وهذي التكمله :::::
ما قمت إلا وأنا تعبانه بعد.. وأظن الدنيا اتظلم ..وقت المغرب ..
قمت ورحت عند الدريشه أطالع الخضره تحت والشير والورود
لكن المشكله إن في حدايد على الدريشة...
ليش يعني ..هاي موجودة من زمان ؟ ولا حطها بس عشان ما أشرد ؟؟؟
اللي عاجبني إن في نبته ورد الياسمين متشعبه على طوف القصر وياي منها اشوية على دريشتي مع ورودها البيضة والريحه الهادية والحلـــــــــــــــــــــوة !
لكن أشوف في البعيد ..كأنها صحرا مافي شي من هالنباتات بالبعيد ..؟
مو صحرا بالضبط .. لكن مافي أشجار وورود كثار ..
لكن اللي يفصل بين هالمنطقة والمنطقة الخضره .. اهو سياج اكبير حديدي ومغطيه النباتات والأشجار ..فيخلي اللي بره ما يشوف اللي داخل القصر ..أحسن .. يعني في خصوصية خخخخ
المهم .. كنت ناسية المنديل على ارقبتي .. لكني شليته مليت منه
وحطيت ايدي على ارقبتي ومسحت على المكان اللي يعورني ..
وقعدت على طرف السرير ..
ولا في حد يطق الباب!
انا تصرقعت ..!(لا يا شيخه احلفي ..!)
وقفت وقلت من..؟
(يعني منو أكيد الخدامه ولا دراكولتي! ) ( لا قمت أدلعه بعد خخخخخ)
رد ..أنا .. فهد ..
فتحت الباب .. وقلت .. ترى مافي مفتاح يعني عادي اتدش
ورافعه حاجب ..خخخخ
فهد: .. اي .. اخاف اتسكرين الباب ويصير فيج شي ولا شي ..
(كلش عاد يعني اشبيصير ..!؟!)
كنت برد عليه .. بس اهو شكله أصلا شكل العاشق الرومانسي الحزين خخخخخ.. كسر خاطري ..
فهد: .. انا ياي أتطمن عليج من طلعت وانتي في غرفتج .. ماتريقتي ..والغدا ماكليتيه أصلا ..؟
أنا: لا انا كنت تعبانه فرقدت ..
فهد: تعالي تعشي ألحين .. بس هالمرة أبيج تاكلين وايد ..سامعه ؟!
قلت انزين ..(وقلت في خاطري ان شالله يا عمووو.خخخخخ)
هالمرة..اهو نزلني .. لكن شنو ؟؟.. مسكني من ايدي ..!
ووداني معاه .. وأنا رايحه فيها ..خخخخخ
المهم .. لما وصلنا غرفة المطعم .. هدني وسحب لي الكرسي (مسوي فيها جنتلمان يعني خخخ)
قعدت وعقب اهو راح على بعد امتااار حق مكانه ..
خدامتين ثانيين جاو هالمرة وحطولي عشا اينن!
شي حلو وبعد انا يوعانة ..
واهو يابوله اللي يشربه ..دم!
عاد انا تعودت خلاص .. وتعشيت عشا اكبير .. وانترست ..ما قدرت أقوم ..!
وعقب قمنا نتكلم في أشيا مثلا .. عجبتني الغرفة ولا لا ..
وملابسي؟
والقصر؟
والحديقه ؟ .. مع إن ما طلعنا لحد ألحين بره بس قال انه بنطلع بعدين..
وعقب انتقلنا حق الصالــــــة العووودة ..
وكملنا كلامنا اهناك ..
لكن أنا اللي كنت أسولف أكثر شي واهو كان يسمعني وشكله مستمتع ومندمج بسوالفي ^_^..
وبعدين .. سكت أنا ...
فهد: أنا بكلمج عن .. لكن لا تتخرعين ..يوم عضيتج .. أنا عبالي انج بتصيرين دراكولا نفسي ..! لكن مادري انتي ليش ماتحولتي ..؟
وأنا مستغربــــــــــــه !!!
أنا: يعني انت تبيني أصير مصاصة دم نفسك ؟!؟
سكت .. وقال .. اي بس ليش ما شفت تغيير فيج ؟
اتعرفين .. لأن لو عضيتج وتحولتي هالشكل بتحبيني .. بتحبيني بس لو حولتج حق مصاصة دم نفسي...
لكن انتي ماتحولتي .. غريبه ..!
وانا عصبت ووقفت ورفعت صوتي وقلت له ...
انا: .. شلون .. شلووون تبيني أصير دراكولا ..مابي أصير نفسك !!
مابي أشرب دم أي حد !!
أنا مابي أتغير .. أبي أتم هالشكل ..نفسي !!
واهو متفاجأ ومنصدم مني ..! واهني حسيت عيوني قامت اتدمع..
ماقدر اتخيل إني أصير مصاصة دم!
لكن مابي أصيح جدامه .. ركضت ابسرعه في هالمتاهات .. ولكن شكلي ضعت .. ورحت مكان مظلم ويخرع ..وتميت أدش من غرفة لغرفة .. ماعرف وين أروح .. بديت اخاف وارتجف..
......بعد ربع ساعة وأنا ضايعة في الظلمة ...
ولا أسمع صوت اريول حد .. تميت أطالع حوالي .. كانت ظلمة ما شفت شي يتحرك ..لكن الصوت يقرب أكثر وأكثر ..
خفت ولا ألف ورا وأركض ولا ..آآآآآآآآآآخ !!
انضربت في حد .. وطحت على ورا خخخخخ
ولا أطالع فوق .. أشوفه اهو .. ومسك ايدي وقومني .. وقال أنا آســــــف .. انسي السالفة ألحين .. بعدين بكلمج فيها .. بس لا تدورين في القصر يمكن اتضيعين بدون ما حد يروح وياج .. عالأقل ليما اتعرفين كل الأماكن ..
ما كنت أشوف غير لمعة عيونه من ضو القمر اللي داش من الدريشه في هالغرفة الظلمة..
وعقب طلعنا ووداني لغرفتي ودشيت واهو دش وراي(اشتبي داش يالملقوف أبي أرقد اطلـــــــــع!)
وقفت في نص الغرفة ولفيت صوبه .. انطره يطلع ..
وقال لي تمسين على خيــــر .. وقرب عندي ..(لالا قربت وايد ستووووووب وخر وخر !) .. قرب عند خدي وانا ...لا تسألون عني .. وعطااااني بوســــــــــــــــــه!!!
)))
))
)
ادري ان البارت قصير جدااا بس ابي اكمل شوي ابي اسويها احلى واحلى
تحياتي
عشوووووووقه