|
خاص جدًّا [للبنـات فقط] ..
- السلام عليكم ورحمة الله .. من مدة قريبة في المدرسة .. كانت الأستاذة تشرح لنا وحدة من دروسها المملّة ، والفصل هادي على أساس إنها أول حصة والبنات نايمين ، قعدت أتلفت حولي أدوّر شيء يلهيني ، لفت نظري وحدة من زميلاتي البعيدات عنّي في الفصل ، كانت تعابير وجهها تجميع بين (القرف ، الاستنجاد ، الرّغبة بالبكاء) ، حاولت أستنتج سبب الضيق هذا لكن ما قدرت ، على العموم حطيت راسي على الطّاولة ونمت إلى ما رنّ الجرس ، كان علينا بعدها حصّة فراغ ، وكالعادة تجمعوا البنات في دوائر ، شفت زميلتي المتضايقة جالسة لحالها لأن صديقتها الي جنبها غايبة ، استأذنت منها وجلست معاها ، ما أمدانا نسولف وكذا إلا فاجأتني بجملتها: أنا ودّي أغيّر مكاني وأجلس أي مكان بالفصل لو عند الباب! استغربت منها ، سألتها عن السّبب ، أشّرت على البنت الي جالسة قدّامها وقالت: هذي سبّبت لي مرض نفسي ، ما قد مر يوم سلمت من ريحتها !! كانت هذي مو أوّل ولا آخر شكوى أسمعها عن هذا الموضوع ، ما يمر أسبوع أسبوعين إلا وبنت جاية تشتكي لي من نفس السّالفة! أنا أبي أفهم ليش؟ للأسف واحنا الجيل المتحضر المتعلم ، ما نهتم بأهم شيء ، إلي هو نظافتنا الشّخصية! إن الله جميل يحب الجمال ، ومن أساسيات الجمال المهمّة (النظافة) ، أذكر مرة كنت رايحة عرس ، رحت للمغاسل أدور لأني طفشت من الجلسة على الكرسي ، كنت أتفرج على الي يدخلون ويطلعون ، الي حاطة طبقات مكياج تبي تروّع المعازيم والي قماش فستانها كأنه ستارة – اللهم لا شماته - لفت نظري وحدة ما شاء الله أعجبني ذوقها باختيار ملابسها وشعرها وكل شيء ، كانت داخلة المغاسل عشان تصلّح مكياجها ، شاءت الأقدار إنها توقّف جنبي ، أنا طلعت عيوني من مكانها ، تركت مكاني وفضلت إني أنطق بالكرسي حقّي وكرهت اللحظة الي قررت أروح فيها لهذا العرس! البنت لما مرّت جنبي بغيت أدوخ! توقّعت إنها ما تروّشت من شهر يمكن ، معقولة فيها ناس تحرص على كل شيء في مظهرها وتصرف الوقت والجهد والفلوس عشان تطلع بأحسن مظهر عند النّاس ، وبالأخير ينهدم هذا كلّه مع ريحتها الفتّاكة! حرام يصير كذا ، الأجيال القديمة كان ممكن نعذرهم ، كانوا يعانون مشقّة في إنهم يلقون حتى مويه للشرب ، أنتِ كل شيء متوفّر لك ، بضغطه زر تتحكمين بكل شيء ، معقولة وصل العجز إنّك توقفين تحت الدّش عشر دقايق كل يوم؟ إيه كل يوم ، أجواءنا الجميلة تفرض علينا ، الشّمس الي تحرقنا وتخلينا نموت من الحر و(العرق) ، المفروض الوحدة مننا كل يوم تتحمم ، مرة وحدة من صديقاتي جايتني وجهها أسود ، حسبت مات عندهم أحد ولا سقطت ولا شيء ، جيت بسألها وش السالفة قاطعتني ، قالت لي إن فلانة الفلاني الي معانا بالفصل ، ونشوفها كل يوم مستشوره شعرها وفاكّته وكل يوم حاطة لي مناكير لون وتتفنن بألوان الملابس الي تلبسها ، تقول سألوها البنات من متى مستشورة شعرك؟ قالت بكل بساطة: الثلاثاء الي فات !!! كان اليوم هو يوم الاثنين ، تصوروا من أسبوع ما لمس شعرها المويه! من أسبوع ، والله لما سمعت السالفة تذكرت النكتة هذي (فيه قمل عايشين بقحط ليه؟ لأنهم عايشين على راس واحد ما يتروش) ، أدري إن النكتة ماصلة ، وكل ما سمعتها قعدت أتهزا باللي مألفها ، وما في يوم بحياتي توقعت إن ممكن يكون صدق ، على فكرة البنت الي أتكلم عنها البنات بالفصل يدعون البنات دائما إنها ما تتحرك ، عشان ما تنشر عطرها الفواح ، بتقولون يمكن شعرها (خشن) ، وما تبغى تغسله كثير عشان ما يتحوّل ليفة ، ما فيه اختراع اسمه (زيت ، بلسم ، شامبو للشعر الجاف) ، وعاد لو كانت حالتها حرجة مو شرط تغسله كل يوم ، بس رجاءً ما تتعدى ثلاث أيام ، طبعاً تغسل جسمها كل يوم ولا وش الفايدة؟ وأهم شيء تحافظ عليه مزيل العرق (الديودرينت) ضروري تستخدمه كل يوم بعد ما تتروش ، لو تتروش عشر مرات باليوم ، مو تستخدم لي ليمون ولا الثاني والثالث وتقول أنا ما أستخدم إلا أشياء من الطبيعة بس! حطي ليمون حطي بهارات إن شاء الله ، بس ما تغني عن الديودرينت أبداً ، ما كتبت هالكلام إلا حفاظاً على مشاعر البنات ، مثل الي بالقصة الأولى ، وغيرها كثير كثير! ولمصلحة البنات المعنيين بالموضوع ، كله عشانهم ، وراح يعكس عليهم بنتائج سيئة جداً جداً جداً ، أهمّها الراحة النفسية ، مستحيل إنسانه تكون (وصخة) تكون سعيدة ولا مو متضايقة ، كله ينعكس على نفسيتها ، ولا أبغاها بعدين تجي تقول أنا ركبي سوداء أنا أكواعي غامقة! لا حبيبتي ، ما اعتنيتي فيهم من البداية وتبغينهم بقدرة قادر يتحولون بيض! وطبعاً علاقاتها الاجتماعية راح تكون في الحضيض ، زميلاتها راح يتجنبونها بالمرة ، صديقاتها بيحاولون يبعدون عنها ، والطّامة الكبرى على أهلها المساكين ، البنات من وراها والله ما يرحمونها ، فيه بنات معروف بين المجتمع إنهم (وصخات)! ليش أخلّي النّاس تتكلم فيني وتنتقدني؟ ليش ما أتجنب هذا كله وأحافظ على نظافتي ليه؟ وسلبيات كثير لو عديتها من كثرتها ما راح أخلّص ، رجاءً من بعد اليوم ، ما أبي أسمع شكاوي من هذا الموضوع ، ما أبي أمشي بين النّاس وأنا سادّة خشمي ، أهم ما في البنت أخلاقها ومظهرها ونظافتها ، كله عشان مصلحتكم ، نبغى نعيش بمجتمع نظيف! وأخيراً أعتذر على قوّة اللّهجة ، لكن الكلام كان بنفسي من زمان ، وطالع من صميم القلب لكل بنات جيلي ، كان ودّي أتكلم أكثر لكن لو تركت لنفسي المجال ما راح أوقّف ، أهم شيء إنّي وصّلت الفكرة وأتمنى إنّها تتطبّق ، أنشروها لتعمّ الفائدة ، وشكراً لمتابعتي للأخير ق1 .. ، - تأيديني بكلامي؟ - لو كنتي تأيديني وش تحسين أفضل طريقة للتغلب على هذي الظاهرة؟ - رايك بالبنات من هذي النّوعية؟ * سيتم نشر الموضوع في الإيميل ، وهو من جهدي الشّخصي .. |
اولا شكرن لج على الطرح
أي اناا أيدج .. لان الصرااحه هذاا النوع من النااس يضاايق الي معااه و يضاايق نفسهه يكفي ان الناس راح تتحاشا من الجلووس معاااه \ في نااس يكوون فيهم مرضض يعني بسرعه الجسم يفرز ريحهه \ و لله الحمد الي عافانا اما في نااس الله يهدييهم تاقلمووو مع الريحه - أصلن ماا يحسووون .. الحمد لله و الشكر أذكر لما كنا بالمتوسط \ المدرساات زفف فينااا على ريحة الصف \ يعني الحبيبه الي ريحتهاا فايحه فشلت روحهااا و ظلمتناا معاهاا الحل الامثل النصيحهه يعني تقووليين لناا باسلووب امثلل او تكتبيين لها بورقه \ يعني اهيه مسلمه تعرف النظااافه و القذااره سواالف البناات ما تخلصص من هالناحيه الي حطت صاابون ديتوول بدرج أم ريحه =S و غيررر الاورااق المطرااش !!! بالنسبه حق الرواائح الي بالعرووس غالباا تكوون الريحه من الحركه الزايده يعني الحبيبه بترقص و تعرقق و المكاان اكيييد رااح يكوون حاار من الانفااس أو تكوون متسبحه و البدله لابستهااا من غيير لا تغسلهااا .. ربي لا يبلييناا .=) اتمنى تتقبليين مرووري واسفه اذا طولت .. =) |
اول شي يسلموو ع الموضووع المميّز ..
بـ صرآآحـه أنــا أأيدك بـ كلآمك وبقوهـ .. لأني صرااحه معانيه من هـ الريحه .. والمشكله البنات اللي ريحتهم كذا مايشمونها مدري شلووون .. وأنــا ما أحب اني أروح لها وأقوول لها ريحتك مو حلوهـ يعني أجرح مشاعرها .. لكن هي المفروض تهتم بنظافتها .. وحتـى لوو ماشمت من نفسها ريحـه تتحمم يوم ورا يوم ولآ كل يومين ع الأقل , و هـ الريحـه ماتطلع الا من اللي يجلسون اسبوع .. وبعدين حنـا صيف يعني الريحه مظااعفه .. والأم لهآ دوور كبير لآزم تعلم بنتها لو شمت فيها ريحه ولا تقول لها تتحمم .. وبـ النهايـه أحب أشكرك ع الموضووع مره ثانيـه .. موضووع حماسي صراحـه ض1 تحيآآتي لكِ ~ |
يؤيؤ وقعتي على الوتر الحساس :ضحك:
انا ما احب ولا اطيق الناس اللي زي كذا اللهم لا شماته يعني اكيد مليون بالميه تقدر تتروش ما اقول ترطس عمرها بالمويه من اول الصبح لين الليل وكل يوم اقلها اقلها ما تتروش مده ما تتعدى يومين << بالنسبه للجسم والشعر مثل ما قلتي ثلاث ايام .. واللي تجي تقول اصلا اللي يقول كذا غبي ما عنده ثقافه الشعر لازم يطلع زيوته واللاشياء اللي فيه لأن اذا تروشتي كل يوم يخرب الشعر ومدري ايش ما قلنا كل يوم غسسلي شعرك جسمك كل يوم << ما فيه ضرر عالجسم اذا كنتي تهتمين بعمرك وتحطين كريمات والشعر كل يومين ثلاثه غسسليه وتكون الزيوت طلعت !! .. والا مره في يوم من الايام دخلت علينا المراقبه وقالت يا بنات لازم تهتمون بالنظافه ومدري ايش وكل يوم تغسسلون مراييلكم وشراريبكم ومدري ايش لأن جايينا شكاوي من بعض البنات !! المهم بعد ما طلعت الاستاذه بنت طلعت وبكل وساعة وجـه قالت وش تبي ذي مسويه لي نظيفه تخيلو بس كل يوم اغير شرابي !! << انا لما قالت هالكلام غسسلت يدييني منهاااااااا وش ذا الوقاحه تقول كذا قدام البنات ولا بعد تقول صار لي ثلاث ايام ما غيرته << البعض بيقول حركات اطفال والبعض ما رح يصدق بس والله العظيم هذا اللي حصل .. اصلا البنت ما تستحي تطلع من البيت وشكلها كذا وريحتها كذا والله ما فيه اسهل منها قبل ما تنامين والا اذا رجعتي من المدرسه والا بالصباح ترووشي !! غيري ملابسك يوميا لأن حنا يغلب على جوونا الصيف والشمس الحارقه !! .. طوولت مرره عاارفه بس تحمسست والموضوع هذا دااااااايم يتكرر ونفس السيناريو ينعاد ونفس الكلام وما فيه فايده .. الله يعين بس ملقووفه اشكرك على المجهود والطرح المميز لا عدمناك غاليتنا ق1 |
مهوٍوٍوٍيّ ق1ق1
تسلمين على المُوضوع الرآئع ، المفيـد (F) على الأقل خلينـآ نطلّـع حرتنّـآ في هـ المُوضوع :( ! . . الكلآم في هـ الموضوع رآح يُـطوٍوٍل ~ أوآفق البن ـٍآت في كِـل شيء قـآلوهـ :/ . . اقتباس:
أكيد فكِل شيء قلتيه صح × صح ق1ق1 اقتباس:
قد تكون النصح ولكن بطريقة مؤدبة ، فإذآ كـآنت الفتاة غلطآنه و لم تهتم بنظآفتهآ فلمآذآ أن أقل أدبي لكي أنصحهآ ! اقتباس:
أتمنى أن يجدوآ طريق الصوُ آ آ آ ب . . |
اقتباس:
النّاس الي فيهم مرض لازم يلقون حل للمشكلة بأي طريقة .. إيه والله الحمد لله ، صدقتي جو الفصول في فصل الصّيف حدّث ولا حرج ، الواحد يكره نفسه .. النّصيحة تخافين تزعل ولا تسيء لك ، لكن حلوة فكرة الورقة .. الحين قاعات العروس تصير مرة باردة ، وهذي الي تعرف إنها تعرّق من الرّقص تنطق وترقص ببيتها مو عند العالم .. يا إلهي شيء يروّع ، أصلا المفروض خلاص الواحد من أوّل لبسه على طول على الغسيل .. إلا فيه بعض الملابس ممكن تخرب مع الغسل الكثير أو إنها ما جلست فيها إلا وقت قصير مرة وما احترّت .. آمين يا ربّ ، أسعدني مرورك جدًّا ، بالعكس عادي يهمّني رأيك ق1 ق1 .. |
اقتباس:
إلا يشمونها بس خلاص تعودوا عليها أستغفر الله .. معاك حق ، بس ممكن ناس من يوم يومين تطلع فيهم ، على العموم كل وحدة وتعرف طبيعة جسمها .. هذي المشكلة الأم لو ما قالت لبنتها مين يقول لها؟ العفو ، شكراً لكِ ق1ق1 .. |
- تأيديني بكلامي؟ اي أأيدك بكلاااامكـ.. - لو كنتي تأيديني وش تحسين أفضل طريقة للتغلب على هذي الظاهرة؟ ما ادري بالضبط انا بصراااحه اتجنب اي بنت اتوقع انها من هذول البنات - رايك بالبنات من هذي النّوعية؟ احسها عايشه بالعصر الحجري.. اللهم لا شماته.. اختــي ..ملقوفه نسيتــي شيء مهم كمااان وهوو تفريش الاسنان والله في ناس اعرفهم اشكالهم بتهبل ما شاااء الله بس يوم ييجوون يضحكوون تطلع الفضااايح .. استغفر الله |
وع فكررره نسيييت ما اقوول لك..
في بعض الناس والحمد لله الذي عافانا ريحتهم كذا مهما اتروشوا هذا مرض ويزيد حسب الحاله النفسيه.. يمكن انك ظالمه البنت الي بالزواج.. |
عزيزتي ملقوفة اشكرك على الموضوع الراقي
ماراح ازيد عن اللي اتفضلوا بيه الاخوات والله النظيفة نظيفة وين ما كانت حتى ان شاء في السوق بس طبعا ماتتعطر لكن العباية العبااااااااااااااااااااااااااااااااااية روائحها ياناس لان من نظافة الشخصية نظافة الملبس والله واحنا في الايام العظيمة ذي نقضي للعيد والمحلات زحمة يا دخلت في وسط محل بين حريم بغيت اصيييييييييييح بكل صوتي من ريحة العبي ومرة اتبدلت عبايتي مع وحدة في المدرسة واضطريت البس عبايتها لاني ما اكتشفت الموضوع الا وقت الانصراف والناس كلها خرجت والله اول طول ماني في الطريق وعيوني تدمع من الريحة الفظيعة واول ما رجعت البيت استحمييييييييييييييييت من القرف اتخيلي هذه العباية كيف جسمها |
| الساعة الآن 04:01 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.