدموع
و راشد كان يبكي بصمت
هي أول ما شافت أخوانها على هذه الحال
بكت و قال : بليز قولوي شنو قاعد يصير خبروني
راشد يحرك السياره و يروح للبيت

دخلوا البيت و شافوا فهد يتكلم بالتلفون و يمسح دموعه
ريم: فهد .. شنو فيك و وين أمي أبوي حمد و عبدالعزيز
ويينهم ؟؟ فهد جاوبني
..
و فجأة دخل عليهم عبدالعزيز و كل من حمود و حمد الى جانبه يمسكونه
من كتفه
و وجه عبدالعزيز كان كله دماآآآء و رجله فيها دماء و ملابسه تقريبا ممزقه و ملطخه بالدماء
ريم راحت و لمت ( حظنت ) أخوها عبدالعزيز ..
و عبدالعزيز نزل و قعد عالارض ووضع راسه على كتف ريم .. ريم تبكي
و عبدالعزيز يبكي بشده

يا ترى ماذا حصل .. ؟؟
أنتظر الردود

**s o r a - s o u l** · منذ /17-01-2009, 09:10 PM

فانيلا ..
خخ يموتوون على بعض
مشكوره عالمرور حبيبتي نورتي

بنوته
شكرا يا عسل
عالمرور و البارت توو نزلته
بانتظار رأيج ..

**Šмilè** · منذ /17-01-2009, 09:39 PM

تسلمين على هذآ الابدااع

ننتظر البارتات اليايه

**s o r a - s o u l** · منذ /17-01-2009, 09:40 PM

مشكوره بنك عالرد
و عالمرور انتظري
الجزء القادم~

**مصريه وافتخر** · منذ /17-01-2009, 10:11 PM

قصــه شيقـه وننتظر كل جديد
وسأبدي رأي في كل حوار ..^^

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)