التكمله
شوق: Godmorgen Daddy (( صباح الخير داددي))
بو فهد: صباح النووور والسروور حياااج شواقتي دخلي
شوق: انزين شنو يردون
بوفهد واهو يضحك على بنته الي تخربط بالرد على الناس :يقولون الله يحييك ويبقيك يبا
شوق
: okay what ever
بوفهد: هههههه انزين قوليلي شعندج يا انسه
شوق: لا بس قلت اسلم عليك قبل ما تطلع
بوفهد: اها.. طالعه فهالبرد جذي و من الصبح وتقولين لي اسلم عليك.. انزين فيج الخير والابركه .. يالله مع السلامه
مشى وترك شوق
..
شوق واهي تركض وتمسك ايده
: nej nej nej vent baba (( لالالا انطر بابا ))
بوفهد: نعم شوق مو سلمتي علي
شوق: انبلا بس شسمه...اامم
بوفهد: شفيج شوق..تعالي انتي ليش مارحتي المدرسه
شوق: لا بروح المكتبه عندنا بروجكت
بوفهد: اوكي.. يالله تاخرت قولي بابا شواقه شفيج
********
نتركهم ونرجع لــ سارة
********
سارة صحت متاخره والباص والقطار طافوها
فعشان جذي بتروح مع اخوها فيصل
نزلت فالعبايه
وشافتها امها
ام فيصل وبو فيصل كانوا يتريقون
ام فيصل: بوفيصل شوف سارونه
بو فيصل: هلااا فحبيبتي...صبااح الخير
سارة: صباااح الخيراات
بو فيصل: شهالزيييين شهالحلاه.. لالالا انا ماقدر
وقفت ساره بخجل وفرت لهم : شرايكم فالعبايه
وقفت وكانت بتطيح ويجي فيصل ويمسكها
بوفيصل: ههههههه حاسبي بابا لا تطيحين
ام فيصل: يبيلها مده تتعود عليها
سارة وهي تطالع فيصل : شكرا
...hva synes du (( شراايك ))
فيصل
واهو يحط يده على ثمه ويقلد البنات: oh my goooooood amazing ...ويا ويهج كلها عبايه..لوو انج فالكويت جان لبستها من انتي ياااهل
سارة
: Faisal Gider ikke hore på dig ..yallah lad os gaa vi kommer sikkert forsinket (( فيصل مالي خلق اسمعك.. يالله خلينا نمشي راح نوصل متاخرين اكيد ))
فيصل:يالله امشي يا حجيه سارة
..
سارة: لحظه باكل شي
فيصل: يووووه انا ناطرج برى
راحت سارة تاخذ لها شي تاكله
وفيصل فتح الباب
وكان يعدل فالمفتاح
وتطلع
Anne رفيجته فمدرسته القديمه وكان مااايطيقها لانها قاطه روحها عليه
anne : oh..Faisal heeej
((
اووه فيصل هااي ))
ركضت له ولمته و فيصل يبعدها
فيصل فصوت واطي: يعلج الماحي اعوذ بالله من الصبح
...heej Anne..hva saa ( هااي اني سمشويه)
Anne: Ikke saa meget savner dig meget..hva med dig (
ولا شي ولهانه عليك )
فيصل من غير نفس
: hehe..tak ( هههه شكرا)
كان بيمشي لكنه مسكته
Anne: hnor ska du hen (
وين رايح )
فيصل
: hva rager det dig ( وانتي شكو )
طلعت سارة الي كانت تدز فموسى : يوووه ياموسى وخر بروح
موسى: قولي اول بتاخذيني معاج اليوم
ساره: ايه ايه والله... اوووه هااي اني
Anne: heeeey Sara (
هاااااي ساره)
راحت لها ولمتها
: hvordan gaar det smukke (شلونج يالحلوة )
سارة: همم
fint ...hva med dig( تمام وانتي )
Anne : Fint (
تمام)
فيصل
: naar men vi smutter nu ( يالله احنا بنروح )
موسى الي كان يمشي ويتذمر ويمسح بوست
anne ضحكت عليه سارة ومشوا
فالسيارة كانت سارة متوتره.. خايفه من ردة فعل اصحابها.. لكن هالشي مالهم خص فيه... بس شلون بتكون نظرتهم لي... وبقت جذي لييين ما وصلوا
فيصل: انتي هيه مابتنزلين
سارة
: ha hvad( ها شنو)
فيصل: يبا نزلي وفكينا راح الدوام والمدرس مابيدخلني يالله
نزلت سارة وسكرت السيارة مشت خطوتين ونقزها هرن اخوها رجعت فتحت الباب
..
سارة: نعم
فيصل: نعااامه ،،، يااختي انتي شفيج اليوم...يالله اخذي جنطتج وفكينا
سارة: اووه مااي جنطه نسيتها..يالله ثانكس..باااي
فيصل: ويهج...بااي
مشت سارة وكانت تحس بان الناس كلها تطالعها
فتحت الباب الكبير حق المدرسه
وصعدت الدرجات
الي حستهن بسرعه اخلصوا
دخلت الكلاس وشافت ربعها قاعدين وفالينها
راحت عندهم وسلمت
: oh sara hva har du paa ((
اووة سارة شلابسه))
سارة
: hvad!!...jeg har toj paa..hvorfor ?
((
شنوو !!.. لابسه ملابس ليش ..?))
وحده ثانيه نطت ومسكت عبايتها باشمئزاز
:sara jeg mener det seriost den her ting klare dig ikke (( سارة صج انا اقول ان هلشي مايناسبج ))
سكتت سارة وبس تطالع فيهم
بعدين مشت عنهم بعد ما كل حد قال رئيه
قعدت طول اليوم بروحها فالكلاس محد حاول يكلمها
لان بنظرهم هاللبس بيخليها منعزله وغير عنهم
مو انسانه
لها قلب
واحاسيس
*************************
شووووق شبتسوي
وفرح بتدافع عن شي تحبه وتبيه
جاسم بيحصل الي يبيه
وسااارة بتفشل وترجع للبسها علشان اصحابها
وابو فهد... شنو الي يخليه يرفض هالزواج
وكل هذا
والمزيد في
الحلــــقه الـخامسه
انتظروني
مع يوم جديد من
يومياااات غربه
تحياتي