[nice^ cat]

طبعا ما قلت من بداية إني كنت في بيت أختي والكمبيوتر موجود بالصالة الفوقية.. في اجازة الصيف دايما أروح بيت أختي .. تغيير جو يعني ..
لكني ما راح أتكلم عن عيلتي ..

المهم ..

اللي صار إني قمت وحصلت نفسي في السرير .. قلت شنو هاي كان حلم؟!؟

أنا ما أقوم ابسرعة لازم أتمخطر نص ساعة عالأقل في السرير..
ليش؟ لأن هاي من أعراااض الأنيميا .. ايوا نسيت ترى انا فيني فقر دم .. وبقولكم اشوية من أعراضها .. احم احم ..

ضعف عام وتعب
وإرهاق وكلما أبي أسوي أي جهد اتعب ابسرعة وأشاهق
كأني ركضت أميال...

وفقدان شهية بعد ..

وشحوب في لون الجلد..

كلما زاد فقر الدم كلما أتعب ابسرعة .. لكن الحمدلله أنا اشوية أوكي عن قبل ..

اشوية أوكي قبل أمس .. قبل ما يشفط دمي هالبالوعة..

أي بالوعه؟ .. صح كان حلم .. ايوا أنا أنسى وايد وما أركز .. هاي مجانا مع فقر الدم خخخخخ

المهم ..

أحس في تغيير في السرير..؟!

بعد شنو هالستارة اللي على السرير؟ ^^

لحظة .. هاي مو سريري !! <<

وهاي مو غرفتي !>>

وين انا ؟!؟> <

آآآآآآخ راسي يعورني ..-_-

بس خلني أقوم .. نزلت اريولي من السرير وحاولت أقوم مع هالصداع اللي شوي وراسي بينبط منه..

حركت ارقبتي اشوي ولا أحس بألم فيها .. أحط ايدي عليها ولا آآآآآي يعورررر شنو هاااي.. أحس في شي مثل .. مثل .. ثقبين !!


دخــــت ..قمت رقدت مرة ثانية عالسرير..
أسكر اعيوني اشوي .. ولا أسمع صوت الباب يتبطل !

ماقمت بروحي ما أقوى عالقومه .. بس سويت روحي راقدة !

أحس اللي دش قاعد يمشي في الغرفة .. اشوي اشوي يمشي صوبي .. ويوقف .. تم واقف خمس دقايق .. تعبت من التمثيل .. متى بيطلع اف .. أحس اني بضحك ألحين وبيكشفني خخخ !

شكله ناطرني من متى عشان أقوم .. راح بعدين سمعته يمشي بعيد .. بطلت عيوني اشوي اشوي .. وقعدت عالسرير .. ولا أشوف واحد قاعد على الكرسي اللي بنهاية الغرفة .. قاعد بالزاوية المظلمة بعيد عن الضو .. ومايتحرك كلش كأنه لوحه فنيه مخيفة ..!!

اهو قام ووقف .. وانطالع بعض من بعيد .. >> ... <<

تمينا ساكتين ..(ايوا أكيد ساكته يعني شنو تبوني أقوله.. يه!)

اهو قرب من عندي وقااااال..صباح الخيــــــــر !

هههه جملة مناسبة في مثل هالوقت اتصدقون خخخخخخ

ما كان ناطر ردي .. وقال لي ..
تقدرين تاخذين دش في الحمام وفي ملابس لج في الكبد جاهزة وبعد ما تخلصين..... تعالي تحت عشان تتريقين ..

عشان ... نتكلم ..

ابتسم وراح صوب الباب وطلع ..

بوصف شكله لكم بعد ما آخذ راحتي اشوي ..

قمت بصعوووبة .. ويوعانة خاطري آكل حصان ..!

لكن أول خلني أفهم شالساااااالفة !!!

رحت عشان أقفل الباب ..لكن .. وين الـ ..؟!؟

وين المفتاااح؟!؟
آآآآآآآه ماي بارد !

خذيت حمامي وقبل ما أطلع من الحمام بالـ روب..!
طليت من الباب أشوفه موجود ولا شي .. مافي حد .. اشوى ..

طلعت وبطلت الكبد ولا أشوف ملابس حلوة .. خخخ عنده ذوق الأخ .. زين بعد ..!

لبست وربطت منديل على ارقبتي عشان المنظر المرعب اللي عليها ..!

المهم .. قربت من الباب عشان أطلع ولا أشوفه تبطل ابسرعة في ويهي ..! آآآآآآي .. ضربني الباب في خشمي ..! خخخخ

ولا تطلع مرة من وراه .. شكلها الخدامه .. اتقول أوه سوري آنسة ليلى..!

لحظة لحظة .. حتى الخدامه اتعرف اسمي؟
شكله كل العالم يعرف عني أكثر من نفسي بعد ...!

قلت: لالا مو مشكله ..

أقولكم .. ترى حتى الخدامه شكلها .. شكلهااا .. غريب !

المهم ..

قالت لي تعالي أوصلج تحت حق المطعم ..

مشيت وراها .. وبعد كم لفة وصلنا حق دري (درج) عووود

من هالـ دري يتفرع صوبين يمين ويسار.. وأنا كنت واقفة فوق على صوب اليمين.. نزلت ووقفت عالدري العود .. وأنزل اشوي اشوي (خفي علينا يالـ أميـــــرة.. ! )

المهم..
نزلت وودتني الخدامه .. بعد كم لفة .. ترى ماحفظت الطريج من كبر البيت .. أو بالأصح .. القصر..

وصلتني لباب اكبير .. وفتحته ووقفت جنبه وتطالعني بطريقه غريبه..!

وقالت لي تفضلي..
وشفت طاولة مستطيله طويــــــــــــــــــــــله حلوة وفي نهايتها اهو قاعد .. والصوب الثاني مكان فاضي حقي ..

قلت أدش ولا ما أدش .. أدش ولا ما أدش .. أدش ولا ما أدش ..؟!؟

ولا صوته فاجأني يناديني يقول .. لي لي الحلوة ..!
أنا قاعدة في مكاني .. ومافي شي جدامي ..واهو ساكت..

شكلي كان يخرع !.. أي طبعا بعد ما شفط دمي وشفايفي صايرة بيضة و ويهي شاحب زيادة ومبين علي التعب..

تراه كان يقز فيني عدل جنه مو شايف خيــر خخخخ ولا كأنه مغازلجي الأخ وأنا مادري ..!!

بس أقولكم شكلـــــــه حلـــــــــــــو بمعنى الكلمـــــــــة !!!

مع إنه ويهه شاحب .. اهو ويهه طويل وضعيف وعيونه عسليـــــة !!..وشعره أسود..الصراحة مايبين لونه عدل من هالبعد ..

بس اللي لاحظته إنه مافي إنارة قوية .. شكله يتأثر منها ..
وما يقرب من ضو الشمس وايد .. إلا اشوية بس .

لكن في دريشة أو واجهة اكبيرة في المطعم ويطل منها منظر حلو .. الشير (الشجر) الكثيف وأظن في بحيــــــرة ! ياااااي حلو المنظر وايد .. ياريتني أطلع ....
قطع أفكاري .. وقال عجبج؟

هاي أول مرة أتكلم ..قلت ..

هاا ؟!؟

(خوش رد حق أول مرة .. خخخخخ)

ابتسم .. وقال عجبج المنظر؟ قلت ايوا..

قال : بتلحقيـــن عالطلعة .. بس تريقي شكلج تعبانه ..

(اي مالت عليك انت سبب هالتعب! )

ولا الخدامه اتدش وتييب لي اريوقي ..
اريوق حلو كان .. لكن اللي لفت نظري حق اللي يابته له ..

حطت جدامه .. قلاص ..قلاص .. دم!!!
انسدت نفسي ..ماقدرت آكل .. وأنا أشوفه يشرب هالـ .. دم!

قال لي يللا كلي عشان تستردين قوتج اشوي .. يللا ..

مسكت الغبشه .. وكليت اشوي .. كلهم على بعضهم لقمتين تقريبا ..

بس ما قدرت آكل بعد ..

طول الوقت واهو يناظر فيني.. ويقول لي اكلي بعد ..

يات الخدامه .. وشلت كل شي ..

وبعدين بدا يتكلم ..

يقول أنه يعرفني من سنوات.. لكن يمكن أنا ماعرفه إلا من مدة ..

ترى أنا شفته من مدة مو طويلة ..كنت قاعدة تحت ظل الشيرة .. وأراقب في الناس يمرون ويروحون..

كان وقت العصر .. ولا أشوف واحد طلع لي فجأة في ويهي .. ووقف جدامي وكانه يبي يقول لي شي .. بس هوّن.. أنا قمت من مكاني ووقفت وقلت .. نعم .. في شي ..؟!؟

قال .. لالا مافي بس .. كنت شايفج من بعيد .. قاعدة .. وقلت ..الصراحة ..أنا احس اني اعرفج من زمان .. وقلت يمكن اذا شفتج من قريب أتذكر ..

قلت اها .. بس أنا ماعرفك ..فأظن انك مشبه ولا شي ...
قال اوكي مشكورة.. بس ممكن أقعد وياج لأني تعبت..؟
قلت تفضل .. وقعدنا اثنينتنا .. وتمينا انسولف .. وعلى نهاية العصر وقبل المغرب .. قام وقال أنا تأخرت .. بروح ألحين .. ومشكورة على قعدتج الحلوة معاي .. قلت ويييييي

حتى نسيت أسألك عن اسمك !!

ضحك وقال ايوا أنا اسمي فهــد(دراكولا واسمه فهد ! خخخ)

قلت وأنا ليلى ..

قال ايوا أعرف .. ولا تغير ويهه كأنه قال شي المفروض ما يقوله ..

أنا استغربت وقلت .. شلون ؟ شلون اتعرف؟
قال لالالالا .. آسف ماعرف.. بس قلت جذي بالغلط..آسف
قال بعد أنه كان يعرفني من زمان .. لكن بس من بعيد .. وأنه كان يراقبني من سنوات .. لكن أنا ما كنت اعرف عنه إلا مؤخرا ..يوم قعد وياي تحت الشيرة ..

قمت أنا تجرأت وسألته ..ليش خطفتني؟!؟

نزل راسه وتم ساكت اشوي ..ورفع راسه وقال .. أنا ..أنا..

احبج !
ايوا أحبج من زمان!
بس كنت خايف لو قربت منج بتنفرين مني وتخافين .. لأني دراكولا .. ماعرفتي من قبل لكن ألحين اتعرفين ..
وقال إن مايصير أقرب لج وأقول لج اني دراكولا وبعدين اتمين معاي..

أكيد بتخافين مني .. فقلت أحسن شي اني أجيبج اهني عندي .. في هالمكان البعيـــد .. عشان تتعرفين علي بشكل أحسن .. عشان .. عندي أمل ..انج اتحبيني بعد ..!
ماعرفت شنو أرد عليه ..
بس لفيت ويهي وتميت اطالع المنظر اللي بره الدريشه ..

حسيت بالكئابة في هالغرفة المظلمة .. لكن نور الدريشة يجذبني ..

فقمت ومشيت للدريشة الكبيرة.. وتميت أطالع البحيرة .. وأتخيل نفسي قاعدة بره .. لكن الغريب ان اهو بعد تخيلته قاعد وياي..!

وبعد سؤال غريب وسخيف جا في بالي .. قلت له .. الخدم بعد نفسك ؟

قال ايوا كلهم ..

قلت له وين عيلتك؟
قال ماعندي حد بس أنا بروحي في هالقصر الكبير وحيـــــد....

وقلت .. كم عمرك؟ قال أنا عمري 22 سنه
وانتي .. 17 سنه صح؟ولا أنا غلطان؟

قلت لالا .. صح.

مع إنه خطفني .. والمفروض أكون معصبه .. بس شفقت عليه..!

(خفي علينا يالحنونه خخخخخ)
اهو طلع من شوي .. على قولته عنده شغل (حتى الدراكولات عندهم أشغال ؟!؟) ( هه دراكولات آخر زمن!)

الخدامه تمت وياي إذا كنت أبي شي .. ترى الخدامه اتخرعني بنظراتها .. وكأنها .. مادري شلون أقول عنها..!

قلت لها وديني غرفتي لأني مادل الطريج ..
بدون ما تتكلم وأنا أمشي وراها .. تعبت من هالروحات والجيات ..

وأمشي مترنحة .. ليما وصلنا الغرفه ودشيت وأنا أسكر الباب حطيت ايدي على قفل الباب عشان أسكره .. اي صح مافي مفتاح شلون أقفله ..اف

وقطيت نفسي عالسرير ..مرهقـــــة آآآآآآه ..

ولا انا رايحة في سابع نومه !