[ اليوم الأول ]
[ اليوم الأول ]
.
.
.
قمت على أذآن الفجر ،وبديت أتجهز .. صليت الفجر
لبست مريولي فرشت أسناني   ~
تجهزت وطلعنا ووصلت للمدرسة تقريبًا الساعة 6:20
لأن ساعة ندور المدرسة   ،
يوم دخلت كنت متوتره وخايفة شوي  ~
دخلونا الساحة الداخلية .. كان المبنى كبير وحلو ويضيع شوي   ،
وفجأه يوم دخلت لقيت بنآتمن مدرستي القديمة وسلمت عليهم ~
وشوي شفت بنآت بعد من مدرستنا ،يعني كثير ماشاء الله ،
لما شفتهم ارتحت   ..
دق الجرس ،ثالث وثاني طلعوا فصولهم ،أولى جلسوا يقسمونهم .. !
انا صرت مع 3 بنآت من مدرستي القديمة  ~
كنت فصل 2/1 .. يوم دخلنا الفصل كان فيه 3 معلمات ،كيمياء ورياضيات وE ،
صاروا هم مربيات فصلنا ،وكلهم حبوبات تقريبًا 
علمونا عن موادهم وكذآ ..
كان مكاني في الصف الأول على الجدآر 
نزلونا الحصة الثانية للساحة الداخلية ،وسووا لنا مسابقات وكذا ~
كانت المرشدة والاستاذت اللي معها حبوبات !
شوي جتنا استاذة شديدة هاوشت البنآت اللي مراييلهم كحليه !
وتوقف عند راس البنآت اللي حاطين روج او كحل لين يمسحونه !!
صارت المديرة على ما اظن .. وخذت المايك وقامت تعطينا تهديدات ومدري ايش !
جلسونآ في الساحة لين الفسحة يوم طلعنا لفصولنآ دخلت أستاذة الاجتماعيات ..
كانت تسولف وتنكت وكذآ   ~
وبعدها أستاذة الكفايات ( عربي ) كانت شوي شديدة وجدية  
الله يعين عليها .. وبعدها أستاذة E أظن    
كانت مره حبووووبه وطيبه .. وتسولف وكذا     ~
بعدين جلسنا باقي الحصص فاضين !
تعرفت على البنت اللي وراي .. كانت طيبة وسولفت معها شويتين  ~
ولا عطونا كتب ماوصلت من الوزارة أصلًا   ~
طبعًا اللي طلبوه منا بحوث ومشاريع وملفات ومطويات وكل استاذة علمتنا وش نجيب بمادتها ~
دق جرس الطلعة .. طلعت انا وصديقتي ندور عن غرفة المراقبة 
نبغى نسألها عن الباص  .. تعبنا من اللف والدوران في الأخير كلمناها وصرفتنا شوي  ~
نزلت تحت وطلعنا كلنا في الساحة الخارجية عشان نسمع المايك ..
نادى علي ورحت البيت وبس   ~
|
★★★ ★ ★ ★ ★ ★ ★ ★★★ ★ ★ ★
|
التعديل الأخير تم بواسطة وَفآء عبدُالعزِيزْ ; 11-09-2011 الساعة 10:53 PM
|