يا ليل كم عذبت مثلي ملايين
وكم واحد بيني اذا اقبلت تشفيه
وانا معك يا ليل سنين وسنين
هم يخاويني وهم اخاويه
قال الفرح جاوبتهم افراح الليل
والقلب جور الهم والغم كاوي
ان جيت اضحك حظرت دمع العين
حتى كرهت الضحك ونسيت طاريه
بارت4 الجزء الاول
اليوم الثاني، بيت ابو صقر 9 صباحاً
نزلت من الدرج وراحت غرفة الطعام عشان تفطر, طبعا الصفرة فيها كل ما لذ و طاب من انواع الاكل، جلست و حطت شوية اكل و براسها الف سؤال و سؤال. " ليش صقر و لورا ما يزورون ماما، من دخلت المصح الخاص وكل واحد مطنشها، حتى لو لورا متزوجة و ساكنة بل رياض، المفروض تجي كل ويك اند تشوفها! و بابا ليش متغير، اووف حياة تقرف" قطع سيل افكارها صوت يناديها: اماليا، اماليا و صمخ، لفت وراها ولقت اخوها صقر، هي حالفة ما تكلمه لين يروح يزور امه، سفهته و كملت الكرسون، جا جلس قدامها وهو يطالعها و عيونه حمرة من السهر. صقر: للحين زعلانة يعني؟ ما ردت و قعدت تكمل اكلها، تنهد و قال: بروح اشوفها اليوم، رفعت راسها و طالعته بفرحة: والله صقر؟ بليييز روووح ماما بتموت كل يوم، وامتالت عيونها الوساع بدموع، طالعها صقر بستخفاف و رد: بروح و انتهت السالفة، ما عندك جامعة؟ اماليا: يسانتظر خلود تمرني، ابتسم بخبث و قال: الا شلونها غادة، ما صارت تزورك كثير( هو يعرف السبب طبعا) ، رفعت حواجبها بستغراب" ايش عرفو باسمها، و هو بعد ملاحظ انها سافهتني؟" ما يمداها تسال و الا تليفونها يرن، وقفت بسرعة و جابت لها الخدامة عباتها، لبستها ولفت الطرحة باهمال و قالت: بايي لا تنسى تروح لماما و طلعت من القصر، قام من الكرسي و طلع فوق ينام بعد ليلة طويلة من السهر!!
تعريف سريع:
اماليا: 22 الخت الصغرى لصقر و لورا، حلوة و مرة بيبي فيس، صابغة شعرها اشقر و دايما تلبس عدسات خضر، طيبة و نعومة، تحب الخير للكل ^__^
بشركة ابو صقر( عبد العزيز) و اخوانه
جالس على الكرسيً و بيده زقارة و الموبايل باذنه و صوتها الباكي يترجاه: تكفى يا عبد العزيز هذا ابنك، اتقي الله. زفر بغضب و قال لها: اسمعي يا بنت ، لا عاد تدقين على رقمي، هذا الناقص بعد ترمي بلاويكي على الناس! و سكر الخط بوجهها، طفى الزقارة و دخل عليه اخوه ابو صالح( بندر) و جلس قدامه، طالعه بستغراب و قاله: ايش فيك يا عبد العزيز؟
ابو صقر: ما فيني شي، وين سيف؟
ابو صالح: الحين بيجي، الا شخبارها غالية؟
ابو صقر بطفش: شلونها يعني، مريضة بل خبيث، اكيد مهي زينة و الكيمو يتعبها، الله يشفيها
رد ابو صالح بخبث: و مافي حبايب مني مناك، قبل ما يرد عليه ابو صقر، دخل عليهم سيف: السلام عليكم، ردو السلام، باس راس عمه و ابوه و جلس قبال ابوه و قال: ها عمي، شلون خالتي؟ رد عليه ابو صقر: بخير تسلم عليك و تقولك تعال زورها. ابتسم و رد: ان شاء الله عمي. دخل عليهم السكرتير و قال ان ابو ناصر بيوصل بعد ساعة.
ابو صالح: اقول يا ابو صقر، اليوم بنزوركم ان شاء الله، ابو صقر: خير ان شاء الله، الله حياكم ب اي وقت البيت بيتكم.
رفع راسه سيف بحدة ، لا يكون بس... !!! مو بعيده على ابوه عشان يستفيد من عمه...
قام ابو صقر و قالهم يروحون غرفة الجتماع..
قبل ما يطلع سيف ناداه ابوه و همس له: خليك جاهز الساعة 8 بنروح نخطب لك اماليا...
تعريف سريع:
ابو صقر: 55، غني و اسس نفسه بنفسه، وسيم بلرغم عن عمره، متعدد الزوجات و كل يوم له زوجة جديدة، بس يحب زوجته و ام عياله غالية( بالله)
ابو صالح: 52لئيم و خبيث، و زوجته ام صالح تمشيع على كيفها، طماع و يبي يستولى على كل شي!
سيف: 25 طيوب و حبووب، وسيم ، مجتهد بشغله، درس علوم سياسية ب لندن، يحب بنت عمه ملاك( نتعرف عليها بعدين)
بمكان اخر
جالسة بصالتهم المتواضعة ب احدى احياء الدمام، و بيدها ولدها حسام يلعب، كانت غرقة ب افكارها" شفيه نادر هذه الايام، ما عاد يطيقني, حتى ما يكلمني، اليوم لما يرجع من الشغل لازم اكلمه!!"
دخلت عليها ام نادر و شافتها سرحانة، تنهدت و راحت تجلس جنبها، مسكت يدها بحنية، طالعتها دلال بحب و قالت: صباح الخير خالتي، اجهز لك الفطور؟ ردت عليها ام نادر: لا حبيبتي،قلت للدانة تجيبه، قولي لي يمه، شفيك؟ لك كم يوم مهو بعاجبتني. تنهدت دلال و ابتسمت بل غصب: ما فيتي شي يما، شوية تعب، حسومي مجنني. مسكته جدته و قعدت تبوسه: هذا اول حفيد، خليه يتدلع! دخلت دانة و بيدها صينية فيها بيض و زيتون و خبز و حطتها قدام امها و هي تقول: يمه ان شاء الله عنود بتجيب لك ثاني حفيد، نشوف بتدلعينه مثل حسومي . ردت امها: لا مافي احد مثل حسومي! و ضحكو كلهم..
تعريف سريع
ام نادر(بثينة): اخت ام ماجد، طيبة ، ما كان ودها ولدها يطلق قمر بس اصرت عليه عشان يجيب له عيال( تفكير غبي!!)
دلال: 32 زوجة نادر، حبوبة و طيبة، حلوة و ملامحها شامية عشان امها سورية، تزوجت نادر ولد جيرانهم بعد ما كانت تحبه بصمت، جابت له حسومي( 4 سنين) ^_^
دانة: 23حلوة و مملكة على ولد عمها باسل، ما اها دور كبير بل قصة
العنود: 26 متزوجة من اخو باسل فيصل و حامل بل شهر السابع، خبيثة و كانت تكره قمر و شمس، حسودة و هي اللي ساعدت امها ب اقناع اخوها يطلق قمر!
نادر: 33 ملامحه عادية و طيب، للحين يحب قمر بس خايف يظلم دلال، بل بارتس الجاي بنتعرف عليه اكثر!
بل رياض عاصمتنا الجميلة
قاعدة على الارض و هي تبكي بحرقة، دخل عليها و بيده الحزام اللي ضربها به من شوية، رفعت عيونها الواسعة و قالت: هانت عليك بنت عمك يا سعد؟ تطقني و تتزوج علي! انا بنت عبدالعزيز تسوي فيني كذا!!
قرب منها و قال بستخفاف: طيب يا بنت عبدالعزبز، كرمينا بسكاتك, علمن يوصلك و يتعداك لو بس فكرتي تضايقين زوجتي ، بدفنك هنا فاهمة! طلع من الغرفة و سكرها بل مفتاح. كملت بكاها" انا لورا، انهان عشان وحدة من الزبالة!! كان يطقني كل يوم و اسكت، اقول معليه بكرة احسن بس يتزوج علي!!!! لا و الف لا! لازم اكلم ابوي.. بس شلون!..
تعريف سريع:
لورا: 25بنت ابو صقر ، احلى الشخصيات، عيونها وساع و لونها تان، جذابة و تهتم للموضة بس من تزوجت سعد ما صارت تهتم بنفسها..
سعد 30 زوج لورا و ولد عمها، مريض نفسيا و بس يطق لورا, ما يخليها تطلع من البيت او حتى تروح تشوف امها المريضة!!
✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷
قال الوداع ومقصدة يجرح القلب
محال قلبي ينجرح من وداعة
من حبني يامرحبا براعي الحب
وان راح ربي يحفظة كل ساعة
وافي وذوقة راقي والصدق ينحب
لكن عيبة في الجفا والقطاعة
وانا لو اني فيه مغرم ومعجب
نفسي عزيزة والمحبة قناعة
بيت ابو صالح
جالسين حول الصفرة يتغدون، امهم معلمتهن انه من الذوق و الادب ما يسولفون على الصفرة.
ضربت ليال رجل سهاد تحت الطاولة، رفعت لها سهاد حاجبها و كانها تقول شتبين؟ همست لها:شوفي شلون سيف شكله معصب، لفت سهاد تشوف سيف عاقد حواجبه و شكله مرة معصب، همست سهاد: الله شكله صمام الامان بينفجر!! خزتهم امهم و انطمو على طول. خلص الغدا و كل واحد راح غرفته. سيف ما قدر يستحمل و راح مكتب ابوه،دخل بعد ما سلم و جلس قبال ابوه. سيف: يبه الصراحة مدري ايش اقولك بس انا مابي اماليا.
ابو بغضب: ليش ما تبيها، بنت عمك و الكل يتمناها، لو اخوك الكبير سنع كان خليته يتزوجها.
سيف بترجي: يبه انت شلون تقرر منو اتزوج ؟ارجوك ابى اختار شريكة حياتي، هذا زواج مو لعب و انا كبير و اعرف مصلحتي عدل
طالعه ابوه بقهر و قال: اجل مين تبي؟
سيف برتباك: ههم يبه ابي ملاك بنت عمي سعد
و في هاذي اللحظه دخلت امه و سمعت كلام سيف، جلست بكل هدوء، قالت: نعم، تاخذ بنت اللبنانية؟
سيف و مقهور من تفكير امه الغبي: شفيهم مهم ناس؟ يمه هاذي حياتي
امه و هي ما تبي تعلي صوتها عشان ضد برستيجها: سيف، انا و ابوك نبي مصلحتك، و المصلحة مع ابو صقر، مو كافي اختها الكبيرة اتزوجها ولد سعد ؟ لازم تتزوجها عشان مصلحت ابوك
وقف سيف بعصبية و قال: بهذي الطريقة راح تدمروني و اماليا، انا طالع و غير ملاك ما راح اتزوج، طلع من الغرفة و صفق الباب وراه
ام صالح: مصيره بوافق
ابتسم لها بخبث: ادرى، البركة فيك
ابتسمت ام صالح بدلع مو لايق عليها
تعريف سريع:
بيت ابو صالح
ابو صالح سبق التعريف عنه
ام صالح ( وضحة): 47 انانية و خبيثة، كل اللي يهمها البرستيج و مكانها بل مجتمع، متحكمة بل الكل الا حبيبها و ولدها صالح ( ووع بس)
سهاد و ليال توينز عمرهم 19، مراجيج و فله و كل شي عندهم لعب و مقالب، مرة كيوت ، سهاد ملامحها احلى من ليال، عيونهم كبار و عسلية، كل وحدة مسويه شعرها لون؟ سهاد احمر صارخ و ليال بني فاتح و دايما كرلي ( امووت فيهم)
سمر: 22 حقودةو ما تحب الخير للناس، تكره اماليا و حور بنات عمها، بس مرة حلوة، ستايلها ايموو كل شي عندها اسود في اسود، مع الاحداث بنتعرف عليها اكثر
بيت ابو سعد
جالسة على سريرها الكبير تسوي منكير احمر على ادينها، تنهدت بطفش و قررت تدق على اماليا، مسكت موبايلها بحظر عشان ما تخرب المنكيير، بنفس اذوقت رن الموبايل، my love is calling
ردت: تصدقي عمرك طويل، كنت بكلمك
اماليا: هههههه يووه فديتني
حور بطفش: اقوول شت اب، شرايك نتطلع اليوم، طفش يختي!!
اماليا وهي تتذكر امها: لا حور، لازم اروح اقعد عند ماما
حور: ارووح معاكي؟
اماليا بفرح: حياك الله! انا بروح بعد، يمداكي تجهزي؟ ادري فيك تحبين التكلف
شهقت حور: انا احب التكلف يا مومو، تيب لما اشوفك يصير خير
اماليا: هههههه وي يمه، روحي تجهزي و بمر عليك بيبي، شاو، و سكرت الخط بسرعة
ابتسمت حور على هبال بنت عمها و راحت تاخذ شور
تعريف!!
حور:22 حبوبه و مطفوقة، جميلة جمال خرافي، عيونها عسلي مايل للاخضر( عشان امها لبنانية ) و شعرها بني فاتح، لونها ابيض مرة و كلها غلى بعضها تجنن!!
بغرفة ثانية
ماسكة موبايلها و تبكي بقوة، هو: ملوكة حبيبتي اهدي، والله ما راح اتزوج احد غيرك! ملاك و هي تشهق: سيف شلون، اهلك خلاص اخذو قرار، ما اقدر اتحمل فرقاك سيف، ماقدر اتخيلك متزوج و حدة غيري
سيف و هو حزين على حاله هو ملاك: خلاص عمري، لا تبكي و الله بلاقي حل، اهدي بيبي
هدت ملاك شوي و مسحت دموعها: تيب ما راح ابكي، بس لا تتركني!
سيف: ملاك، انتي روحي، ما قدر اعيش لحظة من دونك، انا احبك و مستحيل احد يفرقنا!
ملاك: انا اموت فيك سيف، بس شلون بنلاقي حل، خالتي وضحة اذا حطت شي في بالها لازم تسويه، قاطعها سيف: ما يقدرون يجبروني، انتي بس هدي و يصير خير. حاولوا ينسون الم الفراق وقعدوا يسولفون و كل واحد فيهم خايف بيوم ما يلقي الثاني جمبه.
تعريف
ملاك: 24 احلى بنت بل عايلة، ماخذه الجمال الخليجي على اللبناني، لونها برونز و لون عيونها ازرق فاتح، شعرها طويل و لونه اسود، حساسة و رقيقة، تموت في سيف، تشتغل مع اعمامها و ابوها بل شركة
في بيت ابو ماجد
قاعدة على الارض و ب ايدها صورة نادر و دموعها تنزل بصمت" ليش بعتني يا نادر، كسرتني، تعبت والله، ابين للكل اني قوية، بس من جوه اموت كل لحظة " حست بشخص يحضنها بحب.....
شمس: لين متى يا قمر؟ لين متى و انتي ب هل حالة، حبيبتي العمر قدامك و ان شاء الله بتلاقين اللي احسن منه.
قمر و دموعها تنزل بغزارة: ماقدر، قلبي يعورني، ابي اموت خلاص تعبت!
مسحت دموعها شمس: لا تبكين، اللي باعك بيعيه و لو كان غالي، روحي فسلي و جهك و خلينا نروح نشوف ملكة، تقول اختها خوله انها شوي و بتولد
قامت قمر تغسل و جهها، تنهدت شمس بحرقة و نعلت نادر في سرها!!!
بنفس الوقت
دخلو اماليا و حور على غالبة و جايبين انواع الورد، و الشوكلتس ، سلمو و جلسو جمب غالية.
اماليا: ماما جبنا لك الشكولاتة اللي تحبينها!
غالية بحب: الله لا يحرمني منكم
اماليا و حور: امين
دخلت عليهم شيخة مع نورا و نوف سلمو على بعضهم بكل حب،
شيخة: شلونك اليوم غالية
غالية( و هي تدرى انه كلها كل شهر و بتموت): الحمدالله، الله كريم
شيخة بحنان: الله يقومك لنا بل سلامة
و قعدوا يسولفون ( سوالف حريم)
عند البنات
اماليا و هي تكلم نورا: يووه، خويتي ورتني فستان جديد ل versace يدوخخخ!!
نورا بحماس: يس! لونه ابيض صح؟ يجنن، لازم نشتريه
نطت حور: هي انتو طفشتونا، كل كلامكم عن الماركات
نوف: هههههه من جد، الا مومو( دلع اماليا) لي كم يوم ادق على لورا و ما ترد
اماليا بعدم مبالاة: تلاقينها بزي مع سعد
نورا بخبث: ايوة مرررة بزي( وغمزت)
ضربتها نوف على كتفها و ماتوا ضحك
عند صقر
جالس مع ولد عمه صالح يحكي له عن بنت يبي يلعب بعقلها، قاطعه صالح بطفش: طيب انت تدرى مصيرها بتجيك عند رجولك، ليش تصدعني.
ضحك صقر: طيب، المهم رحت عند امي اليوم و طلبت مني طلب غريب
صالح و الزقارة بفمه: ايوة ايش هو؟
صقر: قالت لي تبي الوالد يتزوج
صالح:كح كح كح ايش؟؟؟؟ ً
صقر و هو يصب له كاس وسكي: اي والله، تقولي تبي احد يداريه اذا لا سمح الله توفت
صالح بستخفاف: و انت ايش قلت؟
رفع حاجبه صقر: قلت لها لا طبعا، كان ودي اقول اصلا الوالد يلعب كثير من دون ما تعرف
صالح: هههههه اي والله، شرايك نروح البحرين اليوم؟
صقر: قدام!!
تعريف
صالح:29 طايش و زي صقر بكل شي، مملوح و متكبر
بمكان اخر
بكوفي شوب، ماسك الجريدة و يشرب الكوفي حقه، رفع راسه و ابتسم، سطام: حياك، ياخي تاخرت!
جلس سلمان بطفش و رد: انت 3 دقايق عندك مرة متاخر، المهم شخبارك؟
سطام: بخير، السركة ماخذه كل وقتي
سلمان و هو يصفر: شووف هذا الصاروخ! مرت بنت حلوة و مسوية مكياج اوڤر، ابتيمت ل سلمان و كملت طريقها
سطام بملل: ما تمل انت! استح على وجهك عندك خوات!
سلمان: ياخي انت معقد
سطام: اوووف، طيب يا استاذ طوول انت، عيب عليك!
سلمان: يعني الحين تبي تقنعني عمرك ما كلمت بنات؟
سطام: يا اخي انا عمري ما كلمت بنات زيك، صح درست ب امريكا بس عمري ما سويت علاقة
سلمان: لازم اعلمك
سطام بزهق: طيب قوم خلينا نروح مكان ثاني
و قاموا يروحون مكان ثاني
تعريف
سلمان خوي سطام، 25، مغازلجي بس حبوب، ملامحه عادية
منو منو قلك منو
تخبل وشكلك حلو
شدعوه متكبر عليه
يعني هسه انت شنو
سوى سوى ما نظل سوى
حبنه ريشه وبالهوى
على روحي اسف اني
نازل لهل مستوى
عند نورا
ركبت السيارة بعد ما تكشخت و حطت ميك اب ثقيل، نورا: حميد روح بيت ماما نجود، تحرك السايق. مسكت جوالها و دقت على واحد توها متعرفه عليه، الولد: هلا هلا والله، هلا بقلبي، ضحكت بدلع و قالت: هلا فيك بيبي، شلونك؟ سلمان: بخير دامك بخير، اقول ترف، شرايك نطلع اليوم؟(قالت له اسمها ترف، نصب البنات)
نورا: انا بروح الراشد مع خويتي، نقدر نتلاقى هناك، سلمان( ينعل ابو الخفه): اي زين حياتي لمى توصلي دقي علي. نورا: اوكى باي و سكرت، وقفت السيارة قدام قصر نجود. دقت عليها و قالت لها تطلع برا.
و هيا تنتظر دخلت سيارة بورش صفرا، نزل اللي كان جوه وشاف سيارة لكسز واقفة, اشتغل عرق اللقافة عنده و راح يشوف منو بل سيارة، دق الشباك و شاف بنت مرة حلوة، نورا ما قدرت تنزل عيونها من ملك الجمال اللي قدامها، تمو يطالعون بعض و كل واحد فيهم معجب بل الثاني، فتح باب القصر وخرر طلال بعيد عن سيارة نورا. طلع عيسى اخو نجود، وناده: طلال، وينك في يا رجال. انتبه له طلال و قال: توي واصل، قرب عيسى من سيارة نورا و دق الشباك، فتحت الشباك و هي تبتسم، عيسى: حي الله نورا، شلونك؟ نورا بنعومة: بخير انت شلونك؟ قبل ما يرد طلعت نجود بدفاشة و صرخت: طلووووول! راحت له و باست خده، استغربت نورا و رفعت حاجبها، عيسى و هو يشرح لها: طلال اخونا من ابونا. نجود و هي تدف طلال لجمب السيارة, ابتسمت نورا لطلال و بادلها الابتسامة، نجود: طلال اعرفك على البست فريند حقتي، نورا. مد ايده يسلم و مدت ايدها تسلم عليه، حس بقشعريرة اول ما مسك ايدها الناعمة، نورا" قلبي يدق بسرعة، يا ربي ايش فيني". ترك يدها و حاول يخفي توتره، نورا و قلبها يطبل : نانا يلا نروح ما يمدانا نروح و نجي نتجهز لحفلة روز. نانا: اوكى، و هي تركب السيارة: باي شباب، سكرت الباب و حركت السيارة. التفتت نورا على نانا و قالت: omg, يا هبله ليش ما كلمتيني عن طلال! ردت نانا بطفش: توه ندري بابا كان متزوج قبل مامي، لو شفتي يا نورا، صارت حفلة، ماما اغمى عليها و طردت طلال من البيت، بس بابا قالها مثل ما نجود و عيسى عيالي، طلال بعد ولدي، بعدين تعالى، لا يكون عجبك طلال, رفعت حاجبها نورا و قالت: لا بس اسال نجود و هي عارفة طبايع نورا: اي اوكى. وصلوا الراشد و اشتروا اعراضهم، و نورا نست سلمان و اللي خلفوه بعد ما شفت طلال و وسامته.
تعريف سريع
نجود : صديقة نورا المفضلة عشانها نفس طبقتهم الراقية و مرة فري، حلوة شعرها لكتوفها و صابغته عنابي فاتح و حاطه حلق بحواجبها، دمها خفيف و جريئة،
عيسى: 26 طيوب و على نياته، ملامحه عادية
طلال: 30 اخوهم من ابوهم ، امه روسيا و عاش طول عمره بروسيا، وقبل ما امه تموت قالت له من ابوه و راح يدوره، مرة و سيم، عيونه حادة و لونها اخضر فاتح، لونه مرة ابيض و شعره بني غامق،جسمه حلو و معضل، كله على بعضه يجنن^_^
عند قمر و شمس
ولدت صديقتهم ملكة و جابت ولد سمته مساعد على ابوه الله يرحمه، رجعوا البيت و لقوا خالتهم ام نادر و دلال قاعدين مع امها، وقفت تطالعهم قمر بضعف، غرقت عيونها بسرعة" اشوى اني مغطية كل وجهي"، طالعتها شمس اللي عجزت تروح تسلم، امهم: تعالوا يا بنات سلموا على خالتكم. شمس و هي تشيل الطرحة عن وجهها، مشت لهم بكل تكبر و سلمت على خالتها ببرود، تعمدت ما تسلم على دلال اللي وقفت تسلم، ام ماجد باحراج: قمر ؟ ليش و اقفة بعيد؟ شالت طرحتها عن وجهها و بانت كل دموعها و قهرها، قالت بصوت يرتجف: ليش اسلم يما؟ ليش اسلم على انسانة نهت حياتي و خلتني انا و الجدار واحد، مطلقة و سيرتها على كل لسان، ما راح اسلم واللي تبينه سويه. ودخلت غرفتها بسرعة. ام نادر قامت و قالت: بناتك ما صاروا يحشموني يا ام ماجد، بروح ، قومي يا دلال.رفعت حاجبها شمس وردت بستهزاء: انتي خليتي فيها حشمة؟ اقول خذي مرة ولدك السورية و اطلعوا من بيتنا, صرخت ام ماجد على شمس: اسكتي يا قليلة الادب. شمس بقهر: انا عمري ما شفت ام مثلك، اختك هذي سبب تاعسة بنتك. طالعتهم بحقارة و راحت تشوف قمر. ام ماجد و هي تترجى اختها: تكفين اقعدي و امسحيها في وجهي.ام نادر بزعل: لا اذا تبين تشوفيني تعالي لي البيت، ما راح اطب بيتك مرة ثانية، يلا يا دلال، قامت دلال و هي شايلة حسام حطوا نقابهم و طلعوا من البيت و ام ماجد وراهم تحاول تقنع اختها تقعد. دخل ابو ماجد البيت و شاف الحوش فاضي. راح غرفة بناته و فتح الباب، شاف قمر في حضن شمس تبكي، راح لها و مسك كتوفها: ايش فيك يا الغالية؟ قمور قولولي وش صاير. ردت شمس: يبا ام نادر كانت عندنا وانا طردتها. تخيل امي تبي قمر تسلم عليها، لا و بعد جايبه مرة ولدها السورية، قوة عين. ابو ماجد بقهر: انا قلت هذه المرة ما تدخل بيتي، ايش جابها. دخلت ام ماجد بغضب و هي تقول: هذا بدال ما تادب بناتك و تعلمهم يحترمون اللي اكبر منهم. وقفت شمس و هي مرة معصبة: اقول حنا متربين، اختك هذه اللي ما تستحي على وجهها، جايبة مرة ولدها لبيت طليقته، ايش بيقولوا الناس ها؟ ردي علي. ام ماجد سكتت و طالعت شمس بقهر، ما تقدر تهينها او تصرخ عليها، هي امانة برقبتها، خزت قمر بحقد و طلعت من الغرفة. شمس: يبا، انا بروح اجيب العيال من عند بيت ام فيصل، لبست عباتها و نقابها و طلعت من البيت.