[M A H O O Y]

السلامُ عليكم ورحمة الله ، كل عامْ وأنتمْ ب خير () وتقبَّل الله منا ومنكم صالح الأعمال ملاحظة : ترى القرق الي تحت واجد ، ف يبي له رواقة من قلب ، جيبوا معاكم قهوة وحلا وحياكم الله ، إيييه صح صايمين نسيت ، خلاص تعالوا خاوين اليدين (نذلة) ، [السُّحور] - هييييييييه بكرا رمضان - كل عام وأنت بخير ، رمضان مبارك .. إلخ هكذا كان الحوار بين أفراد الأسرة بعد صلاة العشاء سوينا تحدِي مين يقدر يسهر إلى الفجر (ما يسهرون ما شاء الله دجاج ) المُهم الظاهر محد أخذ التحدي بعين الاعتبار كل واحد راح سريرة وكبر الوسادة ! ما بقى إلا أنا وأخوي ف أولى متوسط (بطل الأحداث القادمة ) أنا أشتغل ع النت ، وبديت أهستر والناس لاحظت الي ع المسنجر أشوا ما بلكوني أصًلا بعذري كنت جالسة من الصباحْ < إدمان قعد أخوي يلعب ب الوي ثم خلاص بدا ينعس صدق راح جاب بطانية ومخدة وتوسد الأرض (مدري وش حادَّه ) ع العموم كان مصيره ينام في الأخير وأكسب الجولة مع إنها بطت كبدي وأنا أنتظر قبل الفجر عشان أقومهم

، الساعة 02:30 ص : قومت أمي ورحت نمت لي نص ساعة ع بال ما تجهز الأكل (ما يُعترف فيها بالمطبخ ) الظاهر لأن النهار 18 ساعة ف خايفين يجوعون ومستعدين بكل الأسلحة لدرجة إن السحور كان كبسة لحم قومتني أمي وكشتي تنافس أشعة الشمس وخشتي متنفخة وهكذا حال البقية مدري وش لون أكلنا الحمد لله بس ولهذا السبب ما صورت بس يوم قمت توضيت وصليت طار النوم جلست ع اللاب رفيق الدرب ، الساعة 06:00 ص : طفشت من الجهاز -_-" كان الجو باردْ ورطب () لأن البارح كان ينزل مطر ، ف تكتل البخار ع القزاز ما قدرتْ أقاوم الإغراء أخذت جاكيت وفتحت الباب وطلعت أطامر [لفحَت برودة الهواء وجهي ، وغاصت أقدامي في العشب الرطب آ ......(ستووووب) ] خير خير غلطانة النمرة ظفي عفشك لـ [همس الأرواح] بسرعة لعد نشوف رقعة وجهك الي لفحه الهواء البارد وااااي الجو يوسع الصدر لون السمَاء غريييب سبحان الله () طبعًا أنا طالعة وأنا حافية ف بجامتي أم قلوب كلها أطرافها مويه معلومة تراي أكره اللون الزهري والبنفسجي والقلوب وحركات البنات < مخلوق فضائي ، بس ذا البجامة جت ع السريع لأن ما كان فيه غيرها بالمحل زينة وكنت أبي وحدة اضطراري < قصة حياة -_-" المهم رجعت رحت غرفتنا البزران كلهم نايمين أخوي المليح شفت رجله تقز (تسترق النظر) ف ما عندي وقت لحد يسألني وش دخل السماوي في الموف ! سلكوا بس و إلى النو و و و و و و م (أمي الي شارية المفرش ، عارفة بنتها لو تجيب لها ألوان ثانية عطته بنت الجيران ) ، [فترة الصيَام] الساعة 01:00 م : ظهر الخييير ، الحمد لله نمت زين < محد سألك ، ع العموم قمت ب آخذ دش سريع قبل ما أطلع من دورة المياه - وأنتم بكرامة - أتت اللحظة الحاسمة ، تصبصبت عرقًا وقرقع قلبي =" أخذتُ نفسًا عميقًا وبسم الله ! واحد . . ثنين . . ثلاثة ، هوب !!!!!! لم أتحمل ما رأته عينَاي خرجت بابتسامةٍ عريضة وكأن شيئًا لم يكن بعد أن وقفتُ على الميزان قررتُ بأن أصوم إلى بقية حياتِي بجامتي المليحة ، برايفت لـ "نجود" و "العنود" وش تذكرتوا ؟ أنا تذكرت يوم الشهادات - لوشن يدين من فازلين ، - مرطب شفاه (براطم ) من ذي بودي شوب ، - ذاك المنسدح الي يتشمس عطر - وردة في لصقات جروح بس وراء الكواليس هذي سالفتها إني قبل كم يوم أبي آيسكريم وأمي معيية عشان الجو برد وأنا ما أقصر إذا مرضت فطست المهم ما سمعت الكلام ورحت جبت لي أنا وأخواني بعد < حمارة و ف الطريق تكرفست ع درج صخري طار الآيسكريم وبلعته الأرض ! وراحت يديني في خبر (انسلخ) (تستاهلين يومك ما تسمعين كلام أمك يا البزر ) ، المهم نادوني أكتب لهم الأشياء الي يحتاجونها من السوبرماركت وكالعادة تعبت نفسي ع الفاضي لأنهم نسوا الورقة ك المعتاد ونتيجة لذلك جابوا كل شيء الأخضر واليابس حتى رفوف الأكل (تسمع بالمبالغة ) كح كح ، لحد يدقق بالخط عشان ما ينحاس ذوقكم الفني طلعت أنا وأخواني برا تلعب ب المراجيح (بزرة ) وخ أستمتع أحسني أطييير أخواني ينادوني أدفهم ، وأدفهم أدفهم لين يلمسون القمر ويرجعون ! وإذا بغوا ينزلون أتركهم بدون ما أوقفهم وأروح (تعشق النذالة ) رجعتْ مسكت جوالي وقعدتْ أراجع قرآن بعد ما خلصت اشتغلت شخصية أبو هنود قعدتْ أطرز ف الأخير الشكل أدناه بيصير فاصل كتاب وأنَا أحوس شغلت محاضرة للشيخ "صالح المنجد" الظاهر اسمها "كيف تستميل قلوب الناس إليك ؟" روعة بعد مدة مسكت الوي وقعدتْ أحوس فيه أبي ألعب ماتش كورة طبعًا عليمية ما أعرف الأزار تاركة كل أشرطة الوي وألعب بس في rayman2 =" () الي عندهم wii ولا عندهم إياه فاتهم نص عمرهم (حالفة تسوق لمحل السوني الي جنب بيتهم) * الصورة يد أخوي ترا المهم جاء أخوي وعلمني لعبنا مباراة من أولها رقعني فانسحبت بكل بساطة لأحفظ ماء وجهي المتبقي ورحت أحارش أخوي الثاني إلى ما شفت أخوي 1 برا يلعب كورة طبعًا بلا مقدمات وشششش لعبنا بلنتيات ، شرح : نلعب 5 مرات لكل واحد ، مرة هو الحارس وأنا اللاعب والعكس انتقمت بسبب خسارتي في الـ wii وفزت عليه 5 ضد 3 آخرتها أبي أتعلم أسوي مقص ما عرفت (حركة بالكورة ) ! فجأة طيرتها واختفت بين كومة شجر وبكل رشاقة انسليت جوا وجبتها (نصابة كسرت ثلاث أرباع الأغصان ) الشاطرة أول وحدة تعلمني وين مكان الكورة دخلتْ جوا عقب ما ذبحني العطش قعدت أحوس باللاب شوي وألعب بالوي شوي فجأة نادتني أمي عشان أصور السمبوسة قبل لا تدخلها الفرن بعدهَا رحت أرتب غرفتنا وأكنس الصالة "النظافة من الإيمان" < ، [الفطور] الساعة 08:46 م : "اللهم إني لك صمت وعلى رزقك أفطرت ، ذهب الظمأ وابتلت العروق وثبت الأجر إن شاء الله" هجوووووووووووووم بلا رحمة ! والضحية عضلة المعدة قريبًا بتشكينا عند حقوق الأعضاء جاني مغص ولا تعشيت ولا كلت شيء لين السحور (عاقبتها ) - سندوتشات تونة - سمبوسة - بيتزا ، - شوربة حمراء ، هذا الي لحقت عليه ولا الباقي يا حسرة من يوم أذن نسيت إن فيه يوميات ْ بعدهَا مسكت اللاب قعدت أتفرج ع أنمي أذن العشَاء صليت ، انتظرت شوي ونمت -_-" ما قمت إلا قبل الفجر بشوي وكلنا من باقي الفطور (مسوين كمية بلد ) ثمَّ جلستُ ع اللاب مرةً أخرى ، [أخيرًا] أتمنى إنكم استمتعتوا () سعيدة لأني أول وحدة وأعتذر بشـدة على التأخير =( بس حصلت ظروف طارئة ولا قدرت أستخدم الجهاز -_-" شكرًا لـ وهج على إتاحة الفرصة شكرًا لكم أنتم الي شرفتوني هنا والله يعين الي ما شروا لبس العيد (بتروح السوق اليوم ) أتمنى لكم رمضان مبارك الوقت عامر بالطاعة () والسلامْ مسك الختام () ملاحظة (يا كثر ملاحظاتك ) : لحد يقول وش ذا السعودية الخيالية والبراد والوقت المقلوب ، بس تراني مسافرة ، عشان ما تقولون نصابة يعني تحياتي

المصدر: منتديات بنات دوت كوم

---

- vlqhk K tEjpj flr]l; hg[khk hgelhkdm () | d,ld~Qhjd td vlqQhk 1-9-1431 Fjrvdv lw,vD

الموضوع الأصلي : - رمضان ، فُتحت بمقدمك الجنان الثمانية () | يوميَّاتي في رمضَان 1-9-1431 [تقرير مصور] || القسم : رمضان بنات كوم " للأعوام الماضية " || المصدر : منتديات بنات دوت كوم || كاتبة الموضوع : M A H O O Y