منتديات بنات دوت كوم - قصائد في العيد .. من العشاق

للعشاق حال في كل وقت

يتفاعلون مع كل مكان وكل زمان

حتى العيد

وانا بمى اني مفارقه اغلى واعز احبائي

احب اهديهم واهديكم هالكلمات الرااائعه

http://www.balagh.com/najah/images/116504.jpg

كــلــن نــهــار العيد عايد حــبيبه
والتم بشـمل اهـــــل القــلوب المـوالـيف
وانــا حــبيبــي غــايب الله يجيبه
ياحسرتي وان غلـق العيــــد ماشــــيف
مصيبتي يــاكبــرها مــن مصــيبه
لاشفت غيـــري في اناســـه وتكــيـيف
فرقا الاحــبه ياجــماعــه صــعيبه
تالي العهد بصويحبي العـــام فالصـيف
ياوين اشوف اللي وصوفه عجيبه
ويــلــي عـليـــه ولـو لـحــقني تكـاليف
ارب قـلبــي منــه يبري لــهـبـيبه
لااشــاهــده يـانـــاس يســتانس الكـيف
جعله نصيبن لي وانا مـن نصــيبه
هــذا مـنـى قـلبي ومـن غيـره امـعـيف
المســتريح الـلي حــبيبه قـــريبه
مـاهوب مثلـي عـيـشـته بـــالتكــالـيف
من لامني فالـزين ربي حســــيبه
تلوم قلبــــي في حســين التواصــيف؟
كف العذل ماطيع ماهي غـصـيبه
ماتدري ان راعي الهوى قلبه اصخيف؟

http://images.google.com.sa/url?q=ht...yueBZ1QaRyCkSA

يقول الأمير الراحل سعود بن بندر...في العيد

أقول في نفسي وأنا أعايد الناس
::::::متى بشوفك تكمل أفراح عيدي

أجامل وربي عليم ٍ بالإحساس
::::: وشهو شعوري وأنت عني بعيدي

اللي خذاني لك على سهو هوجاس
:::::: حسيت نفسي وسط ربعي وحيدي

لو حسوا بما بي يقولون لاباس
::::: بدال قولة على عيدك سعيدي

لاصرت عندي وقتي أعياد وأعراس
::::: حتى ولو إني وسط سجنٍ حديدي

عاشرت خلان وتخالطت بأجناس
::::: محدٍ سواك أهديته القلب بيدي !!

من تحت ما طا الرجل لي هامت الراس
::::: كلش هويته فيك والله شهيدي

لقيت بك ذوقي وأنا قاطع الياس
::::: ومعك بدا يحيا الأمل من جديدي..

العيد باكر ...... أسعد الله ممساك

والله مدري ويـن خـدٍ جلستـه

وين أنت ياللي عيدنا في محيـاك

كف القدر من ضيقة الخلق بسته

من يوم ما لوَحت لي كف يمنـاك

لليوم دمعـي بالخفـا ماحبستـه

ومن يوم ماذوقتني حـر فرقـاك

والياس زرعه في حياتي غرسته

شريت ثوبِ علـى شـان لقيـاك

والثوب راحت موضته مالبستـه

وشريت عطـرِ مازهانـي بليـاك

أربع سنيـن بعلبتـه مالمستـه

ودفتر قصيدِ كـل يـوم يترجـاك

مافيه يـومِ ماسهـرت ودرستـه

للشاعرة عابرة سبيل

للعيد فرحه وعبق خاااص

للعيد ذكريات وجمال ...

للعيد ذكرى تبقى وتبقى ..

وللعيد الام واحزان لدى البعض ..لايحسون به وبفرحته

فالشاعر صنيتان المطيري جسد ذلك ..

ياعيد مالك فرحة في عيوني
...............نسيتني مدري زماني نســـــاني
ماقَدْرت أفراحك تعانق شجوني
................. أحزاني أكبر من كلام التهاني
حاولت أجاري فرحتك وكشفوني
.............. لاجيت أبضحك مااستمرت ثواني
ياخذني الماضي وأصارع اظنوني
............... واراجع أيامٍ مضت من زمـــاني
أيام لوراحت حشا مـاتهونــي
................ نسيانها صعبٍ على من يعانـــي
ياليتهم يدرون من غالطونـــــــي
.................. أن الهوى ماعاد له عصر ثاني
وياليتهم يدرون من عايدونــــــي
................... أن الفرح ماله بقلبي مكـــــــاني
****************************************
وللهدايا ايضا طعم خاص في العيد
للشاعرة ينابيع السبيعي:
احترت أنا فالعيد شنوهو ابهديك
..................واحتار قلبي والقلم والقصيده
ورود.. قنينة عطر حرت انا فيك
..............رحت اسأل الاصحاب شلي تريده
كل الهدايا لو حوتها اياديك
......................مني فلا تبقى هدايا فريده
***********************************
لكن عندما يهل العيد يبتهي به الكل ويفرح به الصغير قبل الكبير ..
الشاعر عامر محمد الكناني:
العيد عاد وصبحنا زاد بانوار
...................وتبسمت فيه الليالي الجميلة
واستبشرت فيه النواحي والاقطار
.....................وكل يغني له بصوت يشيله
غنوت فرح ما بين زينات الازهار
.................فرحة بيوم العيد صبحه وليله
زانت مرابعنا.. وزانت لنا الدار
..............وتمايلت خضر الغصون الظليله
************************************

وهنالك دالية المتنبي التي قال فيها ...
عيد بأية حال عدت ياعيد

بما مضى أم بأمر فيك تجديد

أما الأحبة فالبيداء دونهم

فليت دونك بيداً دونها بيد

لكم كل التقدير ..

..... وعيدكم مبارك......

وعساااااااااكم من عووااده

:024: