[Ms.abeer]

، ، يآكبرهآ عند الله هذي الكَكِكْلمة ,’, حلو نعيش حياتنا ببساطة...وبكل أريحية..من غير تعقيد وتعكير مزاجات وحلو كمان نكون على تواصل باللي يسير بداخلنا.. بس هل هذآ كله ينفع عذر لتجآهل مشاعر بعضنا أحيانا،أو التعدي على الحقوق،أو أن ندوس الكرامات،أو نجرح أحاسيس ؟؟ طبعا للأسف هذا الشي اللي نسويه أغلبنا ، وهم يتوقعوا انهم هم مركز الحياة وانه الناس لازم تستحمل كل شي يجي منها.. احنا دايما بنخطي وكما قال الرسول صلى الله عليه وسلم:(كل بني آدم خطاء ، وخير الخطائن التوابين)،بس دايما عندنا أسباب دفعتنا لهذا الخطأ، فتلاقينا أبرع من يقدم الأعذار وليس الإعتذار. وكثير مننا يعاني من الجهل بأساليب الإعتذار،بس يتكبر ويتعالى ويحسب انه الإعتذار هزيمة وانه ينقص من مقامه وشخصيته، وفي كثير كمان يحسب انه لمن يعتذر يذل نفسه ويهينها فنشوف هذي المواقف كثر متكررة مثل: الأم تنصح بنتها بأن ماتعتذر لزوجها عشين مايكبر راسه. الأب ينصح ابنه بأن لا يعتذر لأن رجال البيت مايعتذر. المعلم مايعتذر لطلابه عشين لايقلل من احترامهم له. المدير مايعتذر من موظفه عشين مركزه. والكثيييييييير من هذي المواقف. اللحين كثير اللي يسو نفسهم متحضرين وانهم شي لمن يستخدمو اللغة الأجنبية،فتلاقي لمن يصقع في أحد يقولك sorry/pardon بس لمن يكون في موقف يحتاج الإعتذار من جد تلاقيه يتجاهل الأمر ويستصعبه،طيب هي كلمتين ليش نستصعبها. يعني لو ما استصعبناها وآستخدمنآهآ بمهآرة لداوينا جروح بعض ويرجع كل شي زي ماكان كثير تمر علينا مشكلات كبيرة والشيء الوحيد اللي يحلها انك تقول هذي الكلمتين البسيطة...بدال الأعذار اللي ماتراعي شعور أحد،أو إطلاق الإتهامات عشين نهرب من الموقف..أو تسوي إنك ماتدري عن شي وتحطيها في أحد ثاني ..طب ليش كل هذا ؟ ببساطة لأنه صعب علينا الإعتراف بالمسؤولية تجاه تصرفاتنا،ولأن الناس هم اللي يخطئو مو إحنا.. الإعتذار مهارة من مهارات التواصل الإجتماعي مكون من ثلاثة نقاط أساسة:. أولاً : أنك تشعري بالندم عما صدر منك ... ثانياً : أن تتحملي المسؤولية ... ثالثاً : أن تكون لديك الرغبة في إصلاح الوضع ... ماننسى نبتعد عن الإعتذار المزيف مثل أنا آسفة ولكن.....؟! وتبدأي تقولي الظروف اللي خلتك تخطئي وانك عارفة تماما بأن هالشيء غلط ... أو إنك تقولي انتي ماسمعتيني كويس ,, هنا تردي الخطأ على المتلقي وتشككيه بسمعه ... الشيء اللي لازم تسويه انك تعتذري وتكون نيتك صادقة وتعترفي بالخطأ اللي سويتيه وتحاولي ترضيه ولمن تروحي تعتذري يكون صوتك واضح ومعبروكمان وجهك ... وفي نقطة لازم تنتبهي لها انك لو اعتذرتي مو لازم الطرف الثاني يقبل إعتذراك،انتي سويتي كذا وانتي مقررة تتحملي مسؤولية تصرفك.. ويكون في علمك ان الشخص اللي بتلقي له الإعتذار يحتاج لوقت عشين يتقبل إعتذارك..وفي بعض الأحيان ممكن يرفضه. بس هذا مايوقف مسؤوليتك انك تتصرفي بتصرف سليم معاه.. وأخيــراً اللي يبغى يعيش مع الناس يرتقي بهم مو عليهم..ويتعلم فن الإعتذار. واللي يبغى يعيش لحاله خليه يتكبر ويتجبر ويعيش في مركز الحياة اللي مايشوفه غيره. آن شآء الله تكونوآ آستفدتوآ معآيآ.... لِآرْوآحكن [ ] والسلام عليكم ورحمة الله وبركاته "للآمآنة الموضوع على حسب فهمي"

المصدر: منتديات بنات دوت كوم

---

lur, , gm Nv,p Nuj`v giN !

الموضوع الأصلي : معقو و لة آروح آعتذر لهآ ! || القسم : مُستظل لِ أرواحٍ حالمة || المصدر : منتديات بنات دوت كوم || كاتبة الموضوع : Ms.abeer