منتديات بنات دوت كوم - وين شعب الامارات الكريم ؟؟شو هالبخل ؟؟؟

بسم الله الرحمن الرحيم

وصية بابا زاااااايد... الكل يدخل..

بسم الله الرحمن الرحيم

السلام عليكم ورحمة الله وبركاته

(( أماااانه يا جماعه ))

أمانه يا جماعه لكل من يقراها, يوصلها للي يعرفهم من شعب الامارات.. سمعت انا بهالخبر اليوم (برنامج
البث المباشر في اذاعه دبي ) .. وكواجب وطني مني وحباً في المرحوم ابونا وأبو الكل (( بابا زايد )) الله يرحمه ويغفرله ويدخله فسيح جناته (( قولوا آمين )) لزمٍ علي أوصل هالأمانه إلكم.. والقصه بما فيها كالآتي:

شاب قطري من عامة الشعب في قطر حلم في ليله من الليالي ان المغفور له بإذن الله الشيخ زايد بن سلطان آل نهيان, زاره في بيته وكان من السهل انك لو شفته تلاحظ على ويهه لمحة الحزن اللي كانت جدا واضحه عليه وقال للشاب القطري: ( يافلان أمانه أباك اتوصّل سلامي لكل أفراد شعبي,, كل أفراد شعبي وحتى أصغر عيالي.. كلهم.. وأمّنتك اتوصّي كل واحد فيهم يقرا علي الفاتحه) وظهر بابا زايد من عند الريال القطري.. والريال حليله يوم نش من الرقاد ما عرف شيسوي! كيف بيوصل سلام الوالد زايد لكل شعب الامارات؟؟! ف طنّش أخونا السالفه وقال انه مجرد حلم.. بس عقب كم يوم رد وحلم بنفس الحلم ونفس الرمسه.. والشاب القطري شاف ان هالشي صعب عليه فطنّش للمره الثانيه.. بس لما تكرر هالحلم مره ثالثه ماقدر انه يسكت عنه ولازم يسوّي شي.. وحس ان هالشي أمانه فرقبته.. ما عرف شالمفروض يسويه.. سار واتصل بمطوع في قطر وخبره بالسالفه.. ورد عليه المطوع انه ما لازم يتجاهل الموضوع وانها فعلا أمانه برقبته ويحاول انه يوصلهم سلامه بأي طريقه ويبلغهم يقرون عليه الفاتحه.. احتار أخونا كيف ممكن يوصل هالأمانه لكل فرد من أفراد دوله الامارات!! وحاول قدر الامكان.. سأل واستفسر لين أجمع اللي حوله على انه يسير للسفاره الاماراتيه اللي بقطر ويخبرهم.. وفعلا اتعنّى الريال وسار للسفاره وخبرهم بالسالفه.. طمنوه وقالوله ان شاء لله بنحاول انوصل الخبر.. بس حس انه مجرد كلام منهم عشان يرضونه.. ما ارتاح الريال لين سمع ببرنامج في اذاعه دبي في الامارات (برنامج البث المباشر الي يقدمه راشد الخرجي) وانه معظم هل البلاد يسمعون له.. فقرر انه يتصل براشد وينشر الخبر من خلاله.. وسعى اخونا وسأل ودوّر لين ما حصل رقم البرنامج.. وفعلا اتصل وخبّر "راشد" بالسالفه وقال كل اللي شافه في الحلم.. (( يزاه الله خير))

وانا الحين بدوري أحاول أوصّل هالرساله لكل من لم يسمع بهذا الخبر في الاذاعه.. أبلغكم سلامه واتمنى منكم جميعاً تدعون للوالد زايد بإن الله يغفرله وتقرون عليه الفاتحه مثل ما وصّى

اتمنى من الجميع قراءة الفاتحة على رووح الوالد القائد

المغفور له بإذن الله

زايــــــد بــن سـلـطـــــــــان آل نـهـيـــــــــــــــــــان

اصراحه وانا اقره الموضوع حزنة ان ابناء زايد يبخلون عليه بالفاتحه على روحه اطيبه عمره مابخل علين بشي ولا قصر بشي وقدم الكثير في حياته اشعبه كان يحبه من كل قلبه عمره بابخل بشي كيف نحن بخلن عليه بالفاتحه والله حرام يله كل ابناء زايد ولي يحب زايد من اليوم تبدون تقرون الفاتحه على روحه الطيبه

والله وانا القراء الموضوع وانزله دمعتي طاحته من القهر
والله انا مقصرين

منقوووووووووووووووووووووووووول

اتمنى كل شخص يدخل او يقرا الموضوع انه يقرا الفاتحه على روح ابونا زايد ..

وموتانا المسلمين ..

بِسْمِ اللّهِ الرَّحْمـَنِ الرَّحِيمِ

الْحَمْدُ للّهِ رَبِّ الْعَالَمِينَ *الرَّحْمـنِ الرَّحِيمِ *مَـالِكِ يَوْمِ الدِّينِ *إِيَّاكَ نَعْبُدُ وإِيَّاكَ
نَسْتَعِينُ *اهدِنَــــا الصِّرَاطَ المُستَقِيمَ*صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ
عَلَيهِمْ وَلاَ الضَّالِّينَ

صــــــدق اللــــه العظـــــيم