واقع حياتنا
السلام عليكم ورحمة الله وبركاته استغرب من اللي استغرب من اللي كل ويم يقرى جرايد وما يطوف ( الجريمه ولا عدد ) وعارف وقاري عن بلاوي الأندونيسيات وجرمهم ، وللحين ينّوم عياله كل يوم ويه خادمتهم الأندونيسية بروحهم من الصبح لي اعلصر على ما ايي حضرته ومرته من الدوام !!!! والله حاله http://www.gonecountrygraphics.com/cybheartdiv.gif استغرب من اللي تقول الناس بس تطالع وتنتقد وما تخلي أحد بحاله ولمن تشوف لبسها تقول يا ساتر وين قاعدين !!! والله حاله http://www.gonecountrygraphics.com/cybheartdiv.gif استغرب من اللي مربي اللحية اللي راح توصل الأرض ويدش غينيس على أطول لحية ومن كثر حبه لله تعالى والزهد في الدنيا تلاقيه حتى مو لابس نعال ،، وآخر شي تمشي وراه بنته عمرها مو أقل من 16 سنة مو محجبة وطولها طول الشبّة ( عمرد الإنارة ) ولمن تسأله ليش مو محجب بنتك يقول لا توها ياهل ما بلغت للحين !! والله حاله http://www.gonecountrygraphics.com/cybheartdiv.gif استغرب من اللي مضيع كل فلوس المعاش على أفلام السهرة بالليل حق الديوانية مع الربع ، وإذا مرته قالت بشتري فلم يديد حلو قالها لا ليش تقطين الفلوس عالخرابيط وتلقاه اهو أول واحد رايح شاريه !! والله حاله http://www.gonecountrygraphics.com/cybheartdiv.gif استغرب من اللي فاتحين الدوام قهوه ، ياكلون حب ويشربون قهوه وجاي ، ويحشون بفلان وعلتانه لا ويطالعون تلفزيون بعد ، ولي يه وقت المعاش تشرهوا على المعاش ومو عاجبهم بعد !!!! والله حاله http://www.gonecountrygraphics.com/cybheartdiv.gif استغرب من اللي اتقوله امه قوم طلع خواتك وونسهم يمه ، يقولها لا يمه آنه تعبان وبقعد بالبيت ،، ويوم اطلعوا بروحهم قام وكشخ وطلع ، المصيبة إذا شاف أهله بالمكان اللي راحه ويوم تسأله أمه تقول هايمّه شيابك اهني ؟ يقول يمه صرت زين قلت أطلع أغير جو !! آخ يالنحيس صج حظه قراده بس يستاهل !!! والله حاله http://www.gonecountrygraphics.com/cybheartdiv.gif استغرب من اللي طول اليوم طايحيله مجابل بالأغاني والكليبات والمزيكا ، ويوم يصير وقت الأذان ويقول المؤذن الله أكبر غيروا القناة وقالوا هذا وقته !!!! والله حاله http://www.gonecountrygraphics.com/cybheartdiv.gif استغرب من اللي تسولف اي شي جدام السايق ، لا وتفصخ لفّتها إذا اهو موجود ، ولمن يسألونها شلون تفصخين جدامه تقول عادي هندي !!! والله حاله http://www.gonecountrygraphics.com/cybheartdiv.gif استغرب من اللي لي أذن المؤذن دشوا المجمع الفلاني وبنفس اللحظه وقعدوا يفرون ويطمشون على الأوادم لمدة 4 ساعات ، لا ويكون في مصلى بالمجمع !!!! والله حاله http://www.gonecountrygraphics.com/cybheartdiv.gif استغرب من اللي يقعدون يذمون ويسفلون ويطيحون حظ برنامج ويقعدون طول اليوم يذكرون مساوءه وينتقدونه ، وآخر شي يطلعون اهمه من أول المتابعين له وأشد المعجبين بالمذيع / المذيعه ونص فلوسهم طايرة عالمشاركة فيه !!!! والله حاله http://www.gonecountrygraphics.com/cybheartdiv.gif استغرب من اللي صايرله شهر مو زاير أهله ولين حصل عزيمه من أحد من أهله قال لا والله مشغول قد شعر راسي ،، بس ما يتردد للحظه إذا عزمه واحد من الربع عالعشا ويلبي العزيمة بكل سرور !! والله حاله http://www.gonecountrygraphics.com/cybheartdiv.gif استغرب من اللي طول عمره ملتزم ويخاف ربه ، ولمن راح يبي يكمل نص دينه ويخطب نسى جمال الروح والأخلاق وسأل أبوها اهي حلوه ؟ .. اي يبا ما قلنا شي التوافق مطلوب بس عاد من أول سؤال شبيقول الأبو !!!! والله حاله http://www.gonecountrygraphics.com/cybheartdiv.gif استغرب من اللي اذا طلع من البيت يقعد ايوزع ابتسامات على بنات الناس وما فكر ولا مره انه يبتسم حق خواته بالبيت !!! والله حاله http://www.gonecountrygraphics.com/cybheartdiv.gif استغرب من اللي سيارته حدها زقرت آخر موديل ، والحبيب يطلع فيها جلحه ملحه مو مغسلها من اسبوعين ،، يا لأخلي على هالكشخه عزان تحطلك غسال يغسلها يوم وترك !!! ههههههههههههههههه .. هاي حلوة :008: http://www.gonecountrygraphics.com/cybheartdiv.gif استغرب من اللي ذابحنا مقاطعه و مقاطعه وتلاقيه يشرب ببسي وياكل كتكات ويشتري من أمريكانا لا وكل خميس عشاه من برجر كينج ، لا وبعد ما يعترف انه ما يقدر يعيش بدون المنتجات الغربية !!!! والله حاله http://www.gonecountrygraphics.com/cybheartdiv.gif منقــــول من الE-MAIL ودمتن بخير |
أي والله حاله
مشكوووره على الموضوع الطيب جنى |
هههههههههه .. شكلج اتعاديتي .. العفو حبيبتي .. وشاكرة لج عالطلة ودمتي بخير :) |
يسلمووووووووووووو عالموضوع الرووووووووووووعه مثلج |
الشخص اللي كذا .. مريض .. في شخصيته تناقض عجيب .. قال تعالى : (( اتأمرون الناس بالبر وتنسون أنفسكم وأنتم تتلون الكتاب )) هذي الآيه تتكلم عن الشخص هذا وأنا بعد استغرب من إن جوال الكاميرا ممنوووووع بالكليه .. وتلاقين الدكتورات كلهم طاقين الباندا والدمعه ! |
:: ميمي :: الله يسلمج حبيبتي .. وشاكرة لج عالطلة :) ودمتي بخير |
:: روزاليندا :: شاكرة لج عالطلة .. وأشكرج على اضافة معلومة جديدة لموضوعي ويارك الله فيـــــــج .. والى الأمـــــــام ودمتي بخير |
7 7 7 7 صدق والله حاله ..:( اقتباس:
يعطيج العافية أختي |Rock girl أختكم توأم نوّيره . |
|
:: توأم نويرة :: صدقتي أختــــي .. والله يعافيج حبيبتي .. ودمتي بخير |
الساعة الآن 01:16 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.