[لوسيندا]

وأغرق الحُب الوجود
وأمطرت السماء عِشقاً وغراماً
وتشكلت الحروف مجدداً
وها أنا أعود
بقصة جديدة
حِلة أخرى
فهل انتَ مستعد " لإحتساء شراب الحُب حتى الثمل "
هل أنتَ مستعِد .. لأن تعيش الحُزن..الفرح..الضحك..الفراق..!!!
هل أنتَ مستعِد..لأن تغرق في بحر العِشق...
عِشق غريب من نوعه
تحت
جموح " صدى "
مكابرة " مساعِد "
نار " كمال "
شمعة " أمل "
غضب " فطيم "
صبر " نورة "
عِشق " محمد "
وله " عيسى "

لكم أحبتي..!
لكم فقط ..
اهدي هذه الحُروف..هذه الكلمات .. هذه المشاعر ..
هذا البركان ...
بركان الحـُب السامي

||ღ ناظِر جموح الخيل تعرف عِزتي ღ||

:: شفت الخيول الجامحة؟هذي أني..ناظر جموح الخيل تعرف عِزتي::

" الفصل الأول "

دقات قلبي قوية..عيوني ترمش..والقلق بالجوف خيم..كنت أفكر به..!
تلونت الملعقة بصورة رسمها خيالي..غسلتها بدمعة نزلت..
" صدى...!! "
رفعت راسي الهزيل..والتعبان..ضمت عيوني صورة أختي ملاك..
ابتسمت لها بحِزن : نعم..!
كانت تحرك الملعقة وتدورها بالشاي..كنها عارفة بإلي أفكر به..قالت لي وهي منزلة راسها : ما نسيتي..!
حطيت الملعقة على الطاولة صوب الصحن..هزيت راسي : النسيان صعب..!
خذت الشاي..ارتشفت شويه منه قالت : ما بجبرج على النسيان..!
ما قلت لها شي..ظليت ساكتة..بعدها قُمت من مكاني..
ملاك : وين رايحة..!
لفيت لها وقِلت: وين بروح يعني..بيتنا..عفواً بيت عمي..!
ملاك : ما قعدتي وايد!
ابتسمت..هذي هي اختي ملاك..عمرها ما تغيرت..بوجها الصبوح المشرق..والمتفائل بالحياة..ملاك أكبر مني بسنتين يعني عمرها 22..متزوجة وعندها بنت صغيرة أسمها " فدك " .. ملامحها حِلوة..بشرتها قمحية و عيونها بنية وكبار..خشمها مرسوم بِدقة .. وطويل..فمها مليان ويناسب وجها..غير هذا هي رشيقة..
رديت عليها : مرة ثانية ان شاء الله..أحين رجلج بيجي..وما فيني أثقل عليج..!
ملاك: ليش عاد..بالعكس تونسيني قعدي معي..!
قلت وأنا أفتح الباب: مرة ثاانية...يلا مع السلامة..
ما سمعت الباقي..لأني طلعت بره البيت..

بيت أختي متوسِِط وراقي..أول ما تفتح الباب..تطل عليك الصالة..اي أنها مكشوفة..
وغالباً ما البنات ييلسن بالـمجلس والرجال بالصالة..
لأن أي ضيف بيفتح باب بيت ملاك..بيشوفهم..!
أحب شي لـ قلبي ببيت أختي..هو الزراعة..والنافورة الموضوع قرب الورود..!
رحت صوب الزرع..قصيت وردهـ حمرة..شميتها وكلي حُب..ومشيت أظهر برع ..
كانت سيارتي صوب السور مباشِرة..ركبت..ومنها سِرت لبيتنا..
شغلت المُسجل على موسيقى " نبضات " ..معزوفة نبضة قلب..
وبدى قلبي ينبض بالذكرى..
ذكرى ماتت..ذكرى ردت تحيا وتعيش..!
++++++++++
عِند مساعد
هذا أول يوم لي هنا..بوطني ودار هلي ..شعور رائع ...
حنين وشوق لدار ما شميت ريحتها من ثلاث سنين..
بس أنا أحس بالحزن وأبا أرد أرجع لغربتي...
" زين ..زين..اسرح وخلنا نكلم الطوفة "
طالعته وقلت له : من قال أني سرحان
كمال: الهوا له..!
ابتسمت له..وشربت الكوفي
كمال: دامك تموت فيها .. ليه طلقتها..!
كح كح..كح ..كح
كحيت بقوة..لأني غصيت بالشاي..حسبي الله عليك يا كمال
قلت له : من قال لك أني كنت سرحان فيها
كمال:عيونك تفضحك..!
اشرت له بيدي وقلت: لا تدخل
كمال هز كتوفه: بكيفك..اباا افهم انته ليش طلقتها..؟
ناظرت الكوفي : بكيفي
كمال: بنات الناس مو لعبة بيدينك تطلقهم متى تبغي..وتردهم متى تبغي..؟!
مساعد : كمال الله يخليك صك الموضوع


+++++++
كِنت يالسة ع الكنبة أطالع فلم هوم ألون الجزء الأول..ومعي فشار ( نفيش)..ومطفية النور..حذالي كان مساعد..
حط راسِه على كِتفي: صدى..ما تعبتي من لعب دور الطِفلة..!
ابتسمت له( أفكره يمزح):لا لِسة..!
مساعد:اممم..ومتى بتفسخي قناع الطِفلة وبترجعي حِرمة..!
شهقت : أوبس..يا عمري عليه هالصبي شوف...كيف تنساه أمه كِذا..!
مساعد : صدى أكلمك جِد
صدى: يعني ايش؟!!
مساعد: صدى أنا ما تزوجت وحدة أربيها .. انتي كِذا تحسسيني أني ابوج مو زوجك..!
عبست: وش قصدك ؟!!
مساعد وهو يقوم : سمعي يا صدى..اذا استمريتي كذا..انتي طالق..أنا ما تزوجت ياهل..!!!
ضحكت بخِفة : سخيف
أمسكني مساعد من شعري وجرني وصرخ: السخيف انتي..مليت منك..وهزني .. اعقلي...اعقلييييييي..!
,,
غمضت عينها..أمواج دموعها عصفت بوجها..
آآآآه يا مساعد..ما دريت أنك بكلامك..حرقتني..ولهيب جرحك ماهو باري..!
مساعد..ليه قلت كِذا...!
ليييييييييييييه..!

بركنت السياة بكراج بيتهم..انزلت تزف خبر مزق فؤاذها..أخيراً رد مساعِد..مستانسة برجعته..بس أنا..أنا وين أروح..!
ما يصير أقعد بمكان اهو موجود به..وبيتنا..بيتنا ...!
آآآآه بس..

فتحت الباب.. تفاجئت عينها بشنطات كثيرة..تسندت على الجِدار..وقلبها طاح وسط ضلوعها ..
سيلسا: ماما .. فيه مريض انته..!
فتحت عيني: لأ..بابا مساعد هنا..!
سيلسا:لا بابا مساعد في روح لرفيقه كمال قبل تلاتة ساعة.بس حطي شنطة واطلع بره..!
ابتسمت بخِفة : ماما سميرة وينه..
سيلسا : في مطبخ
سِرت بخطوات بطيئة..شفت مرت عمي سميرة تطبخ..
قربت شويه: أساعدش يمه...
فرت وجها ويدها على قلبها:حسبي الله عليش روعتيني...
حطيت يدي على فمي: آسفة..
شفت دموعها تنزل..ليه تبكي..قربت مني وضمتني لحضنها..
قالت لي وهي تنحب: كنتي تبكين..!
سكت..
مرت عمي: ملاك خبرتك صح...
شلت روحي من حضن مرت عمي..بوستها على راسها :يمه أنا بسير لشقة وبيلس فيها اروحي..!
مرت عمي: شنو..جنيتي يا صدى..!
قلت لها ابلع دموعي وأمنعها تنزل: مو عدلة أكون بمكان اهو به..!
تفاجئت بصوت خشن..خلاني أفقد توازني وأتسند على الجِدار
مساعِد: وليش..وش فيها تقعدين بمكان به ولد عمج..!
مرت عمي: قول لها يا مساعد..قول لها..!
مساعِد: صدى..طلعة من البيت ما فيه..
بوس راس امه وقال : فديت هالوجه والله..
وطلع بره المطبخ
أما أنا..فمشيت بلا روح..لحقته..
مساعِد..مساعِد..
لف لي : تتوقعني إني بيلس بمكان انته فيه..!
مساعِد: وش فيها..لو صِرت من أنطاق
ناظرته بشموخ : زين أنك فهمتها..!
مساعِد: صدى..انا ولد عمج لا تنسين..!
قِلت له:انته طليقي..انته يا مساااعِد..ذبحتنييييييي..!
مساعِد نزل راسِه:كل هذا عشاني رميتك فـ بيت أهلك..!
رفعت عيني: بيت هلي احترق يا مساعِد..فقدت أمي وأبويّ..مساعِد..انته رميتني اهناك..في الشارع..ورحِت..سلت روحك..لو بِنت عمك (وشددت) الي كانت تحبك..وتعشق روحك..وش كانت بتسوي..!..سلت روحك..كيف رحت أنا بالبيت..وشفته يحترق جدامي..حتى أنك ما تأكدت أني دخلت أو لا.ما تأكدت كان رحت للبيت لو سيارة دعمتني..نزلت دموعها وهي اتقول رافعة الراس وعيونها تناظره بإحتقار: انته رميتني جني خمام..زبالة ... وأنا الي كنت اصارخ أشوف بيتنا ينهدم..حلمي ينهدم..عمري يطيح..زهرة شبابي تدبل...وانته ما قصرت..زدتني وجع بوجع..طلاقي كان حاملته قلادة أعلقها برقابي..!!
نزلت راسها : مو ذنبك..ذنب قلبي إلي حب واحد مثلك.. ( رفعت راسها و أشرت له )..لو أموت ما اعيش بمكان انته فيه..لأني بس أشوفك..أموت باليوم ألف مرة..
مساعِد: بس
توه بيكمل..لكني مشيت...وقلت له : كلامك خله لك..مو مستعدة أتلقى مزيد من السهام..!

كنتُ مرةً..
ترابٍ تدوس به تحت أصابعك
كنتُ مرةً
طِفلة ماتت برائتها تحت كفيّ القدر
وشفتيّ القمر نطقت بالألم
أصبحتُ أنثى
ألهو بين أشواك الورود
إمرأة مات فيها نبض الوجود
ولا زلتُ طيراً بلا جناح
وأنتَ يا قاتِلي..!
صقراً يرفرف بالعلا
و في سمائك
ماتت صدى..!
ماتت صدى...!!!
" ناظِر جموح الخيل تعرف عِزتي.."

المصدر: منتديات بنات دوت كوم

---

||ღ kh/Av [l,p hgodg juvt uA.jd ღ||

الموضوع الأصلي : ||ღ ناظِر جموح الخيل تعرف عِزتي ღ|| || القسم : صندوق ذكرياتـــنــا .. || المصدر : منتديات بنات دوت كوم || كاتبة الموضوع : لوسيندا