السلام عليكم ورحمة الله وبركاتــــــــــــه
القصة منقوله حفاظا للحقوق
تعديل : المشرفة
البـــــدايــــــــــــــة!
في الإجازة أنا دايما أسهر .. ولازم أخرب نومي .. شسوي أكون بروحي ومحد يزعجني .. أحلى جذي ..
هاليوم المشؤوم ..
اللي كنت سهرانه فيه .. وكنت قاعدة للكمبيوتر ومسكرة كل الليتات .. بس التلفزيون شغال لكن ماله صوت ..
قاعدة بهدوء وأطقطق عالكيبورد .. (طبعا مو قاعدة عالشات خخخخخ)
المهم ..
حسيت بقشعريرة .. وكأن في حد وياي بالغرفه .. وقفت اشوي اتسمع اذا في أي حركة .. يمكن حد قام ..لكن كان هدوء ..فما اهتميت ...
ولا فجأة !!
حد يمسكني بالقوة من ارقبتي ويثنيها و.. و .. ويعضني !!
منوو هاااي آآآآآآآي ارقبتي اتعوررررررر..
ما حسيت إلا وأنا أطيح عالأرض وأحس بالدوخة .. وقبل ما يغمى علي شفت ... شفت ...شفته!!
طبعا ما قلت من بداية إني كنت في بيت أختي والكمبيوتر موجود بالصالة الفوقية.. في اجازة الصيف دايما أروح بيت أختي .. تغيير جو يعني ..
لكني ما راح أتكلم عن عيلتي ..
المهم ..
اللي صار إني قمت وحصلت نفسي في السرير .. قلت شنو هاي كان حلم؟!؟
أنا ما أقوم ابسرعة لازم أتمخطر نص ساعة عالأقل في السرير..
ليش؟ لأن هاي من أعراااض الأنيميا .. ايوا نسيت ترى انا فيني فقر دم .. وبقولكم اشوية من أعراضها .. احم احم ..
ضعف عام وتعب
وإرهاق وكلما أبي أسوي أي جهد اتعب ابسرعة وأشاهق
كأني ركضت أميال...
وفقدان شهية بعد ..
وشحوب في لون الجلد..
كلما زاد فقر الدم كلما أتعب ابسرعة .. لكن الحمدلله أنا اشوية أوكي عن قبل ..
اشوية أوكي قبل أمس .. قبل ما يشفط دمي هالبالوعة..
أي بالوعه؟ .. صح كان حلم .. ايوا أنا أنسى وايد وما أركز .. هاي مجانا مع فقر الدم خخخخخ
المهم ..
أحس في تغيير في السرير..؟!
بعد شنو هالستارة اللي على السرير؟ ^^
لحظة .. هاي مو سريري !! <<
وهاي مو غرفتي !>>
وين انا ؟!؟> <
آآآآآآخ راسي يعورني ..-_-
بس خلني أقوم .. نزلت اريولي من السرير وحاولت أقوم مع هالصداع اللي شوي وراسي بينبط منه..
حركت ارقبتي اشوي ولا أحس بألم فيها .. أحط ايدي عليها ولا آآآآآي يعورررر شنو هاااي.. أحس في شي مثل .. مثل .. ثقبين !!
دخــــت ..قمت رقدت مرة ثانية عالسرير..
أسكر اعيوني اشوي .. ولا أسمع صوت الباب يتبطل !
ماقمت بروحي ما أقوى عالقومه .. بس سويت روحي راقدة !
أحس اللي دش قاعد يمشي في الغرفة .. اشوي اشوي يمشي صوبي .. ويوقف .. تم واقف خمس دقايق .. تعبت من التمثيل .. متى بيطلع اف .. أحس اني بضحك ألحين وبيكشفني خخخ !
شكله ناطرني من متى عشان أقوم .. راح بعدين سمعته يمشي بعيد .. بطلت عيوني اشوي اشوي .. وقعدت عالسرير .. ولا أشوف واحد قاعد على الكرسي اللي بنهاية الغرفة .. قاعد بالزاوية المظلمة بعيد عن الضو .. ومايتحرك كلش كأنه لوحه فنيه مخيفة ..!!
اهو قام ووقف .. وانطالع بعض من بعيد .. >> ... <<
تمينا ساكتين ..(ايوا أكيد ساكته يعني شنو تبوني أقوله.. يه!)
اهو قرب من عندي وقااااال..صباح الخيــــــــر !
هههه جملة مناسبة في مثل هالوقت اتصدقون خخخخخخ
ما كان ناطر ردي .. وقال لي ..
تقدرين تاخذين دش في الحمام وفي ملابس لج في الكبد جاهزة وبعد ما تخلصين..... تعالي تحت عشان تتريقين ..
عشان ... نتكلم ..
ابتسم وراح صوب الباب وطلع ..
بوصف شكله لكم بعد ما آخذ راحتي اشوي ..
قمت بصعوووبة .. ويوعانة خاطري آكل حصان ..!
لكن أول خلني أفهم شالساااااالفة !!!
رحت عشان أقفل الباب ..لكن .. وين الـ ..؟!؟
وين المفتاااح؟!؟
آآآآآآآه ماي بارد !
خذيت حمامي وقبل ما أطلع من الحمام بالـ روب..!
طليت من الباب أشوفه موجود ولا شي .. مافي حد .. اشوى ..
طلعت وبطلت الكبد ولا أشوف ملابس حلوة .. خخخ عنده ذوق الأخ .. زين بعد ..!
لبست وربطت منديل على ارقبتي عشان المنظر المرعب اللي عليها ..!
المهم .. قربت من الباب عشان أطلع ولا أشوفه تبطل ابسرعة في ويهي ..! آآآآآآي .. ضربني الباب في خشمي ..! خخخخ
ولا تطلع مرة من وراه .. شكلها الخدامه .. اتقول أوه سوري آنسة ليلى..!
لحظة لحظة .. حتى الخدامه اتعرف اسمي؟
شكله كل العالم يعرف عني أكثر من نفسي بعد ...!
قلت: لالا مو مشكله ..
أقولكم .. ترى حتى الخدامه شكلها .. شكلهااا .. غريب !
المهم ..
قالت لي تعالي أوصلج تحت حق المطعم ..
مشيت وراها .. وبعد كم لفة وصلنا حق دري (درج) عووود
من هالـ دري يتفرع صوبين يمين ويسار.. وأنا كنت واقفة فوق على صوب اليمين.. نزلت ووقفت عالدري العود .. وأنزل اشوي اشوي (خفي علينا يالـ أميـــــرة.. ! )
المهم..
نزلت وودتني الخدامه .. بعد كم لفة .. ترى ماحفظت الطريج من كبر البيت .. أو بالأصح .. القصر..
وصلتني لباب اكبير .. وفتحته ووقفت جنبه وتطالعني بطريقه غريبه..!
وقالت لي تفضلي..
وشفت طاولة مستطيله طويــــــــــــــــــــــله حلوة وفي نهايتها اهو قاعد .. والصوب الثاني مكان فاضي حقي ..
قلت أدش ولا ما أدش .. أدش ولا ما أدش .. أدش ولا ما أدش ..؟!؟
ولا صوته فاجأني يناديني يقول .. لي لي الحلوة ..
تحياتي
عاشقة كورنيليا
تشااااااو << على قولة رفيجتي
تحياتي
عاشقة كورنيليا
°ˆZ*¤®§(*§*)§®¤*Zˆ° HkJJJJJh >>> ,hg]vh;JJJ,gh hg,sdJJJJJl! °ˆZ*¤®§(*§*)§®¤*Zˆ°
الموضوع الأصلي :
°ˆ~*¤®§(*§*)§®¤*~ˆ° أنـــــا ... والدراكـــولا الوسيـــــم! °ˆ~*¤®§(*§*)§®¤*~ˆ°
||
القسم :
صندوق ذكرياتـــنــا ..
||
المصدر :
منتديات بنات دوت كوم
||
كاتبة الموضوع :
nice^ cat