بناااااااااات كل وحده تكتب لنا موقف حصل معاها
اول موقف صار لي في المستوى الأول
كنا كثار فوق الـ 8 بنات وكان موعد بطاقة الصراف لكلية اللغات ولازم نستلمها هذاك اليوم
مدري هو لازم والا لا بس مادام صديقاتي بيروحون خل اروح معهم احسن من اني اروح لحالي
المهم ونروح المبنى ونلقى امة محمد وجلسنا نتناقش شوي قلنا يالله نعزم وندخل معهم
عاد ياحياتي طالبات مستجدات نحسبه لازم نروح والا خلاص تروح علينا
طبعاً نظامهم مافيه طوابير ولا اراقام ولاتنظيم زي العالم والخلق
أبد كنك في حج وعند المرجم يفتحون الباب تدخل دفعه بعدين يسكرونه وهكذا
المهم انفتح الباب وكانت دفعتنا
يدفّوني البنات وابي ادخل مع صديقاتي احاول بكل ما اوتيت من قوه اني ادخل فيه بنات حمير مع احترامي الشديد تدفك عيني عينك واخر شي ولله الحمد وصلت ودخلت
فجأه حسيت بشي بارد في رجلي اليسار !!
اطالع تحت
القى رجل فيها جزمه ورجل لا واجلس اصارخ بأقوى ماعندي جززززززمتي ياعاااااااالم هاتوها
وبنات اعرفهم وبنات ما اعرفهم فاقعين ضحك علي خخخخخخخخخخخخخخخخ
واستمر طال عمري في الصراخ لعل وعسى احد يعطيني وجه في هالفوضى لأني عارفه لو اسكت مافيه امل ترجع لي جزمتي
تخيلوا كانت الساعه 9 الصباح تونا لسّا بداية الدوام اجلس حافيه والا وش اسوي
وتجيني المسؤوله وتفتح الباب وتقول وخروا يابنات فيه وحده مضيعه جزمتها
ويبعدون البنات والقاها تحت الانقاض ماشاء الله جديده ماجاها شي
يوم طلعت كم بنت جوني قالوا هاه لقيتي جزمتك خخخخخخخخخخخ
نص الجامعه عرفتني من صراخي
هالموقف ماسكينه علي صديقاتي لحد اليوم
ياحلو ذيك الأيام صحيح مواقف تحفه بس حلوه
لي رجعه لو تذكرت سالفه ثانيه