[nice^ cat]

اليوم قمت الساعة 6 الصبح ومتنشطة أحسن من قبل .. حتى العضة على ارقبتي ما صارت ماتعورني وايد..

شنو؟!؟ تبون احداث الليلة اللي فاتت؟
نعم؟!؟
شنو شنووووو؟!؟ ماتستحون هاي سوالف خاااصة لا تدشوون فيهاااااا..


خلاص شكلكم مصرين .. بقولكم اشصار ..



بعد البوووووســــــه ...

صج فشلة ..نزلت راسي مستحية شسووووي يه !
(خفي علينا بس يالخجوله)
ايواااااا .. حتى إني قمت ألعب بأصابعي خخخخخ

واهو ابتسم ابتسامته الساحرة اللي دوختني .. خخخخ

يعني بوووســـــه وابتسامه .. ياااي اثنينه في واحد ! (اشدعوة شامبو !)

يعني دوختين مرة وحدة ..

وعقب طلع من الغرفه وسكر الباب وراه..(ايوا شاطر جذي لا تهده مفتوووح)
وأنا ...رحت رقدت .. يعني اشسويت بعد ؟!؟ رقصت يعني ؟؟

لا مارقصت بس رحت رقدت !!
.... بس يعني تميت افكر ..خخخخ
المهم ... اليوووووووووم انا مستانسه .. لاتفكرون من البوسه .. هاي لأني كليت ..ايوا لأني كليت وصرت انشط اشوي ...

ترى اهو أمس قااال إن بنطلع للحديـــــــقه .. وهاي جزء من وناستي...

لبست وما غطيت ارقبتي بشي ..بس خذيت وياي نظارات شمسيه عشان لو طلعنا للحديقه وحطيتها فوق راسي ..

ونزلت تحت ابروحي ..
ما أتوقع يكون قايم هالوقت .. بس قلت خلني أنزل وأستكشف اشوي ..(في حالة لو حصلت طريج أشرد فيه!)
يوم شفت الخدامه .. ياية صوبي تحت الدري .. وتقول لي شتسوين قايمة .. بدري؟

قلت لا بس مو تعبانة ألحين ..

شفتها سرحانه اشوي وتقعد اتطالع في ارقبتي ..!
ويوم شافت اني أطالعها انتبهت .. وقالت .. أوكي تبين تتريقين ؟

قلت ..اممممممم ..(أفكر وينه فهودي الدب عشان اتريق وياه انيااهاهاهاهاهاااااااي !) ..سألتها .. وينه فهد؟ قالت اهو طالع بره بيرجع بعدين ... قلت خلاص بتريق ألحين .. قالت انزين ..

وأنا رحت للمطعم .. وقعدت ويابت لي اريوقي .. وكليت وخلصت .. ووقفت جدام الدريشة ..وأفكر ..باللي يصيرألحين .. واللي راح يصير بعدين ..



شلون بطلع من هذي المشكله !
باقي ربع ساعة عشان اتصير الساعة 7 وأنا ليحين أطالع بره الدريشة وسرحانه..

تعبت وأنا واقفة .. فقلت بطلع من اهني وبقعد أطالع تلفزيون ..

والخدامه معاي بكل مكان .. وأنا طالعه من الغرفه ولا أحسها سرعت اشوي من مشيها وراي .. كأنها قربت وايـــــد مني ..!

ولا ما أحس فيها إلا واهي تمسكني من شعري وتشدني ..!

وتمسكني من ارقبتي وتحاول اتعضني ..!

قاومتها .. ماقدرت اهي أقوى مني بوايد ..

قمت دست على ريلها بالقوة .. ومسكت ايدينها ..ماقدرت .. لكن وأنا أحاول ..قطتني عالارض ..

ويات عشان تمسكني مرة ثانية .. ولا أنا أقوم ابسرعة ! وأركض أحاول أشرد منها ..!
رحت للباب الرئيسي عشان أطلع .. وركضت وأنا أطالع وراي أشوفها تلحقني..!

وبدون ما أطالع ولا انضربت في حد ..! وطحت عالارض ..!

واطالع فوق .. للمرة الثانية طلع فهد !

قمت ابسرعة ولصقت فيه خخخخخ

قلت له شوفها ! هالمينونه! تبي تاكلنييييييييييييييييي!!!

ويوم يات وهي راكضة .. يوم شافته .. تفاجأت ووقفت مكانها ..

واهو يطالعها وعيونه طالعه منه الشرار ..!!

يمه حتى أنا تخرعت ..! بس تميت لاصقة فيه .. ماني ماني هادته خخخخخخخخ

(مستغله الموقف !)

كان في مثل سيفين متعلقين على جنب الباب .. وفي على الصوب الثاني بعد اثنينه .. انا عبالي حق الزينه بس ..

ولا اشوفه يبعدني ..(لا عادي خلني لاصقة أحسن خخخخ)

وياخذ سيف لكن الخدامه شكلها عارفه انها ما بتنجو فتمت واقفه !!!!

وأنا أطالع المنظر المرعب ..شنووو ؟؟!!؟؟ بيذبحهااا!!
أمسكه .. أقوله لالالالالا...!!
يبعدني .. ويـ..... أنا سكرت عيوني .. ولا أسمع صوت السيف! وكأن شي طاح عالارض .. ليكون راسها !!!

سمعته قط السيف عالارض .. ومسكني من ذراعي وانا ليحين مغطيه عيوني .. ووداني للصالة .. وقال لي: خلج اهني لا تطلعين ..ليما أناديج ..أوكي؟

وأنا هزيت راسي ..

واهو طلع ..

وأنا تميت قاعدة اهناك أتخيله يذبحها ..
بـــــل طلع قاتل !! عاد اهي كانت تبي تشرب دمي .. يعني أكيد دفاع عن النفس .. اشدخل !!
شلون قدر يذبحها .. أكيد متعود ..اهو دراكولا وعادي يذبح الناس ..ايوا بعد اهو أنقذني يعني مافيها شي .........

بعد ربع ساعة دش وقال لي: .. يللا تعالي معاي ..!!
..
))))
)))
))
)

وباكمل في جزء وااااايد يجنن بس ابي اشوف ردود