أبو وليد:_ يبه محمد بلاك عيب هذا عمك.
ناصر مسرع ما عصب على محمد برد قلبه على تهزيئت ابو وليد إلى محمد و قام يناظر محمد بنظرات انتصار.
محمد:_ جب لا كفخك.
ناصر:_ يهوووووووو فشلوه فضحوه ترا حتى انت حرمتك زاهبة.
محمد:_ ليكون كلامي صح ان حرمتك زاهبة.
ناصر يرتبك طيح حاله في ورطة مع حمودوه الملقوف.
مشعل:_ لا وين نويصر ما عنده سوالف مني مني.
جاسم:_ ايه هذا العم و النعم.
زياد:_ عاد انا ما اخبي كاهي اعيون الريال تبرق يبان عليه عاشق بس توه في العشق و بالينة بلوة.
الشباب:_ ههههههههههههههههههه.
زياد:_ اقول طلول راقب لي تصرفات الأخ.
طلال:_ تامر زيود من هلعين قبل هلعين.
ناصر:_ لا يابوكم شنو هذا يقرر و هذا ينفذ جبو احسن لكم.
فراس:_ عمي انا ما اعرف في سوالف الحب بس كاهو دامنك تهربت يبان عليك يا ريال.
ناصر:_ فراسوه و وجع.
فرسا بطنازة:_ أبشر.
ناصر:_ أبشر ذبحك حتى انت صرت علي.
فراس:_ حشاني بس شسوي حمود جرني.
محمد:_ ايا بو الجذوووووب انت خلني اسنعك بعد العشى.
فراس:_ لا يا شيخ بعد العشى انت مو لنا الى غيرنا.
محمد يتخسبك و الشباب يطيحونها و ناسة.
ناصر:_ كفك فراسهو والله انك طلعت قدها.
فراس:_ اشلون عيل انا فراس ولد ابو طلال بن فارس.
محمد:_ ههههههههه و الله انه حافظ هلجمة و جاي يسمعها.
فرسا:_ حمود اثقل لا تشوف شغلك من الزين.
محمد:_ بل بل بل اسكت احسن لي لا توديني في داهية يابو الفضاحي انت.
الشباب كلهم:_ ههههههههههههههههههههههههههه.
و تمت سوالف الشباب و الضحك و التعليقات على الأخر و الجو ونااااااسة
من بعد 15 دقيقة تقريباً يعني ربع ساعة خلصو الحريم و الرياييل من العشى و كانو الرياييل قاعدين و وناسة مثل العادة...
أبو وليد:_ يبه محمد روح شوف الحريم متى بيزهبون الشاهي و الحلويات.
محمد:_ أن شاء الله يبه.
" محمد كان يبيها من الله عشان يشوف شهد"
قام محمد و طلع و راح المطبخ ما لقى احد راح عند الحلويات بياخذ له شي و بعدين بينادي على اخته نوف بصدفة كانت شهد رايحة المطبخ أول ما دخلت شافت محمد عاطيها ظهره ما عرفته بس أنحرجة شتسوي محمد حس في احد بالمطبخ و ألتف لقى شهد اموخيا راسها و كانت اجنان تخبل محمد مب عارف شيسوي بعمره..
محمد تمت عينه معلقة على شهد إلي مرتبكة من الحيا و منحرجة مب عارفة شتسوي تبي من ينقذها من الموقف لكن وين اهي خلاص انحطت جدام محمد و لحالها مصيبة...
شهد و أهي تلتف:_ مسامحة عن أذنك.
محمد لا أرادياً من كثر شوقه تمنى يشوفها و لما شافها تروح بحركة لا شعورياً مسك يدها...
شهد أرتجفت و حست بشي غريب لمسها ألتفتت إلى يدها لقة يد محمد عليها خلاص مب عارفة شيسوي مينون هذا يلمس يدي حاولت شهد تسحب يدها لكن محمد زاد من قبضته شهد من صج ألمتها يدها من قبضة محمد القوية عليها مب متعودة أحد يمسكها جذي...
شهد و أشوي تبجي من الفشلة ويدها عورتها:_ لو سمحت هد يدي.
محمد حس أنه ألم شهد خفف قبضته لكن هيهات يتركها يحس لما لمسها شي قاعد ينبض فيه بقوة شي دفعه و تقرب منها و همس لها...
محمد و أهو يهمس إلى شهد بنعومة روعة:_ اغليك من قلـبِ يعانـدزمانـهما ينتهي عمر الغلا دوم موعوديا شمس عمري يا دفاه وآمانـهياأغلا الملا فيك الغلا دايم يزود.
شهد خلاص ينت ذابت من قال لها هشعر محمد أهي مو كافي تحبه هم يزيدها شهد و عينها بلأرض:_ ممكن أروح.
محمد ترك يد شهد بنعومة بس قبل لا تمشي وقفها بكلمة:_ شهد.
شهد و أهي متخبلة يا حلات أسمي على لسانه لين قاله عساني فدوة له فديتك يالغالي...
شهد ألتفتت إلى محمد و عينها بلأرض...
محمد بجرئة كبيرة:_ و حشتني عينج ممكن اشوفها.
شهد تلبي طلباته لو شنو يبي كل شي غالي يرخص له بس انحرجت من طلبه..
محمد:_ تكفين شهد إذا لي معزة في قلبج و ريني عينج و الله وحشتني.
شهد و أهي مولعة و خدودها متوردات بشكل خجول رفعت عينها و تجمدت من شافت محمد صاير حلو اجنان محلو وياد و تعلقت عينها بعينه اما محمد من شافها خلاص نسى الدنيا و ما فيها...
شهد بحركة سريعة و أهي تمشي:_ عن أذنك.
محمد:_ إذنج معاج يالغالية.
شهد مسرع ما أختفت عن عين محمد و تركته هايم في هواها سكر عينه يبي يحتفض بصورت عيون شهد في باله و تم يتذكرها لما خجلة و لما لمسها و أهي منحرجة تمنى تعود الحظات و تطول لكن تنهد و على صوت نوف اخته فتح عينه...
نوف:_ حمودوه و وجع شتسوي أهني .
محمد:_ بسم الله اعنبوج انتي دوم تخرعين الناس.
نوف:_ اقول حمود عطني مكفاك يلا خلصني شتبي.
محمد بدلع و اهو يتقرب حذال أذن اخته:_ ابيج و الله غوتني عينج.
نوف و اهي تمسك محمد من اذنه:_ انت ليمتى ما بتيوز عن هلحركات.
محمد:_ أي أي هدي اذني اعنبوج ذبحتيها.
نوف تركت أذن محمد:_ شتبي خلصني.
محمد:_ جب يلا عاد مصختيها اقول لمتى ما بتحلونا ترى الوالد يقول وين الشاهي و الحلويات.
نوف:_ ويه كانا تونا يايين بنزهب لكم الحلويات و الشاهي يلا اذلف احين البنات و الحريم بدخلون يزهبون الحلويات. محمد:_ من بيزهب الحلويات و الشاهي.
نوف و أهي تعرف قصد محمد:_ حط يدك على قلبك ما بنتعب حبيبت القلب.
محمد و أهو يغمض عينه:_ ويه عساني افداها.
نوف:_ هي هي شتسوي اقول انقلع زين.
محمد:_ جب يلا عاد يلا اذا زهبت الحلويات و الشاهي ناديني.
نوف:_ حاضرين تامر على شي.
محمد:_ سلامتج.
طلع محمد من صوب و دخلو الحريم يزهبون الحلويات و الشاهي و تمو البنات في الصالة سوالف و ضحك.... محمد وهو يمشي في طريجه إلى الديوانية و باله في شهد و يتمنى من قلب ولهان حيييل لو شهد تكون قربه طول العمر كله و تريح هلقلب إلي ما عاد يصبر على البعد أكثر و الأنتظار و التحمل....
مضت اليلة و لا أحلى و الجو كان عند عايلة بن فارس روعة و جمعتهم يا حلاها كلها و على الساعة 11 بليل عند الحريم البنات ماخذينها ضحك و وناسة و الحلويات كانت على الطاولات و الشاهي على الجنب و العصير على جنب و روايح البخور تفوح بشكل روووعة و كان على طلب جاسم الخاصفي تنسيق باقات ورد جوري بلون الأحمر و الأبيض إلي كان طالع أجنان..... هناء و أهي تناظر ساعتها إلي على يدها:_ بليييه الساعة 11 وايد تأخرت.
ريم:_ لا تقولين بتمشين أحين.
هناء:_ شفيج ريمان وايد تأخرت و أنتي تعرفين الوالدة الله يهداها وايد تحاتي أحين تلاقينها ما رقدة تنتظرني.
ريم:_ لا هنوي قعدي وياي و الله وناسة.
نوف تلتفت إلى هناء و ريم:_ أنا اموت و اعرف شهلسرار إلي تتكلمون عنها ليكون أسرار الأمم المتحدة و حنا ما ندري.
ريم:_ لا أسرار و لا شي بس جوفي تبي تمشي.
نوف:_ خير شلى تبين تمشين هناء توه الناس.
هناء ببتسامة حلوة:_ ماعليه نوف مرة ثانية ازوركم و الله قعدتكم ما تنمل يالغالين بس تأخرت و احين اكيد الوالدة تحاتيني.
نوف:_ وعد تزورينا مرة ثانية.
هناء:_ وعد من عيوني.
نوف:_ سلامة عيونج يالغالية.
هناء:_ تسلمين لي يلا اشوفكن على خير بنات و تصبحون على خير. و قامت هناء ودعت الكل و طلعت و راحت معاها ريم بدصفة كان في هذا الوقت ناصر مع جاسم طالعين من الديوانية...
ناصر و هو مب ملتفت من الي معا ريم:_ ريماني ريمااااااااااان.
ريم ألتفتت إلى عمها و ابتسمت له طبعاً ما كان حذاله جاسم لأن جاسم رد اول ما شاف حريم بالحديقة...
ريم تلتف إلى هناءو تكلمها:_ تعالي هناء معاي شوي بشوف عمي شيبي.
هناء:_ ها عمج لالالا مينونة بعد اسواته لا عمري روحي أنتي يلا اشوفج على خير.
ما كملت كلامها هناء و يوصل ناصر و يكتشف ان الي معا ريم هناء و يتخبل من قلب...
ناصر يا زعم محترم موخي راسه:_ السلام عليكم.
ريم:_ وعليكم السلام هلا عمي.
ناصر:_ هلا بيج مسامحة ما دريت معاج أضيوف عيل أستأذن.
هناء و أهي تبي تطلع حالها من هذا الموقف:_ اقول ريم اشوفج على خير ان شاء الله و يلا تصبحين على خير في أمان الله.
ريم:_ في حفظ الرحمن.
مشت هناء و قلب ناصر راح معاها و تركت جسده جدام ريم
ناصر و اهو يلتفت إلى ريم مسرع ما أختفت هناء عن عينه:_ ريمان يالوسة ترافجين هلحلى و تخبين على عمج صج أنج حمارة.
ريم:_ هههههههههههه الله ياخذ بليسكن شلى ييت و خليتها تروح و الله من حفل التخرج ما شفتها و حشتني.
ناصر يسحب ريم من أذنها على لفها و دورانها على الموضوع و ما تجاوبه:_ هي ما تردين شلى تخبين ربيعتج عني و الله( و سكت ناصر).
ريم:_ ها و الله شنو كمل قولها سحرتك.
ناصر بحركة مايعة:_ ذبحتني ويلي على قلبي ويلي.
ريم:_ههههههههه تصدق عاد تقول يوم شافتك تخسبكت أول مرة تعرف عندي واحد لوسة جذي.
ناصر وهو رافح حاجب واحد بنظرة غرور و باين الكلام إلي قالته ريم مب عاجبنه:_ شنهو هذا جزاتي أدلها البيت و أرحب فيها أنقلعي لا بارك الله فيج و لا في ربيعتج.
ريم و أهي تمشي عن عمها:_ عدل شماغك يا بو الشباب تراك ذبحت رفيجتي.
ناصر وهو يطير إلى ريم:_ ها ذبحتها مب من اشوي تقول أنا لوسة.
ريم و أهي تضحك:_ أشوفك في البيت.
ناصر:_ تعالي أهني احسن لج و تكلمي.
ريم بحركة طفولية تطلع لسانها:_ أمممم مب جاية يلا انرز مع الرياييل عيب..
و مشت عنه و تركته حاير شسالفتها ساعة تقول لوسة و أحين ذبحتها و الله يا ريمان أن ما تحجيتي أرقدج اليلة في المقبرة بس أااااااااه تينن هلهناء ذبحتني عسا حياتها في هنا....
و على الساعة 11:30 الكل ودعو بيت أبو وليد و ردو بيوتهن
في بيت أبو طلال على الساعة 12:00 ريم كانت في دارها توها ماحذة بجامت النوم عشان بتبدل و ترقد و فجأة ينطق الباب..
ريم و أهي حاملة بجامت النوم في يدها و شعرها كان مرفوع بخفة و من كثر طوله متدلي على ظهرها و خصلات من شعرها على خدينها المتوردين :_ منو.
ناصر واهو يفج الباب:_ هاي يا بعد عمري يا بعد هلي كلهم شلونج عساج طيبة شمسوية.
ريم:_ ههههههههه هلا فيك عمي بسك نغز في الكلام خير شلي عندك خلصني ببدل و برقد.
ناصر يسكر الباب بحركة سريعة و يروح الى ريم يمسكها من يدها و يسحبها اتجاه الكرسي و يقعدها...
ناصر:_ سمعي ما في لا تبديل اهدوم و لا رقاد قبل ما تقولين لي اشي الي بتقولينه لي في البيت كاهو صرنا بالبيت يلا سرعي و احين.
ريم:_ بل بل بل كل هذا عشان هناء غالية.
ناصر بشهقة:_ هااااااااا محور الكلام عن هناء عيل ابسرعة احين لا ارقدج بالمقبرة.
ريم:_ زين زين ذبحتني اصبر ارفع شعري.
ناصر:_ لا يبوج شترفعينه خليه نازل حلو عليج طالعة قمر يلا عاد.
ريم:_ لا ياشيخ برفعه اليوم و غصبن عنك.