[الوان الطيف]

السلام عليكم ورحمة الله وبركاته
اليوم الاحد
25-11-32
اليوم كان عندنا اختبار تاريخ ذاكرت امس كان سهل بس كان عندنا الحصة الاولى قواعد وكان فياا نووم انا ووحدة من صاحباتي وراسي كان يعورني الحمدالله كان معايا بنادول بس قلت للابلة اني ابشتري مويه قامو البنات ينادوني عشان يبو مويه تخيلو خلوني اشيل 6 حبات منهم حقي دخلت وبلعت البنادول والابلة كانت تكتب تكتب واحنا ما يمدينا نلحقها ماشاء الله دق جرس الاختبار واحنا ما خلصنا حليت بس في الاختبار كانت في فقرة حليتها خطا بعدين في شي احترنا فيه ومو متاكدين انو صح رحنا ندور للابلة ما لقيناها نزلنا واحنا متضايقين شوية جلست وفطرت بعدين قمت ابسمع رحت بعدين واحنا جالسين قلت للابلة يقولو يمكن من يوم الثلاثاء تبدا الاجازة هيا فرحت تبا اجازة قالت يارب وانا جالسة عند الابلة عشان شوية واسمع جو ابلتين يدرسونا حقت الجغرافيا والتاريخ ابلة الجغرافيا راحت تكلم الابلة اللي تسمعلنا عشان تصورلها اوراق وابلة التاريخ واقفة عند الباب قمت انا قلت فرصة اسالها قمت سلمت عليها هيا كانها انفجعت جيت اسالها قالتلي بعدين رجعت وما استفدت شي و رحت باطلع الفصل بعد ما سمعت ولقيت وحدة من صاحباتي قدامي ووحدة ثانية وراها قمت مسكت اللي قدامي من ورا انفجعت وطلت فيا والثانية تضحك عليها طلعنا وكان علينا دين كانت حصة حلوة بعدين كان علينا مني فاكرة بس اتوقع علوم اعطتنا الدرجات وكانت ولله الحمد حلوة بعدين كان علينا على ما اعتقد جغرافيا كانت حصة مملة و رسمنا رياح على الخريطة وكتبت ملخص بس ما مداني اكتبه لانو دق الجرس و ابلة الرياضيات جات واستنت شوية بس مداني اكمل الخريطة بعدين حصة الرياضيات كانت عادية بعدين حصة القران اكيد انها كانت حلوة لما دق الجرس رحت الحمام زبطت شعري وبلوزتي وكان في الباب حق الحمام من جوا كلام مكتوب بس ما قراته كله لانو الحمام كان مقرف بما انه اخر الدوام على طول زبطت بلوزتي وخرجت منه بعدين قعدت ازبط شعري عند المغاسل رحت عند الباب حق الفصل لقيت ابلة الانجليزي جوا قلت بقعد واقفة عند الباب شوية وادخل جو بنتين بيدخلو دخلت وراهم ما في شي كان برا الفصل اسويه قامت وحده تقولي ها خفتي بعدين قبل ما يدق الجرس نزلت انا وصحبتي عند ابلة التاريخ وكان معاها اوراقنا حق الاختبار سالتها وطلع عندي خطا بس ان شاء الله تمشيه ليا او تنقصني ربع او نص طلعنا ناخذ اشياءنا ودق جرس الصرفة ونزلنا تاخرت اليوم صاحباتي راحو وبقيت انا اشوف الرايحة والجاية ما عندي شي اسويه بعدين بابا جا ورحنا وانتهى اليوم
ادري مافي شي مميز بس يلا مشو حالكم