[الوان الطيف]

اليوم الاربعاء 28-11
طبعا بعد ما اتفقنا امس اننا نختبر وتجي سياراتنا بدري ونمشي وحدة من صاحباتي ابوها قلها امس محا ياخذها لانو من يوم الاحد وهوا يجيها بدري وكمان عنده عمل المهم اتصلت عليها وكانت مرة زعلانة وقالت مافي الا حل واحد انو صاحبتي الثانية اللي معانا في الشلة تاخذها وتوصلها لانو بيوتهم قريبة اعطيتها رقم البنت ودقت ما ردت وانا دقيت ما ردت يمكن المرة الخامسة او الرابعة ردت لانو كانت حاطة جوالها عالصامت و قلتلها تكلم صحبتي اللي ابوها ما رضي يجيها كلمتها واتفقو امهاتهم انو ام صحبتي اللي بتروح مع صاحبتي الثانية تكلم الادارة كلمت ام صحبتي الادارة وانا قالت لبابا يجيني الساعة 9 ورضي الحمدالله اليوم جيت الصبح لقيت الساحة شكلها غريب بنات الثانوي قلو شوية ومتناثرين واولى متوسط زي كل يوم مليان وثاني نص ونص وثالث تقريبا قليل بس مو مررة جيت لقيت بنات فصلنا بس 3 بنات في الطابور وانا الرابعة طلعنا الفصل كان علينا دين جات الابلة دخلت قالت مو كانو كنتم في الطابور اكثر قلنالها لا والفصل شكله يضحك مليان طاولات و4 بنات والابلة بس جات المراقبة قلنالها يمكن يجو بنتين كمان وجو بنتين سرنا 6 والبنتين سيارتهم تستناهم و الثالثة بتروح مع وحدة منهم اول حصة كلمتنا الابلة عن الامير سلطان -الله يرحمه- وكيف كان متواضع وكريم بجد يعني شي يحزن بعدين نتكلم عن اشياء كل شوية نطلع موضوع بعدين قبل ما يروحو البنات زي ما قلت 2 سيارتهم تحت والثالثة معاهم والرابعة قالت لابوها يجي 8 ونص والخامسة قالتله 9 <<زيي قعدنا شوية راجعنا بعدين دق الجرس وجابو الورق حليت بقيلي شيئين مع اني ذاكرته بس نسييته و3 بنات راحو سلمت عليهم والورقة معايا طولت شوية البنات سلمو الورق وانا احوس جات الابلة اللي تراقب علينا وساعدتني وقالتلي اكتبي من فهمك كتبت كلام ملخبط وقلتلها تجيب ابلة المادة جات ووريتها اللي كتبته قالتلي صح والشي الثاني وريتها ساعدتني وافتكرتها وسلمت الورقة جلسنا 3 بنات في الفصل والابلة اللي كانت عندنا راحت عند المراقبة و قالتلنا وحدة تعالو نطلع قامت الثانية تقول لا و انها خايفة قلتلهم امشو احنا دوافير محد يقلنا شي ورحنا عند الباب جات المراقبة تسالنا انو نختار نروح عند فصل من الاثنين الثانين وانا اكرره هذا الشي قلتلها لا ما نبا قامت قالت لازم بعدين قالتلنا انو محا نروح الا بعد الفسحة سالتنا متى تجي سيارتكم انا قلت 9 والبنت الثانية 9 والثالثة 8 ونص يعني ان شاء الله محد بيبقى بعد الفسحة واحنا عند الباب جات مديرة المدرسة دخلنا بس ما قالتلنا شي دخلنا بنفسنا بعدين دق الجرس انا والبنت الثانية ووحدة تقربلها قعدنا مع بعض والبنت الثالثة راحت مع صاحبتها من الفصل الثاني المهم نزلنا وقعدت معاهم شوية جات الابلة تقولهم انو سيارتهم جات راحو وقعدت لحاالي يمكن ربع ساعة وانا طفشانة وشكلي يحزن حتى البنت الثانية من فصلنا راحت بس انا بعدها بشوية سيارتي جات:ح بتين: فرحت ورحت اخذت اشيائي نزلت ورحت يعني فصلنا كله مابقي منه ولا بنت وما اخذنا ولا درس ا متوسط كان عندهم اختبار نهائي لغتي شكلهم عشان كذا جو مساكين وثانية في كم بنت عندهم اختبار قران والباقيين ما عندهم شي بس جو اما ثالث جو قليل بس مو مرة طبعا هذا ان شاء الله اخر يوم اكتب فيه في المساحة اكتبلكم بعد الاجازة ان شاء الله لانو احنا اجزنا بنفسنا
شكرا لكل من قيمني ولكل من شجعني اشكركم كلكم