[ஃ S H M O O 5 ஃ]

**************************
الاولــــــــى الحــلقه





شوق : اوووه ياااربي OH my good انا قلت لبابا بس اهو دوووم عكسي ...

سارة: سكتي فديت خدودج ( لانهم كبار ومعطين شوق وجه طفولي ) انتي ليش جذي تعاندينه خلاص خليه يقول لا .. وانا اعرف امج مابتخليح جذي على هالحاله اكيد بتقوله خلها

شوق: yeah yeah ..jeg ved ..det er min far og ingen kender ham som jeg goere ( ايه ايه. اعرف.. هذا ابوي ومحد يعرفه مثلي )يالله سرسر اشوفج باجر حبوبه

سارة : هههههه الله يهديج زين شواقتي..بااي

سكرت شوق وراحت حق امها

شوق: ماما ..!!!



ام شوق مشغوله فتجهيز الغدا: همممم !



شوق: شقال بابا


ام شوق تتصنع الغباء !....: عن شنو..


شوق تنط بنرفزه وتقعد على البار حق المطبخ : ماااااماااا بلا هلنرفزة وربي مالي خلق

( شوق و سارة كانوا بيروحون مع بعض لبيت وحده من رفيجاتهم علشان كان يوم ملجتها بس ابوها مو براضي)

ام شوق: يووووه يااشوق ماخلصنا قلنا لج لا يعني لا..

فرح: امي بروح انا تامريني فشي ..( كانت بتروح الشغل , تشتغل فمحل حق ابوها .. ملابس ومكياج وجذي)

شوق:خذيني معاج بيت سارة

ام شوق: خذيها فكينا منها

شوق: افاااا بس.. يالله مقيوله .. احم

ام شوق : شنو الي مقيوله شوقوه


شوق: ولااا شي حجيه استريحي

ام شوق: ماقوول الا الله يصبرني عليج


راحت شوق تركض تلبس لها شي الجو كان بار وثلج برى

لبست قميص اسود ساده و حزام احمر تحت الصدر.. و بنطلون جنز ضيق اسود

لبست شيله حمرة فنقط سوده وجاكيت طويل اسود يوصل لين ركبتها..

لبست شال اسود صوف لفته بخفه على رقبتها المغطاه فالشيله

ولبست بوت طويل اسود

( كان اهم شي عندها الذووووق فاللبس وطريقة لبسها راايقه جدا نفس حالة سارة الذويييقه لدرجه فااائقة الوصف)

حطت كحل لونه احمر وتعطرت ونزلت



كانت ماسكه جنطه كبيره من النوع الي تنحط ع الكتف... وتكتب مسج حق سارة تخبرها انها باتييهم

شوق :فااارة..فرففووورة وينج ( فرح)

فرح: يااامال الضعفاء سنه يعلج الشسمه سنه حشى عليج رايحه عرس

( فرح كانت تلبس عبايه)

شوق : اعوذ بالله منج ون لسانج .. يمه بس امشي يالله

فرح:سووري حبيبتي داااد اخذ سيارتي


شوق تصرخ : شننــــوووو ولييييش يااربي حتى سارونه بتممنعوني منها


فرح: زييين شوق هااج فلوس وروحي اشتري klipkort ( تذكرة) واروحي حق سارونه

شوق : حرااام عليج فهالثلج

فرح: ايه روحي وعندي لج مفاجئه

شوق : زين قولي لامي اني رايحه فالقطار.. وخلي فهوود يرجعني بليييز


فرح: اوكي روحي وسلمي على سارونه وخالتي ام فيصل

شوق : بس..!!

فرح: اقووول روحي ترى الغي كل شي


شوق : لالا وحياااة شيباتج خلاص بروح هههههه

فرح: هههههههههههه

.......

ام فهد الي هي ام شوق

كانت قاعده فالمسنجر تكلم امها واهلها فالكويت

واجت فرح تكلمهم

ام فهد : فروحه ليش رجعتي

فرح: لا ماما بس بابا اخذ سيارتي و قال الشوارع مسكرينها فسبب االثلج



ام فهد : اها.., اوكي بعد احسن.. مسكي كلمي خوالج انا بروح اشوف الغدا


فرح: زين اوكي


قعدت فرح تكلمهم وتضحك معاهم بشوق وحسرة على شوفتهم



وامها شوي معها وشوي فالمطبخ

.......

طلعت شوق تضحك وتعدل فشيلتها

شافت ولد جيرانهم الاشقراني ... يمووت فابتسامة شوق بس بعد لازم يحترم انها مسلمه وماعندها هلسوالف

شوق: hej ( هااي)

ميكل : hej Shooq( هااي شوق)

ميكل : hva saa ..hvor ska du hen..( شلاخبار...وين رايحه)

(نكتب عربي احسن)´

شوق: والله تمام رايحه بيت ساره

ميكل: اوووه سارة والله من زماان عنها.. شلونها عساها بخير

شوق: هههه والله تمام.. تقول انها مشتاقه حق مناجركم هههههه

ميكل:يالله عيل خلينا نروح المحطه راح يوصل القطار

شوق: اوكي

كانوا يمشون والثلج مغطي كل مكان

والقطارات متاخره

راحو البوتيك التابع حق المحطه واشتروا تذاكر

اشترى ميكل قلاسين كاكاو حار وقدم واحد لشوق الي خدودها صايرات حمممر من البرد

طلعت كفوفها ولبستهم

غصبها ميكل واهي خجلت واخذته

نزلوا المحطه وهناك افترقوا وكل واحد راح لمكان القطار المحدد

كانت واقفه

تشرب الكاكاو الحار

تفكر فسارة

وشلون انقلبت حياتها من شافتها لليوم


رجعت فيها الذكرى لحد اول يوم لها فهالبلد

نزلوا منالطيارة فرحانين

كانوا يهاال

قبل 6 سنين


كانت شوق تطالع فعيونها الكبار تدور ابوها الي ماشافته من مدة سنتين



كانت تبجي

وتضحك

فرح وامها يضحكون عليها

وحمد وفهد كان التعب مبين فويوههم التايه بين الناس

يدورون ويه ( وجه ) اشتاقو له

لعصبيته

لحنيته

ابوهم

مشت شوق ايدها فايد فهد


فهد شاف ابوة ومعه بنوته صغيرة قمر

جت تركض صوب شوق

..هااي انتي شوق ..?!

شوق ووخجل الطفوله وبراءة البنات فعيونها : ايه انا شوق.. وانتي منو..?

سارة تعدل فصوتها: احــم انا سارة صالـح الـ..

فهد: والنعم والله شوق هذي بنت ابو فيصل الي زارنا مره فالكويت

شوق بشقاوة : ايييه - وتركض وتلم سارة- فدييتج انتي

راحت سارة مسكت ايد شوق: يووه ياشوق ماهبلج ابوج ينطرج يالله

وصارت تقود شوق من يدها لحد رجل واقف ودموعه ينادي شوق ..بشوق ووله

ابو فهد: يااابعد هلي وناااسي يااااشيخة البنات تعالي لابوج ياحيااتي


شوق صاحت بمرارة.. وكانت دموعها تقول.. وينك يالغاالي..اشتقت لك بابا: بابا حبيبي لا تصيح.. تذكر شنو كنت تقولي فالتلفون لما كنت اصيح... كنت تقول .. لا تصيحين ياشواقه يالياهل ههههه -صارت تضحك ودموعها تشق دربها على خدوها-


ومن يومها واهي قلب واحد مع سارة


شوق نقزت كانت سرحانه فافكارها وحرق فمها الكاكاو..صحت ودموعها تخط ذكراها



كان شاب قاعد على مقاعد الانتظار

وشوق كانت واقفه تطاالع سكة القطار

شافت الضو االاخظر الي بدا وكانه يفتح باب من ابوابه

والقطار يخترق الباب بقوة

طارت افكار شوق مع الهواء العالي الي حمله معاه القطار بسرعه عجيبه.. اقشعر بدن شوق وماحست الا على صوت حزين يزعج هدوئها واستمتاعها فالجو البارد

..: عفوا اختي... بس انتي عربيه ..!!

كان صوته يحمل شكوك وخوف من انها تكون مع عربيه.. بس شكلها كان اكبر من شكوكه

شوق: ايه نعم .. اقدر اساعدك فشي

..´: الحمدلله .. بس بغيت اعرف هذا القطار يودي كوبنهاغن ?

شوق: ايه يودي هناك ..

كان شكله محتاس وغريب

شوق: شفيك اخوي فيه شي

..: لابس ... ااا..ابي اعرف من وين اقص تذكره

شوق : اهمم.. اذا بتروح فهالقطار مابتلحق .. بس اقدر اساعدك ..

راحت شوق بخطوات سريعه لحد مكينه صفرة صغيرة

طلعت كرت صغير من جنطتها ومدته داخل الجهاز الغريب على الولد وجكت 4 مراات

رجعت له : شوف اخوي انا قصيت لك من عندي الحين ندخل القطار بسرعه و..

قطعها : لالالا ليش قصيتي لي انا بس توني اعرف ان..



شوق : عادي عادي ..

راحت القطار وركبت .. اشرت له يدخل ودخل

..: والله مادري شقول لج مشكوورة

شوق : لا ولو .. انت شكلك يديد هني ... عادي اعتبرها ضيافه لك

ابتسم وشكرها .. اياهم الي يشوف التذاكر وشافهم ومشى

قعدت شوق 4 دقايق فالقطار وفكرها مو معاها ..

سمعت المضيفه تعلن عن المحطه القادمه وقفت تعدل جاكيتها وشكلها ..مدت يدها للولد وقالت له : تفضل هذا ينفعك فالقطاارات

كان الكرت فيه 10 طقات 4 طقتهم له و واحده لها

تاسف منها انه ما بيخذهم

شوق : شوف اهم يغرمون الشخص اهني فاخذه

شكرها وراحت.. واهو حده مستانس من تصرفها


************

سارة : ياااربي ياا شوقاتي كانج حاسه فيني

فيصل : هالخبله تحس هههههههه اخ بطني .. ليكون ريلج شوق وانا مادري هههههههه

سارة : يااا مصااختك يااخي

فيصل : محد طلب رايج يا مرقريتا ( ملكة الدانمرك الي بالاسم لانها لاتحل ولا تربط ) هههههههههه


سارة :يووه فيصل مالت عليك .. بروح حق شواقتي احسن ,,قول لماما دقايق وارجع بروح اجيب شوق من المحطه اعرفها من يوم يومها تبيني انطرها فالمحطه ولا تعصب ... سي يو


فيصل : يووه هوه شفيهم هذيلا كل يوم عند بعض ... اخيرا بيصير عنددي 2 اقدر انرفزهم هع هع هع والله اني موب سهل فديييتك فص فص تعرف تفكر ... يؤ انت هيه شنو فص فص

ام فيصل واقفه فوق راسه : الحمدلله والشكر -تررفع ايدها وتدعي-ربي لا تحرمنا نعمت العقل
فيصل : اووه امو فيصلن هنااا.. يا مرحبا اهلا بكيي

ام فيصل:اقووول مالي خلقك يالله بروح اقعد بيطلع برنامجي المفضل ههههههه

فيصل : زيين روحي والئلب داااااعيلك

*********


سارة لفت عليها جاكيتها الجلد الفاخم والشال الصوف الي محد يقدر يستغنى عنه فهالجو

طلعت ببوتها البيج الجلد وشيلتها الي مركزه على راسها معطيتها هيبه

كانت تمشي وتفكر فباجر...ومساقبلها

طالعت لقدامها


شافت الثلج فكل مكان

يعلن عن قدوم -- الـكريسمس --

والثلجات الي يتنازلن من السماء الصافيه كانو مزينات المكان

كانت تمشي كانها عروس

والثلج عليها


صارت تهرول و تفتر وتضحك

وعيونها مبتلات... بدموع الشوق

بعدين تذكرت شوق


سسارة: اووه شوشو نسيتها


وصلت المحطه وشافت شوق نازله ابتسمت لشخص ومشت




سارة وهي تلم شوق ( هذا سلامهم ): هاي شوق..

شوق: اهلين سوسو...شخبارج

سارة: تمام.. يالله اعترفي منو هالشخص الي ابتسمتي له

شوق بحزن :: ههههههه يمه من عيونج .. ياطويلة العمر هذا واحد كان متورط مع سالفة القطاارات وحليت له مشكلته..

سارة: عربي..?

شوق: ايه.. حليله توه هني

سارة: الله يعينه ...يالله امشي الدنيا ببرد

مسكت سارة ايد شوق ومشوا كانهم بنتين صغار..وهذي مشيتهم من زمااان


شوق: اااااه ياساره... (سكتت)

ساره: خير شواقه

شوق: مدري... بس الثلج شكله روعه

سارة: شواق..شرايج فالـ...احم

شواق تمشي وسارة توقف

وقفت شوق وطالعت ورى شافت سارة ترمي عليها كرة ثلج

شوق: اييي ياخبله .. انا اوريج الشغل السنع

ركظت وراها وصاروا يلعبون

....


رجعن البيت وكان جاكيتاتهن خايسه ماي

شوق: السلااااام عليكم ( هذا ابو فيصل وابو فهد مايحبون احد يقول هاي فالبيت)

فيصل يركض لبرى داره وينزل الدري ( الدرج) وهو ينط بسرعه



فيصل: هلاااا والله... تعالوا الحين يوصل حمد و.... وصح ترى بتبااتون عندنا

شوق : احللللللف .. قول والله

فيصل من بعيد يمد يده فويه شوق: ماااالت عليج.. ايه واالله.. وفرح تقول خليها تتصل فيني.. يالله اذا وصل حمد نادوني.. سي يو


قعدوا البنات يتغدون مع ام فيصل ويتكلمون

وحمد الي وصل وفيصل تغدوا فدار فيصل


وفرح كانت مفاجئتها ان ابوها وافق تروح الحفله


خلصوا غدا والبنات رتبوا المطبخ


موسى: هاااي ياهل الهاااوس ( house)

ام فيصل فالصاله: تعال موسى حبيبي شلونك.. وشلون المدرسه و
النادي

موسى: يمممممه يووووعان ... ابي غداااا

شوق: يمه منك .. اقعد استريح اول

موسى :انتي شدخلج يام لسان انا وجاري شدخل حماري ..روحي حق سارة


شوق: وييييه.. خالتي.. شوفي ابنج

ويدخل عم سارة


جاسم: عمره 26 مو متزوج . يشتغل.. حاط فرح فباله.. وبنات العرب الي هناك يتمنونه... كان وااايد طيب.. خجول.. طويل وجسمه عريض.. بس رشيق.. كان اسمر وخط خفيف من اللحيه الباقيه الي معطيته ستايل حلو محليه وجهه...

دخل سلم وراح قسمه الي فيت اخوه بو فيصل


..........


سارة وشوق..


حمد وفيصل


واهلهم



و...لاتنسون... جاسم و فرح



كلهم بتتعرفون عليهم اكثر



فالجزء الثااااني


تــــــــابع




عاااد الحين ابي رااايكم


وهذي اول قصه اكتبها

بانتظار ارائكم


*************