هذي قصيدتي
بسم الله الرحمن الرحيم
بمناسبة ذكرى اليوم الوطني للمملكة العربية السعودية
أهدي هذه القصيده
وطـــــــــــــــنا دام عزك شامخ والدين سيرة
مــــــارضينا غير أرضك نسكن ونعشق ثراها
أنتمي لك والفخر لي شخص وأرضه جزيرة
مــــــــــن يلوم اللي يحبك أم وتغلي ضناها
يالسعودية بس اسمك لا لمع في كل ديرة
والـــــله إنه تاج اكبر من على هامة سناها
شعب ودستور وأمه ترتوي من فيض خيره
لا عـــــدمنا من حكمنا ولا نسينا من بناها
كــــل حرف لا كتبته غير اسمك استشيره
ويـــــــــن يا كلي تمهل ارفق ولملم حلاها
ايـــــــه احبك يا بلادي دون شك ودون حيره
كـــــــل عرق لا نشدته قال ينبض من غلاها
يــــــا فديتك بالمشاعر والا روحي لك ذخيره
مـــــــا تردينا من اول كيف لاجت في سواها
يـــــــــــحفظك رب كريم من صودايف عسيره
يــــــــــا منار الحق للي ضاعت حقوقه لقاها
دام ابو متعب يقودك سيري دروبك يسيره
والمواطن في يمينه خط ما نبغى سواها
وسلامتكم ..
ملاحظة: الكلام إلي تحتهـ خط يفضل تعيديهـ مرتين