|
(( روحــــي فــــداك )) قصة حب كويتية..من تأليفي...
بسم الله الرحمن الرحيم حبيت أنزل أول قصة من تأليفي يمكن في البداية متخوفة و مترددة من رأيكم بس تحديت هذا التردد عشان أحقق حلمي و أكون كاتبة مبدعة و هذا حلمي من الصغر قبل كل شي إذا قريتوها أبي رأيكم بكل حقيقة و أحين رح أبدي مع الشخصيات و من بعدها بنزل أول جزء... (( روحـــــي فـــــداك )) قصة حب كويتية..للكاتبة " ريماني الفوارس " "الشخصيات" 1) أبو وليد أكبر واحد في أخوانه و متزوج من أم وليد و عنده:_ 1. وليد:_ أكبر ولد متزوج من بنت عمه بدور و عنده بنت و وليد عمره 30. 2. جاسم:_ ثاني واحد متخرج من جامعة لندن بشهادة كبتن طيارة وعمره24. 3. نوف:_ الثالثة للحين ما تزوجة و كملة دراسة في الجامعة عمرها 21. 4. محمد:_ أخر العنقود و موظف في الشركة الخاصة بالعايلة و عمره 20. 2) أبو مشعل الثاني في أخوانه و متزوج من أم ناصر و عنده:_ 1. ناصر:_ أكبر ولد و متخرج من الجامعة بشهادة بزنز و ما تزوج و عمره26. 2. ملاك:_ الثانية و كملة الدراسة في الجامعة و عمرها21. 3. زياد:_ الثالث و كمل الدراسة و موظف في الشركة و بعمر ولد عمه جاسم 24. 4. مروة:_ أخر العنقود كملت المدرسة و بعمر ريم بنت عمها 18. 3) أبو طلال الثالث في أخوانه و متزوج من أم طلال و عنده:_ 1. طلال:_ أكبر ولد و موظف في الشركة و للحين ما تزوج و عمره 25. 2. شيخه:_ الثانية و كملت الدراسة في الجامعة و ما تزوجت و عمرها 23. 3. لولوه:_ الثالثة و كملت الدراسة في الجامعة و ما تزوجت و عمرها 21. 4. فراس:_ الرابع و ملتحق بالجيش و ما تزوج و عمره 20. 5. ريم:_ أخر العنقود و تخرجت من المدرسة بعمر بنت عمها مروة 18. 4) أم فيصل الأخت الوحيدة بعد ثلاثة أخوان و متزوجة من أبو فيصل ولد عمها و عندها:_ 1. فيصل:_ أكبر ولد موظف و للحين ما تزوج و عمره 25. 2. مريم:_ الثانية و كملت الدراسة في الجامعة و عمرها 21. 3. نواف:_ الثالث و ملتحق بالجيش و بعمر فراس ولد خاله 20. 4. شهد:_ أخر العنقود و كملت المدرسة و بعمر ريم و مروة 18. 5) ناصر أخر العنقود جاء بعد ثلاث أخوان و أخت وحيدة و أهو أصغر عم:_ * ناصر:_ أصغر عم عمره 24 سنة و ما تزوج و موظف في الشركة و عايش في بيت أخو أبو طلال بعد ما توفى أبوه(الجد أبو إبراهيم)و أمه(الجدة أم إبراهيم)...... ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ نبذة قصيرة عن القصة _القصة رح تجمع كثير من العلاقات الإنسانية مثل الأخوة و الصداقة و المودة و المعزة و الحب و رح تجتمع كثير من الشخصيات الاجتماعية و الواقعية..القصة رح تورينا أشلون الحب يهشم أكبر الحواجز إذا كان طاهر و أشلون الدنيا تظلم الصغير و تعذب الكبير و أشلون القدر يفرض نفسه على البشر حتى لو كانوا ما يعرفون أشلون الحيات مستمرة في زمان قاسي و دنيا ظالمة و أشلون بأن قضاء الله إذا أنكتب أشكثر يحطم أقلوب ما عاشت الحزن لحظة و أشلون يسعد قلوب ما ضاقت طعم السعادة و نحرمت منها.... .................................................. ........................................... جاسم.. شاب و لا كل الشباب ريال يمتلك جمال عربي أصيل كونه رجل شرقي و راعي مسؤولية و متميز بجماله الرهيب و جماله فايق الكل في عايلته و كل بنت تشوفه لازم يلفت أنتبهها بحلاه برغم من أنه ما يحب سوالف البنات و خجووولة إذا شاف بنت تطالعه ههههه بس مغرور و متكبر و هذا طبعه و ما يحب أحد يشور عنه أو يتدخل في قراراته الشخصية و جاسم محبوب بين أهله و غالي و معروف بالسبع هذا تلقيب من جده الله يرحمه و أما أخته الوحيدة تلقبه بقمر بن فارس من كثر حلاه..... ريم حورية تمتلك جمال ما أمتلكه بشر عمرها 18 سنة و تتميز بخجلها الروعة و نعومتها الروعة و تتميز بعقلها الكبير و سترها و أخلاقها العالية و أدبها العالي تربت بين عايلة بن فارس المعروفة بسمعتهم الطيبة و الكل يمدح في هذي العالية.. ريم مثل كل بنت تمتلك أحلام وردية و طفولية و تحب الحياة و حبوبة و كانت معروفة بكتابة الخواطر و تتميز بملامح و يها الطفولي إلى درجة كبيرة و كل من يشوفها يتخبل عليها..ريم أهي أغلى حفيدة عند يدها و يدتها و دوم كانت المدللة عند يدتها ويدها و أهي أكثر وحدة تأثرت بعد وفات يدها ويدتها.... .................................................. ............................................. هذي بداية قصتي نزلت لكم نبذة عن القصة و شخصية البطل و البطلة و الشخصيات طبعاً في شخصيات ما ذكرتهم بس رح تتعرفون عليهم مع الأحداث أن شاء الله بعد فترة بسيطة أنزل الجزء الأول... أتمنى عطتكم الحافز إلى قرأة القصة يمكن أتأخر عليكم في تنزيل الأجزاء لأن حالياً قربت أيام الأمتحانات في أنتظار تفاعلكم دوم .but4. تحياتي .. هدباء .. |
واااااااو
رووعه ماشاءالله عليج اختي بانتظار التكمله |
من البدايه حمستيني يلا أستنى التكمله
|
|
بصراحة برغم من ان تفاعلكم ما كان قوي بس يمكن بعض العضوات يبون الجزء الأول عشان يكون حافز لهم عشان يقرون و هذا الجزء الأول رح أنزله لكم بس رح أخبركم ان يمكن الجزء الثاني أتأخر في تنزيله لأنة بصراحة عندي ظروف صعبة أشوية و أيحن أتركم مع الجزء الأول من قصة(( روحـي فداك))... _"_ الجزء الأول _"_ في الكويت في الجهراء بتحديد في بيت أبو وليد بن فارس... يتميز بيت أبو وليد بالفخامة الروعة و الذوق الراقي في الطابق الأول فيه ثلاث صالات مفتوحين على بعض و يتميزن بجلساتهم الفخمة و الروعة و تنسيق الأثات الحلـــــــــــــــــــــو و يبان عليه أنه بيت عز..... محمد بصراخ من الطابق الأول:_ نويـــــــــــــــــــــــــــف. نوف و أهي تنزل على الدرج:_ حمودوه و وجع بلاك تصارخ جذي قالب البيت علينا. محمد:_ أعنبوج بطة سرعي المطار أكيد أحين زحمة. " اليوم جاسم يكون ولد أبو وليد و اهو الثاني راد من بريطانيا متخرج من الجامعة بشهادة طيران و محمد و نوف إخوانه مستعدين عشان يستقبلونه و بهذي المناسبة اليلة أبو مشعل و أبو طلال و أم فيصل أخوان أبو وليد معزومين في بيت أبو وليد على العشى" نوف:_ زين زين ذبحتنا و بعدين الطيارة بتوصل الساعة 3 و نص مب 3. محمد:_ أنتي سرعي. نوف:_ و الله بكفخك و بعدين شمسوي في حالك. محمد:_ خبرج جمال اخوج طبيعي. نوف:_ لا راحو الناس عيل أن تلاقيت أنت و جاسم خلاص بنات الكويت راحو فيها. " محمد معروف بجماله العجيب و أكثر شي حلو عينه بس جاسم عينه أحلى من محمد بوايد بس محمد ياخذ ملامح من جاسم بس جاسم فايقه في الحلا" محمد:_ ههههههههههههههاي. نوف:_ يا ثقلك يلا مش جدامي. محمد:_ زاهبة؟ نوف:_ أيه. توهم بيطلعون و قاطعتهم أم وليد.... أم وليد:_ ها يمه ماشين. نوف و أهي تلتفت إلى أمها:_ أيه يمه تأمرين على شي. أم وليد:_ ودي سلامتكن. محمد:_ من عيوني يمه يلا مع سلامة. أم وليد:_ في حفظ الرحمان. طلعو محمد و نوف من صوب و نزل وليد من صوب " وليد أكبر واحد في أخوانه و متزوج من بدور بنت خاله و عنده بنت صغيرة عمرها 3 أسنين اسمها رنيم" وليد:_ يمه. أم وليد:_ لبيه. وليد:_ تامرين على شي رايح أجيب طلبية الحلويات. أم وليد:_ ودي سلامتك بس وين بدور. وليد:_ كاهي بتنزل من اشوي متعبتها رنيم توها راقدة. أم وليد:_ الله يخليها أن شاء الله. وليد:_ أقول يمه وين أبوي. أم وليد:_ ما أدري عنه على أغلب الظن يمكن تلقاه بالمكتب. وليد:_ أهاا عيل يلا استأذن يمه مع سلامة. وليد:_ في حفظ الرحمان. .................................................. ......................... نوف كانت قاعدة جدام في سيارة محمد وياكثر تليقفها في سيارة محمد... نوف كانت مادة يدها و تفتش بين الأشرطة.. وتجيها ضربة على يدها.. محمد:_ نويف ووجع شتسوين. نوف:_ جب صج انك مب محترم أحين أنا أختك الكبيرة تمد يدك علي. محمد:_هههههههههاي محد قال لج تليقفي يا لملقوفة. نوف:_ ويه طالعة عليك أقول حمود ما عندك شي نسمعه. محمد:_ عندي ويهج هههههههههههاي. نوف:_ صج انك حمار اعنبوك ما تعرف تتكلم دوم تغلط على غيرك. محمد:_ قلتيها حمار الحمار ما يعرف يتكلم ههههههههههههاي. نوف:_ههههههههههه يا خاتمة الله و خير الحمدالله و الشكر الله يخلف علينا بالعقل. "و تمت نحاستهم و ضحكهم طول الطريج" .................................................. ................................. في الرميثية في بيت أم فيصل " أم فيصل تكون أخت أبو وليد و أبو مشعل و أبو طلال و ناصر اصغر أخ و عايشة في الرميثية لأنها متزوجة من أبو فيصل ولد عمها " بيت أم فيصل عجيب بأثاثه المتناسق و الحلو و التصميم الراقي و الفخم... شهد و أهي تلعب في خصلات شعرها الحلو:_ أقول مريوم. مريم كانت قاعدة على الابتب الخاص فيها و متسندة على الكرسي الهزاز مريم:_ خير. شهد:_ أنتي شفتي ولد خالي أبو وليد جاسم. مريم:_ هههههه و هل يخفى قمر بن فارس إيه شفته بس أخر مرة كان قبل لا يسافر يدرس برع و من ذيج المرة ما شفته. شهد:_ شهلقطاعة في هلعايلة دوم ما يتزاورون. مريم:_ ليش تبين تدورين لج ريال تاخذينه ترى عيال خوالي يخبلون كل واحد يقول لج الزود عندي. شهد:_ مريوووووم لا تخليني أكفخج أحين شدور لي ريال مب شايفة خير. مريم:_ أقول شهود ما يحتاج تدورين ترى أنتي ي ي ي.. و تسكت مريم لأنها نست أن هذا سر ما يصير تعلم شهد فيه.... "نوف كانت تسولف إلى مريم عن سوالف محمد و قالت لها أن محمد حاط عينه على شهد أختج و شهد ما تدري بسالفة كلها" شهد:_ أنا شنو. مريم:_ ها لالا و لا شي. شهد:_ جوفي مريوم يا تتكلمين لا أرويج شغلج. مريم أفففف شيفكني من شهود النحيسة ياويلي صج أني خبلة ما اعرف امسك شي لازم افجها. شهد:- مريووووووم. مريم و أهي تهرب و تحمل لابتبها:_ مو شي مو شي. و راحت دارها تركض و شهد و راها. شهد:_ مريوم فجي الباب أحسن لج. مريم:_ مب فاجة مب على كيفج. شهد:_ شكلج تبين أمي. مريم:_ لالا لالا ولي سلم عمرج لا. شهد:_ عيل فجي. مريم:_ شهود عمري أنتي بقول لج إلي تبينه بس تركيني أحين اشوي. شهد:_ أكيييييييييييد. مريم:_ أكيدين. شهد تعرف مريم اشكثر تتهرب فشسوت أخذة حبل و ربطته في باب غرفة مريم و الطرف الثاني في باب غرفتها عشان إذا فتحت مريم الباب تجكها شهد.. و توها شهد بتدخل غرفتها كان نواف توه صاعد الطابق الثاني بيروح غرفته.. نواف:_ شهووود. شهد راحت إلى نواف و حطت يدها على فمه. شهد:_ قصر حسك. نواف بصوت واطي:_ شهذا. شهد:_ أبي أجك مريوم الدبة بس و لي سلم عمرك لا تخرب أي شي. نواف:_ بل بل عليكن صج أنكن خبلات أقول عن أذنج بروح ارقد اشوي عشان بعدين ننزل الجهراء بيت خالي أبو وليد. شهد:_ أذنك معاك. في هذا الوقت في المطار كان محمد و نوف يمشون بين الزحمة توهم واصلين و الناس زحمة لأنة اليوم الخميس... نوف:_ شهزحمة وايد. محمد:_ ما قلت لج سرعي و أنتي جنج بطة على راحتج. نوف:_ مش زين بلا هرجك الزايد. كان محمد يمشي جدام نوف و ماسك يد نوف من و راه لان زحمة وايد. طافو عليهن بنات ثنتين شافو محمد و تجمدو نوف ألتفتت لهم و تمت تضحك ههههههههه مسكين أخوي مب مخلي أحد في حاله عيل اشلون جاسم هههههههههههه. " محمد كان لابس دشداشة و شماغ و طالع أجنان و نظارة يعني يخبل و معروف بعطره الرجالي" و أخيـــــــــــــراً وصلو عند صالة الأستقبال إلى المسافرين... و توهم واصلين ما سمع محمد صوت من وراه يناديه..... محمد... محمد... محمد ولد إبراهيم بن فارس... محمد يلتفت و شاف أخوه جاسم و طار له... محمد بوناسة وهو يضم أخوه:_ جسووووووووووووووووم و حشتنيييييييييييي يالقاطع جذي تسوي فينا 6 أسنين بذمتك. جاسم:_ ويه مي تو تولهت عليكن و حشتوني موت حمود شلونك اشلون الأهل. محمد:_ حنا بخير أنت شمسوي. جاسم:_ الحمدالله.. ما كمل كلامه و توصل نوف من الزحمة.. جاسم أول ما شاف نوف راح لها بلحضان لأنه أهو و نوف أحلى علاقة أخوان دوم نحاسة و تليقف لكن قلوبهم على بعض و يا طيبة قلب نوف على إخوانها... جاسم:_ نويييييييييييييييييييييييييييييييييييف عمري و الله بعد جبدي فديت الغوالي. نوف ضمت أخوها و أهي تبجي:_ فديتك جسوم و الله وحشتني موت جذي تسوي فيني تعرفني دوم متعودة على نحاستك. جاسم وهو يمسح دموع نوف:_ ويه بعد جبدي نويف يلا عاد فجيها كاني رديت و أحين دوم 24 ساعة مجابلج. نوف:_ وياويلك أن فارقتني. محمد:_ هههههههههه اعنبو كناري انتو فضحتونا جدام الناس. جاسم+محمد+نوف:_ ههههههههههههههههههههههه. محمد:_ يلا جاسم وين أغراضك. جاسم:_ كاهم. محمد:_ يلا أنا باخذهم السيارة يلا جدامي. و مشو كلهم و طلعو من المطار و طول الطريج كان نحاسة بينهم و ضحك و غشمرة و سوالفهم ما تخلص... ................................................ تــــــــــــــــابـــــــــــــــع |
تــــــــــــابـــــــــــــع _"_ الجزء الأول _"_ في بيت أبو طلال " أبو طلال الأخ الثالث بعد أبو وليد و أبو مشعل و معروف بطيبة قلبه و أكثر واحد في أخوانه حنون و عايش معاه أخوه ناصر بعد وفات أبو إبراهيم و أم أبرهيم الجد و الجدة " ناصر و أهو يدور في تلفونه على طاولت الكمبيوتر إلي بغرفة ريم:_ ريمان. ريم و أهي قاعدة على الكرسي الهزاز مقابل الدريشة و الهوى يهب على شعرها الناعم الطويل و يطيره:_ لبيه عمي. ناصر و أهو متردد:_ مم مم ممكن سؤال ريم. ريم و أيه تضحك بنعومة:_ هههه بلاك تتكلم جذي عمي أيه ممكن و نص تفضل أسأل. ناصر:_ صراحة عذريني ريمان يمكن السؤال غريب عليج بس و الله غصب عني. ريم و أهي فاهمتها و أهي طايرة:_ يلا عمي تكفى قول السؤال شوقتني. ناصر:_ بل بل لا عيل هونة. ريم:_ لالا عمي تكفى لا أسأل و أنا أسمعك. ناصر:_هههههه ياكثر حبج لسماع الكلام زين سمعي. ريم و أيه تعدل قعدتها:_ يلا 1 2 3 أكشن. ناصر:_ هههههه ترى أهون. ريم:_ ترى أزعل. ناصر:_ لالا كل شي و لا زعل ريمان فخر بنات بن فارس. ريم أستحت من أطراء عمها و أبتسمت بنعومة حلوة. ناصر و أهو ياخذ نفس عميق:_ أوكيه سمعي أنتي تعرفين ولد عمج جاسم إلي اليوم بيوصل من السفر و مكمل الدراسة. ريم لا أرادياً مجرد ما سمعت اسم جاسم ارتعشت و قلبها صار يدق بدقات عنيفة ما تعرف ليش... ناصر:_ ها ما قلتي لي لو أزعجج السؤال. ريم ببتسامة تخفي ارتباكها:_ لا شنو يزعجني عادي. ناصر:_ زين تعرفينه.. شفتيه؟ ريم و الأرتباك واضح على تصرفاتها و كلامها و جها إلي تغير من سمعة اسم جاسم:_ أيه أعرفه و اسمع عنه بس ما شفته بيوم صار عمره 24 سنة. ناصر:_ معقولة ولد عمج و من اهلج ما شفتيه من 14 سنة. ريم و اهي إلى أول مرة تعرف كم سنة ما شافت ولد عمها:_ ما شاء الله تصدق عاد ما حسبت لسنين بس بصراحة من يوم كان عمره 10 اسنين ما شفته. " ريم كل ما يطول الكلام عن جاسم تزيد دقات قلبها و يدفعها احساس دافي و قوي إلى التمعن عن هذا الشخص بس ليش تحس جذي مب عارفة"... ناصر و أهو ملاحظ الأرتباك على تصرفات و كلام ريم:_ زين بلاج جذي مرتبكة شفيج. ريم:_ ها لالا و لا شي. ناصر و أهو يناظر ريم بنظرات حادة:_ جاسم يعني لج شي يا ريم في حياتج؟؟ ريم زاد أرتباكها شهسؤال إلي بعمرها ما خطر على بالها أحد يسألها و من؟ عمها ناصر بعدين سؤال عمها لفت بالها إلى شي معقولة كل ما اسمع طاري جاسم ارتباكي يعني ان جاسم يعني لي شي في حياتي تمت ساكتة و الصمت يحويها مب عارفة شترد على عمها... ناصر و يزيد أرتباك ريم بكلامه:_ ها ما رديتي. ريم من كثر الارتباك لمعة عيونها بدموع دافية شلي قاعد يصير لها ليش من تسمع طاري جاسم يصير لها جذي زاد خوفها ارتباكها دقات قلبها و فجأة وخة راسها و حست خدها صار دافي بقوة شديدة ما قدرة تسيطر عليها مسكة خدينها بيدها البادرة الناعمة و حست كثر برودة يدها جسمها ارتعشت و رفعة راسها و أهي تاخذ نفس عميق:_ عمي ليش هسؤال من أمتى أنا أفكر و ألهي بالي في الرياييل. ناصر:_ أعرفج زين ريمان بس تركيني أخبرج بشي يمكن ماحد يعرفه غير أبوج و أنا و عمج أبو وليد و ولد عمج وليد. ريم بستغراب:_ شنو هشي و ليش بس هلشخاص يعرفونه. ناصر:_ بصراحة الشي يمكن غريب و في نفس الوقت عادي بس الشي الي بقوله يخصج و يخص ناس. ريم و أهي ترتجف:_ عمييي و الله بتطيح قلبي تحجى بلا هنغز. ناصر:_هههههههههه شوف عرقت قربي اشوف قلبج. ريم:_ أهي تطنز لكن هين. ناصر:_ شهين ترى اهون اقول لج هشي. ريم و أهي تروح عند رجلين عمها:_ عمي تكفى و لي يعزونك تكلم و الله ما فيني صبر. ناصر و أهو يبي اشوي يعصب ريم:_ زين لمي شعرج شلى فاجته بتذبحيني انتي. ريم و اهي مستحية من اطراء عمها رفعت شعرها بنعومة و ربطته بس خلته متدلي بطريقة اجنان. ناصر:_ أهي احين اعرف اتكلم. ريم و أهي تبلع ريجها تحس الكلام إلي بيقوله عمها شي كبير ناصر:_ سمعي ريم انتي بنت كبيرة و علقج يا زينه يعني لازم تاخذين الأمور بعقل و حتى لو صابتنا مصايب فالله موجود. ريم:_ و النعم بالله. ناصر:_ يعني يا ريم الكلام إلي بتسمعينه أحين أبيج تحطينه في بالج و تفكرين عدل و لا تتهورين أوكيه. ريم و أهي تهز راسها موافقة على كلام عمها. ناصر ياخذ نفس عميق لأنه أهو إلي مكلف يخبر ريم بهشي:_ ريم يدج و يدتج قبل وفاتهم كانو أخر وصية لهم أنتي لأنج الغالية عندهم و من كثر غلاتج عندهم تراهم قررو من يكون من نصيبج. ريم و أهي بصدمة كبيرة:_ يدي و يدتي قررو من يكون زوجي من امتى و ليش ما خبرتوني شهلكلام فهمني شقاعد تقول عمي. ناصر:_ هدي ريم انتي بس سمعيني زين ترى يدج و يدتج يبون لج الخير مب الشر و من كثر غلاتج اختارو من يكون ريلج و إلي يعرف قيمتج و يقدرج و يحطج بعيونه و يصونج مثل ما يصون حاله و أكثر. ريم برتباك و خوف و قلبها يدق:_ من إلي أختاروه لي؟؟ ناصر وصل إلى النقطة إلي كان يتمنى ما يجيها بهسرعة بس لازم يواجها و يقول لها من... ناصر و أهو يمسك يد ريم:_ سمعي زين بقول لج من بس تفهمي الأمر بأنه وصية و كلنا مجبورين أن هذا الريال يكون من نصيبج... ريم كانت ماسكة قلبها لا يكون جاسم كارثة و اكبر مصيبة.... ريم بصوت واطي:_ أن شاء الله. ناصر:_ قبل لا خبرج انتي تعرفين من الغالي عند يدتج و يدج بعدج. ريم و أهي فاجة عينها:_ هذا إلي اختاروه لي. ناصر:_ بلاج جذي انا ما قلت بعدين سألت تعرفينه. ريم برتباك:_ أيه.. جـ جـ جـ جاسم. و لمت يدينها و حطتهم بحظنها و كان شكلها مثل شكل الطفلة الي خايفة و لامة نفسها... ناصر يمسك ريم من ذراعينها و يزيد ارتباكها لكن هلمرة يكلمها بكل حنان لان شكلها فرض عليه يتصرف بهذي الطريقة... ناصر و أهو بكل حنان يتقرب إلى ريم:_ ريمان جاسم أهو إلي بيكون من نصيبج... .................................................. .....................شنو تتوقعون ردة فعل ريم و ليش كل ما تسمع بطاري جاسم ترتبك شسبب هلارتباك و اشلون جاسم و ريم الي ما شافو بعض من 14 سنة رح تجمعهم الصدفة و يشوفون بعض و شنو رح يكون الطابع إلي رح ياخذونه عن بعض و شنو ردة فعل جاسم لو عرف بأن وصية يده ريم تكون له زوجته و شريكة حياته و هل رح تتنفذ هذي الوصية كل هذا في الأجزاء القادمة في أنتظار رأيكم على أحر من الجمر .but4. تحياتي .. هدباء .. |
ياااااي
روووووووعه رووووعه وفديييت الجهرا هع ... انا كنت هناك ساكنه اهئ باانتظار يديدج بسرررعه فدييتج |
ماشاء الله إبدااااااااااااااااااااع
روووووووووووووووووووووووووووعه كمليها بسرعه أختي |
ويييينج للحين ماكملتيها
اهيئ بانتظااارج يالغلا |
مشكوره على القصه رائع
ننتضر التكمله |
قصة رروووعه...
شكرا لك .. تحياتي.. |
مسامحة بس الزين أن صار لي وقت ادخل على المنتدى بصراحة بديت أمتحانات و رح أنتهي على تاريخ 6/6/2007 م يعني مسامحة اذا شوقتكم و ما رح انزل لكم احين الجزء الثاني أنتظروني على تاريخ 6/6/2007 م .but4. تحياتي .. هدباء .. |
هلا والله ............. تدرين أسم جدتي هدباء يعني سميتها.................. المهم روايتك روووووووووووووووووعه ..................... وكمليها تكفين بسرررعه.................. راح ننتظرها بأحر من الجمر...............:011: |
ماشاالله القصة عجبتني من البدااية..!
هل هي من تأليفك..؟ بانتظاار الموعد الموعوود..بس قهر انا بخلص امتحاناتي 10-6 ) = |
يسلمووو على تفاعلكم الحلو بصراحة نورتو صفحتي و خجلتوني و رح أرد على سؤالج يا " السراج " بصراحة كل كلمة أنكتبت في هذي القصة من تأليفي و من مخيلتي و اتمنى من كل قلبي تنال اعجابكم بصراحة بيوم نزلتها كنت خايفة من الردود و رايكم و بصراحة احين وايد شجعتوني بس ابي صبركم علي و طولت بالكم لأنة القصة للحين ما كملته كل جزء رح اكمله ما رح اخيبكم بنزله في الحال و الجزء الثاني كامل بس ناقصه تعديلات أن شاء الله على 6/6/2007 م أخلص امتحاناتي و أول بول اظبط الجزء و أنزله و اذا انتو متحمسين الى الاحداث انا اكثر لانة بصراحة احس بلحظة الي اكتب فيها اخرج كل فيض قلمي احس اني اعيش مع هلشخاص و احس فيهم و ارسم لهم ايامهم بابداعي..... أشكركم مرة ثانية على رأيكم و اطلب بس الصبر علي اشوي لأنة بصراحة الدراسة و المذاكرة وااااااااااايد بس ادعو لي بالنجاح :010: و أن شاء الله انتو بعد تنجحون و تتوفقون بأذن الله .but4. تحياتي .. ريماني الفوارس .. |
والله القصة رووووعة من جد
تهبل ويالله ننتظرك التكملة بافارغ الصبر.. |
يسلمووو على تفاعلج الحلو ..ساحرة القمر.. نورتي صفحتي و الله و الله يعطيكم العافية بس صبرو علي ما باجي شي و انزل لكم الجزء الثاني .but4. تحياتي .. ريماني الفوارس .. |
أختي هدباء رجاءاً أول ماتخلصين أمتحاناتك أكتبيها........... لأن أنتي تقضين الثلاثاء حنا في السعودية نبدا السبت يعني نصير نستعد للأمتحانات مناب داخلين الا نادر وتكون دخلتنا وقتها صير.......... وشكرا .... اسفه على الإزعاج............... |
بليييز هدباء كملي القصه
|
الزين صار لي اليوم ادخل المنتدى بصراحة على الأسبوع القادم يوم الأربعاء بنزل الجزء الثاني و مسامحة على التأخير بس الأمتحانات بدت و مشغولة بالمذاكرة أدري تأخرت وااااااااايد عليكم بس ابي طولت بالكم و صبركم .but4. تحياتي .. ريماني الفوارس .. |
.. هلا هدباء .. .. هدباااااااااااااااااااااااااااااا .. بتسوين فينا مثل " قمر خالد " ها ؟ "026" .. .. بعدني ما قريت القصة بس بقراها لين ما تكمل .. .. وبالتوفيق في امتحاناتج .. .. و لا طولي أوكي .. .. سلامي .. |
هلاااااااا و الله The VIP يشرفني تكوني من احدى المتابعات إلى قصتي بصراحة يمكن أتأخر أكثر من قمر خالد لأن قمرخالد كانت منقولة و في الأصل للكاتبة حمران النواظر بس هذي القصة من تأليفي يعني بتأخر عليكم لأني للحين ما كملت القصة بصراحة كل جزء اكمله بنزله لكم أول بول و بلييييز أبي صبركم علي بس .but4. تحياتي .. ريماني الفوارس .. |
خلصي امتحانات بسرعه وحطيها بليييز
|
من عيوني انزلها لكم بأسرع وقت ابشركم اليوم الثنين باجي يوم و الي بعده الأربعاء و انزل الجزء الثاني و ابي بس صبركم ما باجي شي .but4. تحياتي .. ريماني الفوارس .. |
ويييينها اهئ
ننطر وامرنا لله وبالتوفيق لج ولنا |
أسفه لأني تعبتكم معاي و طولت عليكم بس انتظروني يوم الأربعاء أن شاء الله .but4. تحياتي .. ريماني الفوارس .. |
ربي يوفقك
وأول ماتخلصي إمتحاناتك حطيها بسرعه بلييز |
|
ما رح أطول عليكم كاني كملت امتحانات و ان شاء الله انتو بعد بالتوفيق و جيتكم انزل لكم الجزء الثاني اول بول اتركم مع الجزء الثاني من((روحي فداك)).. _"_ الجزء الثاني _"_ ريم ترفع راسها و تجمد في نفس الوقت و تتعلق عينها بعين عمها كانت تناظره بنظرات غريبة ممزوجة حيرة صدمة برائة ناصر أحتار شهنظرات إلي تحوي مزيج غريب ليش ريم تناظرني جذي ... ناصر:_ بلاج ريم. ريم و تحس قلبها يثور من مشاعر دافية و تزداد مع كل دقة في قلبها مب قادة تتماسك أكثر.... ريم و راسها موخيته:_ جاسم من نصيبي؟ ناصر:_ أيه هذا وصيت يدج و يدتج... ريم و الدمعة تبرق في عينها مرة ثانية بس هلمرة بقوة اشد:_ الله يرحمهم ..عمي.. ناصر:_ لبيه عيون عمج. ريم:_ بقول لك شي لازم اقوله... ناصر و اهو يناظر في عيون ريم:_ خير. ريم:_ الخير بويهك( ريم و اهي بتموت من الأرتجاف) عمي ما أبي جاسم. و بسرعة وخة راسها و تمت تحرك في يدها بتوتر و ارتباك خوف من ردة فعل عمها شبيفكر شبيقول... ناصر و أهو يوخي راسه حذال ريم أكثر ويمسك يدينها الباردتين من التوتر:_ هدي ريم كنت عارف هذا ردج بس هذا الي كاتبه الله و لازم نرضى فيه و لا تنسين هذي وصية و بتنفيذها و بزواجج من جاسم بتريحين يدج ويدتج في قبرهم. ريم انهارت دموعها و رمت بحالها في حضن عمها و أهي تردد:_ ما أبيه عمي تكفى ما أبيه خبرهم ما أبيه. ناصر تم يمسح على شعر ريم و يهديها بس شهلمصيبة ليش يا ريم ما تبين تتزوجين جاسم ليش أاااااااه شنهاية هلوصية ياربي ارحمنا برحمتك يارب. ناصر واهو يرفع راس ريم و يمسح دموعها:_ ريم ولي يعزونج لا تبجين فهميني ليش مب موافقة على هذا الزواج كلميني انا عمج مب غريب. ريم و أهي تشهق في البجي:_ ما أبيه. ناصر:_ زين ليش فهميني مو من حقي اعرف ليش. ريم تنحت عن عمها و رفعت شعرها و مسحت دموعها و رجعت تناظر في عمها بس هلمرة بنظراتها ترتجيه يرحمها و يقول كل هلكلام وهم و خيال و جذب مب واقع. ناصر وهو ياخذ نفس عميق:_ ريم عمري تكفين فهميني سبب رفضج. ريم و أهي تواجه الواقع إلي مسرع ما كبر عمها وصار 18 بدا يواجها و الدنيا تواجها و تظلمها:_ عمي رح اقول لك كل الي في قلبي و فهمني أنا توني بنت عمري 18 سنة كل بنت في عمري تبي تدرس و تبي تكون حياتها ليش انا انظلم و اقضي على عمر و اتزوج و ارتبط و اتحمل مسؤولية شخص بعدين جاسم هذا مستحيل يكون شريك حياتي لأني من كنت اصغيره اعتبره ولد عمي و اخوي الكبير و بس لا غير ما اتخيله في يوم يكون زوجي و يشاركني حياتي. ناصر:_ بس ربج كتب لج يكون ريلج مب ولد عمج و مثل اخوج العود. ريم سكتت و بدة تفكر في الشي الي قاعد يصير معاها ليش يا ربي يصير لي جذي. ناصر:_ ريم انا فاتحتج في الموضوع ابي رايج. ريم:_ أحين؟ ناصر:_ إذا تبين تاخذين وقت تفكرين من حقج. ريم بستسلام :_ يكون أحسن بس ليش الزواج متى بيتم؟ ناصر:_ السالفة و ما فيها أن يدج و يدتج الله يرحمهم كانو يعزونج و يعزون جاسم و انتو اغلى احفادهم و كثر غلاتكم قبل وفاتهم الثنين وصو بجمع شملكم بعد موتهم بثلاث سنين... ريم و أهي تحسب السنين و فجأة تفج عينها:_ هسنة؟؟؟؟ ناصر:_ بسم الله بلاج أيه هسنة يعني لو مب هسنة بفاتحج بهالموضوع يعني. ريم:_ عمي شقاعد تقول. ناصر:_ انزين انتي احين ليش هلكثر منصدمة يعني ما تبين جاسم كزوج لج. ريم:_ بس.. يقاطعها عمها:_ شنو بس يا ريم. ريم:_ تركني اقول لك رايي في جاسم أنه انسان مغرور شايف حاله وايد ما يمتلك عادات عربية كونه رجل شرقي و خليجي و عربي وايد مغتر بحلاه ماحد له شور عليه و هذا رايي فيه بكل صراحة... ناصر:_ لحظة لحظة لحظة مو كأنج تغلطين على جاسم قبل لا يكون ولد اخوي فأهو ولد عمج و بعدين من حاط في بالج هلفكرة عنه. ريم:_ محد انا شفته و عرفت تصرفاته. ناصر:_ شفتيه بيوم كان صغير مب احين صار عمره 24 سنة ريال طول و عرض و اخلاق و رزانة و عقل. ريم:_ الأنسان مهما كبر ما يتغير لو شنهو كان و جاسم من هذا النوع. ناصر بنظرات حيرة:_ عاد ما اقدر اتحداج في فلسفتج بس صج جاسم للحين جذي. ريم بكل عدم اهتمام و اهي تقوم عن عمها و تلف ويها له بنظرات غرور :_ عيل سكر بابك دامه للحين مغرور ولد ابراهيم بن فارس. ناصر:_ هههههههههههه بل بل عليج الله يعينه لو خذاج بتجيبين له الزار. ريم:_ يستاهل. ناصر:_ بذبحج بسج انتي اغرور. ريم:_ اذا ياز عن اغروره و لد العم بيوز انا. ناصر:_ ههههههههههههههه افتن. ريم:_ شبتقول يعني. ناصر و اهو يدور التلفون في يده:_ يعني في وحدة من بنات عمك تقول انت انسان مغرور وايد و مب عربي و ما تمتلك عادات شرقية كونك رجل عربي و انك شايف حالك و محد له شور عليك. ريم ترجع و تمسك عمها من رقبته:_ أضبحك اذا قلت له هلكلام. ناصر بنظرات تحدي:_ تاخافين منه؟ ريم:_ يخسى الة اهو انا ريم بنت سعد بن فارس باخر عمري اخاف من هذا ولد إبراهيم بن فارس. ناصر:_ ما تقولين لي شلى من اشوي الخوف و الارتجاف و احين كل الغرور فيج. ريم و أهي تتهرب من عمها من كلامه عن جاسم إلي كل ما تسمع ذكره تذكر انها مجبورة فيه:_ الغرور طبعي و بس. ناصر:_ أاااه منج. .................................................. ............................................... في الرميثية في بيت أم فيصل ...... مريم كانت تحاول تفج الباب بس شافت خطت شهد كلها و تورطت المسكينة تبي تزهب لها أهدوم عشان بليل روحون بيت خالها أبو وليد و متورطة .. في الأخير عجزة و أستسلمت و فجة الباب بس ما لقت شهد و بسرعة راحت سكرة باب غرفة شهد بس قبل لا تسكره طلت لقتها نايمة و طارة من الوناسة و سكرة الباب و نزلة تحت كان في الصالة فيصل و نواف و أم فيصل ... مريم و أهي تنزل من على الدرج بصراخ:_ يماااااااااااااااااااااااه. فيصل:_ و عساج الزار شلى تصرخين ذجي بطيتي أذني. مريم:_ الحمدالله و الشكر أقول يمه على الساعة كم بنمشي نروح الجهراء. أم فيصل:_ بعد صلاة العشى على الساعة 7:30 . مريم:_ أهااا عيل عن أذنكن. نواف:_ مريوم. مريم و أيه تلتفت إلى نواف:_ لبيه. نواف:_ شطلعج من دارج. مريم:_ وييييه حتى أنت معلمتك بجرايمها شهود النحيسة. نواف:_ شعرفني بس صعدة لقيتها رابطة حبال في باب غرفتها و غرفتج. مريم:_ و الله ربي مو راضي تجكني كاهي نامت. نواف:_ هههههه يا حلوها شهود ما تعرف تجك أحد. فيصل:_ ليش تفكرها مثلك أنت صرصور اليل الناس تنام و انت فاج عينك شبرين. نواف:_ اقول يا الاخ رز الفيس من طبايع التيس.. فيصل:_ عسا صاقعة تصقعك ويا هلويه أحين انا اخوك العود تيس لكن هين. نواف:_ أااااااه ما اقدر على اخوي العود. مريم:_ يلا عاد عن المناقرة و عن اذنكن. الكل:_ أذنج معاج. .................................................. .................................. في هذا الوقت كان توه محمد موقف السيارة و واصلين جاسم طلع من السيارة و تم يتأمل بيتهم شكثر وحشه صار له 6 اسنين ما شافه.. نوف تمسك جاسم من يده:_ يلا مش امي احين تنتظرك على احر من الجمر. جاسم :_ عساني ما اخلاها و حشتني الغالية" جاسم ألتفت إلى محمد" أقول حمود اترك عنك أنا بشيلهم. محمد:_ لالا شتشيل روح زين تلقى الوالد و الوالدة و وليد و بدرو ينتضرونك. جاسم أبتسم و راح مع نوف..ألو ما وصل عند الباب أخذ نفس ألتفت إلي نوف:_يا الله أشكثر و حشوني الأهل و زيود و نصور عمي و الوالد و الوالدة و حشتني الكويت بأهلها و الله. نوف ببتسامة حلوة:_ يلا عاد فج الباب ترى احين الكل ينتظرك. جاسم:_ من عيوني. و دخل جاسم و أول ما طاح نظره على أبوه بالصالة و طار له من الشوق و أبو وليد من شاف جاسم اشتاق على طلة ولده جاسم دوم يذكره بالغالي المرحوم أبوه ( الجد أبو إبراهيم)... أبو وليد وهو يمد يده إلى جاسم:_ هلا بولدي هلا بالغالي هلا بريحة الغالي. جاسم وهو يبسو راس ابوه ويضمه:_ هلا بيك يبه وحشتني يبه و الله وحشتني شلونك عساك طيب شلون صحتك. أبو وليد:_ حنا بخير يالغالي و نسأل عنك. جاسم وهو يبوس يد أبوه:_ سألت عنك العوافي يبه. و فجأة يسمع من وراه صوت أشتاق له يسمعه... أم وليد:_ هلا بجاسم الغالي هلا بولدي شلونك يمه. جاسم طار الى أمه من أول ما سمع الصوت و راح ضمها اشكثر أشتاق يكون بحظن امه ويحس بالأمان الي فقده 6 سنوات واهو في الغربة و الدراسة... أم وليد و اهي تبجي:_ عساني ماخلاك يا لغالي الحمدالله على سلامتك يمه. نوف كانت تطالع المشاهدو متونسة حيل اخوها رجع لهم و خلاص بعد احين مافي سفر و لا فراق.... و بهذي الأجواء قطع عليهم وليد كان على الدرج و ماسك رنيم على ذراعه.... وليد من على الدرج:_ مب كأن البيت منور. جاسم:_ هههههههه هلا بو رنيم شلونك. و تمو يتوايهون جاسم و وليد على القطاعة الي بينهم و جاسم حب رنيم بنت اخوه وايد و تم معاها كل لعب و نحاسة و من بعدها لتقى مع بدور و سلم عليها و سوالف معاها " جاسم معروف بشخصيته الأجتماعية مع الكل"... على الساعة 7:00 بعد صلاة العشى كان بيت أبو وليد عجيب و مجهز بالضيافة التامة و البيت يفوح بروايح البخور الروعة و التنسيق...كان المطبخ واسع و راقي بتصميمه و على طاولة الطعام الكبيرة إلي بالمطبخ كان منسق عليها الحلويات و البوكيهات الورد و القهوة و الشهاي و الفواكه و إلى أخره...في هذا الوقت كان أبو وليد و وليد بالديوانية لأنة عايلة أم فيصل أول من بيوصل على 7:30 ... و أم وليد فوق تتزهب و نوف نفس الشي و بدور تزهب رنيم .. أما جاسم فكان أول من تزهب و كاشخ على الأخر ... في الطابق الأول من تحت جنب الدرج أصراخ محمد " ياكثر رباشته " .. محمد:_ جسوووووووووووووووم. جاسم و أهو ينزل على الدرج ويظبط شماغه(( يا ويـــلــــي )) " طالع كان أجنان بالدشداشة و الشماغ لأنة صارة له فترة ما يلبس من سافر بريطانيا يدرس " جاسم:_ بلاك تصرخ جذي و قالب البيت علينا. محمد و أهو يمسك يد جاسم:_ مش زين اقول لك طايح على مخبأ عجييب دام أمي مب أهني. جاسم:_ شهلمخبأ شتهرج. محمد:_ مش زين. " محمد يعرف جاسم أكثر شي يحبه الحلويات " محمد جر جاسم من يده و سحبه إلى المطبخ .. ألو ما دخلو جاسم بنبهار من الحلويات العجيبة :_ واااااااااااااااااااااااو وحشوني حلويات الكويت. محمد:_ ههههههه أنت كل شي وحشك. جاسم:_ هههههه اقول حمود يلا هجوم دام ما في احد. و بس يتقربون من الحلويات يتجمدون بصوت ريال من وراهم:_ و عسا بو رماح يلفكم. ألتفتو كان عمهم ناصر.... جاسم:_ نصووووووووووور بعد عمري و الله. ناصر:_ ابو حموووووووود فديتك يا القاطع. و ضمو بعض و يتوايهون على بعض. محمد:_ يا الله فجوها زين أعنبو حريم أنتو. ناصر و أهو يطق محمد:_ يا تليقفك يا حمود. محمد و أهو ينظف مكان إلي ضربه ناصر:_ لو سمحت لا تلعوزني. جاسم:_هههههههههههههههههههههههه. ناصر:_ جسوم و صاقعة تصقعك جب لا بالعقال شنو العوزك ياهل أنا. محمد:_ لا مب أنت الياهل رنوووم بعد عمري . " كانت رنيم نازلة لحالها من شطانتها و شافت عمامها بالمطبخ و راحت تطل عليهم .. راح لها محمد و حملها و رفعها " رنيم:_ أمو همود ( عمو حمود )... محمد:_ عيون عمو. رنيم:_ أبي حواوا ( أبي بوسة ). محمد:_ أاااه منج أنتي وايد خطيرة من معلمج على الحواوا. تــــــــــــــــــــــــــــابـــــــــــــــــــ ـــــــــع |
|
رنيم:_ بابا. ناصر:_ ويـــــــــــه وليدوه طلع خطير هذا. محمد:_ ما عليك منه بالدس و الخس مسكينة بدور حيل تستحي و الأخ مولعها. جاسم يستحي من سوالف الحريم و السوالف العاطفية و الرومنسية بين الزوج و الزوجة فكان لاهي حاله بالحلويات بس ويهه كان محمر من كلام عمه و اخوه... ناصر يطل على جاسم:_ عاد هذا إلي بيولعها. جاسم يعطي ناصر نظرات تحرقه. محمد:_ شكلك عمي أنت تحلم بس ها وين وصلت الله يعني إلي بتاخذ هذا. جاسم بنظرة عجيبة:_ لو سمحت عن الغلط هذي أمور خاصة و كل هذا ما يخصكم شلى أنتو تتدخلون في هذي المواضيع. ناصر كان واقف و طلع نظارته الطبية و لبسها ووقف يسوي حركات يدل أن جاسم فيلسوف زمانه " كان شكل ناصر عجيييب" محمد ينفجر من الضحك:_ و عساك بو رماح نصور على فعايلك. جاسم ألتفت إلى عمه ناصر:_ ههههههههههه الحمدالله و الشكر شتسوي. ناصر فطس من الضحك:_ هههههههههه يا خي أنت الي فاتح محضر شكلك تأثرت من محضرات الطيران. جاسم:_ يا الله على تعليقاتكم أنتو شصار فيكم. محمد:_ حلت علينا عومل التعرية إلى التربة. ناصر:_ هههههههه حلوة حمود. رنيم:_ أمو وين الحواوا( عمو وين البوسة ). محمد:_ لا يبوج روحي عند بابا مال أنت يسوي لج حواوا أنا ما عندي بح. ناصر:_ هههههههه أقول حمود هلكثر عندك جفاف بالمشاعر الله يعني شه ما كمل كلمته ويحصل ضربة من محمد... محمد يهمس إلى ناصر:_ جب بلاك تفجها جذي احين وينك من جسوم. ناصر متعمد بصوت عالي:_ عادي بلاك اقول جسوم تراك غالي ما يتخبى عليك شي اخوك المصون متعيشق و متغيرم. جاسم:_ بعاااااااد اقول حمود من طايحت الحظ . محمد بنظرات تحرق جاسم جاسم:_ أ أ أ قصدي سعيدة الحظ. ناصر:_ أيه جذي الناس تتسنع. محمد:_ مب قايل لك من. ناصر:_ مب ضروري أنا اقول شهد بنت عمتك. جاسم:_ وااااااااااااااااو أفا عليك بوجسوم تحب من ورانا و شهد بعد. محمد و أهو موخي راسه يا زعم مستحي:_ و الله مو مني من القلب و ما يهوى. ناصر:_ لالا حمود يستحي لالا مستحيل. جاسم:_ ما عليك منه من الحب. ناصر:_ هههههههههه وا فضيحتا خربنا الأخ قام يهرج عن الحب من دون حيا. جاسم:_ هههههههههه أنتو شلة السؤ وين زيود بعد روحي. ناصر:_ و الله حالة كل الناس بعد عمره و بعد روحه. جاسم:_ مو شغلك. ناصر:_ أي نو مو شغلي. جاسم بحركة عجيبة:_ كللللللللللوش عمي يتكلم أنجليزي من أمتى. ناصر:_ هههههههههههه جسوم و وجع شلي سويته حرمة أنت تجبب. جاسم:_ ههههههههههههههههههه أثرتو فيني يا شلة السؤ. ناصر:_ شف عاد سكت عنك وايد أنجب لا أسنعك بكف. جاسم بغروره و هذا من طبعه:_ لو سمحت أنا جاسم ولد إبراهيم بن فارس ماحد يغلط علي. محمد:_ يا ختمت الله وخير اقول أمشو زين ابوي و وليدوه الكناري بالديوانية أحين بيت عمتي أم فيصل بيوصلون. جاسم:_ يه يه يه بيت عمتي حمود ها علينا ها. ناصر:_ تركه ما تشوفه متكشخ عشانها و الله حنا ما لنا مقام عنده. جاسم واهو يحمل قطعة من الحلويات:_ اكيد بس عجييييب الحلوة شوف شوف. ناصر و أهو يضرب جاسم على يده:_ بسك حلويات بتموت أنت. جاسم:_ مزاجي.. محمد من عند باب المطبخ:_ يعني شنو انتو بتمشون و الله شنو. ناصر:_ مو شغلك يلا جسوم. جاسم:_ يلا... " و طلعو محمد و جاسم و ناصر معاهم رنيم من المطبخ في طريجهم إلى الديوانية لقو نوف من على الدرج نازلة و لابسة جلابية حلوة فخمة و ريحتها عطر و رافعة شعرها الناعم بطريقة حلوة ... ناصر و أهو يطالع نوف من فوق إلى تحت:_ يه يه شهلحلا و الزين.. محمد بتعليق:_ غضو أبصاركم. ناصر:_ هههههههه أنت بلاك من موكلك حاطينك لي مراقب على كل شي بعدين انا امزح مع بنت اخوي فيها شي مب مثل بعض الناس. محمد فهم قصد ناصر:_ لو سمحت عن الغلط. نوف:_ ويه انا حلوة عيل شخليت إلى ريم. ناصر:_ لا عاد ريمان ذيج حطيها على جنب فايقة الكل. جاسم بتعجب:_ من ريم؟؟؟ محمد:_هههههههههههههه مكسين الأخ اقول لكم غير معروف الهوية في احد ما يعرف أهله. جاسم بأستغراب:_ ليش في بنت من أهلي اسمها ريم. ناصر:_ ما دري فكر يمكن النمرة غلط. جاسم:_ اوكيه لحظة بستخير. نوف+محمد+خالد:_ههههههههههههههههههههههه. جاسم:_ لا صج نصور من ريم. نوف:_ جسوم من صجك ما تعرف من ريم. جاسم:_ لا يلا عاد قولو من. ناصر:_ اسمع يا اخي ريم هذي بنت عمك أبو طلال. جاسم بحركة غرور:_ بل بل قصدكم ريم النحيسة. نوف:_ ههههههه بل بل كل هذا ما تعجبك ريم. ناصر و أهو من سمع ردة فعل جاسم قال عيل لو يعرف ان ريم من نصيبه يا الله خلها على الله:_ هي هي عن الغلط. محمد:_ شكله الأخ ما شافها. جاسم:_ بل بل اشفيكم ما قلت شي بس كنت اعرف ان عندي بنت عم نحيسة اتكون اصغر بنت عند عمي أبو طلال. ناصر:_ خبرك عتيج ريم عمرها 18 و صارة بنت و لا كل البنات و الله لو تشوفها ما تتوقع انها من عايلتك و تقرب لك حلوة. محمد:_ بيني و بينك جسوم ماحد امتلك جمالها الله يخليها. نوف:_ اقول عمي متى بيجون بيت عمي أبو طلال. ناصر:_ على 8:00 أن شاء الله. نوف:_ أهااا أوكيه عن أذنكن. جاسم+محمد+ناصر:_ أذنج معاج. راحت نوف الصالة و راحو جاسم و محمد و ناصر الديوانية و أول ما دخلو راح ناصر يسلم على اخوه العود... ناصر و أهو يبوس راس أخوه العود:_ شلونك ابو وليد. ناصر:_ بخير و أنا اخوك وين أبو طلال ما اشوفه معاك. ناصر:_ أنا سابقه و الله و حشني جسوم على العموم الحمدالله على سلامة جاسم برجعته من السفر. أبو وليد:_ الله يسلمك ويخليك. محمد:_ وليدوه. وليد:_ أنت إلى متى ما بتتسنع. محمد:_ مو شغلي بعدين شمعلم بنتك أنت. وليد:_ شنهو. ناصر+جاسم:_هههههههههههههههههه. ناصر:_ أستر عليه يا اخي لازم تفضحه. محمد:_ مو شغلي زين اسمع شلى معلمها على الحواوا. وليد بستهبال:_ من قال أنا معلمها. محمد:_ عمو رنيم من معلمج على الحواوا. رنيم و أهي بحظن يدها أبو وليد:_ بابا. الكل:_ههههههههههههههههههههههههه. وليد:_ يعني لازم تفضحينا يا عيون بابا. ناصر:_ افكورس عشان تثبت الحقوقو و الدلائل على الجريمة. محمد:_ بل بل عمي طلعت جريمة بعد. ناصر:_ أشلون عيل حنا ما عندنا رياييل يعلمون عيالهم على الغلط. جاسم واهو ينغز ناصر عمه:_ أقول عمي سكرها زين لك ترى لا تودي حالك بداهية ما تطلع منها. ناصر و اهو يضحك عرف قصد جاسم :_ أي داهية الله يهداك ( ترقب يهمس إلى جاسم) أهي بكبرها داهية. .................................................. ........................................... في الصالة نوف كانت قاعدة و جنبها بدور مرة وليد يسولفون... بدور:_ أقول نوف. نوف:_ لبيه. بدور:_ وين رنيم . نوف:_ بالديوانية من اشوي شفتها عند عمها محمد ماخذها الديوانية. بدور:_ تصدقين عاد تعلقت في عمها جاسم مسعر ما شافته. نوف:_ ويه يا حليلها رنوم فديتها و الله بنت الغالي. و فجأة قطع على سوالفهم تلفون نوف يرن.. ما عطلت نوف و رفعته... نوف:_ ألو. " كان المتصل مريم بنت أم فيصل" مريم:_ السلام عليكم و الرحمة. نوف:_ و عليكم السلام هلا مريوم شلونج يالقاطعة. مريم ببتسامة حلوة:_ هلا نويف انا قاطعة و الله انتي. نوف:_ تبين الصج حنا الثنتين. مريم:_ دام جذي عيل يلا قومي فزي كانا وصلنا عند الباب. نوف بوناسة:_ صج و الله. مريم:_ و هل يخفى القمر يلا قومي زين لا تعطلينا و حنا واقفين برع بيتكم ترى الجو وايد حر. نوف:_ ههههههه يا نحاستج يلا باي جايتج. مريم:_ في الأنتظار... سكرة نوف عن مريم و توها بتقوم قاطعتها بدور:_ وين. نوف:_ بيت عمتي وصلو هذي مريوم النحيسة. بدور ببتسامة تونست على جيت بيت ام فيصل:_ صج و الله. نوف و اهي تمشي:_ ايه... بدور كانت قاعدة قامت و ظبطت مكان قعدتها و مكان قعدة نوف و ظبطت المخدات بطريقة حلوة.... " و على المظبوط كانت الساعة 7:30 و هذا ألو من وصل بيت أبو وليد" نوف في طريجها بتفتح الباب إلي بيت عمتها وقفتها أم وليد من على الدرج.... أم وليد:_ وين يمه. نوف:_ يمه بيت عمتي أم فيصل أوصلو. أم وليد:_ ويه زارتنا البركة. و كملت طريجها نوف و راحت فتحت الباب بويها عمتها أم فيصل.. أم فيصل:_ هلا و الله بنوف هلا ببنتي. نوف ببتسامة حلوة:_ هلا بيج عمتي و حشتونا عاد جذي القطاعة. مريم تنط عليهم من ورة:_ يلا عاد نويف عاد أنتو إلي مقصرين بجيتكم الرميثية. نوف بضحكة حلوة:_ يعني لازم تفضحين. شهد بصوتها الناعم:_ هلا نوف. نوف و أهي تضحك و مريم تطالعها لأنه ثنتينهم يعرفون أن محمد حاط عينه على شهد. شهد:_ بلاج نويف. نوف:_ ها لالا حيالله شهود شلونج عشاج طيبة. أم وليد من ورة نوف بنتها:_ حياج أم فيصل. أم فيصل:_ الله ايحييج. و دخلو و سلمو على بدور و كانت قعدتهم حلوة.. عند الرياييل كان محمد ماخذها مزح و سوالف مع عمه ناصر و اخوه جاسم.. و فجأة صوت ريال كان أبو فيصل:_ السلام عليكم... .................................................. تــــــــــــــــابـــــــــــــــــع |
محمد من صج ارتعشو وقف ... جاسم:_ حمودوه و وجع انزر فضحتنا. ناصر:_ تركه زين تأثير ههههههه ما يحتاج أكمل. محمد:_ عند الحريم طيرررررراااااااان. جاسم يمسك محمد من طرف دشداشة:_ حمودوه بتفضحنا أنت. محمد و أهو يقعد:_ أااااااه و الله قلبي في الصالة عند الحريم. و فجأة يجي أبو فيصل:_ شلونك محمد عساك طيب. محمد و أهو أشوي و يرقص:_ هلا و الله زارتنا البركة توه ما نور المكان حنا بخير و دوم نسأل عنكم. و ناصر و جاسم ما سكتو من ترحيب محمد و العبارات إلي قام يقطها بسرعة اشوي وياكل الكلام كأنه حرمة.... أبو فيصل راح إلى جاسم... أبو فصيل:_ هلااااا جاسم شلونك ياولد الغالي الحمدالله على سلامتك و رجعتك لنا و الله وحشتنا. جاسم ببتسامة و أهو يصافح أبو فيصل:_ الله يسلمك ويخليك تسلم و الله أنتو إلي وحشتونا و الله. و من بعدها وصلو فيصل و نواف و سلمو على جاسم و صارة قعدة الرياييل حلوة و ريحة البخور فايحة في الديوانية و الصالة و سوالفهم أحلى و جمعتهم روعة... "جاسم كان متوله حيــــــــــــل على زياد ولد عمه أبو مشعل لأن زياد و جاسم ربع و اكثر من عيال عم و رفجة عمر و تربو مع بعض و أطرو يفارقون بعض يوم سافر جاسم يدرس برة الكويت بس كانو دوم على أتصال بنهاية الأسبوع على الموبايل على الخطوط السريعة برغم كم خسر افلوس زياد على اتصاله إلى جاسم في ربيطانيا بس كان يهون افلوس عشان الغوالي مثل ما كان يقول زياد " جاسم:_ اقول حمود شخبار زيود. محمد:_ جب هذا ولد عمك و ربيعك بسنعه. جاسم:_ شلى شمسوي لك. محمد:_ أنت ما فتحت خزانت أهدومك. جاسم:_ أمممم لا بس حطيت جنطتي عند الكرسي و خذيت دشداشتي و الشماغ إلي زهبتهم نويف لي. محمد:_ ايييه قول جذي تراه ذبحنا ما خلة دبدوب في السوق إلة شراه لك و الله اقول لك خزانتك ما تنفتح. " جاسم من نوع إلي يحب الدباديبالحلوين و زياد يعرفه من جذي كان دوم يشتري له" جاسم:_ واااااااو صج و الله ما شفتهم بس وينه احين و الله تولهت عليه القاطع. محمد:_ ما ادري عنه اليوم من الصبح أهني و يزهب و اهو إلي وصى على طلبية الحلويات. جاسم:_ ويييه وحشني و الله. و فجأة يدخل زياد ما نطر ابوه من كثر ما وحشه جاسم.. محمد:_ الطيب عند ذكره. جاسم ألتفت و طار إلى زياد.... زياد:_ جسوووووووووووووووووووووووووووم. جاسم وايد يتميز بأنه عاطيف من شاف زياد لمعة الدمعة بعيونه من كثر ما وحشه و ضمه... جاسم بصوته المبحوح:_ بعد جبدي زيود و حشتني. زياد يبعد جاسم و يمسح دموعه:_ جاسم خلك ريال ادري ان وحشوك الكل و بعدين شلونك يا الغالي و تعالي سولف لي عن السفر و الدراسة برع. جاسم ببتسامة ريحة زياد:_ انا تمام ابخير بس أسأل عنك. محمد:_ ياأخواني أنرزو و بعدين فتحو أذاعة الكويت لنقل المباشر. ناصر:_ حمودوه ما تيوز. زياد يلتفت إلى ناصر عمه:_ هلا نصور شلونك عمي عساك طيب. ناصر:_ الله يحييك حنا بخير نسأل عنك. زياد و أهو يقعد وسطة جاسم و ناصر:_ سألت عنك العوافي عمي. من بعدها دخلو أبو مشعل الديوانية" بس مشعل بعده ماجة كان عنده شغل و من بعده بيجي" و أم مشعل و ملاك و مروة دخلو عند الحريم و رحبو فيهم أحلى ترحيب هم عايلة بن فارس ما تجمعو مثل هذي الجمعة من 10 اشهور و رجعة جاسم كانت المناسبة إلي تجمعهم و تكمل صلة رحمهم بين بعض و على الساعة 8:15 و أخيراً وصلو بيت أبو طلال عايلة البطلة و راحو أبو طلال و طلال و فراس الديوانية و الحريم أم طلال و شيخة و لولوه و ريم راحو عند الحريم في الصالة و أول ما دخلو قام صوت الترحيب و التوايه على بعض.... نوف كانت معجبة حيل بنعومة وشخصية ريم:_ هلا ريمان شلونج. " ريم من نوع إلي تحب تهدي الناس وايد فكانت جاية و حاملة باقة ورد من الورد الجوري إلي تعشقه بتنسيق حلو و ما عجبها ريحت الورد عطرته بعطرها الروعة و الشخصي" ريم و أهي تقدم الباقة:_ هلا نويف شلونج تفضلي مو حلوة اجي ويدي خالية على الأقل هذي بمناسبة رجوع أأ " مسكينة نست الأسم. نوف:_ ريمان معقولة ما تعرفين اسم اخوي. ريم:_ اعرفه بس نسيته المهم تفضلي. نوف:_ و هل يخفى القمر اسمه جاسم. " ريم تذكرة جاسم و كلام عمها و عاودها الارتباك مرة ثانية لكن مسرع ما تذكرته خذتها الافكار إلى قبل 14 بيوم كانت تكرره ليش انه مغرور و أناني كان دوم اذا يلعب معاها ما يتركها تلعب او تلمس شي من لعوبه بس يغار إذا سبقته و راحت في حضن يدها تمت تسترجع ذكريات الطفولة الحلوة و شلون كان يدها يحواطها بحنانه إلي عشقته" لولوه من ورة ريم:_ هلا نويييييييييييف شلونج الدبة للحين ملقوفة. نوف بطقة خفيفة :_ ويه طالعة عليج شلونج يالقاطعة طالعة على أختج. ريم:_ عن العقرة. نوف+لولوه:_هههههههههههه. من بعدها دخلو الكل و أحين اقدر اقول لكم الكل وصل و جمعتهم كانت أجنان و الضيافة كانت فخمة و روايح المسك و البخور تعطر البيت و هم تصميم بيت أبو وليد الفخم عجييب........ نوف أخذة الباقة من عند ريم و صعدة فوق غرفة جاسم فتحت الباب لقتها هادئة و رحتها عطر جاسم إلي دوم تتخبل عليه راحت و حطت الباقة على سرير جاسم و طلعت و نزلت تحت راحت المطبخ و معاها لولوه بنت عمها ابو طلال.... كانت نوف و لولوه قاعدين في المطبخ نوف تعابل الكاتو غلي مسوته و معاها لولوه.. نوف:_ لولو هاتي السجين. لولوه:_ بسم الله ليكون بتذبحيني فيها. نوف:_ههههههههههه ويه على خبالج يالولو شذبحج فيها هاتيها بقطع الكاتو. لولوه و أهي تمد يجها تعطي السجين على نوف:_ هاج إلي يسمعج يقول بتذبحين فار. ناصر من وراهم بصوت فزع لولوه و نوف:_ أنا فار يا لخبلتين و الله أوريكن. نوف:_ بسم الله. لولوه و هي ماسكة قلبها:_ أعوذ بالله اشفيك تخرع الناس جذي. ناصر:_ أخرع في عيونج جوفي شحلاتي توني من أشوي مطيح 10 بنات. نوف:_ أعوذ بالله يعني ما حدي غيرك إلي جايب الأسعاف في الفريج من أشوي. ناصر:_ههههههههههههههه شسوي من جمالي نصحي عمج و الله ذابح البنات لبسوني غشا مثلكن. لولوه:_ههههههههههههههههههههه حلوة عمي أقول( و هي تضرب بخفة على صدر عمها) هل قلب من له. ناصر:_ تصدقين عاد لولو على حلاتي للحين ما لقيت إلي يستاهل يسكن هلقلب ويه فديته و الله. نوف:_ الحمدالله و الشكر الله يثبت علينا نعمة العقل. ناصر:_ هي يالوسة شتهرجين. نوف:_ سلامتك بعدين شدخلك عند الحريم ما تيوز رح الديوانية مع الرياييل. ناصر:_ أنتي مو شغلج وين أروح بعدين شتسوون. نوف بدلع على عمها:_ كاتو من يدي بس حريمتك تذوقه. ناصر:_هيئ هيئ لا تطيحين علينا كافي 10 البنات بس صج أنج مغرورة أنا ما ادري من يفكر يطالعج. نوف:_ القمر إلي بلعلالي. لولوه كانت لهاية و اهي تقطع الكاتو عن نوف فكانت مب معاهم على الخط في هذرتهم ..... ناصر بصوت واطي عشان ما يفضح نوف:_ قصدج إلي بعده ما وصل عنده مشوار و بيجي من بعده. " نوف تحب مشعل ولد عمها و تتخبل على شوفته و مشعل مثل الشي صار لهم سنة من حبهم إلى بعض بس مشعل ينتظر الفرصة تجيه و يفاتح ابوه في موضوع زواجه من بنت عمه" نوف وخة راسها يازعم مستحية من طاري ذكر مشعل لكن هيهات قلبها يهدى من الوناسة يتمنى يشوف هلحبيب الحين قبل بعدين... ناصر:_ ها أشوفهم أستحو. نوف:_ روح زين تركني أعابل الكاتو. ناصر:_ إلة اقول ما بتذوقينا منه. نوف:_ حريمتك ما أذوق اكلي المطافيق. ناصر يسحب نوف من أذنها:_ جب لا بالعقال شنو مطافيق أنا عمج يالخبلة بعدين مب لي الكاتو اذا طلبته لحبيب قلبج شكله حرمة و متوحم يقول لجسوم اليوم نبيك تأكلنال كاتو و الله مشتهي كاتو. نوف لا شعورياً:_ من عيوني( و بسرعة سكتت و نزلت راسها). ناصر:_ يا عيني على الحب أقول سرعي في كاتوج نبي نتعشى. نوف:_ عنبوك أنت ما تشبع. ناصر يهمس إلى نوف عند اذنها:_ إذا شبعتي من حبيبيج بشبع انا من الأكل. نوف:_ أوهوووو يعني متى بتفجها و الله أستحي. و فجأة يرن تلفون ناصر أخذه من مخباه قام يطالع من المتصل.. ناصر وهو يطلع من المطبخ وي فتح التلفون:_ الطيب عند ذكره ولد حلال و الله. نوف تخبلت عرفت هذا مشعل إلي داق لو ودها لحقة عمها بس تعرفه دقم و الله بيذبحني لو لحقته و تمت مع لولوه تعابل الكاتو و سوالف بينهم.. ناصر من صوب ثاني طلع برع في الحديقة إلي في بيت أبو وليد الفخم و فتح التلفون.. ناصر:_ ألو. مشعل:_ هلا عمي شلونك. ناصر:_ هلا مشيعل أنا أبخير أنت شلونك بعدين شلى مو راز الفيس مع زيود و ابوك. مشعل:_ ههههههه و الله كل من سوات فيصلوه اليوم مطرشين طلبية فروس على المزرعة و رحت أستقبلهم بس أقول الاهل كلهم في بيت عمي. ناصر:_ أيه كلنا أهني زين متى بتجي. مشعل:_ كالني في الطريج بس داق اشوف تعشيتو أو لا. ناصر:_ لا حبيبي على نويف الوسة ما بنتعشى كاهي تعبال كاتوها أم لسنا طويل. مشعل من سمع اسم نوف راح عالم ثاني و نسى عمه إلي على الخط ناصر:_ مشيعل مشيعلووووه وينك. مشعل:_ هلا عمي معاك. ناصر:_ أي معاي الله يهداك قول مع القلب. مشعل:_ ههههههههههههههه يا خي أستر علينا لا تفضحنا. ناصر:_ ههههههههههههههه الله ياخذ بليسك أقول يلا أرسع تعال و الله يوعان حدي مب مستعد أصبر أكثر. مشعل:_ من عيوني يالله في أمان الله. ناصر:_ في حفظ الرحمن. ناصر سكر التلفون و كان يظبط شماغه فجأة سمع صوت رعشه لا شعورياً كان صوت بنت ناعم حيل أول مرة يسمعه في حياته.... ......:_ لو سمحت أخوي. .................................................. ........................... هذا الجزء الثاني شنو تتوقعون من صاحب هصوت و من هذي و شنو رح يصير كل هذا في الجزء الثالث في انتظار تفاعلكم دوووم |
أتمنى من كل قلبـــــــــــي ينال الجزء أعجابكم و أنتظروني بأطلالة أخرة و معي في يدي إليكم الجزء الثالث .but4. تحياتي .. ريماني الفوارس .. |
شكراً يالغالية عالقصة،،
|
هلا أختي هدوب........ أتوقع الجزء الجاي رووعه....... عشان كذا لا تتأخرييييين علينا...... |
يسلمو على تفاعلكم الحلووووو و أختي $@قمررررالسعوودية@$ أنتي الأروع و الله يخليج في انتظار تفاعلكم الحلو إلي دوم ينور صفحاتي مثل ما عودتوني و الله يوفقكم اجمعين في الأمتحانات .but4. تحياتي .. ريماني الفوارس .. |
أختي هدوب........ أستعجلي بالجزء الله يعافيك............ |
من عيوني أن شاء الله بس يزهب الجزء الثالث ما رح أعطلكم وااااايد و الله يوفق الكل في الأمتحانات .but4. تحياتي .. ريماني الفوارس .. |
وااااو شكرا اختي هالجزء الرووعه..,
ننتظر الجزء الياااااااي.. |
يسلمو السراج على تفاعلج الدائم مع قصتي و أنتي الأروع بس صبرو علي أنا احين في نهاية الجزء الثالث و الله يعطيكم العافية أن شاء الله .but4. تحياتي .. ريماني الفوارس .. |
| الساعة الآن 03:01 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.