البارت الرابع
اليوم اخر يوم فى الاختبارات
فيافى .. تخضن غندة .. تصدقين مانى مصدقه انا اليوم اخريوم
غندة .. هههههه ولا انا
ريم .. كيفيكم صبايا
غندة وفيافي .. بخير
فيافي .. انتى كيفيك
ريم الحمد لله بخير
التفتوا البنات على غندة ولقواها تبكي
فيافي .. غنود حبيبتى شفيك
غندة .. وهى تبكي مافيني شى
وطبعا اجتمعوا البنات وقلبواها حزن كلهم بالبكي
فيافي .. وهى تبكي .. يالله عاد بنات ماصرت ان شاء احنا بنتواصل مع بعض
فتح البواب الباب
غندة.. فوفومن بيرجع ياخذكـــ
فيافي ..على ماعتقد تروكـ لان السواق مريض وانتى بترجعين معاي طبعا
غندة من اسمعت اسم تركى سرحت
فيافي ... وهى تاشر بيدنها على وجه غندة .. ياهوة وين رحتى
غندة .. ها معاج
فيافي .. وين معاي وانا من طريت القلب صرتى بعالم ثاني
غندة انحرجت .. لا بعالم ثاني ولا ثالث
فيافي .. اقول امشى ولى كلام ثانى معاج بعدين
طلعوا من المدرسه
فى السيارة تركى كان معصب لان فيافي تاخرت عليه
فيافي .. السلام عليكم
تركى .. وعليكم السلام كان قعدتى بعد ليش جايه ( طبعا هو مانتبه حق غندة)
غندة ..سلام
تركى من سمع صوتها نسى عصبيته .. وعليكم السلام تو مانورت السيارة
فيافي .. ياسلام انا تصارخ علي وهى تو مانورت السيارة
تركي .. محد قالج تتاخرين
فيافي .. الله العالم من سبب التاخري ناس يوم طرين بعض الناس وصلوا عالم ثانى
غندة .. فرصت فيافي على جتفها
فيافي .. شنو بتنكرين بعد
تركي .. فديت هالناس
غندة استحت
فيافي .. ابو شباب خير تتفداه هذا وانا موجودة بعد الله يعين اذا تزوجتها
تركى .سوري نسيت انج موجودة
فيافي .. مرة ثانيه لاتنسى
تركى .. ان شاء الله اوامر ثانيه
فيافي .. غنود اليوم بتنامين عندنا
غندة .. لا والله تدرين عرس خالد قرب ولازم نبدا بتجهيزات من الحين ويالله انخلص
فيافي .. ذا بغيتي أي شى انا وديوم بالخدمه لايردج الالسانج
غندة .. تسلمين حبيتي
وصلوا غندة بيتهم وبعدين تركى وصل فيافي البيت وراح يخلصله كم مشوار
فى بيت ابو خالد
فى غرفه ديمه
طق طق
ديمه .. تفضل
غندة .. شخبار عروستنا اليوم
ديمه .. صرت عروس مرو وحدة
غندة .. واحلى عروس بعد
ديمه .. خلينا منى وقوليلي شسويت بالامتحان اليوم
غندة .. تمام الاسئله كانت سهله
ديمه .. الحمد لله
غندة .. يالله قومي انجهز الغدا
ديمه .. يالله
فى بيت بندر
هنادى .. بندر اليوم ابى اروح السوق
بندر ..حبي اليوم ماقدر عندي عمليه
هنادى .. اوكى خلاص بشوف فهد
بندر .. اوكي
فى بيت ابو بندر
كانوا البنات مجتمعين فى غرفه سارة
فيافي .. بنات يبيلنا اروح السوق
ديم .. أي والله بس من بيودينا السواق مسافر
يارا . اكيد هنادى بتروح
فيافي .. اكيد ولاشرايك ياسارة
سارة .. كانت سرحانه وخايفه من حياتها مع خالد
فيافي .. سارة سارة
ديم .. البنت مو معانا بالمرة
فيافي وهى تقرب من سارة وتصرخ باذنها .. حبيبتى فكري بحبيب القلب بعدين
سارة ... سخيفه ومن قال انى افكر بحبيب القلب وليش خليت حبيب القلب
يارا .. انا اتصلت على هنادى وتقول انا بندر عندة عمليه وبتروح مع فهد اخوها وبتمرنا معها
سارة .. ليش وين بتروحون
البنات .. السوق
سارة .. اها
ديم .. وانتى مراح تروحين معانا
سارة .. لا روحوا انتوا انا مالى خلق
يارا شهقت .. حبيتي عرسج باقى عليه اقل من شهر لازم تتجهزين
سارة .. لاتنسين انى مراح اسوي عرس وبعدين شحق البس فستان عرس بالبس اثوب اللي شريت حق ملكتج
فيافي .. مجنونه انتى عروس لازم تلبسين فستان ابيض
سارة .. انا سوق مراح اروح انتوا سوى اللى تبونه
ديم .. براحتج بس بتلبسين فستان ابيض وانا بكلم الخياطه اللى دايم روحلها تخيطلج فستان وعلى الله تخلصه قبل العرس
سارة .. اوكى
فيافي .. احر ماعندا ابرد ماعندج طيب فستان العرس وحلينا مشكلته وبافي التجهيزات
سارة .. يارا تعرف ذوقى
يارا .. ماقول الا الله يعينا على اعنادج
على الساعه خمس مرت عليهم هنادى مع فهد
البنات .. السلام عليكم
فهد وهنادى .. وعليكم السلام
فهد .. شخباركم بنات
البنات .. بصوات متفرقه .. الحمد لله بخير
يارا .. شدعوة فهود متسال ماتقول عندي عمات اسال عنهم
فهد . هلا عمتى اسمحلى بس مشاغل دنيا
هنادى .. اجل وين سارة
فيافي .. سارة تقول مالها مزاج تروح السواق
هنادى .. ليه عسى ماشر
فهد .. عمتى يارا عسى ماشر شفيها عمتى ساره
يارا .. والله مدري نفسيتها تعبانه
فيافي .. وعليه على حاله مسكينه مهى مصدقه انها بتتركنا لمدة اربعه شهور
هنادى .. الله يكون بعونها
فيافي .. امين
فهد .. اقول انت من ديم ولا فيافي
فيافي .. من كثر ماتزورنا مثبت اصواتنا لا ياولد العم انا فيافي
فهد .. فرصه سعيدة بنت العم
وصلوا المجمع يارا خلصت اغراضها اللى ناقصتها حق الملكه وبدت تقضى حق ساره اختها وتولوت مهمه البناطلين وتيشرتات والفساتين وتنانير والبلايز وهنادى تولت البجامات وقمصان النوم اما فيافي وديم الاكسسورات
والشنط والصنادل والاحذيه ( الله يكرمكم )
ديم .. اقول فيافي موكان هذول بنات خالى ياسين
فيافي .. ايه وانتى الصادقه هذول ديمه وغندة بروح اناديهم
ديم مسكتها من ايدها .. اذا سالوا عن عمتى سارة مافى داعى تقولين نفس الكلام اللى قلتيه قدام فهد
فيافي .. وانا شقلت ومهى قالت مالها خلق للسواق
ديم .. بس ولو المفروض ماتقولين كذا ولاتنسن انا خالد اخوهم
فيافي .. اجل اذا سالوا وش اقول
ديم قولى تعبانه
فيافي .. اوكي
راحت فيافي صوب البنات
فيافي .. هاي
غندة وديمه .. هايات
ديمه .. اليوم فى السوق
فيافي .. ايه بالسوق لازم انخلص امورنا
غندة .. اجل مرت اخوي وياكم
فيافي .. لا والله
ديمه .. ليه عسى ماشر
فيافي .. ماشر حبيتي بس تعبانه شوي
ديمه وغندة .. ماتشوف شر
فيافي .. الشر مايجيكم
غندة .. من جايبكم
فيافي .. فهد ولد عمي مازن
غندة .. اها
فيافي قربت من غندة وهمست باذنها .. ليه تفكرين تركي
غندة انحرجت .. لان فيافي كشفتتها
ديم السلام عليكم
الكل وعليكم السلام
ديم شخباركم
ديمه وغندة .. الحمد لله بخير انتى اخبارك
ديم .. تمام بخير
خلصوا البنات اغراضهم وراحوا البيت
فى بيت ابوخالد
خالد .. ها خلصتوا كل شى
ديمه .. بس باقى بكرة تودينا نحجز الشوكلاته والطاولات والبوفيه
خالد .. والسوق خلصتوا منه
غندة .. باقي بروفه وحدة ونخلص
خالد .. الله يعني عليكم
غندة .. والله محد قالك تسوى ملكتك وعرسك بيوم واحد
خالد .. والله انا كيفي
ديمه .. كيفك براحتك
غندة .. ماقول الا الله يعين سارة عليك
خالد طالعه بنص عين .. اقول تلايطي وبعدين تحمد ربها وين بتلاقى واحد مثلي
غندة .. عدال لاينطلك عرج
ديمه .. مدري شخبارها الحين
خالد .. ليه شفيها
غندة ..ابد سلامتك بس شفنا اليوم البنات بسوق ويوم سالنا عنها قالوا نها تعبانه
خالد .. اها
بعد مرور اسبوع من هالحداث اليوم ملكه يارا وسعود اليوم لي كان يحلم فيه سعود من صغره
كانوا البنات مشغولين وحايسن
غندة .. ياربي احس انى مكياجى مو حلو
سارة ..بلعكس حلو
فيافي .. شعليج راضين عليج بعض الناس
غندة ..وليه ماترضى مو انا اختى زوجها
سارة ..خير خليت اخوك زوجي ترى ماصار شى للحين
غندة .. بيصير ان .. ماكملت كلمها لان وصلها مسج
؟؟ ولو ما قلتها لك [أحبكـ]...!
إني [أحبكـ] و [أعشـقكـ] و [آتحراكـ].....!!
..
يكفي طريقي بالعمر نفس "دربك"..
يكفيني قلب ٍ (لـــــو) تمنى .. !! تمنـــــــاك .....!!
..
ويكفيني إني عشت [لو يوم] "حبك"..!
ويكفيني اني نلت [لو لحظـــــه] "رضاااك"..
فيافي .. من اللى متذكرك وراسلك مسج
غندة تهز اكتوفها .ز مدري رقم غريب
سارة .. معليك منه طنشيه
غندة .. اكيد هذا اللى بيصير
البنات كانوا طلعين بقمه جمالهم وكل من شافهم يذكر الله عليهم
ديمه .. يالله يارا عمي بيدخل
يارا ..ها تكفين قوليله لا يدخل
البنات .. هههههههههههههههههههه
فيافي .. تبين خالى سعود يذبحنا يالله بنات خلونا طلعا
طلعوا البنات وتركوا يارا دخل عليها سعود ومعه ابو بندر وابو محمد
يارا .. اول ماشفتهم وقفت
باسها سعود على جبينها .. مبروك يالغاليه
يارا .. بصوت اقرب للهمس .. الله يبارك فيك
سلم عليها ابو محمد وابو بندر وباركولها وطلعوا
سعود .. شلونك يارا
يارا بخجل .. تمام
سعود .. دوم
يارا .ز يدوم عزك
سعود.. وانا مافى لي كيفيك على العموم انا الحمدلله بخير
يارا .. بابتسامه .. دوم ان شاء الله
سعود .. لاوالله
يارا .. أي والله
سعود قرب منها وحط ايد على كتوفها .. طالعه قمر
يارا استحت .......................
دخلت عليهم ام بندر وام محمد يباركلهم
سعود انحرج لان كان ماخذ راحته وكان قريب بالمرة من يارا وحط ايده على كتفها وهم يارا انحرجت
ام بندر .. بابتسامه .. مبروك
سعود ويارا .. الله يبارك فيك
ام محمد .. مبروك والله يهنيكم ..
سعود ويارا .. الله يبارك فيك
طلعوا عنهم تصورا سعود يارا وتصوروا معهم البنات وسعود قعد مع يارا لحد الساعه 2 وهو يتغزل فيها
وهى مستحيه منه
بعد مرور اسبوعين من هالحداث وخلال ها لسبوعين ملكه ديمه ومحمد عرفها اكثر وحبها وهم ديمه ارتاحت حق محمد وحبته
اليوم يوم عرس خالد وسارة يوم الفرح لخالد ويوم الموت لسارة كان عرسهم فى البيت وطبعا هاشى عناد من خالد لساره يبي يقهرها كانوا البنات حاجزين كوشه حق سارة كان شكل الكوشه حلوة وسارة كان ايه من الجمال انزفت سارة وكان قدمها مى وضى ولون فساتينهم كانت ابيض مايل لسكرى نفس لون فستان سارة كانت زفه اسعدك ربى بصوت الجسمي باسم سارة
الكل باركلها وكل فرحان لها وغندة وديمه كانوا حيل مستانسين لسارة وخوهم خالد دخل خالد على سارة وباسها على جبينها
خالد .. مبروك
سارة بهمس .. الله يبارك فيك
دخلوا اخونها يباركولها ويوم سلم عليها ابو بندر بكت سارة
ابوبندر .. خالد ماوصيك على سارة
خالد .. لا توصى حريص سارة بعيونى
صور تهم المصورة كذا صورة مع ان سارة كانت رافضه انها تصور بس البنات اصروا عليها وكانت المصورة تطلب م منهم حركات جريئه وسارة تعاند واحيان خالد يغصبها بعدها طلعوا راحو الفندق اللى بيباتون فيه قبل لايسافرون
سارة كانت خايفه لا ن هذى اول مرة تقعد مع خالد لحالها
خالد .. اشفيك واقف ليه ماتقعدين
سارة .. بعناد.. انا مرتاحه كذا
خالد .. دامك مرتاحه اجل اسمعى الكلام اللى بقوله طبعا احنا بنسافر بكرة لندن وبنجلس هناك لمدة اربع شهور
ساره .. وهى رافعه حاجب .. ادري
خالد .. لاتقاطعين انا ماخلصت كلامى طبعا احنا راح انكون متزوجين بس قدام الناس بس دام احنا مع بعض لا وطبعا بتكونين انتى بغرفه وانا بغرفه وانتى عارفه ليه اتزوجتك
سارة .. حلو وفرة على المشوار واحن دامها جات منك ولامنى اقدر اروح الحين غرفتي
خالد ..للاسف اليوم بس مضطر انا احنا اكون بغرفه وحدة وقادمك ربع ساعه تبدلين
سارة .. اوكى
ادخلت سارة الغرفه عشان تبدل فكت اطرحه ويو ماجت بتفك السحاب مارضى ينفتح حاول فيه يمين ويسار ماكو افايدة واللى قاهرة انا البنات مو خليله غير بجامتين والباقى كل قمصان نوم
بعد ربع ساعه دخل خالدعلى سارة ولقها على وضعيتها
خالد .. شعندك للحين مابدلتى والله ماصدقتى تصرين عروس
سارو كانت بتصيح وكلام خالد زاد الطين بله عليها سارة وهى خجلانه وبصوت متقطع .. ال.. س.. ح..ا.ب مارضى .. يفتح
خالد .. واللى مافهم شى .. شقاعدة تقولين انتى
سارة صاحت .. وصوتها رايح من الصياح .. السحاب مارضى ينفتح
خالد .. ههههههههههههه وهذا اللى مخليك تصحين
قرب خالد منها وفتحلها السحاب ماقدر يقاوم ريحت عطرها باسها على رقبتها سارة اجمدت من حركته اللى ماتوقعتها ودخلت الحمام تبدل وخذتلها شور وبعد ربع ساعه طلعت من الحمام ولقت خالد جالس على السرير
خالد ... نعيما
سارة وجهها احمر من الصياح ومن الخجل .. الله ينعم عليك
خالد . العشا جاهز انتظرك برا
طلع خالد من عندها وبعد عشر دقايق طلعت سار للصاله
خالد .. تعالى اكلى قبل لايبرد الاكل
سارة .. شكرا مو مشتهيه
خالد .. على العموم براحتك واحمد ربك انى اليوم عاملتك معامله زين ولا من بكرة بتكونين انتى والخادمه واحد
سارة حست باذل والاهانه وماردت عليه وجلست طالع التلفزيون وخالد بعد ماكل دخل الغرفه بدل ملابسه وانسدح على السرير ونام سارة كانت قاعدة بالصاله توقعت انه يطلع او يناديها بعد ساعه طلت سارة بالغرفه لقته نايم
راحت الصاله وجلست الطالع التلفزيون ليما نامت بكانها
انتهى البارت
شرايكم فى البارت؟
غندة من اللى يرسلها الرسايل ؟
سارة وخالد هل بيتمون على هالحال ولا بيتغير حالهم ؟
سعود ويارا شرايكم فيهم ؟؟
محمد وديمه هل بدوم المحبه بينهم ولافى شى بيخرب عليهم حياتهم ؟؟
السموحه على التاخير
ولى عودة لتعليق على ردودكم