1 - اختيار الوزن
2 - التأكد من صحة الوزن والاوزان المعروفه
3 - سهولة التغيير و التعديل في الوزن
1 - اختيار الوزن
عند تبلور الفكره في مخيلتك وتهم بصياغتها شعرا
اكتب البيت الأول بالطريقه اللي تطلع معاك ولاتهتم ولا تتساءل بأي بحر ستكتب
وراح تلقا بعد ماتكتب البيت الأول ان القصيده اختارت بحرها بنفسها
وكل اللي بيكون عليك انك تلتزم بالبحر اللي طلع معاك
وهذا هو الوضع الأمثل
وبطبيعة الحال ممكن انك تختار الوزن اللي تبيه من البدايه وراح أحط الطواريق
المشهوره واللي ممكن توزن عليها في النقطه الجايه ولو اني ما أفضل هالطريقه
مثل ماقلنا الطريقه الأفضل انك تخلي القصيده تختار بحرها
2 - الأوزان الدارجه
لما تكتب القصيده طبعا راح توزنها بطاروقك ولحنك الخاص
يعني حاول تشيلها او تغنيها بلحن ثابت واذا مشت سلسه ومتناسقه بالغناء فهي موزونه
وعلشان تتأكد أكثر غير اللحن وغنها واستخدم كذا لحن للتأكد
وكمبتدئ تري ماله أهميه ابدا انك اتعرف هذا بحر هجيني او مسحوب او هلالي او طويل او غيره
3 - سهولة التغيير و التعديل في الوزن
في هالنقطه سنختار بيت من الابيات السابقه ونعيد صياغته بعدة أوزان
والهدف انك تعرف انه في حال وجود بيت مكسور تقدر تغير في بعض المفردات لتصل
للوزن الصحيح
الملخص
عشان مايضيعك الكلام اللي فات وعلشان تعرف اللي نعنيه و القصد من الموضوع نقول
موضوعنا هو الوزن وكيف تزن قصيدتك
ببساطه عندما تبدأ في الكتابه اكتب اللي في بالك
واذا لقيت ابيات غير موزونه
حاول توزنها مثل ما وضحنا بالنقطه 3 في انك تغير أو تضيف او تعدل
كلمات أو أحرف
بالنهايه راح تكون قصيدتك موزونه
طبعا المسأله يحتاجلها تكرار وممارسه
ولاتتوقع انك من اول محاوله بتنجح استمر وكرر واستشير واكيد بتنجح