[@ المها @]

-
تذكرين ؟
ذاك الجدار القصير
ياما ظلٌلنا كثير

مرٌيته اليوم
مدري وشلون
وش الطريق اللي خذاني لهناك !
هو حقيقه ؟ أو حلم في نوم !

وقٌفني صوته ينادي بإسمي
بنفس الطريقه اللي تنادين
ناداني أقرب .. قرٌبت له أذني
سمعت ضحكات ! وأغاني !

سمعتنا نسولف ونضحك
سمعتنا نركض ونلعب
سمعتنا نشكي ونبكي
سمعتك تقولين : ماأخليك “
ويدينا ماتترك بعض
وحطيتي يدك ع الجدار
وقلتي لي حطيها بعد
طالعتي فيني بـ بسمتك
شفتي طبعات يدينا هنا ؟
على العهد تشهد
على العهد تشهد

وهذا هو نفس الجدار
تعالي شوفي يارفيقه
ماتغير
لا وربٌك ماتغير
ويديننا فيه !

بس هذا الكون أنكر
ولا نقوى عليه
ولا نقوى عليه

طيب قولي تذكرين ؟
تذكرين !
يااااه وش كثر هالكلمه / تونٌ
و مليانه حنين ….


-ضيٌ