|
!! .. ثقب الأذن .. !!
السلام عليكم ورحمة الله و بركاته .. !! هالأيام البنات هابين في ثقب آذانهم أكثر من واحد .. !! بعضهم يقول : نمشي وره الموضه .. !! و يعني اذا قالت لج الموضة قطي روحج في البحر بتقطين .. ؟؟ و بعضهم يقول : نكون سبيشل .. !! بالله عليج شلون اصيرين سبشل وانتي قاضة ألف قض في أذنج .. !! و بعضهم يقولون : الغرب سووا فأحنه بنسوي - طبعاً يقولون المغنية الأجنبية الفلانية سوت .. و الممثلة الأجنبية الفلانية سوت - .. !! إذا كلنه سوينه جذي عيل كلنه بنصير - و العياذ بالله - مفاصيخ بسبة الغرب .. !! إذا قلدناهم في كل صغيرة و عودة .. !! صج أنه ثقب الاذن عادي نسويه .. بس كل شي زيادة عن الحد مو زين .. !! فحبيت آخذ رايكم خواتي في هاي الشي .. !! هل انتوا موافقين .. ؟؟ أو معارضين .. ؟؟ وليش .. ؟؟ و كالعادة أي وحدة تحب اضيف شي تتفضل .. !! أختكم : *Me* |
اهليين حبيبتي مي حبي انا مو معاارضه ولا شي .. بس حبيبتي كذا كل البناات يعني اكثر اقااربي البنات عندهم اكثر من وحده وهذا شي مو حراام و احناا مابغيناه عشان نكون سبيشل او نقلد مغنيه .. ! لا انا قصدي عن الكشخه بس مثلاً لو رحتي عزيمه تلبسين حلقين وهوو حلوو واناا ماني معاارضه ابداً عندي بالنسبه لي فري .. عاادي اصلاً مب حراام بس الزياااده لما تبالغين يعني تخرقين 5 او 6 او 7 خرماات هذا شي عجيب اماا 2 او 1 او 3 هذاا حلوو .. لكن لو اخرق 5 او 6 او7 عاادي بس شلكي مايطلع حلوو .. وخاصه للأطفال الي اعماارهم .. 10 او 9 سنين 9 هذاا شي يخرب حيااتهم يعني يخبون نفسم وهم صغاار؟ لاويين مب حلوو ولا لايق عالبنت الصغيره وانا عندي خرقه واحده بس بخااطري اخرق ثانيه ويعطيك العاافيه حبيبتي .. موضوعك رائع والله ودي اقيمك بس ما اقدر |
شهوده : أولاً أشكرج أختي على مشاركتج و تفاعلج و إبداء رايج في الموضوع .. !! ثانياً : اللي قلتيه لج مطلق الحرية في أنج تقولينه طبعاً لأنه رايج .. !! و آنه رايي أني ماحب هذي التقليعة .. !! يعني تعرفين .. !! و خاصة إذا جفت بنت خارمة لها عشرين ألف خرمة .. !! صراحةً و في رايي آنه آحسها شرشن .. !! و للأسف في بنات يعجبهم ذي الشي مع انه ماكان عاجبهم أول .. !! بس لنه صار شي عادي و الكل مسويه (( موضة )) .. !! يعني لو تيين مدرستنه مثلاً .. يمكن في الصف الواحد ( 27 ) طالبة .. نصهم مخرمين آذانهم جذي 3 أو أربع .. !! و هاذي رايي الشخصي طبعاً ، و لجميع الآراء سواءً كانت معارضة أو مؤيدة كامل الإحترام .. !! و أشكرج أختي مرة ثانية على مناقشتج لي .. !! أختج : *Me* :) |
تسلمين حبيبتي على طرح الموضوع.. انا عن نفسي ضد هالفكره و ما اشوف انه فيها شي مميز او على قولتهم سبيشل.. إلا انه هي فكره الناس فكرت فيها من كثر وقتهم الفراغ.. يعني بصراحه ما عندهم سالفه فاضين و موب عارفين شو يسون... |
رنوووي : شكراً أختي على رايج الصريح .. !! و آنه موافقة وياج .. !! و هاي نتيجة الفراغ .. !! أختج : *Me* :) |
الســلامـ عليــكمـ موضوعــ ولا ارووعــ يا ميــ تسلمــ الأناملـــ .. و ارايــ بالموضوعــ وعنيــ قض واحد يكفيـ و الله ذاك اليومـ جفت وحده قاضه 3 و حاطه بكلـ واحد ترجيه مدورة :char0055 :char0055 :char0055 كلشـ كلشـ كلشـــ مو حلــــــــو بالمرة كريه بس عاد يعني انا مرة قلت حق امي اقض بعد قضة قالتلي : قلبي ويهج احسن لجـ :wave: هههههههههههههه رد سريع و و أدي الغرض الموهيم انا ماقضيت ولا بقض ولا اشجع القض لأن الوحده تطلع جنه من ذيلاك اللي يخرعون الــــ goth لأن نفس ستايلهم و ثوكرا على الموضوع الحلو يا مي تسلم الأيــــــــادي ولاعدمناكـــــــــــــــــــ:headphone بدردر |
بدورة : شكــراً أختي على مجاملتج اللطيفة .. !! و طبعاً رايي نفس رايج .. !! و كل شي بإعتدال زين .. !! و شكراً على مناقشتج الحلوة .. !! أختج : *Me* |
هلا
اناا ابد مو معارضه لهدا الشي أحسه شي عادي بالعكس حلوو..! انا عندي خرقين وناويه اخرق الثالث طبعاً لاتقليد ولاشي ومشكووره مي على الموضوع ..:) |
احسه شي عادي..
بس مو لدرجه ان يكون اكثر من 5 .. بتكون طبعا سخافة.. سي ياا.. |
fathiah & RezA أشكركم خواتي على إبداء رايكم الصريح في الموضوع .. !! و صح كل شي زيادة عن اللزوم مو حلو .. !! أختكم : *Me* :) |
| الساعة الآن 12:06 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.