[برعم الورد]

السلام عليكم بنوتات كيفكم؟؟ كيف اول يوم مدرسي معاكم؟؟ بالنسبة لي كان يوم رائع ولله الحمد و كنت مبسوطة كمان على غير المتوقع انا هذي السنة اولى ثنوي اول شي صحيت متأخر مررة ههه من اولها تخبيص لووول لبست و تجهزت بسررررعة بس كنت مرتبة ورحت بعدين جيت دخلت و هذي اول مرة ادخل فجالسة ضايعة واطالع يمين يسار ادور على صحباااتي و لقيتهم ورحت وسلمت عليهم بعد غياب 3 شهوور وصراحة المبنى كان حلو احلى من المبنى حق المتوسط الي كنت فيه جلست مع صاحباتي الين ما جو الأبلات وبدؤو يصفو الطالبات حقون السنوات الي فاتت جلسنا ننتظر يصفونا و يقسمون فصولنا بعد ما خلصو من تاني وتالت ثنوي خلونا ندخل مع ابلة اسمها ياسمين بعدين جلست الأبلة اول شي تلعبنا ههههه يا حليلنا لعبنا التعرف عالمثل و اشياء تانية ما ركزت كتير كنت ارسم او اكلم صاحباتي و زي كده عالعموم حسيت الي حواليني مبسوطين خخخ بعدين قالت لنا عن قوانين المدرسة والممنوعات وقالو اسامي الفصل أ و الفصل ب [انا ابغى فصل ب مع صاحباتي ] و ما قالو اسمي في ولا فصل قلت لهم انو ماقالو اسمي قامت الأبلة تصرفني تقول ايوة انتي في أ طبعا انقهرت قلت حاروح اكلمهم عشان ينقولوني رحت مع فصل أ و اخذونا عرفونا عالأماكن في المدرسة في مليون درج وكل ما انزل واطلع ادوخ وين اروح هع بعدين رجعنا ووزعو لنا لكل وحدة علبة معجنات من الدانوب و عصير عشان نفطر كان فيها سبانخ و كبة وكيك و همم مدري اش اسمه (شي بالجبنة هههه) في نفس الوقت كانت بنت عمي(ثالث ثانوي) تشوف اوراق الأسامي تدور على اسمي بتشوف انا بأي فصل و ما لقت اسمي وراحت وقالت للإدارة وجات نادتني قلتلهم اني بالمدرسة من العام الماضي واني ابغى فصل ب بعدين جلسو يتفلسفو يقولو ليش ما قولتيلنا ان اسمك مو موجود ومن هالكلام ما كاني قلتلهم عالعموم ما قلت لهم شي وجات ابلة واخذتني على غرفة تانية و قالت لهم انو اسمي و كذا كذا كذا بعدين قالو لي ليش ما عطيتينا خبر انك معانا هذي السنة كمان وانا زي الأطرش بالزفة ماني فاهمة شي هع يعني المفروض اقلهم؟؟ مدام ما نقلت يعني اكيد بنفس المدرسة ولا ؟؟ الموهم قلت لهم مدري والله قامت الأبلة سألت الي جنبها اتصلتي على اهل برعم الورد وسألتيهم حتكمل ولا حتنقل؟؟ قامت قالتلها لأ وطلع الغلط منهم وحطوني في فصل ب في النهاية رجعت للبنات واعطونا ملفات فيها اش حنعمل طول هالأسبوع طبعا اول يوم هوا الي عملناه و ثاني يوم (الأحد) *اعمال فنية في الفني *طبخ في التدبير *مسابقة اجمل برنامج ترحيبي الإثنين *رحلة والباقي ماهو مكتوب واسامي الأبلات كمان واذكار الصباح والمساء والمواد الجديدة علينا طلعونا بعدين على فصولنا وجلسنا كل وحدة تتسابق لحجز الأماكن ما كان ليا نصيب بالأماكن بس يالله معليش دا فصلنا واعذروني عالرسم الكشخة ما قدرت ارسم اخس منه وجاتنا ابلة و ورتنا عرض فيه تعريف بالأبلات و بأنشطة المدرسة بعدين جات الفسحة و كنا بس نطلع و ننزل ونتلخبط بالدرج خلصت الفسحة بس طنشناهم وجلسنا نتمشى بالمباني ورتني بنت عمي فصلها هع جمب مكتب المراقبة و ماله باب واللمبات تتولع من برا كان الإنصراف الساعة 12 و نص الفصل التاني اخذو كتبهم بس احنا عشان مربية فصلنا غايبة ما خذناها بعدين انصرفنا و رجعت البيت وبكدة يكون انتهى يومي البسيط اتمنى يكون اعجبكم التقييم والردود من فضلكم

المصدر: منتديات بنات دوت كوم

---

back to school d,ldjdZZ hgsfj

الموضوع الأصلي : back to school يوميتي~~ السبت || القسم : مـدرسـة بـنـات دوت كـوم || المصدر : منتديات بنات دوت كوم || كاتبة الموضوع : برعم الورد