[الشمائل]

السـلام عليكم

:
صباح الموكا لاتيه
عيدكم مبارك وعساكم من عوادة العيد والعايدين
كان ودي ابدا من ليلة العيد ، بس العجازة شينة

لذا ، بعيّشكم يومي من صباح العيد

بسم الله اول ذي بدأ :
قمت من النوم نشيطة على غير العادة ، على صلاة الفجر
علما اني نمت الليلة اللي قبلها س1 او اكثر

سرت اصلي في الصالة فلقيت بعض من العايلة الكريمة من امس ما رقدت
( يحسبون رمضان ما خلص مثلا ؟ أو تأثير سهر رمضان لا زال )
سألت من امس سهرانين ؟؟
ردت علي اختي اللي اصغر عني : والله شسوي ما جاني النوم !
قلت لها : ما تعرفين تتقلبين ليما ترقدين ؟؟
قالت وقلت: ........ الخ لزوم ضرابة الصبح

طنشتها وسرت اكمل نومي ، تقلبت نص ساعة وقمت
قعدت على النت شوي ، فتذكرت ان اليوم عيد ، يعني اليوم يوم كاميرتي

رجعت الغرفة مرى ثانية .. مسكت الكاميرا وبديت شغل

اول شيء العباية محتاجة كوي


صباح العيد ما ألبس الا كنادير مخورة ..
بعدها تذكرت الشيلة ، مسكت مجموعة من الشيل وسرت حجرة الكوي
اوني اشاور الخدامات اي لون يناسب الكندورة
وكان بها ..


:
يلين ما يخلصون الكوي ، سرت اتمكيج واتجهز ..


^
وهذي الشغلة ما جازت لي الا يوم العيد

ثم رجعت للغرفة ارتب باقي اغراضي
نقلت اغراضي من الشنطة القديمة للجديدة


وهذي صورة للي الملاقيف

بقايا الجامعة لا زالت تتنقل بين الشنط


جهزت النعال - الله يكرمكم


وساعتي والعطر اللي بتعطر منه


:


آآآه صحيح نسيت ما اقول لكم ، وانا اتنقل بين الغرف والصالة وهنا وهناك كالعصفورالرشيق
اخذت لقطات عالسريع قبل ما يصير شيء ويضيعون مني

اولا سلة الفواكه :


ثم الحلاوة وهي داخل كيستها .. لقطة عالسريع :


وحلاوة الباتشي .. عاد هذي مسكتها مسكة
لقيت اخوي يبي يفتحها ، قلت ل ه وقّف ليما اصورها

هذي لقطة


وهذي هدية لكم



:

المهم ، يلين س8 صار تقريبا كل شيء جاهز .. وهذي السفرة


لقطة عالسريع :


إلى هنا تنتهي الصور ، اللي تبي تقرا كلام من دون صور تكمل الموضوع


:
زارونا 2 من عمومتي على س 9
بعدين على س10 زارنا اخوي مع زوجته ومع بعض طلعنا نسلم على جدتي وعماتي
وس 11 مرينا على عايلة عمومتي اللي جونا الصبح علشان نسلم على بنات عمي
بس عمي الاول سار الفجيرة علشان يسلمون على اهل زوجة فما لحقنا عليهم
وعمي الثاني سرنا نسلم على زوجته وعياله
انا وخواتي وزوجة اخوي قعدنا مع بنات عمي وحريم عيالهم في غرفة

وامي واخوي وحرمة عمي وعيالها الاولاد قعدوا في الصالة
طبعا خذتهم السوالف ساعة الا ربع

بعد ما طلعنا عنهم ، رجعنا البيت ..
اختي اللي اصغر عني سوت سالفة ، من اول ما طلعنا من بيت جدتي وهي تقول رجعوني البيت ابا ارقد
ما صدقت اول ما وصلنا البيت دقت بعمرها على السرير

المهم جهزنا اغراضنا وطلعنا دبي
في الطريق اخوي الصغير يقول : ماما اضربي بترول واسبقي اخوي
قلت له : اسكت لا تسوي سبب .. عطني تلفونك شوي
>> طول الدرب كنا نتبادل التلفونات هو يصلح لي مشكلة النت وانا فاتحة المسنجر من تلفونه
المهم مسكت تلفونه وقلت لاخوي الكبير : انا شمول لا تسرع خلنا نوصل قطعة كاملة ..

شوي الا واشوفه جدامنا ، لا مجاوز ونحنا بنلف لفة شارع الدخول لدبي
في مكان ما يصير تسرعين فيه
عاد انا اموت ولا اني اسوي جذي
قلت لامي : ماما لا تحطين راسج براسه خلج جذي ..
قالت : مب غبية علشان يمسكني الرادار !
>> تقصد لو ما في رادارات جان سوتها واسرعت يا ويل حالي

:
وصلنا بيت جدي بسلامة ، قعدنا مع خالاتي ليما جا خالي بعد ما صلينا الظهر
ضحكت على خالتي لما جت تسلم علينا في الصالة شافت اخوي ووقفت كانها ببغشى
قلت لها : هذا فلان فلان اخوي .. وجان نضحك عليها
حليلها من زمان زمان ما شافت اخوي ، اصلا اخوي ما كان يزور جدي ولا كان يسير ويانا في الاعياد
فعلشان جذي شكت فيه

:
بعد فترة حطوا الغدا ، وقعد خالي واخوي يتقدون ونحنا الحريم سرنا داخل ليما يخلصون ،
ونحنا سايرين دخلت علينا حرمة خالي مع عيالها وامها
سلمنا عليها وسرنا وياها الحجرة ، وسوالف وضحك الحريم مع بعض وانا اليهال مع بعض
حرمة اخوي تلعب بتلفونها والبنات بروحهم

بنت خالي الصغيرة شو تقول لي ؟؟
ليش ما تلبسين النظارة علشان تطلعين مب حلوة ؟؟

قلت لها انتي غيرانة مني . نسيتي صلعتج يوم كنتِ نونو ؟
خخخخخخخخ

وسوالف مع اخوانها النونو التوأم فديتهم يهبلوووووون الله يحفظهم

:
تغدينا بعدين ، وقعدنا نسولف يلين صلاة العصر ، طلع جدي وسلمنا عليه
قال لا تسيرون بقعد وياكم ، سار المسجد وصلى ورجع حليله
قعدنا وياه في المجلس تقريبا ساعة ونص .. وكثير مواقف مضحكة

طلعنا من بيت جدي لبيت خالي الجديد اللي عزمنا عليه
وفيث نفس الوقت يدل امي على الطريق الصحيح
علشان نزورهم في يوم من الايام

:
طلعنا قريب المغرب من هناك ووصلنا البيت قريب العشا
صليت المغرب بسرعة وقعدت شوي في الصالة ، وبعدها صليت العشا ورقدت لثاني يوم

صراحة كان يوم متعب بس حلو وايد
وشكرا على حسن الاستماع والانصات ..
وعذرا ع الاطالة

المصدر: منتديات بنات دوت كوم

---

igh fhgud] ,Higi >>K F tuhgdm hgud] )

الموضوع الأصلي : هلا بالعيد وأهله ..، [ فعالية العيد ) || القسم : مُستظل لِ أرواحٍ حالمة || المصدر : منتديات بنات دوت كوم || كاتبة الموضوع : الشمائل