مآ دامني حــي ,, بحيــآ لك وتحيــآ لي !؟
البآرت الاول !
فـ بيت بو حمد الساعه 11 الصبح
الشوقُ يزيَد فينيَ .. تولهت عليجَ أمايه .. أنتَي كنتِي أقرب صديقـة ليُ ..
والله مابنسى إليَ سويتيَه فينيَ ..
بعد كمَ يومَ .. أنتقلتَ عند عميًُ اعيشَ عندهمَ ..
ماليَ غيرهم بعد الحادث إلي استوى فأهليَ ، أولاد عميَ إلي هم وميرة وحمدِ ..
فتحتَ عينيَ ، وقمتَ كالعادة الساعة 11 ، صليتَ و أتسبحَتُ ..
نزلتَ تحتَ وطلعت ، الجو كآن مشمس و شويَ باردَ ..
سرت صوب الزرعَ اتطالعهآ وآشمهآ ، أحب الصبح ريحة الورود والزرع ،
مآدري ليش .. بس أتذكر أبويـه ! كل يومَ أشوفه يسقـي الزرع ،
سرحتَ بأفكاريً وخيآليَ ،
وأنقطع حبل أفكاريَ على صوت حمد ،
حمد : شمآ !
وقفت أنآ : شو تبآ حمد ؟
حمد : نحنًُ آليوم آلفليـل بننتقلُ البيتَ اليديدُ ، جهزتيَ اغراضجَ ؟
قلت بنبرة غضب : بس انآ قلت لكمَ راييَ مب موافقة !
حمد : بس أبويهَ شرآه و دفعَ .. و هوَ بآجرَ بيوديَ أغراضنآ .. قلنآ لجَ !
قلت بخآطري : كم مرة آعيد كلآمي ! قلت له بصوت عآلي : حمد ! لآتغصبنيَ !
حمد يعصب : بتروحينَ وغصبنَ عنج
شمآ : بس ذكريات اهليَ كلها هنيه ! وآنآ قآيلة لكمَ أصلاً مآوديَ أروحََ أفَ !
حمد : بتروحين يعني بتروحيين ,, انتي تحت الامر الواقع فـ استسلمي له احسن لج
حمد دومه جآسي وماتوقع يحس فيني . . ما سويت له سالفه ومشيت
فخآطرها : .. كيف أنا انتقل من اهنيهَ لبيت ثانيَ ! وبيت ابويهَ واهليُ
كله هنيه ، ذكرياتنا كانتَ هناك .. ليش ما يفهمونَ ؟ أحسَ انيَ سفينةَ و غرقت وسطِ
محيط كبير ..
دخلتَ داخل البيتَ كانت عميَ [ بوحمد ] قآعدِ بالصالة ويآه ميرة ,,
عمي : تعآلي فديتجَ شمآ قعديَ ..
قعدتَ صوب عمي مجآبلة ميرة إلي كانتَ تطالعني بعصبيـة ..
عمي : هآه شمآ ، وينَ رآيحَة وشوَ مطلعنجَ الصبحَ ؟
قلت له وأبتسمت : لآه .. بس أحب آطلعَ الصبحَ أتمشى شويَه ..
عمي : آهـآآ ..
قلت له : أستئذن بـروحَ غرفتيَ
عمي : إذنجَ معآج بنيتَي ..
دخلت غرفتيَ .. عآلمي الصغير ، مكتبتيَ وأشياءي .. صورة أمي و أبويه .. وأنآ ويآهمَ .. أحب هالصورة وآيد ! ضميتَ الصورة .. ورجعتهآ مكآنهـآ .. يلست أدور بغرفتيَ .. وأتطآلع كل زآوية بهآ .. تشبه غرفتيَ وآنآ صغيرة .. بـ بيت أمآيه وأبوية
وفجأة .. تذكرتَ وحدة تولهت عليها اليوَم ،، ماسمعت عنهآ لآخبر ولآشيء ..
فتحت آللآب ودشيت المسنَ .. كلمت [ سلآمة ] !
آه من قلب غدآ حبه جنوني : سلامه والله اني زآيغه .. مب بشر هذيل بالغصب يبوني انتقل ويآهم .. وكل شي عن حياتي هني !
لك وحشة عيت تفآرق عيوني : حبيبتي لو استوى فيج شي .. بيتنا مفتوح لج .. وانا ربيعتج اوعدج ما اخليــج !
آه من قلب غدآ حبه جنوني : فديت روحـج ياربي .. احبــج يآخي آحبج شسووي !
لك وحشة عيت تفآرق عيوني : بس خلاص بنتحر من رمستج ترآ .. ماروم ماروم هههههه ..
وكملنآ سوالفنآ . . !
بعد كم ساعة دخل عليه حمد ، يلس ع الكرسي حذاليُ ..
قال لي : جهزتي اغراضج ولا ؟
قلت له : لآ وما بجهزها عندك شي ؟
وقف و جنه تذكر شيء و ضحك : ههه أنزينَ شموه .. أنزينَ
،
وظهر من الحجرة ،
أتصل بـ ربيعه سالم : هلا سالمَ شحالك ؟
سالم : بخير وأنت شحالك يا ريال ؟
حمد : بخير .. ليش ماتيَ بيتنا اليديد باجر ؟
سالم : ان شاء الله ،
حسيتَ بأنه بيسويَ شيء غلط في غلط ..
وكأنه يبا ينتقم مني بسبة هالمشكلة الصغيرة ..
رقدت شوي ابي ارتآح منهم .. تعبت وآيد نفسيتي زفت .. من بعدكم يا آمآيه وابويه مآلي مكآن بهآلدنيـآ .. ليتكم خذيتوني ويآكم [ وتصيـح ] !
آستغفر الله انا شو يآلسه آقول .. انا لازم آبدآ من يديد .. مب حمد الي بيمشيني ع كيفه .. !
نشيت ابي اسبح وانتعش طشونه .. بطلت الكبت بآخذ لي ثيآب مالقيت ولا شي
ثيآبي ويين .. وركييض برع ابي اجوف شو السالفه .. لقيت حمد شآيل شنطي وموديهم السيآره فـ خآطري : فقدتك يالهرم .. اشعنه شآيل آغرآضي !
شمآ : حممد وين شآيل آغرآضي !
حمد ( آبتسآمة آنتصآر ) : بيتنآ اليديد وبتين غصباً عنج ,,
شمآ وبدت تصآرخ : حمد بس انامابي اسير ويآكم شو انتوا كل شي عندكم بالغصب ,, ابي ايلس هني ولو شلتوا كل شي حتى الاكل والله مااتحرك من هني !
حمد صدق عصب وعطآهآ كف ,, وسحبها من شعرها ع السيآره كانت تقآوم بس للاسف ما قدرت ع قوة حمد ,, فـ استسلمت له !
مآ حسيت بعمري الا وانا فـ حجرة يديده ,, كل شي يديد فيهآ ,, يعني كل شي رآح ذكريآتي ويا اهلي كلهآ رآحت ! الله يآخذك يآ حمد ,, ما ادري من اي البشر انت
كآنت السآعه 6 ونص نشيت تيددت وصليت وظهرت اجوفهم محد فالبيت سرت المطبخ ابي شي اكله ,, مالقيت شي الا خبز وجبن سويت لي سندويج ورديت حجرتي !
تذكرت ابوي واومي ,, ابتسمت مسكت الدفتر ,, ويلست اكتب ,, يآبوي وينك عذبتني الليالي .. ليتك تشوف الحال وشلون منصاب ,, ليتك تشوف الهم وأوضاع حالي ,, ليتك تشوف الدمع وشلون سكاب ,, حتى الفرح يابوي وياك قد غاب ,, آمشي وانا يابوي همي وظلالي ! ,, تذكرت عمي سرت عندهم ,,
عمي : هلا والله ببنت الغآلي ,, حيآج غنآتي تعآلي هني ,,
سرت بست راسه ويلست حذآله ,, عمي طيوب وحبــوب ,, بس عياله وحرمته شي ثآني كتلة من الشر والله خخخ ,,
ترخصت من عمي وسرت استكشف البيت ,, كان روعه هآ آكيد حمد ذوقه شي ,, بس اكرهه ومن خآآطري بعــد الي يسويه فيني مب شويه والله يستر من آليآي ,, استوت السآعه 10 وانآ بعدني يوعآنه ومآشي آكل ,, سرت حجرتي وغفيت شوي دششت علي
ميره : انتي آيييييه هآي حجرتي شيآبج هني ,, ؟
اكبر علامة استفهام ع راسي ,, شمآ : خير اختي اي حجرتج هآي ,,
ما تشوفين ثيآبي واغراضي فيهآ
مييره : حبيبتي هالغرفه غرفتي وعايبتني وابيهآ ,, صدق عصبت من حركاتها الطفوليه عقل ياهل عندها والله ,, : فآرجي زين ,, اونه حجرتي يابوي اغراضي كلها هني مب عشان سواد عيونـج بشيلها ,, يلا اطلعي برع ,,
ميره : تطرديني ؟ ,, شمآ ,, هيه نعم اطردج انتي ,, ليش ان شاء الله منو انتي ,, ,, اقول اطلعي بس اطلعي ,, مب فآيجه لليهآل وراي جآمعه آنـآ ! ظهرت ميرة وهي محرجة ,, استانست حسيت اني قويـة شوي خخخخ ,, عقب ييت برقد رن فوني ع اغنية عيضة المنهآلي
{ حيآتي يآ مغذيلي آلحيآة ,, غرآمي جن وتمرد جنوني ,, غنآتي وصرت عن غيرك غنآه ,, تثير الشوق وتهيت شجوني } ,, ابتسمت يوم سمعت الاغنية وجفت اسمهآ [ غنآتي ]
شمآ : مرحبآ الســآآآآآآع ,,
سلآمة : مرحبتيــن ,, شحآلج غنآتي ؟
شمآ : بخييير والله ومن صوبج ؟
سلآمه : بخير دآمج بخيــر ,, شو بترقدين ؟
شمآ : هيه والله برقد ,, دوم آوقآتج غلط يآخي شو اسويبج يعني
سلآمه : ههههههههههههه احين انا آوقآتي غلط ,, اصلا انا الغلطآنه الي ادق عليج ويآ هالويــه ,, !
شمآ : حيآتي انتي والله ,, آمزح ويآج ,, حشى بلآج شآبة ضوو ,,
سلآمة : زين رضضييت خلآص ,, يلا فآرجي سيري آرقدي ,,
شمآ : يعني بيلس بجآبلج مثلآ ,, بسير برقد آبركلي ,, تصبحين على خير حيآتي
سلآمة : وآنتي بخيـر ,, آحلمي فيني زين ,,
شمآ : هيه عسب بآجر مآ آنش صح ,,؟
سلآمة : فعينــج زين ,, يلا بآي !
شمآ : هههههههههه بآي ! ,, خلصت مكآلمتي وياهآ بظحكة ,, آتونس يوم آرمسهآ مآ آروم آعيش بدونهــآ ,, الله يخليج لي يآرب ,, وحطيت رآسي ورقــدت ,, !
وجـي آنتهي يوم شمــآ ,, فـ بيتهآ اليديد ,, واتريوآ آحدآث القصة اليآيه
Vanilla eyes & تميـَز آلذآت
يآريتَ يعيبكمَ البآرتُ ^^
و ننتظر ردودكم بكل شوقَ ~