[نعنوعة]

الجزء الرابع

(صداقتنا ذهب غالي الثمن)

(و دخلوا)

سارة:ريمي ايش فيه بيتكم ساير كانه بيت مسكووون

الريم(بشوية حزن):ها...لان مافي غيرنا

سارة:ها عيل وينها المخبولة سلامو

الريم :أكيد راحت بيت أهلها لانا احنا قريب الاجازة

سارة:اي ما سمعتي

الريم:شنو؟؟؟

سارة: تقولج دنو قررو متى ملجة مناير و جسيم

الريم:و الله ليش محد قالي

سارة:ترى الملجة بعد 3 شهور

الريم: فكرة ليش ما نطلع بكرة السوق و نتبضع للملكة

سارة:اي خلا نطقم

الريم:شوفي فستاني راح يكون أصفر و انتي فوشي ايش رايج؟؟؟

سارة:والله عليج أفكار خلاص مو مشكلة

سارة(ايش فيها ريم قالبة شكلها مو طبيعي كلش لازم أعرف ايش فيها)

(راحو فوق)

(قاعدين يشوفون مصارعة و مشتطين)

سارة:شوفي الحيوان يضرب اندر تيكر

الريم:أحسن يالبي هوج هوجن كفخه

سارة:ليش حاقدة عليه جذي

الريم: مادري يذكرني في أبلة أماني

سارة:ههههههههههههههه شلون جبتيها

( أبلة أماني هذي أبلتهم الجغرافيا ضخمة و تخرع و ما تعطي ويه)

الريم:يلا بطلي فلمك ايش هو

سارة:فيلم شاهد و كريما مادري اسمه شي وي مت

الريم:أهااااااااااااااااا بطلي أنا أحب كريما

(جاعدين يشوفون الفيلم...إلا سارة قامت من غير ما تحس فيها الريم...راحت و بطلت درجها و طلعت دفتر....كان فوشي وحلو مرسوم عليه بنتين و مكتوب our friend ship note و بطلت آخر صفحة مكتوب فيها)

...............

هل تعرفين يا صديقتي

كم زاد اشتاقي لها

سرت احلم بها كل ليلة

بلمستها

بهمستها

ببسمتها

و لكن..لم أستطع أشعر ب...حنانها

بالرغم أني واثقة ...و كلي ثقة....أن حنانها بحر و انا نقطة فيه

شعرت بعدها بحزن قطع قلبي

وجعله يتالم

هل تعلمين كم احببت الحياة بسببها

فيفي هذا التاريخ ذهبت و تركتني

بين آلامي التي

لا نهاية لها

هل تذكرين يا عزيزتي

يوم قلت لكي...

أحبها

أجل أحبها و لماذا لا؟؟

فهي....

أمي

.............

((سارة حست بحزن و كانت شوي و تصيح يوم شافت التاريخ يصادف اليوم الي ماتت فيه أم الريم سارة كانت تنتضر هاليوم ...تبي تعرف الي داخل الريم))

((الريم لو ايش كانت مشكلتها تعصب و و تصارخ بس مستحيل تنزل دمعة لانها صاحت وايد يوم ماتت أمها))

((الدفتر هاي حلقة وصل أفكار بين سارة و الريم يعني كل وحدة تكتب فيه عشن تقرا الثانية و سارة عندها نفس الدفتر بس على أزرق و كاتبه فيه بعد))

((شافت سارة))

الريم((ببتسامه غريبة ما يبين اذا هي فرحانة و لا زعلانة)):قريتي المكتوب

سارة((بحزن)):ايوااا

الريم:شرايج؟؟؟

سارة((بدت تصيح)):ليش ما قلتيلي من قبل...الريم انتي غامضة ..ما أعرف أوقات أحسج انسانة سعيدةو عايشة حياتها عادي...وأوقات تكونين حزينة مو من برع من داخلج ...الريم بصراحة انتي لغز انسانة مليئة بالالغاز

الريم((بنفس الابتسامة)):ليش ؟؟.....تبيني أصيح...أنا لو نزلت كل دموع الدنيا ما راح بفيدني بشي

سارة((بصياح و صراخ)):لا تصحين بس قوليلي في وجهي .... عادي لو تبني بضحكلج

الريم((بجد)):خلاص قفلي على الموضوع

((و راحت و نامت))

سارة ((طلعت دفترها و طلعت حرتها فيه))

((كتبت))

..............

أيا هذا القلب ماذا تخبئ

ماذا تخبئ بعد لتلك الانسانة

لقد جعلت من تلك الانسانة

جسد...

جسد بلا روح

انها انسانة مليئة بالالغاز

نجعلني أسخر منها

اوبخها

ابكي لماذا لا تبكين

تقول دموعي لم تفيد

أيا هذه العين

ألم تعرفي ان

البكاء

يريح

الجسد

و

الروح

ايا هذه الروح

لماذا لا تعودين لصاحبتها

فهي حزينة على فراق من تحب

لم تعلم

أيا هذا القلب لم تعلم ان من تحب يسكن بداخلك

اعتقدت أنك تسخر منها

أيا قلمي لقد جف حبرك

و سوف أتوقف عن الكتابة

..............

((و قطت الدفتر على الريم))

((الريم ما كانت تسوي نفسها نايمة منتظرة سارة تخلص<<بصراحة طريقتهم وايد غريبة في التواصل))

((الريم بطلت و قعدت تقرا))

((قعدت الريم تصيح ))

((ما تدري ليش تصيح بس قعدت تصيح..قامت سارة وحضنتها))

الريم(و بين صياحها):خلاص والله لو كنت مرة ثانية زعلانة بصيح عادي و بالطقاق

سارة((تبي تواسيها)):أنا قلت صيحي بس ما قلت مصخيها و سيري مثل نوير

الريم((سارت زي المينونة تصيح و تضحك)):ههههههههههههههههههههه

(تمو جذي لين ما نامو)

......

ذهب غالي الثمن

ذهب و يلمع

ماله مثيل

صداقتنا

أغلى بعد

......

((قامو ثنتينهم و حالتهم حالة))

((سارة تتصل بيتهم بسس محد ايرد))

((الا ترد الشغالة))

سارة:تيري كم مرة قلت لج ما تردين على التلفونات

تيري:مو ألا كيف انتي(مو على كيف انتي)

سارة: عيل على كيف أبوج

تيري:ايواااا ألا كيف بابا أنا (ايوااااا على كيف بابا انا)

سارة:يعل أبوج سرطان المخ با العلة ...وييين ماما

تيري(عصبت):مافي يقول بابا أنا سرتان انشاء الله انتي في سرتان مدمن(ما في يقول باباأنا سرطان انشاالله انتي في سرطان مزمن)

((تيري هذي خدامتهم العيوووز من زمان موجودة علشان جذي عادي مطيحة الميانة))

سارة:وجع وين ماما اخلصي

تيري:ماما نايم

سارة :مين موجود في الصالة

تيري: بابا كالد يروح الحين برء

سارة :عطيني العلة خويلد

تيري (تنادي خالد):بابا الئلة كويلد(بابا العلة خويلد)

سارة:وجع فضحتيني يعل أبوج ينفضح

خالد:شنو العلة خويلد ... شتبين

تيري(معصبة):ماما ئلة سارة تبي انتا((ماما علة سارة تبي انتااا))

خالد(ياخذ منه التلفون):نعم ايش تبين

سارة:حشى مافي أخلاق ايش فيك كانك تكلم يهودي

خالد:ببلا قرقرة زايدة اخلصي و اختصري

سارة:الزبدة ... أنا بطلع مع ريمو الهبلة اللاند نقضى حق ملكة العلة مناير ...فلو سمحت تخبر أمي

((الا سارة تضغط السبيكر بالغلط))

خالد:مين ه الغبي الي يطلع الضهر فكرة منو هاذي الاهبل

((الا تدخل الريم))

الريم:فكرتي انا

خالد(تخرع):بسم الله اللهم سكنهم في مساكنهم ..انتي من وين طلعتي

الريم:خويلد شوف اخلص وقول حق عمتي و فكنا

خالد(بعناد):أنا عنادا فيج مو قايل ...بعدين شلون بنات تطلعون بروحكم

الريم(بعصبية):عيل سو فينا خير و ودنا

خالد:شقالولج دريول يدكم

سارة:شنو قررت

خالد:أصلا انا كنت رايح اللاند مارك مع حمد ما دام الامر جذي بكلم حمد و بنوديكم

سارة:نبي نمر الخياط

خالد:أوكي أوكي

سارة:قول حق مامي

خالد(عصب):خلاااااااص انزين....مشكلتكم ي البنات الحنة

الريم:انزين خلصنا متى نجهز

خالد:يلا بسرعة....ترى اذا تاخرتو ترى بنهدكم

(و سكر عنهم)

الريم:ايش فيه أخوج جنه يكلم يهودي

سارة: تصدقين قتله نفس الكلام

(الريم و سارة لبسوا و و لبسو ا عبايات سادة)

(خالد يكلم حمد و هم في السيارة)

حمد:ههههههههههههههههههههههه ايش فيها اخلاقك اليوم

خالد: مالي مزاجك.....تصدق وحدة من البقر الي رقمتهم ما قاعدة تعطيني ويه و منبطة جبدي...و المشكلة هي مطرشتلي مسج و كاتبتلي فية انا انا رقمتها

(و دخلو البنات)

سارة+الريم:السلام عليكم

حمد:و عليكم السلام

خالد(معصب): لا ليش جيتوا كان تميتو

سارة(بغرور):عاد أحنا بنات ناخذ وقت

خالد:لا والله هذا و انا سايرلي نص ساعة مكلمكم

سارة:عنبوك تونا قايمين من النوم ما يمدينا
خالد:و ليش سهرانين

الريم(علطول تذكرت أمس الي سار و انقلبت معالمها الي يشوفها يقول ثلاجة):أح....

خالد(ايش فيها هاذي انقلبت مرة وحدة اكيد مسوييين شي جايد)

سارة(قاطعت الريم):كنا نشوف فلم هندي...

طبعا كانو قاعدين بالترتيب التالي

حمد قدام وجمبة السواق ورا السواق الريم وفي الوسط سارة و ورا حمد خالد

حمد:أي فلم أي فلم ؟؟؟

(ترى حمد ادمان مثل سارة أفلام هندية)

سارة:فيلم شاهد و كريما شي وي مت

حمد:أكيد أعرفة....Jab we met

سارة:ايواااا هو هاي

(و في السيارة حمد و سارة سوالف و ازعاج )

(اثنين ساكتين الريم تفكر ليلة امس شلون موقف سارة و تذكرت انها ممكن تعوضها شي من حنان أمها و طبعا ما في شي مثل حنان الام و خالد يفكر ليش لما قلت ليش سهرانين الريم انقلبت معالمها)

(الا يرن تلفون ريم)

الريم(و بدفاشة و تخشن صوتها): هلا و الله فهود هلا و الله ب القاطع الي ما يكلف على نفسة يتصل

(حمد و خالد فتحوا حلوجهم و انصدمو حمد لان خبل فما يعرف يتصرف في مثل هالمواقف اما خالد كان ممكن يقوم و يذبحها بس سكت لان يبي يعرف شالسالفة)

سارة(اكتفت بابتسامة سخرية)

فرحة(من الطرف الثاني):هلا والله ماي قلب شلونج؟؟؟

الريم(بدلع):حبيب القبي انا لك تؤبرني

(اهني خالد بغى يغص)

سارة(تطق ريم بكوعها بالعدال):حدج ترى فروح سارت دلوعة

(و اهني هدى خالد و حمد جالته الضحكة)

(بقلوكم عن شلة الفزعة)

الريم راشد عند الشلة أو ريمي و سارة دلعها سعود أو سوسي

معاهم

فرحة:دفشة و هبلة لاقصى حد و مهبلة في الابلات بس من يوم ما سارت اتكلم المدعو ب(بو عيون الشاهين) تحولت الي الفتاة الرومانسة هع بس مملوحة بشرتها قمحية ضعيفة شعرها مصبغته بني مع خصل شقرة و عيونها بنية عمرها 15 سنة دلعها فهد أو فوفو أوقات فراولة

مريم: هاذي زي الاولاد بس لا يروح فكركم بعيد هي جذي من الله يعني لانها بنت بين 7 أولاد دبة بس مو وايد تعشق المصارعة و ماثرة على الريم شعرها أسود قصير بوي و عيونها واسعة سودة و هذا الي محليها كبر فرحة عمرها 15 سنة دلعها محمد أو ميمي

فاطمة:دلوووووووووووووووعة و بالبوووووووووو تخاف بس هبلة مادري شمدخلها في الشلة عيونها مسحبة زي اليابانيين بس حلوة شعرها نااااعم بني و عيونها مايلة للخضار لان امها لبنانية بس العرج الياباني ماخذته من قوم ابوها عمرها 15 سنة دلعها فوفي

(نرجع للواقع)

الريم:فهودي صج سرتي دلووووعة

فرحة(برومانسية):من يوم شفتة جقيت بدل الخقة خقتين بو عيون الشاهين

الريم:بو عيون الشاهين مرة وحدة....مو جنج بايقة الاسم من رواية يا أم خقة..آ يالصايعة تكلمين....تبريييت منج لا انت ماي فريند و لا أنا اعرفج و بخبر عليج حمووود ترى يغار

فرحة:لا لا تفضحيني عند الشلة ترى ما بخلووون علي شي

الريم:هههههههه

فرحة: أنا ما قتلج ليش كنت متصلة

الريم:على بالي كنتي لويه الله تسلمين يعني

فرحة:الزبدة شفتي بعيون الشاهين؟؟

الريم:اي ايش فيه؟؟

فرحة:أبيج تكلمينه و تقولين له انج تحبينه ...يعني من الاخر ابي اختبرة

الريم: مالت انا الريم بنت سالم الراشد اكلم ما اقول الا الف مالت عليج

فرحة:خسارة ضيعت و قتي الثمين الغالي معاج

الريم:يلا باي

(أول ما سكرت الريم حمد و سارة كانو يضحكون و كل واحد عنده سبب)

حمد:هههههههههههههههههههههههههههه و الله على بالي تكلمين ههههاهاهاهاهاهاها

سارة:قالتلج عن بو عيون الشاهين ههههههههههههههههاهاهاهاهاهاه

الريم:ههههههههههههه بصراحة انتو الثنين مسخرة و بعدين حمد مع ويهك شلون تشك فيني

(خالد اكتفى بباتسامة لان المود ما يسمح ان يضحك لانه متضايق من البنت)

(وصلو اللاند مارك)

(خالد و حمد يتثاثرون)

خالد:انت تم مع البنات و أنا برووح عند ال @!#!@#!@

حمد:يا ولد حسن الفاضك تراني حساس و ما اتحمل كلمات سوقية

خالد: عدال أنا بروح الحين

(حمد التفت عند البنات)

حمد:وين تبون تروحون؟؟

الريم:شووف احنى بصراحة نبي نشتري حق ملكة جسوووووم فبنحتاج محلات الاكسسوارات و بعدين بتودونا الخياط

حمد:انشاالله عمتى

(هم ماشيين يسولفون و حمد ماشي وراهم بس شوي بعيد و يتكلم بالجوال)

حمد(يلف ):اي اشوفج

(يلف على مجموعة بنات ماشببن مع بعض

.....:تصدق حمووووودي اليوم طالع رزة وتجنن

حمد:تسلمين لي يا حبي

...:حبتك العافية

حمد:يلا فوفو باي

.....:باي

(و ريم و سارة يسولفون)

سارة:مثل ما اتفقنا بنروح الاول أكسوسوريز

الريم:اوكيييي

(الا يرن جوال سارة)

سارة:هلا و الله أم فيسة..ايش فيج كل شوي متصلة..عنبوج وجهج مغسول بمرق

فرحة(برومانسية):تبين تشوفيت بوعيون الشاهين

سارة:اي ابي اشوف هذا الي ذبحتينا علية

فرحة:لفي وراج هذا الي مسوي طاقية

(سارة تلف وراها ما تشوف الا حمد و هو تنطبق علية المواصفات)

سارة:ليكون ال ماسك البلاك بيري

فرحة(برومانسية): اي يا بعدي آآآآآآآآآآآآآآآآآآآآآآههههههه بموت

سارة(بارتباك):أ أ آىآآآآآآهاااااااااااااااااااا ههاهاهاهاههه

فرحة:باي باي يا البوو

سارة:هه باااا باااي

(و لفت سارة على الريم و تشوفها بعبط و تلف على حمد و تشوفه بنفس العبط)

حمد:ايش فيج سارة؟؟

سارة:ان ان هههههههههههههاهاهاهاهاهاهاهاها

الريم:هش هش فضحيتينا هش

سارة:ههههههههههه بو عيون الشاهين ههههههه

حمد:ايش فيها

(سارة تمت تضحك و بعدين و قفت)

سارة: اخس حمد طحت من عيني

حمد(مو فاهم شي):هاااا

سارة: شفت فرحة البنت الي تكلمها

حمد (ارتبك):ها ا....ا ...اي

سارة:اي هاذي رفيجتي يا بو عيون الشاهين هههههههههههههها

الريم(بصدمة):هااااااااااا و الله

حمد:بس بليييز لا تقولون لها

الريم:شنو تقص عليها و ما نقولها

حمد:بس أنا بعدين بقولولها الصج بروووحي

سارة: بس و ما تطول حدك أسبوع تقطع علاقتك

حمد:انزين خالتي

سارة :انت ايش قصتك انا خالتك و هذي عمتك (اتاشر على الريم)

حمد:مدري تخرعووون فقلت لازم اعاملكم زي العيايز

سارة: شفت ويهك في المنظرة يا بوعيووون الشاهين هههههه

(و عند خالد)

(كان واقف متسند على الطوفة جنب اسبرت و قاعد يلعب بالبلاك بيري كان لابس ثوب اماراتي و غترة حمرة و مسوي حمدانية كان شكلة طالع جنان)

خالد(كان واصل حددددددددده و منرفز)(وينها الحمارة بس انا لازم اعلمها الادب و شلون تلعب علي)

(الا وصلت صوبة بنت كانت لابسة عباية مفتوووحة و اطرافها عودة صفرة و كله ايدها طالعة و بنطلونها المرصص الجينز بعد طالع قاطة الشيلة و مسوية باف ويبين ان حاطة مكياج و تارسة عطر)

خالد(بسخرية): اخيرا يا قلبي سارلي ساعة انتظرج

البنت:والله كيفك انت الي تبي تخاويني لازم تتحمل

خالد:لا يا ماما ...شوفي اعتبري علاقتنا منقطعة من الحين...و اذا تبين اقولج الصج بصراحة انا في وحدة في بالي راح تكون غير عنج و عن الهيلق رفيجاتج بس لو شفتيني معاها لا تموتين قهر

البنت:أنا ريم بنت أحمد...... ما أكلم هالاشكال المقرفة

خالد:قولي بس بتندمين ...و اذا تبين تشوفين البنت لحقيني و بتشوفينها و لا بعد اسمها على اسمج

(الا يرن تلفون خالد)

خالد:ألو

سارة:آآآآآآآآآآآآآآآآآآآآآآآآآآآآآآآآلوووووووووووو ووووووووووو خلووود يا نذل سارلنا سنة ننتظرك و انت ليحين ما جيت

خالد: بال بال بغيتي تاكليني و بعدين شنو خلووود اصغر اعيالك انا

سارة:السموحة بس يلا

خالد:ويننكم فيه و الكمخة حموود ما كلف نفسة و اتصل

سارة:أحنا في كلييييرز

حمد:اي انا صوب اسبرت جايكم

(مشى خالد و مشت وراه البنت)

(طلعوو الريم و سارة من كليرز و البنت كانت ميتة قهر و تراقب من بعيد)

حمد:وينك فرووو عقلي سارة يروحووون و يردووون على نفس المحل

خالد:هههههههههههههه

(سارة من بعيييد)

سارة:خااااااااااااااااااااااالد حمممممممممممممممممممممد مني مني

خالد:سو نفسك ما تعرها لانها فضيحة بصراحة

(و قربو )

سارة :يلا لان بنتاخر

الريم:انت خلووود يالهايت وينك فيه سارلنا ناطرينك ساعة

خالد:مالكم خص

سارة (بهمس لريم):شكلة كان يرقم أو يواعد

(كانو ماشيين رن جوال خالد و قف بعيد ورد)

البنت:هلا

خالد:ها شفتيها

البنت:اي وحدة الدبة و لا الثانية

خالد:لا الدبة هاذي اختي الثانية

البنت (ماتتتت قهر ):اي شفتها

خالد:ما قتلج ذوقي حلو...ناوي أخطبها بس أكون نفسي

البنت:هااااااااO-O ...

خالد:ايش فيج تراها بنت عمي و عادي يعني

البنت:و الله لا تشوووف يا خالد ان ما غذبتها و عذبتك ما اكون بنت ابوي

(بعدين سكر في ويهاو راح)

(في السيارة)

(سارة تدلي السواق)

سارة:شوف بابو انت روح يمين بعدين يسار....

بابو: يرووووح ياااامين

سارة:اي

(و و صلو الخياط نزلو سارة و الريم)

(عند حمدو خالد)

حمد:شوف شوف الصاروخ الي مناك خلني ارقمها

خالد(كان مرتااااح حددده لان خلص من السالفة): اي تصدق خلها تبطل البلوتوث

(حمد ايئشر حق البنت ان بطلي البلوتوث)

(و النت بدورها بطلته)

حمد:شوف نكها دلوعتهم

خالد:طرشلها رقمك

حمد:أكو طرشتلها و قبلت الحقيرة

(و في الخياط الريم تتهاوش مع الخياط)

الريم:شوف انت يخلص اتنين فستان في تو موونث

الخياط:أنا ما يقدر في واجد شغل

الريم: بس نفر فلبيني يقول آآدي مو هو موودير

الخياط: لا ماما هدااا نفر كداب بس يبي فلوووس

الريم:اخلص ... ان ما شفت الفستان بعد شهرين ترى بتصل في السرطة"<<مادري شدخل

الخياط: لا ماما مافي كوول بوليس انا يكلس فستان بسرئة

الريم:ناس ما تجي الا بالعين الحمرة

و بس اوقف اهني