[نعنوعة]

الجزء الاول
(روتيني اليومي..تغيير)

كيف لي انسى ذلك الصوت الحنون الذي لا زال يغدر بكلماته الاخيرة ......يغرد بكلماته الاخيرة ......بكلماته الاخيرة ...... الاخيرة

......:

الريييييييييييييييم رييييييم ريووووووووووووووم و صمخ

الريم(و هي سرحانه):هااااااااا....

....:

ريووووم يعل اذنج البط ايش فيج.....ليكون تحبين و انا مادري

الريم(و بوجه حزين):اي أحب اي خرااابيييط يا سارة((و تتنهد))

سارة : عيل ايش فيج قالبتلنا فيلم هندي
الريم:روووحي أجوووف لألحين أرووح أخطبلج السبال شارو خان
سارة:ههههههههههههههههههههه..عاد ما لقيتي الا هالشين اختارلي واحد حلو الا أقولج أبي برات بيد
(عاد هما قاعدين في حصة العربي و الابلة تقرا لهم خاطرة)
الابلة(بدلع) :ريم الراشد... سارة الراشد ...طلعوووو برع
الريم (عدال):ليييييش؟؟؟؟؟
الابلة :لان كنتو تتكلمون
الريم : أن.......
سارة:مب طالعين مو على كيييييفج
الابلة :على كيفي ..تعالو معاي الادارة خلى أتصل بأهاليكم يردوووونكم البيت
سارة: عادي خفت منج يعني
الريم:سارة سكتي
الابلة:الريم شلون تقاطعيني روحي الادارة و انا بالحقج و انتي و قفي برع يا سارة
(و راحت الريم الادارة)
المشرفة:ليش انتي مني بعد يا الريم
الريم:ها مادري ابلة بدرية قالتلي أجي
(وصلت الابلة)
بدرية(بدلع):شفتي يا مس حنان هذي الطالبه ما ابيها عندي كله تتكلم في حصتي و ابيك تتصلين في اهلها يجون ياخذونها
المشرفة:بس يا مس بدرية هي ما سوت شي يستحق اننفصلها عليه
بدرية(و وصلت حدها من العصية):شنو تقولين يا حنانو توقفيت ضد ابلة مع طالبه
الريم:شفتي مس حنان انا مالي خص ...... و بعدين امبيييي شلون تخلينها تقول هالكلام جدامي هاي اهانه
حنان:صح يا ريم..............شوفي بدريوووه ترى و الله اعلمج الادب ان ما تسنعتي و يودتي لسانج و كفيتي شرج يالحسوديه
بدرية عطت حنان كففففففففففففففففففففف...... و عاد سار طق و مطاقق و جاووو الابلات يبون يفكووونهم و المديرة بس مافي فايدة و كله من ريم عشان تطلع من الوهقة ......و ردت ريييم الصف
سارة:رييييم شنو صار
ريم: خليتهم يتهاوشووون بدرووو و مس حنان....على طاري مس حنان ما توقعنها ملسوووونه جذي كنت أحسبها هبلة و على ويهها و لا بدرووو الي مسوية روحها دلوعة طلعت على حقيقتها
سارة :صدق الفيلسوف عندما قال:ياما ورا السواهي دواهي
ريم :عدال يالفصحة هههههههههههههههه فيلسوف
((و جا وقت الردة للبيت و كل البنات ردوووو الا الريم سارة ردت مع خالد و السواق و ريم مار كبت لسببين لانها ما تطيق خالد و بعدين مرت أبوها بتاكلها و تسويلها مشكلة مع أبوها))
و الريم ناطرة مدة نص ساعة و السواق ما جاها مع الخدامة تتصل البيت محد يرد تتصل على سلامه مشغول لين ما جاتها السيارة
الريم و هي تركب:توه الناس جان ما يييتو((رياال حشى كلتهم))
السواق:هاي ماما سلامة في يخلي يوصل نفر نفر رفيق مال هي
الريم: عشتو و انتي ماريوه مالج لسان تخلن الخبل الي ما ينفهم منه حرف يرد عنج ولا ماما سلامة كلت لسانج بكمن ريال
ماري:ماما سلامة في حلو واجد طيب
الريم:صح كلامج من ناحية الطيبة الطيبة تقطر منها زي العسل... بس البخشيش له تاثيره
((و لما ردت البيت كانت سلامة تنتظرها علشان تذلها و طبعا أبوها مسافر))
سلامة:توه الناس (( و تشوف الساعة))أووووه ألحين الساعة 4 شتسوين كل هالوقت في المدرسة
الريم:والله اسئلي رفيجتج
سلامة:............ز(تفشلت ما عرفت اشلووون ترد)
الريم :مالي نفس آكل غدى بروووح أنااام
سلامه:نوم العوافي(يعل ياثوم يقومج)
((راحت الريم غرفتهااا و غيرت ملابسهاا و قفلت جوالهااا الاي فون و حطت راسها و نامت))
.....:

ريم حبيبتي أنا باتزوج

الريم(ببرود):ص..ج.

ألابو(و خانقته العبرة و شوي تنزل الدمعه تذكر أم الريم الي يحبها وايد) : ما تباركيلي
الريم(و الي حست باابوهاو بابتسااامة باردة):مبروووك
((الا مرة وحدة تقوووم الريم من النوم على صوت مزعج الا تلاقي حد قاعد ينبش في أغراضها كانت الغرفة ظلام مافي الا أبجورة وحدة مفتوحة))
الريم(و هي خايفة): يمة ينييييي مين انت؟؟؟؟
((كانت هذي سارة منتظرة ريم تقوم)):أنا حمارة القايلللللللللللةةةةةة و جايه آكلج
الريم:مين حمارة القاااااااااااااااااااايلةيماااااااااااااااااااااا والله ما طلعت برع الضهر والله ان السواق تاخر روحي اكلي السواق
حمارة القايلة هي ينية مخترعينها من ايام أول يخرعون فيها اليهال علشان ما يطلعون بروووحهم الضهر
سارة : ريووووووم يالياهل ايش فيج هاي أنا سوير
الريم:يا !@#!@#!@ بغيتي توقفين قلبي علبالي صج حمارة القايلة
سارة: متى رديتي البيت؟؟
ريم :الساعة 4 لان رفيجة خالتي سلامة عشتوا ما عندها سواق((باستعباط))
سارة:تدرين على هاذي السالفة أنا باذلج و بروح أفضحج عند أبوي و خلووووووود و ما ننسى حمد
الريم((و رافعه خشمها فوق)):عاااادي عندي بقولهم على سالفة الكيكة
((أقولكم سالفة الكيكة سالفتها طويلة ...مرة كانو الريم و سارة قاعدين متمللين الا قامت سارة قالت حق ريم أنا بسوييييلج ذيك الكيكة الي بتاكلين أصابعج واراها و عاد الريم استانست و قالت يلا و رينا شطارتج و عاد يوم خلصت سارة الكيكة و كلتها الريم طلعت سارة حاطه ملح بدل شكر و مخبصة و من يوميها الريم تخاف تاكل شي من يد سارة))
سارة:لا بلييييز الى هالسالفة ابوي بيمسكها علي لين يوم الدين
((قعدوو مع بعض لين الساعة 7 بعدين سارة راحت وريم تمت بروووحها تعدل على الصور الي مصورتها عاد ما عندها الى موديل واحد و هي الجوري))
((كانت سلامة قاعدة مع ربعها))
.....:

الا سلامة ما شفنا بنتكم يقولون انها تطيح الطير من السما

سلامة: ماشالله عليها الريم أدب و أخلاق و جمال

.....:

صج نزليها خلى اشوفها يمكن نخطبها حق ولدنا

((وحدة بين الحضور كانت قاعدة بغت اتغص لما سمعت هالنقاش))

((الريم كانت قاعدة تسمع في الايفون إلا تدخل سلامة))
سلامة:الريم ريموه قومي بسرعة اكشخي
الريم(بتسبه):هااااااااااااااااااااا شنو؟؟ شالسالفة؟؟في حد انتحر؟؟ مين مات؟؟
سلامة(و هي ماسكة جلابيه فوشية حلوة و بسيطة):قومي لبسي هالجلابية علشان احطلج ميك اب
الريم:ليش؟؟؟
سلامة: بس يلا بسرعة
((لبست ريم وكانت طالعة قمر صج كانت تطيح الطير من السما كانت لابسة جلابية فوشية تجنن و كلها خرز و نقشات بيضة و مسوية شعرها بف من ورا و حاطة ميك اب وردي بناتي خفيف <<<سلامه طلعت ذويقة....و نزلت و ابهرت الحضور بطلتها البهية))
...:

بنت ريل سلامة بصراحة قمر

...:

صج و اسمها الريم و هي صج الريم

سلامة:الريم روحي سلمي على خالتج ام أحمد

الريم(ما حبت تفشل خالتها جدام رفيجاتها):انشاالله خالتي
(( وراحتو سلمت على أم أحمد))
أم أحمد((اعجبتها ريم واااايد و دشت مزاجها)): الريم حبيبتي تعالي قعدي جمبي
الريم((أوف سخيفة)):أنزين
((و راحو كل النسوان يعتشون إلى ثنتين الريم و بعد بنت))
((هاذي البنت كان واضح عليها انها غيرانة من ريم شكلها جذي كبر ريم و كانت عادية بس بالمكياج طالعة حلوة))
الريم: شلونج أنا الريم؟؟و انتي
البنت:ايمان بنت فلان الفلاني
الريم : والنعم
ايمان:مشكوورة.....أقول الريم
الريم(و حست بشي غريب):هلا
ايمان:تدرين ليش خالتج كشختج و نزلتج؟؟؟
الريم :لا
ايمان : تبي تزوجج
الريم(بتسبه):هاااااا ....مين أنا أتزوج؟؟؟
ايمان:اي أم أحمد حاطة عينها عليج حق ولدها أحمد
الريم(حست ان ايمان متضايقة): ايمان انتي تحبين أحمد
ايمان(بارتباك و شوي بتصيح):هااا.اااا.أ.أ.أ.أ مستحيييييئئئئيييييل و... و... هوو هوو ما يقربلي و لالالا أعرررفه
الريم(حست بنفسها):أستئنج بروح داري أحس نفسي تعبانة
إيمان(ال!@$!@$ منو تحسب نفسها والله ماراح أخليج يا ريم و باقلب حياج للجحيم)
(راحو رفيجات سلامة)
(( سلامة كانت قاعدة في الصالة تقرا مجلة و تطالع تلفزيون))
((و نزلت الريم حست نفسها جوعانة فراحت تبدورلها شي تاكلة))
سلامة:على وين؟؟
الريم:المطبخ
سلامة : مو بسج أكل خلصتي أكل البيت
الريم:خالتي سلامة بقولج شي....اخذيها نصيحة مني .... ماراح تقدرين تزوجني على كيفيج
سلامة: حسبتج غبية بس طلعتي ذكية
الريم:ترى ان سمعت انج تخططين ان تزوجيني على كيففيج مرة ثانية والله اني بقول حق ابوي و اعمامي
سلامة:تهدديني يا بنت سبيجة
الريم:أهددج و أهدد أهلج و طوايفج كلهم
سلامة: انتي غبية و تفوتين من ايديج فرصة ابي ازوجج من واحد غني وتتوفر فيه المواصفات الي تتمناها كل بنت و راح يخلي ابوج غني
الريم:أبوي ما ناقصة غنى أبوي غني من قبل لا يتزوجج و بعدين أنا ما راح أتزوج الى الي يختاره ابوي لي
سلامة:هين ان ما وريتج يالريم يا بنت سبيجة راح تتزوجين احمد و غصبا عن الي ما يبي
الريم: بنجوف
((مر أسبوع و مافي أي شي جديد))
.......:

شلونك يمة ... و الله ولهت عليك

.....:

يمة لا تزعلين أنا باقيلي أسبوع و ارد ..((و حس نفسه متضايق من الغربة و غيرها))و ارد و انا رافع راسكم فوق و معاي الشهادة

......:

انشاء الله ترجعلنا دكتور يا جاسم و اتهنى بشوفتك

جاسم:آآآآآآآآميييييين يمة .... يلا مع السلامة أشوفج بخير

أم راشد:فمان الله
((سكر جاسم عن أمه و هو متضايق حدة كان توه داخل الجامعة الى تطلع في ويهة))
((كانت حلوة لابسة شيلة وردية و قميص وردي و تنورة بيضة))
جاسم((بعصبية)):أمل انتي من وين طلعتيلي بعد
أمل:جاسم جاسم اسمع اسمع يقول فهودي ان فيي هوشة بين واحد من الشباب مع donna
جاسم((و بعصيبية أكثر)):يعني شتبيني أسويلهم تبيني أروح اتهاوش معاهم
((نعرفكم على أمل أكثر امل قطرية و أمها برطانية بنت مرحة لاقصى حد بس صايعة و كل يوم عندها بوي فريند و اي واحد حطت عينها عليه طلعت معاه الى واحد ما قدرت عليه و الي جاسم حبته من كل قلبها بس محد يدري لان جاسم ما تهمه سوالف البنات أصلا و كل همة يخلص دراسته و يصير دكتور و اخر همة الزواج ))
أمل:انزين انزين لا تاكلني ما يسوى علي قتلك شي
((نرد لارض الدوحة كانت جاعدة على لابتوبها و متوهقة مشير و ما يبي يدش المسن و هي مب عارفه شلون تتصرف))
....:

منيييييرة منوووووور .......منوووووور يالعيووووز عندي لج خبر بمليوووووووووووووووووووووون ريال

منيرة : وجع لا تصارخين جذي ...... و شنو هالخبر العجيب الي عندج

....:

تدرين ترى جاسم بي يرد عن قريب باقيله أسبووووع و يستلم الشهادة و يرد

منيرة((حست بشعوووور غريب ما تعرف هو فرحة ولا حزن ولا ايش)): أهاااا...اليازي جوفي كمبيوتري شير

اليازي : يالعيووووز شمسوية في الكممبيوتر مشيرته جذي
((اليازي عدلت كمبيوتر منيرة و طلعت من عندها))
((و رن تلفون اليازي))
اليازي:هلا بالقاطعيين انتي وينج منزمان
.....:

تدرين هذي بنت خالج ريم تبط الجبد

اليازي:أنا ما قتلج من قبل يا ايمان انها سخيفة

ايمان: ناويين يزوجونها حبيبي أحمد
اليازي: لا تخافيين عمي ما بوافق اذا هي مو موافقة
ايمان:و انتي شدراج ان هي مو موافقة
اليازي:بسألها
ايمان:أوككي
((الريم كانت جاعدة تكلم سارة عللى التفون))
الريم((و خلاص كانت واصلة حدها)): هي شلون تسوي جذي((و شوي توقف))...اصلا مو من حقها تزوجني على مزاجها
سارة:خلاص حصل خير ...انتي هدي اعصابج و استهدي بالله
الريم:انزين
سارة : يلا باي
((و الا تدخل سلامة))
سلامة: ترى في عزيمة عودة بيت عمج سلمان علشان ولدهم جاسم بيرد
الريم(بفرحة) : صجججججججججججججج
سلامة: ايش فيج قلبتي توج معصبة
الريم: لابس بجوووف بنات اعمامي

توقاعتكم لو سمحتو

ايش راح يسيير مع جاسم و منيرة؟؟؟
هل راح يزوجووون ريم غصب من أحمد؟؟؟
ايش راح يسيير في العزيمة؟؟
تبوني أكمل و لا لا؟؟؟
ايش رايكم في شخصية أمل ؟؟؟ طيبة و لا مجرمة؟؟
و هل بتخرب بين منيرة و راشد؟؟
ملاحظة:ترى البطولة الريم بس بالاجزاء الاولى يمكن اركز على جاسم و منيرة

و بس