باكْ ، " معجون الشوكولاتة " كأني أشوف استفهامات فوق روسكم هذا وأنا ف أولى ابتدائي نسسسستانس ع الطلعة (الصرفة) ! لأنهم يبيعون هذا الشيء *_* طبعًا قديم مرة الظاهر وقفوا بيعه بس إنه يشبه هذا : طبعًا وع أنواع الحواق والمطرسة ! نتفاعص كأننا نمل ع المقصف وكل وحدة تجمع فلوس عشان تشتري أكبر قدر ممكن *_* وإذا اشتريناه يا سلام ع الضغط والفعص ما نبقي فيه شيء ، ووجيهنا تصير مبقعة بني كأن فينا بهق O_O بس من جد كانت أيام حلوة ، " دفاتر الذكريات " قصة أخرى ، لازم كل أحد يكتب لك فيه بالمدرسة حتى البواب والعاملات ! أحس استاذات الابتدائي يكرهون آخر يوم بالمدرسة وعاد يا بخت الأستاذة الي عندها رصيد أكبر من المعجبات مذابح عندها عشان تكتب لهم : لقدْ كنتي من أفضل الطالبات ، أرجوا لكِ التوفيق في حياتك . . معلمتك : بطيخة وعاد أنواع التشقق وتصير هذي الورقة المقدسة لحد يمسكها وتخبيها عن الأنظار تخاف الناس يحسدونها *_* ما درت إن الأستاذة مسوية لها نسخ لصق =""""" ، " شرابات أم أصابع " يا سلاااااااااام ، أحس طيبة والعويس ربحوا ذهب في ذيك الفترة وهذي الصورة للتوضيح : كنا نتنافس من عنده شراب ألوانه أحلى ! حتى إننا نرفع البنطلونات والملابس وتطلع البلاوي عشان نوري ألوان الشراب وعاد إذا شرينا الشرابات نستانس وحنا نفرق أصابعنا عن بعض واقعدي لا تفصخين الشراب أبد لين يخيس وينقطع الاصبع . . ثم روحي زني ع أهلك عشان نكشخين بشراب جديد من بسطة أبو زغلول ، نتوقف هُنا بإذن المولى راجعة